A Baña: Pleno ordinario do 7 de agosto de 2024

O Pleno ordinario da Corporación da Baña celebrado o mércores 7 de agosto de 2024 comezou cun minuto de silencio como mostra de condena e rexeitamento do asasinato machista ocorrido na Coruña. Todos os puntos da orde do día foron aprobados por unanimidade dos tres grupos políticos: destinar 215.186 € do POS+ Adicional a gasto corrente e outros 40.800 € a financiar obras de mellora nas dependencias municipais; sinalar como festivos locais en 2025 o 22 de xaneiro (San Vicenzo) e o 9 de setembro (Virxe das Dores); aprobar inicialmente a ordenanza reguladora de subvencións ou aprobar de forma definitiva a ordenanza contra a contaminación acústica, entre outros asuntos.