තොටගමුවේ ශ්‍රී රාහුල හිමි සහ මලක්කාව෴ Malaysia, Malakka.
Vložit
- čas přidán 23. 03. 2024
- තොටගමුවේ ශ්‍රී රාහුල සංඝරාජ මාහිමියන්.
මෞර්ය වංශයේ වික්‍රමබාහු පතිරාජ කුමරු පියා සහ කීරවැල්ලේ වංශයේ සීලවතී කීරවැල්ලේ කුමරිය මව ලෙස වර්ෂ 1408 දී, කුරුණෑගල දිස්ත්‍රික්කයේ දඹදෙණිය රාජධානියේ දෙමටාන නම් ගමෙහි ජයබාහු කුමරු උපත ලැබීය.
(කෝට්ටේ රාජධානියේ රජකල 6 වන පරාක්‍රමබාහු රජුගේ අගමෙහෙසිය වූ කීරවැල්ලේ කුමාරි ගේ වැඩිමල් සහෝදරිය ජයබාහු කුමරුන්ගේ මව හෙවත් සීලවතී කීරවැල්ලේ කුමරිය බව සදහන්වේ)
ජයබාහු කුමරුන් කුඩාකල දීම, මව අභාවප්‍රාප්ත වූවාය. එබැවින් ජයබාහු කුමරු හැදී වැඩුනේ 6 වන පරාක්‍රමබාහු රජු සහ අගමෙහෙසිය (ජයබාහු කුමරුන් ගේ පුංචි අම්මා) ගේ භාර කාරීත්වය යටතේ ය.
මූලික අධ්‍යාපනය උතුරු මූල රාහුල හිමියන්ගෙන් සහ විල්ගමිමුල හිමියන්ගෙන් ලබන ලදි. (එම හිමිවරුන් ජයබාහු කුමරුන් ගේ ඤාතීන් ද වේ)
එම හිමිවරුන් දෙනම, ජයබාහු කුමරු, වාචිස්සර රාහුල හිමි ලෙස පැවිදි කරන ලදි.
පැවිදි වීමෙන් අනතුරුව මූලික අධ්‍යාපනය සඳහා, ගාල්ල දිස්ත්‍රික්කයේ, හික්කඩුවේ තොටගමුව ගමේ පිහිටි විජයබා පිරිවෙනට ඇතුළු වන ලදි.
බොහෝ ප්‍රාචීන දක්ෂයින් බිහිකල මෙම විජයබා පිරිවෙන, පොළොන්නරුව රාජධානියේ රජකල පලමු විජයබාහු රජු විසින් කරවන ලද්දකි.
රාහුල හිමි විජයබා පිරිවෙනින්, සාහිත්‍ය, ප්‍රාචීන භාෂා, ත්‍රිපිටක අධ්‍යනය ගැන පුළුල් අධ්‍යයනයක් ලබාගත් සේක. එසේම ත්‍රිපිටකය කට පාඩමින් දේශනා කිරීමටද සමත් වූ සේක.
පසුකාලීනව, රාහුල හිමියන්ගේ සීයා වූ, උතුරු මුල රාහුල හිමි ත්, ගල්තුරුමුල හිමිත්, අනුක්‍රමයෙන්, විජයබා පිරිවෙන්පති තනතුර හෙබවූ සේක.
තොටගමුවේ ශ්‍රී රාහුල හිමියන්, ශ්‍රී ලංකාවේ පළමු සංඝරාජ පදවිය, 6 වන පරාක්‍රමබාහු රජතුමාගෙන් පිදුම් ලද සේක.
තොටගමුවේ ශ්‍රී රාහුල හිමියන් හා බැඳුණු පුරාවෘත්ත දෙකකි.
එකක් නම්, සිංහල සාහිත්‍යයට අනූපමේය මෙහෙයක් ඉටුකොට, වර්ෂ 1491 දී පරලොව සැපත් වීමයි. එසේම උන්වහන්සේ විසින් වැළදූ සිද්ධාලෝක රසය නම් ඖෂධය නිසා, උන්වහන්සේගේ දේහය නරක් නොවී කොණ්ඩය රැවුල නීයපොතු හිසකෙස් ආදිය මෘත දේහයේ පවා වර්ධනය වෙමින් පැවතීමයි.
මේ නිසා උන්වහන්සේගේ දේහය සාමාන්‍ය ආකාරයට ආදාහනය නොකර, විජයබා පිරිවෙනේ යම් කාලයක් තැන්පත් කර තබා, පසුව, වර්ෂ 1505 දී පැමිණි පෘතුගීසි ආක්‍රමණිකයන් විසින් ගාල්ල දිස්ත්‍රික්කයේ ඇල්පිටිය ආසනයේ ඇති අම්බාන නම් ගමෙහි ඇති, ඝන කැලෑවකින් වටවූ ඉඳුරුගිරි ලෙනෙහි තැන්පත් කර ඇත.
අනෙක් පුරාවෘත්තය වන්නේ,
තොටගමුවේ ශ්‍රී රාහුල හිමියන් විශ්‍රාම සුවයෙන් ගත කිරීම සඳහා, විජයබා පිරිවෙනින් පිටත් වී මොණරාගල දිස්ත්‍රික්කයේ ඔබ්බෙගොඩ විහාරස්ථානයට වැඩම කල බවත්, ඉන් වසර කිහිපයකට පසුව, මාතර දිස්ත්‍රික්කයේ, දික්වැල්ල ගමේ, ඉඳුරුගිරි ලෙනෙහි 1491 වසරේ අපවත් වන තුරුම වැඩ සිටීමයි.
මෙහිදී එම ගම්වැසියන් සහ පෘතුග්‍රීසින් අතර, ගල් ඔරුවක තැන්පත් කර ඇති තොටගමුවේ ශ්‍රී රාහුල හිමියන් ගේ දේහය ලබා ගැනීමට "ඇවිලුම" නමින් සටනක් සිදුවී ඇත.
සංස්කෘත ප්‍රාකෘත මාගධී අපබ්‍රංස ශෞරසේනි සහ පයිසාචි යන භාෂාවන් හය සහ සිංහල භාෂාවෙහි දක්ෂ බැවින්, "ෂඪ් භාෂා පරමේශ්වර, තොටගමුවේ ශ්‍රී රාහුල හිමි" ලෙස හඳුන්වා ඇත.
ශ්‍රී ලංකාවේ සිංහල සාහිත්‍යයේ මුදුන් කණුවක් වූ තොටගමුවේ ශ්‍රී රාහුල හිමියන් ඉතා අගනා සාහිත්‍යය කෘති ගනණාවක් රචනා කර ඇත.
බුද්ධ ගජ්ජය
උරුතුමාල සංදේශය
පරවි සන්දේශය
ගිරා සන්දේශය
සැළලිහිණි සන්දේශය
කාව්‍යශේඛරය
පැරකුම්බා සිරිත
පංචික ප්‍රදීපය
බුද්ධිපසාදිනිය
සකස්කඩ
මෞල සන්දේශය
යන ග්‍රන්ථයන් ය.
මෙහිලා, පරවි සන්දේශය ශ්‍රී රාහුල හිමියන්ගේ ප්‍රථමයෙන් රචනා කලාවූ ග්‍රන්ථය වන අතර, එයින් අරමුණු කර ඇත්තේ, උපුල්වන් දෙවියන්ගෙන් කරන අයැදීමකි.
" පලමු වන පරාක්‍රමබාහු රජු ගේ වැඩිමල් දියණිය වූ චන්ද්‍රවතී කුමරියට සුදුසු සැමියෙක් ලැබී, අනාගත රාජ්‍ය බාර ගැනීමට යෝග්‍යය පුත්‍ර රත්නයක් ඇයට ලැබේවා" යන්නට උපුල්වන් දෙවියන්ගේ ආධාර උපකාර පැතීම පරවි සන්දේශය තුල සදහන් වේ.
ජාතක කතා පොත් වහන්සේගේ සදහන් 400 වන ජාතකය වන්නේ, සත්තු හත්ත ජාතකය යි.
පරාක්‍රමබාහු රජුගේ දියණිය, උලකුඩය දේවියගේ ආරාධනයෙන්, සත්තු හත්ත ජාතකය පදනම්ව, කාව්‍යශේඛරය රචනා කර ඇත.
දත් කැකුළු පාලා
සුරතල් සිනා. සීලා
බොළද බස්. දීලා
කෙලී සියොළග දූලි ගාලා
යන ප්‍රසිද්ධ කවිය කාව්‍යශේඛරයෙන් ය.
👍😊
Invite to like and comment!
Sadhu 3X