Vložit
- čas přidán 29. 08. 2024
- #MM #旅遊止癮 // 走入沙田最靚屋邨 公屋竟有羅馬水池及廢墟？拆解點解山上屋邨有鐘樓！
如果要數沙田最美的屋邨，大概大部份「沙田友」都會推舉廣源邨。這個仿彿不屬於現代、不屬於新界沙田的村落，你又有否好好欣賞過呢？今集《MM屋邨遊》，我們散步到廣源邨，尋找新界的鐘樓、走入如羅馬般的鄉村小鎮、從錯綜複雜的走道感受建築師的設計。也從佈局、建築設計、以人為本及驚喜感四個角度，欣賞這條人稱最美的沙田屋邨。
策劃：陳靜雅 Chucky
攝影：陸紹泓 黃灝嵐 張志孟 許先煜 陸羽
剪接：黃灝嵐
監製：梁中勝
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 CZcams APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
廣源邨呢個地方其實係我細細個總會過門不入嘅地方，因為坐89D出九龍東，入隧道前總要兜上黃泥頭，成日覺得呢個地方好似好荒蕪，好神秘。
到之後有朋友邀請入廣源邨，先發現呢個咁有趣嘅地方。平時要出到旺區先會見到嘅鐘樓竟然係山上可以見到，覺得呢個屋邨好不一樣。
後來決定要做屋邨遊，廣源邨就係我第一個鐵定要做嘅地方。係做呢隻故仔嘅過程中，發現到好多建築師係規劃時候留低嘅心思，呢樣嘢就係散步，甚至係做故仔嘅樂趣。
好記得我拍攝前去pre-walk，逐棟大廈去行佢周邊究竟種咗啲咩樹木，當發現到真係有松樹嘅時候，
我係開心到大叫咗出嚟！冇諗過真係會有！然後好開心地周圍影相，好似去旅行發掘咗一個從來未到達過嘅地方咁。然後當日拍攝帶Apple去嘅時候，佢就好似當日我發現呢啲心思嘅時候咁興奮，我見到佢嘅興奮都覺得好開心😂
雖然廣源邨入面嘅設計究竟似唔似羅馬或者歐洲，真係見仁見智，但佢可以滿足到去旅行嗰種探索未知嘅意義。
所以結論真係，今集係一次浪漫嘅散步，希望各位源居民都得閒係邨到散吓步，得閒望吓樹、得閒行吓唔同嘅小路。
下集再見🤍
現在89D唔再兜上去廣源邨 只有幾條從九龍經過廣源邨巴士路線 82X 83X 281A 86 49X 85A
Apple問嗰棵係羅漢松 14:17
多謝MM同 @chuckyching6862 帶領遊走屋邨。
但忍唔住想講，希望唔好再請d大學講師講d「我覺得」既野，同埋真係要做好d資料搜集。其實最近港台同房委會拍左個節目＜安居＞，其中一集有請返廣源邨建築師（前房屋署助理署長江焯勳）講返設計呢個邨既意念，同呢條片訪問大學講師所講好有分別。之前睇恒安邨個集介紹已經怪怪地，希望尊重返退休建築師當年既貢獻，同埋唔好唔小心誤導左MM觀眾以為個d大學講師所謂「我覺得」就係真正屋邨設計意念。
真心想MM保持到資料豐富又追求真相既「報道」。如果真係搵唔到個條邨設計師，訪問當邨居民講下條邨威水史好過。
黎緊仲有200幾個屋邨，請繼續加油！
@JasonFungProduction 吓.......乜682 喺咪繁忙時間
@JasonFungProduction 吓............286M 改為繁忙時間 早上 下午 2班車 , 馬鞍山居民最擔心九巴眼見85M客量
gg 了，過多陣就會出現係小紅書上
然後過多陣就會上埋東張或者一線😂😂
棵羅漢松好可能係第一滴血
會多咗人分享浪漫
C姐真的正咗喎❤😂
死啦死啦，以後廣源餐廳都要排隊la
廣源近期最出名係麥記樓下個男廁，因為姜濤去過話污糟，然後就重新裝修過😂可能係全港公屋最靚嘅廁所
季前賽：姜濤的麥當勞在廣源邨
對😂多謝姜濤😂❤
最初開村時是有兩座一對羅馬柱，有一年打風應該係2000年附近吹倒了，現只剩下一支“遺址”！這裏還有種植了大樹菠蘿大樹，有結果實的時候，走過這條路遠處就會聞到大樹菠蘿的香味。羅馬柱背後商場裡面第一代店鋪是“大班粥” 其後第二代曾經做過“唯一麵家”就在“大班粥”的樓上店舖位。兒時細個，我婆婆成日帶我落去食大班粥同食隻飽足一日有糯米雞體積好大隻既裹蒸粽，想起都覺得好味回味，我婆婆在疫情初爆發期間高齡歲數安睡離開去天堂，說著就會想念婆婆❤另外，最後還記得的記憶，廣源邨郵局曾經推出過最後一代英女皇紀念郵票和1997回歸第一套發行郵票，是我婆婆單人匹馬去排隊要買給我收藏留念。
當時候排隊人數場面墟撼足足由上午時間排到傍晚還要找家人來輪流排隊，由郵局位置開始打蛇餅排隊排到廣源邨最山腳廣場位。
❤廣源邨感覺有少少“吊腳”，卻這裏可以留給居民很好的回憶❤️
代源居民多謝MM為我哋記錄咗廣源邨美麗嘅一面♥️（居住年齡：33年）
33年（揮手🙋🏻♀️
羅馬柱是被流浪貓使用的。
棋亭上圓形設計給攀藤植物使用，至於多條柱是因為要支撐植物嘅重量。繼續行上去康林苑。有驚喜。
難怪我經過呢條邨都有唔少流浪貓！
多謝你地黎❤
住咗呢區好多年都冇發覺廣榕有榕樹 廣松有松樹 有啲慚愧😂
不過一直都好鍾意呢度嘅紅磚設計同鐘樓 好signature
之前麥當勞廣告都有係度拍😆
雖然有好多朋友都覺得呢度好格涉
但其實去好多區都有巴士
又可以行去大老山搭車
出沙田市中心都唔算遠 生活機能幾好架❤
相比皇后山同駿洋嗰D，廣源真係唔算格涉，好多都可以一程車搞掂，不過好多車紅日就變得有D格涉，可能係因為要轉車。
季前賽的麥當勞都係喺呢度拍！
80後廣源大，廣源真係勁多野玩，上山有水塘，成日放學上街市頂玩，大晶個度有個傳說有鬼既地庫停車場，廣棉個水池會落去捉龜，上面個水池捉蝌蚪，大個左返去都充滿回憶
細個廣源大，住廣林，搬走左20年左右，上花心坑玩！
街市頂晾好多衫～
我都係80後廣源大，好多回憶❤
唔好話俾佢哋聽😂搞到我哋冇得上水塘玩
細個上花心玩 幾個小朋友行樹林 有個fd仆親果陣 捉住左係樹上面有個圈形既吊繩所以冇跌親 但起身佢望一望就覺得條繩有古怪 以後成班都唔敢上去
响廣源邨由細住到大，那些年要睇時間唔望錶，而係望向鐘樓，日日放學經過都覺得好正常，睇呢條片完全帶返啲童年回憶俾我
鐘樓睇時間睇嚟係集體回憶😂
初時同每棟大廈頂樓小花園一樣開放可以上去，後來安全原因先上鎖
我都係呀😂屋企一望出去就見到鐘樓😂
移民外國多年但屋企人住廣源附近所以每次返黎都會去廣源買嘢食嘢，每次我都慨嘆呢個村好外國suburb feel好舒服😆
小妹我就由細到大都係住廣源邨對面嘅帝堡城， 真心覺得廣源D設計好好，細個成日同我細佬喺廣源邨穿嚟穿去，好鬼過癮。 但係5講5知原來設計嘅時候有咁多心思，多謝晒 MM 介紹🥰
❤❤
好多謝你地黎廣源邨。
我自細就住係呢個區，由小學中學大學到做野，都係基本上係呢到生活。呢個邨既感覺好有趣，對比起一般屋邨，呢到係會有動力落「商場」到hea。就算係去大樹下面坐下都好舒服。呢個商場都真係應該要住係到既人先會知點行。（其實係有好多捷徑，錯縱複雜，係要花d時間先知點行最快lol）以前約friend係的確會講「鐘樓下等」。
對呢到最有歸屬感𠴱刻應該係山竹打到黎既時候。𠴱時兩條落山既路都俾樹封住，兩個巴士總站都冇車，的士小巴都唔肯上黎。但𠴱一刻先驚覺原來個商場乜都有（就係差一間譚仔同一間戲院lol），完全唔使落山都可以perform所有既function。仲有好多人一齊搬樹開條路出黎，𠴱一刻係有一個「local」既感覺。
番工番學好方便，去邊都有巴士，仲有廣源邨既穿梭巴士快速出港島（rush hour 30分鐘到舊灣仔警署imagine that...)。最正係放學放工番黎可以直接訓覺，反正都係總站先落。
廣源邨仲有一個好細心既位，就係主樓梯（最大𠴱條）間include埋條俾輪椅同行動不便既人用既斜路。（ 10:55會見到成個設計，11:07 後面個老人家行緊𠴱到）由最頂到最低都可以做到step free。呢個設計直頭係企係時代既尖端。唔破壞構圖之餘又真係好實用。
宜家移民左英國，真係好掛住廣源邨。呢到真係一個好正好正好正既地方去居住。好似一個sub urb咁，但又好易好快connect番urban area。
好多謝你地拍左條片，宜家終於可以有一條好既片俾自己去再次望下自己成長既環境係有幾咁靚。
ps希望唔好上小紅書。呢到好山旯旮架唔好上黎啊啊啊啊啊！！！！！
依加有譚仔喇（麥當勞側）
呢度咁多廣源人comments，您第一個提到早上去中環灣仔超乎想像之便利舒適。其實天涼唔怕行多幾步去大老山收費廣場（以家冇左「收費」的動作了），四通八達的巴士任你搭，無遠弗屆。
@@dorayoung2746 82x 未加價之前都會搭上去轉大老山，之後貴到離哂譜又冇轉乘優惠就乖乖地行上去了⋯⋯
利申：2000年小學生涯開始先住入呢區，所以唔算係資深小瀝源人，但都基本上體驗過哂佢交通既便利。
當年入住發現冇鐵路網絡仲係到怨父母，大個左，發現巴士總站係令自己可以喺巴士上安然大睡之後，先發現佢地所謂既「廣源交通好方便」。就算通宵喺旺角番黎，86S真接瞓到尾，唔怕過站😂
下次番去第一件事食個譚先！
8:13 古羅馬廢墟附近有大樹菠蘿❤
我都是廣源人住左3幾年
等到你地拍我條村 好靚發現自己住的地方❤
廣源邨其實好殘、好舊，一啲都唔靚，仲要周圍都係廢佬聚賭、周街屙尿、吐痰
千祈唔好引一班人9流流入嚟打卡，唔該😢
公道🤣🤣🤣
仲有恒生學生
@@zace114 會深夜喺度叫🤪
Iconic 的「羅馬廣場」附近的花草樹木種植得唔好（似荒山野嶺冇人打理的植物，真係有廢墟中的荒園feel，真係同「羅馬」呼應嘍)，非常可惜😕🥀本來條邨係應該好靚的😣
@@clee4771廣源街坊？🤔
喺廣源邨大，依家已經搬走咗好多年，細細個成日都好唔中意尼個商場冇冷氣，夏天熱死落雨又冇得遮，交通又唔方便🤣 依家睇返發現好多細個嘅嘢都估唔到仲喺度，不過細個其中一個比較深刻嘅記憶就係時不時就有人跳樓屋企人要我哋落街要兜路走🫠
係到住左成三十年，除左潮濕潮到爆 大廈漏水漏到成房爛曬 投訴左十年都無人整之外，其實都好好住
🤣😂
住左廣源30年 (出世到30歲😂）
由細係成個廣源周街跑到大
日對夜對真係唔覺有咩大特別
搬左出去 間唔中番去探阿媽先發覺廣源係有佢特別既美學
有D 你講既位（e.g. 座名對番D 樹，羅馬柱）真係咁大個人都無為意😆
多謝MM 報道我地條村
Touch wood 幾十年後拆左
都起碼有留下來的記錄❤
哈哈！我搬走咗你都未出世. 我以前住廣松嘅！
希望成為到一個紀錄😊
真係 唔講唔覺廣松樓有松樹😂
起鐘樓係想整一個小地標 等啲人知道廣源係係邊到 有返啲歸屬感
港英時代公共設施/空間都係用心用腦
只有少部分OK.我住果條村直情垃圾
住左30年先知原來樓下啲樹係有意思😂😂多謝你地，除咗馬騮連夜晚仲可以見到野豬😂
得閒經過望多啲😂
之前有一集講「選擇唔同方法，去同一個目的地」，廣源邨都可以做到。不過其實每日咁行真係好辛苦
住咗十年上上落落咁多次，沿路都有花草樹木拉近視線，就自然都唔會覺得好攰
但除咗去中間藥房嗰層之外，通常都係會排隊搭停車場部𨋢慳吓腳力😂
好掛住細個一放學 成班沖去文具舖（而家藥房位以前都係文具舖黎 dvd舖旁邊）一齊玩四驅車同爆旋陀螺，肚餓就去以前間士多買腸仔 魚蛋食
以前新城文具店前面成日好多人鬥金絲貓，我都有去士多買吱吱冰食
抽閃咭同買模型
多謝Mill Milk 黎我呢個長大成長既地方，有趣既係我依家先知原來唔同大廈既隔離係種左相應既樹😂 多謝你話我知
Me too 😂 陣間落街望吓有冇栢樹
希望下一集屋村遊，主持同街坊互動、交流一下，令內容豐富啲，有更大意義，不純粹是「個人意見節目」
多謝你嘅意見，其實我哋拍攝前都有同唔同嘅廣源街坊傾過計，了解條邨，將來都可以考慮吓更多形式
～
睇到英國政府當時起既公屋，例如勵德邨同模範邨，當時真係美學同實用需要兼備
再望下而家班智將提倡既簡易公屋，真係高下立見
你唔講下d咸水公屋？
只有少部分OK.我住果條村直情垃圾
@@lepetitchat123 邊條邨
@@chowbarry1547
26座問題公屋！
呢位設計師要讚
好多謝你哋介紹廣源邨，其實廣源邨仲有一個我們兒時會經常去嘅地方（花心坑），上面有好多驚喜😄
游水同捉魚仔😊
都黎過好幾次... 係去對面黃泥頭村探人！早年沙田發展空間大偏遠，政府會用心思設計外入願意入住！當年用料手工真係好好多！幾十年都冇甩皮甩骨又耐看！好有靈氣一個屋邨！
其實好差㗎，我起呢度做診所，商場廁所🚾好污糟，成日無水沖廁！成日唔開！管理處又話無辦法，村太舊！大快活有廁所🚾兩格，仲乾淨過商場廁所🚾！成條村好多樓梯，電樓梯又成日壞！老人家就慘！有啲斜路係比推輪椅♿️嘅人行！送貨人有時在村下唔就上到最頂，擺底啲貨唔要加錢就走！真係唔敢認同😮
商場個toilets真係幾恐怖。要去就去社區會堂嗰個，街市嗰個都ok
由小三住到而家，完全無諗過廣源邨個設計係咁特別，而家先知住左咁多年嘅地原來咁有特色
呢度可能仲係最大既香港非法賭場，之前每日過百廢老係度聚賭，比阿蛇捉完後仲有幾十人繼續聚賭，污煙漳氣
郵局旁邊
其實舊時房署設計商場、屋邨內水景同園景甚至係wayfinding system設計上用嘅字體同風格好多都好有心思同特色
以前真係花好多心思設計屋邨，唔同依家 btw真係好想知邊個設計師設計
我都係小瀝源街坊😂當年乜都無，等好耐先有麥當勞🍔😂
間中又有好多馬騮走落嚟
見過有馬騮係759偷野，跟住759就重新裝修🤣
多年前曾有機會到廣源邨一行，已覺得這屋邨別具一格，但那次到訪純屬路過，匆匆打個照面就離開，多謝MM帶我舊地重遊，仲要係深度遊！
絕對認同，沙田最靚屋邨一定係廣源
我由細住到大，雖然搬走左但仍然覺得真係最好住
同埋或者細個慣左唔覺，但人大左就明其實成條邨既設計真係好有特色
廣源邨由建築師江焯勳為首及其團隊聯手設計
建議兩位主持事前可先做些資料搜查，比喻 羅馬柱 原本數量同周邊設置和現在分別，大廈英文名稱來由不是意譯，這可以令內容更豐富充實。另其怪黑外套那位是建築師吧，怎會對圓形涼亭的設計原因全錯，也在沒了解下嘲笑 羅馬柱 的擺設，希望能好好多充實自身，共勉之
我係廣源友 ，住左 30 左右 ，佢地最抵死係有一條樓梯 佢哋用每層樓梯邊位的磚 砌左個士兵出黎，樓梯又剛係入村位 （好似守護呢條村咁）
其實個條樓梯係一幅鍾樓既圖案黎，定係仲有條士兵，哈哈
係鐘樓嚟㗎😂😂😂 不過依家有啲位求其換返上去，個圖案冇咁清楚喇
依個系列好正！
你哋真係好有心 - 好珍惜、好欣賞香港❤
廣源邨友報到👋🏻
到😎廣柏
到
到，我剛搬入去住咗半年唔夠，感覺唔錯！
😘😘😘😘😘😘😘😘
係度大，搬走過十年，因為囝仔讀書又搬返嚟
住左咁多年 都無諗過可以比喻住歐洲
依度最大缺點係落雨一定要開遮去買野
好多天橋式嘅屋邨好方便，但相對特色就少啲😂
原來嗰日見到嘅係你哋喺度拍緊片😂❤
嘩好懷念啊，以前係嗰邊嘅世界龍岡讀小學😂
座鐘樓以前冇鎖，細個成日走上去玩～
多謝mill milk 介紹，想講下鑽石山悅庭軒佢入面的設計都好靚好特別的，mill milk 團隊下次都可去拍攝下😂
由廣源邨落成就一直住到嫁人先搬走！經歷不同商舖同變化，細細個就會由第一期走到上山去玩！住喺度唔覺，搬走咗先發現廣源邨係好靚好靚！以前無嘢做點都會落樓下周圍行下！一到轉季仲會有花瓣散落嘅情景！多謝你哋話比邨民知唔同樓會種返佢嘅樹！❤
13:57 的比較似係南洋杉，而14:15的就係羅漢松
細個喺呢度留下咗好多腳印，但係自從搬走咗就好少嚟到呢頭😢
涼亭果個，係張捉棋枱插四條柱係旁邊擺明唔係設計錯誤，明顯係為左防止大家輕易聚集賭博😅 等於石椿有時唔係真係石椿，又有時專登將椅設計成唔好訓😅
依加只係個日久失修嘅老人邨 真係冇嘢值得吹捧
你應該入去停車場睇吓，呢個係其中一個屋邨最難轉彎嘅停車場，你會見到停車場轉彎位度牆全部花晒，因為好多車都轉彎時舐嘢，大架少少嘅車一般都要兩手呔先轉到彎去第二層😂😂😂
以前細個約同學仔都會直接講鐘樓等！Ky國世一！但驚會多左好多人黎打卡😢
作為沙田友喺廣源邨長大，呢度真係好靚☺️
好多好嘢都係在八十年代！
個設計真的好sweet!!
5:34 有次被google老點，坐車坐到去果附近，都好想影相，構圖幾靚
一句 講完 ! 廣原邨 ~ 全港最《 魔幻 》的屋邨 ! 全邨依山而建上下五六個行車入口，第一次送貨去一定迷路 ! ❤😂 ！❤❤!！😮😮😮
好錯綜複雜
作為一個由開邨已經係度住既源居民黎講,自己都唔覺得自己邨係咁靚...XD
只係覺得依樹唔係太方便,比較隔涉又美食荒漠
當初既設計而家都已經唔再靚 鐘樓有D合已經比D樹擋住 唔係點睇到
D野又日久失修 商場又露天露地 打風落全身濕
自細成日都想搬出去方便D既地方
不過再經妳地拍番依個地方,又會覺得有番D童年回憶
個自然教育徑已經荒廢左好耐,
好多植物同介紹佢地既牌都因為日月如梭風,
都係果句,經年和月既吹雨打同日久失修已經無左了
有冇人係沙田街坊啊！？🙋🏻♀️🤚🏻🤚🏻
By住咗20幾年嘅前街坊^_^
我都係沙田友
我住咗 33年啦
Hi😊廣源街坊，我都係度長大
頭先無答妳，我以前住廣源
36年既沙田柚😂😂
very sincere and provides a new angle and perspective to appreciate and understand the design of a public housing estate. I always just pass by this estate when I leave the hiking trail from MacLechose Route 5. I just have lunch there and then take a bus back to Kowloon.
下次可唔可以講吓以前啲人玩咩 例如東莞牌
唔止有馬騮，仲有好多野豬😂
嘩 野豬就遇唔到啦😂
終於有系列新片
多謝等待～
14:13 呢棵應該係羅漢松
好快被人斬
當年我第一份工就係廣源邨鐘樓前間藥房做，個老闆成個鍾無艷咁，記得嗰時臨近新年要清潔，佢叫我掃同抹放啲豆既地方，當搬晒啲豆落地 我眼見袋低有好多平時跌落既豆同夾雜住好多老鼠屎，諗住掃咗佢 ，點知個老闆叫我留返黎，一蚊一斤賣俾上面間糖水鋪用黎煲喳咋糖水😂我從此之後二十幾年冇食過喳咋。
笑死我😂
我住附近，在入商場硬性要戴口罩掃安心嘅日子，我不能入
廣源邨食嘢買餸購物，因一入邨成個就都算係商場範圍。😢
細個返學放學都會喺廣源邨入邊跑來跑去 完全冇留意過其實係有咁多咁靚嘅設計😢大個搬走咗之後好掛住呢個地方
香港D樹同植物生得又綠又茂盛,其實真係好靚😍
得閒望多啲周圍嘅樹～
公屋嚟過，大眾廣場，有空間。又免費。又有小區消費，有綠化。好過私樓嘅會所。以沙田區廣源邨空間大，樓與樓之間有空間，不會系屏風樓，通風又舒服。
原來廣源咁靚。
PS. Chucky都好靚
將舊屋邨講到似羅馬 , 佩服内容創作者 , 天馬行空創意😂
舊時屋邨設計確實用心好多，而家嘅無得比。
石硤尾主教山
全部都係樓梯，樓梯，樓梯.....落雨天落樓下商場買嘢都要擔把遮嘅公屋應該都冇幾多個
Used to live here 6 years ago but now moved to uk, this is giving me nostalgia😢
第一次到呢條邨都覺得好特別，原來香港有咁靚屋邨，好似去咗外國啲小鎮咁😀
南洋彬和羅漢松也是松樹科
長知識了！謝謝分享～
大約係20年前的美麗回憶了
依D先加設計....唔係下下都要似蛇...九龍城新果個球場反光到唔會想係佢旁邊住....連工作都唔想
慚愧，住咗2x年都唔知有個羅馬廢墟。
古人常說 “人傑地靈“，優秀的屋邨設計似乎也影響居住的人？
感覺舊式屋邨空間感好一點，壓迫感少一些，居民也没有暴戾，少一點衝突
可惜政府財赤，要在平衡財政加快建屋，和 增加空間改善住屋環境 之間作出取捨。
唔好玩啦，以前在該區工作，啲人職員同「客」伏到你暈
靈感可能來自Maurits Cornelis Escher
環境真係好靚，估唔到香港有個咁靚的屋邨。
Apple幾似呀儀
住過呢度14年，個鐘樓從來無開放過比閒人入去的😂。鐘樓個石椅經常有雀屎唔想坐🤣
松樹好似一個人等緊你返屋企 🤣 多左啦
多謝！
多謝支持！
好想知18區都有啲咩靚公共屋邨，之後可以投票😆
啱啱喺連登睇到一個po叫作嚴選十八區最劣屋邨😂
@@user-vo8oq1zl6z 都拆得7788
确实很浪漫的地方😊
有咁靚嘅設計，理應對邨民係一件好事，但可惜嘅係政府完全唔上心去keep好個quality，令到有D牆、磚都甩皮甩骨，而且個鐘樓有樓梯又唔俾邨民或區外人上去參觀內部，根本係浪費晒成件事，仲有個冇水兼有樹嘅噴水池...
至於個廢墟真係好多餘，與其都有柱，點解唔砌上喺邨嘅入口或商場入口，而係起喺唔顯眼嘅地方上，完全係嘥公帑起嘅無用裝置藝術，D斷柱如果擺喺公園都好D，都叫做美化。
只能夠講香港嘅屋邨，真係得個樣，浪費晒資源同設計，CLS。
好慘，跌咗落去執唔返，唔好以為係高空擲物
期待
呢D係屋村凸色
嘩中記文具仲係庋
老世已經轉左人,而且而家賣D野好垃圾
It arouses my very bad work experience in a primary school. Parts of staff and pupils sucked. My unhappiest life time was from there last year. Finally, most of normal staff quit that school last summer after my leave. I know still most of the residents are innocent but I really had a bad feeling there.
四寶？？
紅磚好有feel 🧱
我係開荒牛牛呀🎉
下一集 可以去埋沙田嘅穗禾苑
正😍
我長大既地方