La marcha di rèi (Nadau Provençau) Chant de Noël Provençal - La marcho di rei

[OC-Classique]
De matin, ai rescontrat lo trin
De tres grand Rèi qu’anavòn en viatge ;
De matin, ai rescontrat lo trin
De tres grand Rèi dessus lo grand camin :
Ai vist d’abòrd, de garda-còrs,
De gent d'arma amb una tropa de page ;
Ai vist d’abòrd, de garda-còrs,
Toti d'aura dessus si justa-còrs.
Li drapèu, qu’èròn segur fòrt bèu,
I ventoliet servien de badinage ;
Li camèu, qu’èron segur fòrt bèu,
Portavon de bijos toti novèu ;
E li tambor, pèr faire onor,
De tèmps en tèmps fasien brusi son tapage ;
E li tambor, pèr faire onor,
Batien la marcha chascun a son tor.
[OC-mistralenc]
De-matin,
ai rescountra lou trin
De tres grand Rèi qu’anavon en vouiage ;
De-matin,
Ai rescountra lou trin
De tres grand Rèi dessus lou grand camin :
Ai vis d’abord
De gardo-corp,
De gènt arma em’uno troupo de page ;
Ai vit d’abord
De gardo-cors,
Touti daura dessus si justo-corp.
Li drapèu,
Qu’èron segur fort bèu,
I ventoulé servien de badinage ;
Li camèu
Qu’èron segur fort bèu,
Pourtavon de bijou touti nouvèu ;
E li tambour,
Pèr faire ounour,
De tèms en tèms fasien brusi soun tapage ;
E li tambour,
Pèr faire ounour,
Batien la marcho chascun à soun tour.
Dins un char,
Daura de touto part,
Vesias li Rèi moudèste coume d’ange ;
Dins un char,
Daura de touto part,
Vesias bria de riche-z-estendard ;
Ausias d’auboues,
De bèlli voues
Que de moun Dièu publiavon li louange ;
Ausias d’auboues,
De bèlli voues
Que disien d’er d’un amirable choues.