Sianmang Angsung ah ~ Lianlunching & Ching Mangte

#PaiteGospelSong#
Covid - 19 pandemic ziak in sihna tampin i tuak a, i ki thuak pih chiat lai un koppih ki it takte, Unau laizom te, nu leh pa te, sanggah lel liang dia sihna a ki khen na a na tuakte thuak dan a tuam mahmah ding hi. Sihdan ngeina a luang khoih a, tutpih a ki kah theih lah hilou, ki khen dan lamdang tampin i na tuak uh a, poi lawtel. Hiaite kana ngaihtuah thei law sam a, en ngamlou, hisap ngamlou a ka om hun a tam hi.
Himahleh i lametna eite a din han a hihlouh dan, tong ki sang hetlou a hon paisan te toh "Sianmang Angsung ngei ah" lungtuak tongdam i ki sang dia, huai mun a KAHNA, DAHNA, MAUNA tengteng pel di hang a, vandum khen a i Toupa kiang tut khawl sam hun di ngaihtuah thak in, Sian aw na gam ka ngai hi chi a leitung hinkhua zang chiat din i ki hanthon ahi.
God bless us all🙏
------------------------------------------------
Sianmang Angsung Ah
@ Lyrics: Ching Mangte
@ Asa: Lianlunching & Ching Mangte
##Sian aw na gam ka ngai ngei e
Ka lei hun kum bei chiang
Nasiang tutkhawl sam ning
1. Kahna gam kapelding
Mauna hun paikheng ning
Khitui luanna pel in
Dahna abei ta ding
Vangam nuam ah
Khitui luan louh nagam
Kahna omlouh nagam
Natna teng bei tading
Khenlouh thangvan ka ngai
2. Phamna'n itluat vontawi
Damlai koppih itpen
Tunzua toh gibang khen
Simlei a haksa ngei
Kahna gam zaw
Hizong I lametna
Han ah vuiliam hilou
Tun gibang kikhen zong
Sian ang dawn bang tuak ning
3. Kahtam loh bangmoh ing
Sinlai nat dam theilou
Banzal hon khaknuam zong
Zinmang henkol bun bang
Honlawng moh ing
Sihna kongkhak hong in
Sianmang siang zuan hizong
Phamna vontawi lel liang
Naubang kah bang moh ing
4. Sian aw vandum khen ah
Dawn bang kon tuak ngeiding
Lei gimhuai nuai siah in
Lungdeih teng Kim tading
Van gamnuam ah
Tuachiang ka itluat te
Deihtong lel chim louh te
Sianmang angsung ngei ah
Lungtuak tongdam sang ning