S5E3 - قياسات المياة وشرح مصطلحاتها

احنا هانتكلم شوية فى موضوع الميه المعينة ده و نمسك عناصرها واحد واحد ونعرف دا عبارة عن إيه
يمكن الموضوع يكون دمه تقيل شوية و طويل جداً و مافيهوش صور و فيه مصطلحات غريبة ماعرفتش اسمها إيه بالعربى فاضطريت انى اترجمها حرفياً من جوجل ... بس و الله موضوع مهم جداً .... هاقول لكم ليه....!!!
المياه فى الطبيعة عمرها مابتبقى مياه صافية بنسبة ١٠٠ ٪‏ ...... بيبقى دايب فيها أملاح و معادن و عناصر غذائية و حاجات تانية كتير و دا بيختلف حسب البيئة المحيطة بالمياه ..... و كل الكائنات سواء كانت زرع أو سمك أو كائنات تانية أخدت ملايين السنين عشان تتكيف مع البيئة دى ... لو أنا غيرت البيئة دى ممكن السمكة دى ماتستحملش ... و حتى لو استحملت عمرها ما هتكون فى أحسن حالاتها.
كل دا غير بقى و قت الكارثة لا قدر الله تشوف السمك بتاعك تعبان و بيموت قدام عينك و انت مش قادر تعمل له حاجة
و آخر ماتغلب تحط صورة الجثة على النت و تسأل إيه السبب ....؟؟؟!!!
و خد عندك ٩٠٪‏ إجابات غلط و ١٠٪‏ إجابات صح و ممكن تكون بالصدفة كمان و خصوصاً لو مش باين حاجة على شكل السمكة أو تصرفاتها قبل ماتموت لأن المشكلة هاتبقى فى المياه و المياه فى حوضك انت ...
فلازم تعرف إيه اللى بيحصل فى مياه الحوض عندك..
فيه أربع مقاييس أساسية هى اللى بتتحكم فى خصائص المياه و هى :
درجة الحموضة PH ، السعة التخزينية أو القلوية KH ، عسرة المياه أو الصلابة GH ، و المواد الصلبة الذائبة TDS
دا بالإضافة لبعض مقاييس فرعية زى المواد الغذائية و مجموعة العناصر المضادة للأكسدة أو زى مابيتقال عليها العناصر الصغرى... تعالوا نتكلم فيهم واحدة واحدة عشان الموضوع يبقى أوضح :
درجة الحموضة PH
----------------
البى اتش هى درجة قياس حموضة المياه ..... درجة تعادل المياه هى ٧ .... لما يبقى PH = 7 بتكون المياه متعادلة .... لو أقل من ٧ تعتبر المية حمضية ..... و لو أكتر من ٧ بتعتبر قلوية.
عند درجة بى اتش 5.5 بتكون حموضة المياه عشر أضعاف من حموضة المياه عند درجة 6.5 و دا معناه ان أى تغير و لو بسيط بيأثر فى المية بشكل كبير.
يعنى تغيير البى اتش بشكل مفاجئ و كبير ممكن يسبب ضغط على السمك و يوصل للصدمة حتى لو هاتغير من الأسوأ للأفضل ... أكتر من 0.3 PH فى اليوم بيعتبر ضغط على السمكة .... فأحسن حل فى حالة تغيير البى اتش هو الاعتماد على الطرق اللى فاعليتها بطيئة نسبياً.
لو درجة البى اتش عندك مابين 6.5 و 7.5 أنت كدة ضمنت انك تقدر تربى نسبة كبيرة من السمك الموجود فى الهواية
فيه سمك ممكن يتأقلم معاك حتى لو خارج بيئته و فيه أنواع حساسة مش هايستحملوا .
- تقدر تقلل درجة البى اتش ( تزود حموضة المياه )عن طريق الخشب الغاطس ، الأوراق المجففة زى ورق اللوز الهندى و ورق الجوافة و ورق التوت .
- من أضمن الحاجات اللى بتقلل البى اتش هى ضخ ثانى أكسيد كربون فى المياه.
- فى منتجات جاهزة PH- بتتباع بس بتزود الطحالب بطريقة يصعب ساعات السيطرة عليها.
- لو عايز تعلى البى اتش ( تقلل الحموضة ) ممكن تحط ميديا فى الفلتر زى أصداف القواقع ، الشعب المرجانية أو كسر الرخام .
السعة التخزينية أو القلوية KH
------------------------
الكى اتش KH مسئولة عن تركيز الكربونات أو البيكربونات فى المياه و تعريفها هو قدرة المياه على تخزين مواد تحافظ على درجة الحموضة فى المياه ..... عارفين تجربة الخل مع كسر الرخام ؟؟؟؟ الرخام بيمتص الأحماض و يتفاعل معاها فبيقلل نسبة ان الحموضة تزيد (يعنى بيزود البى اتش 🤔🤔يبقى كدة ال KH و ال PH مربوطين ببعض ) عشان كدة الناس بتقول لك ماتستعملش جرش كسر الرخام لأنه بيتفاعل مع المياه و بيرفع البى اتش.
المياه الصافية تماماً زى اللى بتطلع من الفلتر ال RO بتبقى تقريباً فيها زيرو KH فبتبقى أكتر عرضة لهبوط ال PH
و زيادة الحموضة فى حالة ان كمية أحماض بسيطة تتضاف للحوض لأن انت كدة تبقى شيلت المادة اللى بتمتص الأحماض .... عشان كدة لو هاتستعمل ميه RO لازم تخلى عينك على ال PH و تقيسه كل اسبوع على الأقل ..... و يفضل لو هاتحط مياه RO تزود عليهم شوية ميه حنفية عشان تضيف للمياه جزء بسيط من الاملاح و المعادن .... أو تضيف انت المعادن اللى هاتحتاجها بس كل دا لازم يبقى بحساب.
عسر المياه أو الصلابة GH
---------------------
الGH اختصار لGeneral Hardness ترجمتها الحرفية الصلابة العامة للمياه و هى عبارة عن نسبة تركيز الماغنيسيوم و الكالسيوم فى المياه ..... دايماً تسمعها لما تيجى تقرا عن سمك زى السيكلد لما يقول لك انه محتاج يعيش فى Hard Water يبقى كدا محتاج GH عالى .
لما أجى أقول لك حط قشر بيض فى الحوض عشان تزود الكالسيوم فى الحوض بس خلى بالك انه بيرفع ال PH
قشر البيض بيحتوى على مادة كربونات الكالسيوم ..... كربونات الكالسيوم دى عبارة عن كربونات (بترفع الKH)
و كالسيوم (بيرفع الGH ) و بالتالى بترفع الPH فى المياه .....
يبقى كدا ( PH,KH,GH) التلاتة مربوطين ببعض يعنى صعب انك تغير حاجة منهم من غير ما تغير الباقى ....
المواد الصلبة الذائبة TDS
--------------------
الTDS اختصار لTotal Dissolved solids و ترجمتها الحرفية هى إجمالى المواد الصلبة المذابة
طبعاً بعد كمية التفاعلات اللى اتكلمنا فيها هايبقى فى مواد صلبة كتير بتدوب فى المياه و المواد الصلبة دى عبارة عن أملاح و معادن و مواد تانية و وحدة القياس ليها هى ال TDS
رابط صفحة الفيسبوك :
/ theegyptianfishtalk
رابط جروب الفيسبوك :
/ 182515998949772
رابط جروب الفيس بوك لمشاركة الاعضاء :
/ 336732736733167
حساب الانستجرام :
/ mohamed.zaher.14
#يوميات_سمكاوي
#تربية_اسماك_الزينة
#Origins

[@_fischaufarabisch294]

مفهوم طبيعة ونسبة الأملاح وحمضية المياه متعة جميلة يتخوف منها اكثر المربيين ويعتبروها معضلة صعبة وتحتاج جهد لكن حتى يجهلو فائدتها لما يجهلو الأستقرار الي لازم يكون في الحوض ان انت في البداية لازم تربي المياه وليس تربية الأسماك
اخيراً ك عرب اليوم عندنا زاهر الي يتعب حتى يوصللنا الفكر الصحيح والمعلومات الغنية الي محتاجها الكثير
شرح رائع و على مستوى رقم واحد في مفهوم تربية الأسماك في الوطن العربي ♥️🔥💙👍🏻🤍

[@omarsy112]

انتو احلى قناتين انا متابعكم مع بعض ومفعل الجرس ومستني كل جديد منكم 😘😘♥️🌹🌹

[@zakariaalialgbara8862]

👍🏻👍🏻👍🏻👍🏻👍🏻

[@user-vq2hf9ok7v]

👌🏻👍🏻👌🏻

[@user-nj9yc4wn5z]

كأنه الي فـ قلبي 👍🏻👍🏻👍🏻

[@ehabeid903]

دايماً أقول كلمة انت مربى مية مش سمك دى

[@gamalosman1158]

اولا الحلقة من أفضل ما قدم محمد زاهر
ثانيا بشكر كل الجروب القائم على المحتوى حاجة مشرفة جدا وان شا الله مزيد من التقدم والنجاح
وخاص بالشكر محمد بك زاهر مجهود كبير جدا ومنتظر منك المزيد 👏👏

[@yasseralqassab8551]

معلومات قييمة وشكرا لمجهودك وجزاك الله خير ..استمر وفقك الله

[@mahmoudnada4651]

The channel is just getting better and better every season

[@xeylf]

الانترو الجديد رهيبب و التقديم ارهب و الباك كراوند لا توصف شي من الاخر فاخر

[@ahmedg5266]

الله يجزيك الخير و يرحم والديك.. الشخص الوحيد اللي عنده محتوى عربي عن الهواية .. بعض الفيديوهات تحتاج اختصار اكثر .. بالتوفيق.. استمر ❤❤

[@makocs]

حلقة مهمة وبتدخل الهواة الجدد في عالم ال محترفين شكرا ليك و لفريقق الرائع

[@lahssinikarima4505]

شكرا جدا على المعلومات الرائعة
تغيرت نظرتي الى الاحواض المزروعة بعد فيديوهاتك الجميييلة شكرا أتابعك من المغرب، تحية لمصر الحبيبة.

[@MLKAL3ZAB]

شرح جميل كل الاحترام

[@jeta010]

ما شاء الله الله ينور هو دا برافووووووو استديو شيك احترافي مع معلومات علي مستوي احترافي ربنا يحميك
انتاج مصري محترف يدعو للفخر

[@MahmoudAhmed-nh5hg]

عالمى من يومك، انا استفدت كتير بصراحة

[@sherifelmeslemany8838]

أنا بشكرك جداً على الحلقه ديه .. أنا تقريباً بقالي سنتين مستنيها. ربنا يجزيك خير يا زاهر أنت و فريقك المحترم، معلومات قيمة جداً و مجهود واضح من فريق العمل.. بشكركم جميعاً تاني و إن شاء الله يكرمكم و يقويكم على اللي قادم

[@ammarhasan5822]

عالمي يا زاهر
بسم الله ماشاء الله

[@khaledazmy4355]

موسم أن شا الله راءع محتوي ممتاز باحترافيه .مجهود كبير .ربنا يوفقكو

[@bettaaquarium9391]

بجد حلقه جميله شكرا جدا يا استاذ

[@ahmedalwahdani]

حلقه فخمه جدا جدا
يسعدلي مسائك بالورد

[@islamkoretum530]

السلام عليكم
تطور مذهل
فعلا اكني بتابع فيديو اجنبي محترم
بل احسن كمان لانه بالعربي لواحد فاهم وفريق حابب اللي بيعمله وكلهم عايشيين معانا فعرفين ايه الممكن وايه اللي مفيش منه عندنا
برافو يا شباب الله يكرمك ويزيدكم ويجزيكم الخير

[@omarrayyan6398]

الفيديو روعة 😄

[@MohammedAbdullah-zy9bd]

جزاكم الله خير الجزاء في الدنيا والآخرة

[@diyaamali5351]

ماشاءالله شرح رائع

[@TheMedhat1000]

احسن واحد ابو الزهور و شركاه

[@tamershawky2506]

شكراااا.. بالتوفيق 👍

[@ajtube5375]

ممتع جدا

[@user-nv3zz6ko1t]

عاااااش❤️♥️❤️❤️❤️

[@user-gp8yk6hz3v]

والمحتوا افخم

[@user-gp8yk6hz3v]

المقدمه فخامه

[@user-zg2kq7xi4n]

كبييييير 🔥🔥🔥

[@mohamedalhag5675]

Wonderful...

[@fanjoex1866]

تالت لايك علي التوالي

[@EgyptionSMART]

حلقة دسمه جدااااا ...و مهمه جداااا
ربنا يجازيكوا بالخير

[@azaldeen97]

اول يسطى

[@xeylf]

الاااافضل

[@tamamrekab790]

شكراً على المعلومات المفيدة ياصاحبي
ونصيحة ابقى خلي focus الكاميرا manual عشان ماتتحركش.
متابعك انا بالتوفيق 💚🐟🐡🐠

[@shrimpworld3282]

👏🏻👌🏻

[@yahyaalraimy1578]

ممكن تشرحولنا فوائد اضافك الملح الانجليزي وكربونات الكالسيو على ما سبق والدوسنق تبعهم؟؟؟

[@jo-xe7rp]

الله 😂🔥❤️

[@ahmadiraqy5365]

شُـگـ{τħᎯɴκȘ}ــرآآ~🌹 معلومات قيمه جزاك الله كل خير

[@user-eq7ru3rh2c]

الله ينور عليك يا دكتور بتفكرنى بالدكتور حامد جوهر بتاع برنامج عالم البحار حضرته لعند النهارده الراجل ده مش طالع من ذاكرتى وهو الى خلانى احب البحار والاسماك
بقولك الحوض الى وراك الى فى العالى ده نافورة ولا شلال ولا حوض بحس انه شباك
تسلم يا زيزو

[@user-hr9uk1pe3v]

👍👍❤❤

[@karimgooda6553]

❤❤❤

[@user-gp8yk6hz3v]

❤❤

[@tonygeorge1974]

معلش سؤال
سمكة مولي بعد ما بتولد بتموت اية الحل علشان اتنين ماتو بنفس الطريقة وشكرا

[@nemergnaim3338]

استاذ يا زاهر استااااااااااذ

[@TheEgyptianFishTalk]

❤️

[@user-ix7ic2xy6s]

هو حضرتك مش نازل اسكندرية عند معرض الاستاذ روميو

[@c.coptannavy7698]

معلش ممكن الفيديو يدخل في الشرح على طول من غيرتقديم طويل جدا عشان كل فيديوهاتك مهمه جدا ومعلومات مفيده للمتابعين واسف على الطلب ده

[@ahmedelsakhawi7862]

جميل بس كان لآزم تقول لنا الباراميتر بتاع ماء الحنفية فى مصر

[@Amine_30]

طيب هو الشرنب النيوكاردينيا يحتاج GH كام

[@TheEgyptianFishTalk]

6-8

[@majed_ben_ali]

سمك الانجل كم نسبه ph و kh و gh

[@sy-ng5qp]

صديقي الطعام من شركة Jbl هل هو نوعية ممتازة او لا

[@TheEgyptianFishTalk]

ممتاز جدا طبعا

[@user-np5vp9vr2p]

هو الضفدع بيتجاب منين

[@minanagi5203]

اي حد بيشتري سمك وبعد فترة بتلاقيه يموت لوحده والسبب الناس مش عارفاه فترجع تقول هو السمك كدا عمره قصير 😂😂 .. وطبعا الناس مش عارفة ان كل القياسات اللي اتقالت في الحلقة لو حاجة فيهم بس مش مظبوطة او مش مناسبة للسمكة هتموت السمكة لا محالة....

[@ahmedaloka1880]

الكلام يمشي علشان بتتكلم مع هواه من جميع الطبقات الفكريه بس يعني الكلام مش دقيق اوي
دا مش تعليق سلبي
انا بحبك جدا والله

[@faresturki3531]

السلام عليكم, بالله أنا هاوي جديد ومن متابعينك حاليا أنا في منتصف الدورة البيولوجية بالضبط في اليوم 13 من الدورة النيتروجية. كيف أستطيع أن أتأكد من المسار الصحيح للدورة وأنا ماخذ شوية مقاسات من مياح الحوض فطلع عندي بالنسبة ل TDS فى أول 3 أيام 983 و في اليوم العاشر 730 أما بالنسبة ل PH فهي ثابتة على 8.6. فبماذا تنصحني؟ ومتى أقدر بدأ زراعة الحوض؟ ومع ألف شكر
ورجاء ولو تسمح تراسلني بإسم صفحة الفايسبوك متاعك بحثت كثير ومطلعتليش
مع العلم أنا ناوي أسمع كلامك في تربية الجوبي ولاكن بعد ما أتأكد إن المياه تربت كويس على قولك.

[@omarrayyan6398]

أنا عندي جهاز الTDS

[@zaid-r-h96]

وعندي في حوض ثاني غوبي مع فراخه لاكن الفراخ نموهم بطيئ جدآ رغم اني اعتني بتغذيتهم اخوك من العراق إذا أمكن أن تفيدنا بمعلوماتك وشكرآ

[@TheEgyptianFishTalk]

راجع مساحه الحوض واذا كان عددهم كبير في ولا لا وواظب علي تغيير المياه الجزئي ٢٥٪؜ بمياه بدون كلور ودرجه حرارتها مماثله لدرجه حراره الحوض كل ٣ ايام والاكل ٣ او٤ وجبات يوميا للفراخ

[@mustaflo1336]

زاهر ليش ما تسوي تقييم لاحواضنا ترا رايك يهمنا

[@user-cm1uc9gu5n]

محمد حسن شعبان 🌷🌷🌷🌷🌷🌷🌷🌷🌷🌷💖💖

[@user-yh3kx3ee8s]

هل يمكن وضع قرص كالسيوم لرفع Gh

[@TheEgyptianFishTalk]

قصدك قرص دواء بشري ... لا معتقدش صح 😅

[@user-yh3kx3ee8s]

@@TheEgyptianFishTalk ليه فيه ناس بتخلي للجنبري

[@mustaflo1336]

صح انو المولي ما يتحمل بي اتش حامض بس انا اخاف انو ارفعه لانو ابسط امونيا ممكن تفرتك السمك فصح انو البي اتش مو احسن شي لها بس أحس انه امن اكثر

[@user-je8gf9jy5q]

العب يا سمك

[@abdallahyasser829]

هى فبن زريعة الفايتر

[@TheEgyptianFishTalk]

مشيتها من زماااان

[@user-zg2kq7xi4n]

محمد بدي أسئلك ليش ما بترد على الخاص
بعثتلك كزا مرة مرديتش
ارجو الرد وعدم التجاهل

[@TheEgyptianFishTalk]

مانعين والله الموضوع ده يا براء الاسف ❤️❤️
لكن انا بشرف كومنتاتك ومبسوط منها جدا 🍀

[@mohamedelmogy4072]

بسم الله نرجع نتابع زاهر تاني بعد فراق سنتين من ايان تفريخ الانجل 💔

[@u._3]

الموسيقى ❌❌❌❌

[@zaid-r-h96]

عندي حوض فيه مولى وكرامي وبلاتي و كلاس تترا وتايكر وأضافت مؤخرآ انجل لاكن المولى بقالو فتره مش بيولد مع العلم انو كان يولد والحوض فيه زرع شمبلان وخشب غاطس وزلط وقواقع بحريه

[@TheEgyptianFishTalk]

احس الحوض زحمه ... قلل اسماك شويه ونوع في الاكل واكيد تغيير المياه الدوري

[@zaid-r-h96]

اشكرك ع ردك
صبحت امبارح ع ملحمه لقيت الإنجل قاتل التايكر وفي اليوم الثاني لقيت المولى يضرب الإنجل والاثنين ماتوا
عندي مشكله في الإنجل مش عارف ازاي اربيه مع مجموعة أسماك لطيفه أو اخليه وحده اعمل ايه طيب

[@yaseendiab4598]

ااكل السمك كل يوم و يوم واحد ماكلهوش

[@yaseendiab4598]

في الاسبوع

[@TheEgyptianFishTalk]

اه بالظبط بس اكله مرتين في اليوم

[@yaseendiab4598]

انا كنت باكله كل ٣ايام