#ព្រះបន្ទូល
Vložit
- čas přidán 12. 09. 2024
- #ចំណងជើងវីដេអូ៖ «ការនិយាយជាភាសាស្ថានសួគ៌ជួយការពារគ្រោះថ្នាក់» Speaking In Tongues Helps Forfend Danger
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃសៅរ៍ ទី៣១ ខែសីហា ឆ្នាំ២០២៤។
«ការនិយាយជាភាសាស្ថានសួគ៌ជួយការពារគ្រោះថ្នាក់» Speaking In Tongues Helps Forfend Danger
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
ដ្បិតអ្នកណាដែលនិយាយភាសាមិនស្គាល់នោះ មិនមែននិយាយទៅកាន់មនុស្សទេ គឺនិយាយទៅកាន់ព្រះជាម្ចាស់វិញ ដ្បិតគ្មានអ្នកណាយល់ពីអ្នកនោះឡើយ។ ទោះជាយ៉ាងណាក៏ដោយ ព្រះវិញ្ញាណទ្រង់មានព្រះបន្ទូលអំពីអាថ៌កំបាំង (១កូរិនថូស ១៤:២)។
ការនិយាយភាសាស្ថានសួគ៌ គឺមានសារៈសំខាន់ខ្លាំងណាស់ ចំពោះកូនរបស់ព្រះគ្រប់រូប។ ចូរធ្វើឱ្យវាក្លាយជាទម្លាប់ ដឹងខ្លួនក្នុងការនិយាយភាសាស្ថានសួគ៌ ជារៀងរាល់ថ្ងៃ។ នោះហើយជាកន្លែងនៃអំណាច។ មានក្រុមចាប់ជំរិតមួយក្រុមយ៉ាងសាហាវឃោរឃៅ បានចាប់ក្មេងស្រីម្នាក់ហើយអូសនាងចេញទៅ។
ដូចដែលពួកគេបានធ្វើ នាងបាននិយាយយ៉ាងភាសាស្ថានសួគ៌យ៉ាងស្វាហាប់។ ពួកគេបានគម្រាមសម្លាប់នាង ប៉ុន្តែនាងនៅតែបន្តនិយាយភាសាស្ថានសួគ៌។ កាលណានាងនិយាយភាសាកាន់តែច្រើនឡើង នាងកាន់តែក្លាហាន។ នោះធ្វើឲ្យនាងភ្ញាក់ផ្អើលយ៉ាងខ្លាំង មិនយូរប៉ុន្មាន ជនប្រដាប់អាវុធទាំង១០នាក់ ស្រាប់តែបោះអាវុធរត់គេចខ្លួនបាត់ស្រមោល។ ពួកគេបានរត់គេចពីក្មេងស្រីម្នាក់ដែលគ្មានអាវុធ។ តើហេតុអ្វីទៅ?
ព្រះគម្ពីរចែងថា៖ «ដ្បិតអ្នកណាដែលនិយាយភាសាមិនស្គាល់នោះ មិនមែននិយាយទៅកាន់មនុស្សទេ គឺនិយាយទៅកាន់ព្រះជាម្ចាស់វិញ»។ ព្រះគ្រាន់តែដឹងពីអ្វី ដែលឧក្រិដ្ឋជនទាំងនោះបានឃើញ ឬឮប៉ុណ្ណោះ ដែលធ្វើឲ្យពួកគេរត់ប្រាសអាយ៉ូសដោយភ័យខ្លាច។ ចូរកុំមើលស្រាលការនិយាយភាសាស្ថានសួគ៌ឱ្យសោះ។ មុនពេលអ្នករាល់គ្នាចេញពីផ្ទះរបស់អ្នករាល់គ្នា ជារៀងរាល់ថ្ងៃ ចូរនិយាយភាសាស្ថានសួគ៌។
អ្នកបើកបររថយន្តកុងតឺន័រ បើកក្នុងល្បឿនលឿន ដល់ផ្លូវ ស្រាប់តែចាប់ហ្វ្រាំងមិនទាន់ ក៏ជ្រុលចង្កូតទៅបុកយុវជនម្នាក់ យ៉ាងគ្រោះថ្នាក់។ គ្រោះថ្នាក់ដ៏ធ្ងន់ធ្ងរមួយ ហាក់ដូចជាជៀសមិនរួច ហើយអ្នកបើកបរបានបិទភ្នែករបស់គាត់ ដោយរំពឹងថានឹងមានរឿងអាក្រក់បំផុតកើតឡើង។ ពេលរថយន្តឈប់ង៉ក់ គាត់បើកភ្នែកមើលទើបដឹងថា យុវជនរូបនេះនៅតែឈរមើលមិនដឹងខ្លួន និងមិនមានស្នាមរបួស។
ភ្លាមៗនោះគាត់បានចុះពីលើឡានរបស់គាត់ ហើយនិយាយថា «អ្នកវ័យក្មេងអើយខ្ញុំគិតថាខ្ញុំបុកអ្នកហើយ» ។ យុវជននោះបាននិយាយថា «ទេ អ្នកមិនអីធ្វើទេ។ ពេលអ្នកចូលមកជិត ព្រះចេស្ដារបស់ព្រះបានលើកខ្ញុំឡើងលើអាកាស។ ពេលឡានរបស់អ្នកបើកហួស នោះព្រះចេស្ដានៃព្រះបាននាំខ្ញុំចុះមកវិញ»។
បន្ទាប់មក យុវជននោះ បានរៀបរាប់អំពីរបៀប មុនពេលគាត់ចេញមកនៅថ្ងៃនោះ គាត់បាននិយាយភាសាស្ថានសួគ៌ រហូតដល់រាងកាយរបស់គាត់ បានឆ្អែតដោយព្រះចេស្ដានៃព្រះវិញ្ញាណបរិសុទ្ធ ។ ហេតុដូច្នេះហើយ នៅពេលគ្រោះថ្នាក់បានមកដល់ ព្រះចេស្ដានៃព្រះ បានលើកគាត់ឡើងផុតពីគ្រោះថ្នាក់។
ព្រះពរនិងអត្ថប្រយោជន៍ នៃការនិយាយភាសាស្ថានសួគ៌ មានច្រើនជាងអ្នករាល់គ្នាអាចស្រមៃដល់ទៅទៀត។ ការនិយាយអាចស្តាប់ទៅដូចជាល្ងង់ ឬឆ្លាតវៃចំពោះអ្នករាល់គ្នា ឬនរណាម្នាក់ដែលស្តាប់អ្នករាល់គ្នា ប៉ុន្តែនោះជាអំណាច។ ថ្វាយសិរីល្អដល់ព្រះ! ឥឡូវនេះ សូមលើកដៃឡើង ហើយនិយាយភាសាស្ថានសួគ៌ អំពីជីវិតរបស់អ្នករាល់គ្នា ព័ន្ធកិច្ចរបស់អ្នករាល់គ្នា គ្រួសាររបស់អ្នករាល់គ្នា ការងាររបស់អ្នករាល់គ្នា ហិរញ្ញវត្ថុរបស់អ្នករាល់គ្នា ការសិក្សារបស់អ្នករាល់គ្នា និងសុខភាពរបស់អ្នករាល់គ្នាចុះ។
#សេចក្ដីអធិស្ឋាន
ឱព្រះវរបិតាជាទីគោរពអើយ កាលដែលកូននិយាយជាភាសាស្ថានសួគ៌នៅថ្ងៃនេះ កូនបានតម្រឹមខ្លួនកូន ជាមួយនឹងឆន្ទៈដ៏ល្អឥតខ្ចោះរបស់ទ្រង់។ ជីវិតរបស់កូនត្រូវបានផ្លាស់ប្តូរ ហើយកូនត្រូវបានផ្តល់អំណាច ដោយព្រះវិញ្ញាណបរិសុទ្ធ ដើរក្នុងជ័យជំនះក្នុងគ្រប់វិស័យនៃជីវិតរបស់កូន។ សូមអរព្រះគុណព្រះអម្ចាស់ សម្រាប់ការការពារ និងសុវត្ថិភាពដ៏វិសេសវិសាល ព្រះពរ និងអត្ថប្រយោជន៍នៃការនិយាយភាសាស្ថានសួគ៌ ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ កិច្ចការ ២:៤ យូដាស ១:២០ និង រ៉ូម ៨:២៦ (ការកើតជាថ្មីកម្ពុជា)
ភាសាស្ថានសួនិយាយយ៉ាងមិចបើគ្មាននណាបង្រៀនផងនឹង?