རྒྱལ་རབས་དེབ་ཐེར་དཀར་པོའི་ཁྲིད་མཁན། མཁན་དབང་གུར་མགོན་སྐྱབས། ལེའུ་དང་པོ།
Vložit
- čas přidán 12. 04. 2024
- ༄༅།།བོད་ཆེན་པོའི་སྲིད་ལུགས་དང་འབྲེལ་བའི་རྒྱལ་རབས་དེབ་ཐེར་དཀར་པོ་ཞེས་བྱ་བ་བཞུགས་སོ།།མཛད་པ་པོ། མཁས་དབང་དགེ་འདུན་ཆོས་འཕེལ།
དཔེ་ཁྲིད་གནང་མཁན། གུར་མགོན་སྐྱབས།འཕྲིན་སྟེགས་འདི་ནས་དེབ་དཀར་གྱི་མ་ཡིག་དང་ཁྲིད་ཆ་ཚང་སྤེལ་རྒྱུ་ཡིན་པས། ལྷན་རྒྱས་ཕེབས་རོགས་ཞུ།རྒྱ་ཡེ་བཀྲ་བྷོ།|གཏམ་རྒྱུད་གསེར་ཐང་གི་ཁྲིད། (ཆ་ཚང་།)སྒོ་ཤེར།|གཏམ་རྒྱུད་གསེར་ཐང་གི་ཁྲིད།(ཆ་ཚང་།)
དགེ་འདུན་ཆོས་འཕེལ་ནི་རྒྱལ་ཁབ་ཕྱི་ནང་གང་དུ་བཞུགས་རིང་ལོ་རྒྱུས་ཀྱི་གནད་དོན་མང་པོར་དཔྱད་པ་གཏིང་ཟབ་གནང་བ་བརྒྱུད་བོད་ཀྱི་རྒྱལ་རབས་ཤིག་རྩོམ་བཞེད་ནར་མར་ཡོད་རུང་། བར་སྐབས་མཐུན་རྐྱེན་མ་ཚང་བ་ལྟ་བུས་དེ་མུར་ལུས་པ་གོང་དུ་ཁོ་བོ་དང་ཐོག་མ་མཇལ་སྐབས་ཀྱི་གསུང་མོལ་དུམ་བུ་དེ་ནས་མཚོན་ཐུབ་ཅིང་། ད་ཆ་རྒྱལ་རབས་རྩོམ་པའི་ཆ་རྐྱེན་སྨིན་པར་གཅིགས་ནས་ཁོ་བོ་དང་རྒྱུན་གཏན་མཇལ་འཛོམས་སྐབས་རྒྱ་གར་དུ་བཞུགས་པ་དེའི་ཚེ་ཤིན་ཅང་དང་ཏུན་ཧོང་སོགས་ཀྱི་ས་ཆ་ནས་ཐོན་པའི་སྔར་ཆོས་རྒྱལ་དུས་སྐབས་ཀྱི་ཡིག་རྙིང་དུམ་བུ་འགའ་ཕྱག་ཏུ་སོན་པའི་རྐྱེན་གྱིས་བོད་ཀྱི་རྒྱལ་རབས་རྩོམ་པའི་འདུན་པ་ཤུགས་ཆེན་འཁྲུངས་པའི་སྐོར་དང་། རྒྱལ་རབས་དེ་འདྲ་ཞིག་བསྒྲུབས་ནས་ལེགས་པོ་ཡོང་མོད། འོན་ཀྱང་རྐྱེན་དབང་བར་ཆད་ཇི་ཡོང་ཡང་ངེས་མེད་ཅེས་བར་སྐབས་ཁོང་རྒྱ་གར་ནས་བོད་དུ་ཕེབས་པའི་ལམ་བར་སྟོད་ག་ཤ་འཕགས་པ་རིན་པོ་ཆེ་མཇལ་སྐབས་མནལ་ལམ་གྱི་རྟགས་མཚན་དུམ་བུ་ཞིག་གསུང་གི་ཡོད་པ་དང་།“ཁྱེད་ནས་ཀྱང་རྒྱལ་རབས་རྩོམ་རྒྱུར་མཐུན་འགྱུར་རོགས་རམ་གནང་བ་དེ་ཡག་པོ་རེད”གསུངས་ཏེ་ཁོ་བོས་མཐུན་འགྱུར་རོགས་རམ་ཅུང་ཟད་ཞུ་ཐུབ་པར་བརྩི་མཐོང་དང་ཐུགས་མོས་ཆེན་པོ་མཛད་ཅིང་། སྐབས་དོན་རྒྱལ་རབས་རྩོམ་པའི་སྟ་གོན་ལ་དངོས་སུ་བཞུགས་པའི་སྐོར་ཞུས་ན། བོད་མི་ཁྱི（སྤྱི་ལོ1946）ཟླ་གཉིས་པའི་ཚེས་ལྔ་ཉིན་དམ་པ་ཉིད་དང་། ཕྲན་གཉིས་ར་མ་སྒང་དུ་མུ་ཏིག་བཙན་པོའམ་མཚན་གཞན་སད་ན་ལེགས་འཇིང་ཡོན། ཁྲི་ལྡེ་སྲོང་བཙན་ཞེས་སུ་གྲགས་པས་བཞེངས་པའི་སྐར་ཆུང་རྡོ་རྗེ་དབྱིངས་ཀྱི་དཀྱིལ་འཁོར་གྱི་ལྷ་ཁང་ཞེས་བྱ་བའི་གཙུག་ལག་ཁང་གི་གནས་ཤུལ་ཏུ་ཡོད་པའི་བཀའ་གཙིགས་ཀྱི་རྡོ་རིང་དང་། འུ་ཤང་དུ་ཡོད་པའི་རལ་བ་ཅན་ནམ་ཁྲི་གཙུག་ལྡེ་བཙན་གྱིས་བཞེངས་པར་གྲགས་པའི་འོན་ཅང་རྡོའམ།ད་ལྟ་འུ་ཤང་དུ་འབོད་པའི་སའི་ཆར་དཔེ་མེད་བཀྲ་ཤིས་དགེ་འཕེལ་གླིང་གི་གཙུག་ལག་ཁང་ཞེས་བྱ་བའི་གནས་ཤུལ་དུ་ཡོད་པའི་རྡོ་རིང་གཉིས་བཅས་ཀྱི་ཡི་གེར་ལོ་རྒྱུས་ཀྱི་གནད་དོན་ཇི་ལྟ་འཁོད་པའི་སྐོར་ཞིབ་འཇུག་གནང་བར་ཕེབས་སྐབས་སྐར་ཆུང་རྡོ་རིང་གི་ཏོག་ནས་ཞབས་སྟེགས་བར་སྐྱོན་མེད་དང་། ཡི་གེ་ཡང་ཆ་ཚང་སྐྱོན་གྱིས་མ་གོས་པར་གནས་པ་དེ་བཤུས་པའི་ནང་སྲོང་བཙན་ནས་ཁྲི་ལྡེ་སྲོང་བཙན་བར་གྱི་མཚན་རིམ་དང་། གཙུག་ལག་ཁང་ཆགས་ཡུལ་གྱི་ས་མིང་སོགས་རྒྱལ་རབས་གཞན་དུ་མ་འཁོད་པ་གནད་ཆེ་གང་ཙམ་གསལ་འདུག - Zábava
