四大長老之首回歸😎全家險被糊塗老母陷害😨❓媽媽之匪夷所思嚟啦🤰🏽‼️
Vložit
- čas přidán 5. 09. 2024
- 曾經令人聞風喪膽嘅四大長老之首--媽媽之匪夷所思重磅回歸luu！！今次我哋都特登設立全部匿名投稿，費事大家俾媽媽周到，但發現居然都有好多勇士堅持要開名😤respect！
睇完呢集嘅我，依然無改變認為媽媽係世界上最可愛嘅生物呢個諗法🫶🏼
#機動電視台 #鄭中基 #匪夷所思 #一人一個媽媽之匪夷所思
-------------------------------------------------
自機友會員制正式啟動🥳 每月$19＋$1就可以睇到更多專屬影片（包括匪夷所思刪減片段、NG精華片等），仲有機會同我哋直播傾計添！為咗歡迎會員嘅加入，我哋仲準備咗經典表情包Sticker，可以喺留言，社群，直播或者首播嘅聊天使用❤️快啲加入啦！
要用電腦開我哋頻道首頁，係訂閱制隔離就可以「加入」喇！
電話可以用呢條link:
/ @rtv_runningteam
Follow us👇🏻👇🏻👇🏻
機動IG @rtv_runningteam
/ rtv_running. .
FB: / runningteamltd
鄭中基 @tinyeyes39
/ tinyeyes39
FB: / ronaldchengoff. .
Flickr: www.flickr.com...
湘姐 @sheung_sheung_sheung
/ sheung_sheu. .
FB: / hhsheung
CZcams:
/ @sheungjei
MamaStep @mama.step
/ mama.step
CZcams:
/ @mama_step
Jacky @wyhjacky
/ wyhjacky
九虎 @charles_9tiger
/ charles_9ti. .
采微 @htsoim_9
/ htsoim_9
大佬好嘢 @daailouhouye
/ daailouhouye
Shop here: www.daailouhou...
大家睇完覺得邊個媽媽係MVP呢？
……MVP一定係廁所板媽媽……
而家youtube啲名變曬user id 用戶名要撳入去先顯示
條片要開名嗰啲人 可能係想你讀用戶名 而唔係user id
廁所板
呢個咒 好惡毒
廁所板媽媽係好堅秋！👍
Wee~ 小學三年級個陣唔識計份數，一個蛋糕切開6份拎一份出嚟，我會答係1「件」，無1/6 既概念，我媽教左好耐我都唔明個概念，阿媽就爆我：「咁將你老母斬開18碌，你係咪有18個老母呀？！」 然後我就覺悟啦😂
阿媽勁
😂好震撼
少林寺有十八銅人，你屋企有18個老母😂
呢個好笑😂😂😂😂
咁岩我女都學緊分數😂
又係講極唔明 可能呢個有d用😂😂😂
學數學嘅好方法😂😂
Weeeee~
係我好細個住係英國嗰陣 我丫媽揸車我一齊去超市 咁嗰陣我好肚餓要飲奶 佢就一路渣車一路整奶 我飲完冇幾耐就好high 咁係後面跳哂舞 佢心諗”個仆街仔今日做乜咁hyper” 之後佢聞一聞個奶樽 仆街 原來佢將罐啤酒當水沖奶粉 weeee~
依個正😂😂😂😂😂😂😂
我都有：
1.有日阿媽睇電視見到北京鳥巢,就好興奮咁同我講：呢個係咪我哋去過嘅卵巢？ 😂😂😂😂
2.我問阿媽點解放筷子入雪櫃,佢話防曱甴😂
腦退化症個個完全係洋蔥 即刻眼濕濕😭😭😭
Wee…
某一晚晚飯，我同媽媽既對白：
我：阿媽，今晚啲菜無味既？
媽：無味咪好囉，食咁咸唔健康呀！
另一晚晚飯，我同媽媽既對白：
我：阿媽，今晚啲菜咁咸既？
媽：咸咪好囉，唔係點送飯呀！
😅😅😅
媽咪好有呀Q 精神
@@yinyanchan 阿媽都係女人⋯ 唔合邏輯⋯ 唔講道理係好正常😅🤣🤣🤣
唔做sales哂左
我都有個奶奶既匪夷所思🤣
話說嗰時未係奶奶，去男朋友度食飯，佢話煮左蕃茄意粉，因為平時佢好少煮西野
所以好開心佢煮西野
一食落去覺得辣辣地，心諗落咁多胡椒係咩事呢
但係越食越唔對路，辣到出晒汗，奶奶初初話冇理由既！我都冇落胡椒
佢試左啖，行入廚房，出返黎
：咦！原來呢枝係辣椒醬嚟㗎？我以為蕃茄醬🫣
希望你哋無胃痛。
煮嘢唔試味😮😖😅🥺
有次阿媽皮膚痕，我借支葯膏佢搽，順便提佢「只供外用喎！」。然後佢零秒勁緊張咁問我「阿仔你子宮有問題？」
我大學嘅時候就有日同媽媽傾計啦
傾傾下佢突然問我：你有冇收兵啊
咁我梗係話：冇啦，有咩可能啊
然後佢竟然答我：乜你咁廢㗎
我聽完成個人黑人問號咗🙃
其實阿爸阿媽後生嗰陣嘅嘢我哋一般都唔係好了解🤣
話說有一次同媽媽去旅行
到香港機場後，就揾航空公司櫃位check in
然後媽媽突然問我「一陣係邊個貨櫃碼頭登機？」
我即時笑到癲左
「媽媽，機場通常都係客運大樓既，貨櫃碼頭葵涌就好似有一個😅」
到而家都簡唔中羅出嚟笑下😂
我都分享一個：
話說有一日我見到平時超級講究健康嘅媽咪，夾咗一包軟糖返嚟；跟住我就滿心歡喜，諗住可能阿媽見到啲糖諗起我，所以買俾我食
點知隔咗一陣，我見佢踎喺屋企角落頭一段時間；我行埋去睇，原來佢喺度將啲軟糖用鉸剪剪到細細粒，擺喺曱甴屋諗住用來做餌。佢仲要加多句：包糖唔係俾你食㗎
依集睇得好開心❤所以我都好想開心share😂 有一晚我老豆返夜，阿媽特登走黎問我：今晚想食飯定食粥？本人係飯桶黎，食粥會唔飽，所以我答食飯！點知阿媽話晚晚都食飯嫁啦，難得老豆開夜不如食粥啦！我就話咁你又問我？佢竟然答我：點都要循例問下既，以示尊重。最後佢真係循例問吓嫁咋，因為晚餐真係粥🤷🏻♀️
全世界阿媽都一樣😂
問完唔理尊重左的咩？🤔
@@ivylo4530 所以匪夷所思囉🤦🏻♀️
@@ivylo4530呢個喺阿媽ge角度 佢就係道理😂😂
Weee~我丫媽真係好可愛架😂佢人前人後兩個樣㗎，平時如果我打電話俾佢，佢就好粗暴問，點啊，大佬咩料？如果係其他人/朋友打俾佢，就會非常溫柔，Hello你好呀，好耐冇見近排點啊，嘻嘻😅有一次佢同朋友用依把聲線傾電話，傾咗好耐，我實在忍唔住，問佢你把聲咩事，跟住佢係冇收線嘅情況下，好大聲咁講，我要喺朋友面前維持溫柔嘅形象，你收聲你唔明架啦，我係溫柔小姐姐😂但貌似個朋友已經聽到，我聽到電話入邊傳來陣陣笑聲😂之後我嘲笑左佢好耐，結果係我有一個星期冇得帶飯返工食😢
陰公😂😂😂
太少了，一定要開第二集啦～
這個好像是第3集啦
Weeeeeee~唔好開名，阿媽成日都有好多搞笑嘢
1）有一次，一家三口同親戚去旅行，我哋去到機場，表妹同我哋講：「你哋搭咩車嚟？咁快到既」，我阿媽就好興奮咁講：「哦～咪搭AK47囉」，我哋全世界都笑到傻咗，我就話：「阿媽，架巴士係A47X啊」
2）有次我哋一家三口去意大利，搭車途中，阿媽無端端神色凝重話：「陣間係咪有水怪睇？」，我同老豆互望黑人問號，老豆就問：「咩水怪啊？你邊到聽返嚟架」，老母就話：「咩呀，尼斯湖水怪呀，你唔係冇聽過呀嘛」，我笑到收唔到掣：「媽，我哋係去緊威尼斯呀」
You must be 大埔友，Auntie AK47 呢個講法真係好經典🤣🤣🤣
老媽子煲完涼茶倒入個保溫壼, 然後放入雪櫃
即刻畀我發現到, 我問佢 : 到底你想測試個保溫壼夠唔夠保溫, 定想測試個雪櫃夠唔夠凍?
過咗咁多年我一有機會都會拎出黎笑佢 :D
weee～🤟🏻hello大佬，真係忍唔住都要分享🤣
話說早幾個月拜山啦，我同我同男朋友出左屋企門口，關左鐵閘，係走廊等埋我媽咪啦，然後媽咪係屋企廚房嗌出黎：「你係咪on9仔啊！」
我即刻成頭問號望著男朋友，媽咪做咩晨早流流鬧我😂
我男朋友話：「媽咪問你有冇帶褸仔啊，on9仔！😂」
我地三個笑到停唔到😂
Weeee~~大佬你好
1）記得細個有晚食完飯，我媽執緊枱既時候，
突然間同我講
媽：「釘你媽書機！（快速咁講）」
我：「咩話！？」（黑人問號樣）
媽：「都話釘你媽書機囉！（快速咁講）」
我：「你講咩話！？」（真係唔知佢噏乜樣）
之後我媽意識到自己講錯野，佢自己笑笑口講：「將啲野放番入雪櫃！」
到到而家我都仲笑緊我媽🤣
2）我小學一至二年級個陣，我媽有日話我頭髮前面啲陰好長，要幫我剪，我就好緊張咁問我媽係咪識剪，我媽話好易啫..點知佢剪完發現唔對稱，剪下又度下左幾次後，我就由陰遮眉變到眉上陰，第二日我媽仲要呃我話冇問題，幫我紮左兩條鬢辮咁番學（民初頭）比人笑到飛起🥲自個次之後我都冇再俾我媽剪過個頭🫠
Wee～開名啦😂我阿媽好勁👍🏿事關我阿爸係食飯唔可以睇手機呢件事上面好執著，於是我地一齊食飯嘅時候阿媽都會話下我：「唔好睇手機，唔係就唔好食飯」然後有日，我阿爸去左出差，夜晚食飯時候，我都係好乖地無睇到手機📱結果我阿媽係到邊食嘢邊睇網絡小説，完全無將自己嘅說話放在👀內🙈於是以後我地就有左共識，飯檯上阿爸同手機唔可以共存😂
第二集是必須的 必須要搞 加油 永遠支持你哋
weee~講起阿媽
有日放假系屋企訓覺，突然比啲味焗醒左，發現阿媽系門窗緊閉既情況下用漂白水拖緊地下，問佢：你唔覺得唔舒服咩？咁系有毒架 佢竟然仲覆我：係囉我都越拖越覺得暈暈地。我一秒就彈起身開窗熄冷氣，依家諗返我仲可以平安成長都系個奇蹟
我老母都做過一樣嘅事，u are not alone
第一名 廁所板
第二名 剪唔剪
最好笑呢倆個有記憶點，其他都好笑但冇咁深刻
(我家媽媽是MVP, 快d出第二集, 我儲定)
Wee- 有一日放工返到屋企,
家母好興奮咁同我講: 我買咗香橙蛋糕畀你聽朝做早餐啊!! 好抵啊!! 喺阿信(屋)嗰度買, 幾蚊炸!!
我心諗, 幾蚊一定係伏啦。。然後我問家母擺咗喺邊度?
家母: 喺個架嗰盒啊- 真係好抵!
我見唔到有, 就再問喺邊度啊？
家母就行去個架到拎咗一盒野出黎。。
。。。係一盒保鮮袋!!!
家母唔識睇韓文英文, 見到個盒有個橙, 以為係香橙蛋糕。。。。。
家母: 吓😲 唔掛得咁重啦。。
WEE~~~~ 第一次投稿~ 記得一定要開名😎
話說我媽媽平時對於網上買野/網上填表嘅野都唔識 多數都會等我哋幫佢填
好啦~上年MIRROR開演唱會要搶飛 佢事前就叫我哋寫低哂啲電腦、IPAD 嘅密碼，方便邊個放假就開哂啲機去搶飛
到咗開賣嗰日，我一起身就見到我媽已經開哂啲I PAD 又開好哂個網 坐定定喺到準備好
佢仲笑笑口咁望住我話: 我突然間識架咋 平時真係唔識 😂😂😂
勁呀
Wee~hi 暴龍哥 忍吾住要開心Share 😂
我媽媽煮嘢食冇乜天份，但係又好鍾意煮埋啲新派創意料理 每次打完邊爐之後個日
一定係龍虎鳳大雜燴，有一次佢加左啲*辛*意
薑蔥雞翼+肥牛+芋絲
仲要係蒸嗰隻！雞翼冇乜問題，肥牛老得滯都唔係問題
最出色係個芋絲！
芋絲吸收唒雞同牛既油脂 再加薑蔥味 芋絲平時系爽口既因為蒸過龍既原因已經變左入口即溶嘅狀態 呢碟餸我真係畢生難忘
呢集實在太搞笑，忍唔住分享
Wee~最好唔好開名😂
話說阿媽有句口頭禪：「少少嘢都做唔好」細個時，每次聽到都不禁懷疑自己，係米真係廢到乜都做唔好嘅地步。時至今日，雖然有啲哽耳，但某程度上已經習慣咗。
有一次同細細佬喺屋企搾豆漿，揸咗煲豆漿就拎去煮。正當我同細細佬對煲豆漿行緊注目禮，研究緊點解咁耐都唔滾嘅時候，阿媽企喺廚房門口，問我哋呢件衫好唔好睇，我同細細佬不約而同望向門口位置。
下一秒，煲豆漿就滾，仲要滾瀉。阿媽就話：「少少嘢都做唔好⋯⋯（以下省略數百字）」就喺我驚魂未定嘅剎那，聽到有把聲喺耳邊掠過：「係係係，你叻晒！」（用調侃嘅語氣）阿媽當堂靜咗。我瞪大對眼望住細細佬，暗暗吸咗一大口氣，用極緩慢、極緩慢嘅速度轉身，驚一下忍唔住噴笑出嚟。
當背脊對向阿媽嘅一刻，我終於忍唔住露出無聲但猙獰嘅大笑，心諗：「太有吉士啦，竟然夠膽講心果句！」
最後，細細佬俾阿媽嬲咗三個月，經濟封鎖咗兩個月，搞到我同細佬荷包大出血。到咗依家「你叻晒」仍然係屋企嘅禁語。
好想要第2集！！！仲想要埋爸爸version 😜😜
再分享多個😂
長沙灣站附近有間涼茶舖，都幾足料嘅！因為每次經過門口都會有好多袋煲完嘅草藥。有次去探阿嫲，經過媽咪就話依間好嘢黎夠足料，整返杯俾我飲！當時我飲得好慢，因為真係好苦！佢不停催我飲快啲，我有解釋嫁，但佢只係拋低一句”苦口良藥”呀。OK如是者到下一次再探嫲嫲，佢經過又話整返碗，嚇親！不過今次佢自己飲，佢飲得仲慢過我，難得有機會報仇，我梗係催返佢😂 點知準備催果下，佢竟然飲到嘔，唔係講笑😂 佢真係在涼茶舖門口前嘅坑渠度嘔😢 我問佢做咩嘔，佢竟然答我"太苦喇！"
大家真係唔好亂飲涼茶⋯⋯香港人脾胃虛 越飲越虛⋯⋯⋯（本人為中醫師一枚🙇🏻♀️）
街坊表示，個百寶茶唔係苦咁簡單
期待6月有爸爸之匪夷所思🤤🤤🤤 我好想出賣我老豆
不如現在就出賣吧 讓我們preview一下 😂
Weeee 話說有一次我阿媽想配眼鏡，因為佢又有老花又有近視，佢想配個全視線眼鏡，但佢講咗前列腺眼鏡🤣🤣🤣🤣🤣🤣🤣我同老豆笑左幾年
中學第一次M痛，我媽拎冰出嚟畀我敷，年少無知嘅我淨係將個冰袋拎埋少少，陣寒氣都唔多對路... 猶豫之際，媽媽補多句「肌肉痛係敷冰架啦」
但求生本能驅使我拒絕咗媽媽嘅好意，直到之後上BIO堂發現M痛係要暖敷嗰一刻，我嚴重懷疑自己係咪親生
好大可能系你妈咪身体好，所以未试过m痛
我媽有時會突然問候我老母
然後諗一陣發現原來問候緊佢自己
之後就會問候我媽嘅阿媽
我就會幫佢手打俾我婆俾佢問候😂
Weeeeeee 大佬！第一次投稿投稿😝
咁就話說呢我屋企有養一隻貓
咁我哋屋企統稱貓條叫做條條
（貓條係嗰啲貓零食😂
有一次我阿媽就鬧我老竇
媽：「日日都比你D條條俾佢食佢唔使食乾糧啦」
爸：「咁我錫佢咪日日都俾佢食囉」
媽：「咁唔見你俾你條條條我食」
爸：「（已經笑到仆街）」
跟住我阿媽後知後覺佢講咗啲乜嘢
跟住一家三口👨👩👧一齊笑到仆街😂😂😂😂
跟住
你：阿爸阿媽，冷靜啲，唔好嘈，而家你哋入房餵條條同食條條先，我唔打搞你哋😁😁
有次阿婆返鄉下過關比人截住，心諗點解無端端會check，然後d職員好緊張打開個袋，啲職員用普通話講：啊牛油果！ 原來佢唔想啲嘢食變壞諗住帶埋過關但唔知點解將啲蔥綁住個牛油果放喺袋過機成個炸彈咁 笑到我哋碌地😂
Weeeeeeeee
話說我就讀嘉諾撒XX
有一日我病到聲沙叫媽媽幫我請假，但佢唔知校務處電話
我叫佢上網揾~
過左一陣佢就嚟同我講請唔到假喎
我就覺得好奇怪睇下佢打左咩電話號碼
點知佢打左嘉諾撒醫院嘅電話😂
Weeeee～
話說有一次我打電話比媽媽話返緊屋企，佢就話已經煮緊飯就快食得啦，點知我返到屋企，只係見到哥哥同媽媽係廳度大笑，但仲未開飯，我就問媽媽：係唔係又唔記得㩒電飯煲呢！媽媽笑住咁話我咁醒緊係有㩒到制啦！不過炒完菜打開電飯煲先發現入面冇嘢姐嘛！
原來媽媽掛住睇CZcams洗完米就放咗個煲膽係廳嘅枱面，返咗廚房煲空氣🤣
然後食飯嘅時候電視播緊啲介紹沙漠嘅節目，媽媽又睇到入晒神，突然感歎咁話哇！個沙灘好靚呀！
笑到我哋差啲噴咗啲飯出嚟🤣🤣
ps媽媽係機動忠實fans，偷偷哋投稿睇下幫唔幫到佢上電視lol
其實呢…阿媽真係好錫小朋友～
我同我ex岩岩分開，我媽當時仲喊我西利過我….😩😩😩
支持第二集～ 仲支持3、4、5 集， 媽媽之匪夷所思何止咁少 😂😂
😂😂😂副超無咗一塊鏡片 呢啲小丸子劇情嚟喎
真人真事… 就係因為係真人真事，先至… 匪夷所思 😂
@@Sasha_lind_ 我唔係質疑故事真假，只係想指出小丸子都有同樣劇情
現實都可以發生 好好笑😂
@@antaachc 哈哈 係呀 10幾年前嘅事都印象好深刻 🤣
8:26 我朋友都係咁但係放餐具，我地問佢點解佢係會答「餐具梗係放喺櫃啦，咁雪櫃唔係櫃咩？」依句嘢同子華神講嘅「百事唔係可樂丫」一樣，駁唔到😂
原來咁多啊媽都講野唔正架🤣🤣🤣我媽d鄉下話都係好得意好搞笑，我怕有日聽唔返都整左個備忘錄mark低d發音，媽咪真係好可愛😍
Weeee～
話說我媽係一個好鍾意叫我飲水既人 都可以話每日講幾次 有一晚 佢好似平常咁叫我飲多啲水 我個下意識到好似成日冇乜飲過水 就好聽話咁去左斟水飲 飲左成杯
過左一兩分鐘 我媽突然問我：「你頭先飲左水未 ？」我面帶驕傲咁講 ：「飲左成杯添 幾聽你話！」之後我呀媽面有難色咁講：「搞錯呀！平時又唔見你咁聽話 啲水未煲架！我唔記得禁制呀！」就係咁 我不安左幾日
小朋友唔好學!! 我細個9歲左右, 有次咳左成年都未好, 之後有次咳到好噪, 打開個櫃, 成支新既咳水125ml一次飲晒, 之後發現, 原來細個睇Daisy黑白米奇默劇卡通片係真既, 我起張sofa暈眩既時候, 真係會有幾條黑色間同埋星星圍住個頭轉, 之後30分鐘左右冇事, 連咳都即刻好番.
Wee~ 我媽有日發現新大陸咁，話啲三文魚叮80秒就熟喇，幾方便啊，一分鐘都唔洗！我話：媽，一分鐘得60秒😅
有次表妹食柿干，上面有層白色粉，婆婆係都要佢洗下先食，表妹表示呢層白色粉係食得噶，但婆婆聽唔入耳，一直哦佢。最後我就話咁你下次食話梅洗下先食，佢即刻無聲出。
有日我哋個女上司行過垃圾桶就問：點解垃圾桶咁多垃圾？
之後大家都唔知點反應⋯⋯
Weeeeee
由細到大都係媽咪叫我地幾姊妹起身既
中學個陣 有次8號風球 唔洗番學啦
我媽咪照黎左我地房拍醒我地叫我地起身
媽咪：女呀 8號波呀 唔洗番學呀 咁我就唔叫醒你地啦～～
我地：……咁你做緊d咩？
護士：起身喇！（拍個病人）
病人：（訓到矇矇鬆鬆）
護士：夠鐘要食安眠藥瞓覺丫～
Weeeee
前提:因為covid同為左洗少啲碟，我地屋企食飯係碟頭飯形式。同一定有肉有菜有主食。
有一日食飯，係炒菜，有一片片綠色野同紅蘿蔔絲炒埋一齊，以為係苦瓜。
然後一食，係仲未熟嘅炒雜菜牛油果。
???????????????????????
我:媽，牛油果要熟左之後食架，唔炒得!!!!
媽: (理直氣壯)個牛油果我擺左好耐都唔熟，我咪炒囉。
我: ????????????????
最擔心係佢地健康同腦退化都仲要堅持入廚房煮食😔
今集好有共鳴……
Weeee～我第一次投稿
我媽平時唔煮飯嘅 因為佢唔識煮飯 所以我成家嘅飯都係我老豆煮嘅
咁有一次我病左啦 腸胃炎 柯左好多次又嘔 頂唔順啦 叫左我媽帶我睇醫生 睇完醫生番到黎 我媽出於想照顧我嘅心 想幫我煮粥食
煮嘅時候 佢筆米落個電飯煲到筆到倒瀉曬 叫我攞個吸塵機吸左佢 之後佢落得太多水 搞到個電飯煲D水瀉左比黎 然後搞到成屋跳制
我好感激佢想有照顧我嘅心 但我當時病緊 好攰 所以不如阿媽你買粥比我食啦😅
Wee~~幾年前，香港嘅冬天有幾日特別凍，咁我就關心吓呀媽，問佢凍唔凍啦，阿媽就好平淡答我：「凍呀」，咁身為孝順仔嘅我就梗係諗住幫佢解決問題啦，我就話，咁我轉頭出去買啲保暖野比你好唔好？你想要暖包、暖水袋定係暖爐？阿媽竟然好自然咁答我：「唔使啦，聽日我落街買包炭返嚟，喺廚房燒，到時成間屋都暖。」我好驚訝咁問，你係認真啦你講笑呀，人哋自殺先係屋企燒炭㗎喎。呀媽竟然反駁我，佢話以前鄉下都係咁啦，開窗咪得囉，你唔使咁大驚小怪喎。之後我同佢對戰左幾個回合，最後我即日就買咗個暖爐返屋企。之後我同屋企人分享呢一件隨時滅門嘅趣聞，阿媽竟然堅持自己只開玩笑。（PS:係我一生人中，呢次係佢第一次對我開玩笑🤣🤣）
Weeee..... 話說我呀媽煮飯十分新奇、簡直日日新鮮日日甘！求其講一個比大家笑下😂有日佢整左蒸鮑魚仔，賣相唔差、每隻鮑魚上面仲有劈醬，一食落口，即刻吐返出來！原來劈醬係出前一丁包味精粉溝水！咸到pk！知我老母咩料啦😂😂😂
WEE~我媽係雙標人, 佢叫人食飯個陣唔好睇電話, 但佢自己去到邊都睇緊~
之後又話要開燈先可以睇書/電話, 自己就係漆黑既房入面睇電話....
話說佢黎左香港30幾年, 廣東話都唔正, 佢有次問我:你係咪有陰毛?
大佬呀, 點答呀~我咪話你都有啦~之後原來佢問我係咪有陰謀.....
後期我生左仔仔之後仲大濟, 佢D唔咸唔淡既廣東話開始影響到仔仔...
有日阿仔同我講(個陣2歲幾): 媽咪, 今日見到烏雞呀~
我問佢係邊到睇到,最後原來佢講緊烏龜......真係好攞命~
我細個都係媽媽剪頭髮,
讀書個時，有一次佢好開心咁話發現用電鏟偷薄頭髮好方便又快。 結果佢一野鏟走左成執陰。鏟到1CM 都無。
個阿婆想笑又要忍笑咁講：「阿女你洗唔洗食返支煙🙈👉🏻。」
細個好多時，佢都唔俾對仔女抽煙。佢為左自己嘅錯主動問我食唔食煙😩
地球可以停但系匪夷所思系列唔可以停 正啊🤣🤣🤣🤣
Weee~ 十幾年前細個同姑姐表姐阿嫲去旅行。搭飛機，老人家不嬲都講嘢大聲，有個後生仔就企起身鬧我嫲：屌！阿婆你靜啲啦！
我嫲企起身大叫：要靜去禾合石啦！
周圍啲人包括我地全部變哂忍笑聲😂
P.S. 嫲，我地個個都掛住你，後日佛誕你生日，你鍾意去旅行，希望你收到架飛機同爺爺玩得開心啲❤😢
如果有第二集就。。。低調we....下啦
有一次星期日起身果陣見到成家啲牙刷放唒係一隻有水既杯度沉住（平時唔係咁擺既），我一路刷一路問呀媽：咩事呀？？呀媽：驚你地啲牙刷有細菌呀，我用啲漂白水加啲水沉住。。。。
我心諗：唔係丫嘛？唔多野唔玩玩牙刷溝漂白水？？
咁岩我老豆又咁岩起左身准備開口隊支牙刷入口，又咁岩聽到我呀媽咁講。。
嬲到即刻飛支牙刷入垃圾桶狂屌，當然我都會加多兩句：有無搞錯呀揾漂白水沉牙刷。
我呀媽又嬲埋一份發悔氣：唉，我都係想幫你地洗下牙刷姐，咁都比你地話，唉以為唔幫你地洗衫呀，自己掃地啦…我乜都唔會做架啦…你地自己顧自己啦…
以為講一陣無事，點知十點都泥仲悔緊。
我呀哥晏起身乜都無參與都奶埋野。。。。
兩兄弟扮落去買早餐順便落街度下點拆彈。
最終：食緊早餐順便講下：不如洗牙刷用漱口水或者用下熱水啦…諗少左姐～無野架。。。今晚不如出去打邊爐好唔好。我請！唔好煮啦…就咁啦！然後。。。。。悔氣悔多個零鍾就無事。。。
求生呢啲野。。。唔係得男朋友，做仔都有架，記住有乜想屌雌性動物既時候望一望天花板兩秒先。😂😂😂😂
其實呢，我都會間中用漂白水浸牙刷，因為牙刷真係好多菌好污糟，浸完漂白水白雪雪真係用得安心好多（當然要稀釋，浸完要過水啦），你哋怪錯阿媽啦
認真唔好亂用漂白水...
老母同姐姐都一樣咁幽默😂
Wee～唔好開名～上次聽朋友訴苦，朋友既奶奶有一啲好奇怪嘅行為，聽完你都覺得十萬個為什麼！例如，無論任何嘅物品擺入雪櫃一定要用保鮮袋包好綁實，不論一支未開過嘅水也好，又或者新買嘅惠康豆腐也好，我問點解？佢話奶奶嘅解釋係雪櫃會雪味會入咗去雪櫃任何件物品入邊，你之後拎返出嚟食就會有一陣雪味，但問題係支水冇開過，全新。。。,又例如，佢從來都唔煮飯，但會同我朋友講可以煮飯，我朋友好開心入去煮飯，之後就出事， 煑熱即食湯包，佢話唔好打開來煑，D湯熱滾熱後D湯會飛到廚房牆身，唔打開點煑😂？我朋友說會清潔，但佢奶奶仍然堅持自己，其實我好想知道唔開點煑熱？ 用熱火坐熱佢？但當時我睇住朋友的表情，唔敢問😂
Weee~~ 唔知係咪可以哩度投稿 第一次咁想分享!
話說有一晚返左老母屋企過夜, 就同佢share bed啦, 我就靠窗邊訓 （屋企係二樓) 個晚凌晨突然feel到有個人跨係我身上, 嚇到醒左🫨一開眼見到我老母係我身上面, 但佢塊面貼住窗邊 （當時係閂埋窗簾) 嚇到我以為佢撞邪。問佢做咩事, 佢手執住枝針筒 同我講：「樓下班0靚仔係度飲酒傾計好嘈，我要拎d水射佢地。」我心諗wtf… 老母仲要補多句：「我閂埋窗簾，佢地就唔會知係我」⋯⋯靜咗幾秒 我答佢：「第一你枝針咁短 射程根本去唔到咁遠.. 窗台都滴濕晒」之後我起身去個廁所 打算繼續訓, 係廁所出黎 俾我見到我媽換左個位置 係廚房繼續用針筒射水落去😂佢仲要望一望我做個ok既手勢😂😂
有一次我阿媽洗衫，因為太多衫分2機洗，未洗嗰啲放喺個地到。然後洗完一機之後，阿媽將地下啲衫放入洗衣機洗，冇幾耐，聽到部機入面boom boom 聲，停咗部機揭開個蓋，竟然見到我哋養嗰隻龜喺入面浮住游緊水😅 原來阿媽咁啱放咗隻龜出嚟散步，但隻龜捐入去堆衫到，好彩個殼夠硬淨又發現得早，執返條命仔🫣 諗返真係好驚險🙈
話說有晚食飯我同我老豆飲緊湯，咁我媽都飲緊啦，飲飲下佢突然間大叫「哎呀！D湯唔係攞嚟飲架！」成家dead air咗大約兩秒後我開始大爆笑，笑咗超～耐我先有氣問：D湯...唔係飲，咁係做咩架🤣🤣🤣 後尾佢話啲湯其實要再燉一燉嘅...呢單野到而家一講返都要笑好耐
Weeeee~~~記得CLS👍👍👍👍
支持機動電視台RTV💪💪💪💪😊💕💕
Weeeee~
唔好開名
我呀媽試過糖當盬，吃既時候好鹹，但係佢話冇嘢，結果我滿臉疑惑咁望住佢🫣🫣🫣😵💫😵💫😵💫
😂😂😂
真係救命🆘
Weeeee~
唔好開名呀！
我.細個時，有次半夜比個閙鐘嘈醒，見阿媽用布包個鐘放入米缸 ，我問佢做乜 ，佢話個鬧鐘壞咗 ，不停響 ，所以要收埋佢， 之後我用佢拎咗粒電出嚟咪得囉!
呢集好鬼正🤣🤣🤣可唔可以回歸多次🤣🤣🙏🏻
想要第二集呀
太好笑啦😂
要有第二集啦😂😂😂
是緣有排我親愛嘅母親生蠔癮起，咁我本身都鍾意食亦會陪佢食。突然有日去完街返到屋企，佢就拎咗啲生蠔出嚟叫我食埋佢，咁我就以為佢收工買咗返嚟，留咗兩隻俾我（我遲佢半個鐘左右返到去），點知喺我快速啪完兩隻蠔，問佢：做乜又屎忽痕買蠔食？好平咩？，佢答我：唔係啊，琴晚食淨㗎！我就知仆乖啦🥲結果，我半夜2點幾3點扎醒咗嘔，嘔足12個鐘。從此，我驚咗陣蠔味，依家叫做好少少，食得返熟蠔🫠🫠🫠
weeeee
我媽本身係個夜瞓既人黎
咁佢會係人地瞓覺既時候黎執下屋 睇手機
跌左個盆 佢會"𭉝"番個盆轉頭
手機無啦啦勁大聲 佢會"𭉝"部手機😂
有次問佢 "𭉝"啲死物做咩
佢叫我唔好理😂😂😂😂😂
Wee~ 我是来之美国的朋友。我是ABC (American Born Chinese). 中文很okay。识讲广东话、但只懂汉字拼音。我的文字不好、请多多包涵。
我想分享我妈妈的匪夷所思。
我妈很爱间小便宜还有喜欢hoard(舍不得扔东西？）。每当超市有食物减价她都会买。特别是肉类因为可以freeze. 买回来、不会立即用、要等时机。等久了她就会忘记买了它。当超市又减价了、她又买买买。我们家的freezer 可能有放了 5-10 年的 ”丧失肉”。就好像在tvb剧爱回家佳树最喜欢买的放了五年的冻肉。因为妈妈买食物太多又舍不得扔、妈妈买了another freezer to 放 more 肉。我妈妈还有一个不要浪费食物的规矩、有旧的就要先吃。买回来新鲜的都放到旧了才会吃到它。零食放到过期才开始吃。水果开始烂了就会吃。我low key觉得我妈妈就是爱吃发毛/过期的食物。
我妈妈妈还有一个匪夷所思。因为妈妈想省钱、从小到大她都会帮我和两个姐姐剪头发。每次剪完我们都会被亲戚笑。我妈太不会剪头发了- 只会剪扫把头。就是绑起头发然后一剪就算了。我我十三岁了那一年、妈妈剪完我的扫把头 我就不开心了。我求她带我出去再剪因为太难看了。她带我去了一间 up up dup dup 的理发店。我说这里好吗？妈妈说很好的！进去了只有一个大叔。帮我剪两野头发开始变得更衰了。变成deep v 头。我说这个好吗？大叔说很好的 - 很有层次感。妈妈给了$5 就走了。我问妈妈您来过这里剪头发吗？她说从未来过。她去的理发店都是 $50 低价。结果我还是被亲戚/同学笑了一个月。
抱抱你
10:59 好勁 特登既
太正啦～笑到爭啲食唔到飯哈哈哈哈。辛苦大佬湘姐山長水遠都努力出片～力求四大長老二集
好好笑，一定要有第二集啊！🎉🎉🎉🎉支持你哋
話說我媽皮膚痕，於是我比支藥膏佢搽，遞比佢時順便講句「只供外用喎。」，然後佢忽然用好驚雅嘅樣望住我講「吓！阿仔你子宮有事？！」
Wee~~唔好開名呀~~
細個呀媽帶我去啓德大笪地 撈金魚仔 可以贏條錦鋰返黎
果陣就贏左條橙色既錦鋰
但因為我地冇養魚既經驗 求其張佢養左係𤠒球嘜果啲好大個既儲物桶 （好似買三四枝就會有連埋個儲物桶既）
因為就咁用個桶養 又冇氧氣裝置 有日我放學返到去 呀媽就話條魚死左
本身都冇野既 細個唔知咩係生死
但係過左一段時間 有日無聊打開雪櫃個冰格 見到有個可疑既膠袋
我又八卦打開左 發現條錦鋰係入面-.-
原來我媽諗住食得唔好哂…
後尾說服左陣 話食完錦鋰會中毒佢先肯掉左條魚佢….
以後唔敢再拎錦鋰返屋企….
Ronald幾時再拍電視劇?暖男爸爸好好看🤩
下次可唔可以開 「老婆之匪夷所思」？
廁所板壇野如果換成其他物件的話，基本上都發生過喺我身上，但對方角色有啲唔同，唔係老母而係老細....
Weeeeeee~唔好開名！！！
我要講吓家姐的匪夷所思
咁話說有一次我去家姐屋企瞓
夜晚突然之間好想飲一杯奶
咁我就搵啦
又搵唔到
咁就嗌咗家姐幫我手搵
跟住我家姐勁大聲對住個客廳嗌
：「阿妹我冇奶喎」
跟住我姐夫笑到仆街 我同我家姐都仲未諗到咩事
我姐夫大嗌咗一句
：「原來你知你冇奶？」
跟住嗰晚毫不意外
姐夫梳化🛋️🤣🤣🤣
我覺得屈坐爛戈個我會好炆(躁底)同埋唔會買，話就話塞住佢把口，但佢把口咁，我做乜都會有說話聽（職場上我都好怕呢種阿遮)
你今日屈得我坐爛野買過個，第日屈我偷錢唔通我又食死貓呀 😑原則問題
Weee~ 我媽咪太可愛忍唔住留言😂
我媽咪成日唔記得自己同我講過咩或者腦補我同佢講嘅嘢
有1次我買左1件泳衣諗住去水上樂園玩 媽咪話件泳衣有啲太暴露 我話我會著多件衫喺出面 經過佢話我幾次叫我唔好著得太暴露 咁我就乖乖女同佢一齊再去買過件泳衣 點知一買完佢就話 ：「其實你著之前件泳衣出面再著多件衫咪唔洗買」我話：「我咪一早咁講 又係你話唔好」佢就話：「我幾時有話唔好！我不嬲叫你唔好買 出面著多件衫咪得！」佢講嘅嘢同我啲記憶有太大出入 開始懷疑媽咪唔係同我喺同一個時空TvT
期待開父親節嘅匪疑所思！因為我好想爆我阿爸大鑊😂😂😂
我都想，我覺得我老豆都算奇葩😂 好多嘢爆
小左好多搞gag/迷因effect
成條片smooth哂！仲好睇！💪🏻💪🏻
Wee~
話說以前有日同二妹+丫媽去行街, 咁我前排頭髮拉左負離子, 二妹就電攣咗頭髮,
我地去商場食完野就去廁所, 去完洗手果陣我望一望塊鏡同我二妹講 : 我d頭髮又開始攣喇 >v< ,
我二妹話: 係啦, 我d頭髮都開始直喇,
然後我丫媽響隔離爆一句: 係啦, 我d頭髮都開始甩喇~
跟住我地就響個廁所度爆笑左好耐 xdddd 點解佢可以咁自然又毫無違和感接到我地既對話 xdd
wee，嗱，呢个故事真係發生係我Friend身上，有次距發燒，距阿媽話煲左粥俾距，然後距食過陣⋯係晚粥入面撈左兩粒蝦餃，一粒燒賣⋯仲有一條，係一條，海苔肉卷⋯係距地幾日前去飲茶食剩嘅⋯😂
🤢
湘湘把聲好靚好好聽😍
Weeeeee~~~
我都有一個好深刻既故事可以分享
以前呀媽唔知聽邊個師奶街坊講話用苦瓜煲湯好好架，下火清熱氣。咁所以就去左煲苦瓜湯俾我同呀哥飲。實際材料仲有啲咩我唔知啦，總之主要材料就一定係苦瓜。
果時煲湯煲完出黎就唔知點解好多白色既野喺哂個面到，好似啲嘔吐物既樣咁浮喺面。
本身我已經係一個極度怕苦既人，所以一定就好抗拒架喇。我呀哥既接受苦味既能力好高，果時佢飲左啖都頂唔順。呀媽果時就係咁話，「會有幾苦呀！一定要飲哂佢呀，有益架！唔準嘥野呀！」
呀哥果下忍唔住就駁返佢話：「你試下飲左先講啦！」跟住呀媽真係裝左碗俾自己飲，佢飲左一啖之後，跟住就將成煲湯倒左去😂
後尾呀哥問佢落左幾多個苦瓜同問清楚個師奶朋友係落幾多。結果係食譜落一個，但呀媽佢落左4個🫠🫠🫠
多謝！
👏👏👏第二集，please
我媽試過係批發市場買餸，之後揸左人地部電單車番黎。佢仲要係落車戈刻發覺前面個勾唔見哂自己買的野，睇一睇架車先知車牌唔同左。因為佢去人地舖頭門口就無拔鎖匙🔑買完野就直接上番車，隔離咁岩有部同款一模一樣又係無拔鎖匙的電單車，最後佢揸番部車番批發市場，對方車主原地等緊佢😂😂😂😂
老人家話食飽唔可以話食完，因為一完就88
Thanks!
話說我媽好少煮飯，有次我媽煮左成個月飯，我就肚痾足成個月，(但又正常大便係一日痾幾次甘囉😂)，我覺得好奇怪就問下我老豆家姐，點知佢地都係一樣情況。我地覺得好奇怪，所以我老豆襯啊媽煮飯就望下攪咩。原來我媽未煮熟d油就落餸😂😂我老豆同佢講話會滑腸架！但到2+我都唔知點解😂😂之後佢就無再煮
一定要有第二集😂😂😂😂😂
真心唔夠喉 求第二集🙏🏼
😂😂每集匪夷所思😂😂都好期待❤🎉加油呀😂辛苦你們了
好想睇第2集
We～～細個新年期間 啊媽會整定大菜糕等聽日食早飯既時候宴客，當晚煲緊大菜糕時，啊哥入廚房見到有煲滾左既水 佢就順手落個公仔麵，煮煮下發現煲水愈黎愈傑，食落口重有陣大菜糕味，個麵當場掉左，到第二朝食飯唐姐問 點解大菜糕會有公仔麵碎。 先知我阿媽留咗有公仔麵既大菜糕湯底。照整返個大菜糕出黎😊
Weeee~ 我細個嗰陣，呀媽摺完衣紙拎去走廊燒，燒燒下，成層樓都聞到有陣燒膠味，我地仲諗緊係咪邊度燒著野。原來，呀媽摺衣紙嗰陣大風怕風走啲衣紙，就用個電視搖控砸住啲衣紙，之後掉晒落去一齊燒
廁所板個個勁正😂😂擺明老屈個女🙈🙈
Weeee
話說前幾年疫情, 我媽入左醫院冇得探病, 只可以係門口交低D物資俾姑娘,
所以我媽3日唔埋兩日就CALL我拎呢樣果樣俾佢好似渡假咁
其實都已經幾炆, 因為每次都話D野唔岩用
有次佢話醫院冇啖好食, 好似集中營咁, 問我有冇蛋卷, 整盒俾佢,
於是我就放工搭車去醫院擺低俾姑娘就走啦, 出醫院門口之際佢就狂打俾我叫我返上去拎返盒蛋卷, 發脾氣話唔係要呢D呀!!
我話: 又係你話要既?!
佢: 搞錯呀??你識我咁耐都知我唔鐘意食呢隻
我心諗仲要指定牌子?!
之後我因為返工唔得閒, 托住附近既表弟幫我買盒蛋卷上去,
我表弟仲話買奇_ 果隻咁出名冇死錯啦
之後我媽又打黎鬧我話: 唔要香蕉味呀!!
我心諗奇X 有香蕉味蛋卷咩??
之後我都炆炆地, 又去買嘉_ 果隻罐裝冇死錯人啦
又上到去俾姑娘, 唔夠3分鐘又打黎鬧我, 話俾我激死,
冇辦法, 當時我屋企已經成屋蛋卷, 唔想再咁落去我就帶埋去表弟叫佢食返自己果D
係食食下途中, 經過一系列反思, 大家終於知佢要既係卷蛋唔乸係蛋卷!! 嘔到一地血= =
緊不緊肚痛🤣