#TalkFood
Vložit
- čas přidán 13. 12. 2023
- 位於土瓜灣北帝街的「新富盈」是區內人氣食店，主打湯飯米線。新富盈在土瓜灣開業超過20年，期間搬鋪數次，第一間店在北帝街街尾經營13年，後來因政府遷拆，搬至街頭營業8年。兩年前老闆劉生宣布退休，當時大批街坊感不捨難過，沒想到今年10月底於土瓜灣重開。
新富盈重開的消息，在土瓜灣群組發佈後，不少街坊第一反應就是馬上過來吃，並表示：「終於有飯開」。老闆笑說：「哈哈，到處有飯食啦，又唔係得我呢間。」可是很多熟客吃過別家湯飯，不是太重味精，就是太鹹太油，始終不及新富盈的簡單住家味道，飯餸吃完了，最後還要把湯底喝清光才滿足。
現時店子由劉生、劉太和細仔Ken一同經營，劉生負責湯底及處理招牌鮮魚，劉太負責醃料，Ken負責樓面，一家人齊心合力，分工合作。
劉生說：「湯底可以講係湯飯嘅靈魂，我成日同客講，如果你冇試過我嘅湯底，係食唔到新富盈嘅精華味道。」問劉生湯底如何製作？他說做法很普通，主要是落足湯骨去煮湯，簡單調味就可以。
湯底分兩日熬製，煲湯用上55磅豬骨，先汆水，把雜質和血水逼出，換水後熬最少3小時，置一晚，第二朝再煲近2小時，當湯骨完全熬碎，再隔油去渣，最後放鹽、雞粉和冰糖調味，湯底呈奶白色便完成。做法看似簡單，但其實全是心機之作。
湯底是重點，一碗好吃的湯飯，配料也非常重要。新富盈配料有36款選擇，當中以鮮魚為主打。其他的豬膶、豬粉腸和棒打牛肉餅等亦受歡迎。
不能不吃自是坊間較少見的鮮魚腩、鮮魚骨，幾乎十個客人十個點。老闆說以前舊鋪地方較大，高峰期可日賣四五十斤鯇魚，每天賣七八條鯇魚很平常；劉生現在依舊每天到街市的相熟魚檔買魚，回來後去魚鱗，拿走內臟，之後洗走魚潺，再將鯇魚斬件切骨，分門別類，全部工序由他一手包辧，只見劉生眼明手快，不出一會已處理妥當，儘管退休兩年依然寶刀未老。
這兒的湯飯是生滾煮湯做法，湯料及白飯分開上。客人選好配料，便放進湯裏煮熟。
老闆說把鮮魚腩和鮮魚骨加入豬骨湯底煮湯，是新富盈的獨門做法，魚的鮮味令豬骨湯底更鮮甜，同時每碗湯也額外放蔬菜同煮，例如近日時令的西洋菜，又或者白菜仔、冬瓜、西洋菜、菜心苗或芥菜。劉生說最初出現這個做法，純粹想湯底多點蔬菜甜味，就像住家飯菜般，沒想到很受街坊食客歡迎。難怪每一口湯，鮮爽美味，暖入心。
一大碗湯料上桌，一份4件鮮魚腩，嫩滑沒泥臭味，吃得出是新鮮貨，蘸些辣椒油味道更出色。另一招牌配料厚切豬膶煮得剛好，Q彈沒怪味，老闆說每日從肉檔新鮮買回來，洗乾淨後再去筋位，不然味道變苦不好吃。
說到新富盈重開原因，老闆劉生解釋：「最主要係放唔低，自己做出嚟嘅成績得到街坊認同，如果唔做覺得好可惜，加上細仔又有興趣入行，所以決定重開。」
細仔Ken表示：「爸爸退休後成日都會留意附近有冇鋪位，知佢一直放唔低，加上我對飲食業有興趣，而家20歲都唔細，辛苦啲冇所謂。」
老闆娘則說：「最初我唔同意鋪頭重開㗎，驚阿仔捱唔住，半途離開。不過依家唔擔心啦，阿仔做嘢好俾心機，成個人唔同晒，有咩唔識都會主動同阿爸請教，見到佢哋有商有量，父子關係變好，真係好開心。」看來普通的一碗湯飯，水氣氤氲，不僅盛載着美味，還透出暖暖的人情味。
靚湯飯+時菜 $31
鮮魚腩$12
豬膶 $12
雞肉 $10
豬粉腸 $12
手打鯪魚球 $12
棒打牛肉餅 $12
新富盈川味米線・湯飯
地址：土瓜灣北帝街27號地下A號鋪
電話：2713 8890
營業時間：星期一至日11am-3:30pm 5:30pm-9:30pm（每星期不定休一天）
撰文：Yvonne Lam
攝影：Peter Li、Yau Kok Tat
剪接：Peter Li
美術：Anita Lam
TalkFood 先填飽肚子再前進
CZcams: / talkfood
Facebook: / talkfood
Instagram: / talkfood
全自費真實食評，內容反映當日質素，並非廣告！最新價格以餐廳為準。
#新富盈 #新富盈川味米線湯飯 #湯飯 #鮮魚腩 #鮮魚骨 #手打鯪魚球 #棒打牛肉餅 #豬膶 #豬粉腸 #西洋菜 #豬骨湯 #土瓜灣 #食晏 #外賣 #土瓜灣美食 #TalkFood #TalkFood土瓜灣
延伸閱讀：
【#吃好吃】新富盈重開 土瓜灣名物 足料湯飯回歸｜新富盈川味米線・湯飯
/ cz5sgl0l8ts
【#街坊嘢】土瓜灣隱世懷舊菜館 低調高手傳承失傳粵菜｜喜滿樓菜館
/ cy3ohtzpret - Zábava
老闆講得啱，面家因為硏究食品質數同公司生意同個仔反而多溝通咗，呢種関係俾有錢更幸福，仔女肯做，肯捱就係最大安慰，何況細仔只有20歲肯返店做咁辛苦嘅行業，也值得一讚👍
Ken仲要好成熟好識諗👍
Ken 仔加油👏！珍後生努力💪…你比其他年輕人幸福好多. 你有父母在身邊做你的後盾
昨晚同老婆剛剛去過，真係唔錯，無味精，足料，佢個仔高大靚仔，可以入娛樂圈！
太開心, 雖唔係土友, 但會久不久去嘅老地方, 幫襯左19年, 細仔20歲, 仲以為係當年喺舖頭嘅得意肥仔, 多謝 #TalkFood , 今日一定要去食👍
由開張已幫襯，食了二十年，早前結業令人感到失落，侵難找到那麽好味的湯飯，每碗皆獨立烹調，材料又新鲜，我尤其最愛他的猪潤，十分爽脆。
小編最愛佢嘅棒打牛肉餅！
細細個睇住佢開張成日去，大個咗去咗外國，都好掛住佢啲湯飯。記得有一年母親節一家人同外婆去食，而家外婆都走咗幾年，真係好懷念。
呀仔努力呀~老豆老母已經打好曬個江山同口牌比你架啦~只要真材實料一定有得做,食係必需品,最緊要好食有質素就冇得輸架啦!
十幾年前成日幫襯，佢啲嘢係新鮮又好食，以前真係晏晝夜晚都爆場，最記得佢個仔，應該係大仔啩，係肥仔嚟，好搞笑㗎😂
好感動，終於又開返，真心好難忘個湯，我就喜歡米線多啲，之前多數去街口果間，執咗時去到都有啲失落，雖然北帝街有好多嘢食，但都係想去返新富盈，食慣嘅味道。
新富盈開返大家都有飯開喇～
湯飯重開係土瓜灣友的福氣，希望細老闆可以繼承父業，闖出一片天。堂食雖然等得耐，忙起上黎，要等半個鐘，但舊鋪「光榮結業」兩年，以為往事只能回味，而家能夠「重新上市」，幾耐都等，因為兒時的味道唔再只係回憶🥹，細老闆記得多啲搵老豆取經💪🏻
天氣凍冰冰，食返碗熱辣辣嘅湯飯就啱晒！
保持良心食材烹調，對客寬容;生意自然好!😂🎉祝福他們一家和順!
👍好介紹，難得又平又健康之食店。
，今時今日用心去做生意，特別係食肆完全好難得❤多謝Talk Food，睇到留言完全係讚嘅，知道呢間係真材實料唔似係其他嗰啲假報道❤
湯飯真係好好味呀>
之前沒做真的好失落, 連土瓜灣都少去了. 好彩幾星期前無意見到他們重開, 現在每星期都去吃一次.
上個星期六食左一個豬潤，粉腸加鯪魚球湯飯，好好味，豬潤剛剛熟無血水好滑，鯪魚球都係舊味道，還以為係新開，原來係重開😅
豬粉腸都好出色！
教得個仔咁好
感覺寫實唔做作 👍
睇完都有興趣試試 ❤
試完話返俾小編聽好唔好食^^
多謝好介紹
潮州人做湯飯是專家，在泰國很多潮州人開的湯飯店很美味，由其是海鮮湯飯。
好好味，又有得食
最大欣慰 父子關係做到磨和加昇華
支持讚好👍💯😍
佢哋初時應該係馬頭角道, 之後搬去北帝街, 我都有幫襯過, 好味, 最記得係天寒地凍時食, 真係特別好食, 開返就好啦😊
又可以晚晚去幫襯啦xd
多謝介绍会去食
原來之前有親友和她同事都多次幫襯過，那就要搵日來試下喇
良心歺廳，值得支持💪💪
樂民果間分店比人害，好慘😢
好彩開返咋，一星期起碼食四次以上❤
Yvonne 加油💪🏻💪🏻💪🏻
一道肉湯加一碗飯真的好美味
真係食咗20年，睇住呢個以前係肥仔大個哂🤣老細兩公婆好上鏡！🎉
係，真係大個仔唔同曬😂
really want to try it .... i can tell the fish soup must be yummy!!!!! 😄😄😄😄😄
好味
好食
病到甩肺的我睇到呢條片真係好想飲淡湯 好想食魚湯飯
食完話唔定即刻好返晒！
家庭式經營，不容易加油
加油
賣得好平
我都想去食
我記得舊舖喺北帝街7仔對面，以前舊舖口碑都好好，揾日去新舖食吓先😅
支持！！
Ho ho mei ho ho sek happy eating❤😢😊
知道重開，今天16/12從元朗出土瓜灣支持老闆，但是休息沒有營業，非常失望
係呀，佢哋每星期不定休一日，去之前最好打電話問問！
細仔講嘢個Tone好似Tyson Yoshi 😂😂
🤣🤣🤣
在舊舖時已經幫襯，Ken細個時係肥仔😅
貴左好多，由30幾2餸現在係30幾無餸，每餸加10幾20，以前飯堂，現在。。。 又係新一代接手就打貴價錢的例子。
質素冇變但少左腐皮價錢貴左😅
小鲜肉係舖面，可吸引多D嬸嬸客既！
🤤🤤🤤🤤
野食質素係還好既
但出餐個方式同管理 超級大問題
五至十分鐘先出到一個餐
閒閒地 堂食坐低左都要等40-45分鐘先有野食
大家如果真係好得閒先好去試下
你都on99
20歲仔咁識諗，肯捱一定成功
出水點解熱水落湯滑
短暫喺土瓜灣住咗一年幾，食咗一兩次已愛上，後來冇咗，成日都唔知食咩好
依定開返又有飯食啦～
唔識欣賞
新店重開試過一次
湯清但無任何香味
只有咸味
餸係OK
但碼非常小
60幾蚊食碗唔足料既米線
唔包餐飲
餐後1個鐘後就要再揾野食
落單到上菜要40分鐘！！
食物做得好，一定要長時間
隔夜湯，好好味，好有益，好健康！🎉🎉🎉
外賣兩個湯飯要一個鐘頭…… 其他自已體會！
好清淡，但好少有湯沒味精。但價錢有點貴。
街坊食番系可喜，白髮蒼蒼仲要打碰，吾識点講。
呵呵呵，又有得食
30蚊 超值
入門口就見到有份大公文滙報🈲自取即走啦❌
吓～我上次去已經冇佐啦😭😭😭😭？而家搬佐去邊呀？
係北帝街重開啦～
@@TALKFOOD 嗯～我第二日就已經去佐
呢個太子爺係拉仔以前細細個係肥仔一名
冇味精，應該都幾好
呢d餸打邊爐任你食
$288 任你食啦！🐷🐷🐷
藍店不了
你慢慢食黃店d人血饅頭😂
邊有咁誇張，舊鋪梗係有味精啦，新鋪未試。
一定無味精，你咪鳩噏害人啦
@@user-hk3lu7zb2d 有隻味精落左都唔知
As a Canadian studying in HK, I see this dynamic among the HK society. The elderly parents bend over backwards to placate a relationship with their sons (rarely daughters). Forgive my Western (Gai Lo) ignorance, but the son has to be adopted as he shares NO physical traits with the parents- the body structure is completely different.
出面無嘢捞，咪返去揾老豆出糧囉!
最憎食湯飯
then go home and diu your lo mo, ok?
@@hello520111I diu your wife and daughter ok?
播放广告等係垃圾广告
i think his son really want to open the restaurant first then sell it to someone after these two old fossils die. very smart PK son.
超揾笨，完全唔整唔賣魚湯鱼腩，分明欺騙囉。又貴又普通。
食過一次真係好L普通，仲要60幾蚊外賣三送