官方重溫 (尾場) 陳柏宇 - 逸後 [ 感動版 1997、2021 Animation ] Lyrics Video @JASON CHAN FIGHT FOR 演唱會 2021
Vložit
- čas přidán 23. 08. 2024
- 我一直都同大家講《逸後》係我 All Time Favourite，今次演唱會，好多謝團隊賦予咗新嘅意義俾呢首歌，除咗係典型嘅情歌之外，原來亦都記載住時代嘅變遷。
當晚諗起離別嘅情緒，再見到全場觀眾亮起嘅手機燈，就忍唔住喊咗出嚟。
最後，希望大家都會鍾意今次嘅安排。
#陳柏宇 #JasonChan #逸後 #JasonChanFightFor
#1997 #2021
全演唱會歌單 (CZcams)： • 演唱會重溫歌單
全演唱會歌單 (JOOX, KKBOX, MOOV)：SonyMusicHK.ln...
--------
Follow Jason
Facebook : / jasonchanpakyuofficial
Instagram : / ckw720
大家聽《逸後》會諗起邊個？
你
以前聽會諗起分咗手嘅前度….
今次睇完你嘅演唱會後，會諗起一個個離開咗香港嘅人🥺
本身是初戀
睇完你concert後會諗埋移左民的朋友🥺🥺
每一個和自己離別過的人……
香港人
睇完啲留言同網上一啲評論，有啲說話真係不吐不快，因為真係好戥陳伯唔抵。由陳伯出道開始聽佢，佢由一個貪玩嘅細路變咗一個顧家嘅爸爸，但我覺得佢性格係冇變過，個性率真，從來唔熱衷追逐名利，樂於做個平凡人，佢成日都講，能夠以歌手做職業已經覺得自己好幸運，唔奢求大紅大紫。有follow佢嘅都知，可能因為童年經歷，陳伯好嚮往同重視家庭生活，佢人生除咗唱歌，就係屋企人。其實，將某啲人或事經常掛喺嘴邊或者分享出嚟，必定係因為對自己好重要好上心。但就因為咁，令佢成為攻擊對象：消費個女、扮好男人扮慈父、紅唔起所以要曬女搏宣傳，又或者冇心唱歌只係想賺奶粉錢等等（唔該啲人諗吓，冇心唱會花咁多時間金錢去學？唔賺奶粉錢佢囡囡你哋養？）..…幾難聽嘅說話都有。但陳伯從來唔反駁唔解釋，所有野都默默承受，亦唔會為閒言閒語去改變自己。明明性格咁好、咁冇攻擊性嘅一個人，比人抹黑抵毁，影響埋佢事業，我真係唔明點解個世界可以咁荒謬，你話背後冇勢力喺度操作，我真係唔信。講真，用下腦都知，如果陳伯真係有目的咁消費或者利用個女，佢見到唔work、達唔到預期效果，仲唔即刻停？仲會繼續？不如學吓啲識講嘢嘅人，淨係話自己對音樂幾有熱誠同抱負去please啲網民好過啦。真心希望網民可以用吓自己判斷力，唔好人云亦云。覺得佢啲歌唔好聽冇問題，呢啲係個人喜好，但唔該唔好人格謀殺。
講返唱歌，喺我心目中，陳伯一直係一位優秀嘅歌手，有一把好動聽好有感情嘅聲音。佢係有一段低潮期，爛聲唱唔到，亦試過失手。但就算頂級專業運動員，何嘗冇狀態唔好嘅時候？唱咗十幾年重新再學並唔係容易嘅事，所以我好佩服陳伯，憑住毅力同堅持，喺比好多人睇死嘅情況下，證明左自己係可以進步，可以唱得更好，失敗左可以爬返起身。我敢講，以今次演唱會嘅水準，現今樂壇活躍歌手之中，可以唱得好過陳伯嘅只有張敬軒，極其量加埋佢好朋友小肥。真心覺得陳伯值得更多，就算唔喜愛都值得更多尊重
陳伯如果有睇留言，想同你講，相信自己，你係得架！你嘅努力我哋睇到架！無論係對Abi定fans，你都係一個好好嘅role model。繼續行你想行嘅路，唱你想唱嘅歌，無論紅定唔紅，只要你一直唱，我都會一直支持！#we are team Jason 🤟
唱得咁好咁有HEART竟然咁少獎。係咁嫁啦呢個世界，無獎但有真正識欣賞佢既支持者。係我地心目中JASON IS THE BEST！識聽一定係聽佢，未必係惟一，但至少，你一定會聽佢。
真，以前我都無聽佢啲歌，除左唱k有人唱下聽過，淨係睇過佢好出名條片😂😂但係music panda見到佢同小肥咁fd咁唱得就開始聽佢啲歌，的確係唱好左好多，人又靚仔，又有心，去到出道咁多年仲繼續學唱歌，真係欠佢個膠袋
我自己覺得，當張敬軒都可以喺紅館開十幾場演唱會爆曬，同樣係實力派歌手嘅陳柏宇，竟然兩場演唱會都坐唔滿，我覺得真係好唔開心，明明一個咁好聲嘅歌手，冇話追求啲咩名利淨係向追求更好嘅音樂（好似53 FPS，成張專輯鋪墊成一個愛情電影嘅感覺，明明係好正，可惜因為唔係大眾喜歡嘅口味，喺香港討論極少），但我一直知道陳生嘅努力，佢係好希望繼續做好自己音樂，就算得一個人聽佢都繼續做。 陳生我唔知你見唔見到呢個留言，我真係好支持你，覺得你嘅聲線好獨特，然而你個人好貼地，好有感染力，繼續做好音樂，無需要同人比較，對得起自己就ok啦。
我同我啲朋友屋企人講，買碟呢啲就基本啦，我希望演唱會可以有part2 part3，我真係呢幾年以嚟未曾聽過一場咁高質嘅演唱會，首先你聲線非常好啦，再加上成個故事真係貫穿主題，真係好鍾意，我同我啲朋友講呢個flow有啲感覺好似五月天演唱會講故事嘅鋪排，令到人係會上去聽多幾場去瞭解更深入想表達嘅內容，我可以講嗰兩日嘅紅館演唱會你係香港最好聽嘅歌手。但我唯一挑剔既係真係好想多啲人支持你，你係有實力㗎，我覺得你唔係曇花一現， 並唔係霸氣情歌之後就冇曬聲氣，38歲仲有大把潛力，起碼你肯去學習唱歌，肯去試唔同音樂嘅類型，走你自己嘅trend，從speechless 去到not alone live 再去到fight for ，我相信你自己都知道你嘅進步係有幾大，我係一個聽咗你好多年嘅一個朋友仔，平時都好少留言，特登開咗個account嚟留言，因為今次感受真係好大，我每日都捕住城市售票網睇下你啲演唱會飛幾時賣曬，真係好想更多人留意到你，遇到知音人，亦都好想同你講一聲"我哋收到啦"，多謝你咁多年嚟嘅努力，而家演唱會完咗，冇壓力㗎，演唱會完咪休息下，同abi食吓菠蘿油囉，開吓live，加油！「佢哋唔識貨唔緊要呀，你喺我心目中，已經係我最喜愛嘅男歌手👍🏻」
軒公都好撐jason，唔知有無機兩位一齊開（就好似之前佢同ivana咁），起碼有入埸人數保證先。加上兩位靚聲行走CD，合作一定有火花，又可以令多d人聽到jason既聲音。
當每天去售票網睇到仲有好多飛仍未賣出的時候(包括$380), 其實覺得好心酸。。。😭😭😭!
廣偉,永遠都是我心目中最好的!!!
我覺得Jason唱歌較有感情，較感動到
@Morning Breeze haha 願望達成
廣偉又係一個聽歌聽落去舒服的歌手。
現場睇更加正！！！正十萬倍 ！！！冇入場睇真係走寶
個燈海好震撼 好感動 眼淚不停流 把聲靚到不得了！
希望香港人可以珍惜呢位咁好 咁高質嘅歌手🥺Sony都可以做好啲PR 捧紅番Jason
He deserves so much more!
❤️柏宇世一❤️
Same feeling
Same feeling ，聽返真係同入場爭好多
屌，我都想入場睇，不過仆街林鄭搞到我返唔到香港睇，多得佢唔少
Sony Music 真係唔該要出Blue Ray 係澳洲番唔到黎香港，最痛心探唔到家人朋友，仲有就係連自己鍾意既歌手都唔可以親身支持。
跪求Sony，乘住演唱會好評如潮個勢，谷返起陳伯，下年幫佢爭個男金返嚟，完歌迷多年嘅心願🙏。Keep住派歌，做多啲宣傳，「對得起自己」同「有我」都好正，呢個方向好啱陳伯，希望「有我」快啲派台
多謝陳伯及Sony團隊賦予《逸後》新嘅意義🥺🥺
呢個演唱會實在太正😭😭❤️❤️
求出DVD、甚至Blu-ray🙏🏻🙏🏻
其實真心難過😢，今次陳伯嘅表現，以至整個show嘅制作，同上次紅館比，跳升左不知幾多個層次，但完全冇noise，完咗都冇人知，淨係得有去嘅知道有幾正！陳伯，我哋知你下咗幾多苦功去準備，希望你唔會覺得心灰意冷，記住仲有一班懂得欣賞你嘅知音人，努力一定唔會白費，一定會有人見到。開唔到大場咪開細場囉，你去邊度開我都一定會入場支持你。永遠我最喜愛嘅男歌手，沒有之一
演唱會咁成功點解會難過？淨係有去睇嘅人大多數高度評價已經好足夠，你講果d冇noise本身都唔會諗住去睇嘅人就唔使理佢哋咁多啦！
呢一part 睇幾多次都咁催淚 我係現場都感受到好有力量既燈海 希望Sony 出演唱會碟 係我地將陳廣偉成就為陳柏宇🔥🙌🏻
多謝陳柏宇比兩晚難忘既演唱會比我地🙏🏻
終於陳伯有Trending!
呢個version絕對值得攞#1 燈海加陳伯嘅真情流露🥲
成個演唱會非常之有心思， 令到我哋感受到每一首歌送畀我哋嘅意義， 全晚聽住你唱嘅靚聲， 簡直係行走cd，比Cd更加好聽先岩, 到現在都忘記唔到你嘅靚聲，真係一個 非常之成功嘅演唱會。 好想再重溫，快啲出blu-ray我要買嚟聽一百次🤣🤣👍
這是你真正的經典，出道15年多辛苦累積返嚟嘅經歷，故事，環境不斷嘅轉變，由你忍唔住喊個刻，大家似乎都一致明白了！歌要唱出經歷才有味道，最尾一句「我怕我」唱出真正嘅桑腔，在你咁多年嘅歌入面真係可遇不可求，已經好少歌手再唱到呢種有經歷嘅味道！在身邊的，一切得來不易，放棄亦很難。陳伯，路要行點都要撐住！不要停，共勉之！
我好唔慣講嘢咁感性，因為一首歌，呢十幾年由你出道到今日我都冇停過keep住希望你成大戲。睇住你咁多年黎有大起亦有大落，行到今日仲可以企喺紅館唱live ，已對得住你fans了💪🏻
現場睇超感動 成個演唱會 RUNDOWN 勁正，唱足兩個幾鐘，多謝陳柏宇
係呢幾年睇過最好嘅演唱會，番到屋企繼續聽playlist
Sony Music 你可以話佢唔夠宣傳，PR 做得唔好，歌手有實力但少獎。但另外一方面，我睇到每一位Sony 既歌手都係好真誠，無買fans 留言同views, 每一個youtube comments 都係真實每一位歌迷既肺腑之言。好痛心竟然有某d 勢力係Jason 之前紅一陣就抹黑佢。我地未必有能力對抗惡勢力，但我地絕對可以一直支持Jason，令到佢長做長有。佢行得正，企得正，無咁易俾其他人打低，絕對「對得起自己」
今次第一次睇concert，我記得我2017聽到霸氣情歌，認識到陳柏宇，我就開始追番你以前d歌，當時我重係個中學生，身邊d朋友都好少聽廣東歌，我覺得好可惜，我發現你既歌有好多滄海遺珠，不過後來知道到你係個吾會過於追求名利既人，見到你有keep住出歌我就好開心，可能吾多人聽，但一定有知音人，香港樂壇一定有你既位置，我知道你吾會介意少人聽，現場睇依part同小明果part真係眼濕濕，搞到我好感動，多謝你，果晚concert我一定吾會忘記，加油啊 ! ! ! 期待下次concert
佢，係值得你喜愛的歌手呀！多謝支持😉。。
佢好多歌都好好聽的，推介你聽"時機"
出碟一定買！近年最高質演唱會，近3小時，無冷場，無吹水環節，齋唱，由頭到尾把聲都完美！多謝你！
陳伯唱功雖然唔係頂級，但有把可以唱入人心坎嘅聲線，進修唱歌後，演繹更有技巧，聲音更有power。希望你繼續努力，唔好放棄，以成為一線歌手同坐爆幾場紅館為目標，香港唔應該只容得下偶像派
有啲留言真係得啖笑，話明感動版，又踩人咩走音唔穩等等。大家唔係聽唔到，而係有入場嘅都比首歌想帶出嘅訊息感動，大把人都眼濕濕甚至喊出嚟，冇人會去挑剔Jason有邊粒音唱唔準。而且喊住唱到咁，已經好勁，仲想點穩法？歌神都唔可能100%穩啦
有啲人真係戇鳩，當歌手係唱歌機器。張敬軒唱酩酊天使都喊啦，邊有正常人係冇感情㗎？
J神出名現場勁
如果真係唱到cd一模一樣，咁我為咩聽你live呀？
我聽x到眼濕，睇到副歌啲圖直頭喊
这样已经很稳了，从开始到结束这首歌他都在忍，一直想哭😢
陳伯世一！請香港人珍惜陳伯🙏🥺
陳柏宇真係好過個班鏡仔，多謝你陳伯
多謝陳廣偉，見到你喊我都好想喊。演唱會前外間好多批評，演唱會內你用實力歌藝爭一口氣，感謝你堅持!
聽聞你已經由行走CD進化到膽機，好為你開心 ❤
真係好難忘！係現場真係好感動，好有feel！陳伯感動到出唔到聲，成班一齊開住電筒，一齊大合唱！成個畫面好正！我仲由頭喊到落尾添！
成個演唱會真係超級有心思，好正，希望可以快啲出碟啦！我要無限不停loop呀！
喺現場覺得好難忘 好有感觸 even到依家回味番都覺得好感動 好耐冇聽過咁有感染力嘅演唱會啦!!!
陳伯你嘅努力大家都見到啦 希望你繼續fight for你想做嘅事 你永遠都係我最喜愛男歌手!!
人在海外，聽住呢個version 冇諗過自己會流眼淚
真係好感動，呢個演唱會好高質，陳生把聲又靚，唱歌又好聽左，成個演唱會鋪排都好正，希望可以出碟俾歌迷永久保存
現場睇勁感人🥺無估到咁貼地有呢一幕，而家睇一次都眼濕濕一次…多謝你Jason❤️
陳伯世一！下年男金pls🙏
陳伯如果保養好把聲keep住呢個狀態，唱歌真係世界級好聽！
一個又一個時代的離别🛫
/
煙花已散落地
飛灰似錯落地
來提示著我不要希冀
應早知這世界
從來無完美
而家聽逸後太多畫面😥😥太感動❤❤D眼淚🥺忍唔住😥😥
想起離別,好心酸。。。
但被你的新歌- "有我",治療了。。雖然未必有好實際的幫助,但知道自己並不是獨自面對。
廣偉，我們有你支撐著,同樣地,我們都會在不同的空間,時間,支持著你的。💕
好開心可以成為其中一枝手機燈既觀眾🥺🥺
會一直支持陳廣偉🤍🤍 逸後都係my all time favourite⭐️⭐️
我最愛的男歌手，很開心見證到你的成長和進步，這個演唱會做得非常之有心思，每一首歌都好meaningful，狀態更是回勇，希望公司好好treasure你，繼續做多D好歌，亦都希望快D出CD同Blu-Ray，陳廣偉一世!
尾場逸後世一!!! 今次演唱會睇晒兩場 無論係唱定rundown都好高水準 好開心見證到廣偉學唱歌既成果🥺 希望下年努力出多d好作品 等你攞男金!!!
認真，今次口碑咁好，如果唔出碟，同埋啲props仲喺度嘅話，Sony不如考慮吓開part 2，我諗好多睇過嘅都想睇多次，加埋今次錯過咗知自己走寶嘅，一場要爆應該冇難度，亦可以加一兩首新歌。當然，宣傳真係要做得好啲
陳廣偉世一😻
Thxx 陳生呢個咁正嘅show. 明年到我都要去台灣了，感謝你呢個描寫呢幾年香港人心聲嘅聲音，就算以後我走咗，但當你再有演唱會時，我都一定會返嚟睇！永遠支持你！
多謝你呢條片 可以再重溫返啲動畫🥺🥺 希望會出埋CD😭😭❤️❤️
疫情關系不能前來看演唱會，想睇演出只能網上收看兩晚直播，因為實在太多感動位，真係超級好聽同主題構思感人，隔住個電腦都感受到現場氣氛，紙巾都喊濕大半盒，希望可以考慮出演唱會版，繼續可以同身邊朋友fight for好歌
係現場聽呢首歌配合埋片段真係好感動，一片燈海好靚，而家腦海仍然記得呢個場面，Jason唱功進步很多，成個演唱會又精彩又有意思！
多謝你唱返呢隻歌，上星期聽返呢隻歌，終於百分百明白歌詞，喊到收到聲……
好掛住陪伴我多年嘅另一半。我哋真係同遊異地雪國、見證最暖花火，但幾個月前突然要各有日後，心好痛。好唔想讓佢走....
陳柏宇世一
真係呢一世都唔會忘記今次個演唱會 😭成個演唱會都好有故事性 令到睇嘅每一位都好有共鳴 特別係2019、1997、2021 睇得出你將呢幾年你嘅心底說話都放咗喺演唱會到 💛由the players 睇到fight for 睇住陳生點樣進步 加油呀陳廣偉 你所付出既努力唔係冇人知架 就好似今次個演唱會咁 期待你可以爭下氣下年拎男金呀 🔥🔥🔥
陳伯，可唔可以快啲出「有我」，好想狂loop😚
痴線㗎 呃觀眾眼淚嘅😢
因為呢個演唱會我先知道
原來陳柏宇嘅情歌係可以用唔同角度演繹
多謝陳廣偉！！！呢個演唱會一定要出碟啊！！！實在太正！！！😍
Jason 這首歌好感動！也令到 Jason 落下了眼淚。要開一個演唱會真的好不容易，兩晚演唱會好成功，超级好睇，我真替 Jason 好開心，演唱會一切順利和平安！非常感恩！非常感恩！願主保佑陳廣偉 Jason 陳柏宇一家人健康快樂！🎊🎉👍👍👍👍👍🎊🎉
多謝陳柏宇❤️唱出香港人既共鳴
第一晚睇到呢Part已被感動流淚了~
到第二晚同一Part見到連您都哽咽流淚就更加感動了~
感謝您精心鋪排既感人故事~
感謝您喺《逸後》再《有我》~
香港人大部份人都係跟風，只要宣傳多，曝光多就好似好紅，人要我又要，人有我都要有一份，咁多年來都係本住追星心態，真正留意同欣賞一個歌手既誠意又有幾多個？ 陳廣偉，keep 住做好既音樂，尤其係歌詞部份守緊個龍門，we are team Jason 🙌🏻🙌🏻🙌🏻
We are team Jason 正！
多謝陳廣偉呢兩晚超水準演出💖呢part真係估你唔到😭一邊睇一邊抽泣🥺期待你出DVD等我無限loop返個concert🙏🏻
多謝你, 陳伯
《逸後》都係我 All Time Favourite
好記得當年自己一個人去睇你九展既演唱會, 你一路唱我一路喊
到依家我身在異地, 已經冇得再去現場睇你既演唱會, 呢段片仍然係一路睇我一路喊
多得你既團隊賦予咗多一層嘅意義俾呢首歌, 令我今後更喜歡呢首歌
離別係痛苦 但 「曾相擁曾牽手 在心裡仍足夠
願我所愛以後帶著笑口 便無憂」
希望每一個人都安好
多謝你, 陳伯
多謝你每次都感動到我
呢首歌真係忍唔住眼濕濕，本身都好鍾意呢首歌，呢次仲加上新既意義。
多謝陳廣偉!!!! 咁多年一聽到《逸後》都會喊過不停
呢首歌唱到入心底嘅感覺~~
呢2次係現場聽到嘅version係令我諗起離開左香港嘅朋友~
亦係我喊得最勁一次!!!! 多謝你呢一個version!!!
LOVE YOU JASON~
好感動😭😭 加返多啲wide shot 燈海仲正！你嘅message 我哋收到晒🥺 加油陳廣偉，唱多啲好歌比我哋聽
每睇一次每喊一次
人生第一個YT comment!
當晚係現場🥲呢個演唱會我俾1000分！
一世支持你！
見到咁多人叫Sony捧返起Jason，希望Sony真係睇到。但請Sony唔好再比啲千篇一律嘅歌Jason唱，聽咗Jason咁多年，絕對知道Jason可以駕馭好多唔同曲風。近年突然興r&b，好多人就吹捧唱r&b嘅歌手，覺得唔唱r&b就好out，但其實Jason一早有唱，而且一樣handle到。新歌《有我》好好聽，但都期待新碟有更多唔同類型嘅歌，比人睇到Jason嘅能力。Jason is definitely capable of more and deserves more!
呢幾日狂Loop尾場逸後😭😭有官方重溫真好
me2 不下20次
因為疫情去唔到香港睇，都希望你可以出碟，令我可以回味再回味！實在太正啦，好感動🥺
陳生 多謝你呢兩晚俾咗一個地方大家好好咁回顧/重新思考呢幾年嘅事，俾咗大家一個感情宣洩嘅時間，睇第一晚大家都係靜靜咁抹曬眼淚，第二晚就好似有一班朋友咁將心裏抑壓好耐嘅一齊喊住抒發
面對無常，縱然心痛難受，但會祝福離開嘅人，留低嘅更要撐住:)
陳生 Good Show!!!
多謝你的堅持，多謝你的歌聲，多謝你的編排，陳柏宇，要一直唱落去！😢🧡🧡🧡💪🏻🎉🎉🎉🔥🔥🔥
多謝陳廣偉俾左2晚咁正既演唱會我地 一定要岀碟呀 一定要岀碟 一定要岀碟 好重要 所以要講3次
愛你一萬年啊😭😭😭😭😭
Jason Jason Jason 🎙🎙🎙
點解你可以咁努力？ 咁博命？
你真係好好 好好好👍🏻 好好好好 好感動啊🥲
超靚聲 ～ touching my heart
#天塌下來 緃使我沒法替你去擋災 🎶🎶🎶🎶
#頭如何疲倦了也要抬得起 🎼🎼🎼🎼
#你不解這個心結 別怕 在我身邊 ❤️🩹❤️🩹❤️🩹❤️🩹
jason 永遠都係甘正 世一
多謝陳廣偉咁精彩嘅演出😭😭😭遠在台灣睇線上都感受到你想傳遞出嚟嘅訊息！！陳廣偉世一！！
第一次聽陳伯就係2017年
當年佢攞到吒叱我最喜愛男歌手
我就開始聽佢的歌
越聽就越上癮😍
佢嘅歌亦都陪我渡過咗好多個難關
即是後來聽咗更多音樂人嘅歌
始終都係覺得陳伯嘅歌最正
我除左鐘意陳伯的歌之外
亦都佩服佢為人
果種淡泊名利真係唔係個個都做到
所以我真係好討厭啲人話佢作狀扮嘢
有時會覺得香港人唔係好識欣賞自己嘅音樂
Anyway 支持陳伯👍
今年繼續Fight for 更好的作品俾我哋🙏
JASON多謝你，今日香港一切都不容易，特別你地公眾人物，一句說話足可摧毀所有，多謝你仍關心香港人，祝你生活安康，事事順景！
現場睇真係正到爆同感動，每次再睇返都一樣咁感動🥺加油啊陳廣偉💪🏻💪🏻
今個演唱會係陳生咁多個演唱會中，最好睇嘅一個！呢兩晚現場聽真係唱得超級超級好聽！真係超水準！♥️ 好想可以再足本重溫😭😭😭
快啲開多次！大把人後悔冇睇🥲
很感動。
一切在心中，香港人，要珍重。
期待sony出演唱會cd，特別係第二日，當日現場聽好感動😢現場嘅動畫都整得好好，想睇多次
好有心😢肯剪出黎
陳廣偉真係好正！唉，見到佢演唱會唔爆場仲比人冷嘲熱諷好心酸😢。香港人真係唔識貨
其實好心酸
🥲🥲
惟有大家幫手推推views
冇包裝、冇宣傳、冇曝光冇電視台捧，乜都冇，而且樂壇競爭大，之前爆紅過一陣就出現大量攻擊抹黑要拉返佢落嚟，死一個就少一個人爭。佢唔似張敬軒本身有穩固又夠大嘅fan base，又有大大個英皇喺後面撐住。而家仲有得聽佢唱，要好好珍惜啦
係，我依家聽返廣東歌，大部份都係聽佢或者Phil既歌，一聽覺得佢把聲真係好正，唱得又有感情，睇埋佢既故事，更加佩服佢嗰種毅力，好正面
柏宇世一
睇呢條片又喊多次😭😭😭 多謝陳伯！！😭❤️ 真係好中意你 😭😭
Thank you 陳生❤️你係最好㗎！
諗到將呢首歌個意境升級十倍個位朋友
唔該加返佢十倍人工❤️❤️❤️
現場睇好感動 加油呀陳廣偉💓
官方可唔可以剪埋《對得起自己》演唱會版當宣傳下首歌🙏
你一開場着住cosplay衫升上嚟唱《對得起自己》我已經感動到想喊，近排最鍾意依首歌, 好熱血好啱你唱，不過演唱會完咗係咪唔會再plug, 可唔可以再plug多次😆，出面好多人都唔知有依首歌，電台又唔播電視又唔會播網上又冇人講首歌好似從來冇出現過咁好可惜！希望唱片公司都可以剪個演唱會版出嚟當宣傳下啦🙏
呢首真係完全浪費晒😒😒
感動😭
野生慕容
I cried when I listened this song on that day. Jason Chan performed excellent and make all audiences and fans cried.
唱得好好聽，睇到好感觸😭😭感動到要周圍分享比朋友聽！
可唔可以考慮下出碟既version, 多D wide shot等冇去睇show既人感受到現場感動既畫面同氣氛加埋咁靚既燈海❤❤Thank you🙏🙏
G持
Agree 呢個cut
冇乜現場氣氛 只係play animation
冇咁感動
2021 1997 全場燈海合唱
加理一齊
多謝陳生同台前幕後出力嘅團隊，收到晒你想表達嘅訊息，感受到你哋花嘅心思同努力。好慶幸自己有睇晒兩場，因為真係驚你唔知仲會唔會開紅館，如果錯失咗會好後悔！依一兩年其實好唔開心，睇咗你兩晚演唱會已經係我今年最開心嘅事，所以好多謝你同團隊嘅付出！陳生要繼續加油唔好睇唔起自己💪 So proud of you !!!
依家咁叻既🤩仲咁好睇曬啲留言😍
好感動 睇到我眼濕濕 😭
逸後係我最愛既陳伯既歌🥲🥲🥲
填詞人黃凱琪幫陳柏宇填過好多好歌，他們合唱的斷絕來住版本都好好聽呀，期待填詞人一同演繹的特別版本❤❤❤❤❤❤❤
多謝Jason 唱出香港人當下心聲好touching 一向都好鐘意聽陳柏宇嘅歌
多謝陳柏宇！
睇左尾場，真係好動人！多謝你用歌聲説故事比香港人 🧡 同埋你進步左好多！
粉丝 报到 🙋🏻♂
我還以為是今年2021的最新歌曲. 太好听了
再睇都係覺得好感動😢😢
演唱會鋪排好好，燈光超靚，好鍾意，你想表達嘅故事我地明白，多謝你！我慶幸身為香港人，亦慶幸有你地陪伴！
呢段真係好正 多謝你呀陳伯！😭❤️❤️
栢宇加油，呢首歌我都好中意一路都，經典中經典，現在香港生活不容易丫，頂住
出碟可唔可以放晒兩場「逸後」
想聽陳伯完整唱晒一首
又好鍾意呢個 version
陳伯世一！！