ان لله وانا اليه راجعون . ربي يرحمهم ويصبر اهاليهم ماشي ساهلة فاجعة باتم معنى الكلمة . وهذا بسبب الاهمااااال سيييير كانووووو راقدين كون كانو نايضين كون تم تم لحقو على الكارثة . ام معاد
اهلين حبيبتي ديريلنا همسة على المنوض تاع بكري حبيبتي دداداح عندي التربية تعبت كلشي نديرو بصح روطار ونبات ساهرة مع البيبي وعندي لولاد لي يقراو ملقيتش وقت و مهما نظم نلقى روحي مقصرة في حق نفسي من ناحية الدين و العناية بالجسم او ..... ضغط كبير راني فيه نتمنى تهدري معايا في همسة علابالي بزااااف مثلي نمووت عليك 😘😘😘😘لبنات جام باش تشوف تعليقي بليز
ترحموا على البراءة الي ماتوا في واد سوف ربي يرحمهم ويصبر اهاليهم واحدة عندها سنين وهي تستنا وكي رزقها ربي بتوام تحرقوا في هاد الحريق الاهمال وين وصل ربي ينتقم منهم واحد واحد
ربي يرحمهم ويصبر ماليهم ويعوضهم عن قريب ان العين لتدمع والقلب ليحزن وإنا على فراق احبتنا لمحزونون ولا نقول مايغضب ربنا الكريم ....حاسين بيهم وبكيتهم من القلب
يعطيك الصحة القناة بدات ترجع كيما كانت و احسن تعيشي ديريلنا العجينة المورقة عجبتني لي كنتي درتيها فقناتك السابقة و جربتها و سدقتلي بصح نسيتها البنات لي معايا دير لايك
البنات لي عندها مشكل تاع القمل دير فازلين بكمية وفيرة في الشعر وتخليه ليل كامل والصباح دوش وتمشط بالكراطة وتشلل بالخل والله عن تجربة غير ضربة واحدة 👌👍👌......لي قرات تعليقي دير جام 👍وتدعيلي ربي 🤲🙏 ينجحلي بنتي 👩🎓 في السانكيام وينجحك جميع أولادنا يااا رب ❤❤❤
تقول الاسطورة ان آلة الغسيل عندما تكون في مرحلة العصر يتشكل إعصار غامض يربط عالمنا بعالم مواز آخر 😱😱هذا العالم تعيش فيه مخلوقات لديها رجل واحدة 😮😮وأغلى الكنوز عندها هي الجوارب🧦 لذلك عندما تكون الغسالة تعصر تتسلل الى غسالاتنا وتأخذ من كل جورب فردة 🤨🤨هل عرفتم الآن اين هي جواربكم المفقودة 😉😉
قالوا ناس زمان : واحد توكل على الله وواحد وكيلو ذراعو واللي توكل على الله شرى العز والذل باعو وقالوا ثاني: دير الخير و لوحو في بحر جاري ...إ ذا ضاع عند العبد ما يضيعش عند الباري. 🌻مساء الخير على جميع أخواتي الغاليات 🌻
اللهم ارحم كل الاطفال الذين توفوا بسبب الحريق داخل مستشفى الام بالوادي و يرزق ذاويهم الصبر والسلوان و حسبنا الله ونعم الوكيل عذه نتيجة التقصير ولا مبالات
كاين قرعة تتباع وسمها بروديالprodeal هو بخاخ ابيض للنمل لي كافار ڨرلواتanti cafards et les insectes الحشرات cafards ديريه في كل بلاسة او في les coins تاع التواقي تبعي المصدر الحفرات لكن من الاحسن لما يكونوش الاولاد غي الدار ريحتو قاوية بزاف او بعديع على الاطفال.
سامحيني يا طاطا لكان تدخلت فيك ولكن علاه متعلميش اولادك يغسلو تقاشرهم وحدهم كي طفل كي طفلة، من جهة يعاونوك ومن جهة يتعلمو يتحملو مسؤولية، ولا غلطت سامحيني
لا تخافوا من الفقر ،،❣️❣️ لاكن خافوا من الذنوب التي تجلب الففر. فما نزل بلاء الا بذتب ، و لا رفع الا بتوبة قالى تعالى ٧ و لو استقاموا على الطريقه لاسقايناهم ماءا غدقا
عندك الصح الخزامة مفيدة لعدة استعمالات انا شخصيا ما تخطينيش من الدار و نستعملها حتى انا كيما قلتي في الفراش والشعر كوقاية بعد الحمام ، الحمد لله على هذا النعمة، شكرا لك و يعطيك الصحة!
اختي دداح العزيزة نموتو عليك دار كاملة حبيت برك نقولك طلاء الاظافر ليس فقط لايجوز في الصلاة ولكنه يسمم الطعام كي طيبي بيه راهو يطلق مادة تأثر في الكبد والله اعلم
تقاشر و شوشوات هوما اللي كرهولي حياتي .لبروبلام تغسلي تقاشر و خوه كيفكيف كي يخرجو .واحد يولي و لاخر ماتعرفيش جدو وين راه .اااايه تنظيمات اللي درتهم تع تقاشيرات .نهار يكونو ضياف ولا تكوني مشغولة ني نظام ني والو تعاودي من دار و جديد . يعطيك الصحة على الفكرة الله يفتح عليك
سلام حبيباتي نمدلكم تدبيرة مدتهالي زميلتي معايا فالخدمة على القمل قاتلي خلطي العسل الحر مع زيت البركة (زيت الحبة السودة) مليح و حطيهم على الشعر و غطيهم بالصاشي ولا البوني و خليهم ساعتين ولا ثلاثة قاتلي دربة دربة للقمل أعزكم الله إن شاءالله نكون فدتكم جربوها و أدعولي معاكم
ما كانش غرفة صلاة في مكان العمل نتاعك ولا غرفة نضيفة شوية تقدري تصلي فيها ولا تركينة في ال bureau ؟ و نتوضاو حاشاك في لي فيستيار نجيب معايا في ساشي شلاكة بلاستيك بوصبع خفيفة و منشفة صغييرة ديما في صاكي، واذا ما كانش بلكل وين تتوضي حجرة صغيرة نتاع تيمم
مساء الخير والله اختي عندي واحد من اولادي في عمرو 23 سنة وانا نعاني معاه تالمون نغير التقاشر كل يوم بالمرات ونغسلو ليباسكات نتاعو كل 3ايام وبصح رجليه حاشاكم يريحو عييت واش ندير معاه وغير هو ماشي كامل اولادي مذبينا تقوليلي واش نديرلو وربي يعطيك واش تتمناي البنات من فضلكم ديرولي جام باه تشوفو ددوحتنا وتعطيني الحل وربي يجعلها في ميزان حسناتكم 🤗🤗
سلام يعطيك الصحة على كل شئ وراني لقيت صابون سيدو و نحيت بيه وحد طاشة من باليطا تع غرزة الحساب كنت حائرة واش ندير لها و الحمد لله راحتلى بصابون سيدو راني فرحانة بزاف شكرا😚😚😚
شوفي يا دداح نحبك بزاف شطارتك افكارك مثال للمراة القافزة وماعندي حاجة فلاشهار لي ديريه ان شاء الله ربي يرزقك من واسع ابوابو تستاهلي كل خير وانما هاد الزيوت كي نشوفك ديريهم شعر راسي يوقف تغزليني ان شاء الله هادي الحلقة الاخيرة تاعهم بركات
شوفو بنات نقلكم حاجة تع جدود والله العظيم لي فيهم لقمل علاجو الوحيد هو فليتوكس لازرق تع زمان حطيه فوق الشعر خليه ربع ساعة بلا ماتغطيه وغسليه ورديلي بالخبر لا شامبوان ولا خرطي وماتقولوش سام والله ماتصرالهم حاجة مشي كل يوم دري فليطوس مرة وشوفي اذ لقيتي قملة قوليلي
On applique jamais de l'huile essentielle sur la peau directement sauf l'huile d'arbre à thé. Soyez vigilantes les filles. Diluez toujours dans de l'eau ou de l'huile normale comme l'huile d'olive, de ricin, d'amande douce, de noix de coco... Demandez conseil à votre pharmacien
Tout-à-fait d'accord avec vous, et pour ce qui concerne les bébés et les enfants les plus jeunes ils supportent pas l'huile essentielle c trop fort pour eux ça peut ramener jusqu'à la mort la 9adara ellah !!! Alors il faut faire très attention !!!
Ma fille met de l'huile essentielle de lavande directement sur la peau depuis 4 ans, elle avait 6 ans, et el hamdoulileh elle n'a rien eu. Tout le monde ne réagit pas de la même manière, il faut faire un test sur l'intérieur du poignet. PAS AVANT 6 ANS CAR C'EST TRES DANGEREUX
جربي زيت اليانسون الخاص بالقمل تلقايه، عند العشااب و ديريهولها و خليه في شعرها و غطيه و من بعد اغسليه. زيدي نشفيه بالسيشوار و ديريلها بليسووغ لانو الحراره تقتلو.
مبكيش اختى هدي حاجة عادية القمل يعدي وتنجمي تتخلصي منه ياختي ديري للكول مع زيت الخزامة في الليل ومتخفيش ميدلها حتى حاجة انا درته لبنتي من هدا اليوم تهنيت ديرهلها في الليل وغدوى منه غسليه مدة اسبوع يقتل القمل والبيض نتاعه وميزدش يوليلها
نقولك على وحد القناة اسمها كوزينة حنان والله ياختي غير تفرحي تستاهل ندعموها عملت وصفات تع القمل قاع يشكرو فيها عندها افكار وتدابير روعة تداوي بالاعشاب والطبخ مذهل
مساء الخير حكمة اليوم الحياة مستمرة سواء ضحكت ام بكيت...............فلا تحمل نفسك هموما لن تستفيد منها يعطيك الصحة طاطا طاطا حبيتك تنصحيني كيفاه نتعامل مع بنتي 5سنين ومتعرفش باباها وضرك كي خرجت ليكول علابالي تولي تسقسيني عليه انا جامي حكيتلها عليه حاجة مش مليحة وتعرفو بالتصاور بصح ضرك اكيد راح تسقسيني علاه خلانا وعاونيني طاطا ربي يحفضك معنديش امكانية نروح المرشد نفسي وشكرا
@@ameltouati1919 هههههه نزيدلك وآلله كنت بعيدة على تيليفون نغسل ف لماعن و شفت حاجة تبدلت في يديها هههه الله غالب اللي نحبو نروماركي فيه ادق التفاصيل و التغييرات حبك ددوحتي
ربي يعطيك صحتك يااا رب كل مرة تفاجئينا بحاجة والمرة هذي نحيتيلي الخوف تاع القمل والله راهو داير حالة في المدارس وكنت خايفة يجي بنتي يعطيك صحيحتك ان شاء الله
ماشاء الله صابون sido رووووووعة anti tâche هايل صبتو في la supérette رآني نغسل بيه كلش دجاج جيبنا غير الافكار الهائلة ربي يحفضك اختي بارك الله فيك الله يرحم اللي ربات dadah top
Vous me surprenez tout le temps Mme dadah avec vos petites bricoles et astuces inratables et tout le temps efficace milles merci Mme dadah, je vous adore énormément
@@rahmaadjr8738 كيما رآه خبيه في وسط الملابس والفراش رحته تهبل انا نديره تاني مين ندس ملابس الصيف أو الشتاء مين نعاود نجبدهم نلقاهم يريحوا ريحة شابة بزاف ديريه في وسط سرابت تاع دوش تاني
سلام أختي دداح شكرا على مجهوداتك ربي يوفقك.بالنسبة للقمل عندي حل يمكن يكون أنسب الزيت اللي وريتهولنا بالنسبة ليا غالي نقدرو نعوضوه بزيت الينسون راهو يتباع200 دج عند العشاب بزاف هايل كعلاج و كوقاية أنا العشاب نصحني بيه يعطيه الصحة و نفعني مع التجربة المريرة تع القمل إن شاء الله ما تتعاودش.ربي يعافينا جميعا ا
سلام أختي ديريه على الشعر و غطيه مليح بساشي ولا فولارة ساعتين او أكثر مبعد كرطي يهبطو ميتيين و عاوديها كل يوم حتى تقضي عليه.و للوقاية ادهني بيه وراء الأذنين و في الجبهة من الفوق.
شكرا اختي دداح لي جاز من هنا يصلي على النبي (صلى الله عليه و سلم)
nani nona اللهم صلي وسلم وبارك على سيدنا محمد عدد خلقه ورضا نفسه وزنة عرشه ومداد كلماته
عليه افضل الصلاة والسلام
ممكن تشتركي في قناتي اختي فضلا وليس
عليه افضل الصلاه والسلام
لبنات ادخلو لهاد القناة لي مهتمة بالحلويات خدمتها نظيفة وشابة هاهو الرابط ⬇️⬇️
czcams.com/channels/bh5W9E0p8bVPBvFAaBRvRw.html
اللهم صل وسلم و زد و بارك على سيدنا و حبيبنا و نبينا محمد وعلى آله وصحبه اجمعين.
المملكة الددوحية لازم كامل نترحمو على الرضع الي ماتو في مستشفى واد سوف
ربي يرحمهم ويصبر ذويهم ,😭😭😭😭
rabi ysabarhom nchlhhh
الله يرحمهم و يصبر اهاليهم و هاذا نتيجة الاهمال في المستشفيات
ان لله وانا اليه راجعون . ربي يرحمهم ويصبر اهاليهم ماشي ساهلة فاجعة باتم معنى الكلمة . وهذا بسبب الاهمااااال سيييير كانووووو راقدين كون كانو نايضين كون تم تم لحقو على الكارثة . ام معاد
ربي يرحمهم ويصبر ذويهم ويعوضهم فيهم خير
واش صرالهم. والله ماسمعت بيهم
اهلين حبيبتي ديريلنا همسة على المنوض تاع بكري حبيبتي دداداح عندي التربية تعبت كلشي نديرو بصح روطار ونبات ساهرة مع البيبي وعندي لولاد لي يقراو ملقيتش وقت و مهما نظم نلقى روحي مقصرة في حق نفسي من ناحية الدين و العناية بالجسم او ..... ضغط كبير راني فيه نتمنى تهدري معايا في همسة علابالي بزااااف مثلي نمووت عليك 😘😘😘😘لبنات جام باش تشوف تعليقي بليز
حاولي تصلي الفجر في وقتو ونهارك يتنظم وحدو .والله عن تجربة الايامات الي مانصليش الفجر في وقتو والله ما نلقى روحي والعكس صحيح
راكي كي حالتي ،
راكي كي حالتي مع التربية واولاد يقراووو😊😊
مام انا
والله يا اختي تقول طليتي عليا.راني نسوفري مع السهرة تاع الليل نصبح مدوخة والدراري يقراو 😞😞ربي معانا ان شاء الله و في ميزان الحسنات يا رب
ترحموا على البراءة الي ماتوا في واد سوف ربي يرحمهم ويصبر اهاليهم واحدة عندها سنين وهي تستنا وكي رزقها ربي بتوام تحرقوا في هاد الحريق الاهمال وين وصل ربي ينتقم منهم واحد واحد
ربي يرحمهم ويرزق أهاليهم الصبر يارب العالمين
يا الله ربي يصبرها
ربي يرحمهم ويصبر ماليهم ويعوضهم عن قريب ان العين لتدمع والقلب ليحزن وإنا على فراق احبتنا لمحزونون ولا نقول مايغضب ربنا الكريم ....حاسين بيهم وبكيتهم من القلب
الله يرحمهم ،ويصبر أمهاتهم ويقاويهم .
إنا لله وإنا إليه راجعون ربي يصبر أهاليهم هم طيور الجنة وربي
يعطيك الصحة القناة بدات ترجع كيما كانت و احسن تعيشي ديريلنا العجينة المورقة عجبتني لي كنتي درتيها فقناتك السابقة و جربتها و سدقتلي بصح نسيتها البنات لي معايا دير لايك
تعيشي راني نكرر فالطلب تاعي باش ديريلنا نصائح على البترا قبل مانشرو لبنات جام باش تشوفو وجاوبني
😍😍😘😘
راني نستنا طاطا والله حابة نشري وخفت قلت حتى تنصحيني كفاش نخير
@@marimari9852 كينوود هو المخير. غالي بصح تتهناي . انا عندي كوندوغ يعجن مليح بصح مايطلعش البيض و لاكخام شونتيي . للأسف
شتي والله حبيت نشري كوندور وخفت خاطر يجي فيه بزاف دفوات
Zi ro stp donne moi la meilleure marque de machine à laver
*تهولنا عليك ددوحة مالصباح وحنا نقارعوا فيك شكون كيفي🤔🤔يساميني ويضرب طلة عندي🤗😘*
MM ana
Wlh même ana
أنوثة جمال وأفكار مع أم عبير صح مالصباح ولما نستنا هههههه
@@rimalehrem4777 انا ثاني والله نقارع ونقول يا ما عاودولها مسكينة😱.ماشي عادتها.مرحبا بيك في قناتي😘
و الله مام انا
اختي داداح الله يرحم الوالدين ثبت لي هاد التعليق
لبنات عاوني راه قناة قرآنية
اجرك على الله
من كان في عون اخيه كان الله في عونه
اني زرتك ودرت الواجب رد الزيارة من فظلك
اختي داداح علاش مبغتيش ديري لي التثبيت مشحال مرة كنطلبها منك وانا هاد المرة درت التعليق قبل من داك التعليق اللي درت ليه التثبيت ؟
@fanzar Ahmad ndiro tabadoul
czcams.com/channels/dYOgUd0q61sT9yf8JBFWBA.html
تبادل اشتراك الاخوات
البنات لي عندها مشكل تاع القمل دير فازلين بكمية وفيرة في الشعر وتخليه ليل كامل والصباح دوش وتمشط بالكراطة وتشلل بالخل والله عن تجربة غير ضربة واحدة 👌👍👌......لي قرات تعليقي دير جام 👍وتدعيلي ربي 🤲🙏 ينجحلي بنتي 👩🎓 في السانكيام وينجحك جميع أولادنا يااا رب ❤❤❤
السلام عليكم. مدام دداح شفتك تتوجعي بآلام مخاض إنتاع زيادة وولدت بخير تفسير الحلم هو الفرج عن قريب إن شاء الله وهذه أمنية كل المتتبعات
من مستحيل🤔 يويويويوي 🤩أول تعليق مانيش مصدقة حبيبتي ددوحة❤ طلبت منك عدة مرات فالتعليقات دون جدوى باه اديري كيكة بالتفاح🍎 المشربة بالشاربات تاع القارص🍋 لي درتيها فالقناة القديمة وجزاك الله خيرا لبنات ديرو جام باه تشوف تعليقي 👍👍
انا تاني راني حاب نشوف كيفاه لاروسات تعها
@@diganiso7855 أنا جربتها وعجبتني بنينة روعة إن شاء الله تشوف تعليقي وديرها
راني معاك
*بنات بلادي زوروارقناتي راح تيتفادو باذن الله اضربوا طلة وراح تعجبكم متأكدة😘*
@@aminamohamed9371 ,شكرا ربي يحفظك
سلام ددوحتي لیوم راني مکویه من خبر الرضع للي توفاو لله یصبر اهلهم 😭😭😭😭😭
واش من خبر تعيشي ختي اهدري
ربي يرحمهم و يصبر اهاليهم
@@user-ty5vb8jz1j الرضع الي انحرقو في مستشفى واد سوف، كارثة، إنا لله وإنا إليه راجعون
ادخلو في قناتي تلقاو الاخبار
@@simsima3949 شكرا أختي ربي يصبر اهلهم والله فاجعة
شكون كيمة انا نغسل تقاشر كي نطويهوم منلقاش خاوتموم 😜😜😜😜😜
هههه، انا وليدي الصغير كل خطرة وين يرميهم، فوق الخزانة مور الفريجيدار، غير فالبلايص الي مخبيين 😁😁😁
انا ما نلقاش تاع الراجل نتاعي و يولي دينصور😂😂😂😂
نطيك تدبيرة، كي تنشري لحوايج انشري تقاشر مع بعض يعني كل وحدة مع ختها، و تولي دخلي فلحوايج اطوي تقاشر هكذا ميتبحروش
والله غير هذا المشكل كامل عندنا
hhhh ana t9acher ta3 wlidi daymen mansibche farda ygoli daymen tarmohomli
سلام طاطا دادح وش نهو فرق بين زيت أساسي زيت عطري لاخطاش أنا منخدمش بهم منعرفلهمش لبنات ديرولي جام بليز
مكان حتى فرق الإثنين اسمهم بالفرنسية l'huile essentielle
ممكن تجاوبوني بشحال تتباع الزيوت الاساسية في الصيدلية
1880.00 dzd khti
ختي يعيشك الزيوت العطرية تتباع في الصيدلية من فضلكم اريد جواب
I
سلام عليكم اختي نصائح في القمة ولي شافت نجاح حاطة الفارني للاظافر تحط جام ههه ههه
هههههه صح روماركيتها لبارح
نتمنى اختي دداح ثبتيلي تعليقي .رجاء ا اخوات دعولي ربي يفرج عليا ويجمع شملي اناوبنتي وزوجي الله يحفظكم دعولي ضرني بزاف هاد الطلاق لي بلا سبة
ربي يفرحك ويلرم شملك وترجعي لدارك معززة مكرمة ان شاء الله الزمني قراءة سورة البقرة كل يوم وسوف ترين العجب باذن واحد احد
Oum Bassma hayat السلام ربي يفرج على اختي الاستغفار والدعاء خاصة فى الثلث الاخير
Oum Bassma hayat ربي يفرج عليك اختي
اصبري وحتاسبي وان شاء الله فرج قريب ختي
@Oum Bassma hayetاقرئي سورة البقرة لمدة 40يوما متتالية بإذن الله سيفك كربك، الله المستعان
دخلت نحوس عليك قلت واش بيها محطتش حتى لدوك حتى جاني الفيديو نتاعك فرحت من عينيا يا نور عينيا
كما انا صباح
Kinana Ow مرحبا بك فقناتي
Houda Haidra cuisine اني اشتركت حنونة
يا دداح حبيبتي موالفة نستقهوى الصباح على الفيديو تاعك تعيشي ما تزيديش تحطيلنا الفيديو لعشية... الصباح خير
حتى انا هذه هي خدمتي الصباح
شكرا على تدبيرة تاع القمل كنت نحوس عليها بنتي تدخل هاد العام تقرى الله يجعلها في ميزان حسناتك دائما معاك الجديد .
تقول الاسطورة ان آلة الغسيل عندما تكون في مرحلة العصر يتشكل إعصار غامض يربط عالمنا بعالم مواز آخر 😱😱هذا العالم تعيش فيه مخلوقات لديها رجل واحدة 😮😮وأغلى الكنوز عندها هي الجوارب🧦 لذلك عندما تكون الغسالة تعصر تتسلل الى غسالاتنا وتأخذ من كل جورب فردة 🤨🤨هل عرفتم الآن اين هي جواربكم المفقودة 😉😉
ولبنات ترخمو على ل
ربي يصبر امهات لولادهم لتحرقو في الوادي والاطفال هوما طيور الجنة اصلا ربي يجيب الخير للبلاد
في الوادي يعني هوما طيور الجنة اصلا
ام يزيد ايوب أنا راني فالثامن وخفت بزاف كي شفت واش صرا للسبيطار تاع الواد
ربي يرحمهم ويصبر اهلهم والله كي سمعت لخبر الصباح حسيت بالسم في قلبي لا حول ولاقوة الا بالله ربي يصبر اهلهم ربي يصبر اهلهم.
اللهم آمين
ربي يرحمهم ويصبر ذويهم ويعوضهم فيهم خير ان شاء الله
مرحبا وشبيك حطيتي فيدو روطار اليوم و ربي يعاونك ادعولي يعطيني ربي وقفة ساهلة راني في شهري😘😘
ربي يعطيك وقفة ساهلة إن شاء الله و يفرحك بذرية صالحة . أنا ثاني راني في شهري لكن ثالث عملية قيصرية ربي يكون معانا
@@azrodi5190 امين يا رب ربي يخلص وحلك ختي
ربي يعطيكم وقفة سهلة الدعاء ثم الدعاء.سلام
@@mimadz3729 شكرا ربي يعطيك واش تتمناي
ربي يكون معاك ادعيلي نولي لراجلي
Tu donnes beaucoup d'idées que la plupart passe à côté.
Merci et bonne courage.
Sarah sarssora marhba bik andiiii
والله غير طليتي على قلبي فيما يخص القمل الله يعطيك الصحة يا الغالية
روحي لقناة تع كوزينة حنان عملت تدابير روعة وناجحة قاع يشكرو فيها
واو هاذي تدبيرة أكتر من رائعة كيما تقولينا خاصة تاع سليلة التقاشر.... و خاصة تاع لقمل.
قالوا ناس زمان :
واحد توكل على الله وواحد وكيلو ذراعو
واللي توكل على الله شرى العز والذل باعو
وقالوا ثاني: دير الخير و لوحو في بحر جاري ...إ ذا ضاع عند العبد ما يضيعش عند الباري.
🌻مساء الخير على جميع أخواتي الغاليات 🌻
👍👍👍👍👍
مساء النور اختي.
يعطي
يعطيك الصحة واش معناها الباري جاوبني من فضلك
@@MaliKa-gc6hf البارئ وهو اسم من أسماء الله الحسنى والاخت غلطت دارت الياء في بلاصة الألف المقصورة
علاش مش كل شخص يغسل تقاشر تاعو؟! التقاشر كيما الملابس الداخلية...وشوية اعتماد على النفس.... لازم
وين تلقايه؟؟؟؟؟!قليييييل بزاف ليدرها كامل
صح كل واحد يغسل تقاشرو،الصغار صح نغسلولهم بصح الكبار هما الي يغسلوهم بش يوالفوا
صح اختي انا علمتهم كل واح ؤغسل تقيشراتو،مستحيل نخلي تقاشر موسخين مدة اسبوع،جامي
صحيح
هههههه الدراري الصغيرين مايعرفوش ينقوهم مليح مساكين التقاشير يبغو الحك الله يحفظكم بنات بلادي اتفضلو عندي راني حاطة رقية تيسير الزواج الله يفتح عليكم
سلام أخت دداح تقلقت عليك كي ما بنتيش في الصباح الحمد الله لي راكي بخير و يعطك الصحة على كل شئ يدوم هناء و شكرا بزاف 😘😘😘😘😘😘
اللهم ارحم كل الاطفال الذين توفوا بسبب الحريق داخل مستشفى الام بالوادي و يرزق ذاويهم الصبر والسلوان و حسبنا الله ونعم الوكيل عذه نتيجة التقصير ولا مبالات
يعطيك الصحة راكي نفعتنا بزاف انا عندي مشكل تاع النمل أعطني كاش حل من فضلك وشكرا جزاك الله خيرا 👍👍👍😍😉
وين كاين النمال مشي الطباشير و ان شاء الله يختفي
كاين قرعة تتباع وسمها بروديالprodeal هو بخاخ ابيض للنمل لي كافار ڨرلواتanti cafards et les insectes الحشرات cafards ديريه في كل بلاسة او في les coins تاع التواقي تبعي المصدر الحفرات لكن من الاحسن لما يكونوش الاولاد غي الدار ريحتو قاوية بزاف او بعديع على الاطفال.
سلام اخت دداح ورينا الكولواركفاش عاودتيه باش ندو افكار اذا مكاش فيه احراج وشكرا
bilal Meniche ممكن زيارة لقناتي من فضلك
شوفي الفيديوات السابقين راي حكات عليه
طاطا دداح من فضلك اعطيلي عنوان le menuiserie لي خدملك le meuble de cuisine c urgent cvp عاونوني لبنات
ام لؤي ممكن زيارة لقناتي من فضلك
اختي روحي فيديو نتاعها لي قبل شفت بنات يحكو على الموضوع ووحدة حطت كل معلومات ورقم تلفون le menuisier
والله انا ثاني راني حابة نعرف
زورو قناتي ودعموني بنات بلادي ياك باطل ونسوني في غربتي 😢
Hm Lamis سمحولي على الأخطاء الإملائية راكم تعرفوا كي يكون le bb فيد و تيليفون فيد اخرى
طاطا داداح عاودينا البيتزا بأنواعها و كثرينا الروتينات شكون معايا 😉😉😉
الله يصبر اهل البيبيات اللي تحرقو في واد سوف،ربي يعطييييكم الصبر ويعوضكم خير....
سيدة النظام و النظافة يا سلام عليك يا ددوحتي ما شاء الله عليك حفظك المولى 😘😘
سامحيني يا طاطا لكان تدخلت فيك ولكن علاه متعلميش اولادك يغسلو تقاشرهم وحدهم كي طفل كي طفلة، من جهة يعاونوك ومن جهة يتعلمو يتحملو مسؤولية، ولا غلطت سامحيني
و الله عندك الحق 👍👏👏👏👏
👏👏👏
عندك الحق انا معلمة اولادي يغسلو تقاشرهم وحدهم في الاول مكانوش بغسلوهم مليح بصح مع الوقت تعلمو وتهنيت منهم
نعم عندك الصح اختي احنا تعلمنا نغسلو تقاشير و الملابس الداخلية في سن مبكرة بزااف و دورك رانى نعلمو في ولادنا و خصوصا البنات
عندي ثلاثة خاوتي اي ماما خسرتلها المشينة قعدت شهر بلا بيها قاتلي والله محطيت يدي في قشهم كل واحد يرفد قشه ويغسل وحده حتى خدمناها عاد باه ولت تغسللهم
Très bonne idée le rangement des chaussettes et surtout la corbeille en bas...Merci soeurette.
saly imperatrice marhba bik dans ma chaine
لا تخافوا من الفقر ،،❣️❣️
لاكن خافوا من الذنوب التي تجلب الففر.
فما نزل بلاء الا بذتب ، و لا رفع الا بتوبة
قالى تعالى
٧ و لو استقاموا على الطريقه لاسقايناهم ماءا غدقا
عندك الصح الخزامة مفيدة لعدة استعمالات انا شخصيا ما تخطينيش من الدار و نستعملها حتى انا كيما قلتي في الفراش والشعر كوقاية بعد الحمام ، الحمد لله على هذا النعمة، شكرا لك و يعطيك الصحة!
بارك الله فيك سيدتي انت نور يضي بيوتنا انارك الله بنوره وحفظك وعائلتك من كل سوء و السلام عليكم جميعا
و هديك السلة لي معمرة تقاشر وين تنحط هي بروحها تفوح
كي تبدلي كل يوم التقشير ما يفوحش مي كي تلبسيه زوج خطرات ولا ثلاثة تفوح
هههههههههه وين يرقدو
@@amelrahaoui4169 ما نضنش مرا بنضافتها تحطها فالشمبرى 😏😏😏
انا نعرف التقاشر والملابس الداخلية يتنحاو يتغسلو تم تم لي يدخل ينحيهم ويغسلهم مايتحطو مايتلايمو ولادي هكا ولفتهم
@@dimaminoucha3461 راني نضحك عليها مالقاتش وين تحطهم وانا هدرت معاها ونتي واش من مرقا حرقتلك شواربك ياخي عباد🤐🤐🤐🤐🤐
يعطيك الصحة حبيبتي وشكرا على تدبيرة القمل
دخلي لقناة كوزينة حنان روعة راهي عملت تدابير ووصفات على القمل وتعمل تداوي مفيدة جدا متندميش كل يشكر فيها
kikou sami شكرا ربي يقبل عليك
ربي يصبر اهالي الرضع اللي تحرقوا اايوم في مستشفى الوادي ،وربي يعوضهم 😭😭😭😭
يعطيك الصحة فيديو مفيد خاصة زيت الخزامة و القمل
اختي دداح العزيزة نموتو عليك دار كاملة حبيت برك نقولك طلاء الاظافر ليس فقط لايجوز في الصلاة ولكنه يسمم الطعام كي طيبي بيه راهو يطلق مادة تأثر في الكبد والله اعلم
ياخي قالت بلي خلاتهم كي عادت ما تصليش الأسبوع هذا برك..
تقاشر و شوشوات هوما اللي كرهولي حياتي .لبروبلام تغسلي تقاشر و خوه كيفكيف كي يخرجو .واحد يولي و لاخر ماتعرفيش جدو وين راه .اااايه تنظيمات اللي درتهم تع تقاشيرات .نهار يكونو ضياف ولا تكوني مشغولة ني نظام ني والو تعاودي من دار و جديد .
يعطيك الصحة على الفكرة الله يفتح عليك
ايما الشوشوات كرهولي حياتي نضل نلايم ما لحقتش
@@Yanis30119 والله رانا كيف كيف يا ختي والله ما علابالي وين رآهم يروحو😢😢😢
Nichen khti tgouli machine takolhom hhhhhhh had problèmes gaa andna
لاكان تغسلوهم فالماشينة لافي ومالقيتهمش راهي الماشينة تبلعهم
ههههه ولله تقولي يتزوجو التقاشر يعيو
سلام حبيباتي نمدلكم تدبيرة مدتهالي زميلتي معايا فالخدمة على القمل قاتلي خلطي العسل الحر مع زيت البركة (زيت الحبة السودة) مليح و حطيهم على الشعر و غطيهم بالصاشي ولا البوني و خليهم ساعتين ولا ثلاثة قاتلي دربة دربة للقمل أعزكم الله إن شاءالله نكون فدتكم جربوها و أدعولي معاكم
جزاك الله خيرا
يعطيك الصحة
دم
لبنات لي يخدمو قولولي كيفاش تصيبو بلايص باش تصلو الصلاة في وقتها في اماكن العمل تاعكم هل يكفيكم الوقت باش تصلو وين تتوضاو راني حايرة
ما كانش غرفة صلاة في مكان العمل نتاعك ولا غرفة نضيفة شوية تقدري تصلي فيها ولا تركينة في ال bureau ؟ و نتوضاو حاشاك في لي فيستيار نجيب معايا في ساشي شلاكة بلاستيك بوصبع خفيفة و منشفة صغييرة ديما في صاكي، واذا ما كانش بلكل وين تتوضي حجرة صغيرة نتاع تيمم
@@user-kh1jx7yb2g و القبلة اختي كيفاش ديري باش تعرفيها
@@user-uc9fj9pu4e عندي application اسمها آذان في تلفوني فيها كي البوصلة تعطيك القبلة وين ما كنتي
@@user-kh1jx7yb2g شكرا اختي ربي يجازيك 😊
@@user-uc9fj9pu4e وإياكي ربي يثبتنا
يعطيك الصحة المهتمة بالخياطة والتفصيل بطريقة سهلة جدا مرحبا بها
دائما تفيدينا ...وانا تاني نستعمل نفس زيت لخزامة لبنتى والحمد لله يعطيك صحة
تعشي دادح ديريلنا حساء اليقطين في اسرع وقت ممكن وليداتي يموت عليه
صابون سيدو راهو كاين ف supérette البركة ( رغاية )
شريتو ماعجبنيش ميخرجش كلش
صابون سيدو راه يتباع وراهو كاين بصح مكان والو ،ماينحيش البقع
Cham Cham صح
Elbaraka Boudouaou machi reghaia
@@espiranzaespiranza9914 kayene f reghaia 7allet la fin ta3 l3am elli fat w djabli rebbi ghel9ouha ta3 boudouaou
طاطا دداح ربي يحفظك ديريلنا فيديو على المكنسة الكهربائية الثمن واستعمالها وتنظيفها احسن ماركة تعيشي حبيبتي
روحي لقناة كوزينة حنان افكارها وتدابيرها مذهلة تداوي تاني
بالاعشاب
ما خليتي حتى حاجة ما هدرتيش فيها علمتينا الله يبارك فيك❤❤❤❤❤
يعطيك صحا ددوحة على نصائح ومدابيا نترحم على أهل ضحايا ربي يرحمهم ويصبر اهلهم
عودة ميمونة سيدتي دمتي متألقة 😍❤
ربي يحفظك اختي ممكن ابوني
مساء الخير
والله اختي عندي واحد من اولادي في عمرو 23 سنة وانا نعاني معاه تالمون نغير التقاشر كل يوم بالمرات ونغسلو ليباسكات نتاعو كل 3ايام وبصح رجليه حاشاكم يريحو عييت واش ندير معاه وغير هو ماشي كامل اولادي مذبينا تقوليلي واش نديرلو وربي يعطيك واش تتمناي
البنات من فضلكم ديرولي جام باه تشوفو ددوحتنا وتعطيني الحل وربي يجعلها في ميزان حسناتكم 🤗🤗
أختي ديريلو الشب غبرة في رجليه
@@slimamel8959 كاين تاني تدبيره أخرى و هي وضع بيكربونات في الحذاء وشكرا
dirilo chabe fal adidass chab gabarra yanba33
ya khti le problème f les baskets ta3 chnawa yriho loukan yechri haja marka wallah ma trih m3a nadafa
نقولك دخلي لقناة تع كوزينة حنان روعة وحد التدابير والافكار مذهلة تعمل حتى تداوي بالاعشاب قاع يشكرو فيها
سلام يعطيك الصحة على كل شئ وراني لقيت صابون سيدو و نحيت بيه وحد طاشة من باليطا تع غرزة الحساب كنت حائرة واش ندير لها و الحمد لله راحتلى بصابون سيدو راني فرحانة بزاف شكرا😚😚😚
وين شوتيه ختي
يتباع في سووبيرات البركة رغاية
شريتو من المدية
انا كي شفتو في قناتك. صابون سيدو. خرشت سبيسيال. حوست عليه وشريتو. وغسلت بيه. واش نقولك راءع. اخرج الحوايج. مليح. واش نقول. هايل هايل. يعطيك الصحة. ربي يعطيك واشتتمناي ان شاء الله. ونجحلك وليداتك. قولي امين
يا ددوحتنا ربي يحفظك ديرينا تشاراك مسكر راني محتجاتو ربي يرزقك لي معايا دير جام
ديرنا فيديو على رائحة كريهة تاع salle de bain وtoillet تعيشي
Khti djibi goublet hati fih 9tan o hatilo sanibo o ki troh riha zidilo sanibo twali tfathi l bab tchami riha hayla.
ديري قطن فيه زيت الخزامى
@cow cow hhhhhhhh tu m'as fait rire wlh
@cow cow اختي اشري آر ويك لاباراي تع راحة ترقليها كل 10 ولا15 دقيقة تطلق الريحة و حدها و تتهناي من الروائح الكريهة
السلام عليكي اهتي اشري lave sol amire الابيض ريحتو تهبل الي يدخل للمنزل اشم رائحة المسك والورد
مفهمتش أعلاه متشوفيش تعليقي تعيشي أمي ديرينا الوصفة تاع البراح او لامونة من فضلك
روحي لقناة اسمها كوزينة حنان روعة تعمل تدابير وافكار مذهلة وطبخ كلش ناجح قاع يشكرو فيها
صابون سيدو جربتو روعة ملي غسلت بيه وأنا ندعيلك ألف شكر حبوبة
شكرا على النصيحة نتاع الخزامة يعطيك الصحة
روحي لقناة كوزينة حنان متندميش والله تفرحي
شوفي يا دداح نحبك بزاف شطارتك افكارك مثال للمراة القافزة وماعندي حاجة فلاشهار لي ديريه ان شاء الله ربي يرزقك من واسع ابوابو تستاهلي كل خير وانما هاد الزيوت كي نشوفك ديريهم شعر راسي يوقف تغزليني ان شاء الله هادي الحلقة الاخيرة تاعهم بركات
دداح الفارني جاك شباب ههه منيش مصدقة بلي ددوحة دايرا فارني 🤣🤣🤣🤣
شوفو بنات نقلكم حاجة تع جدود والله العظيم لي فيهم لقمل علاجو الوحيد هو فليتوكس لازرق تع زمان حطيه فوق الشعر خليه ربع ساعة بلا ماتغطيه وغسليه ورديلي بالخبر لا شامبوان ولا خرطي وماتقولوش سام والله ماتصرالهم حاجة مشي كل يوم دري فليطوس مرة وشوفي اذ لقيتي قملة قوليلي
انا جربتها لبنتي كي كان عندها 8سنوات جابتهلي من المدرسة وكان جد فعال
حلويات سهلة التحضير نعم ختي فعال ومكان حتى ضرر احسن من لخساير تع شامبوان ديال قمل بلا فايدة انا هذاك وش نستعمل وفعلا يتنحى تم تم
طاطا حبيت وصفة لتصغير الثدي وشده في نفس الوقت موفقة
اه ياختي انة نحب نكبرو هههههههههههه
لالا ياختي نخاف نخليه صغير ولا نمرض شكرا
حبسي الدهون ومنتجات الألبان يهبطلك
روحي لليوتوب واكتبي تصغير الثدي وشده يخرجلك شحال من حاجة كاين تمارين رياضية تديرهم يشدو الصدر 😉😉
نصائح و تدابير في القمة ربي يحفظك فرحتيني بزيت الخزامة يكون في داري في أقرب وقت إن شاء الله. شكرا سيدتي دداح
تدابير رااااائعة سيرتو تاع التقاشر واصلي طاطا نجاح
*هاذي 🤚 اليد الشابة اللي شادة التيليفون كون تديرلي جام وأبوني 🤲🤲 إنشاء الله تلبس خاتم الزواج عن قريب يا ربي*
وعلاه غير لبنات لعويتقات لي شدوا تليفون ههههههه عممي يا اختاه
السلام عليكم فيما يخص صابون sido يوجد ثاني صابون aigle detachant جربت مليح فيما يخص الناس لا يوجد في منطقة ليسكنو فيها
ايه ختي يجي لون ازرق بزاف مليح
Non djrbtou machi kima sido
*عسلامتك حبيبتي واش راكي ان شاء الله بخير*
@@dadah2017 ربي يحفظك ختي لعزيزة الحمد لله على كل حال
واش ركي هدي لعشيا ✋☺
انا معتمدتها في حياتي يوميه وكل مندير
هذه جاست نتفكرك وندعيلك
انت نعمة الزوجة ونعمة الام تبارك اللله فيك
On applique jamais de l'huile essentielle sur la peau directement sauf l'huile d'arbre à thé. Soyez vigilantes les filles.
Diluez toujours dans de l'eau ou de l'huile normale comme l'huile d'olive, de ricin, d'amande douce, de noix de coco...
Demandez conseil à votre pharmacien
S'il vous plaît est ce que vous pouvez nous expliquer pourquoi et merci
Tout-à-fait d'accord avec vous, et pour ce qui concerne les bébés et les enfants les plus jeunes ils supportent pas l'huile essentielle c trop fort pour eux ça peut ramener jusqu'à la mort la 9adara ellah !!! Alors il faut faire très attention !!!
Ma fille met de l'huile essentielle de lavande directement sur la peau depuis 4 ans, elle avait 6 ans, et el hamdoulileh elle n'a rien eu. Tout le monde ne réagit pas de la même manière, il faut faire un test sur l'intérieur du poignet. PAS AVANT 6 ANS CAR C'EST TRES DANGEREUX
@@manelsara5260
Ça peut être dangereux car c pur.
Il faut toujours demander conseil à votre pharmacien
@@fatihaaunaturel9113 يااختي اسكو لقيتي فيها قمل حتى وتستخدمي زيت الخزامة؟؟؟؟
ددوحة خرج عليك الفارني روووعة بصحتك ويعطيك الصحة😘😘😘
راها تبدلت مانعرف
نصيحه لعدم كثرۃ زيت لخزامه لانه سبب في مرض الصرع تقدري ديرو في قرعه فيها ماء و ديري بشيت في وساده خطره في اسبوع
اصلا الزيوت الأساسية ما لازمش تندار وحدها على الجلد لازم تتخلط لانها مركزة
يعطيك الخير حبيبتي نفس المشكل قاع رانا نعانيو منو
اللي راهي تعاني من مشكل عناد الطفل لقيتلها الحل
اختي
افيدينا ربي يجازيك
يعطيك الصحة مادام دداح.....دداح وبدون منازع سيدة اليوتيوب...
*مرحبا بيكم ددوحات يلااا واش فيها كي تضربولي طلة و تعملولي ابووووني نتمنى نلقى الدعممم من عندكم ربي يرزقكم كل خير*
أختي تبادل اشتراك إذا حبيتي
@@user-rm8hh3lh8l اوكي حبيبتي راني جيييت
تممم
تم حبيبتي
راني مخلوعة بنتي ندوشلها 2 نرات في سمانة شعرها دايمن نقى واليوم تفاجات شفتلها شعرها لقيت فيها القمل والله طاحتلي الدمعة راني لا ماكلة لا شراب نعيفو واش ندير
ديريلها صابون بلدي يروح تم تم شفتها في قناة مغربية و واحدة نعرفها دارتها و تهنات مع بنتها
جربي زيت اليانسون الخاص بالقمل تلقايه، عند العشااب و ديريهولها و خليه في شعرها و غطيه و من بعد اغسليه. زيدي نشفيه بالسيشوار و ديريلها بليسووغ لانو الحراره تقتلو.
مبكيش اختى هدي حاجة عادية القمل يعدي وتنجمي تتخلصي منه ياختي ديري للكول مع زيت الخزامة في الليل ومتخفيش ميدلها حتى حاجة انا درته لبنتي من هدا اليوم تهنيت ديرهلها في الليل وغدوى منه غسليه مدة اسبوع يقتل القمل والبيض نتاعه وميزدش يوليلها
أنا جوزت بيه الصيف كامل ودرت كل الوصفات بصح سلكني غير دواء تاع الصيد لية وراهم يديرو عليها إشهار غالي شوية بصح تتهناي منو من إستعمال الأول
@@aminebouazoune5191 واش اسموا تعيشي ♡♥♡♥♡
خلاص فهمنا بلي دارتي البيديكور خدمتي الخوزوزونقل 😂😂😂😂😂😂😂
يطيك الصحة طاطا دداح على الوصفة لي تحمي ولادنا من القمل نسييها ونرجعلك الخبر
نقولك على وحد القناة اسمها كوزينة حنان والله ياختي غير تفرحي تستاهل ندعموها عملت وصفات تع القمل قاع يشكرو فيها عندها افكار وتدابير روعة تداوي بالاعشاب والطبخ مذهل
رشي شوية ببكربونات داخل السباط و تشوفي النتيجة الريحة تاع السنين تروح مجربة
مساء الخير
حكمة اليوم
الحياة مستمرة سواء ضحكت ام بكيت...............فلا تحمل نفسك هموما لن تستفيد منها
يعطيك الصحة طاطا
طاطا حبيتك تنصحيني كيفاه نتعامل مع بنتي 5سنين ومتعرفش باباها وضرك كي خرجت ليكول علابالي تولي تسقسيني عليه
انا جامي حكيتلها عليه حاجة مش مليحة وتعرفو بالتصاور بصح ضرك اكيد راح تسقسيني علاه خلانا وعاونيني طاطا ربي يحفضك معنديش امكانية نروح المرشد نفسي وشكرا
النجمة المتلألئة اختي روحي عند قنات jasmin spayse اختصاصية نفسية تساعدك غاية
Une grande histoire avec les chaussettes les couleurs éparpillés un grand problème merci .
Algéroise Maya bienvenue dans ma chaîne
جاك يهبل الفارني و نحبك و نموت عليك ربي يعطيك الخير ان شاء الله نتمنى كاش نهار نشوفك و نعنقك (ريحة لميمة ) ❤
صح ، راكي تزومي غاية الله يبارك
راه يلالي 😁😉 جاها شباب عمرنا ماشفناها دايراتو، بصحتك ددوحه 😘
هههه والله ماتولهت حتان شفت تعليقاتك بصحتها جاها روووعة
ايه جاها هايل ماشاء لله
@@ameltouati1919 هههههه نزيدلك وآلله كنت بعيدة على تيليفون نغسل ف لماعن و شفت حاجة تبدلت في يديها هههه الله غالب اللي نحبو نروماركي فيه ادق التفاصيل و التغييرات حبك ددوحتي
ربي يعطيك صحتك يااا رب كل مرة تفاجئينا بحاجة والمرة هذي نحيتيلي الخوف تاع القمل والله راهو داير حالة في المدارس وكنت خايفة يجي بنتي يعطيك صحيحتك ان شاء الله
ماشاء الله صابون sido رووووووعة anti tâche هايل صبتو في la supérette رآني نغسل بيه كلش دجاج جيبنا غير الافكار الهائلة ربي يحفضك اختي بارك الله فيك الله يرحم اللي ربات dadah top
دداح ماشي دجاج
واحظة شهارة متقدرش تشريه متين او خمسين يا اختي ميهدرها غير لسان زيت صغيرة متين او خمسين نصرفهم في سمانة والله المستعان
عندك الحق ناس زمان قالو مايحس بالجمرة غير اللي عافس عليها وقالو ثاني ما يحكلك غير ظفرك ومايبكيلك غير شفرك ربي يكون مع الزوالية ...الله المعين
رحت نشريه صبتو 150 الف تخلعت حسابتلي غير عشرين الف بطلت والله ماشريتو غالي بزاااف
غالي بصح نورمال مشي لازم تقاشرهم لي نقيين في قجرهم و لي يتنحاو في السلة عجبتني فكرة السلة (صغيرة تكون رخيسة) والله يكون في عوننا جميعا
@@Nazimaram
والله ميتبعني نروح نشريهم اكل ههههه
@@anaswakil5672
بارك الله فيك
تعشي طاطا داداح دريلنا بسبوسة نتاعك نموت اعليها مولفى نروح لقناتك نشوفها تعيش والله غير تشهتها
ختي لعزيزة و الله مانكره ههههه كل video نطلب منك وصفة تاع خبز الدار لي فيه فرماج ريجيم و شكرا 😘😘😘😘😘
فكرة أكثر من رائعة شكراً يالحبيبة ربي اخليك لينا راني مدمنة عليك مايفوتش أنهار أو مانسمعكش انحس خاصتني حاجة اشكون الي كيما أنا
Vous me surprenez tout le temps Mme dadah avec vos petites bricoles et astuces inratables et tout le temps efficace milles merci Mme dadah, je vous adore énormément
svp madame dadah dirilna khalta nettoyage taa frigidaire
غير الخل فالكتانة ومسخي وديري فنجال فيه بيكاربونات وخطيه فالتلاجة
شكرا طاطا دداح من فضلك الوصفة تاع مقروظ اللوز و إذا عندك طريقة لتعطير الملابس ما تكونش مكلفة بزاف ...... نحبك و ليت مدمنة على فيديوهاتك 😘😘
شوفي أنا الملابس تاوعي نديرلهم فورس اكسبريس تاع الخزامة يهبل والفراش تاني نديره فيه هو يجي بنفسجي ساشيات صغار كاين الللي يستعمله كمنعم للملابس نتمنى تكوني فهمتيني
@@user-yw1dv8sx8c نعم فهمتك أختي شكرا
@@user-yw1dv8sx8c كيفية الاستعمال انتاعه من فضلك
@@rahmaadjr8738 كيما رآه خبيه في وسط الملابس والفراش رحته تهبل انا نديره تاني مين ندس ملابس الصيف أو الشتاء مين نعاود نجبدهم نلقاهم يريحوا ريحة شابة بزاف ديريه في وسط سرابت تاع دوش تاني
ختي نقولك دخلي لقناة كوزينة حنان والله ماتندمي عندها افكار وتدابير روعة وتعمل تاني تداوي بالأعشاب وطبخ قاع يشكرو فيها والله
سلام أختي دداح شكرا على مجهوداتك ربي يوفقك.بالنسبة للقمل عندي حل يمكن يكون أنسب الزيت اللي وريتهولنا بالنسبة ليا غالي نقدرو نعوضوه بزيت الينسون راهو يتباع200 دج عند العشاب بزاف هايل كعلاج و كوقاية أنا العشاب نصحني بيه يعطيه الصحة و نفعني مع التجربة المريرة تع القمل إن شاء الله ما تتعاودش.ربي يعافينا جميعا
ا
استخدمتيه ومالقيتيش القمل اختي؟؟؟
سلام أختي ديريه على الشعر و غطيه مليح بساشي ولا فولارة ساعتين او أكثر مبعد كرطي يهبطو ميتيين و عاوديها كل يوم حتى تقضي عليه.و للوقاية ادهني بيه وراء الأذنين و في الجبهة من الفوق.
@@anesmalek9042 نحوس على زيت الي مايخليهش يجي للشعر .جربت زيت الخزامة ولقيت في بنتي.
@@khaoulabenamor2170 ديري زيت الينسون
@@anesmalek9042 زيت الينسون مايخليهش يدخل الراس ؟؟؟؟ وش من ماركة تستخدمي
حتى زيت الاكليل مفيد جداا للقمل تجربة اكثر من رائعة