الكابلي - سعاد (سيناريو لا يحتاج لكاميرا ) 1
Vložit
- čas přidán 11. 09. 2024
- دقت الدلوكة ...
قنا الدنيا ما زالت بي خير
اهو تعرس وتنبسط
تككتا في الراكوبة
بالحنقوقة سروالي الطويل
سويتو رقعات في الوسط
في خشمي ختيت القميص
اجري واذبد شوق وانط
لامن دخليت الحفلة
فجيت الخلوق
وزكزت شان البت سعاد
ما اصلي عارف انها
في زولا يركز وينستر
ياني الاذاها وجنها
وبرضي عارف انها
لو كل زول
في الحلة بالسترة انجل
ياني الاذاها وجنها
وزكذت ...
للحرقة المشت
فوق الضلوع
تحت الجلد
لميت مشاعري
ومشيت عن طرف
وودرت جد
وانا جاي راجع منتهي
لاقتني هي
قات لي تعال
كبرت كراعي
من الفرح ...
نص في الارض
نص النعال
الله اكبر
يا معافرة
يا مدافرة
يا جهاد
هيييي... يا سعاد
على ود سكينة
تكبي فى
خشمو الرماد
على ود سكينة
مات اسى
وانا بت بلاك
منعول هواي
ان كنت ارضى
اعرسا
انا يا سعاد
وكتين تطلي
سحابة رقصت
الدعاش
بفرش علي
روحي وبجيك
زولا هلك
تعبان وطاش
وكتين اشوفك
ببقى زولا
فرشولو فرش
الموت وعاش
وكتيت تطلي
سحابة رقصت
الدعاش
آآه يا سعاد
قالت سعاد
بطل كلام الجرسة
انجض يا ولد
طقيت مشاعري
ومرقت عن
طرف البلد
وودرت جد
اذنت في
الشوك والسلم
ووقفت للمل البكر
ورقدت في الالم الحكر
وحلمت ذي شايلني
وسط الزحمة
نبي الله الخدر
صحاهو صوت
العمدة قال :-
مسئول كبير
زاير البلد
قبال يهل
قبال يصل
لازم تقيفوا
صفوف صفوف
وتهيجوا الخلاء بالكفوف
قت ليهو يا عمدة اختشي
مسئول كبير
في الحلة
غير الله انعدم
ما شفنا زول
سكت جهال
ما شفنا زول رضع بهم
ما شفنا زول لطخ تيابو
وجانا من طرف البلد
طقيت مشاعري ومرقت
عن طرف البلد
وودرت جد
وانا جاي راجع
اجهجهو لاقاني هو
سايق العساكر بالحراب
ضاقت نعالي من الزعل
من تحتها اتململ تراب
وضراعي ذي داير يجن
والجوف يطقطق بالكلام
قبال يقولوا سلام
ختوني في قعر السجن
ان شاء الله ما ضوقوا السجن
حصلني قبل اليوم يتم
جارنا المدرس ود خدوم
قال لي لا زولا هتف
ولا كف مشت بتلاقي كف
كبرت كراعي من الفرح
هيييي ياسعاد