#дәстүрменғұрып

Балаға тұтас елдің келешегі ретінде қарайтын қазақ халқы қай заманда да оның көңіл-күйінің тұрақтылығы мен денінің саулығын басты назарда ұстағандығы белгілі. Ата-бабамыз тосыннан келетін зиянды әрекеттер мен сәби көңіліне кірбің ұялататын дүниелермен күресуді де жақсы меңгерген. Мәселен, «қорықтық құю» ғұрпы арқылы бала бойын дендеген тылсым қорқыныштан аластаған. Емдеу әдісінің бұл түрі ертеректе пайда болғанымен, әлі күнге дейін ел ішінде кездеседі.