Vložit
- čas přidán 24. 07. 2023
- #MM #試一次 // Sam、Natalie被指冇禮貌冇儀態 試一次增加儀式感改善第一印象！儀態導師教步姿、坐姿、姿體動作 由外在到內在改善 展現平日不被看見的一面！
心理學家Abraham Luchins的研究發現外表、態度、言談舉止等第一印象，會對初次見面的人在幾分鐘內形成「首因效應」（Primacy Effect），這個第一印象會持續主導你以後對他的認知及評價，而在MM內第一印象最易出事的人就非Sam及Natalie莫屬。MM阿姐分別評價Sam及Natalie的第一印象為「一本在書店內看到都不會想揭的書」及「辦公室內傳是非的話一定是源頭，沒深度又粗魯的虛偽女生」，但阿姐發現越認識兩人，兩人外在與內涵的反差感覺亦越大，「我覺得他們兩個都像封面和內容很不同的一種性格， 所以我覺得他們有一些行為，需要改善，令自己容易被人接納。」於是MM當中最令人心累的二人組合，Sam及Natalie的改善工程正式展開！
儀式感與內涵
開台以來，全賴大家的支持，MM的觀眾越來越多，而Sam的haters亦跟訂閱人數成正比般越來越多，常見的負面留言有「見到佢都想嘔」、「不如佢淨係負責度題就算，一個好題畀佢上鏡浪費咗」、「好冇禮貌好唔尊重受訪者」。MM同事追本溯源，歸納原因可以簡單分成Sam外觀、言談語氣及肢體動作三方面出問題，綜合而成就是一個讓不認識他的人感覺他不懂人情世故、沒禮貌等觀感不好的原因。
而Natalie的言談舉止與外觀雖沒有Sam般嚴重的問題，但出事的地方在於「反應過大」讓人感覺虛假不真誠，以及個性急躁所以做事「乒鈴嘭唥」，感覺沒有氣質與內涵。同事一致表示Natalie個性急躁的反應完全在飯桌上體現，每次與Natalie吃飯都會感覺不斷被她逼迫造成壓力，尤其是她最愛的「打邊爐」是沒有一刻可以讓手停下來。
我們這一代人之所以置身「優雅空白」的年代，是因為生活匆忙，心不在焉，所以沒留意自己肢體動作和語言對旁人的影響，自然本來擁有的內涵亦不能散發出來讓人感受到。針對這兩點，我們首先邀請了禮儀導師嘗試從步姿、坐姿、姿體動作、餐桌禮儀方面入手，由外在禮儀動作改善內在，再讓兩人在生活中慢下來，增加一點儀式感為自己的生活輕調味。
為何會與儀式感有關？法國經典童話《小王子》入面的小王子都曾經問過狐狸甚麼是儀式感，狐狸回答他儀式可以令到「某一天與其他日子不同，使某一時刻與其它時刻不同」。日本作家村上春樹亦曾講過「儀式是一件很重要的事，它讓我們對在意的事情心懷敬畏，讓我們對生活更加銘記和珍惜」。所以在生活中一些對自己有意義的事情增添一些儀式感，可以讓我們細味這個舉動對生活有重要性，對生活的重視自然更能感受到行為中的內涵。
兩星期的改造過程後會有一個驗收日，當天給Sam同Natalie的考驗就是Sam在公司彈琴，難得阿Sam媽辛苦培養Sam的內涵，給同事感受到平時看不到他的這一面。而Natalie心急粗魯的一面平時就在飯桌上面給了好多壓力予同事，所以驗收日給Natalie的考驗，就要她一手佈置營造出一個既愉快又優雅的「邊爐聚會」，由督導員同一班同事決定兩人合不合格，如果失敗，Sam就要跟最愛的珍珠奶茶，Natalie就要跟最愛的邊爐分開兩星期。
究竟MM最令人心累的二人組合能否改造成功呢？！
策劃：梁中勝 Sam 黃允鍶 Natalie
攝影：張志孟 許先煜 潘志恆 伍永健 李裕康
剪接：李裕康
監製：甄俊宇
－－－－－－－－－－－－－－－－－－－－－－－－－－－－－－－－－－－－－
從生活培養出儀式感，自會發現再平淡嘅日常，都值得花心思輕調味品嚐！✨
Pocari Sweat低糖低卡輕口味 ion water，電解質成分貼近人體體液，比水更補水💧，隨時都可以為平凡日子，輕輕調味出不平凡嘅驚喜！
#生活需要輕調味 #低糖低卡 #比水更補水
#keepwatering #ionwater #ionwaterhk
#pocarisweationwater
寶礦力水特 Facebook： PocariSweatHKOfficial
寶礦力水特 Instagram： pocarisweathk
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 CZcams APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
今次做呢個故仔的過程，其實我地都有個位思考咗好耐，就係咁樣做算唔算改變咗自己嘅本性呢？其實今次目的唔係改造我地個性，係反思自己有咩不足，令到本身有嘅內涵更加容易畀人睇到。
好似Sam sam 咁，每個同事都會話佢嘅直率係優點，同時亦係缺點，點解優點同時會係缺點呢，問題就出於佢唔識拿捏分寸同畀人印象，今次呢個故仔就係一個好機會比佢睇翻自己咩原因，點解唔係出於本意但會令到人感覺冇禮貌、唔尊重。
至於我呢，我覺得拍完呢條片，我都學識咗喺適當嘅場有返適當儀態，唔係拍呢個故仔都唔知道其他人同我食飯會chur到有壓力，以後可以慢慢食，享受食物。
希望大家鍾意呢條片啦🫶🏻🫶🏻
如果要我為份工而要接受咁多人公開批評自己，我會精神同心理受到好大壓力，人係需要在社會或不同情況帶上唔同面具，無必要過份在意人地點睇，更加唔值得要為公司或 View數去咁樣用個人性格行為去做 Spot 😢
你都唔好比自己太大壓力，你嘅坐姿又冇去到粗魯，係比較隨性自在啫，只要多D著裙，就會坐番斯文D，你地有改變，觀眾亦會跟住留意自己，一齊改變😊，加油💪🏻
其實每個人嘅性格特質都冇話好定唔好 例如到底係孤寒定係有金錢觀念慳家 就係睇我哋展示出嚟比人睇既方式同埋自己嘅行為點樣拿捏中間位 呢相信就係我哋大家都要學習嘅方向 而並唔係強行改變自己嘅性格❤
@naterlie 我私心好中意你ga 真誠 大頭蝦得黎又搞笑可愛🥰🥰🥰感覺到你好用心做每一條片 同埋好好睇arrr 加油ar 期待睇你更多好片
grow up!! 唔好將口沒遮攔粉飾成直率
我老婆同你都係同一類人,其實你就係你,總有人欣賞你既,我就係鐘意我老婆嘈嘈下,成個屋企既氣氛都會比佢搞到好開心好有活力,有時唔洗太在意人地點睇既,加油呀Natalie
其實唔覺得Natalie同Sam好大問題，願意了解一個人的話人人都有優點，平日大把人人面獸心，做自己嘅人先難得
youtube就係啱你呢啲偽善撚上，大部分觀眾都覺得無問題就唔會特別出條片啦
@@jrsmith1997 我係真心咁諗，平時見太多有禮貌有儀態嘅人滿口大話，有嗰句講嗰句做自己嘅人反而值得信任。你可以有你自己睇法同喜好嘅，不過鍾意人真實啲唔代表我偽善，唔該你都尊重下我喜好。大部人覺得有無問題(包括你)關我鬼事咩
咩叫做偽善撚？解釋嚟聽下？！若要人似我，除非兩個我。
@@jrsmith1997 其實...你理唔理解到"偽善"呢兩隻字架?? 佢地兩個就係做番最自然既自己, 直腸直肚, 不修飾....人地上面話咁樣反而係冇大問題....係比你批評為偽善?? 咩原因?? 可以解釋下嗎? 係咪即係個個做晒世界仔, 唔做, 同支持做最自然既自己, 對你黎講就問題??
我反而覺得, 要接受禮貌儀態訓練果D , 應該係起LIHKG, 同你, 或yt D留言, 罵佢地兩個同罵支持佢地兩個果D, 簡直就係裝作站起道德高地上面既躁狂鍵盤判官...
但我真係覺得natalie 好善良 好真誠 佢單身的話可唔可以考慮下我>
其實喺香港做幕前唔容易，因為大眾好容易放大缺點而忽略優點，往往批評比讚賞多；作為怕羞少留言嘅觀眾只係想留一個欣賞嘅留言比Sam同Natalie，你地嘅真誠同認真就係你地嘅氣質，加油❤
我覺得natalie 自己去做題 同其他同事一齊時係唔同的
同同事一齊時同確係誇張+大聲+好急
但Sam & Nat 都係真誠嘅人
聽到人地講自己嘅問題，從而改善，做一個更好的自己☺️加油～～
Sam 同Natalie 都係真誠的人。奈何社會上太多只懂批評既人，不懂讚美
我覺得Natalie好好，真誠，有內涵。成日要諗自己嘅言行比人的印象係點樣，要討好人，其實好攰
一個社會有唔同性格既人先會多元化，只要影響唔到人其實都冇問題，總有自己既支持者。 Support sam同nat!!
麻甩Natalie同直率Sam都好正，一直都唔覺得有問題。由本身以為Natalie得樣，到後來覺得佢好正，性格好好，反應大好可愛。Sam都越睇越順眼，同埋睇到有進步。
佢哋存在可以令拘緊氛圍變輕鬆，其實邊度都需要有咁唔介意人哋目光做自己嘅人。加油❤
好欣賞 sam 同Natalie 願意去做一啲改變，令自己同觀眾/同事相處得更好，而唔係自己圍圈圈。 加油❤
每個人都有自己特色，總有人欣賞你，總有人批評你。繼續做個真誠、善良的你吧❤
呃😂身為一個居港八年嘅台灣粉絲（宜家已搬返台灣），其實我很喜歡阿sam😅，真心冇諗過會需要呢條片來解釋佢哋嗰個性，講真，我好喜歡MM，淨係隔海睇片，都覺得MM每一位都有自己嘅色彩，我很鍾意咁樣各有各特色嘅團隊。
我個人個性都好似Natalie😊我都係誇張反應😅是否真誠其實都要睇接收嘅人點take
總之我只想表示，真冇諗過需要咁樣黎解釋…
不過都很謝謝你們對觀眾如此真誠、如此有儀式感。❤
佢著衫髮型都好有個人特色，執完就變成香港，毫無特色
我都好鍾意佢哋❤
睇完呢一集先知道，原來阿Sam識得彈琴咁有才華。Sam 嘅自信來自佢好清楚自己嘅定位，少理會別人嘅目光，即使針對佢外表同儀態嘅負評，佢都一笑置之，咁樣係一件好事。我相信每個人，唔係淨係Sam同埋Natalie，花點功夫改善儀態，講嘢婉轉啲，都會變得人見人愛車見車載🎉
其實並唔需要改變自己遷就整個世界。只要自己舒服同埋尊重他人，不過欣賞你哋兩位願意面對別人眼中嘅自己。繼續支持你地2個，其實你地平時嘅故仔都好出色！加油
的確初初睇MM既時候，我覺得阿SAM講野方式係有啲怪，但耐左我覺得阿SAM既說話方式其實好好笑並且中意左睇阿SAM主持，加油阿SAM
睇完呢條片有啲唔舒服，除左賣廣告就係hard sell禮儀師，佢地有啲「唔好」性格可能係來自原生家庭的影響，令佢地自細自己照顧自己，將最基本照顧自己的事做好就以為足夠，但唔識點去好好地照顧自己同身邊嘅人。過去的傷口要時間慢慢滋潤，無得話增加所謂的儀式感、禮儀就強行改變到啲咩，但今日的黃允鍶之所以係黃允鍶，正正因為過去的缺口累積而成，請不要在乎世俗的眼光，做最舒服的你。
我覺得從儀式感入手去改變自己其實係治標唔治本，首先你要強行改變你最舒適的生活方式去刻意做到一啲刻板印象，例如食西餐坐得好、飲湯動作好標準、隻手擺三角形，睇落好似你個人好有儀態，但有儀態唔等於你有內涵、有禮貌。注意一下呢啲肢體動作係可以嘅，始終觀感上都會加分，但核心問題其實係談吐，就係講說話前有無諗清楚先講，表達方式上會唔會令人難受，講之前有無諗過其他人的感受，我覺得呢方面反而更加重要。
其實睇左咁耐，我自己係幾喜歡natalie，甚至可以話係最喜歡嘅一位MM成員。可能因為同我自己有都唔少嘅共通點，最開頭時佢未有講自己成長背景，但已經感覺到佢係有故事嘅人。之後又有講佢係因為屋企有問題，自己一個住，自己一個應付好多獨居上嘅挑戰，我就更加對佢好有深刻印象而且好有共鳴。我印象中natalie係好獨立好堅強好認真好勇敢亦都好true。
好彩我對 嘅第一印象都唔差 😁
不過追求進步點都係啱嘅，加油呀兩位 💪💪
平時睇Sam同Natalie 啲片，都感覺到佢地有內涵
呢集好好，可以令佢地行出黎感覺穩重左
其實片裏面講ge 寒背同食野個上身向前呢個壞習慣我自己都有，一直都改唔到
希望睇完呢集可以多啲提醒自己去改善
之前由中段睇就留言，但剛剛由頭睇過一次想再留多個言。其實兩位都值得欣賞，Sam 係有自己好creative, 雖然佢有時直d 但佢敢問敢講有guts, 知佢係唔為專登冒犯。而會睇MM係因為Natalie 有關動物的訪問，覺得佢一直做左好多好好的訪問，希望佢唔好為左最近一次而唔開心，經一事長一智。因為我作為睇開呢個channel 知道每位MM 人物的個性，要知道肯展露真性情真係唔易，個個到模一樣就冇趣，外人唔駛太harsh
多謝支持🫂
好多謝你支持🥹🫂
Sam Sam第一次遭受猛烈批評係盂蘭節條片個訪問，由坐姿到語氣俾人感覺輕佻到最終下架。今次主要訓練步姿，但作為記者做訪問最緊要係坐姿；另外訪問時用字、表情都要再小心啲。雖然作為觀眾好似好嚴苛，但相信大家都想見證進步。
Natalie問題反而平時鏡頭前唔多覺，唔會令人反感
sam & nat , 我係milmilk忠實fans , 想係度同你地講 其實你地呢種性格係好好 夠真夠純 千其唔好因為d人既言語攻擊而唔開心 加油👍
其實佢哋兩個的真性情都好可愛好cute啊😻 唔需要有太多改變，也是他們自己的個人風格和吸引點💙
另外，真心建議兩位幕前員工考慮呢間公司係咪仲岩自己做落去，要佢地面對咁多同事同觀眾面前批評，其實好大程度上，呢種係個人性格，好難定意岩定唔岩，唔通想佢地見人見講人話？咩都模棱兩可？ 面對咁多人意見或批評，仲要咁公開，心理壓力可想而知有幾大
其實而家越嚟越少坦白真誠既人，Sam個人真誠，都可能係一個優點
其實我覺得chunky 執屋嘅時候對Natalie 講嘅説話都好hurt。有啲唔顧人感受。
Chunky 個格其實俾人感覺都唔多舒服，旁人睇會覺得，你有咩資格去教人、批評人？
可能Natalie令同事會忟，但作為觀眾，我覺得佢拍嘅作品流露到一份真誠，而係好睇的。加油，我覺得你本身已經好好😊
又唔會啊 我覺得chunky好真 唔係偽善Bitch
我覺得佢係咁搵啲嘢黎話佢亂，其實我覺得間房幾乾淨
拎住堆線話：「你既人生。」呢句真係唔ok,我唔知Natalie既接受程度，我會嬲囉，如果你話係講笑，我唔覺得有幾好笑，性格唔夠討好全世界唔代表活得糟糕。
係，我平時睇我覺得chucky 好dominate , 更加令人反感
Natalie同Sam都好好，好有自我個性呀，加油💪🏻💪🏻
佩服Natalie同Sam，其實本來嘅佢哋都無問題呀！你哋又肯為節目去察覺了解自己多啲，多謝mm，多謝Natalie、Sam！加油❤
反而我好鐘意睇佢哋兩個做節目，覺得佢哋兩個好夾，有D螢幕情侶feel
有啲似
喺香港，食餐飯可能最多得10分鐘，有幾可咁hea咁enjoy食飯🥲， 真係唔覺得Natalie粗魯，仲反而覺得佢好可愛；至於Sam Sam, 雖然人仔細細，但係果份心思細膩，觀察入微，成日都覺得佢收埋左個宇宙喺腦入面，Sam Sam可以著清爽D，剪短/修薄D頭髮，同埋諗番佢採訪和尚果集，到而家講嘢進步左好多，加油呀～你哋兩個都好正架❤❤
你真係好了解佢❤️
🫂
Let’s appreciate the kindness behind this 🫶
公司冇無視到公眾對佢地嘅評論
仲透過依個方式為佢地澄清 比人知真正嘅佢地係點 同埋佢地都係會改善進步❤
我好鍾意natelie 喺同Sam慶祝生日唱歌嗰下即刻大動作返拍手😂好開心同真誠嘅感覺！支持你呀我覺得有儀式感對於你屋企同食飯嘅舒適度有幫助就好，其他嘅做返自己舒服唔影響人哋(e.g步姿)就OK
一直支持MM既片，但有時有D位我唔太認同，你片頭先講完想Natalie做返真正既自己，然後後面又叫佢好假咁扮lady隻腳要點擺，坐姿又要好淑女咁，成件事好矛盾。
另外，我發覺好似唔只一段片你地都會放大某個記者所謂既缺點，形成到好似佢地真係好有問題咁，但其實講真你地提到佢地既所謂既「有問題」，只不過係佢地可能同社會個norm有d唔同，或者係源自於D少數haters 既comment，其實每次你唔出拍片去講，我都唔覺D記者真係好大問題。
其實每個人都有不足，反而咁個社會先會多元化，你拍呢類片好似間接認同所有人都要跟住個社會既norm去做先叫「正常」，其實佢地係咪真係有問題到影響人？其實唔係，但你拍完呢類片，Natalie/ Sam就會因為朋輩/同事既睇法令佢地都覺得自己有問題。
我覺得呢個係香港好普遍既現象，就係因為咁香港人成日都唔敢做自己，唔敢講自己意見，因為只要同其他人有唔同，就會被人覺得係有問題。我講完係希望MM作為一個咁有影響力既平台，其實可以反而拍D片去正面D鼓勵D人做自己，而唔係去叫d人去跟住社會個套先叫正確。
非常認同！
其實最鍾意Natalie覺得佢夠真又好有愛心。
同意！
tbh我唔覺得佢地有咩問題
每個人有自己既性格 特質
或者佢地唔係好主流既性格/外形
但唔代表呢樣野有問題喎
要反省既 我唔覺得係佢地喎
係啲留毒舌comment既人囉
我地點解一定要跟住standard做人先？
邊個定個standard先？
係咪一定要跟先？
唔知點解~依集邊睇邊有種莫明嘅感動，亦受教同袋到野走，香港太需要你哋喇，好多謝你哋陪大家一齊行~
p.s 最變態嘅係~竟然係廣告！作為觀眾嘅我，這presentation都幾受~
無辦法啦 ，人地都要出糧搵食， 是但睇完廣告就算
今集覺得幾好睇，幾得意
其實我覺得NATALIE同SAM性格都好好，講真其他人未必會敢咁赤裸拎自己弱點出嚟做題目
感覺2位都係D好真實、真性情嘅人，不拘小節，不矯柔造作
可能主要係動作上比較不修飾姐，調整下就好OK了~
我係覺得寧願俾人輕視少少，但後來發現越挖越有驚喜
總比俾人好期待，睇高一線，但其實係得個殻
雖然都明呢個世界係可以好膚淺，每個人唔多唔少都會包裝下，
俾個良好形象自己，咁機會都可能會多D
但同時又覺得現世代，有記憶點，有TALKING POINT同樣可以殺出條血路
都無話邊樣嘢先係好～
其實敢於真實先係最難得，NATALIE同SAM繼續做自己就OK了！
其實我最近無見到Sam Sam係螢幕出現，有d灰心，講真，佢唔係最識搞氣氛那一個，但佢有時提出既觀點/做既題材都好別樹一格，之前有集講唔同人係工作上既作用，Sam sam係一種比較rare既type,我好認同。
另外Nat我之前都無好特別喜歡，但佢開始做左一個女仔自己住既topic之後，我即刻加晒分，開始有留意佢。
你地都要加油，其實你地都做得不錯！！
🫂
先唔講natalie，sam呢種超正wor，做朋友夠真誠，唔會就住就住，識到呢種朋友真係一流
見到Chucky好囂張咁做Natalie督導員，真係笑出聲，佢自己先最誇張最作狀最扮嘢。真心唔知呢集想achieve啲乜嘢。阿京話原來阿Sam都睇好多嘢，所以先決定同佢傾到偈，到底係覺得自己有幾高深？要有幾睇唔起人？每次佢出現（無論出樣定出聲）都feel到佢自我膨脹到撐爆黑洞。睇咗咁耐MM，真心完全唔覺Natalie同Sam有問題，反而有阿京有Chucky嘅片係完全唔想睇。建議佢兩個去檢討下自己先去睇低同事。
勇於改變的人就是正！很喜歡這集！
E集好高質，好真實，笑左好多次，係咁翻左頭睇再笑過🫵🏿🫵🏿🫵🏿
今次D廣告睇D好開心, 好似見證MM 同事成長, 加油 :D
多謝Sam同Natalie既示範，條片提醒左我好。有時生活真係好忙碌好chur，忙到唔記得照顧自己。衣家既我同企劃前既Natalie一樣，好耐無著過牛仔褲以外既下身衫+.+ Chucky提到既儀式感係真係好重要，平時都可以過得精緻一D，好好錫自己。當你選擇畀返個空間做自己鍾意做既事同取悅自己既時候，自然身邊一齊相處既人都會覺得舒服。Good job MM!!
MM每位都值得支持，加油!
清潔整理
有品有禮
懂欣賞懂讚美
比甚麼儀式感更發自內心
很有身同感受的感覺👍🏻💪🏻🙏🏻
其實當初開始睇MM的時候 就係因為Natalie 以前喺生果日報嘅時候已經見過Natalie嘅視頻 (人和狗狗一同做瑜珈/跟動物協會拯救動物) 很多喜歡動物的女孩子都會像Natalie般大喇喇 所以從來都唔覺得Natalie冇內涵 希望Natalie同Sam都加油
點解要改？做返自己有咩問題
Sam係夠坦白同真誠者
🫂
今集幾好睇
點解要拿這两位同事態度出來談？本人覺得無甚麼大問題，他們獨立個體，每次做節目時用他們自己方法去表達，是另一方法帶出問題和事實，每人風格都不同的。主要是被訪者們感覺如何是較重要，被訪者不介意還願意合作完成節目便可。
係，完全唔覺風格唔係上司心目中果type 有咩問題，唔明點解反應誇張係問題，無反應又會比人話西面，真係難服侍。。。
今次又學到野, Thanks
睇片都學咗好多嘢～多謝mm❤️
接受自己、改變自己絕不容易
Sam & Natalie 繼續加油💪
🫂
咁肯开始做改变，都系进步黎既，加油啦~
加油呀！Sam、Natalie 係你哋嘅片，我都睇!
或者外貌，禮貌，儀態等有不足，但我覺得阿SAM同阿NAT好真，我都好鍾意睇佢地D片；希望經過呢次少少改變，會令身邊o既人對佢地唔好有誤解。加油啊兩位！！
其實我覺得Sam同Natalie都很好 我反而覺得他們是有自己特色 甚至是一個真誠的人 能夠真誠就很好了
同埋 一個人有好多面向 我哋睇到佢哋呢一面某程度只不過係佢地願意向他人表露出的一面
所以其實我又覺得 佢地願意將呢種好似冇乜包裝過自己的面向表露比其他人 其實好可愛
不過有多小小儀式感都係好事 並不是針對sam和natalie
純粹覺得有儀式感好似可以在沉悶和平凡的日常有翻小小趣味
金無足赤，人無完人；借人之智，以完己身。
兩位加油
睇MM咁耐，其實幾鐘意Natalie的片，真實自然有感情，幾有個性，是辨識度高的人
越來越喜歡你們❤ 繼續做你們想做的事😊
每個人都有不足之處，努力去面對自己的不足，奮力向前，加油啊Sam & Natalie❤
願意拍一集去面對各種評擊，非常大勇氣，支持兩位
感覺今集好有愛💕
其實睇慣咗Natalie同Sam😝性格都好真誠❤support🎉
thank you Sam and Natalie
呢個主題好有意思，兩位都願意俾人點出自己既缺點並唔容易，平時條片觀眾只係認識到你地一部分既，並唔係全部。真正認識你地既既係MM既同事。儀式感又好，坦率又好，重要既係背後有善良既心，加油呀。
好睇 謝謝你們❤
辛苦兩位要面對haters🤦🏽♂️加油
多謝MM 多謝sam媽 多謝sam
成個MM 團隊，我最喜歡 阿Sam 同 Natalie ❤，你倆位真誠地表達自己，冇做作😊
老老實實啦，成間公司，邊個夠膽講自己無野比人挑剔？ 和而不同呀！
Very sweet! Lovely to see how close MM colleagues are!
我反而幾鐘意兩位喎，我覺得好真誠呀
拍呢條片好唔容易，要係鏡頭面前反思自己唔夠好，唔夠貼合某一啲社會規範，改變一啲可以話都幾虛無嘅嘢-例如禮儀、外相(重點係其實唔係大問題)，其實可以話都有少少無謂，利申有一刻覺得係節目需要搵多個人嚟part阿Sam。反而單憑別人一兩個行為外表就對人下判斷，會覺得嗰個人好膚淺。
真心覺得Natalie冇問題，阿Sam亦有佢嘅好，辨識度十分高。Natalie見到自己鍾意食嘅嘢表現得興奮，講嘢大聲咗，其實可能係佢信任同事嘅表現? 加上佢自己住可以同一班人一齊打邊爐應該係好開心。呢個世界冇一個人係完美嘅，其實好多片我哋都睇到佢哋好認真做，加油Sam & Natalie！❤
you are not alone! 我都成日比人話唔開聲之前同開左聲講嘢之後落差好大，成日比人話我唔可靠唔夠成熟好細路女，比唔到人睇我既內涵，現實上喺工作上真係好蝕抵。
不過睇得出natalie同sam係好真誠既人，其實係比較純真同埋因為對人有信任，先會能夠坦然流露自己既本相，只要唔係傷害到人，我覺得呢類人係好adorable❤
謝謝Sam & Natalie看過本集又對兩位認識加深
兩個都好可愛！加油。
鱷魚sam都可愛？
加油呀!!! Natalie Samsam!! 原本嘅你地我都覺得好好! 💛💛
欣賞兩位呀❤
題外話 呀姐把聲幾好聽
This is a good topic
Really useful information from this video!
Very nice video
其實我好鍾意Natalie同阿Sam，仲會成日睇番佢哋啲舊片，繼續加油!! 期待你哋既新片!
💪🏻
Natalie去街市買餸果集我即刻跟住裝個apps, Natalie用一款有機面膜我又跟住買，雖然賣點唔喺深度，但喺有觀眾緣，做自己，加油！
一直睇你們的片，都覺得Sam好可愛和攪笑，能給人們帶來歡樂～而Natalie 就好爽直有點俠女風範～
兩位在今次活動可以反思自己，很不錯！加油！💪🏻💪🏻💪🏻😉
💪🏻
I like all the hosts in MM videos in general but Natalie and Sam have always stood out as my favorite from the very beginning when I first started watching!
開心就好❤
Sam本身個look都好睇👍🏻 好有自己style ~
我個人睇法 呢個世界一向係一樣米養百樣人 每一個人無可能咩人都可以取悅得晒 亦都無需要無必要取悅晒所有人 同時間因為呢個原因令到每一個人都佢自己既賣點、風格同特性。社會上總會有班人咀邊掛住一套套所謂標準去批判人，好多時所謂標準可能過左一段時間甚至第二日下一秒已經淪為笑話，而且呢個世界其實有好多人拎住個標準其實原來都只係標準塔利班，寬己嚴人。
睇MM，每個主持既影片都好有heart都睇得好開心
認同，同埋番工工作要同私人生活要有條好分明界線，咁樣比人公審你地性格，唔見得其他人就係良好標準
幾時有pantry系列🙇🏻♂️🙇🏻♂️
希望今次呢個真係一個「節目」，每一個人都唔同，會有自己嘅個性，點解要做人哋嘅「自己」，咁樣「生存」落去會好高壓，做返自己嘅自己先至會有生活！
我們每個人都是獨一無二的，沒有人可以像我們自己一樣做到完美。當我們嘗試成為別人時，我們失去了自己的獨特性和價值。只有當我們做自己時，我們才能實現我們真正的潛力，並且過著真正屬於自己的生活。
兩位加油! 生活真係需要慢下來
呢度啲評論好warm🥲當我對自已有懷疑嘅時候要翻黎睇睇
接受唔到呢d shape人個性嘅嘢
最近睇咗幾個感興趣既mm片，個人喜歡Natalie，可愛又唔做作，亦見到佢對工作既認真❤
有心了解你既人自然冇偏見,會獨立思考,冷靜既人就唔會太武斷,要專登針對你既就會莫須有,無限放大你唔好既地方. 所謂不足/唔識做人只不過係為左迎合人性. 做自己就好,明既人自然會明,有腦既人自然會觀察
係食個印象唔係食飯🤣，正！
個人特色 vs 儀式感😜
我覺得禮儀係需要識既，係正經啲既occasion be presentable ，但又唔使話24小時都應該咁完全改變自己。