[82] Англија - Македонија 2:2 (16.10.2002)

16.10.2002, Сент Мери стадион Саутемптон
Натпревар во рамките на група 7 квалификации за пласман на европското првенство во Португалија 2004.
Македонската репрезентација не оствари добри резултати во квалификациската група 7 за пласман на европското првенство во Португалија 2004, но натпреварот во Саутемптон против големата Англија ќе остане вистинска класика.
Македонија: Милошевски, Петров, Седлоски, Васоски, Попов, Гроздановски, Митрески, Шумуликоски, Трајанов, Шаќири, Толески (замени: Пандев, Стојаноски)
селектор: Никола Илиевски
Англија: Симан, Невил, Кемпбел, Вудгејт, Бриџ, Кол, Бекам, Џерард, Сколс, Смит, Овен (замени: Бат, Васел)
Стрелци: Шаќири 10', Бекам 14', Трајанов 24', Џерард 36'
Англичаните во својот најсилен состав очекуваа сигурна победа против противникот за кого не знаеја многу. Но, Артим Шаќири во 10-тата минута се погрижи сите англичани да погледнат во атлас и да дознаат нешто повеќе за Македонија. Искусниот Симан прими гол кој ќе го памети целиот свој живот. Директен удар на Шаќири од корнер кон голот и погодок кој ќе се најде во спортските вести на познатите телевизии ширум светот. Англичаните имаа повеќе од натпреварот, но нашата репрезентација успеа да извади реми од овој натпревар.