انا في تانيه علوم قسم فيزيا وشلت مادة وخايفه اقول لاهلي عشان السنه اللي فاتت جايبه جيد جدا مرتفع وبدعي كتير جدا أن المادة تترفع بدرجات الرأفه ادعولي يارب
محدش من قرايبكك يا خالد كان بيصرف عليك ف مش من حق حد يقولك نص كلمه اللي يسألك قوله الحمد لله كله تمام و احمد ربنا ان باباك و مامتك متقبلين ده بصدر رحب و صدقني يا صديقي مش اخر الدنيا ربنا يوفقك ❤❤
@ur.mom00 نفس اللي مريت بيه ده انا مريت بيه و صدقني الموضوع لما بيعدي و تخرج منه و تمتحن المواد دي و تعدي فيها هتلاقيك اكتسبت صلابه ف شخصيتك مكنتش هتكتسبها من حاجه تانيه ربنا يوفقكم ❤
انا فى اولى صيدله وشيلت مادتين الترم الاول دا بس المشكله ان المادتين تراكميين يغنى عشان شلتهم الترم الاول مقدرش اخدهم الترم التانى وفى مادة منهم موجودة معايا لحد تالته انا ناويه انى انزل امتحنهم سمر السنادي وراضيه والله بس كدا هبقي اقل من زمايلى بمادتين حتى مش هعرف احضر معاهم السكاشن وتقريبا انا الوحيدة اللى شيلت فى السيكشن فمش قادرة اوصفلك حالتى وهما بيتناقشوا فى المواد وانا مش هاخدها معاهم او لما محضرش معاهم السكاشن والموضوع مطول معايا كام سنه يعنى مثلا هكون فى تانيه الترم التانى باخد المادة اللى هما خدوها فى اولى الترم التانى وهحضر سكاشن مع اللى اصغر منى وحاجه فى منتهى الخوف حتى فكرت انى اخد مادتين من تانيه السنادي علشان انجز ومايبقاش عليا ضغط فى تانيه بس الدكتورة موافقتش رغم انها بتوافق كل سنه يعنى انا الترم دا عليا خمس مواد بس من اصل سبعه واللى حصلي مخلينى خايفه من كل حاجه وبتهرب من صحابي مش عارفه ارجع زي الاول وخايفه افضل كدا كل حاجه بعملها من غير نفس حاسه ان حياتى وقفت انا مش متعودة على كدا انا كنت الاولى على المدرسه كل سنه من اولى اعدادي لثالثه ثانوي فمش قادرة استوعب ان اول ترم ليا يحصل معايا كدا اسفه لانى طولت عليك بس مش عارفه اعمل ايه وهو المفروض انى اذاكر ايه الترم دا اصلا يعنى اركز على المواد اللى عليا الترم دا بس ولا اذاكر معاهم المادتين رغم انى مش همتحنها معاهم بس بقول ممكن الم المادتين لنفسي عشان اسهل على نفسي وكدا ولا اذاكر المادتين اللى هنزلهم سمر ولا اعمل ايه
انزلي امتحنيهم سمر، و مش عيبه خالص انك تكوني شايله مواد ابدااااا، بالعكس دي حاجه هتقويكي قدام، كون انك اتحطيتي ف مشكله و اتعاملتي معاها ف ده ف حد ذاته بيقويكي مع الزمن اتعاملي مع زمايلك عادي و احضري المواد بتاعتك و متضيعيش وقت ف انك تذاكري المادتين الجداد قبل معادهم بسنه،وفري الوقت ده ف مذاكرة المواد الحاليه و متزعليش.. تعاملي عادي مع الموقف و كملي ف حياتك و اهرفي ان كله خير🌸🌸
حضردك انا في اولي اعدادي لسه مخدتش الدرجه بس حاسس اني هسقط في مده مع العلم اني كل سنه من الاول و بقفل بس الترم ده قصرت جامد. انا بابا متوفي و خايف اعرف ماما حاسس اني هسقط في المده دي بس مخدش الدرجه
السلام عليكم ورحمه اللّه.انا شلت رياضه تانيه ثانوي ادبي ممنتش مستوعبه ابدا اول مره في حياتي تحصل اخدت الصدمه وكنت بدعي ان لجنه التصحيح الجديدة ترفعني كان ناقصني ١.١ بش ميحصلش خير ربنا بيعلمني درس عشان كنت بدات اتكبر واتغر في شطارتي من كلام الي حوليا و لمي السريع للمواد و درجاتي دلوقتي همتحن المنهج كله الترمين آحر شهر ٧ بإذن اللّه ادعولي ربنا يعيني و ينجحني فيها بما يرضيه و جبر بخاطري ويوفقني السنه الجايه واطلع اولى جمهوريه ادبي كمان يارب يارب اي حد عاد مادة ينجح ومننساش نتعلم من أخطأنا ونحمد ربنا انها جت على قد كدا الحمد اللّه الذي تتم بنعمته الصالحات ❤
مش شرط يا اسراء تدركي الحاجه الحلوه دلوقتي و و مش شرط حتي انك تشوفيها رأي العين ، ممكن الحاجه الحلوه كي يكون بلاء أكبؤ ربنا صرفه عنك بالبلاء ده ربنا يعينك و يوفقك و يكرمك ف الماده دي و تمتحنيها و تعدي معاكي علي خير بإذن الله🌹
تانيه ثانوي مش مشكله كبيره يا عوبد متزعلش نفسك و استعين بالله و خش امتحاناتهم و إن شاء الله مش هتتكرر تاني و تتجدعن ف تالته ثانوي و تخش الكلية اللي بتحبها❤❤ ربنا يوفقك يا صديقي❤❤
أنا شيلت مادتان وزعلت جداا بس ادعوليه انا دخلت دور تانى النهارده كان آخرا يوم ادعوليه اطلع من السنه ده على خيربس مش عايزه غير انى اطلع بس والباقى على ربنا. بس أنا نفسى فى حقوق ادعولى ادخله وطرشحلى اي أمكان فى الجمهوريه مصر.بس المهم تدعولي أطلع وربنا يرزقنى باناس حلو فى الطصحيح. لعام 2020
طب دلوقتي انا شيلت تلات مواد في الجامعه ومش عارفه اعمل اي هو احنا هنمتحنها في الصيف ولا هناخدها مع المواد بتاع السنه الجايه ولا اي بالضبط انا مرعوبه اوووي وخاايفه 😭😭😭😭😭😭😭😭😭😭😭😭😭😭💔
هو اللي اعرفه عن اللائحة الجامعية ان ٣ مواد بتقعد سنه ، لكنك لو نجحتي ف بقيت المواد بتعدي منهم،لكن بتقعدي السنه الجايه عشان تكتحني ال٣ مواد اللي شايلاهم بمغني انك لو دلوقتي ف سنة تانيه السنه الجايه بردو هتفضلي ف سنه تانيه بس هتمتحني في المواد اللي انتي شايلاهم بس و لما تنجحي فيهم ان شاء الله بتعدي للسنة اللي بعدها متترعبيش ولا حاجه ولا تزعلي الوقت اللي انتي هتقعديه ده تقدري تستغليه في إنك تطوري نفسك سواء بانك تقوي نفسك في الإنجلش من قنوات ع اليوتيوب زي دروس اون لاين او عمر عبد الرحيم ، او بانك تستغليه في تعلم حاجه بتحبيها المهم بس تعرفي ان اللي حصل ده مش اخر الدنيا فمتزعليش و بأمر الله خير🌺🌺
والله يا نجلاء ربنا هيعوضك ان ساء الله ، هوني غلي نفسك و متطوليش ف الزعل و بإذن الله هيحصلك كل خير ، و شدي حيلك و اتجدعني ف اللي جاي و ان شاء الله تمتحنيها تاني و تعدي فيها علي خير🌺🌺💪
@@MennaMohamed-mr9gv والله ده ابتلاء فلازم تحمدي ربك ،وهيعوضك والله❤️فلربما اتسع المضيق وربما ضاق الفضاء ولرب أمر مسخط لك في عواقبه رضا الله يفعل ما يشاء فلا تكن متعرضا❤️❤️أن شاء الله ربنا يعوضنا🌸🌸بس لازم نشد الترم ده ونثبت لنفسنا أن احنا نقدر نجيب GPA 4 الترم ده ونعوض الهزيمة دي والمادة اللي ابتلينا فيها ناخدها summerوبرضوا نجيب فيها تقدير ،ثقي في ربك اولا وبعدين ثقي في قدرتك وابذلي مجهود وان شاء الله هنعوض❤️❤️❤️ومتنساش تحمدي ربنا علي الحلو والوحش ،لان لازم تجربي الطعم المر عشان لما دوقي الحلو تحسي بطعمه اكتر وتفرحي بالرزق اكتر✌️
انا تالته ثانوي (دفعة الكرونا)و مكنتش بشوف إن الأمتحانات في غاية الصعوبة زي بقيت الدفعه ولا أشتكيت وبالعكس كنت دايما حاسه إن ربنا هيقويني رغم الظروف اللي أتحطيت فيها قبل وبعد كل إمتحان وظروف المدرسه اللي كنت فيها وكمان اللجنه ولا كان بيشغل بالي كنت بحس ربنا مقويني عشان عندي لسه مشواري مكملش وفي حالي وكنت بعافر عشان أفضل أحافظ علي نفسيتي بعد كل إمتحان ورغم كل ده جبت فيزياء رغم إنها أكتر ماده متعبه وبذلت مجهود فيها هي اللي وقعتني وجبت درجه ماكنتش في خيالي مخطرتش علي بالي ولو مرة واحده ودايما كنت شايفه إني مش هنقص عن ٩٠ علي العموم خلاص إمتحان المادة بكرا فكنت بدور علي حد يقولي إنتي مش لوحدك وهتقدري وشوفت قناتك وبالمناسبة أحب أشكر والدة حضرتك اللي خلتني أشوفك عشان إديتني دفعة حلوة خصوصا إن محدش يعرف وقولت إني نجحت لكل اللي يعرفني إلا أسرتي يارب أجعلها حقا يارب أدعولي يا جماعة أنا بجد محتاجه الدعاء أدعولي ربنا يكرمني و أنجح بكرا من غير ما خد مجهود أي حد ويا يارب يسر ولا تعسر دعوة أربعين شخص مستجابة إنشاء الله🤲🤲
يا آيه انا بجد مبهور بشجاعتك و بقوتك دي ، و بإذن الله ربنا هيكرمك بكره و تقفلي الماده و الامتحان هيطون سلس بين إيديكي ، ف يا رب الدنيا تمشي زي الورد معاكي و يجازيكي خير الجزاء عن مجهودك طول السنه و يجبر بخاطرك و يرزقك الكلية اللي نفسك فيها و يجعلك من المتفوقين فيها و يجعلك دايما قوية و سعيده ف حياتك ادعو لآيه يا شباب و ربنا يتقبل منكم ليها و يوفقكم كلكم ❤❤
عيطي و خرجي الشحنه السلبيه اللي جواكي مفيش أدني مشكله ، و قومي صللي و ادعي ربنا و استعيني بيه انك تبدئي و صدقيني انا مقدر شعورك و انك ملكيش نفس ، لكن دايما تذكري ان تجرعك للكاس المر ده و انك تضغطي غلي نفسك و تذاكري و انتي مش حابه دهو، ده ف حد ذاته هيخلق جوه إسراء إسراء تانيه قويه بتواجه اتخن مشكله ف الحياه بقلب من حديد ، و صدقيني هتعدي والله و هتنجحي فيهم و كل حا٠ه هتبقي تمام صلي و ادعي و استعيني بالله كده و ابدئي و هتلاقيكي بتندمجي ف المذاكره و ربنا هيفتحها عليكي
طيب انا ف تالته اعدادي و يعتبر من اول السنه مدخلتش دروس رياضه عشان مكنتش لاقيه مدرسين و مكنتش بروح المدرسه لأن مفيش حد بيشرح و دخلت امتحان الرياضه غشيت ولما النتيجه طلعت نص السنه لقيت اني جايبه ف كله درجات كويسه و الرياضه يعتبر شيلتها جبت ٥ من ٣٠ .. اعمل اي عشان اعديها الترم التاني من غير ما اشيلها ؟ ارجو الرد
اول حاجه روح المدرسه اسال لو في امتحانات ملاحق و هتكون امتي ثانيا لازم تحضر دروسك الترم التاني كلها و تركز علي الرياضه و الدرس اللي تاه تروح ف نفس اليوم تحل عليه متأجلهوش ليوم تاني و ان شاء الله تمتحن ملحق الرياضه و تنح فيه بس لازم تروح المدرسه تسأل
ربنا معاكي انا تالته اعدادي وجبت ملحق رياضه ترم اول بس انا واثقه في ربنا اني هعوضها ان شآء الله بس خايفه وقلقانه اوي ادعيلي وان شاءلله انتي كمان هتنجحي ومش هتخلص 2023غير وانتي داخله السنه الي بعدها علي خير 🙂
طب انا ببقى مذاكرة حلو جدا وببقى مبسوطه وببقى الحمد لله بس بدخل الامتحان اول ما ادخل اللجنه بتصدم وكأنى مشفتش اللى فى الورقه مع انه بيبقى سهل بس انا بخاف والخوف بيسيطر عليا ومع ذلك بخاااااف اوووووى وامبارح كان عندى امتحان هندسه مانمتش طول الليل وعماله بذاكر وفى الاخر ولا كأنى ذاكرت حاجه والله فضلت اعيط لما عنيا ورمت والنبى انا فى تالته اعدادى قول لى اعمل ايه بس انا المفروض ابقى فى أولى ثانوى بس انا عدت تانيه أعدادى ومع انى جبت درجه حلوه فى تالته بس خايفه اوى اوى اوى 💔💔💔😭😭😭
اولا .. ان شاء الله ربنا يكرمك و تجيبي درجه حلوه ثانيا ابحثي علي يةتيوب عن نصايح دكتور ابراهيم الفقي ف الامتحان .. هو كان وضح ازاي تتعاملي لما تتوتري ف اللجنه
ف سوق العمل الايام دي يا مني الشاطر هو اللي بيفرض سيطرته بغض النظر عن درجاته وتقديره ف الحامعه و شهادته ، في نااس بتشتغل ف شركات محترمه بدون شهادات اجتهدي انك تكوني شاطره ف شغلك و متسمعيش كلام حد يضايقك💪💪
ياريت ترد عليا انا نقصت كتير فى امتحان فى الدرس انا فى أوله ثانوى وانا عيطت عياط كتيييير جدا والله بس انا اللى مزعلنى أن انا عارفه الاجابه الصح بس بكون خايفه قبل الامتحان واصحابى هيجبوا النهايه وانا هتكسف بينهم
قصدت اسيبك ٤ ايام عشان هتلاقي الموضوع بسيط متزعليش و كملي و اتجدعني و الشهر الجاي هتقفلي الامتحان ان شاء الله المهم لما تذاكري حللي اسأله .. الاسئلة بتتكرر و لما تحلي كتير هتلاقي الدنيا سهله معاكي ان شاء الله🌺
لو سمحت انا دخلت السمر كورس في مادة وهمتحن أن شاء الله يوم19في الشهر ده وعايزة احول للقاهرة انا اعلام المنوفية لسة مبنية السنة اللي فاتت فهل النتيجة لتظهر في قبل بدأ الدراسة عشان خائفة مالحقش التحويل في الشؤون قالوا التحويلات هتستمر لحد بداية الدراسة ويمكن بعد الدراسة بأسبوع
لو سمحت انا فى رابعة ومدخلتش امتحان النهاردة افضل ادخل السمر كورس ولا امتحنها السنة الجايا عشان الشهادة متبقاش دور تانى، وفى السمر كورس هاخد درجة النجاح بس ولا ايه، ولو دخلت دور تانى يبقى ليا اقدم فى حفلة التخرج ولا
لو دخلتها سمر كورس هتتكتب ف الشهادة و لو دخلتها السنة الجايه مش هتتكتب ف الشهاده ف دخولك للماده دي سواء السنه دي او السنه الجايه يعتمد علي قرارك انت ، الافضل طبعا عشان متتكتبش ف الشهاده تدخل السنه الجايه لكن ده هيعطلك سنه ف حياتك ، فلو انت مثلا بتشتغل من ايام الكليه و انتظارك السنه دي مش هيعطلك فقشطات استني السنه الحايه، لكن لو عندك التزامات و محتاج تنزل تشتغل و الوقت مش ف صفك ف ادخلها السنه دي .. اولا و اخيرا ده قرارك ربنا يوفقك للخير يا صديقي ❤❤
هو الآن أنا شايلة كل المواد ماعادا الانجليزي 🙂👍💔وداخلةحالة اكتئاب قوية ولا احد يقدر يواسيني حتى التصميم المعماري اكلنا في هوااء مع انو اكثر مادة تعبت عليها
اللي حصل معاكم ده حصل معايا بؤدو سا شباب و بدؤو كنت متخوف من اهلي اهلكم طبيعي هيزعلو بس صدقوني مجرد م الايام تمر و يشوفوكم بتذاكرو اكتر و يتجتهدو انكم تتخطو المحنه دي هينسو الزعل متحبطوش نفسكم و استعينو بالله و ان شاء الله هتعدي علي خير ❤❤
@@norahefny9505 اصحابك هتشوفيهم عادي انا مكنتش بحي كليتي و اتعلمت حاجه جمبها .. شوفي نفسك بتحبي ايه و جوري نفسك فيه اهلك مع الوقت هيتناسو الموضوع .. فرحيهم بقوتك و ثباتك و اجتهادك
مفيش أي مشاكل يا سيف استعين بالله كده يا بطل و خش السنه الجايه و ربنا هيكرمك فيهم بأمر الله ❤ عندي ف المنصوره دكتور دبلر إعدادي و حاليا هو من أعمدة الكليه، فاستعين بالله يا حبيبي و هتعدي السنه الجايه❤
@@MahmoudSamra طب حضرتك انا كنت شايله ماده في اعدادي ماده الرسم الترم الاول بس عشان الترم التاني عملنا ابحاث فيها وكان المفروض اخدها معايا السنه الجايه بس مدخلتهاش وانا جايبه تقديرات حلوه في السنه دي هل عشان مدخلتهاش مع السنه هتاثر على تقديري للسنه دي ولا ايه النظام😢😢
لو سمحت انا غبت في مادة وهمتحنها أن شاء الله في السمر كورس هل كدة الدرجة بتاعة المادة هتضاف للgpaاصل أنا قرأت على النت أنها مابتضافش وسألت الوكيلة قالت بتضاف فأنا محتارة
خد بالاسباب يا صديقي و ذاكر بذكاء حل الامتحانات بتاعة السنه دي و كام امتحان من السنين اللي فاتت ، اسئلة الامتحانات بتتكرر حاول بس تفهم الدنيا ف المجمل ماشيه ازاي و استعين بالله و ابدأ ذاكر و خش الامتحان بقلب جامد إن شاء الله هتنجح فيهم خد بالاسباب يا صديقي و ذاكر و ادعي ربنا و قول يا رب أعني علي المادتين دول انا قوي بيك يا رب ، و هتنجح ❤
انا معايا فزيا دور تاني بس انا ممتحنتهاش اصلا لاني كنت تعبت اخر ٣ شهور وتقريبا معرفش فيها حاجه ودي اول مره اجرب موضوع دور تاني دا مش عارفه اعمل اي ممكن حد ينصحني بقالي ٥ ايام مش قادره اوقف عياط ولا اذاكر 😭
@@user-jf5bl6to9z شوفي يا بنيتي امتحان الدور الأول و شوفي نموذج الإجابه بتاعه كذلك امتحان الفزيا بتاع اخر سنتين شوفي الامتحان و مطنموذج الاجابه له و صلي علي النبي و هدي نفسك و اعرفي ان دي مش نهاية المطاف ولا اخر الدنيا .. اكسري حاجز الخوف و العياط يا بنيتي و استعيني بالله و اعملي اللي قولتلك عليه و ربنا هيكرمك إن شاء الله و الف الف الف سلامة علي صحتك 🌺🌺
بتكون مسألة تعود بمعني اننا بنتمرن علي ده طول السنه و بنرسم لوحات كتير ، فبنكون متعودين علي كده هو بالفعل الامتحان بيكون مرهق و بنتعب بعده ،لكن بعد م بيعدي بنفرح انه انتهي
مفيش أدني مشكله يا سميه و مش هقولك متزعليش لأ...اكيد انتي إنسانه و لكي الحق انك تزعلي ، و عادي مادتين يعني مش هتعيدي السنه ولا حاجه،استعيني بالله و ادخلي السنه الجديده و خصصي وقت معين من يومك لمذاكرة المادتين دول ، و بإذن الله ربنا هيقويكي و تعدي منهم بسلام و هتلاقيكي اخر السنه جايه علي الفيديو ده و بتقوليلي محمود باركلي انا نجحت ف المادتين اللي كنت شايلاهم😊💪 ربنا يوفقك يا بطله💪💪
@@MahmoudSamra شكرا بس ما عدتش عارفه اذاكر ازاي لانها المادتين دول محتاجين حفظ كثير جدا و سنه ثانيه دي هتبقى اخر سنه لازم اركز فيها جامد والامتحان بيبقى في اول الترم الثاني
طيب بصي،طالما هما ف اول الترم التاني ممكن تستغلي فترة اسبوعين الأجازه انك تلمي المادتين دول فيهم و علي مدار الترم الأول كل يوم جمعه تذاكري حاجه بسيطه ف المادتين دول مثلا
@@MahmoudSamra ربنا يسمع منك يا غالي ولله انا شايل مادتين في كليه تمريض ومش عارف اعمل ايه ودي اول مرة تحصل في حياتي اني أشيل مادتين أو مادة .. اول ما شفت حضرتك والفديو بتاعك بجد خلاني اهدأ شويه وأفكر ...بإذن الله خير
@@alyaly7873 بالتأكيد يا حبيبي هو خير و الله المهم بس متجيش علي نفسك ف الزعل و اعرف انك هتمتحن المادتين دول السنه الجايه و هتنجح فيهم بأمر الله ❤❤ و أحلا مسا عليك يا عم علي ،فرفش 😊❤❤
لا عادي يا هند ، هتمتحني فيها السنه الجايه و الدرجه اللي هتجيبيها فيها هتتحط علي السنه اللي فاتت و بيت٠مع كله ف الاخر .. مبيتطتبش ف الشهاده انك كنتي شايله ماده متقلقيش بيبقي مجموعك الكلي بس خلال سنين الدراسه ربنا يوفقك
بجد تسلم بجد انت الوحيد الى اديتنى امل انا كل اهلى محدش بيكلمنى وكل يوم خناق بسبب الموضوع دا ونفسيتى صفر مع أن دا مش بايدى والله غضب عنى اتوترت فى الامتحان ومحلتش بس الحمدلله على كل حال
خير جدا اطمني و هدي نفسك و لا تشيلي هم ، و اعرفي ان ده ابتلاء من ربنا و ان شاء الله انتي قده و هتمتحنيها و تقفليها ان شاء الله ، ف شدي حيلك ف اللي جاي و ان شاء الله كل حاجه هتعدي علي خير هتبقي ذكري ف حياتك انك كنتي قويه و نجحتي ف امتحان ربنا ليكي
و حاولي متفتحيش الموضوع ده و لا السيره دي قدام اهلك عشان الحريق بيبدا بشراره ف عشان ميحصلش مشاكل ولا خناق ، و انتي لو لقوكي قاعده بتذاكري محدش هيفتح السيره بتاعة الماده دي و هيدعولك .. شدي حيلك ربنا يوفقك
والله بزاكر بس كل الى هاممنى هقدر ابقا معيده فى الجامعه ولا لا بالنسبه لاهلى هما الى كل شويه يفتحوا الموضوع وتعبت بجد من كتر المشاكل معاهم وللاسف فكرت فحاجات كتير زى الانتحار وفعلا عملت كدا
@@dododoaadoaadodyy2332 خلاص سقطت الحمد الله أنا تالتة ثانوي والسنة إللي فاتت محلتش في المواد كلها ماعدا العربي كنت بحل وأنا مكنتش نايمة ورحت اللجنة متأخر خالص وجبت ٨٠ من ٣٠ يعني سقطت الحمد الله سعات السقوط بتبقى إحنا إللي عاوزينها عشان أنا عاوزة طب بشري فكنت خايفة أنجح على الحرقرق وأنا مش عاوزة كده بس حاليا خلاص أنا الحمد الله بدأت مذاكرة وماشية في تحقيق الحلم❤💪💪
@@yasmeen8857 انتي بتفكريني زي انا قولت مش هجتهد في الرياضه الترم ده برضو عشان اجيب ملحق واجيب مجموع عالي عشان ادخل ثانوي عام عشان انا اصلا في الترم الاول جبت 6ونص من 30ومش عاوزه اضيع 60درجة مني ف هشوف هعمل ايه واسبها علي الله ♥
عظيم. عاااااااش
فرحان ان عندنا ناس في البلد بدأت تطلع في المحتوى عموما 💛
حبيبي يا محمد كلامك أسعدني جداا 😍❤
Keep going bro..
If you need anything tell me.. 💛
متحرمش منك يا حبي ❤
و إن شاء الله هرجعلك في حاجات كتير 😉❤❤
@@MahmoudSamra الله يحفظ لك امك و يسعدها و يطول بعمرها
@@aliabdul3105
ربنا يسعدك و يبارك في عمرك ❤
انا في تانيه علوم قسم فيزيا وشلت مادة وخايفه اقول لاهلي عشان السنه اللي فاتت جايبه جيد جدا مرتفع
وبدعي كتير جدا أن المادة تترفع بدرجات الرأفه ادعولي يارب
عملتي ايه يا خلود
عملتي اي بالله انا نفس المشكله 😢
انا بس اللى مخوفنى لما قرايبى يسالونى هقولهم ايه ؟ بابا وماما مش هيقولوا حاجه المشكله ف العيله انا ف اولى ثانوى بس اقسم بالله الامتحان كان صعب جدا
محدش من قرايبكك يا خالد كان بيصرف عليك ف مش من حق حد يقولك نص كلمه
اللي يسألك قوله الحمد لله كله تمام
و احمد ربنا ان باباك و مامتك متقبلين ده بصدر رحب و صدقني يا صديقي مش اخر الدنيا
ربنا يوفقك ❤❤
انا نفس الحكاية والله ومش لاقي حل 😞
والله انا زيك كمان شيلت مادتين في اولى ثانوى و خايفه اوى بجد
@@Billieeilish66990انا بقا شلت المواد كلها...
انا شلت ثلث مواد ادعولي انجح في امتحاناتي عشان بجد بقا عندي كتمه في صدري من كتر الضغط على نفسي ادعولي انجح ❤
@ur.mom00
نفس اللي مريت بيه ده انا مريت بيه و صدقني الموضوع لما بيعدي و تخرج منه و تمتحن المواد دي و تعدي فيها هتلاقيك اكتسبت صلابه ف شخصيتك مكنتش هتكتسبها من حاجه تانيه
ربنا يوفقكم ❤
انا ف اولي زراعة وجايبة ف باقي المواد تقدير حلو وشلت نبات وكيمياء بس اكتشفت بعدين ان كاتبيني ف شفوي وعملي المادتين غياب 🙂والمشكله المعيدين لقيه الورق ومقفلاه بس الدكاترة ماثبتوش علي نفسهم دا وهمتحنهم🙂🙂ادعولي كتير محتاجة الدعاء 😔♥️
ربنا يوفقك يارب
ربنا يوفقك
انا عندي سوال لما تيجي تمتحنيهم تاني هتاخدي الدرجه كامله ولا نصه و و هل هياثر ف التقدير و الشهاده
الفيديو بوقته بعد ما سقطت بماده وفقدت الامل فيها وخايفه اخذها الكورس الجاي لاني خايفه اسقط فيها مره ثانيه . شكراً جداً❤️❤️❤️
ربنا يوفقك في الكورس الجاي و تنجحي فيه بإذن الله🌺🌺
ربنا يكرمك يا هندسه ويوفقك دايما ياارب❤
حبيبي ياابو خليل ربنا يسعدك يا رب💙❤
انا ٣ث والامتحانات كانت جايه صعبه اووووي وخايفه اشيل فيزياء كان كله بيغش بالتلفونات وانا مردتش اغش معاهم وقولت لا وكل اما اراجع كام سؤال الاقيه غلط تعبت اوووي ادعيلي انجح فيها لإني انا مرعوبه طول عمري متفوقه والامتحانات جت اعلي من مستوايا بكتير يارب استرها علشان اهلي حتي مش مشكله انا 😭😭💔
انا نفس النظام وشيلت فيزياء وكيمياء
@@Eslam_2003 انا نفسك جايب ٧٣ بس للأسف وقعت فيزيا
@@gabergaber6425 الواحد خايف والله
@@Eslam_2003 يا عم متقلقش اعمل اللي عليك والباقي علي الله ويارب يوفقنا أن شاء الله
@@Eslam_2003 هيكون لينا اي الكليات هتكون اكتفت بالعدد علب مااحنا نمتحن والله مديني درجآت مش درجاتي منهم لله نا هموووت
انا فى اولى صيدله وشيلت مادتين الترم الاول دا بس المشكله ان المادتين تراكميين يغنى عشان شلتهم الترم الاول مقدرش اخدهم الترم التانى وفى مادة منهم موجودة معايا لحد تالته انا ناويه انى انزل امتحنهم سمر السنادي وراضيه والله بس كدا هبقي اقل من زمايلى بمادتين حتى مش هعرف احضر معاهم السكاشن وتقريبا انا الوحيدة اللى شيلت فى السيكشن فمش قادرة اوصفلك حالتى وهما بيتناقشوا فى المواد وانا مش هاخدها معاهم او لما محضرش معاهم السكاشن والموضوع مطول معايا كام سنه يعنى مثلا هكون فى تانيه الترم التانى باخد المادة اللى هما خدوها فى اولى الترم التانى وهحضر سكاشن مع اللى اصغر منى وحاجه فى منتهى الخوف حتى فكرت انى اخد مادتين من تانيه السنادي علشان انجز ومايبقاش عليا ضغط فى تانيه بس الدكتورة موافقتش رغم انها بتوافق كل سنه يعنى انا الترم دا عليا خمس مواد بس من اصل سبعه واللى حصلي مخلينى خايفه من كل حاجه وبتهرب من صحابي مش عارفه ارجع زي الاول وخايفه افضل كدا كل حاجه بعملها من غير نفس حاسه ان حياتى وقفت انا مش متعودة على كدا انا كنت الاولى على المدرسه كل سنه من اولى اعدادي لثالثه ثانوي فمش قادرة استوعب ان اول ترم ليا يحصل معايا كدا اسفه لانى طولت عليك بس مش عارفه اعمل ايه وهو المفروض انى اذاكر ايه الترم دا اصلا يعنى اركز على المواد اللى عليا الترم دا بس ولا اذاكر معاهم المادتين رغم انى مش همتحنها معاهم بس بقول ممكن الم المادتين لنفسي عشان اسهل على نفسي وكدا ولا اذاكر المادتين اللى هنزلهم سمر ولا اعمل ايه
انزلي امتحنيهم سمر، و مش عيبه خالص انك تكوني شايله مواد ابدااااا، بالعكس دي حاجه هتقويكي قدام، كون انك اتحطيتي ف مشكله و اتعاملتي معاها ف ده ف حد ذاته بيقويكي مع الزمن
اتعاملي مع زمايلك عادي و احضري المواد بتاعتك و متضيعيش وقت ف انك تذاكري المادتين الجداد قبل معادهم بسنه،وفري الوقت ده ف مذاكرة المواد الحاليه
و متزعليش.. تعاملي عادي مع الموقف و كملي ف حياتك و اهرفي ان كله خير🌸🌸
حضردك انا في اولي اعدادي لسه مخدتش الدرجه بس حاسس اني هسقط في مده مع العلم اني كل سنه من الاول و بقفل بس الترم ده قصرت جامد. انا بابا متوفي و خايف اعرف ماما حاسس اني هسقط في المده دي بس مخدش الدرجه
متفترضش البلاء قبل وقوعه يا محمد و استبشر خير انك هتنجح إن شاء الله و ادعي ❤
@@MahmoudSamra بدعي والله يا رب انجح😓😔😭😭
السلام عليكم ورحمه اللّه.انا شلت رياضه تانيه ثانوي ادبي ممنتش مستوعبه ابدا اول مره في حياتي تحصل اخدت الصدمه وكنت بدعي ان لجنه التصحيح الجديدة ترفعني كان ناقصني ١.١ بش ميحصلش خير ربنا بيعلمني درس عشان كنت بدات اتكبر واتغر في شطارتي من كلام الي حوليا و لمي السريع للمواد و درجاتي دلوقتي همتحن المنهج كله الترمين آحر شهر ٧ بإذن اللّه ادعولي ربنا يعيني و ينجحني فيها بما يرضيه و جبر بخاطري ويوفقني السنه الجايه واطلع اولى جمهوريه ادبي كمان يارب يارب اي حد عاد مادة ينجح ومننساش نتعلم من أخطأنا ونحمد ربنا انها جت على قد كدا
الحمد اللّه الذي تتم بنعمته الصالحات ❤
طب لو انت ثانوية عامة تعمل اي 😭💔
ربنا يوفقك يا عسل استمر يا غالي ربنا يجعلك سبب في اسعاد وافادة الناس ،،حبيبي الغالي❤️❤️❤️
حبيبي يا حوده ربنا يسعدك❤❤
ربنا يخليهالك يارب و يخلى كل ام ❤ ويوفقك باذن الله وتوصل للى بتحلم بيه
ال design لا دين له 😤
متشكر يا رحاب ربنا يحفظك ❤❤
ورا كل حاجه وحشه حاجه حلوه!
انا ك طالبه ثالثه ثانوي في النظام الجديد اشيل ماده فين الحاجه الحلوه ورا جه ايوه انا بقول الحمدلله احسن من غيري غيري عادو السنه بس برضو بقول لا اعتراض ي الله بس لسه ان مش شايفه الحاجه الحلوه مش عارفه ابدا الم ااماجه منين اهلي واقفين معايا الحمد الله بس يعني لسه اعمل ايه ابدا منين هل هلحق في اسبوعين الم ماده قعدت فيها 11 شهر وانا المها! انا بس بقول ي ربي صبرك
مش شرط يا اسراء تدركي الحاجه الحلوه دلوقتي و و مش شرط حتي انك تشوفيها رأي العين ، ممكن الحاجه الحلوه كي يكون بلاء أكبؤ ربنا صرفه عنك بالبلاء ده
ربنا يعينك و يوفقك و يكرمك ف الماده دي و تمتحنيها و تعدي معاكي علي خير بإذن الله🌹
ربنا يبارك فى عمر والدتك
أنه جبت مجموع ضعيف هل اعرف اجيب مجموع عالي في دور ثاني ارجو الرد ♥️❤️♥️❤️
لو عرفتي حاجة قوليلي عشان انا كمان شلت مواد 🙂
اه بيضفلك درجات نصف المواد وتلحقي مرحلة تالتة
السلام عليكم و رحمة الله. اسال الله العلي القدير ان يوفقك لما هو خير
و عليكم السلام صديقي ، و إياك بإذن الله و شكرا علي الدعوه الطيبه❤❤
ربنا يوفقك يافتحي ويسعدك في الي جاي💙
حبيبي ياابو حسن❤❤
نا شلت ماده ف ترم الأول تربيه 💔 زعلانه بس ربنا منزل عليا رضا غريب وقولت هكمل الترم التاني وأشد
انا فرحان بيكي و ليكي والله 🧡🧡
ربنا يوفقك و يثبتك علي التفاؤل 💛💛
لو سمحتي لو نا مرحتش الامتحان ف الترم الاول ف ماده همتحنها ف الصيف ولا ف الترم التاني ؟
لو كليتك فيها نظام سمر كورس بتمتحنيها ف الصيف
لو مفهاش .. بتمتحنيها السنة الجاية مع الدفعه الاصغر منك
انا ف تانيه اعدادي وشلت اعيد ولا لا
انا كمان بس شايل ماث و درسات
انا شلت ٣ موات ونا في ٢ ثانوي نظام جديد والله زعلان بس انت اعطتني دفعه حلوه والله بس برضوا خايف💔
تانيه ثانوي مش مشكله كبيره يا عوبد
متزعلش نفسك و استعين بالله و خش امتحاناتهم و إن شاء الله مش هتتكرر تاني و تتجدعن ف تالته ثانوي و تخش الكلية اللي بتحبها❤❤
ربنا يوفقك يا صديقي❤❤
@@MahmoudSamra تسلملي والله ان شاء الله هحاول اعوضهم بالترم التاني ادعولي🤲
وعديت ولا لا
@@abdoatia1635 عملت ايه ؟؟؟؟
أنا شيلت مادتان وزعلت جداا بس ادعوليه انا دخلت دور تانى النهارده كان آخرا يوم ادعوليه اطلع من السنه ده على خيربس مش عايزه غير انى اطلع بس والباقى على ربنا. بس أنا نفسى فى حقوق ادعولى ادخله وطرشحلى اي أمكان فى الجمهوريه مصر.بس المهم تدعولي أطلع وربنا يرزقنى باناس حلو فى الطصحيح. لعام 2020
يا رب يا داليا تخرجي من السنة دي علي خير و تنجحي و تدخلي حقوق في الجامعه القريبه منك 🌺🌺
سلميها لله و كله هيعدي علي خير ان شاء الله 🌺🌺
طب دلوقتي انا شيلت تلات مواد في الجامعه ومش عارفه اعمل اي هو احنا هنمتحنها في الصيف ولا هناخدها مع المواد بتاع السنه الجايه ولا اي بالضبط
انا مرعوبه اوووي وخاايفه 😭😭😭😭😭😭😭😭😭😭😭😭😭😭💔
هو اللي اعرفه عن اللائحة الجامعية ان ٣ مواد بتقعد سنه ، لكنك لو نجحتي ف بقيت المواد بتعدي منهم،لكن بتقعدي السنه الجايه عشان تكتحني ال٣ مواد اللي شايلاهم
بمغني انك لو دلوقتي ف سنة تانيه السنه الجايه بردو هتفضلي ف سنه تانيه بس هتمتحني في المواد اللي انتي شايلاهم بس و لما تنجحي فيهم ان شاء الله بتعدي للسنة اللي بعدها
متترعبيش ولا حاجه ولا تزعلي
الوقت اللي انتي هتقعديه ده تقدري تستغليه في إنك تطوري نفسك سواء بانك تقوي نفسك في الإنجلش من قنوات ع اليوتيوب زي دروس اون لاين او عمر عبد الرحيم ، او بانك تستغليه في تعلم حاجه بتحبيها
المهم بس تعرفي ان اللي حصل ده مش اخر الدنيا فمتزعليش و بأمر الله خير🌺🌺
انا لسه شايلة مادة فسيولوجي انهاردة 💔انا في 2صيدلة،بجد احساس صعب اووووي 🙃بس الحمد لله دائماً وابدا علي كل شئ❤️اكيد ربنا هيعوضني خير💞
والله يا نجلاء ربنا هيعوضك ان ساء الله ، هوني غلي نفسك و متطوليش ف الزعل و بإذن الله هيحصلك كل خير ، و شدي حيلك و اتجدعني ف اللي جاي و ان شاء الله تمتحنيها تاني و تعدي فيها علي خير🌺🌺💪
@@MennaMohamed-mr9gv انا هاخد ميكرو بس في 3💔الحمد لله على كل حال❤️وان شاء الله ربنا هيعوضنا بس لازم نجتهد ونشد علي نفسنا الفترة اللي جاية✌️
Naglaa Ali والله عملت كل اللي عليا بس الماده كانت صعبه وامتحانها ميتحلش هموت من الزعل مع ان ناس كانت شبه مطنشه ونجحت😢
@@MennaMohamed-mr9gv والله ده ابتلاء فلازم تحمدي ربك ،وهيعوضك والله❤️فلربما اتسع المضيق وربما ضاق الفضاء ولرب أمر مسخط لك في عواقبه رضا الله يفعل ما يشاء فلا تكن متعرضا❤️❤️أن شاء الله ربنا يعوضنا🌸🌸بس لازم نشد الترم ده ونثبت لنفسنا أن احنا نقدر نجيب GPA 4 الترم ده ونعوض الهزيمة دي والمادة اللي ابتلينا فيها ناخدها summerوبرضوا نجيب فيها تقدير ،ثقي في ربك اولا وبعدين ثقي في قدرتك وابذلي مجهود وان شاء الله هنعوض❤️❤️❤️ومتنساش تحمدي ربنا علي الحلو والوحش ،لان لازم تجربي الطعم المر عشان لما دوقي الحلو تحسي بطعمه اكتر وتفرحي بالرزق اكتر✌️
@@naglaaali6845
انا فرحان جداا بالروح دي يا نجلاء ، و بأمر الله ربما هيعوضكم خير انتم الاتنين 🌺
طب واللي شال بيلدينج ٢ و هو حاليا بيتهان في وركينج ٣ ..😭
اتعاملي عادي و اعملي اللي تقدري عليه و اجتهدي ف اللي باقي و ان شاء الله كله هيعدي علي خير
لو سمحت لو انا شلت ف ماده وعايزه احسب تقديري أحسبه السنه الجايه اما امتحنها ولا التقدير خلاص مش هيتعدل بعد مامتحنها تاني واعدي
وشكرا مقدما
اه بتحبسبه السنه الجايه لما تعدي،و تقديرك السنه دي بيكون متأثر بإسناده اللي شلتها و ليالي السنه الجايه لما تعدي فيها ان شاء الله
انا تالته ثانوي (دفعة الكرونا)و مكنتش بشوف إن الأمتحانات في غاية الصعوبة زي بقيت الدفعه ولا أشتكيت وبالعكس كنت دايما حاسه إن ربنا هيقويني رغم الظروف اللي أتحطيت فيها قبل وبعد كل إمتحان وظروف المدرسه اللي كنت فيها وكمان اللجنه ولا كان بيشغل بالي كنت بحس ربنا مقويني عشان عندي لسه مشواري مكملش وفي حالي وكنت بعافر عشان أفضل أحافظ علي نفسيتي بعد كل إمتحان ورغم كل ده جبت فيزياء رغم إنها أكتر ماده متعبه وبذلت مجهود فيها هي اللي وقعتني وجبت درجه ماكنتش في خيالي مخطرتش علي بالي ولو مرة واحده ودايما كنت شايفه إني مش هنقص عن ٩٠ علي العموم خلاص إمتحان المادة بكرا فكنت بدور علي حد يقولي إنتي مش لوحدك وهتقدري وشوفت قناتك وبالمناسبة أحب أشكر والدة حضرتك اللي خلتني أشوفك عشان إديتني دفعة حلوة خصوصا إن محدش يعرف وقولت إني نجحت لكل اللي يعرفني إلا أسرتي يارب أجعلها حقا يارب أدعولي يا جماعة أنا بجد محتاجه الدعاء أدعولي ربنا يكرمني و أنجح بكرا من غير ما خد مجهود أي حد ويا يارب يسر ولا تعسر دعوة أربعين شخص مستجابة إنشاء الله🤲🤲
يا آيه انا بجد مبهور بشجاعتك و بقوتك دي ، و بإذن الله ربنا هيكرمك بكره و تقفلي الماده و الامتحان هيطون سلس بين إيديكي ، ف يا رب الدنيا تمشي زي الورد معاكي و يجازيكي خير الجزاء عن مجهودك طول السنه و يجبر بخاطرك و يرزقك الكلية اللي نفسك فيها و يجعلك من المتفوقين فيها و يجعلك دايما قوية و سعيده ف حياتك
ادعو لآيه يا شباب و ربنا يتقبل منكم ليها و يوفقكم كلكم ❤❤
@@MahmoudSamra شكرا جدا لرد حضرتك المريييييح
انا شايل في ماده احياء ثانيه ثانوي النظام الجديد حسبي الله والنعم الوكيل في طارق شوقي
انا كمان شلت رياضه وفرنساوى وخايفه من الملحق خايفه معديش💔💔💔💔
موهوب ياحوده❤❤❤❤❤💕💕💕💕💕
حبيبتي❤❤
اكيد جامعه الازهر هي الي ما بتلغي
ان شاء الله هنجح
انا في 1ثانوي انا شلت مادتين في الترم الول ادعولي اعوضها في الترم الثاني دعوة 40 غريب مستجابه
40 دعوه بدعه
انا فى تالته ثانوى وشيلت مادتين فيزياء واحياء ونفسيتى تعبانه اووى وخايفه ادخل دور تانى
ولا تخافي خالص يا إسراء
مرورك بالمحنه يا بنتي و خروجك منها ان شاء الله هيقويكي ف حياتك و هيديكي قوه متتخيليهاش
@@MahmoudSamra طب انا مش جيلى نفس للمذاكره اصلا ونفسيتى تعبانه وبعيط كتير
عيطي و خرجي الشحنه السلبيه اللي جواكي مفيش أدني مشكله ، و قومي صللي و ادعي ربنا و استعيني بيه انك تبدئي و صدقيني انا مقدر شعورك و انك ملكيش نفس ، لكن دايما تذكري ان تجرعك للكاس المر ده و انك تضغطي غلي نفسك و تذاكري و انتي مش حابه دهو، ده ف حد ذاته هيخلق جوه إسراء إسراء تانيه قويه بتواجه اتخن مشكله ف الحياه بقلب من حديد ، و صدقيني هتعدي والله و هتنجحي فيهم و كل حا٠ه هتبقي تمام
صلي و ادعي و استعيني بالله كده و ابدئي و هتلاقيكي بتندمجي ف المذاكره و ربنا هيفتحها عليكي
انا جبت ماده ف الترم الاول اعمل ابه ؟
تخيل واحد يجيب ملحق في تربيه وطنيه 🤦♂️💔
عشين مراحش الماده
بالنسبه لمرتبه الشرف لو حد شال مش هياخدها
سقطت رياضه ف تانيه اعدادي الترم الاول ومنهاره وحاسه اني مش طايقه نفسي واني ممكن اعيد السنه كلها
انا ف كلية هندسة زراعية شيلت الرسم الترم الاول بفكر أجلها للسنه الجايه هل ده صح أاجل الرسم كله للسنه الجايه
لا يا صديقي بلاش
اخلص منها السنه دي متأجلش عشان هيبقي لوود زياده عليك السنه الجايه
طيب انا ف تالته اعدادي و يعتبر من اول السنه مدخلتش دروس رياضه عشان مكنتش لاقيه مدرسين و مكنتش بروح المدرسه لأن مفيش حد بيشرح و دخلت امتحان الرياضه غشيت ولما النتيجه طلعت نص السنه لقيت اني جايبه ف كله درجات كويسه و الرياضه يعتبر شيلتها جبت ٥ من ٣٠ .. اعمل اي عشان اعديها الترم التاني من غير ما اشيلها ؟ ارجو الرد
اول حاجه روح المدرسه اسال لو في امتحانات ملاحق و هتكون امتي
ثانيا لازم تحضر دروسك الترم التاني كلها و تركز علي الرياضه و الدرس اللي تاه تروح ف نفس اليوم تحل عليه متأجلهوش ليوم تاني
و ان شاء الله تمتحن ملحق الرياضه و تنح فيه بس لازم تروح المدرسه تسأل
عملت اي ونبيي طمني
انا سقط مده في الترم الاول في اعدادي اعمل ايه الترم الجي و بالتوفيق ليك ❤️
وانا سقطت رياضه تانيه الترم الأول
@@monamohamed8464 وانا رياضه ترم اول ومحتاره اعمل اي انا في تالته اعدادي ولازم اجيب 133من 140وقلقانه اوي او اجيب ملحق في الرياضه وابقي كده جايبه مجموع ثانوي عام مش عارفه بجد اعمل ايه يلا ربنا معانا 😢😢🤲🏻😔
مدري انا وش قصدي لما دخلت هالمقطع لكن الاحتياط واجب اهخ يالتراكيب اهخ يا سارة الحماد
أنا ثانوية دفعة 2022 وسقطت 4مواد و3 النصف بالظبط 💔💔
ربنا معاكي
انا تالته اعدادي وجبت ملحق رياضه ترم اول بس انا واثقه في ربنا اني هعوضها ان شآء الله بس خايفه وقلقانه اوي ادعيلي
وان شاءلله انتي كمان هتنجحي ومش هتخلص 2023غير وانتي داخله السنه الي بعدها علي خير 🙂
طب انا ببقى مذاكرة حلو جدا وببقى مبسوطه وببقى الحمد لله
بس بدخل الامتحان اول ما ادخل اللجنه
بتصدم وكأنى مشفتش اللى فى الورقه مع انه بيبقى سهل
بس انا بخاف والخوف بيسيطر عليا
ومع ذلك بخاااااف اوووووى
وامبارح كان عندى امتحان هندسه مانمتش طول الليل وعماله بذاكر وفى الاخر ولا كأنى ذاكرت حاجه والله فضلت اعيط لما عنيا ورمت
والنبى انا فى تالته اعدادى قول لى اعمل ايه
بس انا المفروض ابقى فى أولى ثانوى بس انا عدت تانيه أعدادى
ومع انى جبت درجه حلوه فى تالته بس خايفه اوى اوى اوى 💔💔💔😭😭😭
اولا .. ان شاء الله ربنا يكرمك و تجيبي درجه حلوه
ثانيا ابحثي علي يةتيوب عن نصايح دكتور ابراهيم الفقي ف الامتحان .. هو كان وضح ازاي تتعاملي لما تتوتري ف اللجنه
لو شيلت مادة في آخر سنة كانت من سنين قبل كدا عموما التخلفات هيأثر معايا إني اشتغل خايفة حد يفضل يضايقني بسبب إنها بتتكب في الشهادة
ف سوق العمل الايام دي يا مني الشاطر هو اللي بيفرض سيطرته بغض النظر عن درجاته وتقديره ف الحامعه و شهادته ، في نااس بتشتغل ف شركات محترمه بدون شهادات
اجتهدي انك تكوني شاطره ف شغلك و متسمعيش كلام حد يضايقك💪💪
@@MahmoudSamra شكرا
ادعولي انجح بالله عليكوا
ممكن نصايح اني أطور في المونتاج انا متعلم الأساسيات بسي مش عارف أعلي بالمستوى
في قناة عمرو عطالله
و قناة محمود فوده
و قناة محمد عادل
دول ناس جامدة جدا ف المونتاج ع اليوتيوب و هتتعلم منهم جامد
@@MahmoudSamra تسلم جدا ❤️
ربنا يخليك
السلام عليكم انا اخدت ملحق في مادتين الرياضة والقران ونا في ازهر ممكن تقولي هعيد السنة ولا لا وكمان همتحن امتا؟
ياريت ترد عليا انا نقصت كتير فى امتحان فى الدرس انا فى أوله ثانوى وانا عيطت عياط كتيييير جدا والله بس انا اللى مزعلنى أن انا عارفه الاجابه الصح بس بكون خايفه قبل الامتحان واصحابى هيجبوا النهايه وانا هتكسف بينهم
قصدت اسيبك ٤ ايام عشان هتلاقي الموضوع بسيط
متزعليش و كملي و اتجدعني و الشهر الجاي هتقفلي الامتحان ان شاء الله
المهم لما تذاكري حللي اسأله .. الاسئلة بتتكرر و لما تحلي كتير هتلاقي الدنيا سهله معاكي ان شاء الله🌺
لو سمحت انا دخلت السمر كورس في مادة وهمتحن أن شاء الله يوم19في الشهر ده وعايزة احول للقاهرة انا اعلام المنوفية لسة مبنية السنة اللي فاتت فهل النتيجة لتظهر في قبل بدأ الدراسة عشان خائفة مالحقش التحويل في الشؤون قالوا التحويلات هتستمر لحد بداية الدراسة ويمكن بعد الدراسة بأسبوع
هي بتتوقف النتيجه عتبان امتي ، و علي كلام الشئون ف ان شاء الله تلحقي خصوصا ان الدراسه هتبدا ف شهر ١٠ ، و تابعي معاهم بردو
فيديو جميل ❤
بص حضرتك انا في تالته ثانوي عام وشلت تلت مواد وجبت اقل من 50% وحقيقي مش قادره اعيد السنه اعمل اي 😔💔
اقدر اعيد السنه عادي و لا لأ ابوس ايدك ردي
@@user-yg8km2ee9k لو شلتي اكتر من مادتين هتعيدي السنه بس هتعيدي السنه ع مواد اللي سقطه فيه بس
@@gehadkhalil8736 انا شايله ماده واحده مفيش امل اعيد السنه كلها
@@user-yg8km2ee9k انتي شايله ايه
@@user-yg8km2ee9k طب ليه عايزه تعيدي لاقرف ده تاني 😔💔+تقريبا ممكن لو سقطي ف مرحله تانيه مش عارفه اسألي بق اكتر من مدرس او مدرستك
لو سمحت انا فى رابعة ومدخلتش امتحان النهاردة افضل ادخل السمر كورس ولا امتحنها السنة الجايا عشان الشهادة متبقاش دور تانى، وفى السمر كورس هاخد درجة النجاح بس ولا ايه، ولو دخلت دور تانى يبقى ليا اقدم فى حفلة التخرج ولا
لو دخلتها سمر كورس هتتكتب ف الشهادة و لو دخلتها السنة الجايه مش هتتكتب ف الشهاده
ف دخولك للماده دي سواء السنه دي او السنه الجايه يعتمد علي قرارك انت ، الافضل طبعا عشان متتكتبش ف الشهاده تدخل السنه الجايه لكن ده هيعطلك سنه ف حياتك ، فلو انت مثلا بتشتغل من ايام الكليه و انتظارك السنه دي مش هيعطلك فقشطات استني السنه الحايه، لكن لو عندك التزامات و محتاج تنزل تشتغل و الوقت مش ف صفك ف ادخلها السنه دي .. اولا و اخيرا ده قرارك
ربنا يوفقك للخير يا صديقي ❤❤
حفلة التخرج معرفش بصراحه الدنيا فيها بتكون ازاي .. لان الموضوع بيختلف من كليه للتانيه و من جامعه للتانيه
شكرا جدا جزاك الله خير
@@NadaMohamed-sy8pf
و جزاكم مثله
ربنا يوفقك يارب تجربه المايك ده حلوه معاك ولو حلوه عايزه اسمه وسعره ده بعد اذنك طبعا 😊
اه حضرتك المايك جميل جداااا
اسمه Boya M1 و سعره تقريبا ٣٠٠ جنيه
و في مراجعات له كثيره ع اليوتيوب😊
@@MahmoudSamra جايبه منين
كان واحد اشترهولي اونلاين من امازون
و هتلاقيه كذلك علي سوق دوت كوم
لكن بصراحه معرفش اماكن معينه بتبيعه
@@MahmoudSamra تمام ميرسي جدا ليك بالتوفيق دائما
و ليكي انتي كمان و بالتوفيق لكي في قناتك 😊💚
هو الآن أنا شايلة كل المواد ماعادا الانجليزي 🙂👍💔وداخلةحالة اكتئاب قوية ولا احد يقدر يواسيني حتى التصميم المعماري اكلنا في هوااء مع انو اكثر مادة تعبت عليها
وانا شلت اربع مواد وهاعيد سنة 🙃 ومش عارفه اقول لاهلي حوار دا ازاي 🙃
اللي حصل معاكم ده حصل معايا بؤدو سا شباب و بدؤو كنت متخوف من اهلي
اهلكم طبيعي هيزعلو بس صدقوني مجرد م الايام تمر و يشوفوكم بتذاكرو اكتر و يتجتهدو انكم تتخطو المحنه دي هينسو الزعل
متحبطوش نفسكم و استعينو بالله و ان شاء الله هتعدي علي خير ❤❤
@@MahmoudSamra انا زعلت اول معرفت وبعدين تاني ويوم اتعملت عادي وفكيت لان بصراحة بكرهه كليتي ودخلتها عشان اهلي وحاسه اني دا فرصة الوقت دا اهتم اكتر بالحاجة للي بحبها واتعلم حاجات تانية كنت عايزة اتعلمها بس مش لاقيه وقت...
كل للي مزعلني زعل اهلي واني مش هاكون مع اصحابي
@@MahmoudSamra ان شاء الله، شكرا لك بجد رجعتي شوية طاقة والله يعيننا كلنا ومجتهد ونصل بإذن الله 😭🥺🙏❤️
@@norahefny9505
اصحابك هتشوفيهم عادي
انا مكنتش بحي كليتي و اتعلمت حاجه جمبها .. شوفي نفسك بتحبي ايه و جوري نفسك فيه
اهلك مع الوقت هيتناسو الموضوع .. فرحيهم بقوتك و ثباتك و اجتهادك
انا في اعدادي هندسه وعايز ادخل عماره اعمل ايه
شوف ده كنت اتكلمت فيه عن قسم عماره
czcams.com/video/VcVeipmSizU/video.html
انا شيلت مادتين في اعدادي
مفيش أي مشاكل يا سيف
استعين بالله كده يا بطل و خش السنه الجايه و ربنا هيكرمك فيهم بأمر الله ❤
عندي ف المنصوره دكتور دبلر إعدادي و حاليا هو من أعمدة الكليه، فاستعين بالله يا حبيبي و هتعدي السنه الجايه❤
طب لو سمحت طب هو فى اللى شايل اكتر من 6 مواد هيمتحن دور تانى
اكتر من مادتين بتعيدي السنه و تمتحني فيهم
in time :)
ربنا يوفقك يا بشمهندس انتا انسان جميل والله وانا استفدت منك كمل وربنا معاك إن شاء الله
ربنا يباركلك يا محمود و يجازيك كل خير علي كلامك الطيب الجميل ده ❤❤
فديو هادف وجميل
رجاااء ممكن رد. هل الماده اللي شيلها بتظهر في شهاده التخرج
وهل لاستلمها قبل مامتحن الماده ولا بعدها
لا مبتظهرش خالص اطمن
ربنا يوفقك
طب انا فى أولى اعدادي و Zone حاسه ان هيبقى ملحق لو ملحق هيحصل اي
اذا انا رسبت بسنه اقدر انقز من سنه يعني اذا انا رسبت في سادس ابتدائي و رحت اولا متوسط اقدر اتعدى سنة و اروح ثالث متوسط بس انا راسب في فصل؟
بنحبك يا حودة 😍😍😂😂😂😂
قلبي يحدثني بأنك محسني😍🖤❤
الي بيشيل تلات مواد فاول ترم فاعدادي هندسه بيعيد السنه ولا اي يجماعه
اه يا صديقي هتعيد السنه لكن بتمتحن ف المواد اللي شلتها بس
عاش ♥♥
حبيبي يا مشعل❤❤
سبحان الله
سبحان الله العظيم وأتوب إليه
واحنا هنمتحن الماده دى ،ولا هيتكتبلنا منقول بماده
منقول بماده و هتمتحنها السنة اللي بعدها
@@MahmoudSamra شكرآ لحضرتك
@@MahmoudSamra طب حضرتك انا كنت شايله ماده في اعدادي ماده الرسم الترم الاول بس عشان الترم التاني عملنا ابحاث فيها وكان المفروض اخدها معايا السنه الجايه بس مدخلتهاش وانا جايبه تقديرات حلوه في السنه دي هل عشان مدخلتهاش مع السنه هتاثر على تقديري للسنه دي ولا ايه النظام😢😢
اشتراك علشان نشجعك زي ام محمود ❤
بحبك يا سمرا
و انا بحبك يا زعبلاوى❤
و ربنا انتا زي العسل 😍😍😍😍😍😍😍😂
حبيبي يا حوده😍❤❤
طب لو سمحت انا رابعه كليه تجارة وشلت ماده هل لو امتحنتها دور اكتوبر بيتكتب ف الشهادة وبياثر ف الشغل او لا
اه بتتكتب ف الشهاده ، ممكن تستني السنه اللي بعدها و تمتحنيها لوحدها
حبيبى يا عم محمد
لو سمحت انا نزلت 2 عن النص في ماده واحده اعمل اي انا دلوقتي هخود الماده تاني وانا مش عارفه انا سقط ولا نجحت
انا شايله 4 اعمل ايه
٤ مواد بتعيدي السنه و تمتحني الاربع مواد دول بس و لما تنجحي فيهم ان شاء الله بتدخلي السنه اللي بعدها
لو سمحت انا غبت في مادة وهمتحنها أن شاء الله في السمر كورس هل كدة الدرجة بتاعة المادة هتضاف للgpaاصل أنا قرأت على النت أنها مابتضافش وسألت الوكيلة قالت بتضاف فأنا محتارة
طالما شمر بتنضاف عادي متقلقيش
اه درجه كامله
حضرتك في أنهي جامعة
المنصوره
هل امتحان التخلف تحسب فيه الدرجه كامله بتاعت الماده ؟
طيب لو شايله ماده ترفعنى كام
يا دكتور انا جايبه 6مواد ضعيف تربيه ترم اول كدا ممكن اعدي السنه ولا اي
انا شايل فيزياء وكيمياء ثانوية
مش عارف هذاكرهم ازاي علشان انجح لان معرفش فيهم حاجه
خد بالاسباب يا صديقي و ذاكر بذكاء
حل الامتحانات بتاعة السنه دي و كام امتحان من السنين اللي فاتت ، اسئلة الامتحانات بتتكرر
حاول بس تفهم الدنيا ف المجمل ماشيه ازاي و استعين بالله و ابدأ ذاكر و خش الامتحان بقلب جامد إن شاء الله هتنجح فيهم
خد بالاسباب يا صديقي و ذاكر و ادعي ربنا و قول يا رب أعني علي المادتين دول انا قوي بيك يا رب ، و هتنجح ❤
انا معايا فزيا دور تاني بس انا ممتحنتهاش اصلا لاني كنت تعبت اخر ٣ شهور وتقريبا معرفش فيها حاجه
ودي اول مره اجرب موضوع دور تاني دا مش عارفه اعمل اي ممكن حد ينصحني بقالي ٥ ايام مش قادره اوقف عياط ولا اذاكر 😭
@@MahmoudSamra ممكن تنصحني في الكلام اللي في الكومنت التاني دا بالله عليك
@@user-jf5bl6to9z
شوفي يا بنيتي امتحان الدور الأول و شوفي نموذج الإجابه بتاعه
كذلك امتحان الفزيا بتاع اخر سنتين شوفي الامتحان و مطنموذج الاجابه له
و صلي علي النبي و هدي نفسك و اعرفي ان دي مش نهاية المطاف ولا اخر الدنيا .. اكسري حاجز الخوف و العياط يا بنيتي و استعيني بالله و اعملي اللي قولتلك عليه و ربنا هيكرمك إن شاء الله
و الف الف الف سلامة علي صحتك 🌺🌺
انا السبب ورسبت بمادةانا هندسة الكترونية والمادة سهله مش صعبه بس انا فشلت
لا الحمدالله طلعت النتائج والمادة نجحت فيها وحصلت على B
الف مبروك 😊💛
بعد اذنك محتاج ردك اناا ف هندسه ماشي بنظام ساعات معتمده
انا امتحنت ميد وجبت ربع الدرجه ف كل المواد
اناا معنديش عملي
اناا كداا هسقط ولا اي
؟ ؟؟
شد حيلك و حل كويس ف امتحان االفاينال و هتنجح ان شاء الله
الفاينال عليهدرجة كبيره فانت شد حيلك و حل كويس فيه
لديك.حس.هندسي.في.طريقه.شرح.اللوميون.
كل الشكر والتقدير لك يا هندسة
شكرا مهندس عادل ربنا يباركلك
انا فسنه تالته تجاره وشايله ماده لغه من سنه تانيهومنجحتش فيها. ومعايا من سنه تالته. ماده هل لغه لتضاف على مواد تالته
جايبه فماده لغه ضعيف
للامام يا سمرااااه 😍❤❤
يا نهار ابيض يا سعيد 😍❤
ربنا يسعدك يا رب❤
الدكتور شيلني ماده الاداره في سنه تانيه تجاره هو انا كدا مستحيل ابقى معيده فالمستقبل أو اني احضر حفلة التخرج وكدا بصراحه انا مرعوبه وخايفه
بتمتحنيها السنه اللي بعدها عادي جداا
و عادي متقلقيش بتتخرجي ف ميعادك و تقدري تجتهدي و تبقي معيده ان شاء الله اطمني🌹
@@MahmoudSamra طب سؤال تاني معلش هو انا ممكن أحول من الكليه دلوقت قبل ما تبدأ تالته َلا لا!! احسن الدكتور دا يحطني في دماغه ويسقطني كل سنه
تختبر مادة ٦ ساعات متواصلة؟؟
أيوه ،و في ماده كانت ٧ ساعات متواصله😅💔
@@MahmoudSamra ما كنت تفقد التركيز؟
بتكون مسألة تعود
بمعني اننا بنتمرن علي ده طول السنه و بنرسم لوحات كتير ، فبنكون متعودين علي كده
هو بالفعل الامتحان بيكون مرهق و بنتعب بعده ،لكن بعد م بيعدي بنفرح انه انتهي
@@MahmoudSamra طيب كويس ربنا يوفقك ويسهل عليك
انا شليت مادتين في معهد فني صناعي اعمل ايه 😢
مفيش أدني مشكله يا سميه
و مش هقولك متزعليش لأ...اكيد انتي إنسانه و لكي الحق انك تزعلي ، و عادي مادتين يعني مش هتعيدي السنه ولا حاجه،استعيني بالله و ادخلي السنه الجديده و خصصي وقت معين من يومك لمذاكرة المادتين دول ، و بإذن الله ربنا هيقويكي و تعدي منهم بسلام
و هتلاقيكي اخر السنه جايه علي الفيديو ده و بتقوليلي محمود باركلي انا نجحت ف المادتين اللي كنت شايلاهم😊💪
ربنا يوفقك يا بطله💪💪
@@MahmoudSamra شكرا
بس ما عدتش عارفه اذاكر ازاي لانها المادتين دول محتاجين حفظ كثير جدا
و سنه ثانيه دي هتبقى اخر سنه لازم اركز فيها جامد والامتحان بيبقى في اول الترم الثاني
طيب بصي،طالما هما ف اول الترم التاني ممكن تستغلي فترة اسبوعين الأجازه انك تلمي المادتين دول فيهم
و علي مدار الترم الأول كل يوم جمعه تذاكري حاجه بسيطه ف المادتين دول مثلا
@@MahmoudSamra بجد شكرا جدا انا كنت تايهه ربنا يحفظك يا رب
ويارب دائما من نجاح لنجاح💪💙
ربنا يكتبلك التوفيق بإذن الله و يفرحك بن٠احك إن شاء الله 😉💪
😍😍ربنا يوفقك🌷
تملحت في عربي
ربنا يكرمك يارب
و يا رب يكرمك انت كمان يا علي❤❤
@@MahmoudSamra
ربنا يسمع منك يا غالي ولله انا شايل مادتين في كليه تمريض ومش عارف اعمل ايه ودي اول مرة تحصل في حياتي اني أشيل مادتين أو مادة ..
اول ما شفت حضرتك والفديو بتاعك بجد خلاني اهدأ شويه وأفكر ...بإذن الله خير
@@alyaly7873
بالتأكيد يا حبيبي هو خير و الله
المهم بس متجيش علي نفسك ف الزعل و اعرف انك هتمتحن المادتين دول السنه الجايه و هتنجح فيهم بأمر الله ❤❤
و أحلا مسا عليك يا عم علي ،فرفش 😊❤❤
@@MahmoudSamra
ربنا يخليك يا غالي ...انت راجل محترم وربنا يكرمك
منور يا صاحبي
بنورك يحبي❤
انا شلت ماده البكتيريا عملي ومش طايقه نفسي
اتمني ان نفسيتك دلوقتي تكون احسن ، ربنا معاكي و يعديها معاكي علي خير 💪
عندى سؤال وياريت ترد عليا انا شلت ماده انا فى كليه الفئات خاصه
كدا انا مقدرش ابقا معيده فى الجامعه هتاثر عليا
لا عادي يا هند ، هتمتحني فيها السنه الجايه و الدرجه اللي هتجيبيها فيها هتتحط علي السنه اللي فاتت و بيت٠مع كله ف الاخر .. مبيتطتبش ف الشهاده انك كنتي شايله ماده متقلقيش بيبقي مجموعك الكلي بس خلال سنين الدراسه
ربنا يوفقك
بجد تسلم بجد انت الوحيد الى اديتنى امل انا كل اهلى محدش بيكلمنى وكل يوم خناق بسبب الموضوع دا ونفسيتى صفر مع أن دا مش بايدى والله غضب عنى اتوترت فى الامتحان ومحلتش بس الحمدلله على كل حال
خير جدا اطمني و هدي نفسك و لا تشيلي هم ، و اعرفي ان ده ابتلاء من ربنا و ان شاء الله انتي قده و هتمتحنيها و تقفليها ان شاء الله ، ف شدي حيلك ف اللي جاي و ان شاء الله كل حاجه هتعدي علي خير هتبقي ذكري ف حياتك انك كنتي قويه و نجحتي ف امتحان ربنا ليكي
و حاولي متفتحيش الموضوع ده و لا السيره دي قدام اهلك عشان الحريق بيبدا بشراره ف عشان ميحصلش مشاكل ولا خناق ، و انتي لو لقوكي قاعده بتذاكري محدش هيفتح السيره بتاعة الماده دي و هيدعولك .. شدي حيلك ربنا يوفقك
والله بزاكر بس كل الى هاممنى هقدر ابقا معيده فى الجامعه ولا لا بالنسبه لاهلى هما الى كل شويه يفتحوا الموضوع وتعبت بجد من كتر المشاكل معاهم وللاسف فكرت فحاجات كتير زى الانتحار وفعلا عملت كدا
هرجع وأنا سقطانة في العربي ثالثة ثانوي يارب أسقط فيه
حرام ليه كده
@@dododoaadoaadodyy2332 خلاص سقطت الحمد الله أنا تالتة ثانوي والسنة إللي فاتت محلتش في المواد كلها ماعدا العربي كنت بحل وأنا مكنتش نايمة ورحت اللجنة متأخر خالص وجبت ٨٠ من ٣٠
يعني سقطت الحمد الله سعات السقوط بتبقى إحنا إللي عاوزينها عشان أنا عاوزة طب بشري فكنت خايفة أنجح على الحرقرق وأنا مش عاوزة كده بس حاليا خلاص أنا الحمد الله بدأت مذاكرة وماشية في تحقيق الحلم❤💪💪
@@yasmeen8857 انتي بتفكريني زي انا قولت مش هجتهد في الرياضه الترم ده برضو عشان اجيب ملحق واجيب مجموع عالي عشان ادخل ثانوي عام عشان انا اصلا في الترم الاول جبت 6ونص من 30ومش عاوزه اضيع 60درجة مني ف هشوف هعمل ايه واسبها علي الله ♥
@@yasmeen8857 عاش يا بطله عقبالي لما انجح وادخل ثانوي عام وكمان انجح وادخل طب بشري انا وانتي يارب 😍♥🤲🏻💖
@@dododoaadoaadodyy2332 شكرا ربنا يوفقك وتخشي طب بشري ويحقق لك كل إللي نفسك فيه ❤❤❤
ادعولي انجح 🤲🤲🤲🤲