Zoramchhani - Hring nun (FAMILY WORSHIP_5)
Vložit
- čas přidán 24. 02. 2023
- Kum 2021 a Lalpa'n min pek a ni a; Lalpa'n he hla min pe hi ka lawm takzet a ni. Engmah engto nei lova hringnun kan hman hun laite kha thinlungah la fiah hle mahsela kum tam a mi kha a lo ni ve leh reng tawh mai si a!!
Hringnun hi tawi teh mahse a siamtu erawh chuan a thisen seng meuhvin min tlan duh a; a thlirna tlang atang hian kan va hlu si em! Lalpa chu fakin awm rawh se.
Zoramchhani'n min telpui vawikhatna ah hian min telpui avanga kan vanneihzia kan hrechiang hle mai. - Hudba
Pathian hla a nihna chu dahtha ta ila... (Ka tum aiin ka ziahbelh nasa- edited 27 July, 2023- Dar 6:10)
1. Lunglen khatna
Naupang nih laia kan Pate bulah kan duh zawng chu kan han ngen tawp a. Anni lahin min tihsak ngei tumin theihtawp an chhuah a. Tui thehkang ten kan han chhuak a, Aite kan khawrh bawk a, Tumbu te kan veh a...In thlen velah Pa ten a inzat chiahin min han sem den den a. A chang leh kan in bailem chhuan a... Keini chuan "Tlengpanal" kan ti mai a...Chartin bung ngei maiin min hansiam sak a, a chhuat kan han hru tle hliau hliau a...theih tawpin kan han tawlh a. Engto kan nei eih lo!
Krismas kekawr kan lei a, a keychain ah Pistol lem tereuhte a awm te khan, ava han nuam thin tak. Halpuah, Halzit...Halvir...Bazara an pho tuarh lai te kha. HManni lawk ni mai hian ka hre thin.
Buk lem kan han sa a, urlawk tlaiah Chow leh waiwai kan inthawh khawm a. Kan Buk te ah ngei kan han chhum ve barh barh a. KFC ai pawh khan alo tui zawk daih mai. Kan kutkawih ngaia kan buk te sak te kha tunlai 5Star Hotel ai pawh hian alo nuam zawk daih asin. Kan chenna tura kan sak ve kha a ni miau a.
Marble inthap kan han ching chho a, tlema thiam deuhte nen kan han in khawltawm a. Bottle khat tlatin kan han dah a. Kan partner ten an han kapchhuak sak sak a, phur takin Kawr ipte a kan ah khawl sa then lawp lawp te, kekawr iptea kan ah rik ruih ruih te kha.....
Chawlh apiangin School mualah kan kal khawm a, infiamna chi hrang hrang kan han ti kual a. Kan U ten Zapanhlo hrui leh Vawihuih hrui ngei mai khan Sakawr lem min chan tir a. Kan tlan ve lawp lawp a. Human RIght lam kan la ngaihtuah eih lo!
School-ah vaccine lak a ngai a, in chiu hlauh vangin kan han tlanchhe nal nal a. Inah kan biru a, Nu te hi an lo awm tlangpui bawk a. Min sawithaih chang te a awm a,min lo venhim chang te pawh a awm nawk a. School-ah mitthi an awm vanga School khar a tul thu an puan rual a... ""YEsssss...." tih dual te kha. In hmuhsitna alo ni chuang hauh lo mai...
Hringnun hi...aw, a tawi lua e. Pan lai nun ngai ve in awm nual ka ring a ni....
2. Lunglen hnihna (Lunglen kan chhunzawm teh ang!!)
Krismas lo thleng tur kan hmuah dan mawlh kha a ni. Naupang tan khan ava han nuam zual tak em.
Urlawk zan alo ni a. Phur lutukin khum sirah thleng kan dawh a. ZIng thawh hlan kan nghakhlel thin lutuk kha hma takah kan han mu a. Zing takah kan tho a. Balloon te, Waiwai te, Kep te, Halpuah tlep 2/3 te, pawisa pawh Rs 10 vel lek te kha a ni thin. Zing thawh nawm zia leh kan hlim thin zia kha ka la feel thei. Min petu tih pawh kan hriat loh kan Nu leh Pate kha phur takin kan han hmuh a. A petu phur bawk, a dawngtu phur bawk. Tunlaia Spiritualise vak kher lo hian, Sap hoin an tradition-a an neih ang hian hmang uar chho ve mai ila, a ti christmas zualin ka ring a ni.
Krismas Card te kha aw.... In kil ah ngei mai hrui kan han zam a, a tlar dul a. dawng tam nih te kha nuam kan ti em em a. Kan inthawn let a, bazar ah lah Krismas Card leitur a tam. Khang te mai mai kha Krismas lo ti Krismas tu anni mai hian ka hre thin. Ruai theh dawn apiangin Thianho kan insawm khawm a, Salad, Chatni kan han inken hranpa a. RUai theh turin an tlangau reng a, Chaw khawn pawl an awm a. Chhungtinin kan chaw chhum theuh kan han bun khawm a... Mual ah te, kawng zau lai deuhah te Changel hnah an lo phah duai a, Fatu rualin min vil chawt a... Thiante chaw chawm pawh a rawn luang thla zul mai thin kha ania... Ruai theh zawha, tlang len te, han inzui dem dem te kha ava nuam thin tak em. Tunah zawng, chaw eiturin kan kal hrang theuh a, plate hran, kan haw nghal mai zel bawk a...
Kumhlui thlah zanah phei chuan, tlaivar thakin kan han teihawi ve tawp a. Halpuah kan hal a, chow, arsa kan kang a. Kan chhungte khan kan haw tlai te khan ngaih that lohna em em pawh kha an nei lem lo va... Hringnun ava nuam ve thin tak em.
Thingphurh te kha in uar ve thin em? Rel lem (Tawlailir) kan han siam a, kan han phur ve hnek hnek zel a. Kan inzui dum dum zel a. Exer lak kan han uar em em thin te kha.... Kan uar viau lai chuan zing khawvar hma ten kan tho a, kan insawm khawm a. Exer kan la thin kha ania. Kan han tawngtai chiam ngei thin bawk kha ania... Khang hun te kha, hmanni lawk ang mai hi niin ka hre thin.
Tunah zawng mahni duh leh chak ang te, nuam tih zawnga nun ngawt te hi a har ta telh telh mai. Midang ngaihdan leh dundan anga nun te a ngai ta a. Hringnun hian zalenna a nei tlem telh telh mai. Engpawh ni se, panlai nun hi a lo ngaihawm ber mai. Lemchan thawnthu ang mai hian ala fiah em em bawk si...
3. Lunglen thumna (Rilru a chawl mai thei tlat lo-)
Infiamna lam khan lung ava han tileng thar tak em!!
In ball vawm- Mawza bun duh tawh loh, a chang chuan uih vut vut kan hmang thin kha ania tiraw u?😂😂 kan phak tawka thain kan han siam a, Kawng dungah, mualah kan in ball vawm a. Thiante chhan tum khan theihtawp kan chhuah a. Ruah a sur chang te khan, kan ball kha a huh hneh thih bawk si...min vawmna a val kulh zel a😄 Ava nuam thin tak em...
In vanramkai- Phakar thiam deuh deuh in awm ve em? Kan aw then dan te, kan khuh te, kan nuih dante khan signal kan inpe a😂 Lehlam pawl lahin kan signal an lo man thiam chang a tam si...😅😅 Kan phak tawka kan phakar theih hlawm zia kha aw...
In saruhkawl lak: Lung lian tha pangngai 2 leh hmawlhte chiah a ngai. Hmawlh kan han kham zalh a, a la hmasa zawk nih tumin kan han intin a. In dek dawn dawnin kan kut kan han phar a. 😅 La hmasa zawk nih tumin, kan awmna lam line thlen leh hman tumin theihtawp kan chhuah a. Hmawlhte kan lak hmasak pawhin theihtawpin min rawn um a....min deh hman kha kan va hlau thin tak em.... Khang games te kha aw...
In rubber thap: In rubber thap te kha ava han nuam ve thin tak em aw.... Hmawlh kan phun a, rubber kan boat theuh a, hmawlhah kan han tar khawm a....Tlema hla deuh atangin kan han inperh thlak siak a....Kan perhna tur kan phiar kualkawi dan te kha...inla thiam em? Chutiang bawkin hmawlh tawite kan phun a, kan rubber boat theuh kan dah a...leiah khan kan pawtfan vak a, na thei ang berin kan han perh a...a chhuak zawng zawng kha kan ta a ni mai a. Kan pawh pahin, lung tereuhte lo inphum te kha...kan va han hmang tangkai thin tak...
In dan: Mualah leh kawngah line kan rin kulh a... Lehlam pawl an thawk hmasa a, keini line-ah kan ding a. A lai taka line (rin ding) kha chu a duh na apiangah a kalkual thei a. Bul tanna line atangin, line lehlam thlen theih tur ania.. Line apiangah lehlam pawl an ding a... min dek tur kha a ni lo tawp mai a ni. Ke zungpui thlenga line rah trawk trawk chang ava tam em.... kan chhaihbuai a, kan tlan kual vak vak a... (Heng games te hi in ti ve ngai em)
In step ball- School-ah hian Step a lo awm tlangpui a, inah te pawh a awm thin kha. Tennis ball ngei mai kha kan hmang a. Step ah kan han vawm a, a lo let kha lo dawn zel a ngai thin kha a nia... a step zawng zawng ka hre seng tawh lo. Mahse, in step-ball kha games nuam tak a ni... Tunlai naupangte hian ti ve se, nuam anva ti dawn tak...
Indo lem, motor kawng siam: Kan Indo lem lem a, silai lem kan nei a...thing phen ami pawh kan kaphlum thei kha ania. Hnim kan tawn tlang nasa thei si... Thiante inah kan leng a, an kopang velah motor kawng tur kan siam chawp a...bel takin kan siam a, kawngkawi te kan siam a...Ava han ngaihawm tak em...
Ngati nge le, kawngah kan inkhelh te khan... Kawngkawi laiah kher kan inkhelh thin le? In ti ve em...in hrat ve em...Motor te kha ala tam lo va, kan inkhel rei hman thin phian a... ke lawngin kan inkhel a, kan chuh chak em em bawk si...
Lui kal te kha....in chak ve tlat thin em? Sikul banah te, inriniiah te khan lui kal tur emaw kan ti tlat a... Nu leh Pate khan min ngaihtuah thei si.... Keini lah kha, kan kawlhrawng ve thin bawk si😜 Hlim deuhin lui kan kal a, haw dawnah kan hlauthawng tan a.. Min lo hau a, min lo vaw leh nge nge zel bawk a🤣🤣 Mahse, kan sim chuang lo....
Kan in kha Carpet phah a ni vak ngai lo. Thingphel chhuat anni tlangpui thin... Saiip (Buara) te khan kan inhnuk a, candle an lo far a...Theihtawpa chakin kan inhnuk a... Chhuat tle lutuk kha, a nal thei si...Thingphel chhuat ringawt pawh khan hlimna leh chanvo pawimawh tak min siam sak kha...
Lunglenthlak ve i thu ziah chu. A tawi mah mah
A dik lutuk,pathian lam ngawr ngawr lo pawn,a lung len thlak he hla chang khat na hi,i rawn sawi lunglen thlk zual
A va dik em lungaleng thin e
😢😢
Lunglen thlak lutuk😢
HRINGNUN
1. Panlai nun dawn kira, nunhlui liam hnu chhuiin
A lang e puan lem iang, thinlai rilah fiah ngei e
Sikul run in hliap zar hnuaiah, nau ang chaiin kan nui
Lui dung hrutin lengnghate kan vai a
2. Chun leh zua zar hnuaiah, eng dang reng dawn lovin
Kan duh sawiin hlimten, min chhawn nau ang kan tlei thin
Mahse hmanlai chang zo ta maw, kohkir rual a ni lo
Rualhlui an liam, Rualpui thar lo lang e
* Hringnun hi aw a tawi lua e
Vanrang chhum iang ral mai
Mahse maw, tawi lua mahse maw
A hlut ngei e, A siamtu hian !!
3. Sakhmel mawi a chuai a, vanglai tha a lo thum a
Hmalam beisei a tlem, hun kalta thinlai luahtu
Suihlung ti leng tu an chang zo hawina lam tin mai hian
Hringmi kumchhiar a tam ve ta em ni?
** Keinin hringnun hi enge ni a kan ngaih?
Siamtu'n hringnun hi enge ni nih a ngaih ve le?
AMAK !!! a thisen meuh a seng a
Chhan awm lo hian seng hian ka ringlo
A van lunglen thlak em!!
👍👍👍
A hla thu hi a van tha tak, Rcin a sa lungrun thiam si
@@rccolney2924 ni e tiraw, nunhlui ah kan cheng veng2 mai
A van lunglenthlak reuh,a thu leh athluk hiiii.....
Lyrics
Panlai nun dawn kira nunhlui liamhnu chhuiin,
A lang e puanlem iang thinlai ril a fiah ngei e;
Sikul run in hliap zar hnuaiah nau ang chaiin kan nui,
Luidung hrutin lengnghate kan vai a.
Chun leh zua zar hnuaiah eng dang reng dawn lovin,
Kan duh sawiin hlimte'n min chhawn nau ang kan tlei thin;
Mahse hmanlai an chang zo ta maw, kohkir rual a ni lo,
Rualhlui an liam, rualpui thar lo lang e.
Hringnun hi, aw, a tawi lua e,
Van rang chhum iang ral mai;
Mahse maw, tawi lua mahse maw,
A hlut ngei e, a siamtu hian.
Sakhmelmawi a chuai a, vanglai tha lo thum a,
Hmalam beisei a tlem, hun kal ta thinlai luahtu;
Suihlungtilengtu an chang zo hawina lam tin mai hian,
Hringmi kum chhiar a tam ve ta em ni?
Keini'n hringnun hi eng nge nia kan ngaih?
Siamtu'n hringnun hi eng nge niin a ngaih ve le?
A mak, a thisen meuh a seng a,
Chhan awm lo hian seng hian ka ring lo.
2006 atranga Mizoram zaithiam ber ni tran. 2023 thleng pawha Zaithiam ber la ni reng thei hi. I thawhrimna hi a va na mai dawn lo tak.. I zaithiam telh telh mai lehnghal chu a nia. Dam reng teh aw 🙏🏻🙏🏻🙏🏻🔥🔥🔥🔥🔥
Ni,e....
Zoramchhani hi chu Museum ah dah tawp chi 🔥
Nangpawh ini ve tho Au Florenz....I thiam ve tho aw 🥰😘
mittui tla zawih2 in ka lo ngaithla e...hringnun hi tawi lua mahse maw a siamtu hian a hlut em a..lo in huat te lo in rel nan te hian hmang tawh lo ang u...chutiang tur a tan chuan Pathian in a fapa thisen aluan tir lo...he hringnun tawi te hlu tak si ah hian inhmangaih tawn in Lalpa i fak zel ang u🙏🙏🔥🔥🔥
A zaithiamna chu dahtha ila, a taimakna hian lar a phu. Mizo music industry ah hian legend tih loh rual a ni lo. Mizo awm chhung chuan a hming hi a dai tawh lovang... chutiangin a phuahtu Pu zarmawia, Pathian mi hman, a hla dawn kaltlang a malsawmna thalai leh zoram mipui ten kan dawn hi a ropui thlawt...
Mizo tawng hi a lam dik chaih chaih bik em asin aw. Chu chuan ngaihthlak a tinuam a, a tifiah... Tunlaiah chuan Pathian hman berte zing a mi a ni e. A taima a, Pathianin hmang zel rawh se.
ni e. ....SIKUL tih lai phei kha chu a rawn lam Mizo raih raih khawp mai 😂😅😊
Naupang te in living legend-ah a in hlangkai hman ka ti lo thei lo. A zai tan tirh pawh Khan thiam tak a ni.. chumi ai a la pawimawh leh zual chu a zai tan tirh a tang a tun hun a a improvement turu zia hi bawn tak a ni.
Vawi 20 ka ngaithla ta, ka ngaihtuahna zawng2 a luah zo
Nang aiin ka ngaithla hnem tawh😄
@@chamafanai4424 A ropui a ni tawp mai tiraw
kei aiin i la ngaithla tlem hret..ka ngaih thlak nawn zel pawh ka ring
Ka Pa min va ngaih zual tir em! 😭 Tunah chuan Van hmun nuamah a duh ber Pathian faking zaiin a lâm tawh awm si a... Min enkawl na hi entikah mah, fa pawh nei ila, ka tluk lo ang... U RC I pawh zaithiam hleee mai ❤❤
Heti taka Lalpan min ngaihlut hi kalo hre ngai reng2 lo. Ka van lawm tak em Lalpa 😭😭😭😭
Pu Zarmawia hi chu Pathian hian a va han hmang tak e aw!! Thlarau ram atangin Lenglawng gospel thleng hian hla a phuah a, a thluk a siam a, music a remkhawm vek bak a, live recording zawng zawng nen. Pathian atanga chhuak a ni🙏
Ka duhnu,ka mi ngaihsan nu,nang tluka zaithiam leh lar dawl hi an awm lo,ka hmangaih che zaithiamnu
Lung a tileng a, hringnun hi reilo mahse, hmelchhia emaw piangsual pawh ni ila, rethei pachhia pawh ni ila Pathian mithmuhah chuan kan mawi em a sin... Lalpa ropui rawh se🙏🙏
Mizo tawng hi athiam bik.. A hla thu lam a chiang bik kalh² em asin.... 👍👍
Chhungte kiang a awm theih loh nen engkim ngaih tuahin, rilru na deuhin ka dam tho si a ava han ropui tak em ♡´･ᴗ･`♡
Museum dah tlak chu ani chiang ani. Zaithiam heavy uchuak ultra pro max🔥🔥🔥🔥
A va mawi ve aw. a music han in tham chhoh dan te, a thu te etc.. A va mawi em. Zorami a thiam em em bawk a
Zoramchhani khawvel a zaithiam ka tih ber mai,a hla ka ngaihthlak hmaih ngai loh,eng hla pawh a sak thiam zia sawi nawn fo ngai in,Pu Zarmawia hla lungkuai zet a a han sa chu,thinlung ava khawih leh vang2 em.
Ka ngaithla khamlo.. An hla sak tur i thlang thiam ngawt mai. He hla hi chu midang in an sa nalh velo ang Zorami hian a sa nalh vawng vawng lutuk. 🙏
I saw and heard your performance in "We are the world'' for Myanmar. Wow! Such a powerful and commanding vocalist. Carry on.
😅 2:04 😅😅😅
@@hriatapachuau5964enge 2:04 awmzia chu ???
Hringnun ah hian min zawt ta sela Panlai nun tluka nun hlimawm leh nuam ngaihawm bawk si hi ava awmlo chiang tak em....nu leh pa ngaihtuah saah duh duh sawiin duh duh kan ti thin kha ani a....tunlai naupang tamzawk ten an hriat tawh ngailo, luidungah chakai, sangha, kaikuang vehin tuite kan cheng a, rilru thianghlim takin thian kan inkawm a, Tunah zawng hringmi kumchhiar atam ve ta a, ngaihtuah tur atamin duh dan danin kan awm thei talo min phuartu atam ta a...hmanlai ngaihtuahin lung aleng vawng vawng thin, khang hunlaia thiante pawh chhungpui nu leh pa niin tuanna mualte lo dangin thenkhatin fam min chansan ta bawk nen....panlai nun hun duhawm leh hun rangkachak kha mitthla ah he hla hian min hmuhtir vawng vawng thin.,...Hringnun hi alova reilo in hlimni te kha ava tawi tak em....
Mizorama i piang hi i vanduai mange i thiam na hi khawvel hriata pho chhuah tham.. Planet dangah thawn chhuak hial che ila a tha ang...😀
A hla a nalh dangdai hle mai, a satu lah in a sa lungrun nalh bawk si, panlai nun atanga tun hun thleng kan chhui kir vang vang mai alawm le. Pathian tana kan hlut zia leh keinin kan hun kan lo hmang liam satliah mai mai te, kan hlutna kan lo hre tawk lo te kan hlut zia min hriat thar tir vawng vawng mai 🙏🏼🙏🏼
Ka hnuk a ulh, zaithiam si, a thu a ropui bawk si..mawi bawk si😍
He hla hi mawi ka ti lutuk...Biakin chhungah ka sa ve ngam angem aw tih ka ngaihtuah a..min lo chhang teh u
Zoramchhani is the best ❤️🙏🏾
Vanlalsailovi😂😂😂😂😂
He tiang anga Hla Phuahchhuak thiam Kan nei hi kan va han vannei em... Ka ngaithlaa ka ngaithla leh thin..Ka mittui a tla lo chauh a ni..He leia la dam zingah hmu ka chak leh Kut thing meuha chi bai ka chak te zing a mi thlang dawn i la..Pu.Zarmawia hi a tel ngei ang..Dam han hauh i la kan la chibai em ang chu..
One of the greatest Mizo gospel singer. Be it any genre, she nail it.
He hla zet chuh...kehthei dawma mindawm thintu kantan asur asa hnuaia rual kan pawl ve nan ti a,hahpawh sawi lova,minthawh saka anthlazar hnuai bela ka thla muanpui ber thin,Ka pa i awm veta silo, kava ngai vawng vawng tak che em.....
He hla zet chu a va han nalh chiang tak em ! A sa tu lahin duhthu samin a sa nalh a, kan feel veng veng thei alawm. Mizo ten ngaihthlak fo kan duh tur ang chi hla niin ka hria. A phuahtu leh a satu te in fakawm takzet e.
Van zaithiam bon eltiang tak em!!! Nang chhîng zo reng an awm lo 🔥🔥
Ka lunglen hnemtu hla ka rawn bel leh chat thin! Ka thiante, kan in, kan biakin, ka pian len murna kan khua ka va ngai em! Lalpa kan nun tawi têah hian nang kan lunglen hnemtu lo ni zel ang che. Amen
Lung aleng vawng vawng mei🥺.
Ka duh nu🤍.
Love every piece of this song from Manipur, Sugnu😊
Lung a ti leng hle mai...
A satu lah duh thu a sam bawk..
A hla thu in lung a tih len ang bawkin Pathianin min ngaihhlut zia a rawn sawifiah bawk si...
A hla phuahtu Pu C. Lalzarmawia hi chawimawina dawn belh mawlh mawlh tlak a ni... Mizo music industry a ti hausa thin khawp mai
A van nalh ngawih ngawih em! A hla hi rilin mawi hle mahse zaithiam nazawng sak thiam miah loh tur hla har a tlingin ka hria. Zoramchhani 'mi bik' nihna a pholang chiang hle mai.
Musician-te hian engtin nge chawl miah lova an rem zawh theih zawk le!. Kei ni ila chawl meuhin a zai hi ka lo ngaihthlak veng veng ka ring. A thiam lutuk hian hnuk a tiulh thei zawk a lawm le❤
Hmeichhe dang rawn zai ve tan hian a hreawm duh hrep agg…kum40 a tlin hma hi chu a ne hi Mizo hmeichhia hian tuman tih ka sawi ngam an ek pha lo…techqniue sawi tel phei chuan…Mipa kan ni hlauh te hi ka lawm 🤣🤣🤣
a dik chiah henu han class dan emem hi chu...
Ka ngaitha kham theilo,,a phuahtu leh satu hi ka ngaihsan ber an ni bawk nen,,ka lung a ti leng vawng vawng,,famta ka nu kangai a ni
Best song best singer in the world..
I agree
In over mahmahh
Phuahtu-in phuah thiam/nalh em em a, Mizo Hmeichhe Zaithiam berin a sa nalh/thiam/lungrun em em bawk a, Lalpa'n malsawm zel rawh se.
Zoramchhani sa nalh in i sa nung takzet...💕💕 Pu zarmawia Lalpa tan i inpekna a ropui kati bang theilo, theihtawpin A tan chauh ke pen zel ang che❤️
Zoramchhani hla sak hnu hi chu sak a chakawm tawh âwm thinlo.. a mawi dan tur ber hian a vawrtawp hi a thlenpui chu ani ber zel mai sia..
Ka vàn duh tak!! Hringnun hi tawi lua mahse a Siamtu hian a hlut a, keini pawn i hlut ve ang u🙏
A hrangin an dah taa, a hla bik hi ka ngaithla tluk tluk mainu, a nalh a ni
Sawi ngaihna ka hre lo, Zoramchhani ngei mai hi a satu tur dik tak tih a hriat nghal vah mai. A nalh mai piah lamah a hla hi a ropuiin a pawimawh takzet. Music intran tirh keyboard mawi zia kha.. A hla thu chang khatna khian lung a kuai nghal bawk a nih chu... Nunhlui ngaihtuahin ngaithla veng veng mai ang aw....
He Hla thu chuh...ka va duh ngawih ngawih em ve le..Lunglenthlak bawk si..a kim vel vek..❤️Sa thiam bawk si..nalh vawng vawng a ni..💜
A hla tha bawk , sa tu"n sa thiam bawk si, a va han mawiin a va nakh em
Vawiin a boral ta.. Pu joseph zaihmingthanga thlah nan kan hmang ang nge🥲🥲🥲
Zoramchhani zaithiam zia chu sawi ngailo ani.A hla nalh lutuk erawh hi chu sawi loh theih loh ❤️🙏
A hla thu chu ka va duh tehreng em,a rilin a fiahin a dik bawk sia maw,a satu ber kher lah hian a thiam in a mood ah min hruai bik ngawih ngawih mang e,ka duh emai.
With the present situation in Manipur and being one among the many effected lives, this bring me to tears.
Zoramchhan zoramchhan i zaithiam lutuk i thiam dan hi tu tawngkam thiamna mah hian a sawifiah zolo ang
Zorami zai ah melody a tam tial2 mai I zai a ngaihnawm zual zel ania
Lung ava tileng ve..Hla phuah nalh leh ṭha tak ani..Zoramchhani hi chu a zaithiam ber reng mai ani e..
Zorami zai hi chu aw....musician tan anuam ngawt ang...
Ben hrep a chakawm zawk a zai thiam dan em2 hi… zai nung bawk si
Aw lalpa... He hla phuahtu leh satu hian I ropui zia an hril❤
Zoram i va han sa nalh tak i va han lam nalh tak em in lam thut thut tia ka ka rawn sawisel thin che kha he hla ah hi chuan a in hmeh in a nalh zeih mai. Mawitak in zai zel rawh i aw hi a chak in a va mawi sa tak m. I talent ti pung zual zel tur in thiamna leh hriat a neih belh zel raw aw a pawimawh a nia. Chuan i aw a tha a mawi.
Museum ah engtiklai pawh in a zai tawp ngailo tur a dah turin sorkar hian pass rup mai rawh se
Hmulthi a ding ur ur thei alawm...ka idol zaithiam zia hi...Lalpa tan i aw hmang zel ang che😇
Nitin ka ngaithla mai😭ka hnuk te ulh..hringnun hi tawi lua mahse maw, a hlut ngei e Siamtu hian😇
Ka mur chuai chuai mai.....i va han thiam ve chiang tak zai na na na hi chu 🥰🥰🥰
Ka van ngaithla zing malh2 ta emm!
Analh ani.. Lalpa ropui rawh se🙏🏻
Hringnun awmzia hi iva han hrechiang chat chat tak êm,ka tunlai nun nen hian he hla hi ka duh thar riau mai,nupui/pasal kan han nei a ngaihtuah tur alo tam kher mai,chhungte ângchhunga kan awmlai ang kha ani thei tawh silo,kan hmangaih te bulah awm mahila khua hi ahar vawng vawng thin mai zawng anih hi😢
Ka feel veng veng mai ...❤ Ka zaithiam tih ber leh ka ngaihsan em em Zarmawia an thawk dun ta
Han ti zel teh u adang poh 🙏🙏
Music solid tha bawk si, vocal tha si heiraw, a chorus mawlh hi🥰🧡❤💛💜💙💚🤎🤍💯
Ka nu min va ngaih tir em a hla chang tin mai hi min vel tap tu ani ringawt mai hun kalta thinlai luahtu suihlung ti leng tu an chang zo hawi na lam tin mai hian a va dik tehlul em an sulhnu hmuh tur a lo awm ve zel bawk nen min hmangaih em em tu ka nu ka va ngai tehlul che em😢😢
A bon mah mah hial lo maw,,,,,thiam tih hian a hril zo lo😇🌹
A thu leh thluk hian hian min va hneh tak em ,i hla ah chuan Lalpa a tha tih hla nen khan min hnehdan hi i hla dang aiin thuk zawk tawp .
A nalhin ka va duh ngawih2 tak em,zaithiamnu dam reng ang che❤❤
Mawi hle mai...Vanlalsailova'n sa se inhmeh don in ka hria
Vanlalsailoa a zaithiam nimahse hei ai hian a sa mawi bik lo top ang
Sailova aia thiam in a sa a atawk viau mai in ka hria
@@chhuanmawia3322 a inhmeh don ka tih na mai ani e oo...Mizo a kn top ve2 an ni e..
@@Kawlteahmar7548 an thiam ve2 a, a thluk leh a thu hi Sailova hian sa se a inhmeh don ka ti na mai o...kn Top artist ve2 an ni e
Pu Zarmawia hla phuah tam tak zing ah hian in ....he hla hi ka la duh ber in ka hria ❤ Pathian hla ni chung si hian in lenglawng rawng a kai lek2 tep bawk sia chuan in a hla thluk mawlh mai hian in ni,lung a kuai in panlai nun min ti hrechhuak uarh2 mai ni 😢 hla tha tak leh lungkuai tak ani e ❤❤❤
Zoramchhani hi chu naupang tè a nih lai aṭanga zai thiam ka tih tawh rèng kha a ni a. A nun hi a uluk reuh phian mai te hi ka ngaih sang a nia.
In ropui hi ka ti emai in chhungkua zaithiam vek inni sia avan ropui tak pathian malsawmna in dawng zel ang❤
A mawi vawng vawng teh e😇😇headphone nen maimitchhing chungin kan han ngaithlaa a aw hian min fawn tir delh delh mai a ni. Zoramchhani nge nge,zai a nung bawk si
mittui a hnam sawk thei lawm,zorami nge nge i va thiam tak èm..Lalpan malsawm zel che rawhse
Voice, words and tune it's just all mesmerizing...a thiem Bek Bek ka ngai ngun po le a thiem tul tul. 🥹😇🥰👍
An dik char char❤❤❤❤
He hla hi ava mawi tâk em.... Ka ngaithla reng mai.. 😢
Ka mur chum2 thei ka lung a ti leng lutuk... Kan naupang lai ka in beite lem chhuan lai lungkham neilo a hun kan hman lai min ti hre chhuak... Tunah zawng kan lo upa deuh tawh a ni ange thil tam tak ngeih tuah reng2 in hringnun kan hmang tawh chu a ni sia😢😢😢
mittui atla thei lom.. ahlut gei e siam tu hian hringnun hi
A hlut a, mahse, tinge kan thianpa kum naupangte in a lak. Mi pawi sawilo. A tan hian khawvel hi a tawi lua a ni.
Vawikhat ngaihthlak na atangin lung akuai vawng vawng mai ,asa lah thiam ,ahla pawh lung ti leng vawng vawng thei
A mawi in, analh vawng vawng hi ka ti,,, phuah thiam lutuk,,,Zorami zai hi thiam ka tia, mahse ka ngaihthlak peih lo chi a ni, mahse hei zet chu ka ngaithla nawn awn awn mai🎧
Zoramchhani Pathianin malsawm zel che rawh se i zai thiam eeee ngaithla kham theilo Zaithiam zingah i zaithiam ka ti ber mai
Ka ngaithla kham theilo..Rci hi naipan lai tranga zaithiam k tih ania,ala zaithiam reng bok...ava lunglen thlak vong² tak emm..Pu C Lalzarmawia hla hi a ril thrin emai
Zoramchhani hi chu ava zaithiam vawng vawng em....A hla analh,min hneh hle mai.
Zoramchhani hi chu Aigupta hun lai kha la ni se..a rep a dah chi ngawih²...a zaithiam eeee...Mizo hmeichhia ah chuan Daduhi leh Zoramchhani hi an thiam ka ti ber mai
Daduhi rawn thlak tu zoramchhani tutak hian nge maw rawn thlak tawh angle
Hringmi kum chhiar a tam ve ta ani😭chutih rual chuan hmanni lawk amaw tih hi a tam asin,Hringnun hi e.....
A hla a mawiii.. A sa tu in a zir sia maww
He hla hi avan nalh tak afeel hian ka feel pui ngawih2 thei ka ngaithlak apiang hian🙏😌
My idol you’re the best singer ever na aw hi ka duh bik mizo singer lakah ❤❤
Hallelujah Amen ropui lutuk Lalpa ropui ber rwhse hring nun hlut Zia hriat chian zual tir e ...
A va nalh vawng vawng em hringnun hi tawilua mahse maw a hlut ngei e a siamtu hian
A thu, a thluk le a satu 100% . 👍
Zai thiam bawk.Music lah hu..an bon rem rem e..
Ka nu min van ngaih tir em...van hmun nuam ah Lalpa fak in a awm tawh si....ka lung a leng emai..
Zai thiam thlawt ani..lung ati leng vawng2 👍