HG: Dünýä dilleri institutyna tölegli okuwa kabul edilen ýaşlardan goşmaça pul toplanýar

Şu günki programmamyzda:
- Döwletmämmet Azady adyndaky türkmen milli dünýä dilleri institutynyň hojalyk hasaplaşygyna geçilen fakultetlerine täze möwsümde okuwa kabul edilen talyplardan okuw töleglerini 1-nji sentýabra çenli doly geçirmeklik talap edilýär. Şeýle-de, egin-eşiklere, şol sanda milli tahýalara, sport formalaryna we aýakgaplara niýetläp, her bir täze talypdan 3 müň 200 manat möçberinde goşmaça pul serişdeleri toplanýar.
- Türkmenbaşy şäheriniň döwlet dükanlarynda çörek söwdasy janlandy. Iki aý uzaga çeken çörek gytçylygynyň aradan aýrylmagy Azatlygyň beren habarynyň yzýanyna gabat geldi. Balkandaky habarçylaryň 19-njy awgustda beren maglumatyna görä, häzir çörek söwdasy häkimiýetleriň berk gözegçiligi astynda geçýär, howpsuzlyk işgärleri hatda alyjylaryň telefonlaryny barlaýar.
- Aşgabatdaky harby ofiserleriň ýaşaýyş jaýlary ünsden düşürilip, split-ulgamlary işlemeýär. Bu ýagdaý, howanyň temperaturasy gündizlerine kölegede 40 gradusa golaýlaýan mahaly, jaýlaryň ýaşaýjylaryna oňaýsyz täsir edýär. Bu barada ýaşaýyş jaýlaryna duldegşir ýerleşýän 2109 belgili harby bölümde gulluk edýän esger ogullaryny görmäge baran ene-atalar we Azatlyk Radiosynyň ynamdar çeşmeleri gürrüň berdiler.
Habarlaşmak üçin:
• Whatsapp: [phone] we [phone]
• Telegram: @Azathabar
#habarlar

[@Кирилл-п6у]

Акылада пул герек, самсыгада пул герек

[@user-dn1tr6xi3g]

пулсыз туркмен жансыз туркмен.пуллы туркмен имансыз туркмен.

[@user-ny3yx1bz9z]

Bir topar institut gutardynmy iş tapmak bir görgi onun parasy bir görgi eyyyyy türkmen

[@BegencHojyyew]

Ol hakyky tekjede durmazmy corek

[@Ali-u5e4d]

😮😮😮

[@geldinepesatanepesow684]

Пул гурсун