الحكواتي . طلي طلي يا لالة الغرام.

طُـلِّي طُـلِّي يا لالة الغرام،
طُـلِّي خَلِّي ظَـلَّك ايعَنَّـڭْـ ظـلِّـي.
ايرڭَّب ڭلبك على هاذ الڭلب
ايفاڭد في المحبة،
المكبلة المخبلة،
المرڭومة في الخاطر وشام.
جيني ف ڭُطرة الندى ،
بها نسكر بها نسحى،
بها نغسل ذنوبي، بها ينجيني ربي من الحساب.
جيني ف تبسيمة،
جيني ف تنهيدة،
ف تنحنيحة، ف تنخصيصة، ؤ لا ف غُصَّة ڭاع .
جيني ف منامي،
جيني ف فياقي،
جيني ف الظهر وقت الصيام،
الشوفة فيك عبادة ماشي حرام،
ماشي حرام،
ماشي حرام