WALLIS LINO - SIUELI E 'API KO FO'I FA - Sosefo Tolu Mailangi

[New release] - 24 May 2024
Hiva Mali (Tau'olunga) 'o "JANELLE-HINEMOA MACDONALD"
Fa'u & Fakafasi: Sosefo Tolu Mailangi
Enjoy and don't forget to hit "Like, Share, & Subscribe"
Malo
Lyrics:
Janelle-Hinemoa McDonald
SIUELI E ‘API KO FO’I FĀ
Tulōu pea moe nūsí - Alamea ‘o Siumafua’utá
Mōe kakaláa hingōá - ‘Oku fā’á fākatapūá
Si’i ‘Aho Panilōlo - Pea moe Funga Fauá
‘A-e Hala Tukuto-ngá - Pea moe va’ee ‘o Popua
Si’i vai ‘o mokó - Hala Hekoni moe Hala Vūná
Sia ‘a Te-volo koe kie salusalu e fonuá
Kā teu fakame’ite - Kihe tulutulu e mafua
Ho-to Heilalá lo-á - Ko Siumafua’utá
(Veesi 1)
Tapa e ‘uhila he api ko fo’i Fā
Hono siueli fetapaki he vavā
Hinemoa ho-no kakala hingoá
Huli e Maile ika mei fasi’á
Na’e lufi I he tō’anga e ‘ofá
Pea fakama’u hai he funga Fāuá
Tuē mo mavava - he koe ‘aho ‘oe vale ‘ia tamá
(Veesi 2)
Ko hotau ‘ahó kuo tava pea oso
Kae hopo e pelé koe fo’i fā hopo
Kahoa hoto nusi Heilala Kilitoto
Peate ngafingafi tu’oua laumomo
Keu fakame’ite ki ‘Aho Panilolo
Siumafua’uta pea mo hono pule’oto
Pea ko hotau ‘ahó ē - kuo ngatū Pea fakavale loto.
(Tau)
Ta-u tuē pea mo tau mavava
He koe ‘aho pē ‘oe vale’ia tama
Ko si’ete pele ne tu’u kano’imata
Pea kuote laukau falelava
Ta’ahine haka he kuo tau e langi
Toli fisi moe lau he koe aho e ma’alali
Teki fākama’u pea ke fakamanimani
Ha’ota pea ke kako o takai x2
(Veesi 3)
‘Aulola ‘ete ‘ofa kuo faiteunga
Mo si’ete ‘ofa ‘oku kei talamuka
Kuo sitapa’i ‘e he Silapelu ua
Hoko koe seini pea mo hono koula
‘Oku fusi a’u ai a si’eta fuka
Maile tavani he fetu’u ‘aloua
Kuo te no’o loto - ko hoto sisi fakamata’i’ulua
(Veesi 4)
‘Api ko Fo’i Fā hua mai ha tuē
Kae fakame’ite ’a si’eku pelé
Koe lose teuteu si’oku lotófalé
Tauhua mo tafoe pea tau fakatētē
He to’o fohe poto ‘a si’etau fa’é
‘O tau lavé monū ai hono melié
Tuē mo mavava - ‘iseisa e taha kae afé
Hiva'i: WALLIS LINO
Hiki - LINO RECORDS PRODUCTION