Hinir ómótstæðilegu (1988)

Söngva- og gleðimynd. Hinir ómótstæðilegu eru harðsnúinn hópur velmeinandi borgara. Hér kljást þeir við hinn alþjóðlega glæpamann Ástráð Ástvaldsson sem rænt hefur barni einstæðrar móður. Með helstu hlutverk fara Davíð Þór Jónsson, Atli Geir Grétarsson, Hallur Helgason, Jakob Bjarnar Grétarsson, Örn Almarsson og Hjörtur Howser - öðru nafni Kátir piltar. Tónlistin í myndinni er af plötu þeirra Einstæðar mæður (1988). Einnig koma fram Flosi Ólafsson, Björk Jakobsdóttir og Bergur Ólafsson ásamt fleirum. Stígur Steinþórsson gerði leikmynd, Úlfur Grönvold sá um leikmuni, Agnar H. Einarsson tók upp hljóð, Gunnar Hermannsson hljóðsetti og Vilhjálmur Þ. Guðmundsson myndaði (allt gargandi snillar). Davíð Þór, Atli Geir og Hallur skrifuðu handritið, Ásgrímur Sverrisson leikstýrði og stjórnaði upptökum.