{الأسبوع ف كيس}(329) هاتلنا دولار يا بابا نويل

كل سنة وانتم طيبين.. بنبدأ سنة جديدة يا اخوانا ، نتمناها سنة خير وسلام ..وتبقى عنوانها الصلح خير وما محبة إلا بعد عداوة.. وياريت أهل الخير والشر ، الاتنين يعني يتكاتفوا كده . ويحاولوا ينهوا سوء التفاهم بين الإعلاميين ونجيب ساويرس..
ويقولولهم استهدوا بالله كده وصلوا على النبي.. ما عدا ساويرس ، ده حد يقول له مجِّد اسم الرب ..البلد داخلة على معجنة قروض وبيع أصول ، ومحتاجة كل طبلة او جوز صاجات يبرروا ويدافعوا ويعرصوا لفشاخة الريس..وحدوا الله يا جماعة ، ده انتوا واكلين شاربين فاسدين مطبلين مع بعض..ياريت نصون اللقمة الحرام شوية .. نشأت الديهي تحديدا بقى ..حد يقول له أنت محدش بيشوفك غير امك ..وينصحه يغير على البطحة اللي على راسه مرتين في اليوم ، عشان ساويرس مجابش سيرتك اساسا .. إلا إذا كان هو زعلان اساسا عشان مجابش سيرته ؟ جايز والله ! ..اللي هو انت ازاي ياض يا ساويرس تعلق طُبل على كل دول وانا لأ ؟ يقول عليا ايه السيسي دلوقتي؟ اعلامي محترم والعياذ بالله ؟ وعلى جانب آخر.. تحية للصقور التي لا تنام .. مفاتش يومين ، الا وكانت داخلية مصر الصاحية المفتحة ، قبضوا على الواد والبنت اللي كانوا بيلعبوا عريس وعروسة فوق الكوبري ..و عرفوا يحددوا اسمايهم وعناوينهم بالظبط من حتة فيديو مخدش ثواني ..و اتعرضوا على النيابة.. وتمت بسلام عملية تجريسهم وتجريس اهاليهم لسابع جد.. والحمد لله ، قيم الأسرة المصرية تم إنقاذها والحفاظ عليها.. بس لو حصلت خناقة في منطقتك ..وواحد ماسك التاني وعمال يقطع فيه زي الشاورما..أو عربيتك إتسرقت من تحت بيتك .. والسيد الفاضل الحرامي عمل باي باي لكاميرات المراقبة.. لأ مش هيعرفوا يجيبوه ده ..لا يكلف الله نفسا إلا وسعها.. الحكاية دي صعبة والله ..إحنا دورنا نرازي في اللي خلفوكو ، مش نحل مشاكلكم ونتحرك عشان نحميكم والكلام الفاضي ده
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com