Vložit
- čas přidán 2. 11. 2021
- #MM #試一次 //試一次成為天星小輪第一位女水手 拋纜繫繩上落吊板做齊
香港地生活的，應該都乘坐過經營過百年的天星小輪過海。在這個可能是世界上最便宜的「人生50個必遊項目」上，就有一班人，每天都在這艘上白下綠傳統雙頭式設計，五至六十年代在香港船廠生產的小輪上工作。今集試一次，我成為了第一位天星女水手，體驗一日海上工作。
█ 尖沙咀天星碼頭上船開工 只要識游水便可當水手
現在天星小輪主要有三個碼頭，分別是尖沙咀、中環和灣仔，而尖沙咀碼頭是三個碼頭當中
歷史最悠久的。尖沙咀碼頭亦是天星小輪的大本營，員工休息室、維修部和職員辦公室都設在這裡。尖沙咀住灣仔下層平常只開放給輪椅和單車使用者，只在繁忙時間開放給普通乘客，所以我這名新丁為了不阻礙日常運作，今日便在這邊試工。
要運行一艘船一共需要七名船員，分別是船長、副船長、輪機長和四位水手。我看過官方招聘網頁，原來甚麼海上牌照都沒有的我，唯一合資格申請的，就只有碼頭或渡輪水手。水手的唯一條件只是要懂得游水，不過既然要試，就試挑戰大一點的渡輪水手！小輪上下層各有一位水手負責起放吊板，下層一位水手負責控制尾纜，另一位負責控制大纜，而近船長室的頭纜就會由副船長兼任。
█ 每日拋繩40次 大纜拉力達5噸不小心或斷⻣
今天我的第一位師傅，是年資八年的水手陳喜（喜哥）。對第一日上班的我，喜哥給我的貼士是：「最重要小心！有甚麼做不來的，放手鬆開纜繩便算了。」喜哥指將近碼頭時便要擺好架步，把纜繩放好在纜樁，他一邊示範一邊講解如何繫放尾纜：「看到碼頭水手把纜繩圈到繫纜樁，我們才動手把纜繩繞到纜樁上，正確要繞五花。」
天星小輪屬於傳統雙頭式設計，兩邊都有駕駛室，適合維港這麼窄的空間。因為船隻不用調頭，只要船長人肉移動，走到另一邊的駕駛室，便可以直接駛往對岸。因為負責頭纜的副船長，全程要尾隨船長，所以負責尾纜的水手都一樣，每次泊岸離岸後，就要向船長的相反方向行到船的另一邊，繼續控制尾纜。算一算，往來尖沙咀至中環的航程時間8至10分鐘，尖沙咀至灣仔10至12分鐘，一日上班8小時扣除吃飯時間一小時，每日至少都要拋這條2至30磅重的纜繩35至40次，工作一點都不輕鬆。
問到喜哥最難是那一個崗位呢？他說最難是大纜：「大纜是用來固定船的位置，對準位置才起放吊板﹐讓乘客上落，而尾纜只要收緊便可以。」大纜究竟有多難？難得連官方都不讓我嘗試，真的要請教一下，今天負責大纜的師傅，17年年資的王錦輝輝哥。輝哥：「大纜樁上和碼頭都有一個黃色標記，負責大纜要慢慢順勢移到這個黃色標記對齊。」輝哥更提醒一定要等待船停定沒有動力了，才可以離開纜樁的範圍：「樁上面都寫著5噸拉力！曾有位小朋友在我們不為意時，把手放到拉扯著的大纜上，結果彈力一彈，三隻手指骨折了。所以我們經常勸喻乘客，不要走得太近纜繩。」
解開纜索離開碼頭後，輝哥叫我近距離看纜繩的披口位，「因為磨擦得多麻繩會披口，如果這邊披口得像開花般，我們便要預備第二條纜繩拿來接。不能等纜繩斷了才駁，如果它突然斷掉很危險的，如果船還未停定船速未減零，船可能會撞向碼頭。大纜用的是由龍舌草葉織成，有輕微彈性的麻繩，要是拉斷都只會在纜樁位斷掉。船頭船尾沒有這麼大拉力危險性較低，便用上較耐用但沒有彈力的尼龍繩。
█ 上落吊板最輕鬆 繫纜不容放鬆分秒必爭
師傅們耐心為我講解之後，我便開始逐個崗位體驗。由淺入深，先挑戰一下難度較低的上落吊板。聽到指示聲表示船已泊好，這個時候便可以按制降落吊板，完全降落好後便把安全帶拉起，示意乘客可以上落了。這個崗位的水手通常會守在吊板最末端，因為太大浪的話吊板會升，水手便要一腳踏在吊板上提醒乘客小心絆倒。而且站在這個位置，還可以留意著是否還有乘客要上船，所有乘客上船後便可以起吊板開船了。第一次嘗試雖然不夠流暢，但至少沒有錯誤，安全過關。
接著便要挑戰尾纜，喜哥：「一隻手捉著繩圈，一隻手捉著繩去拋。」我試著拿起纜繩扮作拋出去，發現如果熱身不足，真的會有機會拉傷呀。喜哥都笑說：「不時都肌肉酸痛呀！」擺好架步船開始接近碼頭，待碼頭水手放下繩勾，讓他把繩繫上纜後，便要立即拉實。可惜，我太少看時間及力量的重要性，一個不留神，手一鬆繩也接著一鬆，結果，船要比喜哥控制的要離岸得多。雖然喜哥說我已經做得不錯，但我確實不滿意這次的表現，所以我決定在喜哥指導下，瘋狂練習後再試多一次。第二次還是有點笨手笨腳，但相比第一次已更靠岸了，實驗證明這個崗位真的是分秒必爭。喜哥：「對呀！要在最貼近船的時間做好整個步驟，船距離太遠便會有問題。」機會難得，我便繼續控制這尾纜好一陣要，感受是「真的是辛苦錢呀」！
█ 17年水手生涯多次跳海救人 慨嘆維港收窄往日景色不再
體驗過後，我拉了輝哥談了一會，他笑說：「17年日過得很快！雖然工作有一點沉悶，但乘客不斷更新，每天都看到不同的事物。」他憶述第一次在三角線（尖沙咀中環灣仔）跳海救人，「記得一轉身便跳海去救他，也通報了水警，誰知救了他上來之後，問他發生甚麼事有甚麼困難，他說只是太熱想游水，你說是否很可笑！」輝哥說十多年前要下海救人的機會更多，「如果看到有女士，尤其是女士，坐在船的一旁哭泣，我們會派同事看守著她！」不說不知守護天使原來也是水手的工作。
輝哥說他最喜歡在碼頭及小輪的最前端，看維港景色，看著船靠泊。尤其在放煙花的時候，景色更是不得了。問到這麼多年有沒有甚麼深刻變化，輝哥說：「維港變得越來越收窄了！景色是以前漂亮，舊式霓虹燈字樣和標誌，效果得意亦沒現在那些電子板般死板。」他指著政府大樓和中環灣仔繞道繼續說：「有些是新建成，每次一點一點的填海，讓你感覺不到之際，原來已經動手了﹐但細心留意的話便會知道。」在小輪上觀看日落，亦是輝哥喜歡水手工作的一大原因：「日落再低沉一點，就更不得了。在這裡看過無數個日落了，每次焦點不同，可說是百看不厭。」
策劃：鄭汝翹 (Karen)
攝影：張志孟 潘志恆 林正言
剪接：李軒
#天星小輪 #天星小輪玩具 #天星小輪碼頭 #天星小輪特色
#尖沙咀 #灣仔 #中環 #水手 #維港 #MillMilk
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜（付費內容）
一向都好鍾意坐天星小輪，當初要構思做咩試一次，天星水手已經係我第一個目標！好好彩天星嘅回覆好positive 整個拍攝好順利。
尤其係啲水手大佬，唔好以為水手大佬一定粗粗魯魯，個個都好細心睇住我。佢哋一開始，都唔係咁放心女仔可以handle到。但老實講試一日都仲可以，但要好似班水手師傅咁日日做，女仔就真係難啲。
訪問入面嘅輝哥其實已經六十幾，真係一啲都睇唔出。off cam嘅時候佢講咗句，做人最緊要開心，返呢份工日日對住個海，工作都喺佢掌控之內，所以佢話生活得好舒服。
有好多人窮一生去苦惱自己前途，所以做到一份自己鍾意嘅工作真係好幸運，我都會好似輝哥咁好好珍惜，可以繼續拍片俾大家嘅呢個機會。
要繼續支持我哋#MM呀💛
Comment like & subscribe
仲有ig 同 Fb呀！
見到佢哋講自己份工嘅開心樣真係好難得！#MM
Will you try the Hong Kong Tramway for the next mission?
水手大佬感覺都係暖男嚟 #MM
@@stephenli9009 I think that’s interesting too
感謝Karen及一眾Mill Milk團隊的認真製作，令大家更加認識渡輪水手的工作，期望大家繼續支持天星小輪!
好高質，印象中香港無咁樣拍過（或好耐無拍？）小輪水手的一天，我爸爸係退休副船長，佢睇返都好津津有味
訪問得好好，情感流露好自然好細膩。Karen大方活潑又有親和力。題材又有趣，船員們都好可愛。多謝Mill Milk🙏
多謝支持我哋💛
多謝MM 讓我知道我爸爸每日既工作性質😘😘
好多謝MM 又比身為香港人的大家體會到香港人常用又常望到的職業，到底點樣工作同有咩難度，每日支撐香港人其中一樣最重要的交通，水手各位大佬都好值得尊重，正!~
水手各位大佬, Thank you.
如果失去了MM，我們想知道的便大大減少了
No need; my fellow,
Star ferry; the classic
Here in this Hongkong
Hope you all appreciate,,,
想俾Like後期製作嘅團隊：顏色、角度同節奏拍得好有味道，好有舊香港特色。好鍾意。#MM
p.s. 今集真係好有驚喜！我冇諗到你哋可以訪問到船公司！勁！
多謝天星小輪全體員工,服務香港人多年,多謝你地
希望唔會沒落🙏
一星期會坐4天船 上下班 這幾位水手大哥熟口熟面
過海幾蚊吹下海風 爽到不行 不過感覺愈來愈少人坐
資料搜集得好，成條片節奏明快吸引睇落去。Karen聰明話頭醒尾，訪問水手大哥細緻有感動位，希望天星小輪辦導賞團，讓更多市民知道及參觀富有歷史特色的渡海小輪!
啲水手哥哥好好人呀，敬業樂業，搵到份自己鍾意嘅工好幸福。多謝#MM帶我哋深入認識天星小輪，以後搭嘅時候除咗欣賞維港景色，仲會欣賞小輪嘅古董美。
每個行業都值得尊重，做乜都好，
總有人要去做先可以平衡，
係香港好多工作都係賺果幾個錢唔容易，
尤其是做最前線嘅一班人，
有啲你睇落唔起眼嘅人，
永遠都係付出好多功勞最大嘅一班
今集好好睇！對小輪一直都係最熟悉而又最陌生，睇到解構就諗到大纜都扯唔埋ww，加油支持
好有意義，respect 水手 , 好多日常見到既野都會俾人遺忘佢地辛苦既一面
今次真係辛苦晒，條繩望落都覺得重，搭小輪真係又平又寫意嘅交通工具，同電車一樣
係好重同埋好吉手
睇片前，大家記得 FOLLOW 埋「天星小輪第一位女水手」Karen 嘅 Instagram 呀！順帶一提係，Karen 嘅簡介！
「在不同電台電視紙媒打滾過，見盡人生百態奇人奇事。熱愛高強度運動，練出能勇闖攝氏零下50度西伯利亞世界最冷村落，而無穿無爛的驚人耐力和精奇體格。 擅於在生活和職場中發掘初心，人生目標是成為一名優雅的女漢子。」
instagram.com/karen__yukiu/
14:20 「三角線」係指 中環-紅磡-灣仔，因為當時隻船會用 中-紅-灣-紅-中 模式行走，好似三角形咁，所以叫三角線
看到你对香港生活的报道，非常激动。一个生长在香港的老香港，8o多年啦，看了你的片，才知道香港的社会是如此多资多彩。希望这些真实的记录片能在学校广为流传。認识自已生活的地方，才会爱它，珍惜它。感谢你们的付出。
痴線呢條勁高質😍 辛苦你地用心製作！！ 以後再搭天星小輪都會更加留意水手們嘅努力
點解愈睇愈感動...香港真係好靚
#MM 呢條片好正呀👍🏻
以前唔趕時間嘅話、最鐘意搭小輪過海。吹吓海風、睇住維港景色、好寫意😎
希望唔好再偷偷填窄維港🥺
D水手哥哥個個都咁溫柔
多謝你哋用影片保留舊香港嘅每一樣事物 可能過多幾年就會冇晒
好好睇，最尾輝哥訪問好感動
試一次好似台灣木曜4一日系列咁都幾好，可以體驗下唔同行業既工作情況，師兄們又樂意分享工作上既故事同心得。喜哥第一句貼士話最重要係小心真係好有大師傅風範👍
多謝各位水手大佬咁多年都用心服務所有"香港人".....香港....加油💪🏻💪🏻💪🏻
如果大家有天星小輪相片想分享，可以去我哋 Instagram 投稿呀！
傳送門：instagram.com/stories/mm.millmilk/2698607900546601451
唔單止維港越嚟越窄， 香港很多東西都越嚟越窄.......
唔想所有能代表香港嘅事同物被消失，希望維港/渡輪永遠存在喺香港
Karen同輝哥日落個畫面...真係好浪漫🤣🤣終於知道浪漫點解要睇日落🤣🤣
依個channel好高質
故事好好, MM好好, Karen重好好! 你美麗的笑容為大家增添歡樂和力量!:>
多謝天星小輪服務香港多年，感謝水手們每天辛勤的工作，此片拍得很有水準，使我們深入了解，Karen很用心學習，加油呀！以後一定要多些乘天星小輪
很喜歡 💕 由細到大都喜歡天星小輪 短短船程 在海中央感受天然海風 望城市skyscraper風景 且每次望到水手工作都感興趣 感謝帶領我地感受一次佢哋既工作 💕💕💕
Watching your channel is just like exploring the other side of Hong Kong . God bless you all!!
Same here! BTW, all topics are very interesting.
琴日睇完今日即刻去咗搭 一路搭一路望風景 其實真係好靚 吹住海風就算冇冷氣都好涼爽 過海又咁平 搭完心情都好好💛💛希望香港可以一直有呢種交通工具
好優質的介紹，原來有咁多的學問，加油！支持你們!
非常好嘅深度報道。多謝拍攝團隊嘅努力創作！
喜歡你們的專題介紹, 很用心, 每一次都很好看, 加油!
好鍾意你地呢個系列，謝謝Karen的efforts
很好的體驗，有趣味、有知識性講解、有反思，期待又更多試一次
Like the interview, most amazing part is that Karen keeps practicing during break. Respect
見到都想做！ 謝謝 ＃MM 為大家帶來不一樣的體驗！！加油！！
好睇！後期好有feel！員工訪問好感動！多謝MM介紹天星小輪！
呢集好勁 ，令我好感動！多謝你地🤟
高質好睇，題材好好!
Karen, good girl and well done. So proud of you.
非常佩服輝哥那種敬業樂業和享受寜靜平淡的生活， 向船上各工作人員致敬。
多謝Mill Milk,多謝Karen,題材好好，繼續努力👍💪
真係睇落以為好易但其實要做好一啲都唔易，尤其咁密又大風大浪時！辛苦了🙇🏻♀️
拍多啲呢種題材，好鍾意睇，Karen主持做得好好，水手叔叔都好nice
坐船好喜歡看水手做那個(上花)的動作，不難發現叔叔們都是手瓜起展💪🏻karen 好堅
日日有運動量，佢哋好多都身體好好！有啲67歲先退休。好堅！
支持karen 做主持，做得又生動又活潑又有親和力，成個題材睇得好舒服，期待karen下一個訪問
今集題材好正
呢輯好正！日日放工搭天星嘅我，特別有感！啲水手大哥確實係每程船不可或缺的要員！
Karen主持得好好呀！
繼續加油支持你哋！
好用心的channel. 岩岩先訂閱，係暫時訂閱過最高質同用心的頻道👍👍
永遠支持Karen❤️👏👍
一天的體驗就做得這樣好.👍👍讚. 我是從曾是海員的角度打分是八分.不過要多注意的手在fit 時要離開幾寸及在跳板時不要到處扶手.全是有危險的地方👍
REALLY LOVE THIS SERIES....KEEP UP THE GOOD WORK!
呢集好有趣，好好睇👍
這個專輯好有意思👍
每睇一次新片就想表一次白
好鐘意你地！！！！！
又開心、又正面、又正能量，讃👍🏻
呢套好睇，非常掂👍🏾⛽
今次呢個Topic, 既貼地, 好精彩, 同埋, 以前(收音機)電台有做過訪問, 但冇今次有埋畫面咁精彩, 真係好多謝你地! 十卜你地!
拍得好有水準
拍得好呀 有誠意
好犀利，咁特別嘅job都有得試。
好親切既一集
好叻女！話頭醒尾！多謝介紹！
呢集真心好睇👍🏻
繼續高質， 繼續支持
好順暢。感謝分享體驗經歷。
日落拍得好正
緊係要CLS啦 😍👍👍👍👍
繼續做更多好節目比大家睇，支持你地
辛苦晒！好睇！👍👍👍
非常好的題材
多謝天星小輪上下師父同事俾靚女做一日水手🤭😝😆😜👍👍👍
好耐無留過言，睇完真心覺得好正，希望可以繼續發掘屬於香港既故事，加油👍🏻
多謝你，好有香港味道
nice topic, cant wait for more
Very good presentation. I enjoyed it very much. Thanks..
#MM 呢集真係👍🏼👍🏼👍🏼
滿載很多童年回憶
Keep up the good work!
#號外 MM Member 登場啦！同賀 10 萬訂閱達成，兼有三個新成員加入（即刻解鎖埋啦！），我哋現正推出 CZcams 付費會員計劃，每月只需 HKD40，就可以享有三大會員福利！想唔想喺首播或留言時用專屬 MM Stickers？想唔想睇多啲我哋鏡頭背後嘅蝦碌畫面同動人時刻？
嚟緊仲有得投票幫每張表情貼紙揀對白呀！拿拿臨嗌埋幾個老友一齊參加啦！多個人多張票呀！
快啲加入做 MM Member 啦！傳送門：
czcams.com/channels/a1d9ZXVMU0BZQRXZHt8Cpw.htmljoin
好好的香港推介👍突然谂起 夕阳无限好
每次都期待！
好開心可以了解到呢個咁特別嘅工種💙
好開心見到一班水手哥哥好享受!
勁！原來Karen 黎左MM, 你果時去西伯利亞體驗段片，我翻睇過好幾次，好記得！
睇完電車睇小輪有開心亦有感動... well done 👍
好好睇呀👍👍👍
繼續支持就對了👍
多謝你哋
睇到好感動！
Good job MM!
哩類訪問超級好同正，可以用作學校的教育影片
Mill Milk 加油！
Sailor Karen 加油！！繼續努力👍💪
黃昏好美!
Karen 你真係好叻 連水手你都嘗試埋 又做得好好繼續支持你 下次你又有啲咩突破嘢畀我哋睇呢💪💪💪
I liked !!!! is great you can interacting with the staff even let you use the uniform and help them 👏🏼👏🏼👏🏼👏🏼