ماذا فعل رونالدو بعد خيانة حبيبته ليلة كأس العالم
Vložit
- čas přidán 10. 09. 2024
- حلقات مقترحة
فبركة الفيديوهات
• فبركة الفيديوهات.. فنا...
قصة حياة كريستيانو رونالدو
• كريستيانو رونالدو - قص...
حذف تطبيق تيك توك
• حذف تطبيق تيك توك
محمد صلاح والخيانة
• الخيانة كنز لا يفنى
يوم مباراة النهائي فى كأس العالم 98.. صحى روبرتو كارلوس مفزوع على صوت شخير جامد جدا.. مين اللى بيشخر؟.. زميله فى الغرفة.. رونالدو.. حضرتك تقولى طيب وايه المشكلة بنى ادم وبيشخر عادى.. مفيهاش حاجه..
أقولك انت صح.. لكن سيدى المواطن بقول لحضرتك ده مكانش شخير عادى.. صوت شخير رونالدو صحى روبرتو كارلوس مفزوع من النوم.. وفعلا.. بمجرد ما قام يشوف رونالدو بيشخر بالشكل الفظيع ده ليه؟.. خصوصا وانها مش عادته.. اكتشف ان رونالدو بيبلع لسانه.. رونالدو بيموت.. أفضل مهاجم فى تاريخ كرة القدم وقتها.. بيموت.. الشاب اللى الفيفا كرمته بجائزة أحسن لاعب فى العالم وهو لسه يادوب 20 سنه.. بيموت.. والنهاردة مباراة النهائي فى كاس العالم قدام فرنسا.. يعنى حتى لو ربنا أنقذ رونالدو من الموت.. فواضح انه بيعانى من مشكلة صحية ممكن تمنعه من اللعب.. يعنى البرازيل خسرت كأس العالم حتى قبل ما تلعب.. ورونالدو بيموت..
كل دى أفكار اتجمعت بسرعه فى عقل روبرتو كارلوس وهو بيشوف زميله وصاحبه مش قادر يتنفس.. وهو بيشوف زميله وصاحبه بيموت.. روبرتو كارلوس للحظات حس انه اتشل.. اتجمد.. مش قادر يتحرك ولا يتصرف ولا ينقذ صاحبه.. فبدأ يصرخ زى المجنون ويقول رونالدو بيموت.. رونالدو بيموت.. بيحكى زمايله وبيقولو صحينا مفزوعين على صوت روبرتو كارلوس وهو بيصرخ زى المجنون.. دخلنا عليهم الغرفة لقيناه بيصرخ وبيترعش.. ولقينا رونالدو بيتخنق وبينازع الموت.. مش عارف يتنفس.. وبسبب صريخ روبرتو كارلوس مكناش محتاجين ننادى على حد.. لأن كل زمايلنا كانوا سمعوا صريخه وبدءو يوصلوا الغرفة واحد ورا التانى.. لكن أهمهم كان طبيب المنتخب.. اللى لحق رونالدو فى أخر لحظه.. وأنقذه من بلع لسانه.. وأخيرا بدأ يتنفس من جديد..
بسرعه نقلوا رونالدو للمستشفى.. وهناك روبرتو كارلوس قالهم علي كل حاجه.. قالهم ان رونالدو قبل ما ينام اتخانق مع حبيبته سوزانا خناقة كبيرة.. كان عامل زى المجنون لدرجة ان روبرتو كارلوس اللى كان حاضر الخناقة من أولها حس ان رونالدو داخل على نوبة صرع.. لكن الخناقة انتهت بإن رونالدو نام من كتر التعب والمجهود العصبى اللى بذله فى الخناقة دى.. طيب ليه كان بيتخانق؟.. هقولك.. لكن اللى أهم من الخناقة دلوقتى ان الأطباء الفرنسيين علشان يهدوا أعصاب رونالدو.. اضطروا انهم يحقنوه بمخدر شديد جدا.. مخدر بيأثر على التركيز وبيقلل نشاط المخ.. وعلشان تدرك خطورة المهدئ ده.. فهو نفس المخدر اللى انتحرت بيه الممثلة المشهورة مارلين مونرو.. اللى حكينا قصتها فى حلقة منفصلة اسمها ماوراء مارلين مونروا.. تقدر ترجع لها لو حابب تعرف حكايتها بالتفصيل..
حضرتك تقولى طيب ما كويس انهم حقنوه بالمخدر ده علشان يهدا ويرتاح.. أقولك سيدى المواطن انت شكلك نسيت ان الكلام ده كان نفس يوم مباراة النهائى فى كأس العالم سنة 98.. ورونالدو فى الوقت ده كان عامل زى مو صلاح بالنسبة لمنتخب مصر كده.. كان عامل زى ميسي وكريستيانو رونالدو.. بالبلدى كده كان هو أهم واحد فى الفريق.. لدرجة ان الصحف وقتها كانت بتوصف أهميته بجمله واحده.. وصول الكرة لأقدام رونالدو.. يعنى أن 50% من صناعة الهدف قد اكتملت..
طيب هنا سؤال مهم.. ايه السبب فى كل ده؟.. ايه اللى وصل رونالدو للمرحلة دى؟.. ايه سبب خناقته مع حبيبته اللى اتسببت فى كل ده؟.. أقولك بكل أسف.. الخيانة سيدى المواطن.. فى الليلة دى.. ليلة النهائى.. استقبل رونالدو تليفون من واحد صاحبه.. بيقوله فيه خلى بالك يا رونالدو.. سوزانا بتخونك.. انت بتقول ايه؟.. انت اتجننت.. قاله زى ما بقولك.. سوزانا موجودة دلوقتى مع المذيع البرازيلى بيدرو بيال..
رونالدو حاول يكذب صاحبه ويقوله سوزانا نايمه فى غرفتها من بدرى.. أنا مكلمها قبل ما تنام وقالتلى انها لازم تنام بدرى علشان تصحى فايقه للماتش.. وانها لازم تسيبنى أنام أنا كمان علشان أصحى مرتاح للماتش.. انت بتكذب.. صاحبه لما حس ان رونالدو رافض يصدقه.. قاله خلاص.. انت عندك حق.. اعتبرنى مقولتلكش حاجه..
لكن سيدى المواطن.. برغم تكذيب رونالدو لصاحبه.. إلا انه بمجرد ما سمع اسم المذيع بيدرو بيال.. حس ان كلام صاحبه حقيقى.. لأنه فى اللحظة دى افتكر مشهد شافه بعنيه وكان بيحاول يكذبه.. افتكر ماتش من الماتشات كان بيلعبه.. وكانت حبيبته سوزانا فى المدرجات بتشجعه.. بص عليها لقاها بتضحك مع نفس المذيع ده ومش مركزه خالص لا معاه ولا مع الماتش.. وقتها حاول يقنع نفسه بإن علاقتهم سطحيه وانها بتضحك معاه زى ما بتضحك مع أى حد.. لكن للأسف.. واضح كده ان علاقتهم مش سطحيه ولا حاجه..
المهم رونالدو قرر انه يتأكد بنفسه.. قفل التليفون مع صاحبه وكلم سوزانا على تليفون غرفتها.. لكن تليفون الغرفة مش بيرد.. حاول يكلمها على تليفونها.. لكن برده سوزانا مش بترد.. نزل من غرفته بسرعه على الملهى الليلي اللى فى الفندق.. وكانت الصدمه سيدى المواطن.. حبيبته سوزانا فى حضن المذيع البرازيلى.. صدمه كبيرة.. سوزانا مكنتش مجرد حبيبته.. دى حب عمره.. دى تقريبا البنت الوحيدة اللى عرفها فى حياته.. من أيام ما كان فقير لحد ما ربنا كرمه واتشهر وبقى واحد من أغلى لاعبى كرة القدم فى العالم.. على مدار مشواره وهى معاه.. هى حبيبته اللى ميعرفش غيرها.. والسؤال هنا كان ليه؟.. ليه بتخونينى.. ده أنا حلم كل بنت فى المدرجات وبره المدرجات.. ده انا مش حارمك من حاجه.. حتى لما ربنا كرمنى متخليتش عنك وفضلت متمسك بيكى.. ليه تعملى فيا كده؟
من المصادر
bit.ly/3zSCxZX
bit.ly/3bo8Mqh
bit.ly/3zx9JVw
bit.ly/3ORb6nA
#رونالدو #المواطن_سعيد
..
تفتكر ايه السبب وراء الظاهرة دى ؟
غياب الوازع الديني والإهمال الاسري في تربية الأبناء والاكتفاء فقط بالبحث عن لقمة العيش لهم دون تأهيل لهم ليكونوا نافعين لنفسهم ولمجتمعهم
استاذ احمد انا بحبك جدا جدا ومقدر مجهودك الرائع في إخراج حلقات متميزة فياريت تكثف الحلقات بمعدل أربعة بدل اتنين أسبوعيا ❤✌
غياب الوازع الديني بفعل فاعل و كفى
لا يوجد سبب محدد فكل شخص وتفكيره ولكن عدم الوفاق هو السبب الرئيسى
الاهمال في الحب الاهمال في المشاعر والاحتواء ,ملوش دعوة بالدين ولا الفكر
الحلقة دي دخلت قلبي ❤️
مش محتاج اقول ان كل الحلقات رائعة لان دي حقيقة
لكن النصائح اللي في اخر الحلقة مش عارف اوصف شعوري بيها حاوت اكتب كذا وصف لكن اعتقد انه مش هعرف اقول غير شكرا لكل العاملين على الحلقة وشكر خاص من القلب ❤️ للسيد "احمد سعيد"
ربنا يديم عليك نعمة القبول 💐
كلام راااااائع
والله انا دخلت التعليقات عشان اكتب الكلام اللي انت كتبته تماما
بالفعل كلامه صحيح وواقعي ويلامس المشاعر والشخص اللي جوانا
❤❤
لما تكلمت عن الخيانه ووجع رونالدو عندما خانته حبيبته تذكرت نفسي وتذكرت أكثر وجع مالهوش حل ... وجع الخيانه مؤلم جداً والله
وانت خانتك زوجتك
انا كنت محتاج والله حلقه زي دي وجايه في وقتها جداا واقدر اقولك اني الحمدلله بفضل ربنا بحقق نجاحات يوم ورا التاني رغم الظروف اللي حصلتلي... ربنا يكرمك ويكتر من امثالك ❤️❤️❤️
جاءت هذه القصة في وقتها .
لا تسمح للفشل يتمكن منك
انت من تستطيع أن تساعد ونفسك
كرة القدم بها الكثير من الاساطير امثال مارادونا وبيليه وغيرهم وصولا ل ميسي ... لكن بها ظاهرة واحدة فقط لن تتكرر هو رونالدو لويس نزاريو دي ليما .. الاعظم بالتاريخ والمهاجم رقم 9 الاكثر تكاملاً .... الموهبة التي تمتع بها الفتى صاحب 19 عام عند وصوله برشلونة عام 96 كانت لا تصدق جعلته الاقوى على ارض الملعب بغ النظظر عن منافسيه ايا كانوا .... حقق البالوندور وهو في سن 20 عام كحدث لاول مرة بالتاريخ لم يتكرر حتى اليوم ... كان فتنة كرة القدم وعشق لا ينتهي ❤❤❤❤❤❤❤❤❤❤❤❤❤❤❤❤❤❤❤❤❤❤
صدمات مرت وبمر منها فى حياتى
صدمة قلة الادب والبعد والغدر فى علاقات الصداقة والحب _ علاقة الاهل والاقارب _ الهدم الوظيفيى والمالى
جيت علي الجرح بس من افضل الحلقات.
ربنا يوفقك ويزيدك نجاح وتفوق ان شاء الله.❤❤
على فكرة انا لو سمعت القصة دي ١٠٠ مرة عمرها ماكانت هتعجبني كدة زي ما سمعتها منك ... ميزة الالقاء عندك رهيبة .... اشكرك بس كتر فديوهاتك بتوحشنا ...
تسلم لذوقك وتقديرك ❤️❤️
شكرًا يا استاذ سعيد
قصه ملهمه
كفاك الله وايانا شر المصاعب والشدائد
تحياتي من الولايات المتحدة
"إنت مش محتاج لحد غير لنفسك"
"انت اللي هتطبطب على نفسك"
"انت مش محتاج حد يحبك غير نفسك"
👌👌👌👌👌
اهم تلت جمل في حياه الواحد والله ❤️👍
الحلقة جميلة جدا والله ❤❤ وبصراحة وبكل تأكيد تحفز اي مشاهد علي استعاده ثقته بنفسه وانه يقف علي رجله ويواجه اي صعوبات وعقوبات ف حياته وميصمدش ويستسلم ليها 👌👏❤
الفشل الحقيقي مو انك تتعرض للفشل بل الفشل الحقيقي انك تجعل الفشل يتمكن منك وتستسلم له..🤍
ان أردت كلاماً يجمع لك الهداية والتذكرة والرحمة والموعظة والشفاء والبيان والنور والبشرى والبصيرة فعليك #بالقرآن فلا تدع يوماً يمضي بلا تلاوة.
يااخي إنت بتقوم بفكر شعب وبتحطه ع الطريق وبتقويه في وقت انهيار قيم ومبادئ واستسلام ،،،تحية ليك ولكل شخص محترم بيحاول ينهض پالناس،
ياااه جت في وقتها والله ربنا يكرمك ويذيدك علم وينفع بيك الناس طريقه سردك للموضوع وادائك بجد ممتازه وتحفيزيه من الدرجه الاولي 🤍🤍
الله يسامحك :( رجعتني 27 سنه لورا .. عشقت الفوتبول بسبب الظاهره رونالدو .. ومجرد حضرت الحلقه رجعت بكل ذكرياتي وقت بكيت على اصابته ضد لاتسيو :( وقت فوزه بكأس العالم وقت انتقاله للريال وقت عمل مؤتمره الصحفي وقال جسدي هزمني
عاش والله ! نا قلت الكومنت دا من راجل كبير بصيت لقيت بنت !
وانا كذالك الأمر قراته ظنيته رجل
ربنا يفرح قلبك ويسعدك ديما اختي🧡
ولهي نفس الاحساس
أفضل الأعمال الصلاة على محمد وآل محمد الطيبين الطاهرين وعجل الله فرجه ياكريم ١ 🌹🌹🌹
صل الله عليه وسلم
عليه افضل الصلاه والسلام
قصة ملهمه لاي شخص يسمعها
وزادها روعه اسلوبك الجميل
شكرا اخي المواطن سعيد
أجمل ما في الحلقة هو أسلوبك الشيق في الحكي..
دمت متألقا يا عزيزي 💐💐
إنه قهر الرجال!!! الذي علمنا الرسول صل الله عليه وسلم ان نتعوذ منه.
عندما يتعرف الرجل إلي عاهرة و يعطيه قيمة تلك هي النتيجة
صلو على النبي عليه الف صلاه وسلام
ربنا يكرمك ويجازيك خير والله شجعتني واديتني طاقة ايجابية كبيرة… قصة ملهمة وvideo ملهم
رجعتنا لزمن الكورة الجميل
رونالدو نازاريو داليما الظاهره افضل مهاجم في التاريخ لن يتكرررررر 🇧🇷🇧🇷🇧🇷💔👍
الفيديو عظيم وملهم جدا والأهم أنها جت فوقتها ❤️
شكرا لك من القلب
أنت من يستحق لقب الملهم🌷🌷
بعيد عن اني بحب الظاهره جدا بس بجد كلامك فالنهايه جي فوقته زي ميكون ربنا خلاني اسمع الكلام ده علشان مستسلمش🌷🌷🌷🌷
الله عليك يا استاذ احمد..حلقه عظيمه جايه ف وقتها
وكأنك حاسس بيا ..كلامك اثر بشكل إيجابي عليا..لأن كنت متأثر ومضايق بسبب اللي حصل معايا
مع انو قصة رونالدو عجبتني شديد و لكن الكلمات الأخيرة ألي تحكي عن الثقة بالنفس كمان أبدعت فيها لانو ثقة النفس الهم شي في الحياة
والله حلقاتك دي الوحيده اللي بكملها للاخر ويا ريت تكتر حلقات شوية لو سمحت مش لازم سياسه،، عاوزين قصص دي قصة رونالدو كده وكتر حلقات وخلاص... 🤍.
جرعة ثقه وتفاؤل ...بارك الله علمك وعملك
الله بجد علي الكلمتين الي في الاخر ♥️جمل في الصميم وشكرا ياستاذ سعيد♥️♥️
فالأول والله ما كآنت أطيق اشوفك علي الشاشه عندي لكن دلوقتي أنا بحترم جدا مشكور يا طيب
شخص فوق الممتازوالرقي والاحترام والثقافه.بكون مستمتع جدآلمابسمعك .بالتوفيق دائما
اقسم بالله العظيم القصة دى جاية ف وقتها قولت الا كانت محتاجو بس انا مكونتش الحمد لله بفكر ف الانتحار بالعكس انا كانت بفكر ازاى ابقى اقوى ومخليش اى حاجة تقصر عليا
احسنت .. حلقه ايجابيه ترفع المعنويات👏💞
أهنيك على اسلوبك الرائع فهو الذي يميزك عن من سواك
أرفعلك العقال
اخوك المباركي من السعودية
انت انسان محترم وكلامك يدخل القلب لانك صادق وتربط أحداث الحلقات بحياتنا لإعطاء الأمل ، فعلا دايما انا في انتظار حلقاتك جدا
هوا بجد روبرت كارلوس قال (رونالدو بيموت)😂😂😂😂😂😂
فعلا الفشل الحقيقى هو اننا نستسلم للفشل
ممتاااااااز يا أستاذ سعسد،،ونعم المواطن،،بنحبك جدااا،،جدااا،،محتواك دائما هااادف
والله اول مره اعرف القصه دي ..فعلا سيدي المواطن سعيد احيييك علي تنوع قصصك استمر يا مبدع
ربنا يبارك فيك يا استاذ أحمد حلقة رائعة
صلو على النبي محمد خاتم الأنبياء والمرسلين
عمري ما هنسي كاس العالم ده بكيت لما منتخب الملوك اتغلب من فرنسا … و كنت هتجنن ازاي دا يحصل
كان الدفاع البرازيلي ضعيف جدا انه مشفتش بداية المتش لاني كنت اعرف ان برازيل هتخسر وايضا فرنسا كان من مكتمل من في جميع الخطوط لكن مكنتش اعرف الحكاية دي الابعدها بسنة قرات الجرايد وعرفت الخبر
@@user-bd8ef5jt7g برضه البرازيل هم الملوك و لمسه واحده من رونالدو بفريق فرنسا كله بس طبعا الكره كرويه و فيه نسبه توفيق … عندك برضه ماتش الاوليمبيات اما نيجيريا غلبت البرازيل … فيه فلتات. كده كرويه كل فتره بتحصل
@@boshboshish صح الاولمبياد
انا يوميا بفتح اليوتيوب مخصوص عشان اشوفك نزلت حلقه ولا لا بصراحه احسن قناه ومحتوي ع يوتيوب يا استاذ احمد ♥️
حلقة مُلهمة بكافة التفاصيل
فعلا جت في وقتها وبسرعة
الحمدلله على كل حال
حقيقى شكرا ع الحلقة دى، وربنا يكرمك من نعيمه يارب ❤️❤️
حلقه جميله ياأحمد برافو عليك 👌
ربنا يبارك لك يا ريت تعمل حلقات اكثر فعلا بنحب نشوفك دائما انت. دائما مميز و بحس بصدق شديد جدا فكل اللي بتقدمه موفق دائما بأذن الله
الحلقات دايما رائعة لكن دي ولا اروع 😍😍
شگرا ع الحلقة الجميلة دي وع التحفيز بجد
واوجه شگر لگل العاملين ع الحلقة دي
رونالدو لحد دلوقتى هو افضل لاعب وافضل مهاجم في التاريخ ♥♥
حلقه جميله تسلم ي بطل ❤️
كل التقدير والاحترام لك على هذه الحلقة الرائعة والنصائح المتميزة ... تحياتي
انت جبت السبب الرئيسي للجرائم دي بطريقة غير مباشرة ، الله ينور عليك و الله
تحية من المغرب لكل الفراعنة
حبيبي تسلم يغالي واحنا في مصر بنحب كل اشقائنا في المملكة المغربية
والله يا استاذ احمد كنت عايزك تتكلم عن الموضوع دا ..تحياتي لحضرتك ❤✌
إذا اخلص الشريك الى شريكة و بتفاني سواء كان رجل او مرأة فتأكد ان شريكة سيمل منة سريعا !! هذا الامر حقيقي وواقعي لا تعتقد أن حبك وتفانيك وإخلاصك سيجعلك الشخص المحبب لشريكك !! وتوقع الخيانة او الملل الى درجة الطلاق . الحب هوا حياة طبيعية يشعر فيها الشريكان بجبهم لبعض وبدون ان يشعر احدهم بأن الأخر ضعيف ومتذلل لة بسبب حبة !
اجمد تحليل من المواطن سعيد . دائما تبعث الأمل والتقة ودروس مستفادة من كل محتوي تقدمه . فقد تفوقت علي كثيرين واصبحت تنفرد بالقمة بلا منازع بالتوفيق .والنجاح
شكرا لك على هذه الحلقة الجميلة 👍
اسطورة رونالدو بعد اربع (٤) سنوات من الارهاق والجهد النفسي والاصابات وحتى الخيانة من اعز ما عنده. حقق الجائزة الاعظم بكرة القدم!
The Phenomenon ❤️
من افضل الحلقات إن لم تكن أفضلهم شكرا جزيلا أستاذي الفاضل على الدعم الإيجابي والمعنوي تحياتي لك ولكل فريق العمل بالقناة
يبقى ميسي إستثناء
لكن رونالدو الظاهرة لا يقارن مع اي مهاجم في تاريخ قناص موزع سريع لا يحتاج إلى موزع يركض بالكرة من وسط الملعب من الصعب تلعب خطة الشروط إنه الظاهرة
المواطن سعيد،، ربنا يجعل ايامك كلها سعاده وتوفيق يارب،، حلقه جت في وقتها، جت في وقت عصيب جدا، ادتنا حبه عزيمه و ثقه في النفس... شكرا للمواطن سعيد👌🙂
انت يا سعيد انسان راقي مثقف وملهم لمتابعينك.. تحياتي لك
فاكرة المباراة دى وفرنسا خدت البطولة ب٣ أجوان منهم ٢ لزيدان وبكينا على حزن البرازيل
بابا اتصدم يومها
انا كل شوية و الله بتعلم من حضرتك حاجه جديده كل فيديو ربنا يجازيك على قد تعبك❤
انا مش بتابعك من فراغ ..... بجد انت من اعظم الناس اللي بتقدم محتوى هادف بجد ... شكرا
كلامك الاخير اللي ختمت بيه الحلقه عن الثبات والنهوض اكثر من رائع
شكراً للمجهود والفكر الي بره الصندوق عجبتني اوي فكره الفيديو اتكلمت في المشكله الي عيشنها مع قتل نيره والاتنين الي بعدها بدون ما تذكرهم ووصلت رساله بذكاء شديد بس نتمني الشباب تدرك
Great video for anyone who has been abused, traumatized and short-changed in life. I do recall Ronaldo’s story very well, a great player but also a compassionate human being in spite of his tough journey.
Thank you for your motivational work, god bless.
قصص اول مره نسمعها والله بس بجد قصه جميله جدا❤❤ كل الدعم للرجل المحترم ده❤❤
انت انسان رائع وبقيت ادمان ليااا مقدرش اقعد من غير ما اسمع فيديوهاتك ومعلوماتك القيمة الجميلة ...كل يوم بالليل بقعد مع نفسي اسمعك قبل ما انام ...فعلا انتا اسلوبك ومعلوماتك وشخصيتك رهيبة ...انتا حقيقي نادر جدا بتفوقك ده ...مقدرش اقول عليك غير انك انسان رائع ...مبدع ...جميل واستمر ...فربنا عطيك موهبة جميلة ....اياك ان تتركهاااا ...ياريت تظهر في التليفزيون ولو تقول معلومات سريعة للناس كا توعية ليهم ...التليفزيون فعلا محتاج شخصية مثلك ...مقدرش اقول غير ...ربنا يديم عليك صحتك سيدي المواطن 🌹😍🤣🤣
حلقة رائعة تحوي الكثير من التحفيز للتغلب على مصاعب الحياة الكثيرة
احسنت استمر 🌿🌿
انتا شخص محترم يابو حميد ومن اكتر الشخصيات الكويسه اللي علي السوشيال ميديا
كلمات من ذهب أن دلت دلت على حسن اداء المقدم و صدق المشاعر انا عن نفسي تأثرت جدا من كلامك والحكم التي قلتها ولا يسعني إلا أن أقول جزاك الله خيرا
من أجمل الحلقات اللي تابعتها فحياتي
حقيقي ربنا يوفقك فمسيرتك أنت من أحسن اليوتيوبر بالوطن العربي
حلقة اكثر من رائعة اخوك متابع من العراق
من أجمل حلقاتك..فعلاً مؤثرة، الله يبارك في جهودك ❤
احلي كلمتين في اخر الحلقه من احلي سعيد 🙃 وكل راجل جدع يحطهم حلقه في ودنه ويخلي ربنا دايما قدامه عمره ما حا يندم ولا يخسر ✌️&❤️
أشكرك كثيرا على هذه الخاتمة الرائعة لحلقة الليلة
استمر أخي أحمد سعيد فما تقدمه يعتبر إنجازًا عظيما وإنتاجا جميلا ووجبة لذيذة أستمتع دائما بها أسأل الله لك العون والتوفيق 🌹
بالرغم من إنى صانع محتوى ولكن ...
أنت بالفعل مميز .. أحييك على إختيارك لمواضيعك وعلى الكاريزما الى بتتمتع بيها وعلى إتقان فريق العمل الى وراك للوصول فى النهاية لمحتوى مميز.
من نجاح لنجاح أن شاء الله تعالى
كلامك ممتازه من أجمل الأحاديث والنصيحه احلى موطن في العالم الموطن احمد سعيد ربنا يحفظك
انا فكره يوم الماتش ده وكلنا اتفجأناا بالمستوا ده وربنا عوضه بعد كده بالنجاح
كلامك يحترم درس مهم وجاه في وقتهى
حقيقي شكراً للحلقه الملهمه في ظل السواد والظروف الصعبه ربنا معانا كلنا ♥️♥️♥️
شكرا ع الحلقة الجميلة دى ❤
ونعم بالله رب العالمين ❤️❤️
احلى رسالة واحلى قصة . لاتستسلم 🙏♥️
شكرا على الجرعة الإيجابية الي بآخر الفيديو ❤️
بجد وبخلاص انت انسان رائع مش يوتيوبر وخلاص قصص حقيقية ملهمة شكرا لك ياستاذ سعيد دائما محتواك مفيد للغاية😊🙏
نشكرك على ادائك الممتاز ومعرفتنا عن رونالدو وازمته الصحيه فعلا الخيانه اوحش حاجه وتبرير الخيانه ليس لها اى معنى وهو المفروض كان يراجع نفسه معاها وليس المعاتبه لأنها لاتستحق ديه خيانه يعنى الانفصال وربنا يشفيه وكويس انه رجع الملعب واعتزاله كمان كان فخر للمنتخب البرازيل ونشكرك وربنا يحفظ قائدنا الرئيس السيسى وربنا ينصرة وربنا يحرسه ويكرمه ويحميه يارب العالمين وربنا يحفظ بلدنا مصر ودايما قويه يامصر وربنا يحفظ جيشنا العظيم وربنا ينصرة رغم أنف الأعداء ونشكر الاستاذ الكبير احمد سعيد ونشكر القناة
مبدع ك العادة يااستاذ احمد
ياريت الشباب تفهم وتكون الرسالة وصلت ...
الفشل الحقيقي انك تستسلم للفشل انه يتمكن منك
انت مش محتاج غبير نفسك في حياتك لتحقيق نجاحاتك
انت محتاج تحب نفسك وتحس انها هي جيشك الوحيد
تحياتي لحضرتك وعلي كلام حضرتك هو درس لكل واحد بيعلق فشله ع الظروف والمواقف
احسنت اخي المواطن السعيد
مصريه
من سوريا تشجيع خاص ليك ولكل مصري شريف متلك
اللهم صل وسلم على نبينا محمد
من افضل حلقاتك 🥰🥰🥰🥰 اهنيك على اختياراتك الصائبة
❤❤❤❤❤❤❤❤❤
اللهم امين يارب العالمين ولكم المثل