HE WAIATA TANGI - Ō tohu rā, nā Tīmoti Kāretu ngā kupu, i te tau 2010.

HE WHAKAMARAMA - Nā, Tīmoti Kāretu ngā kupu i te tau 2010 nā, Leon Blake rāua ko, Pānia Papa te rangi.
Ngā kupu.
E karanga kau ana, e Niwa, tahuri mai
Tē oko mai koe whkangaro kē atu ana
Te ururuatanga ki ngā tōtara whakahae o te wao
Nā te aha kē rā i whati ai te marama?
Ko māua ko hirikapo e pūahoaho ana
Ko Aituā kāore āna maramataka
Ko tō te wā mana, tā te wā whakatau
E taea e tāua, e te tangata, te aha?
Me whakaae kia tuku ko nguha kia puta
Ko wai kamo kia tāheke
Me kore e paku tau iho te mauri
E maruru ake ai te aroha
Te kitea nei tō kore mai, e Niwa, i te pahī
Te rangona nei te tamō o tō reo rōreka (o tō reo tōiri)
Toko tonu ake ana a mahara
Hei miringi ngākau marū, hei mamahutanga ngākau makau rau
I te wā o te onge, o te pūkōnohinohi
Tāoro ana, i tō wawenga, tō tihi o Ngongotahā
Taupoki mai ana te waka i Maketū
Tūāone pākinga tai pari kore, tai rere
Ō tohu rā, e te tau, ō tohu rā
Kei taku manumea pīwari, e tiu koe, e tiu
Ki te kōmata o te rangi, ki Te Toi o ngā Rangi
Ki reira koe tū tapairu mai ai, e Niwa e
Ki reria koe tū tapairu mai ai, e Rangi e
E Niwa e

[@loiskemp5304]

Timoti Karetu ka nui te mihi ki a koe. I'm only 14yrs old but you have been such an inspiration in my life ki te ako te reo. Ki te ako nga taonga tuku iho.He waiata tino ataahua te waiata nei.

[@azlanrahmat1447]

Ataahua

[@teariki61]

kia ora whanau, this is such a beautiful tune and would love it if someone could send me the lyrics and translation to it aswel.

[@kapahakadude]

Words are in the description

[@teariki61]

Thanks whanau

[@margueritepaku3714]

Please post the kupu

[@kapahakadude]

Look in the description of the video