نشكي بأمري من بلاني بغرام الولعين الهاشمي قروابي

نشكي بأمري من بلاني بغرام الولعين
مولانا عالم الخفية سحبانه يا كرام
يعطف ويحن من شكايا ودموعي سايلين
يرضاني من هويت ولفي مسبوغة النيام
يا سايلني على شبابي واخلاقي حازنين
ما بي ولا هلكني سوى عشق الريام
أوعدي ما ابقات دنيا ياحسرة على الغرام
مطلع
مابي ولا هلكني سوى عشق الريام بيا
من هواهم يا اللطيف راني من النار الشاعلة قويا
خدوج والغزال عيني والحبيبة الجافية هوايا
نبكي ما صبت من يعدرني واهلي ما عالمين بيا
نبكي ما صبيت من يعدرني واحبابي غافلين ياكفاهم
نلقى لريام عبد وغير النقام
هولي واسباب ليعتي من الأحباب الجافيين
هذه مدة انبات ساهر ما جانشي المنام
أوعدي ما ابقات دنيا يا حسرة على الغرام
مطلع
ضاق أمري ما قدرت نصبر آخرجت نشوف يا الفهمة
واقف في الباب بقيت ننظر حلوم والجافية فطيمة
ذوك لخذوذ كالنواور ما بين النهود ريت وشمة
أبقيت في زينهم نشكر قالولي يافلان كلمة
قالولي روح يا الطالب آش اسبابك يا حازنين
كان انتايا آلبيب فاهم نابينا بالكلام
قلت لهم كل شيئ قريت واحفظت فالحين
حتى علم الهوى قريته وافهمت بالتمام
أوعدي ما ابقات دنيا يا حسرة على الغرام
مطلع
نطقت لي منهم وحدة واسألتك بالكريم ربي
ما بينا ما نقول جحدة اجوابك يطفي لهيبي
قلتلهم شوفتي بعيدة اسمي مذكور ما مخبي
بن سهلة يا صديق هكذا آبذي العشق مشوم زغبي
أنا عشقي مشوم زغبي من دون العاشقين
خايف لا يبوح سري يظهر بين العوام
اصنت يا مليح وافهم واصغي للوالعين
اللي هو عشيق كيفي يصغى لهذا الكلام
أوعدي ما ابقات دنيا يا حسرة على الغرام

[@limpassedulion.mezghenna7556]

*_قصيدة نشكي بأمري من بلاني بغرام الوالعين من الثراث الجزائري التلمساني نظم الشيخ بن سهلة التلمساني 🇩🇿👑 أداء سلطان لحوزات الهاشمي ڤروابي رحمه الله_*
*_قالولي روح يا الطالب آش اسبابك يا حازنين..كان أنتايا آلبيب فاهم نابينا بالكلام..قلت لهم كل شيئ قريتو و احفظت في الحين..حتى علم الهوى قريتو و افهمت بالتمام..أوعدي ما ابقات دنيا يا حساره على الغرام..أصنت يا مليح وافهم واصغى للوالعين..الله يرحمك يا بن سهلة و الله يرحم شيخنا الهاشمي.يعطيك الصحة خونا_*

[@laminedroit8168]

ربي يرحمك يا شيخنا والله ما ننساوك كي نسمع غناك وقصايدك الدمعة جيني راك في قلوبنا 😢🙏🙏

[@laminedroit8168]

لقديم نتاع الشيخ الله يرحمو هايل بزاف فور الله الله يعيشنا في إحساس هايل

[@rachidkahoul927]

الله يعطيكم الخير دنيا واخره.

[@amarbaada4458]

Merci pour ce partage allah yarahmo allah yahafdak

[@bibamokh2636]

Merci beaucoup pour cette magnifique vidéo. Allah yrahmou echeikh elhachmi , toujours un plaisir de l'écouter.

[@ahmedlogist362]

الله يرحمه

[@hassenbel8001]

Merci mètre el hachemi allah yarahmak cheikh les cheikh