Fifty El2stora #22 SE3 | حوارات مع عباس - فيفتي الاسطورة
Vložit
- čas přidán 9. 09. 2024
- علاء فيفتي مطرب شعبي شهير خرج من مدينة السلام المعروفة بكونها معقل المزيكا الشعبي العصرية . كانت بداياته في الراب المصري لكنه سرعان ما تمرد عليها ، حيث وجد أن ثقافة " الرص " ثقافة أجنبية مقحمة ولون خاص بالملونين في أمريكا تتعارض مع لسان الحكي الشعبي الطبيعي . ومن هنا فجّر فيفتي هو والملحن عمرو حاحا موجة أغاني المهرجانات أو الإلكترو شعبي أو الكترو مهرجان ، و جميعها مسميات صحيحة لهذا اللون - المهرجانات الشعبية المصرية هي نوع جديد من الأغاني الموسيقية الشعبية في مصر، والتي بدأ يذاع صيتها في الفترة ما بين أواسط عام ٢٠١١ وبداية ٢٠١٢، وهي خليطٌ من موسيقى الراب والتكنو، أو موسيقى الكترو-شعبي بصبغة محلية . يستعمل فيها خاصية " الاوتو تيون " . ولاقت أغاني المهرجانات رواجاً لدى سائقي التاكسي والتوكتوك والميكروباصات وأبناء الطبقات الفقيرة . ثم كّون هو و السادات العالمي دويتو رائع قدم أغاني حققت نجاحا هائلا واستمر التعاون لسنوات عديدة وقاموا بالعديد من الجولات الفنية في أوروبا وشاركا في أهم مهرجانات مزيكا الأندر جراوند مع فرق من كل أنحاء العالم . ثم ظهرت موسيقى المهرجانات في كثير من الإعلانات التجارية علي شاشة التليفزيون. وتطورت صناعتها بتأليف الألحان والكلمات، وسرعان ما انتشرت لدى كافة الطبقات الاجتماعية المصرية . كما كان فيفتي هو أول من إنتقل بالمهرجان الي الهيب هوب الشعبي وكان أول من تعاون مع منتج الموسيقى الإلكترونية " مولوتوف " وأطلق أغنية " بلعب أساسي " التي غيرت شكل التراب وحطم بها جميع ارقام المتابعات والمشاهدات السابقة لها مما جعل العديد من الرابرز يتجهون الي التراب وللتعاون مع مولوتوف . يعاني فيفتي مثل معظم مغنيين المهرجانات من الهجوم والمنع من قبل نقابة المهن الموسيقية ، الذي يصل الي حد الاضطهاد بتزعم من المطرب هاني شاكر نقيبها السابق بحجة رداءة المنتج المقدم
Produced by: Abbas Aboelhassan
Follow: #rwa.podcast.eg
Instagram: / rwa.podcast.eg
Facebook: / rwa.podcast.eg
Twitter: / rwa_podcast_eg
Tiktok: / rwa.podcast.eg
Follow Abbas Aboelhassan:
Instagram: / abbasaboelhassanofficial
Facebook: / abbasyz
Follow Fifty El2ostora
Instagram: / fifty.el2stora
Facebook: / 3alaa.fifty
Listen to our podcast:
www.buzzsprout...
#abbasaboelhassan #rwa #فيفتي #علاء_فيفتي#فيفتي_الاسطورة#راب#مهرجانات#حوارات_مع_عباس#بودكاست#مصر#عباس_ابو_الحسن#الجزار#podcast #spotify #applepodcasts #googlepodcast #rantswithabbas#rwpodcast#arabicpodcast #music #musician #rap #trap #mahraganat #artist #underground #womex #beats #flow #records
#سادات_العالمي #بلعب_اساسي
لمشاهدة كل حلقات بودكاست حوارات مع عباس، ادخل على اللينك ده:
www.youtube.com/@RWAPodcast/playlists
اول مرة اشوف فيفتي مرتاح وهو بيتكلم ف لقاء و بيتكلم من قلبه
ده علشان انت يا استاذ عباس اديتله الأمان وخليته يتكلم بكل ارياحية
دون الحكم عليه او علي اللي بيقدمه نتج عن ذلك حوار جميل جدا من القلب
أخيرا إنسان محترم زي عباس في البلد دي ادى مساحه لصناع الفن ده. الحلقه ده شديده الأهمية للتاريخ بدون مبالغه.
عباس جيب احمد فريد فيجو مخترع المهرجانات الراجل ده مظلوم جدا وناس كتير ميعرفوش
ده اللى هو فيجو الدخلاوي ؟
@@m.younis9849 لا فيجو الدخلاوي زيو زي ناس كتير سرقيين اسم فيجو الاصلي عشان اسمو مرتبط بصناعه المهرجان وفيجو الدخلاوي نفسو يشتغل مع احمد فريد فيجو الاصلي واوكا واورتيجا بس طنشو
فيفتي هيفضل اسطورة المهرجاااان
ياريت تجيب فيلو ❤️
فيفتي والسادات احسن ناس عملت مهرجان هفضلو احسن ناس لغيط اخر يوم ف مهرجان ❤❤❤
حوار آكتر من رائع ، و برنامج هادف جدا ، وسط الدوشه أللى إحنا فيها ، تحياتى ليك جدا
والله يا فيفيتي انت محترم وسالك وبتحب الخير للناس ده غير ده انت اللي مقريها ادارجي علي قديمو يا عمهم ❤️💥❤️
حوار محترم بس زعلت من فيفتي عشان مجبش سيرة فيجو
ياريت تشتغل عن حوار ال denoise ال eco من المايك ده المايكات دي جامدة جدا بس مش متظبط اي اعدادات ليها ياريت ناخد بالنا من النقطة 🧡🧡 البرنامج جميل جدا جدا جدا 🧡🧡
فيفتى اول مايك مان ❤️🔥🔥
واحمد فيجو هو اللي اخترع المهرجان
يا استاذ عباس انت محاور عظيم
عاوزين موسي سام
بسم الله ماشاء الله تبارك الله عليك ي قلب اخوك شكرا استاذ عباس علاء فيفتي ده جميل أوي ومحترم وابن أصول اخويا وعارفه ناجح دايما وعبقري ربنا يبارك فيه ويحفظه من الشخصيات المحترمه بجد ومن أجمل اللقاء ال سمعتو وهو مع حضرتك اول مايك مان ف مصر المخترع من ٢٠٠٤ تاريخك معروف ي فيفتي ودايما كل الناس بتحبك زي م بتحب الخير لغيرك ربنا يوفقك يارب ويعوض تعبك خير ي اسطوره مصر والسلام ملوك السلام ملوك المهرجان ملوك أروبا الأصليين فيفتي الاسطوره واحد بس ✋✋🙏🙏☝️☝️❤️❤️
الاسطوووره الاسطورة الاسطورة الاسطورة الاسطورة الاسطورة فيفتي فيفتي 👍👍👍👍💞
احسن ناس تسمع ليها مهرجان ولله تحيا لى فيفتى الاسطوره شكرا ليك يا استاذ عباس على الحلقات الحلوه دي بتعت السادات و فيفتى
فين بقا الحلقه ده
عايزين حلقه مع اوكا بالله عليك 🔥🔥
شكرا يا استاذ عباس بجد على دعمك للحرية والابداع والتقدم، شكرا لتواضعك مع الناس (مع ان ملامحك حادة 😁 وشخصيتك قوية بس قلبك لين جدا) وعندك كاريزما رهيبة تخلي لو جبت اي شخصية الناس تتفرج وتتحكم في الحوار (حتى لو الضيوف او بعض المشاهدين اتضايقوا بس بيتفرجوا) مش بس كاريزما كمان ثقافة عالية ومعلومات كتيرة جدا.
تمنياتي لمزيد من التقدم والنجاح ولا تحرمنا ابداعاتك الفنية سواء تأليف او تمثيل وتحياتي
4:50
انا كمان من مدينة السلام
الواحد بدأ يحس بفخر انه من مدينة السلام 😂😂😂😂
ففتى محطرم ❤
استاذ عباس يا ريت حضرتك تستضيف كوردي
كلام جميل جدا
حلقة جميلة
فيفتى عم العالم
حوار هادئ ومحترم بدون مهاجمة عشان مشاهدات زي ما كتير بيعمل الايام ده ، استمر في الاسلوب ده يا فنان
😂😂😂ستظل البابا الحلقه جامد
صلى علي النبي ❤
جامد و مقنع فشخ
سبحان الله وبحمده سبحان الله العظيم رب العرش العظيم اللهم صلي وسلم وبارك على سيدنا محمد وعلى آله وصحبه أجمعين
علاااء فيفتي
ضروري تستضيف الجوكر يا بيبس….هتستفاد منه
حبيت الحوار رغم ان اغلب شباب المهرجانات غير لبقين في الكلام لكن المذيع شاطر في قيادة الحوار ويخليك تقول احلى ما عندك ..
و رب العزه انت راجل محترم و موضوعي الوحيد اللي قال كلمة حق في المهرجان
Marwan hamed next please
حلقه جميله جدا جدا 🤍
ياريت يا عباس تجيب احمد فيلو مخترع المهرجان في اسكندرية الي اخترع المهرجان الي ب لحن الي كل الناس ماشيه عليه دلوقتي هو ملحن و مغني و صوته حلو بس هو مش متسلط عليه الضوء خالص و مش واخد حقه
مفيش حاجه اسمها مخترع المهرجان في اسكندرية يا باشا اللي اخترع المهرجان احمد فيجو من مدينة السلام
هو كل شوية واحد يطلع ينسب المهرجان لناس تانية مش كفاية الحلقة اللي كلها كلام غلط من فيفتي ومش عايز يقول الحقيقة
احمد فيلو اخترع لحن اسكندراني ف مسمهوش اخترع المهرجان في اسكندرية
وكل بتوع اسكندرية فيلو وفيجو الدخلاوي وكل الموزعين اللي في اسكندرية شغالين بالبروجكتات والخامات بتاعت احمد فيجو مخترع المهرجان ومش بس دول دا المجال كله شغال ببروجكتات احمد فيجو ياريت لما نتكلم كل واحد ياخد حقه عشان دي حقوق ناس
@@LoloBeat انت بترد على نفسك.؟ بتقول ان فيلو هو الي اخترع اللون الإسكندراني الي ب لحن طب ما اهو اخترع مهرجان ب لحن اهو غير فيجو خالص و على فكره في الحلقة فيفتي انه اول واحد غني مهرجانات و ديه حقيقه و اول واحد اخترع المهرجان في العالم كله و وزع اول مهرجان ل فيفتي فيجو بتاع السلام فعلا
@@mostafahussien3726
حبيب قلبي ركز شوية انا بقول اخترع لحن مش مهرجان اختراع دا يعني واحد اخترع مزيكا كامله لكن فيلو اخترع لحن فقط يبقي دا ملوش علاقه بأختراع المهرجان
اختراع المهرجان اللي هو لحن ومزيكا جديدة و درمز و الاات وخامات اللي هو احمد فيجو مخترع المهرجان كان مهرجان السلام اول مهرجان يتعمل و اول واحد يخترع اللون دا هو احمد فيجو فين بقي فيلو اخترع مهرجان دا هو أي هبد وخلاص ركز في الكلام قبل ما ترد 😂😂😂😂
و فين برد ع نفسي دا المشكلة أنت اللي مش فاهم و مصمم ان اللي بتقولو صح
@@LoloBeat يعم انت فاهم غلط انا من القاهرة والله 😂 اقولك على حاجه الي اخترع المهرجان بتوع القاهرة عموما مفيش اختلاف في الي انت بتقوله عن الي انا بقوله احنا بنقول نفس الحاجه بس بطريقه مختلفه 😂
@@mostafahussien3726
انا مبتكلمش عن قاهرة و اسكندرية انا بتكلم في انك بتقول فيلو اخترع المهرجان في اسكندرية دا كلام غلط ... انت كدة لغيت احمد فيجو اللي هو اللي اخترع لون المهرجان بس انا كدة بوصلك النقطة دي لكن متكلمتش عن قاهرة ولا اسكندرية كلنا بلد واحدة .. واللي مدايقني فيفتي طول الحلقه عمال يقول حقوق حقوق وهو اصلا لغي حقوق احمد فيجو ومجبش سيرته نهائي رغم ان عباس سأله كتير فشخ المهرجان جه ازاي و مين اللي اخترع ومين اللي بدأ وهو عامل من بنها ونسب الاختراع لنفسه وهو ولا اخترع ولا هبب فيجو هو اللي علموا يغني ازاي و هو اللي عملوا اللحن و التوزيع و كل حاجه يبقي مين اللي اخترع ياعم فيفتي .. خيال اللي كان بيسجلك 😂😂
جامد ❤️
إعلام حقيقى إعلام مختلف
صح كان فيه عربيات بتحمل فرح السادات انا ركبت فيها 😂
يا أستاذ عباس انا ممكن اتفرج عليك 3 سنين ومزهقش
عاش يا فيفتي والله
فيفتي❤❤
1:08:08
ديناميت يا عباس بتاعة مروان بابلو مش باتستوتا
حلقه جامده
طب يا فيفتي كلام جميل وكل حاجه بس ليه مذكرتش ان اللي اخترع احمد فيجو دا هو اللي مسجلك اول مهرجان ياجدع مهرجان السلام اول مهرجان اتعمل توزيع احمد فريد فيجو وانت عارف كل الكلام دا بما انك بتقول بقي ان المهرجان مش واخد حقه ومحدش بيطلع يتكلم عن اللي اخترع طب مانت كدة زيهم مقولتش مين السبب في اختراع المهرجان ليه التناقض في الكلام حتي لو في بينكم خلافات انت وفيجو ليه تنكر الحقيقة في الكلام ومع احترامي لعمرو حاحا انا من عين شمس ومنطقته ليه تجيب سيرة حاحا مع انه مش هو اللي اخترع المهرجان واول مهرجان هو عملو اذا كان الذبابه او العشرين كان بعد مهرجان السلام و الحناوي والسويسي وعبد الستار ... بصراحه انت معجبتنيش في كلامك النقطة دي اتمني تراجع نفسك في حقوق الناس وهقولهالك تاني اركن الخلافات والمشاكل اللي بينك انت وفيجو وبين كل واحد ياخد حقه عشان فيجو الوحيد اللي مظلوم
♥️♥️♥️♥️♥️♥️♥️♥️♥️♥️
موريس لوكا من أفضل الموسيقيين المصريين❤
تواضع استاذ عباس اذهلني صراحه انسان محترم و غير متكبر ومساك ادواته و واضح التفاهم بينه و بين علاء
🔥🔥
البرنامج كويس بس التصوير وحش اوي يا عباس في احسن من كده
ده معني الاعلام اللي بجد مش الخره بتاع الاعلام التقليدي هو ده البودكاست
فيفتي اعد يقول كله بينكرني وهو اول واحد نكر فيجو لما عملوا الاغاني وكان سبب نجاحه وعمال يقول انا وانا الخترعت امال فيجوو فين يا عم الحج دنتا مزكرتوش في اي حاجه خالص. غير سادات الله ينور عليه راجل طلع وقال فيجو المطلعني وزهرني للناس انت غير كدا خالص. وبتقول اصحابي بينكروني دا اكيد عشان انت ناكر الجميل
اتمني استضافه فيجو مخترع المهرجان 🔥🔥 هو اول واحد غني ووزع مهرجان
على حد علمي عمرو حاحا كان اول موسيقى السريعة والمهرجان والاستايل باغنية "عيشتي حرام في حرام" ممكن يكون اللي قبله سواء فيجو ولا فيفتي قبلها بسنوات عمل بس ما اتشهرش، بعد الثورة السبكي جاب عمرو حاحا وعمل له فيلم ومن هنا اشتهرت المهرجانات قبلها كان سعد الصغير وامينة بس جم المهرجانات اكلت الجو ولقت قبول عند جميع الشباب
@@iamahmededo222 لا حضرتك اول مهرجان كان السلام وحتي فيفتي قاله في الفيديو لو دخلت وعمل سيرش عليه هتلاقيه توزيع فيجو
المشكله ان الناس دي وكلين مع بعض عيش وملح ويطلعوا ينكروا فيجو وهوا الكان بيعملهم الاغاني دي
واتشهروا علي حسه
@@elkomnda_mero هو كدة نقدر نقول الموجي هو اللي مطلع عبد الحليم، او رياض السنباطي او القصبجي هو اللي مطلع او سبب نجاح ام كلثوم، او بليغ حمدي سبب نجاح وردة؟ او عمرو مصطفى سبب نجاح عمرو دياب؟ اكيد الملحن له دور كبير بس دايما المطرب او المغني هو اللي بياخد التقدير، دة حال الدنيا
@@iamahmededo222 المشكله انه كان في تيم فيجو ودايما يطلع ينكره وكان صحبه كمان
@@elkomnda_mero مهو لو فيجو كان مشهور قبله او هو اللي اداله فرصة او هو اللي طلعه ماشي، انما لو كانوا كلهم فرقة هو وسادات وعمرو حاحا وكل واحد له دور (واحد تأليف وواحد توزيع، واحد غناء، واحد مشارك في حاجة الخ) يبقى هما كلهم كانوا سبب في نجاح بعض محدش مطلع حد وكلهم اصحاب فضل على بعض، انما لو حد كان مشهور فيهم والتاني فتح له السكة يبقى طبيعي لازم ما ينكرش الجميل، واحد بيدي فرص لناس وما بيغلطش في حد هينكر صاحبه ليه، هو حسب السؤال والرد عليه، هل مثلا عبد الحليم حافظ في كل لقاء هيطلع يقول الاذاعي استاذ حافظ عبد الوهاب هو اللي اكتشفني وخدت منه اللقب؟ ولا ام كلثوم كل لقاء هتقول الشيخ ابو العلا محمد اللي اكتشفني؟ اكيد لأ لكن هيقول لو اتسأل او جت سيرته، ما بالك لو كان ملحن او موزع مش مكتشفه؟
اول لايك و تعليق
مروان موسى فنان حقيقي
الحقلة فيها كلام غلط كتير اوي و خلط للمفاهيم ربنا يهدي بجد
عقل ٥٠ ميزان
مع إحترامي للبرنامج. والضيف. بس الحوار فيه مغالطات كتيره. اولا يعني إيه المهرجان ولاده مصريه وان مصر معملتش قبل كده مزيكا والاجانب بيشجعوا المهرجان مش عشان هما سواد عنين مصر هما اي حاجه يدعموها بتكون مش في صالحنا على فكره ومع إحترامي ليك انا مش بفهم انت بتقول إيه وبعض اغاني المهرجان بتكون إسفاف والفاظ انا محبش اسمعها والالحان بحسها رتم واحد زيها زي اكله الإندومي سريعه بتدي طاقه وتسد فراغ لاكن أضررها كتير .والناس اه بتسمع وبترقص لإخراج طاقتها في فرح في حفله لاكن انا كمصريه وبغير على بلدي محبش ابدا ان مزيكا ذي كده تمثل ذوقنا كمصريين ولا شعب مصر
يا استاذ خالي رقيق ده لنفسك هي مش هتقف عليك هم عملوو عظمه مش اسفاااف خلاص هم بيعبرو عن الجوانه فعلن وبيقلووش اي اسفاف خلاص ارب الفي اسفاف جامد وشتيم وقرف انم المهرجان ده روح حلاه احنا عيشان بس بتوصل بي فرحه مش بي قلت ادب 👍👍تحيتي لي عالم المهرجان علاء فيفتي مالك المزيكا
على فكرة استاذة رحيل، كل فنان بيبدع وبيخترع حاجة جديدة، اتفرجت على لقاء لعبد الوهاب قال انه كان بيسمع للموسيقى الاجنبي وعمل لها تطور واخرج لنا موسيقى على الطريقة الشرقية، وهو نفسه عبد الوهاب كان بيسمع وهو شاب في الجامعة مع اصحابه لسيد درويش على خلسة لان كان غناه عليه اعتراض بس كان حاجة جديدة ويكفي اغنية بوكر مفيس يابو درويس وقتها هوجم لكن بعد كدة بقى استاذ، عبد الحليم نفسه اتهاجم واترمى عليه الطماطم وقالوا له انزل وايه الاسفاف دة، احمد عدوية الدنيا قامت عليه بعدين بقى له احترامه ومدرسته وعبد الحليم نفسه كان معجب بصوته واغانيه حتى لو قال السح الدح امبو، عمرو دياب اتهاجم واتقال عليه لا يطرب وهو موسيقاه فعلا واحدة او قريبه، كل شئ جديد الناس بتشوفه اسفاف وهبوط بالذوق العام، لكن الحقيقة ان الدنيا في تطور والفن بيعبر عن طبيعة ورتم الواقع اللي عايشينه، فيه اغنية لعبد الوهاب اسمها الدنيا سيجارة وكاس واغنية لام كلثوم بتقول فيها هات الكوتيشنة ولاعبني تقرييا حاجة كدة، مش معنى كدة انهم اجرموا، ثانيا الكلمات البذيئة للاسف بقت جزء من ثقافتنا فطبيعي تطلع اغاني كدة لكن هل دة هيكمل؟ اكيد لا ومعظم المشاهير من اغاني المهرجانات غيروا نفسهم للاحسن وما بيقولوش الفاظ بذيئة
@@iamahmededo222حضرتك صح كلامك مع إني محضرتش المرحله دي لاكن سمعت عنها وسمعت بعض الاغاني لاكن حضرتك لما تيجي تقارن الكلام بتاع زمان ودلوقتي بقى اصعب وبقى كلام منحرف والمفروض نتعلم من أخطاء الماضي عشان منكررهاش وممكن نطور موسيقى والحان احلى وجديده بردو من غير إسفاف وياريت تسمع الاغنيه الجديده ، بنلعب أساسي،
@@rahelelzlam5482 اتفق معاكي طبعا في بعض الاغاني اللي فيها الكلام البذئ ودي مش مشهورة وحتى المطربين التزموا وغيروا، هاجموا عمر كمال ويتاع بهوايا لما قال خمور وحشيش مع ان عبد الوهاب قال الدنيا كاس وسيجارة، واكيد مش كاس بيبسي يعني خمور ومحدش هاجمه والكل بيقول عليه احد اعمدة الفن يما فيهم هاني شاكر لكن للاسف بسبب اختلاف ثقافة الشعب بقى يحب الادعاء، زي بالظبط بيهاجموا محمد رمضان ويقول دة بيعلم الشباب الصغير البلطجة مع ان ما هاجموش احمد السقا ولا محمود عبد العزيز في ابراهيم الابيض، مع ان انتصر الشر على الشر في اخر مشهد، بس الناس بقيت مدعية وعنصرية وطبقية بزيادة مش عاجبهم شكل ولا اداء رمضان لانه من منطقة شعبية، استفزوه راح غايظهم اكتر فلوس وعربيات استفزوا اكتر راح مغني اغنية نمبر ون استفزوا اكتر، مع ان اصلا كل اغاني المهرجانات نفس الطريقة انا اللي مفيش مني، نرجع لموضوعنا، الشعب كله بيسمع مهرجانات بما فيهم هاني شاكر نفسه اضطر يصقف لويجز مع ان اغانيه مفهاش طرب ولا صوت بس عشان ولاده بيحبوه وممكن بيكون بيشغل اغانيهم في افراح ولاده، الفن مرآة الواقع ولا ينهض ولا يسوء بالواقع، لو الواقع كويس هتطلع افلام واغاني ومسلسلات كويسة زي زمان، بلاش نتهم الفن بانه سبب بتويظ اخلاقنا اللي بايظة قبل الفن بس احنا بنحب نلوم غيرنا دايما
تحياتي
@@iamahmededo222 حضرتك كلامك يحترم لاكن انا لم اقصد إن الاخلاق لها علاقه بالاغاني . انا مقلتش كده الاخلاق دي بتكون من البيت من الاب والام انا بتكلم عن التلوث السمعي في مهرجانات
احترامي
🔥🔥🔥