PVC و HPL مقارنة بين اخشاب المطابخ بولي لاك و لمي جلوسي مع مهندسة الديكور لميا حسن
Vložit
- čas přidán 18. 11. 2020
- مقارنة بين انواع المطابخ مثل بولي لاك مطابخ بولي لاك و لمي جلوسيمطابخ بولي لاك و لمي جلوسي و اكريليك و PVC و HPL
الفرق بين #مطبخ #بولي_لاك و مطبخ #HPL
أنواع المطابخ
وعرفنا تحمل كل من البولي لاك وHPL للحرارة والرطوبة والخدش.....
وقولنا ان خامه Hpl ف السوق المصري خامه مميزة
وده لانها بتضغط ع خشب كونتر
ولكن بولي لاك بيضغط ع mdf
وعايزة الفرق من الاخر
مع العلم يوجد في السوق hpl لامع ولكن قليل غير متوفر وغالي الثمن جدا #مطابخ
#بولي_لاك
#لامي_جلوس
#kitchen
#polylac
#furnituer - Jak na to + styl
شكرا يا أستاذة عنجد شرح مفصل ودقيق الف شكر متابعينك من لبنان
اولا انت انسانه مهذبه وبتردي علي كل الأسئله وده شئ رائع ثانيا احنا بنخرج من الفيديو بخلاصه احسن شئ ممكن نستعمله وده شئ بيريحنا
شكرا جدا لك وربنا يوفقك يارب
اشكر حضرتك جدا جدا استاذة هاله علي ذوقك وكلامك الجميل
🙏🏼💐
شكرا شكرا لحضرتك فعلا معلومااات كتير مهمة وانا استفدت كتيييير جدا . وبإذن الله هاعمل حسابي في تنفيذ المطبخ . وجزاك الله عنا خيرا مهندسة لميا
شكرا جدا لذوق حضرتك استاذة توتة 🙏🏼💐
ان شاء الله تعملي مطبخ جميل
ما شاء الله شرح ممتاز جزاك الله كل خير
اهلا بحضرتك
وشكرا جدا علي التعليق الجميل 🙏🏼💚
تسلمي مهندسة لمياء حسن
شكرا لحضرتك استاذة هدي
شكرا جزيلا على المعلومات القيمة من فضلك ماهو ال pvc وماهي عيوبه وهل يتحمل الرطوبة ودرجة الحرارة والثقل
شكرا اختي لمياء على مجهودك الاكثر من رائع
الشكر لله استاذ نضال
رأي حضرتك اسعدني جدا
استفدت منك كثير واغلب فيديوهات شاهدتها وعامل لك مشاهدة اولا ، الله يحفظك ويبارك فيك وينفع بعلمك 🤲🏼🌸🌺
ده يشرفني ويسعدني متابعة حضرتك .. واشكرك علي الدعوة الطيبة 🙏🏻💚
معلومات مفيده جدا شكرا لحضرتك ❤️❤️❤️
اهلا استاذة اميرة
شكرا لحضرتك ❤️❤️❤️🙏🏻
شكرا ليك يا باشمهندسه كنت سالتك قبل كده عن المطبخ و نصحتينى اتفرج علي الفيديو ده و بجد ممتاز و عرفنى فعلا اختار المطبخ ازاى و نصائحك هايله تسلمى
اهلا بحضرتك
طيب الحمد لله انه نفع معاكي
ان شاء الله مطبخك يطلع رائع
ممكن اعرف عملتي مطبخك نوعه اي
انا دائما بنصح ب HpL مكبوس علي كونتر جوود وود
شكرا جدا لشرحك السهل المفصل
اهلا بحضرتك استاذ محمد
اشكر لذوق حضرتك
لو سمحتي يا باشمهندسه أنا بشكر حضرتك جدا انت انسانه مخلصه في سرد التفاصيل ربنا يسعد كل ايامك. يا رب بس ليا سؤال بعد اذنك أنا مطبخ عامله بوليلاك الشاسيه اللي جوه كونتر والارفف بيقولي بوليلاك ملزوق علي ام دي اف واعمل وراء المدخنه hpl لاني مختاره لونه اف وايت كله ومداخله ارفف زينه مفتوحه hpl اللون الخشبي فكنت عاوزة احط حاجه وراء المدخنه سهله التنظيف
تحياتى لحضرتك وشكرا على المعلومات المفيده جدا
اهلا بحضرتك
شكرا لمتابعتك
ياريتني كنت شوفت فيديوهاتك من زمان قبل ما اعمل مطبخي فعلا الhpl كمان الوانه أحلي بكتير انا عملته لامي جلوسي الدلف ارو والعلب كونتر بس فعلا كان عاجبني الوان الHPl بس المهندس قالي اللامي جلوسي احلي
ما دام الدرف ارو والعلب كونتر يبقي انتي ما شاء الله عملتي شغل جميل وصح جدا برافو عليكي
واللامي جلوسي بيدي شكل جميل في المطبخ .. ربنا يحفظك ويسعدك فيه يا رب
السلام عليكم شكرا لحضرتك على المعلومات المفيدة جدا حبيت اسال لو المطبخ كونتر قشره ارو علب وخشب عزيزى درف كده كويس ولا درف كونتر .
حبيبتي قلبي الجميلة الله يحسن ما بين إيدك رائعه دائما مش ينفع أعمل هذه الأنواع ولكن على شسيه الامونيوم زىuv والكلادنج
شكرا لذوق حضرتك
مادام هتعملي الومونيوم اعملي كله بالنظام بتاعهم
فيديو مفيد جدا جزاك الله خيرا
اهلا بحضرتك استاذة نسرين
شكرا جدا لذوقك
لو سمحتي تعرفي شركه مطابخ كويسه بتوفر كل المميزات الي قلتيها من HPL و غيره؟
ما شاء الله عليكي ❤❤
اهلا بحضرتك استاذة اسماء
شكرا جدا حبيبة قلبي ❤️🙏🏻
@@InteriorConnection 🌷🌷🙏
مرحبًا
ما هي الطريقه الصحيحة لوضع اسطوانة غاز عند تأسيس المطبخ داخل دجّه او فجوه في الجدار الخارجي ؟ وشكرًا لكم
من فضلك ايه الافضل اللامع الجلاكسى اللى عليه زى فتافيت السكر والا اللامع الساده مع السبب وشكرا جزيلا لحضرتك
انا بشكر حضرتك جدا معلومات قيمة وبمنتهى الامانة . لان الغش فى الاسواق كبير جدا حضرتك كنتى فين من زمان
اهلا استاذة جيهان
شكرا علي ذوقك 🙏🏼💐
بشمهندسة . لسه ال بي في سي سيء في المطابخ ولا في تطوير في الخامة؟؟
وهل البي في سي افضل ولا كلادينج ؟؟ عشان الميزانية محدودة وانا قرب البحر
عزيزتي م / لميا شكرا جزيلا للتوضيح و لاهتمامك بالرد
صراحة من احسن مهندسين الديكور على اليوتيوب من ناحيه الشرح و التوضيح و سهوله ايصال المعلومة جزاك الله خيرا♥️♥️♥️
حبيبة قلبي .. شكرا جدا لحضرتك .. كلامك بجد فرحني جدا جدا ❤️❤️💐
@@InteriorConnection حبيبتي ربنا ينفع بيك دائما 🌹♥️
جزانا وإياكي كل الخير 🙏🏻🙏🏻
السلام عليكم شكرا جزيلا لحضرتك علي معلوماتك القيمه والمفيدة حبيت اسال لو المنزل في منطقه ساحليه عاليه الرطوبة وقريب من البحر الأفضل المطبخ يكون خشب طبيعي ام Hpl
شكرا لذوق حضرتك 💐
الافضل هو ال Hpl لانه خشب طبيعي وهو الكونتر .. ومحمي بطبقة hpl معالجةضد الرطوبة وحجات كتير اخري .. انما الخشب الطبيعي لوحده بيتبهدل بسرعة
كنت رح اسأل نفس السؤال شكرا لحضرتكم فعلا بتعطي الجواب الشافي والكافي
رايك ايه في الالمنيوم للمطبخ
من فضلك عايز اعرف اذاي اسوق لورشتى لشغل المطابخ وشكرا
لو سمحتي انا دلوقتى بعمل مطبخي و بتاع المطابخ قالى هيعملى الوحدات من جوا الوميتال و القشره الخارجيه لامى جلوسي ..هل الكلام ده صح ؟
مشاء الله شكلك فاهم
اهلا بحضرتك استاذ حسن
شكرا لذوقك
جزاكى الله خيرا
جزانا جميعا كل خير استاذ حازم
شكرا ليك جدا جدا استفدت منك كتير بتشطيب بيتي
طيب اية رايك بكونتر توب وود؟
ومفصلات هاني ميكس سوفت كلوز صيني لأنه إيطالي ماكانش متوفر
هو الايطالي مش احسن حاجة .. فالصيني بيكون زيه تقريبا
شكرا لحضرتك مبروك مقدما
رمضان كريم كل عام وحضرتك طيبة🌹 ممكن اعمل رخامة لونها ايه لمطبخ بولي لاك اللون المينت النعانعي بس غير اللون الاسود ارجو الرد🌹🌷🌹🌷🌹🌹🌹
الله اكرم .. وحضرتك بخير 💐💐
ممكن الرمادي او البيج
كورتز او بورسلين لقرصة المطبخ
ياريت لو نشوف انواع الخشب تصوري انواع الخشب
ان شاء الله احاول اعمل فيديو عن اخشاب المطبخ
الف شكر ليكي على فيديوهاتك كلها بجد تحفه. انا عايشه في ألمانيا وبأسس مطبخ حالياً تصحيني بأيه من حيث أفضل الخامات في المطابخ وهل الجزيره الأفضل أحط فيها البوتاجاز أو الحوض
اهلا بحضرتك وشكرا علي كلامك الجميل بجد 💐
البوتاجاز في الجزيرة افضل
لان الحوض الماية في الجزيرة بتبقي محتاجة عناية اكتر منها لو الحوض تحت الشباك
افضل خامة للارضيات البورسلين ال Mat
وللقرصة البورسلين اللامع
والمهم في المطبخ انه يكون كونتر عشان كده بنقول ال HPL المطفي افضل خامة
عني تنصحيني بنوع ايه ومركه ايه من حيث مقومه الرطوبه والحراره و الختش وغسيله سهل والتصاق الزيوت مش قوي عليها ومش مشكله بقي الألوان عادي يعني
مطابخ hpl مكبوسة علي كونتر
جزاك الله خير الجزاء ممكن اعرف افضل انواع المطابخ الالومنتال
شكر لحضرتك ولذوقك 🙏🏼💚💚💚
الحقيقة خبرتي فيه ضعيفة جدا .. بس الخشب افضل
شكرا للشرح الجميل ،،،هل ممكن اعمل الدرف والعلب كونتر وعلية hpl ولا شكلة مش هيبقى حلو ولا نعملة بولي لان افضل؟
كونتر وعليه hpl احسن
هيبقي جميل جدا وعملي
ارجو سرعه الرد ولو فيه اي اقتراح ياريت حضرتك تفيديني
استفدت كتير من الشرح المفيد ..عندي سؤال حابة آخد رأي حضرتك أنا عندي جدران المطبخ سيراميك فضي والرخامة اسود بتنصحيني أي لون لخشب الخزانات
مع العلم انو المطبخ مفتوح على غرفة فيها ستارة لون كرزي مع طقم صوفات خمري وبني
اهلا بحضرتك وشكرا لذوقك
لون الخشب الهادي اللي زي في الصورة بتاعة الفيديو ده
شكرًا جدًا لمجهود حضرتك
ممكن ترشحيلي مكان انفذ فيه مطبخ
اهلا بحضرتك وشكرا لذوقك
للاسف مش عارفة حد اثق فيه
ميرسي لحضرتك جدا على المعلومات والشرح الوافي ..
بعد إذنك كان عندي سؤال عن الفرق بين ال pvc والاكريليك !
الفرق بين الاكريليك والبي في سي جودة لمعان الاكريليك اعلى لمعان من pvc فبيكون مثل المرأه عند النظر الية اما البي في سي بيمون لامع لكن لمعان اقل من الاكريليك ،يتميز البي في سي بالوان متعددة وكثيرة منها الوان سادة والوان مجزعة خشابى والوان مشجرة والوان مرسومة والوان 3D والوان مط خشابى اما الاكريليك يتميز بالالوان السادة والوان مجزعة خشابى وهى مرتفعة فى السعر والاقبال عليها ضعيف بسبب ارتفاع السعر
الفرق بين الاكريليك والبي في سي في الطبقة المكبوسة على سطح الاكريلك والبي في سي، الخامة المكبوسة على الاكريليك 8 ملى اما البي في سي 4 ملى الفرق بين الاكريليك والبي في سي
بشكل عام ال pvc سيء جدا في المطابخ
والاكريلك افضل منه
وشكرا علي المشاهدة
@@InteriorConnection السلام عليكم طيب بالنسبه للأبواب الجاهزه عليها طبقه pvc هل جيده ولا مش عمليه وشكرا لحضرتك
الف شكر لحضرتك والله
اهلا بحضرتك
الشكر لله
شكرا ليكي علي الكلام المشجع
💐💐
حبيبتي إنتي إللي أسلوبك واضح وراقي و مرتب ربنا يوفقك ويفتحها في وشك ويبارك في رزقك وعمرك يا رب 🌹❤️
شكرا لشرحك الجميل استفدت كتير
أنا عندي شقة عاوزة أعمل فيها مطبخ وأفرشها مع لمسات الديكور الأخيرة وعاوزة أتواصل مع حضرتك لو بتشتغلي في كدة أكون سعيدة جدا بالتعامل مع حضرتك
شكرا لذوق حضرتك
اه اكيد انا بعمل خدمة الاستشارة لمدة ساعة بنتكلم سوا فيديو ويساعد حضرتك خلال الساعة دي لو تحبي تفاصيل اكتر لتوصيل معايه خاص
فقط لضيق الوقت - لطلبات الاستشارة والتصميم والتنفيذ والإشراف
ارجو التواصل على الواتساب.
+17136773203
على الإيميل interiorconnectionn@gmail.com
زوروا موقعنا الإلكتروني www.interiorconnection.net
تابعوني علي الانستجرام
- Instagram
instagram.com/interior_connection
شكرا جيدا علي المعلومات. ممكن اعرف ايه احسن material تستحمل المياه و مقاومة للخدش و افضل تنظيف. هل ال good wood هيكون هتين في مطبخ استهلاك عالي
و من نحيت المسامير
اه الجوود وود يستحمل جدا
@@AmiraElNakeebb ويستحمل في المفصلات ك والسامير
الارو كمان كويس جدامع المفصلات بس مش معالج ضد الاحتكاك والمايه
وكده كده العلب نفسها بتبقي كونتر. بس اللي بيختلف هي الدرف
قرات ان الفورميكا هى hpl فهل الكلام دة صح
شكراً يا باشمهندسه على الشرح الرائع جزاكى الله خيراً ،ولكن لو سمحتى عندى سؤال أنا عايزه أعمل مطبخ ولكن محتاره بين المطبخ الخشب الكونتر العادى ولا اعمله hpl أنهوا أحسن ويبقى وقت طويل من غير ما الضلف بتاعته تبوظ يعنى hplبيعيش ولا الضلف بتدمر مع الوقت آسفه للاطاله وارجوا الرد للضروره❤
ممكن تعملى فيديو للمطابخ الضيقه الصغيره جدا
حاضر باذن الله تعالي
فكرة حلوة لفيديو جديد .. شكرا ليكي
بعد إذنك انا شوفت فيديوهات مطابخ للبوليلاك ملزوقة على كونتر جود ود وناس موثوق فيه بس طبعا بيكون سعر المتر أعلى من لما بيتلزق على بى دى اف . فى الحالة ده بيكون البوليلاك افضل ولا hdl ولا الكلادنج
البولي لاك احسن لو شوفتي بعينك انه ملزوق علي كونتر.. يعني قبل ما يحط الشريط حول الدلفة يوريكي الاول
ده معناه ان البولى لاك مش بيتلزق على كونتر صح ..وانه هيلزق على حاجه تانيه وبيقول انها كونتر
صح كلام مظبوط
هل لو هاعمل مطبع hpl
الافضل العلب تكون hpl كونتر ولا علب الوميتال ؟
صاحب المعرض اقترح ان العلب الالوميتال مقاومه اكتر للرطوبه والحشرات
الالوميتال في المطابخ سئ جدا واللي ركبوه بعد فترة بيندموا جدا
لوسمحتي شو يعني خشب كونتر...انا من الأردن يمكن له تسمية مختلفة؟
هو خشب ابلاكاج فوق وتحت وفي النص محشي قطع خشب طبيعي وكلها معرض لضغط عالي
Mdf فى الضلفه المستورد التركى يبقا فيه براده حديد
اكيد في كتير من الخامات والمطابخ الMDF عالية الجودة وبتعيش احسن من الكونتر
لو سمحتي طيب لو الشاسيه كونتر عادي و الضلف pvc علي mdf من فوق, فيه مشكلة ؟ و ال hpl تحت هعمله علي mdf كل ده الضلف
دايما الكونتر احسن مع الوقت
السلام عليكم
هل المطابخ الالوميتال كويسة لأن فيه مهندس شكر فيه وقال إن الخامات التانية منظر بس
لا الالوميتال مش كويسة
لو سمحتي لو عندي مطبخ خشب وعاوزة اعدله من بره اغير ضلفه لاي نوع ؟يعني ينفع الزق اللامي جلاسي ع ضلف خشب ؟
هو اللزق مش عملي .. هما بيدخل مكن كبس بضغط عالي
فالافضل انك تعملي ضرف عند حد بتاع مطابخ
ما شاء الله شرحك ممتاز 🥰
هل ذي ما بيقولو في المطابخ الكونتر افضل من mdf؟
ولا mdf كويس؟
لاني كله بيخوفني من mdf
شكرا جدا لذوقك 🥰🙏🏼
اه هو الافضل ال hpl علي كونتر.. ال mdf مشاكله كتير
الخشب الحبيبي هو الشيبورد ؟
طيب بعد اذن حضرتك ي بشمهندسه مينفعش البوبى لاك يتلزق على الواح كونتر جوود وود. حتى لو شركه ونجار قالى ينفع
علي حد معلوماتي الوحيد اللي بيتكبس علي كونتر هو ال HPL
ولو هيوريكي عينه بالكونتر زي ما بيقول لو صادق قبل ما يكبس الشريط حول الدرفة
يعني لو نختار مطبخ خشب شكله كويس ويعيش اي نوع هو الافضل منهم؟
خشب كونتر مكبوس عليه hpl
شكرا على المعلومات المفيدة بس لو سمحت لو مطبخ اكليرك مضغوط على كونتر هيستحمل المياه؟ خاصة لو الحلل مش بتنشف بشكل ١٠٠% قبل ما أشيلها
شكرا لذوق حضرتك ربنا يبارك فيكي 🙏🏻💐
ال HPL المكبوس علي كونتر بيكون عملي جدا
@@InteriorConnection
شكرا جزيلا لحضرتك 😍
🙏🏼😍
لو سمحت يا باشمهندسة
إيه رأيك في العلب الداخلية للمطبخ هتكون كونتر أبيض ملزوق عليهpvc
كويس اوي
شكرا لذوقك واهتمامك بالرد
من فضلك يا بشمهندسه.. ينفع ال pvc يستخدم لغرف النوم؟؟ ولا مش هيبقى عملى؟؟ وممكن برده الhpl يستخدم لغرف النوم؟؟ وعملى ولا الاحسن الاخشاب الطبيعيه؟؟
احسن من البي في سي هو ال hpl
لو الاسطح flat تماما هيبقي احلي كتير
Perfect
حبيبتي شكرا
💐💐
طب ايه أفضل انواع المطابخ الخشب اللي تنفع لمطبخ كلاسيك علي الاطلااااااق من وجهة نظر حضرتك يا بشمهندسة وشكرا❤️
اهلا بحضرتك ❤️
افضل الانواع للكلاسيكيات هو الارو لو فيه حليات ومعاه الكونتر الارو للعلب والدرف
الارو افضل كتير من الزان
متشكرة جدا جدا لاهتمام حضرتك واجابتك على سؤالي♥️
@@mariamelsebae7726 الشكر لله .. اسالي زي ما تحبي 💐
نستعمل مطبخ الألمنيوم يعني ميشلان او الخشب ايهما الاحسن
الخشب افضل كتير
عايزه اعمل دولاب حمام ابيض لميع خايفه اعمل كونتر وعليه hpl لان الناس خوفتني من ظهور تجزيعه الخشب تحت القشره وعايزه خشب طبيعي اعمل ايه
بصي اسهل حاجة هاتي وحدة يكون سعرها غالي شوية من ايكيا هما خشبهم معالج بما فيه الكفايه بس الوحدات الرخيصة مش هتستحمل
وكمان هيبقي سهل تركيبها ومقاساتهم كتير
بس المهم انتي تكوني عارفة المقاس بالضبط طول وعمق وارتفاع
بصراحه انا شوفت فيديو حضرتك عن المطابخ انبهرت فعلا افادني كتير وجه في وقته ربنا يباركلك انا اصبحت متابعه جيده لجميع فيديوهاتك ...انا كنت عاوزه اصمم مطبخي ورحت اكتر من مكان محتاره ايه المقاييس اللي اختار علي اساسها المكان اللي اصمم عنده ؟
اهلا بحضرتك استاذة سامية
شكرا جدا جدا لمتابعتك للفيديوهات
ان شاء الله تتوفقي ويبقي اجمل مطبخ
لو سمحتي هل الmdf الماني للدرف اختيار جيد؟ وينفع السكلو يكون كونتر ولا افضل يكون ارجل ووزره ؟
من فضلك اتأكد ازاي انه بولى لاك على كونتر؟
شرح وافي...تسلمي. كنت عاوز اعرف هل الجودوود احسن ولا الكونتر الطبقات الفنلندي....لأن المهندس بيقول لي الفنلندي احسن و يتدهن دوكو....فرأي حضرتك ايه. وشكراً
شكرا لحضرتك دكتور شريف
الدوكو دهان سئ لانه بيتجرح وبيقشر وعلاجه شبه مستحيل
افضل حاجة الجوود وود ومكبوس عليه HPl
شكراً لحضرتك سرعة الاستجابة. يعني بعيدا عن الدهان الي خلاص مش هعمله....الكونتر سدايب من جودوود احسن من كونتر الفنلندي الطبقات؟
الحقيقة انا جربت الجوود وود وما اعرفش الفنلندي
ربنا يبارك في حضرتك
كنتى مصوره من مخزن الكوارتز والبرسلين والجرانيت فين المخزن ده
هو مش في مصر
شكرا لحضرتك ربنا يبارك فيكي
طيب لو سمحتى انا عندى مطبخ قديم علبه كونتر وانا هاغير الضلف الخارجية واكمل عليه وهاعملها كونتر النجار عاوز يعمل pvc وبيقولى ان البولى لاك بييجي الواح جاهزة وبتبقي mdf وهل ال pvc افضل واغلي لانه قالي المتر منه ٣٠٠٠
هو الوحيد اللي بيتكبس علي كونتر هو ال hpl
السعر اقل شوية من كده
السلام عليكم يا بشمهندسه أنا يهمني راي حضرتك جدا هل الخشبhpajعلي كونتر يكون كويس في ضرف المطبخ أو وشه ولا احسن يكون علي ام دي اف لأن مصمم المطبخ بيقولي احس أن يكون الصرف أو الوش بتاع المطبخ يكون ام دي اف والله وانا يهمني راي حضرتك جدا لان الموضوع ده محتاره فيه جدا وعلى فكره كل فيديو هات حضرتك مفيده جدا
ج
عليكم السلام .. شكرا لذوقك جدا .. الكونتر طبعا هو اللي احسن ده خشب وقوليلوا كونتر جودوود good wood.. طبعا كلامه مش حقيقي الام دي اف مشاكله كبيرة جدا مع المايه .. والاهم مع المفصلات سيئ جدا
عفوا على المداخلة. ممكن سؤال . لو هركب مفصلات محترمة زي بلوم . وتكون بفيشر او socket. مش مسمار مباشر... اكون اتغلبت على مشكلة الMDF
لا حضرتك مش حل نهائي ده
@@InteriorConnection تمام . شكرا لحضرتك
شكرا جدا على المعلومات القيمه دى
كنت عايزه أسأل حضرتك hplبيكون لامع ولا مط ولا موجود الاتنين
شكرا لذوق حضرتك 🙏🏻💐
فيه الاتنين
لو سمحتي عندي سؤال مهم جدا ليه يارب حضرتك تفديني ..اني عندي صاله ٤في ٥ تقريبا ومن الجانين الحائط اليمين والشمال كل واحد في عمود وعايزة اعمل ركنه..فهل اعمل ركنه حرف lطويله ويكون امام العمود علشان مضيقش الصاله ولا اعمله نظام كنبه في كل جانب
اهلا بحضرتك
هو موضوع كنب كتير مش هيبقي شكله حلو
فركنة احسن وده طبعا علي حسب اماكن الحركة في الغرفة
اشكرك جدا..انا سعيدة جدا برد حضرتك لانك حسمتي ليه جدل وحيرة كانوا عندي ..ربنا يسعدك يارب انتي وأسرتك وتشوفي قناتك من اكبر القنوات زي ما بتفدينا..
@@InteriorConnection سؤال تاني بعد اذنك زوجي عايز يعمل الركنه من ثلاث جوانب زي حرف يو.وان كنبه الركنه تدخل في العمود يعني الكنبه تدخل في الحيطه وتيجي عند العمود تبقي برزة شويه..وانا بقول لو عملت الركنه اعمل حرف ال..وتعدي العمود من برةو هيكون فراغ ما بين الركنه والحيطة..انا اسفه اني اثقلت عليكي بس ياريت تنصحيني ايه الافضل فيهم...
لو هعمل hpl اي الحاجات اللي اخد بالي منها بعد اذنك وهل هو احسن ولا الخشامنيوم ولا الكلادينج🤔
هو احسن منهم
شكرا جزيلا استاذه لميا 🌹🌿 اذا ممكن اتجاوبيني شنو افضل الكاونترات الالمنيوم من الداخل والابواب hdf لو الكاونترات الي بالداخل hdf والابواب hdf ايضا او الداخل بلايود
اهلا وسهلا بحضرتك
الافضل الكونتر دائما
وأسوأ شئ انك تعملي الوحدة نفسها Hdf
واحسن حاجة انك تشتغلي العاب والدرف كله كونتر
سويتي مطبخج من شنو..يامادة..
@@user-zp6tx2dt3t
داخل المنيوم والابواب hdf لكن ما انصح بي سوي كله خشب افضل
لو سمحتي المطبخ البويه فرن افضل ولا البولي لاك ولا pvc
البولي لاك .. البوية كلها بتفصل حتي لو فرن مع الوقت
لو سمحتي .. انا هعمل مطبخي خشب كونتر طبقات فلندي .. كنت عايزة اعرف الضلف من برا اعملها دوكو فرن ولا pvc .. و من جوا عايزة احط اكليريك ابيض ناعم ضد الخدش
الدوكو بيقشر ووحش جدا في المطبخ
PVC افضل بس ما يكونش سادة لانه بيبقع
بس انصح انك تعملي HPL مكبوس علي كونتر جوود وود ده افضل حاجة سواء الوحدة نفسها او الدرف
لو سمحت انا عايزه اعمل درج ملابس الراجل قال حيعمله hpl كويس
اه كويس بس يكون HPL علي كونتر
انا اخترت العلب الداخلية جودوود والمهندس اداني كرتلة اركوبا اختار منها الشكل الخارجي
فممكن افهم كده نوع مطبخي ايه؟
شكرا لحضرتك مقدما
انا بحب حضرتك جدا صوتك هادي وأسلوب حضرتك بسيط وما شاء الله فاهمة شغلك كويس ❤️❤️
حبيبة قلبي ربنا يبارك فيكي ده من ذوقك ❤️❤️
هي اركوبا تبع ايجيبت وود .. المهم اكدي عليه ان العلب والدرف يكونوا جوود وود
السلام عليكم شكرا جدا لحضرتك عايزه نصيحه حضرتك لو قدامي اعمل مطبخ من الخشب الطبيعي او مطبخ من خامه Pvc من شركه AGTلانه الوحيد المتوفر في مكاني تنصحيني اختار ايه منهم وشكرا جدا لحضرتك
عليكم السلام استاذة وسام
كلك ذوق 🙏🏼💐
حضرتك مكانك فين انا بعمل المطابخ لاي مكان في القاهرة
الافضل كده خشب طبيعي
انما بشكل عام الكونتر وعليه HPL كبس افضل لان دهان الخشب الطبيعي بيتبهدل مع الوقت
@@InteriorConnection للاسف انا منطقه بعيده جدا عن القاهره حتي الشحن ليها في صعوبه جدا شكرا لحضرتك جدا علي المعلومات والاستفاده من نصايح حضرتك اكيد هعمل بيها باذن الله
لو سمحتي لو عملت المطبخ العلب خشب كونتر ولسه مجبتش الدرف ولا دهنت اعمل ايه ؟؟
اعمليها كونتر مكبوس عليه hpl
ممكن حضرتك تتكلمي عن مطبخ كونتر مدهون دوكوفرن عملي ولا لا هو احسن ولا الاتش بي ال
ال hpl علي كونتر في العلب والدرق احسن كتير من الدوكو
لان الدوكو بيقشر
@@InteriorConnection شكرا جدا على ردك ♥️ ماكنتش متوقعه ان حضرتك هتردي بصراحه خصوصا ان الفيديو قديم 🙈🙈
طب هطمع في سؤال تاني 😅 لو هعمل لون فاتح مط في الاتش بي ال زي الابيض هيبقى سهل التنضيف ؟بردو ؟
😂😂 انا بحاول اتابع الرسايل علي قد ما اقدر
اه سهل جدا جدا
معنى كلامك ان افضل نوع HPL فى المطابخ يعنى يتحمل الحراره والماء بدرجه عاليه وهل فيه طريقه اعرف ان المطبخ اللى امامى HPL
اه فعلا هو في الافضل
صعب تعرفيه الا اذا كنتي تقدري تشوفيه قبل ما يكبس الاحرف بتاعته
يوجد غرف نوم وسفره من الhpl هل هذه الغرف جيده ام انها غير متينه ارجو الافاده بعد اذن حضرتك وشكرا
هو معظم اللي موجود بيكون hpl مكبوس علي mdf
هو كويس بس عايز حرص في الاستعمال
اعرف ازاي ان خشب الأتش بي ال مش مضروب.. شكرا للرد
دي مسألة ضمير من المعرض
انت بتفضليmdf او الخشب الاحمر؟
كونتر وعليه طبقة hpl
سلام عليكم ورحمة الله وبركاته كنت عايزة اسال حضرتك ياباشمهندسه ايهما افضلHplولا polylac ارجو نصيحة حضرتك
Hpl احسن فقط لانه بيتكبس علي كونتر
انما خامة اللامي جلوسي نفسها احسن بس بتتكبس علي mdf .. بالنسبة ليه ال HPL افضل لو مكبوس علي كونتر
جزاك الله خيرا .يااحلى باشمهندسه
@@ThefathersRule جزانا واياكي يا احلي متابعة 😘
يعنى ايه mdf ويعنى ايه كونتر ايه الفرق؟
ام دي اف دي بواقي الخشب وكرتون مفروم و بعيدين بيتكبس بضغط عالي جدا ويبقي الواح تسمي خشب ال mdf
الله ينور عليكي فالتوضيح يا باشمهندسة . انا من الاسكندرية . حضرتك ليكي شغل فالاسكندرية
اهلا بحضرتك
لا للاسف مش بشتغل في الاسكندرية
لو عملت مطبخ كونتر قشرة ارو للدرفة دهان دوكو كويس ولا hpl افضل
الhpl افضل بس يكون متصنع صح والقواشيط مكبوسة صح
@@InteriorConnection شكرا لحضرتك ❤❤
عيوني 🙏🏻💐
طب رأيك حضرتك في المطابخ الالوميتال والكلادينج ايه ؟
اهلا استاذة ايمان
المطابخ الخشب افضل بكتير واشيك بكتير
طب راى حضرتك فى العلب الالمنيوم
المطبخ الخشب عملي اكتر من الالومنيوم
لو سمحتى مطبخ hpl اوف وايت ايه افضل قرصه للمطبخ عليه وتكون جرانيت غير الاسود
ويا ريت نوعها
ولو هعمل وحده للحمام تحت الحوض افضل نوع ايه لانى متخوفه جدا من الخشب بكل انواعه
معظم الجرانيت رمادي في اسود
الجرانيت او الرخام الاسود ممتاز وهيليق علي الاوف وايت
يكون hpl علي كونتر
واهم حاجة انه يكون معلق يعني ما يلمسش الارض
يا بشمهندسه لميا حضرتك متكلمتيش عن الاكريلك خالص وهو من افضلهم وشكراً لحضرتك
حاضر باذن الله احاول اتكلم عنه
شكرا لحضرتك
ايه رأي حضرتك في كونتر أرو معالج ضد الماية ؟!
حلو اكيد .. بس القشرة ال HPL بتبقي معالجة اكتر المايه والحرارة والاحتكاك
@@InteriorConnection متشكرة جدا لحضرتك.
الشكر لله 🙏🏼💐
لو سمحتي لو هعمل مطبخ الوميتال عاجبني الخشمونيوم أو اعمل نص المطبخ تحت لون خشبي hpl أو كلادينيج مع النص اللي فوق بولي لاك
أي رأيك حضرتك والمفروض الوحدات تتقفل ازاي كخامات
اهلا بحضرتك
الافضل حضرتك استخدام نفس نوع الخشب في الشرف السفلية والعلوية
وال hpl اختيار هايل جدا
@@InteriorConnection طب من فضلك المطبخ الخشب أفضل ولا الوميتال اللى معمول بطبقه hpl
الخشب حلو وكل حاجه بس وحش في الرطوبه والحشرات
انا محتارة اصلا بين مطبخ كلاسيك وبين مطبخ مودرن
لو كلاسيك الخشمونيوم الاحسن صح
@@pinkrose1764 المطبخ اهم حاجة فيه انه يكون سهل التنظيف والدرف بتاعته الافضل تكون سادة وبدون تفاصيل ومعالجة ضد الخدش والاحتكاك وكل ده موموجود في المودرن وال hpl
اي رأي حضرتك ف مطبخ من فوق بولي لاك ع كونتر hpl ومن تحت hpl
خليه كله زي بعض افضل
@@InteriorConnection يعني اعمله بولي لاك ولا hpl
HPL علي كونتر جوود وود
عندي سؤال شو احسن PVC من الداخل و الخارج
او mdf
البي في سي طبقة رفيعة جدا بتتكبس فوق ال mdf
وال mdf مش احسن حاجة للمطبخ لانه خشب مصنع مفروم وبيشرب المايه وبيبقي مش عملي مع المفصلات والمسامير
يعني لو راحة اعمل مطبخي يابشمهندسه اقول عاوزه المطبخ hpl مكبوس ع كونتر اقول كدا بالظبط وهيفهمني يعني؟
اه هيفهم ان شاء الله .. اهم حاجة ان الكونتر يكون نوع جيد واحسن كونتر هو ال جود وود good wood
بالتوفيق ان شاء الله
تتضيف ال hpl بيكون صعب؟
لا خالص .. هو زي الفورومايكا تنظيفه سهل جدا
طيب اجيب منين الواح كونتر عليه طبقه hpl من فضلك؟
دي عند معارض بيع وتفصيل المطابخ
اسألهم عن النوع ده
السلام عليكم ورحمة الله وبركاته لو سمحت كنت عاوزة عاوزة اعمل مطبخ مترين من تحت ومتربن من فوق تكلفته متزيدش عن ٨٠٠٠ تنصحيني بانهي نوع وكمان يكون بيستحمل وعملي علشان يوجد اطفال وكمان مش هاعمل فيه اي اكسسورات ولا مطبقية ودا صافي من غير بوتجاز او حوض
الخشب الكونتر بيستحمل جدا
التكلفة انا للاسف ما عنديش فكرة عن الاسعار