السيد ابراهيم وزهور القراءن- ليس كما صورته السوشيال ميديا النجم العالمي عمر الشريف - ملخص

السيد ابراهيم وزهور القراءن ليس كما صورته السوشيال ميديا الفيلم الذي اثار ضجه بين يهود أوربا فيلم للنجم العالمى عمر الشريف عن شاب يهودى عايش مع والده الشخص اليهودى العابس دائما لدرجه ان زوجته هجرته ومشيت وسابتله الولد موسى اللى كانو اهل الحى بينادوه مومو كان قدام البيت محل لشخص مسلم من اصول تركيه اسمه ابراهيم . موسى كان عندة مشكله مع والده اللى كان دايما بينتقضه ومش فاهمه كان بيروح دكان السيد ابراهيم يجيب طلبات البيت بالفلوس القليله اللى والده بيسيبهاله وكان بيسرق اكل لنفسه وكان بيقول عادى لما اسرق من شخص عربي وكأنها ذريعه للسرقه لكن السيد ابراهيم كان عارف انه بيسرق لكن مصارحوش بس قاله على فكرة يا مومو انا مش عربى انا من الهلال الذهبى منطقه بين تركيا وايران الولد استغرب انه سمعه وفضل مومو يتردد على دكان السيد ابراهيم ويسرق منه الاكل لاحظ مومو ان السيد ابراهيم مبتسم دائما وعنده حل لكل المشكلات اللى بتواجه مومو باسلوب بسيط جدا وبداء يتردد على الدكان ويقعد مع السيد ابراهيم ويسأله عرف كل الحاجات دى منين كان بيقوله انا اعرف ما فى قرأنى . الفيلم مختلف تماما عن المنشورات اللى نزلت على مواقع التواصل الاجتماعى من ان الولد اليهودى كان بيسرق باكو شيكولاته وفى يوم نسى ابراهيم فكره وكان كل اما تواجهه مشكله يفتحو المصحف ويلاقو حل للمشكله لحد ما الولد اسلم وبقى داعيه اسلامى كبير فى افريقيا واسمه جاد القرأنى . الفيلم بعيد تماما عن القصه دى وان كان بيبرز جوانب هايله جدا من الدين الاسلامى وواضح ان مؤلف الروايه منحاز للاسلام عن اليهوديه بشكل كبير . الفيلم مليىء بالاسقاطات الهامه اللى منها على سبيل المثال لما قال لمومو انك محتاج حذاء جديد طالما الحذاء بتاعك بيؤلمك غيره فى اشاره الى تغير معتقده اليهودى طالما مش لاقى فيه راحته وغيرها من المواقف الجميله اللى بتبين العلاقه بين السيد ابراهيم الكبير فى السن والولد الصغير مومو