على فكرة كل العربيات التجميع الجنوب أفريقي الفيتيس بتاعها يابانى زى ما كل مكونات العربية يابانى ١٠٠ % ... الفرق فقط في بلد التجميع و هى جمهورية جنوب افريقيا و ليست امبراطورية اليابان ... موديلات ٢٠٠٨ و ٢٠٠٩ بتنزل بالفيتيس ال ... EASYTRONIC ... المعروف بالفيتيس ال ... MMT ... و هو اختصار ل ... MULTI MODE TRANSMISSION ... لانه يمكن تعديله من النظام المنيوال بدون دبرياج لنظام المنيوال فقط و بيكون ده عن طريق تغيير وضع عصاية الفتيس على ال + أو - و تغيير السرعات بالزيادة أو النقصان ... أو عن طريق ذراعات الشيفت اللي وراء الدركسيون اللي بتكون للزيادة أو النقصان لزوم اختيار ترس السرعة بال + أو بال - ... بالنسبة لموديل ٢٠١٠ فهذا الموديل منزلش منه إلا الفتيس الاوتوماتيك الصريح فقط ... يا رب الناس تكون فهمت علشان أنا تعبت من الشرح كل شوية في الكومنتات و التعليقات لأن الناس فاكرة أن الفيتس الاوتوماتيك ده صناعة يابانى و الفتيس ال MMT ده صناعة جنوب افريقي أو متصنع مثلا تحت بير السلم في جمهوريات الموز ... و لذلك أنا باستغرب جدا لما يكتب و يقول عربية كورولا موديل سنة كذا بفيتيس يابانى ... ليه هو في أى عربية كورولا صنعتها شركة تويوتا من يوم ما تم تأسيسها سنة ١٩٦٦ كان الفيتيس بتاعها صناعة غير يابانى ... هل تفتكر معاليك إن شركة عملاقة زى شركة تويوتا ح تضحى بإسمها و سمعتها اللي على أساسها حازت على شعار ... "السيارة الأكثر مبيعا في العالم" ... لإنها السيارة الأكثر اعتمادية في العالم لانها السيارة النادرة الأعطال ذات الزيرو تكلفة صيانة و إصلاح لو قارناها بمثيلاتها من السيارات ذات الماركات العالمية ... ح تضحى بإسمها و سمعتها علشان توفر في صناعة جزء أساسي في أهم موديلاتها و هى ال كورولا و هو صندوق التروس أو الجيربوس ؟ المشكلة مش في تويوتا على اد ما هى المشكلة في السوق المصرى الذى لا يقبل اى جديد و خصوصا تجار قطع الغيار اللي بيحاربوا كل سيارة جديدة بتنزل و فيها حاجة غريبة مش فهمينها و مش ح يعرفوا ينافسوا بها التوكيل في الصيانة و الإصلاح زى الفيتيس ال MMT ... و لذلك هم حاربوا السيارة من أول يوم نزلت فيه السوق المصرية سنة ٢٠٠٨ لدرجة انى أعرف ناس باعوا عربياتهم ب ٤٠ و ٥٠ الف بعد سنة أو سنتين خوفا من كلام التجار بعدما كانوا دافعين فيها ع الزيرو ١٦٠ ألف جنيه في فئة ال هاي لاين زي العبد لله ... بس علشان أنا أثق في شركة تويوتا ثقة قوية احتفظت بالعربية حتى اليوم و لله الحمد ماشية معايا زي الفل و معملتش فيها اى حاجة خالص في الفيتيس و زى ما هو بتقفيلة الفابريكا لليوم و العربية داخلة على ال ١٥٠ الف كيلومتر مع العلم انى أعمل جميع أعمال الصيانة في التوكيل و ما هى إلا الصيانة الإعتيادية فقط كل ١٠ آلاف كيلومتر من تغيير زيت الموتور و الفلتر و تربيط العفشة و خلافه و ماشي تبع جدول الصيانة من تغيير مجموعة السيور و الفلاتر الاخري و السوائل مثل مياة الرادياتير و زيت الجيربوكس و خلافه ... و زي ما توقعت مع نزول الشكل الجديد لموديل ال كورولا في النصف الثانى من سنة ٢٠٢٠ ... كل الناس ح تبدأ تبحث عن موديلات الجنوب أفريقي لانها الأفضل و الأمتن و الأنظف من حيث التجميع و التقفيل و الكماليات و وسع و رحابة الصالون و الشنطة الخلفية لو تم مقارنتها بالشكل الجديد موديل ٢٠٢٠ لغاية النهاردة و اللي سعره وصل النهاردة ل مليون و ٦٠٠ ألف جنيه أى ١٠ اضعاف سعر الكورولا ٢٠٠٨ ال هاى لاين و مش بنفس المزايا و كمية الكماليات ... صغروا حجمه و بقي زي حجم ال كورولا موديل ١٩٩٨ و تلاقي نفسك راكب في الأمام الزجاج الامامى كابس على دماغك و لو ركبت بالخلف و كنت طويل القمة تلاقي ركب رجليك لازقة في الكرسي الامامى و السقف لازق في دماغك ده غير الشنطة اللي صغرت و العربية اللي بقت منخفضة على الارض في بلد أغلب شوارعها مكسرة و فيها مطبات طبيعية و مقبات صناعية ... بالمقارنه بال كورولا ال جنوب افريقي اللي عفشتها رياضية و مصفحة من أسفل بالكامل ... و غير أن موتورها ال ١٦٠٠ سي سي بيعطى ١٤٢ حصان على النظام الرياضى ال Es عند ٦٥٠٠ لفة موتور على ال RPM ... أرجوا أن هذا الكلام يقرأه و يفهمه كل ملاك تويوتا كورولا ال جنوب افريقي علشان يعرفوا قيمة سياراتهم و يحافظوا عليها و ميفكروش يبيعوها إلا في حالة المضطر فقط لانها سيارت لا يمكن تعويضها بعدما بقى سعر اغلب السيارت الجديدة ع الزيرو فوق المليون جنيه و متستاهلش هذا السعر أبدا لو قارناها بالموديلات القديمة اللي كانت و لا تزال أكثر قوة و متانة و اعتمادية و أقل تكلفة في الصيانة و الإصلاحات و تكسب مالكها عند إعادة البيع ... أنا لا ضمن ملاك شركة تويوتا و لا لى مصلحة مع حد و لا تاجر و لا فنى و لا غيره ... أنا فقط مالك لسيارة عارف قيمتها كويس و حبيت أنصح الناس سواء إللي مش عارفين قيمة سياراتهم أو اللي اشتروا سيارات مستعملة و لسه مش فاهمين قيمتها الحقيقية و ممكن يكونوا فريسة لأى شخص أو مركز خدمة عديم الضمير يستغل جهلهم لمصلحته ... اللهم أنى قد بلغت اللهم فاشهد.
لا حضرتك عربيتي تويوتا 2008 ياباني اولا الفرامل ممتازه ممتازه ممتازه بقول كده عشان هي عربيتي لا انا كنت ماشي على 60 وحرفيا المطب قدامي دوست فرامل نص دوسه وقفتني
على فكرة كل العربيات التجميع الجنوب أفريقي الفيتيس بتاعها يابانى زى ما كل مكونات العربية يابانى ١٠٠ % ...
الفرق فقط في بلد التجميع و هى جمهورية جنوب افريقيا و ليست امبراطورية اليابان ...
موديلات ٢٠٠٨ و ٢٠٠٩ بتنزل بالفيتيس ال ...
EASYTRONIC ...
المعروف بالفيتيس ال ...
MMT ...
و هو اختصار ل ...
MULTI MODE TRANSMISSION ...
لانه يمكن تعديله من النظام المنيوال بدون دبرياج لنظام المنيوال فقط و بيكون ده عن طريق تغيير وضع عصاية الفتيس على ال + أو - و تغيير السرعات بالزيادة أو النقصان ...
أو عن طريق ذراعات الشيفت اللي وراء الدركسيون اللي بتكون للزيادة أو النقصان لزوم اختيار ترس السرعة بال + أو بال - ...
بالنسبة لموديل ٢٠١٠ فهذا الموديل منزلش منه إلا الفتيس الاوتوماتيك الصريح فقط ...
يا رب الناس تكون فهمت علشان أنا تعبت من الشرح كل شوية في الكومنتات و التعليقات لأن الناس فاكرة أن الفيتس الاوتوماتيك ده صناعة يابانى و الفتيس ال MMT ده صناعة جنوب افريقي أو متصنع مثلا تحت بير السلم في جمهوريات الموز ...
و لذلك أنا باستغرب جدا لما يكتب و يقول عربية كورولا موديل سنة كذا بفيتيس يابانى ...
ليه هو في أى عربية كورولا صنعتها شركة تويوتا من يوم ما تم تأسيسها سنة ١٩٦٦ كان الفيتيس بتاعها صناعة غير يابانى ...
هل تفتكر معاليك إن شركة عملاقة زى شركة تويوتا ح تضحى بإسمها و سمعتها اللي على أساسها حازت على شعار ...
"السيارة الأكثر مبيعا في العالم" ...
لإنها السيارة الأكثر اعتمادية في العالم لانها السيارة النادرة الأعطال ذات الزيرو تكلفة صيانة و إصلاح لو قارناها بمثيلاتها من السيارات ذات الماركات العالمية ...
ح تضحى بإسمها و سمعتها علشان توفر في صناعة جزء أساسي في أهم موديلاتها و هى ال كورولا و هو صندوق التروس أو الجيربوس ؟
المشكلة مش في تويوتا على اد ما هى المشكلة في السوق المصرى الذى لا يقبل اى جديد و خصوصا تجار قطع الغيار اللي بيحاربوا كل سيارة جديدة بتنزل و فيها حاجة غريبة مش فهمينها و مش ح يعرفوا ينافسوا بها التوكيل في الصيانة و الإصلاح زى الفيتيس ال MMT ...
و لذلك هم حاربوا السيارة من أول يوم نزلت فيه السوق المصرية سنة ٢٠٠٨ لدرجة انى أعرف ناس باعوا عربياتهم ب ٤٠ و ٥٠ الف بعد سنة أو سنتين خوفا من كلام التجار بعدما كانوا دافعين فيها ع الزيرو ١٦٠ ألف جنيه في فئة ال هاي لاين زي العبد لله ...
بس علشان أنا أثق في شركة تويوتا ثقة قوية احتفظت بالعربية حتى اليوم و لله الحمد ماشية معايا زي الفل و معملتش فيها اى حاجة خالص في الفيتيس و زى ما هو بتقفيلة الفابريكا لليوم و العربية داخلة على ال ١٥٠ الف كيلومتر مع العلم انى أعمل جميع أعمال الصيانة في التوكيل و ما هى إلا الصيانة الإعتيادية فقط كل ١٠ آلاف كيلومتر من تغيير زيت الموتور و الفلتر و تربيط العفشة و خلافه و ماشي تبع جدول الصيانة من تغيير مجموعة السيور و الفلاتر الاخري و السوائل مثل مياة الرادياتير و زيت الجيربوكس و خلافه ...
و زي ما توقعت مع نزول الشكل الجديد لموديل ال كورولا في النصف الثانى من سنة ٢٠٢٠ ...
كل الناس ح تبدأ تبحث عن موديلات الجنوب أفريقي لانها الأفضل و الأمتن و الأنظف من حيث التجميع و التقفيل و الكماليات و وسع و رحابة الصالون و الشنطة الخلفية لو تم مقارنتها بالشكل الجديد موديل ٢٠٢٠ لغاية النهاردة و اللي سعره وصل النهاردة ل مليون و ٦٠٠ ألف جنيه أى ١٠ اضعاف سعر الكورولا ٢٠٠٨ ال هاى لاين و مش بنفس المزايا و كمية الكماليات ...
صغروا حجمه و بقي زي حجم ال كورولا موديل ١٩٩٨ و تلاقي نفسك راكب في الأمام الزجاج الامامى كابس على دماغك و لو ركبت بالخلف و كنت طويل القمة تلاقي ركب رجليك لازقة في الكرسي الامامى و السقف لازق في دماغك ده غير الشنطة اللي صغرت و العربية اللي بقت منخفضة على الارض في بلد أغلب شوارعها مكسرة و فيها مطبات طبيعية و مقبات صناعية ...
بالمقارنه بال كورولا ال جنوب افريقي اللي عفشتها رياضية و مصفحة من أسفل بالكامل ...
و غير أن موتورها ال ١٦٠٠ سي سي بيعطى ١٤٢ حصان على النظام الرياضى ال Es عند ٦٥٠٠ لفة موتور على ال RPM ...
أرجوا أن هذا الكلام يقرأه و يفهمه كل ملاك تويوتا كورولا ال جنوب افريقي علشان يعرفوا قيمة سياراتهم و يحافظوا عليها و ميفكروش يبيعوها إلا في حالة المضطر فقط لانها سيارت لا يمكن تعويضها بعدما بقى سعر اغلب السيارت الجديدة ع الزيرو فوق المليون جنيه و متستاهلش هذا السعر أبدا لو قارناها بالموديلات القديمة اللي كانت و لا تزال أكثر قوة و متانة و اعتمادية و أقل تكلفة في الصيانة و الإصلاحات و تكسب مالكها عند إعادة البيع ...
أنا لا ضمن ملاك شركة تويوتا و لا لى مصلحة مع حد و لا تاجر و لا فنى و لا غيره ...
أنا فقط مالك لسيارة عارف قيمتها كويس و حبيت أنصح الناس سواء إللي مش عارفين قيمة سياراتهم أو اللي اشتروا سيارات مستعملة و لسه مش فاهمين قيمتها الحقيقية و ممكن يكونوا فريسة لأى شخص أو مركز خدمة عديم الضمير يستغل جهلهم لمصلحته ...
اللهم أنى قد بلغت اللهم فاشهد.
لا حضرتك عربيتي تويوتا 2008 ياباني اولا الفرامل ممتازه ممتازه ممتازه بقول كده عشان هي عربيتي لا انا كنت ماشي على 60 وحرفيا المطب قدامي دوست فرامل نص دوسه وقفتني