٨ قواعد بيفرضهم عليكي النرجسي لازم ترفضيهم. .... كوثر سند
Vložit
- čas přidán 9. 09. 2024
- ٨ قواعد النرجسي بيحطهم لك من غير مايقولهم هو بيفهمهم لك بتصرفاته ومعاملته وتلاعبه وانتي المفروض ترفضيهم من اول يوم ولو مكنتيش رفضتيهم ارفضيهم دلوقتي لانك لو مرفضتيهمش حتفقدي نفسك
١- لما تختلفي مع النرجسي لازم تشرحي له وتبرري له مشاعرك ودة معناه انك تبرري نفسك يعني تبرري انتي ليه طبعك كدة او انتي ليه طيبة او انتي ليه ذكية او انتي ليه معطاءة ، دي حاجات مش بتتبرر محدش بيبرر نفسه ولا افكاره ولا مشاعره ، للاسف هو بيوصل لك انك مطالبة انك تبرري كونك نفسك ، المفروض تبطلي دة ويكون ردك انا حاسة بكدة عشان الطبيعي اني احس كدة وتقطمي الكلام ، او عشان انا دة ودي مشاعري او دي افكاري وبس برضه تقطمي الكلام
٢- انتي لازم تخافي مني ، طبعا نجح فيها نجاح ساحق مع انه ممكن ميكنش بيعمل غضب نرجسي اصلا او مثلا حصل معاكي مرة او اتنين ، وممكن ميكنش بيعمل صمت عقابي طويل لكن مخليكي ماشية على قشر بيض وفعلا عايشة في رعب ، ليه لانك خايفة تفقديه لانه حسسك انه عادي يسيبك ويجيب غيرك هو كلام بيقوله بمنتهى الهدوء وممكن يقوله وانتي في حضنه وقاعد يهزر وممكن يقوله في صيغة تهديد بس بهدوء المهم انه بيوصل لك انك قليلة عليه جدا وهو يستحق احسن من كدة وبالتالي اما حيتجوز عليكي او حيسيبك ودة طبعا الرعب بعينه عشان كدة بتعيشي حياتك في قطر الموت طالع نازل وحتقعي وتلاقي نفسك موقعتيش ودة بيربطك بيه اكتر زي ماقلنا برابطة الصدمة وطبعا قبلتي الخوف وقبلتي القاعدة ، طيب تعملي ايه ، امني بربنا ، يعني ايه هو انا مش مؤمنة ؟ لا انتي مؤمنة بربنا بس للاسف ايمانك بيه ضعيف وايمانك بالنرجسي اقوى انا اسفة بس هو دة اللي باين ادامي ، يعني هو ربنا قال قل لن يصيبنا الا ماكتب الله لنا ، وقال واعدوا لهم مااستطعتم ، وانتي قاعدة خايفة النرجسي يسيبك وسايبة لن يصيبنا الا ماكتب الله لنا ، قاعدة تتذلي ويلطش فيكي ادام الناس وادام العيال ويخونك ويزني وينقل امراض وقاعدة عشان خايفة يصيبك مصيبة انه يتجوز عليكي او يسيبك طب ماهو لو كتب الله لنا تبقى خلصت لو انتي مؤمنة بقى بربنا اكتر من ايمانك بالنرجسي مش حتبقلي غير اللي ربنا عايزك تقبليه وربنا مش عايزك تقبلي الذل والخوف والظلم (مش معنى كلامي انك تقفي تشتميه او تستفزيه لا خالص معنى كلامي انك متخافيش يسيبك وتقبلي ذله واهانته )
٣- المفروض انك تكوني فاهمة ان وضعك مع النرجسي ماهو الا انك دمية وهو بس اللي يحركها ، لاينفع تعملي اي حاجة من غير اذنه حتى لو من حقك تعمليها ، وملكيش اي رزي في اي حاجة ولا ينفع يكون فيه حاجة تمتلكيها لنفسك ولا حتى نفسك والكلام في النقطة دي يطول واظن انك عرفاه كويس ، وطبعا قبولك للقاعدة دي بيتوقف على قبولك لقاعدة الخوف لانك حتقبليها خوفا منه
٤- انا صح على طول الخط وانتي غلط علي طول الخط ، يعني اوعي تفكري تنتقديني ( احنا عارفين انهم وخصوصا الخفي حساسين جدا للنقد ) فطبعا مش مسموح لكي تطلعيه غلطان لان دة نقد وطبعا انتي اصلا السبب في ثقب الاوزون فمش حتكوني غلطانة طول الوقت انتي السبب في اي حاجة وحشة بتحصل وهو السبب في كل حاجة وحلوة بتحصل ، القاعدة دي تقدري ترفضيها جوة نفسك مش حتخافي منه لو رفضتيها لان المهم هنا مش انه يعرف انك رافضاها لا ان انتي من جواكي ترفضيها ومتصدقيهاش عشان متفضليش طول الوقت حاسة بالذنب وتفقدي ثقتك في نفسك وتكرهي نفسك لانك غلط طول الوقت وكمان عايشة مع حد مثالي مش بيغلط ابدا تبقى قليلة اوي وهو كتير عليكي ولازم تعوضيه بدل مايروح لغيرك وتفضلي في الدايرة السودا دي
٥- انتي مسئولة عن تظبيط مودي وحالتي النفسية ، وطبعا انتي بتقبليها بناء على الكلام اللي لسة قايلاه ، فلو مقبلتيش رقم (٤) مش حتقبلي رقم (٥)
٦- مهما كنت عامل فيكي ومبهدلك وهاينك وشاتمك ومتهمك في شرفك او حتى ضاربك لازم تحافظي على صورتي ادام الناس ومتحكيش لحد اللي بيحصل بينا والاحتكوني بتخرجي اسرار بيتنا وتبقي زوجة غير صالحة ، طبعا دة عشان يضمن ان محدش يفوقك وينقذك من ايده ، ودة كمان سهل جدا انك متقبليهوش لانك مش حتحكي ادامه ، لازم تحكي اللي بيحصل معاكي لحد تثقي فيه وتاخدي نصيحته
٧- لازم تقبلي ارائي وافكاري وحكمي على الامور وتعتنقيها ومتخالفينيش الرأي ابدا عشان انا بس اللي بفهم ومينفعش ان اي حد اقل مني يخالفني الرأي ، ابدا متتنازليش عن نفسك ، افكارك وارائك وحكمك على الامور جزء من نفسك ابدا متتنازليش عنها ، مش لازم تناقشيه ولا تدخلي معاه في جدال ولا لازم تعلني له انك مخالفاه في الرأي طول مانتي لسة ضعيفة وبتخافي ولسة متعافيتيش لكن من جواكي ومع اهلك واصحابك لازم تقولي رأيك وبصوت عالي ولازم تجتمعي مع اهلك وصاحباتك عشان تفكي عقدة لسانك وتعبري عن نفسك في بيئة صحية بعيدا عن النرجسي
٨- لازم ترفضي الناس اللي انا رافضهم وتقاطعي اللي اقاطعهم ودة طبعا ممكن يكون صعب رفضيه لو كنتي بتخافي منه لكن ممكن ترفضيه في السر يعني متعرفيهوش انك على علاقة بالناس دي مؤقتا لحد ماتقتلي الخوف اللي جواكي وتبقى قوية ومش فارق معاكي يسيبك ولا يقعد ساعتها حتقدري ترفض علنا
اوعي تفقدي نفسك وروحك عشان حد بيمص دمك
اكونت الفيس بوك
www.facebook.c...
جروب ادرس عدوك النرجسي
/ kawthersanad11
كنت زمان بعمل كل الحاجات اللى فاتت كلها دلوقتى خلاص فهمته كويس ومش بخاف خالص ولا ببرر مواقفى ولا بجادل وربنا يصلح حالى وحال اللى زيي
وانا كمان
مبروك 😍😍
امين يا رب العالمين اصلح حالنا وحال المسلمين جميعا ويجعلك فى الخير
وانا كمان ولله الحمد
ادعولي ابقي زيكم لسه عندي شوية خوف ، بخاف من الهجر
الف الحمدلله انو عرفنه حقيقتهم..انا صار عندي احباط في بداية الامر بس بديت اتقبل الوضع وبديت احاربو بنفس اسلوبو....مع اني احبو بس فهمت الوضع الحمدلله الذي هدنا
والله العظيم قررت الطلاق بعدما شفت فيديوهاتك، كنت اخذ ادوية، هربت وخلعت.. وقفت الادوية، صرت حرة، حاسة متل الاطفال ، الهي يجزيك كل خير، بحبك
عقبال يارب ارجوكم ادعولي
نفس حالتي
عقبالي يارب انجو بنفسي
انتي وعيتنا ونورتينا الله يجزيك كل خير
اللهم لاحسد يبختك عقبالي انا
أولادي اخد الحرية يارب
يا جماعه كل وحده عيشه مع نرجسى ثلاث حاجات لازم تعمله اولا لا تحزني ابدا لان الحزن اصعب من اى شئ نحزن عليه ثانيا تاكل اكل صحي لأن صحتك اهم حاجه فى الدنيا ثلاثا تهتمى بالبسك وشكلك جدا جدا وارجو الدعاء لى اسال الله العظيم السعاده لى ولكم
ربنا يسعدك يارب ويحلي ايامك
@@iffhhjk1840 امين يارب اناوانتي
انا فعلا باعمل كدا من تلت شهور باحس براحه وتغيير كبير قوي 👍👍👍👍
@@user-tg2od4yi9z برافو عليكي
يآرب يزيل الغمه. امين
فيديو جارح جددددا للزوجة الصالحة للأسف الحياة وحشة اوى مع هذا المريض
كنت عايشه معاه بالغربه وبعدين قررت استقر بالوطن وتركته بغربته قسما بالله اريح سنه بعيشها انا والولاد البعد عنه راحه نفسيه
افتكيتي والله
انا زيك خليته بالسويد ورجعت واطفالي وكانت اجمل سنين عمري أنجزت فيها لي خاطري فيه.
الى ان رجع زي العظمه في الحلق...
قرابه قريب ان شاء الله
مبارك عليكم وعقبال الفرح الكبير 😁
8:30 يا ويلي عاللي عمله فيه لما حكيت لوالدي واشتكيت له لأول مرة بعد صبر ١٠سنين في المرار ..وعقابا لي على افشاء الاسرار ( المقدسة) قاطع أهلي وخاصم أبي الذي أوصاه خيرا بي وذكره بمعاملة ابنته بما يرضي الله .
الشخص النرجسى بيحب اللى يضحك عليه وبيبقى مبسوط وفاهم نفسه فرعون زمانه
حقيقه يحب النرجسي التطبيل والشكر والدفعة المعنويه ويصادق من هم أقل معرفه وسن
فعلا
والله العظيم يمين اتحاسب عليه واحنا داخلين على العشر الأوائل من ذي الحجةكل كلامك صح ميه بالميةربنا يجزيكي كل خير ادعولي ربنا يصلح حالي انا واولادي
مش عارفه بس هو إبتلاء وربنا عالم بينا وسبحانه لولا أنه أراد لنا هذا الإبتلاء ما وصل لينا فنسأله سبحانه أن يرفع عنا ويعلي درجاتنا ويعافيهم فهم بكل جبروتهم بين أصابع الرحمن عليهم من الله ما يستحقوا
انت فعلا رائعة. انا في الطريق للتشافي ادعو لي ربنا يثبتنا.بس فعلا الاولاد هم اللي بيكسروا. الظهر
يا جماعة قدر الله ان احنا نعيش مع شخصيات زى ديه ....ده ينبهنا ان احنا عند ربنا حاجه كبيره فلازم نقرب منه قوى لانه هو إللى قادر على جبر قلوب انكسرت واتجرحت جروح محدش يقدر عليها غيرة اللهم لا تجعل فى قلبى أحد غيرك❤
صحيح التبرير المستمر لاشياء اساسا ما بدها تبرير ومستحيل اي شي الا يطلع فيه شي يعني اي تصرف عادي ضروري يعمل موضوع منو
ربنا شفي كل الضحايا من النرجوس ان شاءالله اول رمضان ليا ووانا في شفاء تام من النرجوس تصدقوا ان شاء الله هتصدقوا اول احساس احسه بفرحه رمضان بعد 20سنه الله يبارك فيكي ولا تنس ذكر الله
الله عليكي وجعتيني بالكلام زي الدكتور اللي بينضف جرح علشان يقفل علي نضافه وميعملش صديد ربنا يبارك في عمرك ويسعدك
عايزين فيديو كل ساعة... الفيديو بينزل على وشي زي القلم... يا ربي لحظة الوعي دي حاجة صعبة اوي... ساعات الغباوة بتبقى نعمة... 🥺🥺🥺🥺🥺... احنا دلوقتي حياتنا عبارة عن قبل و بعد... قبل الوعي و بعد الوعي.. والعوض على الله في العمر اللي راح
واللهى ياختى الضربة الى مش بتموتش بتقوى
ولازم الوعى يقوينا مش يضعفنا
دلوقتى بقيت اقوى بالوعى مش
بالجهل العلم نور خلانا نشوف
فى الظلام الى كانو معيشنا
فى وعرفنا نتعامل معاهم
واخلصنا من الحيرة الى كانت
هاتموتنا
اه والله عوضنا عند الله.
صدقتوا فى كل الى قولتله ربنا ىنجىنا من الظلام و بصرنا بالحق وىرزقنا التصرف الصح
الله المستعان
انا متعجبه كيف العدد الكبير الي زيي ،،،كنت اقول مافي الدنيا زي زوجي ولايمكن احد يفهمني لو تكلمت عنه ،،،سبحان الله ، كيف ربي نورني ودلني وهداني للاستاذة العظيمه كوثر ،ربنا يكرمها ويغفر لها ولوالديها❤❤❤❤❤❤
في منهم بيتحكم في الحاجه اللي فيها الفلوس وبس لما تكون الشخصيه اللي قدامه قويه وماتقبلش اي غلط او نقد او ابتزاز عاطفي لذلك بيعمل صمت عقابي بره البيت بالسنه ويلاعبها بالفلوس حتي لو كان في مصلحة عياله
اااااخ من احساس الخوف من الصوت العالي والاحراج قدام الناس وقدام اهلي وعيالي
عسي الله ان يريني فيه ما يجعل صدري ينشرح ووجهي يبتسم من جواه
اه ماحدش يعرف الاحساس ده غير اللى عايش فيه والله ٢٠ سنه ساكته
بسبب ردود افعاله الغبيه قدام الناس وصوته الغبى العالى قدام أى حد عمره ماخاف على شعورى واحساسى وقتها ببقى نفسى الارض تتشق وتبلعنى حسبي الله ونعم الوكيل
اللهم ضعه يارب فى نفس الشعور ونفس المواقف عدلأ يارب وخذلى حقى منه فى الدنيا امام عينى
أمين يارب العالمين
جزاكي الله خيررر الجزاء
والله حسنتي حالتي النفسيه جداا
وكمان بديت استعيد ثقتي ب نفسي
وكمان بديت ارجع البنت الهادئه ال مش اي حاجه تهزها
امور لازم اتركها
التبرير
الخوف
اكون كدمية
عدم الانتقاد
أرفض الي يرفضه
فيديو رائع جدا والجميل في فيديوهاتك انك بتحملي الضحيه مسؤوليتها و بتدليها على طريقة الاصلاح من الداخل
اللهم يا مقلب القلوب ثبت قلبي على دينك والصلاه والسلام على رسول الله صلى الله عليه وسلم تسليما كثيرا عدد خلقك و رضى نفسك و زنة عرشك ومداد كلماتك
بالمختصر غلي نفسك و حبيها و هذا الشي مش أنانية ،راحة بالي اولا و بعدين يجي اللي يجي و اللي حابب يروح الله معه هو خسرنا
انا كنت نشيطة وحيوية لاكن انا الان كنحس نفسي غريبة علية
@@candirotman9530 صدقيني المسألة مسألة وقت و كل شي بيرجع لسابقه بس أهم شي تبعدي من المسخ النرجسي ، أخد التشافي معي مدة 12 شهر
لما حسيت انه ربنا شفى قلبي تماااااما احمد الله و أشكره
سبحان الله كلهم فارضهم علي ماعدا الاخيره ماصار عندي اخد حتى اهلي يتضايق اذا رحتلهم او زرتهم بحسسنني انه مخلوقه لخدمته وله فقط مالي حياه
يستغرب اذا طلبت اطلع او اروح لاهلي يسالني شنو تبين بالطلعه او ليش بتروحين لاهلك كل شي يستكثره علي واذا تجادلت معاه وتخانقنا قال احمدي ربك انك عايشه معاي واذا ماعجبك روحي بيت اهلك وانا اصلا بتزوج علييك
( مع انه يعاني من ضعف قوي )
وعلى طول محسسني اني مقصره معاه وانه يستحق افضل مع انه كله متروس عيووب
سبحان الله اللي نور بصيرتي وعرفت هالقناه كنت ميته وردت لي الحياه والقوه
حسبي الله لا اله الا هو عليه توكلت وهو رب العرش العظيم ٧ مرات
يا رب ارفع عنا هذا البلاء يا رب
جزاك الله خير الجزاء احبك جدا دكتورة... والله كأنك توصفي حياتي وانا مسلمه امري له ومعتزلة عن اهلي وعندي طفل فيه توحد وهو بقمة النذالة.. وانشاءالله اتابع واكمل واتعلم... كنتي فين السنين الفاتت.؟
متابعتك من العراق ❤️❤️❤️❤️
ممكن تتواصلين معاي؟
انا قلتلك كازا مرة انتي كابالسم الشافي على قلوبنا الله يرزقك من حيث لا تحتسبي ربنا بعتك رحمة وسكينة للقلوبنا المكسرة الله يقوينا على دي شخصية مختلة الله يخدو ورتاح بقى
اهم شيء ينبغي مراجعته في حياة كل واحدة ابتلاها الله بالنرجسي هي ان تعيد مراجعة علاقتها مع الله ...وتعيد دراسة عقيدتها....وتضع لنفسها برنامجا لطلب العلم الشرعي ...وبرنامجا للعبادة....والا ستبقى في حلقة مغلقة
ربي يحفظك ويباركلك في كل شيء تملكيه يا دكتورة انتي صرتي في حياتي الصديقة والأم والأخت والجارة وكل شيء....لنا نسمع صوتك نحس براحة و ونس كبير.....متابعتك من الجزائر
علي فكرة وأما كمان ربنا يخليهالنا
ومننحرمشي من الدكتوره العسل دي
انا كذلك حبيبتي من الجزاءر زوجي نرجسي
انا قلبت الطربيزة عليه وعلى اهل حطيت امام الامر الواقع وخيرة بين اتنين يا يطلق ويا حفضح في المحاكم وحخليه يندم على كل دمعة نزلت من عيني بسبب تلاعب وخليت يلف حول نفس انا شخصية حدية ومعنديش مع اللف والدوران كان قرفني في حياتي قبل ما اعرف حقيقة بعد معرفت حقيقة بقيت اشوف زي الصرصور وانتفضت لنفسي ولكرمة مع العلم هو كان متزوج قبل مني وكان بيقول ليه انها مجنونه بس بفضل حضرتك اكتشفت ان هو الى كان سبب في مرضها حسبيا الله ونعم الوكيل فيه يارب اعطيني القوة والصبر اخلاص من الكرس دي
انا نفسك كان يقولي هي مجنونه الله ينتقم منهم الله يقوكي ويقوينا يااارب
انا طلع عليه اشاعه وناس حكولي من وحده موجوده بالمكان وبتساعده عملها سبلاي الجديد ليمص طاقتها ...ولما رحت طلبت طلاق من خالي رفض وعمل حاله مسكين ... وصار وكشفه نفسه بقول عامله غسيل مخ وبدا يسقط بصفاته يكذب علي اهلي الله المنتقم ... اعرفت بشوه بسمعتي ومطلع كلام عليه نفس ماقولتي اني مجنونه لانه كشفته نرجسي سيكوباتي حسبي الله ونعم الوكيل في ظالمين وسبلاي الجديده مصدقه كدبه يارب تكتشفه ياكاشف يا الله يارب ... امس ضرب ابنه كف لا يتحمله شخص كبير ... بقلو انت غلطان تعال قول اسف وطفل ما عمل شي وكدب بكدب بجد مجانيين ومرضي الله يحفظنا منهم علي غكره هو قال عن زوجته مجنونه لانه اسقط صفته عليها افهمتي
ايه الحصل معاك يا نجمة الليل .
والله أنك صادقة ، كنت استغرب ليه هو مبسوط بخوفي منه
ورقم اتنين برضو كنت دايما احس
انى عايزنى اخاف منه من اول جوازنا
فاانا يعينى كنت اقوله بمثليتى الزياد ة
ورومانستى الى موتها ياحبيبى الافضل
من انى اخاف منك اخاف على زعلك
اعمل الى تحبه علشان بخاف على زعلك
مش خوف منك كان ينغاظ قوى وبقيت استغرب هو لى بيزعل دالمفروض ينبسط
واخيرا عرفت السبب حسبى الله ونعم الوكيل فيه
وانا مثلك انا كنت اخا ف على زعله وكنت عبيطه وبصدق انا احاول أن اعوضه على كل شيء هو عانه ولكن كله جاء فوق دماغى للاسف الشديد سبحان الله الحنان المنان بديع السماوات والأرض انا للاسف فقدت الحنان من أهلى وزوجى الله المستعان
@@azzanawar8221 الحال من بعضه
واللهى يااختى ملقناش الحنان فى بيوت
اهلينا روحنا ندور عليه بره وادى النتيجة
كونا صيدا سهله لشياطين الانس والى بنحسبه موسى طلع فرعون اللهم اجعل
مصيرهم مصيرفرعون واجعلنا ممن ءامنو
مع موسى االلهم امين
وانا زيك بضبط اعوذبالله من شرهم
ربنا ..يسعدك .منذ ١٣سنه واني مااعرف شنو يصير وياي ...رغم اني مااحب المشاكل .ومنذ شهرين عرفت هذة القناة ..عرفت شنو حياتي .
الحمد لله والشكر ...احس نفسي افضل بكثير ..شكرا لك
انا مثلك لي ١٢ سنه ودلتني وحده عالقناة من التيك توك 😭😭😩 من اقوى صدمات حياتي خصوصا ان عندي اطفالي منه
التبرير
التخويف
النقد
موافقة اراءه
35سنه زواج وبسال نفسى هو فى ايه لكن فديوهاتك فعلا عرفتنى فى ايه كلامك صح جدا والله
لا اله الا الله العظيم الاعظم والعظمه لله وحده لا شريك له له الملك وله الحمد وهو على كل شيء قدير
مفتقدينك و الله يا استاذة كوثر و حشتينا 💐
ياريت عرفناكي من زمااااان....تسلمي دكتورة كوثر وربنا يكرمك ويوفقك ⚘
صح جدا
خصوصا انه مثالي وصح علطول وانا من الجيل التافه بتاع السوشيال ميديا اللي غلط علطول
انا حسة اني عيشة وعلى قيد الحياة، تحررت منو، جزاك الله خير الجزاء
يا دكتوره انتي كأنك عايشه معانا بالظبطت والله 😅😅ربنا يبارك فيكي انا قربت اتجنن والله ومحدش فاهم الوضع حضرتك انقذتيني بجد والله ♥️
ملي غير ربي اتوصل معه حسبي الله ونعم الوكيل شكرا دكتورة الله يخفظك
يا دكتوره وكانك عيشا معايا سبحان آلله انت عبقرية في قراءة هذه الشخصيه يا ناس كلامها شمل كل الصفات يا دكتورة الله يوفقك ويزيدك علم وشكرا على النصائح المحيطة بدرسك هذا لقد اثلجتي صدري اخيرا وجدت من يدخل داخلى ويتكلم بما لم استطيع توصيله الى الناس يرحم والديك
ونعم بالله اليقين بالله جميل وكلامك مفيد وعلى الوجيعه وبيفتح الجرح وبيدوس على الدمل يارب اشفينا ويعافينا. منهم. كل جمعه وانتم بخير وكل عام وانتم بخير لا تنسوا العشر ايام من ذى الحجه صيام وذكر صلوا على رسول الله للنجاه والراحه. بارك الله لكى دكتورتنا الحنونه الراقيه
ربنا يجعل علمك في ميزان حسناتك
وعلم ينتفع به
السعادة لقلبك حبيبتي
كل الاحترام
انا بحب صوتك جدا جدا... وبحب لما تقولي في قناتكم ادرس عدوك النرجسي
السلام عليكم ورحمة الله وبركاته
انا الان اعيش حالة غضب نرجسي و عندي نوبة هلع
٢٠ سنة و انا عايشة معاه بكل هذه التفاصيل و حديثا فقط عرفت انه نرجسي
يا ريت يا دكتورة تقوليلي ماذا أفعل بحاول اتنفس بس قلبي راح يخرج من اضلاعي محسسني اني مسؤولة عن الحرب العالمية
اول كلمة قلي جوزي نرجسي خافي ياريت تنسي القراى والكتابة استغربت كتير ولم أعرف ليش بعد ثلاسين سنة جوازنا ولم أعرف أنه شخص نرجسي خافي ايلا الان ربي يحفظك ويبارك فيك كي يا دكتوووووورة
حبيبتي يا دكتوره انا كنت كل شيء من اللى قولتيها كان بيحصلى ولكن بفضل الله ومنه أنه ارسلك لينا لكى توعينا ونعرف فعلا أننا لسنا مسؤولين عن العذاب اللي بيحصل لنا وانا كنت بخاف جدا منه واقسم بالله العلي العظيم أنه كل ما احكى حكايه واحد ه ومحذوف منها الكثير يقولو ا لى زوجك انسا ن مش طبيعي انا احاول أن أقول لنفسي احمد الله انى لست ظالمه لهذا الرجل
اشكرك والله انت بتقولى الواقع فعلا
وصفتي جوزي جداااااا بالتفصيل النهارده.. ارجوكي ردي عليا فاض بيا وفضحته هو وأمه عند أهلهم وعاملي صمت عقابي ومهددني بالطلاق
هو اللي بيهددك بالطلاق وانتي متمسكة به ده يبقي ربنا كرمك انتي عايزة تكملي في المرار ده
@@user-co7bi8yh6y لأ مش متمسكه بيه خالص الحمدلله انا مابقتش متعلقه بيه خالص بس ولادي للأسف متعلقين بيه ثانيا ماليش اي سند بعد ربنا لاني يتيمه ومافيش أهل ثالثا ماعنديش سكن خاص بيا واخده شقه إيجار بالرغم إنه عنده بيت ملك عمله على حساب حياتي وشبابي لأنه كان بيسافر بره مصر وانا كنت هنا بشتغل وبصرف ومتبهدله بولادي وشطب شقه لأمه في البيت وسايبنا بره في إيجار انا حاليا بس خايفه بصراحه بعد ما فضحتهم قدام أهلهم من طريقه العقاب غير الطلاق
@@asdffgh7221 ما تخافيش مالطلاق قوليلو طلق مع السلامة ،وتعطيني كل حقوقي ،ما دامك خايفة راح يعملها انزعي الخوف من قلبك ،كوني قوية ،هو يعمل اي شي يخيفك ويعمل عكس اي حاجة انتي بتحبيها
احبك جدا دكتوره كوثر
يا ريتني سمعت الكلام دا من قبل حسبي الله ونعم الوكيل
أكثر الناس بهذا الشكل!! الوعاظ في مدارس الوعظ.. الأهل... الصحبات !! الواحد يكتفي بنفسو!!!
هو بسبب للوحده رعب وبقتل روحها وبتحس انها مش عايشه وتعاسه مدمره ،حسبي الله ونعم الوكيل ..
احسنت ... الله ينتقم منه
بارك الله فيك يارب والله كلامك يلمس جروحنا بلحرف الواحد ربنا يجعله بميزان حسناتك يارب ابشع ما في هذه العلاقه شعور الظلم انك تعرفي انه شخص تافه وخاين وتضطري لاجل اولادك ان تخضعي لشروطه رغم كل شخصيتك القويه مع كل مجتمعك الا معه لانه يضغط باهم ما يكسر ك اولادك ربنا يقوينا وينصرنا
هاد الي كنت عايشة فيه بالضبط، صرت مثل المجنونة، بدون شخصية، و هلأ انا في التعافي، بس بنتي مقطعة قلبي، هو يجي يشوفها بس مرة بالشهر، و هي لسة صغيرة عمرها سنتين و نص بتسأل كثير عنه، الله يعوضنا
تعيش بعيده عنه احسن ليها عالاقل متطلعش معقده من تصرفات ابوها وتكره الرجال لما تكبر
الزمن كفيل ينسيها هي طفله وهتتعود على غيابه
فعلا ده اللي بيحصل بالنص جزاكي الله خيرا دكتوره نورتي افكارنا كتير حسبنا الله ونعم الوكيل
ربنا يكرمك👍👍👍
طبيعي انا بديت بالبكاء و انا اتفرج ع الفيديو.🥲🥲🥲
فعلا صحيح كل كلام حضرتك
خلانى اخاف منه جدا
الحمد لله من فتره قريبه بدأت أجنِّبُه وأعمل إللي مقتنعه إنه صح ومع ذلك عندي إحساس إن أعمل ده في الخفَي يعني إني خايفه من ردة فعله إذا عرف إني عملت ما يرفضه لو عرفه بس بتجنب مزيد من المشاكل يمكن لإني إرفت من تفاهة النقط إللي بيتلكك إنه يعمل عليها خلاف
يادكتورة امتى الضحية تقول لنفسها انها انتصرت على النرجسى
اكو فيديو نزل قبل كم يوم اسم الفيديو اعتقد ٦ حاجات لو عملتيها تبئي هزمتي النرجسي بالقناه
لما تلتفت لنفسها وتهتم بحالها وتلتفت لربها أكثر وأكثر بيبقى هوي ماضي وهيي عندها الحاضر والمستقبل
@@dr_afraamohamad6650 صح كلامك.
حاسه ان حضرتك بتحكى عن حياتى فى فيديو
كان بيفضل يقولى انت اقل منى مع انى مش اقل منه في حاجه بالعكس بس انا احتقرته وقولتله انت الى اقل منى وبقيت اتعالى عليه ومن ساعتها بطل الحاجه دى
هو مش بيحسسني انه مش فاهم لا هو بيقولها بصريح العبارة
دايما لما بنكون بنتناقش (ان صح التعبير ) يقولي : يعني ايه ؟ انا مش فاهم . فهميني معلش فسري تاني لسة ما فهمتش
وانا عاملة مجهود خرافي عشان اوصل المعلومة بكل صدق و امانة
و كنت احس ان فيه حاجة غريبة و انا مش فاهماها
احيانا كنت بشعر ان انا الغبية و اني معنديش القدرة للتعامل و ايصال المعلومة
لحد ما وصل الامر اني توقفت عن الكلام و عن النقاش معاه او مع غيره
توقفت عن الكلام فعلا مش مجازا و عديت سنين على الحال ده يمكن 10 سنين او اكثر مش فاكرة بالظبط
فكنت لما بتكلم حتى مع اولادي كنت بتأتأ و مش بلاقي الكلام
حتى في الشغل مكنتش بتكلم كتير ببساطة لاني ماعنديش كلام اقوله و ماكنتش بفهم كلامهم اصلا
كنت عايشة غباء لامثيل له
يااااه 22 سنة راحو من عمري قبل ما ارجع لنفسي واكتشف الوضع اللي انا عايشاه
و خرجت من العلاقة السامة دي بسرطان ثدي بعد 15 سنة جواز والحمد لله انا بتعالج بقالي 6سنين
سبته دون طلاق و قعدت في بيتي اللي اشتريتو بفلوسي و دون درايتي و ما رضيش نسكن فيه ومعيشني في الاجار ....ياااااه احكي ايه ولا ايه 😢😢😢😢😢
المهم الحمد لله رجعت لنفسي و بفضل الله سبحانه وتعالى بديت اتعافى منه و استرجع ثقتي في نفسي
غيرت طبيعة عملي و اصبحت قادرة على التعامل مع الاخرين و ابداء رايي من غير تاتاة
نصيحتي لاي حد راجل او ست ابتلاه ربنا بشخصية سامة عكرت عليه صفو حياته :
اشتغل على نفسك و ما تشغلش بالك بيه عشان ما تضيعش وقت اكثر كفاية اللي راح مالعمر
اشتغل عاللي باقي
و قل الحمد لله ان فتح بصيرتنا و كشف لنا حقيقتهم
استعينو بالله الواحد القهار واخرجو بكل قوة من الدائرة التي حبسكم داخلها
الله ينور عليكى يادكتورة هو دوت فعلا
الى كان بيعمله جوزى كان دايما يعمل
غبى وكان بيتعب قلبى وانا ياعينى مصدقة انه مش فاهم بس تعبيرات
وشه كانت بتقول شئ تانى ماكنتش
فاهمها فى امور كتيرةمش بس فى
كدة لغايت ماعرفت انا نرجسى
وفهمت ان تعبيرات وشه كانت
تمثيل الله يتعب قلبه زى ماتعب
قلبى سنين ودلوقتى بقى اقل مجهود
بيتعبنى حسبى الله ونعم الوكيل فيه
انا كده بالضبط. الله المستعان
حقيقي والله وكنت ببئا مرعوبه ومش عارفه حتي اتكلم وافكر قبل الكلمه كنت بموووووت بالبطئ . الحمدلله هربت واختفيت
ماشاء الله عليكِ بتختاري المواضيع المهمة والمفيدة جداً.. شكرا لكِ تحيات متابعيك الكثيرين من العراق 🇮🇶🙏🌹💖
اهلا بيج بنت بلدي الغالي
بنات بلدي الغالي ١٦ سنه عذاب هسه يلا فهمته والناس القرود الطائرة تلومني دكولي احمدي الله وشكري شون انسان واكعه بيه ونعم بالله لكن ميعرفو داخل بيته شيسوي بينه من صمت وقهر وذل لكن عرفته وفتهمته زين ودرست حالته الشاذة وعرفت بيه مريض نفسي سايكوباتي نرجسي خفي صارلي سنتين عرفته
@@user-qy6fb5fc2m اي بعدني بجحيم اذا عفته والجهال ياخذهم ومشاكل ودراستهم ومستقبلهم اني بمرارة بحياتي الي عدهه اولاد شلون صير بين نارين اتمنه اعوفه لكن راح يحرمني من اولادي وووووووو راح اعاني من كثير من الأمور وتعرفين بيت الاهل مو مثل بيتج لكن الي مدمرني الاولاد ما اكدر اعوفهم ولازم التعايش ويه هيج مصاص دماء شيطان موتني جمالي راح فقدت ضحكتي وعافيتي عايشه بجحيم
@@user-qy6fb5fc2m ميفيد ويا ثعلب ماكر راح اياذيج بكل صورة تافه جبان بس على عائلته كادر
@@user-mo3er7zm2h وراح يدمر أولادك بعد
هو اللى بيسبق و يحكى بالعكس و معندوش مانع للفضايح
والله والله دائما يعمل نفسه من فاهم وابدأ ابرر وابرر واشرح ولكن بامسكه باب حاجة يقولي انت لووكنت محامية كنت تربحي قضايا كثير تعرفي تكسبي او مثلا يبدأ يضحك ووجهه يحمر
حسبي الله ونعم الوكيل الله ينتقم من كل ظالم
دا موتني على لاخر الله ينتقم منو يارب مليش الا ربي حسبي الله ونعم الوكيل
انا متابعاك من زمان وانت من ضمن الناس الي نورتلي طريقي و فتحت عيني الله ينور حياتك و يسعدك و انا سمعت كلامك و فتحت قناة
فعلا انا نرجسي خفي ووصلت لمرحلة الخوف من لا شىء..
الف لايك على الكلام الحقيقي دا بجد وصفك دقيق لتصرفات النرجسي
جزاك الله خيرا عن كل مجهودك و عن كل حرف أنتي بتنورينا بيه. ربنا يكرمك
انت رائعة باختيار المواضيع وطريقة السرد....وشكرا جزيلا لكتابة الفديو..تحياتي
مستنياكى😍😍
فعلاا مختل عقليناااا فعلااا كل كلامككك صحححح
سبحان الله كنت بعمل كل الي حضرتك بتقولي من غير مااعرف انو نرجسي
فيديو اكثر من رااااائع كالعاده
جزاك الله كل خير 💜
انا ايضا عايشة مع نرجسي خفي. صرت اخاف امشي وحدي بالشارع زرع الخوف بداخلي وبداخل اولادي كنت اقول ليش يتصرف معي بهاي الطريقة بعد سنين راحت من عمري ادركت حقيقته
الف مرة انتي عسل وسكر ربي يسعدك ويفرح قلبك
سبحان الله وبحمده سبحان الله العظيم
استغفر الله العظيم الاعظم الذي لا اله الا هو الحي القيوم واتوب اليه
والنقطه ٢ كمان صح والمشكله اعترفتلو انو صرت اخاف منو وكانت رده فعلو غريبه
السلام عليكم اختك من المغرب حلقات قناتك جميلة ومفيدة استفادة منها كتير
انا متابعة حضرتك من شهور بس اول مرة اكتب ولازم ادوس لايك قبل ما احضر الفيديو انا متزوجة ليا 19 سنة من نرجسى واكتشفت للاسف بس السنة اللى فاتت ما كنتش عارفة اللى بيحصل منه هو نرجسى خفى للاسف الفيديو دا حضرته مرتين النهاردة من حلاوته
والله صحيح و كلامك كله صحيح وهذا الوضع دام 25 سنة .حتى اولادي أثر فيهم كثير
جواز نرجسي الثانية رحمة
طبعا اني اكملت فيديوهاتك لحد يوم ٢٦ديسمبر ٢٠٢١ ورجعت لفيديوهاتك القديمه كي لا انسى عام ٢٠٢٢ سعيد على كل اهلنا في العراق وتحياتي لكل الناس في الدول العربيه احبكم من قلبي
جزاك الله خيرا وجعله في ميزان حسناتك
بجد انتي ممتازه كلامك صح جدا بس للاسف متاخر هو فعلا كل يوم كان بيموت فيه حته لغايه لما مابقتش حسه اني عيشه في الدنيا حاسه اني في متاه ل‘حدي مش عارفه حاجه
جزاك الله خيرا
صح مية بالميه
هو سافر ليه ٤شهور وعاملي بلوك من كل حاجة ورافض يطلق وحاليا رفعت عليه قضية خلع مع اني قلتله هتنازل عن المؤخر والنفقة بس رفض يطلق حسبنا الله ونعم الوكيل
قليله هخلعك اذا انتا ما طلقت انا بطلقك هجيبلك المؤخر قليله حكون مفتخره بنفسي اني خلعتك حتكون سمعتك بين الناس وحشه مراته خلعته
@@user-gp9zs9gm8e الحمدلله خلعته طلع الحكم من خمس شهور وهو الي طلب اني اخلعه ربنا يعوضني ويجبرني ويعوض كل مظلوم
@@monaadel187 الله يعوظك مع الي يستاهلك
فعلا كلامك كله صح والحمدلله فهمته صح متاخر معاي اثنين اولاد منه ومن بلاد غريبه عنخ يعني انه في غربه ومستغلني لوحدي مش حاعرف اعمل حاجه بس ربنا كبير
القاعدة الثانية .....لو امنت بربنا واحببت ربنا اكتر من النرجسي والاولوية لله وحده في الامور ....هقدر انتصر عليه لانه خلاص مبقاش رقم واحد في الاهتمام علشان كدة هتلاقي انه بيبعدك عن العبادة ويشكك في عبادتك ....بيحصل معايا للاسف ....ربنا يهديه ويبعد شره عني .....ويصلح حالكم ويقربكم من الله
شكرا على هذا الطرح صحيح القرب من الله بكل صدق تزيدك ثقة وأمان وصفاء ونقاء والله يكون مع الضحايا
انانفسي اموت انا مليش حد احكيلو وأهلي ناس علي قدها مش هيعرفو يصرفو عليا انا زاعيالي وهو مش هيعرف عليهم لو اطلقت
زوجي شديد الغضب وعنده علاقات كثيرة من يتلاعب بمشاعر الفتيات والاولاد مساكين كبرو بدون شخصية ورغم كل هذا دائما يريد مني شبع رغباته الجنسية ولكن هذه الأيام تجاهلته والله المستعان
بارك الله فيكي لا اجد كلام يعبر عن امتناني لك فكلامك كله صح وحصل معي وربنا يصلح الحال للجميع ياريت يكون فيه جروب واتس لمن ليس لهم فيس
لا لا ابدا الخوف الي عندي من نوع تاني كنت اخاف من اشياء اكبر من انو يتركني ولا يخوني ولا يتزوج لا طبعا بالعكس هاي النقطه كنت احس انو عدم مبالاتي فيها تخوفو هو غريب جدا
تبرير التصرفات لما تختالفي مع نرجسي
انت علاه هك.
انت لازم تخافي منو. الايمان بالله اقوى، قل لن يصيبنا الى ما كتبه الله منا. لا تقبلي الذل و الاهانه.
وضعك مع نرجسي دمية 🧸 هو ال يحركك.
انا ديما صح ✅ و انت دائما على خطأ.
انت مسؤولة على تعديل مزاجي .
تحافظي على صورته امام الناس . و الى تستمي انك تخرجي اساس البيت.
لا تقبلي ان تكون صورة مشوهه.
لازم ترفضي الناس الى رافضهم.