Video není dostupné.
Omlouváme se.
港故:曾目睹長者吃葡萄噎死 半工讀女生想做護士卻被拒
Vložit
- čas přidán 8. 06. 2019
- 「喺一個人最需要你嘅時候,你可以伸出援手去幫佢,你唔只係幫到個病人,亦幫到佢屋企人,我覺得係好有意義。」這就是護理系學生葉嘉茵不惜半工讀來追尋護士夢的原因。她現於香港理工大學護理系就讀二年級,但原來其升學之路一點都不簡單。
前路茫茫 毅然退學
嘉茵在中五會考考獲19分,順利升讀中六,但與很多青少年一樣,她當時未有認真規劃自己的前路,亦「唔知讀咩好」。而當時兼職補習導師的她,覺得替小學生補習很有滿足感,更打算以此作為日後的職業,於是她讀了數個月中六便毅然退學。
服務長者 萌生使命感
機緣巧合下,嘉茵報讀了一個保健員文憑課程,並開始在老人院舍擔任保健員。雖然在院舍的工作不容易,亦時常會接觸到污穢物,但她在工作中卻發現自己很享受與長者溝通。
而一次生死無常的經歷,令她發現她想做的遠遠不只是替長者洗澡、餵食。「嗰次係我第一次摸人哋手腕橈動脈呢個位,佢(婆婆)係冇咗脈搏、停頓咗。」那是嘉茵在院舍工作沒多久後發生的事,她親眼目睹一位女院友被葡萄噎死。「冇諗過一個人、一個生命係咁脆弱,轉眼間就消失。」如此震撼的經歷令嘉茵明白生命的脆弱,她希望做更多事、幫更多人,於是萌生想當護士的念頭。
報讀護士學校 三度遭拒
意識到自己的護士夢後,嘉茵隨即着手報讀本地護士學校,惟所報讀的三所學校均將她拒諸門外,最後一次的面試更是歷歷在目,「唔係因為你資歷有問題,係因為我哋好少會收年紀較大嘅學生。」對嘉茵來說,面試官的這番話無疑是沉重的打擊:「好似有啲嘢係改變唔到,注定失敗,因為年齡係冇得改變。」
幸好嘉茵沒因此而否定自己,反而更積極找其他方法實現夢想。最後她選擇報讀夜校,備戰一年半後的中學文憑試(DSE)。
半工讀備戰文憑試
「好難,例如之前未讀過通識科,次次做卷都唔夠時間。」時隔多年重拾書本,嘉茵坦言初時曾感吃力。但身為半工讀生,她面對的困難又豈止如此?每天五時半起床,在院舍工作十一小時後,便要趕到夜校上三小時的課,「有時一日瞓得三、四個鐘。如果臨近考試,假期都冇得補眠,唔好諗住可以瞓七、八個鐘。」除此之外,為節省吹頭髮的時間,嘉茵甚至將一把心愛的長髮剪去。
半工讀生活充滿壓力,令嘉茵時常想放棄:「真係好攰、好辛苦,試過溫溫吓書趴喺張枱度瞓。」但她明白自己沒有更多歲月可以蹉跎,萬一這次DSE失手,就要多等一年,失去的東西可能會更多。因此她認為少少犧牲是在所難免。「如果你依家問我,我諗我都未必做到。」嘉茵笑言。
不要讓挫敗使你迷路
最後嘉茵於2017年的DSE考獲最佳五科成績24分,順利入讀心儀已久的理工大學護理系。她現在十分享受大學生活,畢業後更打算進醫管局工作。由當初的前路茫茫,到現時目標清晰,一路走來確不容易。
與大多數同系同學相比,嘉茵的升學之路迂迴得多,身為過來人的她深明追夢真諦:「追夢係一個過程,過程中你可能需要犧牲好多嘢,失敗好多次。」在成功前,追夢者往往會面對他人的打擊及自身的否定,嘉茵則鼓勵他們要勇敢,不要輕言放棄:「冇人一生出嚟就成功,我認為磨練一下,反而可能令你愈戰愈強。」
她又分享,堅持的另一關鍵是要認清目標,知道自己每天為何事而爭取,因為「意義」對於一個人來說極其重要,「要清楚自己需要啲咩,唔好畀挫敗令你蕩失路。」
今集《港。故》用7分半鐘,向大家訴說一個「高齡」護士系女生,為追夢而不惜半工讀的奮鬥故事。
-------------
《港。故》:東網每周專題習作,講故事、講香港人的故事。
Fb:bit.ly/oncckong...
IG:bit.ly/oncckong...
CZcams:bit.ly/oncckong...
👍🏻真的超級佩服妳,我未見過有人喜歡做護理工作仍然可以咁開心,仲要係enjoy到要視為找到人生意義的地步!也非常佩服妳對投考讀書的過程,妳的堅持給了我很好很好的鼓勵,萬事起頭難,妳做到了!努力💪加油⛽️!
成功路上其實並不擠擁,因為堅持的人不多。
看到她我感動了 精神上幫到我
不能每事都用錢來行量,價值觀 !
護理系根本更應鼓勵30歲人士入行,因為前面10,8年巳經見過社會世界和試過其他行業,會更明白長者心理和願意入行做長工。
megameow345 幾多歲唔可以做?30歲都唔得?
@@simoncheung2427 梗係可以啦,只不過做護士要考牌先,學校收唔收又係另一回事。
30歲,讀註冊護士至少讀5年,登記護士讀3年,出到來做都差唔多35歲先正式入行。對比起23-25歲出來既後生,無論晉升前途甚至學習能力都差好遠,尼d全部都係學校面試reject既因素
@@marcomak4964但後生既有一部分做幾年就去海外做護士😂
@@jjlee6441 如果個個都做得護士,唔好到時又話香港醫護質素差成日爆發醫療事故,雖然依家都多,但咁做只會更多
真心佩服,唔係為$,只是想病人有好的護理,醫管局會好幸福
但醫局唔值得擁有😕
年齡大就拒絕,根本係歧視!又話香港醫護人手短缺,d面試官真心on撚9!更何況,佢一d都唔老,只不過大同學幾年。
年紀大有冇37歲?唔都算年紀大!
我估31-32歲
可能覺得培育完就好快結婚生仔唔做掛?
@@CloverT78 咁樣考個牌黎做咩鬼 要錢的 又上堂
Man God 每個人都有自己對人生既計劃,你覺得人地做嘅嘢係徒勞無功,浪費時間,但對於人地黎講就係完成人生目標,從中得到滿足感,佢既追夢精神不知不覺間亦都會感染到其他人,帶黎正能量。 To be or not to be, that is the question.
又要工作又要上夜校讀DSE都可以有24分,嘉茵很好叻女。一個堅毅,有愛心,有理想的女生👍,值得很多人的敬重,加油!
吾明白香港醫療嚴重缺乏人手, 醫院考試官以年齡去歧視考生. 香港醫療官僚影響香港生活.
然後大部分都是無乜心既人去做 真是認了一句' 窮人連死的權利都冇
應該係大學拒絕她!她現在仍未畢業。
對,護理學院//大學護理系,更應該接受30至50歲內的學生,與其叫18,22歲年輕人入行做悶工,不如找有人生經驗的壯年人,更容易更穩定。
明明醫院都不夠人還要挑
@@miuna110 唉
想喊..重有咁有passion 嘅人, 重要咁心地善良而有智慧同勇氣。一齊加油,如果重有夢想,大家都唔好放棄,你嘅堅持唔止造就你嘅成功,更加照亮其他嘅人。
半工讀都可以有這麼好成績, 好利害呀~
denise leung 佢之前有幫人補習 個底唔會差得去邊
我都係retake一年追求到自己既夢想。最終目的地係參加無國界醫生。夢想,從來沒有限制。
tsui danni 最後考到?
護士 ? 已飽和。 記得學埋法文 會有啲優勢。
@@camiyan5532都話醫生
我今天先睇到呢段youtube! 同樣地我今年43! 11歲離開香港 !現在喺外國讀緊護理三年班! 父母也不太同意! 我想喺度同大家講,千祈唔好放棄! 我現在也半工讀! 找到一份老人院的工作! 我以前做sales 年薪搵唔少! 係!呢份工係好辛苦! 但係好有意義! 希望大家一樣共同努力! 為社會盡一分力! 愛護一啲有需要嘅人!
請問你係邊個國家?
@@hakam5394 new Zealand
加油!
我剛剛完成四年班!明年2月讀EN😘
I am doing the same in California switching from Banking to Nursing in my mid 30s. Not an easy change but after 5 years I just got my practical nurse license now working on Registered Nurse.
斯文溫柔,滿有愛心,岩哂做護士
佩服你!尊敬你的精神!努力啊!護士是偉大的職業!支持你!👍🏻💪🏼😉
很感動, 第一次見有個人係好想做到護士, 我係曾經想做護士的人, 但係在讀health studies high dip的時候頓時發現自己是個吾適合做護士的人, 當時更讀得好辛苦好大壓力, 而家我轉科了, 更讀得好開心, 甚至有滿足感, 只係有時對護士也有小遺憾但沒有後悔, 所以好感謝你會咁堅持, 你真係好厲害!加油!
你真係好靚,所謂相由心生,你的內在靚到外在!欣賞你,尊敬你!加油!
佢真系天使
嫌棄學生年齡 =。。= 係澳洲 有D 60幾歲婆婆 仔大女大 先去讀護士 完自己一個夢 都不知幾被人尊重
呢度係香港......護士對病人ratio全球數一數二,60歲阿婆黎做護士分分鐘忙到猝死
其實外國有好多人都係去到30中40歲先返去讀獸醫、醫療專科轉行,好多時佢地已經做緊高薪厚職生活好好,但係佢地都肯放棄去圓夢
@@jkyotki2279 包括30 头 😂😂😂
@@user-hk7zf1xi5n那倒是,除非不以就业为目的
我也是年近40才決定重新進入學校 重新學習
看了妳的故事
對妳除了有佩服的心情
也讓我有一種多了一個同伴的感覺
加油 一起努力吧
加油
撐你啊!
我以為唔請頭髮染到5顏6色 有外露紋身既人 已經係極限
原來依家有新野 大開眼界
我見過已經做緊ge護士一個頭髮黑綠,兩個全金仲好長頭髮(差唔多都pat),一個更加灰藍
做私家醫院🉑️以,化行粧也可,但不可gel甲,這個絕對不能。😂
其實年紀吾係問題 ,因為澳洲大學護理系大把媽媽 ,年紀仲大過你 ,都讀緊護士課程,所以加油💪只要你有心有團火就夠!
我今天才看到。現在她如何?希望一切安好。善心是做醫護的首要條件。
真心善良,我懷疑她見的護士學校老師是我大姐,我大姐當年好歧視一些年紀大想讀護士的人,我覺得我大姐這想法好討厭!
有爱心又有理想,既善良又聪明,面对挫折温柔又坚定,做护士长都没问题啦。
好勵智! 我都想入大學, 黎梗可能都會讀夜校考dse, 妳簡直係我榜樣!
加油
香港真係CLS, 澳洲同好多國家40歲先想讀d 人都會好歡迎好鼓勵。
加油。
我也很想當護士,都因年齡問題。
妳這個故事很大鼓勵。
我做咗咁耐都無見過有理想嘅護卻士,加油!
能做護理員的女生,絕對是一個心善既女孩,正常人比錢都唔會做這種工種
同意,我自己之前都有做
我今年四十二歲,下個月初會入讀保健員課程,希望畢業之後可以去老人院做!
加油
只要有心,年齡根本唔係問題!我做IT,年齡歧視都好嚴重,但只要唔好理其他人的眼光,堅持目標,一樣有路行!
比心機💪際遇每人不同,抓緊每個機會。
我也是late 30s 先讀part time nursing, 讀咗7年,因為當時要照顧小朋友, 工作,家庭及功課壓力,實在唔簡單, but I did! 特別身在香港媽媽非常支持!好彩在加拿大生活,no age and race discrimination, everyone are equal! 嗰教官絕對有年齡歧視!
社會要尊重每個人學習權利。
有pt nursing?
yes I am doing the same in California. Just got my practical nurse license and working on Registered Nursing. Same situation as you with family, kids, elder parents. Not easy yet rewarding
感激有你,响遍地岐視眼光嘅香港仲有一位天使,至少令人看到希望,多謝!
護理師,真的偉大。放著家人,照顧別人。
希望有專門的護士學校,不限年齡限制都收生,也可以針對某科培訓專業,唔需要必須讀大學才能做護士咁麻煩。
護士要的是細心、熱誠,不是年輕,有人生經驗,巳經結婚生和生左小朋友,更加好啦~
我都係咁覺得、香港教育制度係另一種問題、鐘意香港醫護系統
為左做nurse 要考好個dse,最少全科2
好佩服你 堅毅 都要保重身體👍🙏💪
我年輕時都想成為護士,當時我報考過護士課程,當時亦被護士學校取錄了,可是家人卻非常反對我當護士,他們覺得這是女孩子的工作,我是男孩不應當這工作,最終我放棄了這個當護士的機會,這件事亦使我後悔了二十多年,所以大家有夢想的話,千萬不要輕易放棄。
加油,我也是剛29歲考上大學,圓我大學夢
加油 呀!
希望妳keep住呢團火,因為做護士係非常之痛苦。
加油💪🏻 多謝你為醫療行業出一分力❤️
唔怪得香港醫護人員咁缺啦!原來啲學校會年齡歧視,抵香港醫療咁差
啲試官都弱智
年齡只不過係藉口 , 唔俾咁多人入行 , 當你個階層人數太多 , 供過於求 , 人工一定唔會高 , 反而減 , 大陸有板你睇
站係病人立場 , 一定要輸入外來醫生 , 理得你地人工升定跌 , 輪唔到證就死鬼左 , 試問有邊個想咁呢?
中大醫學院歧視問題嚴重
唔缺,冇人想做醫管局旗下醫院姐,人手比例嚴重失調,環境好惡劣
Hung Lam 真心靚的又會入呢行係有但唔多,辛苦又要捱夜,好易殘,有其他更賺錢路數,陳曉華讀完都唔做
係外國大把超䶖護士啦
Wing Tung Lu 港姐李E虹都係啦
係囉 大把人40歲先做到RN
而且同學業內人士都好支持
學海無涯
外國病人對護士比例 夠低你香港3倍啦 人地 1對4-6 香港 1對12+ 老D都頂唔順
就是
同澳洲真係好唔同,澳洲護士班啲人係講緊有18歲到50幾歲都有。政府仲鼓勵佢哋去讀護士課程,。仲可以唔使錢讀
出自真心想幫人,希望你成功,加油!
我19歲考入了護士學校,但讀了不足一年便退學了!可能因為未有考慮清楚,與自己期望有落差。而你反而出來社會工作後才認定自己的方向,我相信你一定会成功,加油呀!祝福你
She looks young, determinated people are always the most beautiful
美,真係好美!!!
當年無讀完中七真係好蝕
依家呀豬呀狗都中六畢業
學歷只會愈來愈唔值錢 , 除非你係專科個批 , 否則出黎同無讀書個批差不多人工
咁你咪連呀豬呀狗都不如?
係... 呀豬呀狗 可以揸槍 可以打人 可以威嚇人
@@wenpan6570 好似唔得wow,要有5科合格或讀過毅進先得,有中六不代表有5科合格lmao
嘉茵好佩服的坚持和努力,看到你视频很感动,所以我不能放弃入医管局,因为都好努力考到牌,申請了职位通过了面试安排我验身,但几个月了还没分配工作。
現實是:當 "護士" 變成職業後,每日返工放工,照顧幾十、甚至幾百個病人,仲有一大堆行政及文書工作,或者 24 小時輪班,身心疲倦,其實好難再講樂趣、幫人、夢想.........😭😭😭
成個行業要改革,有夢想有鬥志都磨蝕哂
嘉茵姑娘加油呀👍🏼
好勵志!!加油!👍🙂
感人的故事 不管任何職業 最重要的還是知道自己的人生的目標 看到這個影片給準備考試的我一份正向的力量
This world need more nurses like you
一個為理想堅持的女生,真誠而善良。
香港應該著重多D醫療方面,鼓勵多D 30歲40歲老人院做野
又話老人院缺人,又唔比多D資源
政府一味諗點樣搞政治,民生又唔理
加油呀 佩服你 如果有咁多有心嘅護士就好啦
好佩服!又一個好勵志既經歷
未來人類年齡必定增長,年齡歧視有可能係社會既損失。
有志者事竟成👍👍👍㊗️福妳身體健康!服務社群,在䕶理行業發揚愛心,助人為樂😘😘😘😘
真是好佩服您,我讀咗保健員文憑課程幾年後,都冇勇氣去做。
私院的保健員人工比看更還低,一日返11小時14000元,悲哀!
香港需要你,加油
真係好叻!追夢無分年齡架, 我自己都係好大年紀先轉行,係辛苦嘅 但係唔可以放棄
我都係10幾年前退休50幾歲先至去讀護士,而家已做了10年護士。
你係邊個國家讀護士?50幾歲有學校收咩?亞洲國家係冇可能🤔
好叻女 將來一定是一位好妻子 好媽媽
有愛心,喜樂從心而發,天使化身,佩服,敬重妳,
好少有人做護士做得咁開心,如果有你多的人做得咁開心就我地的福氣多谢你?👍👍🙏🙏
我也不是讀書材料,努力後仍走向坎坷嘅路,羨慕佢天份⋯⋯並且得來不易的路向
好女仔,想娶佢!
我都係!
@@vanawarrendora me2
Me3, 你地成班gay?
@@shiumycheng5847 我男人黎....
@@jackkl8083 上面果兩個叫nicole同vana.... 我以為得我一個鍾意d 唔厚妝既女仔tim....
好佩服你為夢想堅持, 好有毅力, 好叻, 都好有愛心 支持你
加油~我都30出頭先讀大學
多謝您,葉嘉茵
你好勁 好支持你 好勵志 我都就考dse😭😭😭
希望考得好!! 你都要加油工作
大家一齊追夢!
我會好好記住你一句話 冇可能一生出嚟就成功嘅 需要磨練
好勵志,加油,點睇都唔老,有做護理員嘅經驗一定幫咗好多。好欣賞,重讀DSE😮proud of you.
年齡歧視
而家搵咩工都要 有個行嘅資格
中途想轉行 做乜要歧視去
原來人生都可以不一樣,真是大開眼界。
好,能達到自己理想,可喜可賀,雖然過程辛酸不足外人道,一生又能有幾人,達到自已目標理想,而無悔一生,人一生總帶著一絲遺恨,但在努力下,總有曙光!
做乜嘢工作,最緊要有心做。而且她還好年輕。那班拒絕收佢嘅人簡直係不知所謂,連教育的宗旨都唔知。
好感人的故事
What the ????? I never considered about the age would be a problem??? So call a Problem???? Omg.... you are amazing anyhow. you are great!
很敬佩妳!!盡能力改變醫護👍🏻👍🏻👍🏻
I m so proud of you! No one can judge one’s ability based on age and gender. Your determination and faith win everything. Never give up and your dream will come true. Never too late to start off your career. Add oil Hong Kongers!
我應該唔會比佢年紀小,入左護校一年了,估計只係個別考官問題。不過真的佩服去考dse,有好大決心,一定會做到個好護士。
好勵志!多謝你肯出黎講🙏🏼
我見到佢好熱血同好有毅力 非常有啟發性 你叫我宜家讀返書我都搞唔掂啦 加油啊
呢個姐姐嘅意志同毅力令而家讀中五嘅我好慚愧.......😢😢😢😢
好多謝你嘅分享呀, 好鼓勵我,我都唔會放棄我嘅夢想 🙏🏻
絕對十分欣賞和佩服你❤
佩服妳堅持,加油
年青人的典範。加油向前邁進。👍
天使!
respect!!!
希望更多真心醫護
有心,有夢想,努力去做你喜歡的工作。
唔算年紀好大姐,有咩問題啊痴線
唔算年紀好,大姐有咩問題啊!痴線!
堅持係好嘅.
香港人精神.
努力.
支持,白衣天使🎉
好有心嘅人😍
希望勿忘初心,同埋希望唔好忘記幫人
難得、佩服!🥰
這個女孩子很漂亮, 也不覚得老.
愛心最重要
厲害👍🏻這段日子一定不易過