الجزء الثاني : بناء الهيكل الأسود في قسيمتي ب المطلاع سرداب و3 أدوار من ( أ - ي ) ..
Vložit
- čas přidán 24. 11. 2021
- (نتشرف بمتابعتكم لقناتنا ونسعد بخدمتكم)
▪️المقدمة : الهدف من المقطع نقل تجربتي بسلبياتها وإيجابياتها في بناء الهيكل الأسود من (أ - ي) حتى يستفيد الجميع منها ،، وأتمنى تعليقاتكم تكون بعد متابعة الأجزاء (ال 4 ) لأني موضح جميع الإجراءات ومراحل البناء والتفصيل في جميع أسعار مواد البناء والتكلفة كاملة في الجزء الرابع ..
---
▪️الدفعات التي تم أستلامها وبالترتيب :-
1- الدفعه الأولى مباشرة عمل (9555 دينار) ، للعلم تم تسليم رخصة البناء مع التوقيع في بنك الإئتمان.
2- الدفعه الثانيه بعد صبة القواعد واللبشه (5740 دينار).
3- الدفعه الثالثه وتعتبر مكمله للدفعه الثانيه بعد صبة سقف السرداب (5736 دينار).
4- الدفعه الرابعه بعد صبة سقف الدور الأرضي (5736 دينار).
5- الدفعه الخامسه بعد صبة سقف الدور الأول (5736 دينار).
6- الدفعه السادسه بعد صبة السقف الأخير وأنتهاء المباني (4775 دينار).
(المبلغ الإجمالي للهيكل الأسود 37275 دينار).
---
▪️ملاحظة :-
▫️طريقة التقديم على طلبات الدفعات ⬅️ أدخل موقع بنك الائتمان والتقديم على دفعة .. وأختار مرحلة (رقم 2) ،، وأرفع كتاب الصبه وكتاب إعتماد توقيع (نفس الكتاب) تطلّع الكتاب من مكتبك الهندسي ،، وتابع الدفعات على مرحله (رقم 2 ) حتى الإنتهاء من آخر سقف ..
▫️مجرد ما تراسلهم في موقع بنك الإئتمان وتضيف لهم رسالة مكتبك الهندسي بعد الأنتهاء من الصبة توصلك رسالة مباشرةً 👇
عميلنا العزيز : تم تسجيل طلبك, تابع حالة الطلب من خلال التطبيق الهاتفي
وبعدها بيوم توصلك رساله 👇
عميلنا العزيز: سيتم الكشف على العقار خلال 5 أيام عمل ، حمل التطبيق الهاتفي للمتابعة
(بعدها أقل من 5 أيام يتم الكشف على بيتك ويصورونه ويعتمده وبنفس اليوم ينزل المبلغ بحسابك).
--
" إجراءات موافقة الجار "
1.نموذج ((موافقة جار)) من مكتبك الهندسي.
2.تتواصل مع جيرانك ويتم تعبئة البيانات وكل واحد منهم يكتب أسمه ورقمة المدني وعنوانة بالمطلاع وتوقيعة.
3.صور البطاقات المدنية لك ولجيرانك.
4.تختار أي مختار في محافظة الجهراء ويختم عليها.
5.تسلمها لمكتبك الهندسي ويكمل الإجراءات الباقيه.
▪️مختارين محافظة الجهراء :-
1- مختار منطقة النسيم/ عبدالعزيز الجعيب
2- مختار منطقة العيون / ملوح الحربي
3- مختار منطقة النعيم / طلال القحص
4- مختار الجهراء والواحه / حمد العيار
5- مختار منطقة تيماء / خالد العنزي
6- مختار منطقة القصر / خالد الحجاج
--
▪️في الختام هذا إجتهاد مني فإن أصبت فمن الله وإن أخطأت فمن نفسي والشيطان .. ونسأل الله التوفيق للجميع ،، ولا تنسوناااا من دعائكم.
جزاك الله كل خير وجعله في ميزان حسناتك
الله يجزاك خير اخوي عسها في ميزان حسناتك و مشكور على هذه التفاصيل
العفو .. ونسأل الله القبول وتشرفت بمتابعتك للقناة.
صبحك الله بالخير ابو خالد وجزاك الله خير على هذا المجهود الطيب والله يبارك لك في منزلك
وعندي سوال كم اتفقت مع المقاول وشنو كان الاتفاق بينك وبينه
وشكرا
السلام عليكم
جزاك الله خير يابو خالد على المجهود الطيب والله يبارك لك في البيت
ولكن عندي سوال بخصوص المقاول كم كان اتفاقك معاه لاني وشنو الشروط
انا عندي أرض سد نافذ ممكن اكلمك بتعامل مع الشركة اب سرداب ودورين ونص كم التكلفة
الله يبارك ، الطيب يحتاج ارش مواد للنمل الابيض قبل صبة النظافة ؟
وفيك بارك .. يعتبر اجراء مثالي إن سويته أم لا ..
جزاك الله خير، شرح وافي وكافي، اول مرة اشوف عمالة هنود ، الوترستوب ممكن تستغني عنه بالعوازل الخرسانية ، تمتزج افضل مع الخرسانة..هذا رأي
حياك الله يا أمير ونتشرف بمتابعتك ..
العماله الهنديه موجوده وبكثره في المطلاع وخصوصاً الحداده ..
الوتر ستوب مهم جدا وزياده في تأكيد العزل لأن أضعف منطقه يدخل فيها الماء بين اللبشه والحائط الخرساني ف الوتر ستوب إذا وضعته بمكانه الصحيح يعطيك ضمان العزل بإذن الله ..
@@user-hv1vz1en3t شكرا، حاليا مع ارتفاع الاسعار، هل فيه توفير اخذ الهيكل مع المواد، تحسبا للزيادات، ام المصنعية افضل؟
@@amerrashed6287 المصنعيه أفضل في كل حالاته .. لأن بالنهايه أكثر المواد مدعومه وان زاد لك خيارات كثيره مثال الطابوق الأبيض والأسود فيه كذا شركة تختار الأنسب لك وكله في التلفون ويوصل لغاية القسيمه ..
السلام عليكم كم تكلفة السرداب و دورين ونص من مقاول وكهربائي والصحي اسود فقط
وعليكم السلام ورحمة الله وبركاته
تم الرد على سؤالك في الجزء الرابع ..
جزاكم الله خير🌹 اخوي يعني الحكومه تعطي مدعوم يصل الى ٣٧ الف؟؟
حياك الله ونتشرف بمتابعتك للقناة ..
مدعوم الحكومه يبيله تفصيل حتى تعرف مدعوم المواد ومدعوم بنك الإئتمان ..
مدعوم بنك الإئتمان (70000 دينار) يخصم منه (2000 دينار) حتى وصول تيار الكهرباء ، ويخصم منه (3000 دينار) للحكومه قيمة الأرض والمتبقي (65000 دينار) توزع على حسب إنجازك في القسيمه على شكل دفعات.
حتى نهاية الهيكل الأسود تستلم من الدفعات (37240 دينار) وبعدها (4777 دينار) للصحي والكهرباء وبعدها (4777 دينار) بعد الطرطشه وهكذا حتى تنتهي الدفعات اللي مبلغها (65000 دينار) ..
والمواد تستلمها بعد دفع مبلغ (3940 دينار) لوزارة التجارة (المطاحن بالشويخ) وتطلب بعدها بعد أختيارك للشركات (التكييف - الطابوق الأسود والأبيض - الحديد - الأسمنت - الوايرات - أطقم الحمامات ..) وهكذا ..
المدعوم مع بنك الإئتمان تقريباً (92000 دينار).
تابع بقية الأجزاء والحلقات فيها تفصيل عن الهيكل الأسود بالكامل.
جزاك الله خير يانايف شرح وافي وكافي 👌🏼
السعيدي طال عمرك مو موجود فيديو الجزء الاول ،، بعرف كم دفعت على حفر الارض ؟
موجودة الأجزاء الأربعه وتغطيه للكهربائي والصحي مع تكلفتها بالكامل ..
ادخل القناة واشترك وتطلع جميع التغطيات.
للعلم الحفر على المقاول وما حتجت إلا جيك همر على آخر نص متر وكلفني 120 دينار ،، موضحه بالكامل في البايو بالجزء الرابع.
وحياك الله.
@@user-hv1vz1en3t بوركت فعلا لقيت الرابع
الله يعطيك العافيه على الشرح وعندي سوال ليه الزفته وتجهيز البسكوت على الحارس ،، ليه المقاول مايتكفل بهذه الاعمال ؟
يعافيك ربي ويسلمك وتشرفت بمتابعتك 💐
بالنسبه ل سؤالك يرجع على حسب اتفاقك مع المقاول ويفضل تضيفها بالعقد لأن أكثر المقاولين ما يلتزم فيها ..
السلام عليكم شلون اتواصل وياك اخوي
وعليكم السلام ورحمة الله وبركاته
إذا فيه إستفسار عن ماذكرت يفضّل تسأل حتى يستفيد الجميع ..
السلام عليكم ورحمه الله وبركاته
اخوي نايف انا عندي بنيان بس تفرق المساحه عنك الي عندي 279 منطقه الظهر وعندي مدعوم من الحكومه بحال الهدام وانا ناوي ان شاء الله اهدم وابني سرداب وثلاث ادوار ونص بما انك باني وعارف حاب استفسر منك عندي انا كاش 70 الف من غير الدعم الي باخذه من البنك الاتمان هل كافيه حق التشطيب كامل انا قنوع ماحب البهرجه تشطيب الحلو الخفيف هل اقدر ابني واشطب وانا مرتاح ولا غالي علي اخوي نايف كم التكلفه بالكامل من الحفر لين اسكن بيتي وشاكر لك وسامحني على الاطاله 🌹