Koht ketkihong kitail manaman
Vložit
- čas přidán 25. 08. 2024
- Kauno Koht ketkihong kitail pwuhng oh manaman en powehdi atail kahpwal akan koaros.
Luk 10: 19
Kumwail en ese pwe I kihong kumwail manaman, pwe kumwail en kak sok pohn sineik kan oh pohn skorpion kan oh powehdi Imwintihtio, oh sohte mehkot pahn kauweikumwailla.
Madui 28:18
Sises eri ketin keiong mparail oh mahsanih, “Manaman koaros en nanleng oh sampah mweimweiongieier.
Kumwail kohwei....
Mark 16: 17-20
Manaman pwukat pahn kin ieiang irail kan me kin pwoson: re pahn kin kausasang ngehn suwed kan rehn aramas ni mwarei; re pahn mahsenki mahsen en liki kan; ma re pahn kolekihdi pehrail kan sineik kan, oh ma re nimala mehkot me pwoisin, re sohte pahn mehkihla; re pahn kidahng pehrail kan pohn me soumwahu kan, a re pahn kehlailda.” Kaun Sises lao mahsanihong irail mepwukat, e ahpw ketidahla nanleng oh ketidiong ni palimaun en Koht. Tohn padahngko ko eri pwurala oh padapadahkseli wasa koaros; Kaun-o ahpw kin ketin ieiang irail nan arail doadoahk kan oh kin kamanahkihla ar padahk kan manaman kei me kin ieiang irail.
Mahsen en Koht iei kupwuren Koht.
Mark 4: 35
Ni arail kamwuralahr pokono, tohnpadahk ko ahpw karadahng pohn pwohto me Sises ketiket powe oh iang ketila; pil ekei pwoht iang irail tangatang kolahng palio. Ahpw engmahda, oh iloak kan pwungupwungdahng pohn pwohto, kereniong kamwowihedi. A Sises ketiket mwurin pwohto, seiseimwok oh tapwi mi pohn sapwellime uluhl. Tohnpadahk ko eri kaopehda, patohwanohng, “Maing Sounpadahk, komw sohte kupwurohki atail nektehn mehla?” Sises eri ketin kipada oh angiangihada melimelo, mahsanih, “Tokedi!” E ahpw pil mahsanihong iloak kan, “Kumwail meleileidi!” Eri, ni ahnsowohte melimelo pa tokedi, ahpw meleileidi kowahlap. E ahpw ketin mahsanihong irail, “Dahme kumwail masepwehngki? Dah, kumwail saikinte pwosonla?”
Mehkoaros Ahpw meleilei di ni ansou me Kaun Sises mahsanih en tokedi. Sises ketin kipadahr ah mehkoaros saikinte uhdi, kisiniong oh ilok kan. Sises lau mahsen ah ih Soahng koaros ah tokedi.
Pasapeng en kahpwal koaros miher nan manaman me Kauno ketkihong kita.
Ma komwi emen me kin medewe me Komw sohte warohng wia sapwellimen Koht doadoahk pwehki soangen kahrepe sohte lipilipil kan ah Komw wiahier aramas aktikitik Ahpw aklapalap men. Met wehwehki me Komw kasohwe sapwellimen Kauno kepikipik oh pilipil me e ketin wiahda.
Aiseia 9: 6
Kisin seri kis ipwidiongkitailehr!
Neitail pwutak emen kohiengkitailehr!
Oh e pahn ketin wiahla atail kaun.
E pahn mwarenki, “Sounkaweid Kupwurokong,” “Koht, Wasa Lapalahpie,” “Sahm Poatopoat,”
“Nanmwarkien Popohl.”
Popohl wet pahn kipe wasa koaros. Nan atail tungoal kahpwal, popohl wet pahn poatoapoat.
Peidek kesempwal:
Ma Kauno mwahngih mehkoaros me pahn wiawi, ah dahme kahrehda e mweidada. Dahme e sohte kauhkihdi sehdano ni tapio?
Senesis 1:26
Koht eri pil ketin mahsanih, “A met kitail pahn wiahda aramas; kitail pahn wiahda aramas rasehng kitail. Re pahn ahneki manaman en kaunda mwahmw akan, menpihr kan, mahn mand oh lawalo, mahn laud oh tikitik koaros.” Koht eri ketin wiahda aramas; e ahpw ketin wiahda aramas rasehng ih.
Ni Kauno eh ketin kapikada kitail aramas, e ketkihong kitail ehr manaman en kaunda. Eri pilipilo mihmi rehtail. Kauno Koht sohte ketin lidere pilipil wet.
Kalangan n kaweid sansahl mwahu melel.kauno me melel oh mwahu n amen amen
Amen kalahngan en kaweid kalahngan en koht pohn omwi mour pastor Amen
Kaselelie maing
Kalangan eng koht ,Amen
Amen amen
Amen 🙏
Amen
Kapinga Koht! Ki sapelime mahsen me inen wewe oh ngenen mehlel
Amen
Amen