ازاي تتعاملي مع النرجسي الخفي الخبيث ؟
Vložit
- čas přidán 21. 12. 2021
- ازاي نتعامل مع النرجسي الخفي الخبيث تحديدا اذا مضطرين نستمر معاه
شوفي انا حقول لك تعملي ايه بس انا مش بنصحك تعملي كدة الا اذا كنتي حقيقي معندكيش حلول ابدا ابدا
١- اول حاجة واهم حاجة وكل مرة بقولها وحفضل اقولها مينفعش تقرري تقعدي وتستمري مع النرجسي الا لو كنتي تعافيتي تماما من ادمانه ومن الصدمة طبعا ، يعني اول حاجة حتعمليها حتبدأي تشوفي فيديوهات التشافي او تستعيني بمتخصص يعالجك من الإدمان والصدمة لازم لازم ولما تحسي ان النرجسي مش فارق معاكي مش تقولي لي خلاص انا بقيت اكرهه فكدة انا خفيت ، لا عشان تكوني خفيتي لازم تكوني لا بتكرهيه ولا بتحبيه ولا بتتغاظي منه ومن تصرفاته نهائيا فعلا حرفيا بيكون بالنسبة لك زي قط بتأكليه وتشربيه ولو لعب معاكي ممكن يخربشك فتبعديه عنك عشان ميخربشكيش تاني ، اذا وصلتي للاحساس دة يبقى ساعتها تقدري تاخدي قرار صحيح اذا تكملي او تهربي
٢- تاني حاجة انتي اخدتي قرار تكملي وانتي فاهمة الشخص اللي معاكي وعارفة خلاص كل عيوبه فمفروض حتتقبليها ولو مؤقتا لحد ماتقدري تهربي ، طيب خلينا نشوف من خواص الخفي الخبيث اللي قلناها في حلقة ازاي تعرفي انه خفي خفيف . قلنا انه بيحب يكون غامض ، يعني اهم حاجة تعمليها انك ماتفضحيهوش ولا تبيني له انك شايفة عيوبه ، عايزة تبقي حبيبته وريه انك شايفاه احسن حد حتلاقيه بقى هادي معاكي فترة من الزمن داري عيوبه حتى عنه هو واشكري فيه ادام اهله
٣- قلنا كمان انه مش بيتسامح في انك تختلفي معاه في الرأي ، طيب ماتختلفيش ، امال اعمل ايه ؟ شوفي انتي لما يكون فيه حاجة مهمة ولازم تبيني له انه مينفعش رأيه ، دة لو حاجة تخص البيت والأولاد ، تقولي له انك متفقة معاه في الرأي طبعا بس تروحي جايبة حد مهم بالنسبة له ودايما شايفه اعظم حد وتحسي كدة انه نفسه يكوون زيه ولو حتى كان سياسي او عالم يعني حد ملكوش بيه أي صلة وتروحي قايلة له بس تخيل انا قرأت ان فلان عمل كذا كذا لما اتعرض للموقف دة ، وطبعا مش كل مرة حتقولي نفس الشخص يعني نوعي ، المهم انك توصلي له انك متفقة معاه مع ان فلان عمل العكس فانتي محتارة وممكن كمان تقولي انك مش مع فلان دة ولا موافقاه في الحالة دي هو حيقول لك لا تصدقي هو عنده حق ، خصوصا انك مختلفة معاه ، يعني انتي لازم تتفقي معاه في الرأي ولا تعترضي على عظمته ابدا ، بس كوني ذكية
٤- هو ملوش علاقة باحتياجاتك فانتي عشان تقدري تتعايشي معاه مفروض ماتتوقعيش منه انه يلبي طلباتك ابدا ابدا ولا احتياجاتك ولازم تتحايلي عشان تاخدي منه احتياجاتك المادية اذا كان بخيل معاكي وطبعا دة حيكون عن طريق التلميح ان الناس بتعلق على لبسك وبتحسدك على جوزك اللي بيدفع كل دة في لبسك فدة حيخليه يدفع اكتر ، اما اذا كان أصلا مش بيدفع فانتي ممكن تقولي له ان الناس بتقول لك انتي ازاي زوقك وحش وانتي متجوزة فلان الشيك دة وتقولي له تخيل بقى لو عرفوا انك مش بتجيب لي لبس زي مابتجيب لنفسك وطبعا تبعدي فورا من ادامه او تغيري الموضع متديهوش فرصة يعمل لك غضب نرجسي ولو قدرتي تقولي الكلمتين دول في وقت تكوني حاسة انه له معاكي مصلحة أيا كان نوعها والأسلوب دة بينفع جدا مع الجسماني والنخبة طبعا لما يكون عايز علاقة ، والعقلاني والضحية لما يكون عايز مصلحة منك . المهم ان احتياجاتك المادية مش حتاخدية منه غير بالتلاعب والتحايل
٥- من صفات الخفي الخبيث انه غضبه النرجسي مش بيكون انفجارات لا بيكون تصرفات تغيظ واستفزازات تخلي اللي ادامه ينفجر وينهار وهنا لو انتي متعافتيش مش حتقدري تواجهي الكلام دة انما بقى لو تعافيتي وشوفتي فيديوهات الثقة بالنفس وفيديوها ازاي تكوني اقوى من النرجسي صدقيني دول حيخلوكي متخافيش منه وقبل دول قوي يقينك بربنا قربي من ربنا واسندي عليه وادعي يشيل عنك ويقويكي ويشيل الخوف من جواكي ، أصلا لو عرفتي ربنا صح عمرك ماحتخافي من بني ادم عشان كدة قال لك ايه قال ان ربنا يحب المؤمن القوي ، ليه القوي طب والضعيف ذنبه ايه؟ ذنبه انه ماقربش من ربنا ،ذنبه ان ضعفه سببه ان مش مدرك اد أيه ربنا قوي واد ايه ربنا عادل واد ايه ربنا حنان ومنان وحيحميه وحيقف جنبه وحيسنده ، لو هو كان قرب وجرب كان عرف وكان بقى قوي ، لو كان صبر وما اعترضش على امر الله ولا قال ليه يارب بتعمل فيا كدة ليه سايبه يعمل فيا كدة لو كان قال يارب فوضت امري اليك بصدق والله ماكان حيخذله وكان حيشوف فعلا اللي مش عارف يشوفه ولا عارف يفهمه ، لكن للأسف هو بيتكبر على ربنا ويسأله وهو لايسئل عما يفعل ، هو مش عاجبه مثلا ان ربنا ابتلاه ويفضل يعترض ويتمرد على ربنا ازاي ربنا سايبه يتبهدل وهو مش واخد باله ان ربنا بيشيل عنه ذنوب مثلا او بيرفع درجاته او بيبتليه عشان ينضفه ويجهزه عشان ينفع انه يدخل الجنة ، او بيجهزه لمهمة حيعملها بعدين ولازم يتعلم حاجة معينة عشان يقدر يعمل المهمة دي ، حكمة ربنا فوق تفكيرنا وفوق ادراكنا وعمرنا ماحنفهمها طول ما احنا معترضين ومش عاجبنا ، لكن اذا استسلمنا لامر الله هو اللي حيحلها لنا بقدرته وكمان حنكون قريبين منه وحنفهم اننا في كنف ملك الملوك يعني محدش يقدر علينا ولا ينفع نخاف من حد بالعكس المفروض العالم كله يخاف مننا ، الشيطان كان بيخاف من سيدنا عمر بن الخطاب وكان لو مشي من شارع الشيطان يمشي من الشارع التاني ، ليه ؟ لان عمر بن الخطاب كان قوي بالله وبس
نرجع للنرجسي الخفي الخبيث لو انتي قوية بربنا تفتكري حيقدر يستفزك او انتي لسة حتخافي منه ؟ اللي بقوله دة من قصص الحالات ، النرجسي الخفي الخبيث بقى بيخاف من زوجته لما قربت جدا من ربنا وبدأ يقلل من اذاه لها لانه بيخاف تدعي عليه ، مهما كان مسنود من اهله ولا من مين انتي مسنودة من ربنا ، مين حيكون اقوى ؟
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
رابط حلقة السيرة - Krátké a kreslené filmy
القرب من ربنا هو لي يخليكي قوية ويخاف منك ....زوجة نرجسي خفي مرت من هنا🤗
ممكن انا كمان خفي بس مرات بشك انه لا
بهدد بالضرب كثير وكذا مره مد ايده انا اعصبه جدا لانه متجاهلني ومطنشني ويلعب بجواله وبكل هدووء ومستكن جدداا هل هو خفي ولا لا ؟ هل الخفي من اصعب الانواع ؟
@@user-ys7gf6tb8h bbg g
هل اصلح الله حاله
التوكل على الله يصنع المعجزات والله في كل شئ مع الحبيب والعدو، أحسن الظن بالله ولا تخفن الا من الله كوني مع الله يكن معك الله ومن كان الله معه فلا غالب له
ونعم بالله
نعم المولي ونعم النصير
رغم تدينه وصيامه وقيامه فهو مؤذي والي يغيضني انه يظن نفسه على حق😵💫
هوا مسنود من اهله وانتي مسنودة من ربنا
مين الاقوى ؟
جملة ابكتني وكانت كالبلسم على جروحي
اسال الله العضيم يااستاذة كوثر ان يرزقك جنة الدنيا والاخرة ❤️
تسلمي على هذه العبارة المدونة
الله يجبر قلبك ويعوضك العوض الجميل
ربنا أراد أن تعودي أليه هذا هو الدرس الذي تعلمناه من زواجنا مع شخص نرجسي وان الله أحبك حب كثير وكفر عنك جميع سيأتيك وأعلمي ان الله معك وقد ساعدك في كثير من المواقف دون ان تعلمي وانا شعرت ان الله يخاطبني ويقول انت أمتي التي خلقتك في أحسن تقويم كوني مؤمنة قوية
اللى ربنا ساقها تشوف فيديوهاتك لازم تشكر ربنا على الهدية دى....يعنى طلعت من الظلام إلى النور
لولا القرب من الله لما كشفته قولو دائماً اللهم أرنا الحق حقاً وارزقنا اتباعه وأرنا الباطل باطلا وارزقنا اجتنابه .
الحمد لله الذي جبرني وعافاني وسندني في وحدتي وغربتي وقلة حيلتي وضعفي. اللهم لك الحمد حتى ترضى ولك الحمد اذا رضيت ولك الحمد بعد الرضا .اللهم لك الحمد كله ولك الشكر كله وإليك يرجع الأمر كله .اللهم لك الحمد حمدا كثيرا طيبا مباركا فيه ملئ السموات والأرض وما بينهما .
والله كنت اقول هدا الدعاء ولم اكن اعرف انه نرجسي فسبحانه وراني الطريق وكشفت حقيقته والحمدلله والشكر لله
شكرا أ. كوثر انت من أجمل الشخصيات اللي دخلت حياتي عام ٢٠٢١❤️يارب عام ٢٠٢٢ تكون أجمل سنة عليك للان 😘
اللهم امين يارب العالمين والصلاة والسلام على سيدنا محمد وعلى آله وصحبه وسلم تسليما كثيرا
اللهم. ارحمنا برحمتك يا ارحم الراحمين 😂😂😂😂
لا أستطيع التحايل والخداع والتمثيل-اعامله بطبيعتي واعامله بقوة واشتغل ع نقاط ضعفه -تعبت وخلاص -كيف يرغب مني كل شي حلو وايجابي وانا حالي حال الحائط
عاملى بالمثل وهونى على نفسك وقربى من ربنا
حاسى انك تعبانه روحى المتخصص
ماتسبيش نفسك لما الضغط النفسى
يدمرك صدقينى واسال مجرب
قربي من ربنا وحتشوفي رحممته لما تقربي من ربنا جامد حيبدء ينتقملك منه فحيخاف و ينقص اذاه و الله انا فيها يا اختي ما تستساميش
اولا ركزي على نفسك حتى تتعافي
@@user-wo7ug1pv5f كلما تكوني قوية وتطنشيه ولا تخافي منه ومن ردات أفعاله الكانت تخيفك هو راح يتراجع ويخاف مثل الفار في الماء والله خليك شرسه وصامته تصرفاتك تبين انه مش هامك شي وتشوفي الرعب في عيونه
Moi aussi karht manouu
فعلا المؤمن القوي خير من المؤمن الضعيف
مشكوره استاذه كوثر..لم اكن اعلم ان الانسان اللي حبيته وتزوجت منه ضد رغبة أهلي ما هو الا نرجسي خفي خبيث وكيف عرفته الا من معلوماتك القيمه المفيده حتى اكتشفت اني من الشخصيات العاطفيه ولكن تحولت بسببه الى شخصيه عاطفيه معقده من كثر الصدمات والخيانات والتلاعب والكذب منذ 18 سنه لماذا تحملت كل هذا لانني كنت اشعر اني اذا تركته يبقى كذه ظلمته وهو بحاجه لي وزواج لازم يكون في الضراء و السراء اكييد مغفله!!
قبل سنتين طلبت منه الطلاق لاني انفجرت وبقيت مقهوره خذيت اطفالي لبيت اهلي لم يتردد وطلقني بغضون شهر وتزوج من الانسانه اللي كان يخوني معاها من 15 سنه وعندها اولاد كبار.. وهو اللي خبرني انه ارتبط ..غريبه صح!!
رجعت له عقب فتره عشان اولادي صغار وانا عايشه بالغربه واهلي ببلد تاني ..اشترط علي انه مش حيطلق التانيه وانا السبب في هدم بيتي وووو بقى شخص تاني ماسك علي غلطه فبقى يقلل مني ومرات يقارن بيني وبين التانيه ..الحمدلله اني اكتشفت فيديوهاتك انا عايشه معاه ببرود عشان اطفالي الصغار ..اكتشف كل مره انه يرسل الهديا والمال لتانيه واولادها كمان اللي اصغرهم عمره 21 سنه!! ونحن يعطينا الفتات الفتات على حسب مزاجه طبعا ومرات يطلب مني فلوس عشان سجايره واذا قلت لا يعصب ويدخل في صمت عقابي
استاذتي كل محتوى تقدميه ارى فيه نفسي،ساعدتني تلك المحتويات القيمه فوضحت لي نقاط لم اكن اعلمها او افهمها ..شكرا جزيلا اتمنى لك مزيدا من التقدم والنجاح الدائم.
كم عظيمة انت يااستاذه كوثر تحلي هذه المشاكل والمصايب وانتي مبتسمه ابتسامه كالبلسم على الجروح
الخبيرة كوثر سند / الله يجزاك خير..انا مدمنة فيديوهاتك..حتى لو ..ما لحقت اشوفها في وقتها ..لازم اتابعك..لان معلوماتك جزء من حياتي.
الام نرجسية والزوج والله الى الآن ما عرفته اذا هو نرجسي منحرف خبيث او خفي او ستوكهولم او مازوخي او سيكوباتي او مزيج من هذه الاشياء المفر الى الله والله تعبت حسبي الله ونعم الوكيل
النرجسي ماينفعش معاه غير القوة والثقة بالنفس والتجاهل والتعافى منه تماماً والاعتماد على النفس ويبقى عندنا مصدر رزق وفى نفس الوقت نبقى ذوق معاه ونحترمه أحياناً .. يعنى نتعامل معاه حسب تعامله معنا .. ده من خلال تجاربى معاهم .. وألف شكر لحضرتك يا دكتورة .. حضرتك إنسانة جميلة ومثقفة وواعية وربنا يجعل تعبك ومجهودك معانا فى ميزان حسناتك يارب 💖
طيب ولو هو عامل لى تجاهل اتجاهله ولا اعمل هوفرينج
تعملي تجاهل الى اخر الدنيا😊
انتي بلسم للجراح المدد لنا بعد رب العالمين ونحن في مازق كبير للتعامل نجد فيديواتك جاهزة لنا فجزاك الله كل خير .ورزقك الجنه بغير حساب وعقاب
انتي عسل اسمعك بعد صلاة الصبح وارتاحيت نفسيا طبعا ثمانية سنوات لم اطلب منه شئ لي لأني اشتغلت وربي عوضني برزقه رغم التعب الي تعبته لكني فخورة بربي
ربنا يكرمك والله يا دكتوره كنت فعلا محتاجه الحلقه ديه
رزقك الله حظ الدنيا ونعيم الاخره .فعلا بفضل التقرب من الله هدانا لقناتك .بارك الله مجهودك وجعله في ميزان حسناتك .
احبك في الله استاذة كوثر ...كل ما بسمع وعيد الفيديوهات استفاد اكثر و اقوى اكثر الحمد لله
ربنا يجزيكي خير علي كل معلومه وكل كلمه بتبرد قلوبنا كل يوم بستني الحلقه بحبك في الله
ممتاز يادكتور كلام رائع...فعلا وحقا الله هو السند وهو المعوض وهو المكافئ. هو المطيب للخواطر...نسأله رضاه والفردوس الأعلى وصحبة نبيه صلى الله عليه وسلم
اولا احلى لايك لاحلى استاذة كوثر ❤️
جميل جدا انتي كوثر سند
هنتعبك معانا ياجميلتي عاوزين حلقات كمان عن الخبيث
بحبك اووى
جزاك الله خير … بكل صدق تعلمت منك الكثير 🌸🌸 ف ميزان حسناتك يا رب
💐 انا فوضت امري لله هو يتولاني برحمته انا وزوجي وبنتي واولادي وزوجاتهم واحفادي وحفيداتي امين ياارحم الراحمين 🌼🌻🌺
جازاك الله عنا خير الجزاء....شكرا من القلب يااستاذة.......
ماشاءالله عليكي يا استاذه كالعاده طبعا
ربنا يديمك ف حياتنا
جزاكى الله كل خير وجعله في ميزان حسناتك يارب
واحلى لايك لاحلى استاذة كوثر سند ربنا يسعد قلبك ويجعل كل تعبك في ميزان حسناتك أن شآء آلله تعالى..كثير استفدنا من حضرتك الف شكر
ما احلا ضحكتك وحديثك
حبيبتي كوثر سند ربنا يكرمك يارب ويجعله في ميزان حسناتك
عاوزة احط ١٠٠٠٠٠ لايك و بوسة كمان
يارب اجبرنا جبرا يليق بعظمتك و قدرتك
ربنا ينتقم عاجل غير آجل
طيب الحمد لله لا بحبه و لا بكرهه ولكن المشكلة انى عاوزة انتقام ربنا منه و نارى مش بتبرد مهما عدى وقت و سنين
وكمان لسة بتخنق و اعيط و بحس بالقهرة
و بكره انى متعاطفة لانى الناس بقت تاذينى و عارفة ان لو يجوا و يبكوا و يستسمحونى و يمثلوا هضعف و يصعبوا عليا نفسي قلبى يبقى قاسي علشان محدش ياذينى
دي اول مرة اشوف حضرتك...
و وجدتك انسانة جميلة وشخصية قوية ومقنعة جدا ❤️❤️ جزاك الله كل خير ووفقك لمساعدة الناس أكتر يارب
أول لايك بحبك أوووي❤️
الله يكون فى عون كل زوجة والله تستحمل كل ده
في حلقة للتعامل مع النرجسي الخفي الخفيف و الوسط
كلامك دخل في قلبي جزاكي الله خير يا رب
ضحكتيني لما قلتي بيخاف من دعوتك فعلاً والله يخاف ادعي عليه لان مره حصلت مشاده بيننا وانا لسه عروسه ما اعرف انه نرجسي فقمت ودعيت عليه قدامه في الثلث الاخير فكان بيتريق على دعااي ويتهكم اقسم بالله ما اغربت شمس ثاني يوم الا وهو في السجن مصيبه كبيره حلت عليه وقال لي كله من دعااك وانحبس فتره طويله وكنت بدعي اذا قهرني والله اشوف اجابتها مثل فلق الصبح فلله الحمد والمنه الله عند ظن عبده به ..بالنسبه للتحايل اوقات بتحايل عليه لكن تعب والله نقضي حياتنا نخطط ونتحايل بحس اللي يصير فوق طاقتي ماعدت اتحمل لكن ما ببين له لاني ناويه افجرها في وجهه يزينها الله في وقتها 🙂
ونعم بالله انا ايظا يخاف من دعائي
اشكرك جدا كوثر هانم ....انا كل يوم بحس بالقوى اكتر ...واكتشفت انى بتعامل مع نرجسى خفى خبيث قوية ضحية
جازاك الله خيرا سيدتي ..ونفعنا بعلمك اميين
انت فعلا انسانه مومنه ومثقفه وعظيمه الله اكبر علي علمك وشرحك ربنا يحميكي ويحفظك ويخليكي لكل مستضعف وقع في انسان جاحد ظالم
ولله كل فديو احسن من الثاني احسن حاجة لي سعدتني اني تعرفت على فديوهاتك
*سُبْحَانَ اللَّهِ وَبِحَمْدِهِ عَدَدَ خَلْقِهِ ، وَرِضَا نَفْسِهِ ، وَزِنَةَ عَرْشِهِ ، وَمِدَادَ كَلِمَاتِهِ ..* 🌿🌿
صعب كثير عليا اني امثل وًانا تعبت من كل شيء
الحمدلله انك تعطينا معلومات قيمة الي تقوينا في هذا الزمن
الله يبارك فيك يا حبيبتي
حلقه عظيمه ❤
جزاكِ الله خيرا...🌿🍃☘️
جزاكي الله خيرا يا حبيبتي
يا احلى كوثر يارب نتقابل معاك
على الكوثر ونشرب إيد رسول الله صل الله عليه وسلم وبارك
أحبك من اعماق قلبي
رزقك الله بالجنه على مجهودك معنا و موساتك لنا
حلقة رائعة كالعاده جت في وقتهه
احلى شي حصل في سنة ٢٠٢١ اني عرفتك ان شاءالله سنة ٢٠٢٢ تكون سنة خير وصحة وسلامة عليكي يارب
جزاك الله عنا خير الجزاء
بارك الله فيكي حببتي صاحبة الابتسامة الجميلة الله يسعد قلبك يارب 🌹👍💯❤🌹💝
ياريت يا دكتوره مزيد من حلقات النرجسي الخبيث
ياريت
جزاك الله كل خير ❤️
احلي ليَك لنهيده يلي طالعه من قلبك يا عسل كلامك مريح
جزاك الله خيرا حبيبتي ☘️🌹🌹🌹☘️
والله كلامك جميل جدا ماشاء الله عليكى ربنا يسعدك ويربح قلبك
شكرااخت كوثر ربنا يورينا فيهم يوم متطلعش عليه شمس يارب العالمين نورتينا من الجزائز
كل ماأسمع مقطع جديد أتعلم أكثر وأحبك أكثر
ماشاء الله عليك إنسانة رائعة وحنونة
الغريب نبدأ نبعد عن النرجسي ونتعلق فيك
ربنا يبارك فيك ويجعلك الأمل لنا وطبعا ماننسى اللجوء لله والدعاء فنحن نحتاج للقوة
صح اوووووي القوه من الله عليكم بلذكر و الدعاء مع حسن العمل يا رب يا ودود يا رب اشفي مرضانا يا رب و اهدي المسلمين اهدينا و ارشدنا و ردنا إليك ردا جميلا بحبك يا عظيم و بحبك استاذه كوثر و بحب اخواتي فالله
سبحان الله والحمد لله ولا إله إلا الله والله أكبر ولا حول ولاقوة الابالله العلي العظيم شكرا لك استاذه كوثر
سبحان الله الكوتر مع السند دي في حد داتها حكمة من ربنا الكريم الله يجعل كوتر في ميزان حسنات والديها انشاء الله
الحمدلله الذي عافانا اخترت الطلاق من نرجسي خفي خبيث لكنه بجانب الإساءة المستخبيه كان يعمل غضب نرجسي فظيع وف الاول كنت بعمل كل الخطوات بفطرتي وإحساسي بنفسيته المريضه لكن لم اتحمل عدم التقدير والاهانات الشديده والافتراءات خصوصا متكرره امام الناس وعدم تلبيه احتياجاتي وطبعا بدون ما يسيب عليه اي دليل والغيره الشديده حتي من اخي ومن اي تصرف تلقائي مني لو الهوا عدا جنبي يقول اشمعنا معداش جنبي ليه ..فعلا مكنش لاقيه اي سبب يخليني اكمل برغم وجود طفل
والله كلامك كله صح ماشاء الله عليك
حلقة رائعة جزاكى الله خيرا
بتجنني وانتي بتحكي عن رب العالمين ❤️❤️❤️
ربنا يجعله في ميزان حسناتك
ممتازه الدكتوره كوثر وبستفاد من حضرتك
بارك الله فيك وجزاك الله خير
ربي يجزيك جنان النعيم يسعد قلبك وروحك 💐💐💐
جزاكي الله كل خير
لا اتفق معك يا دكتوره في اخفاء عيوبه لا عن اهل الزوجة ولا الزوج لانه ممكن يتحول لنرجسي مؤذي ممكن اذاه يطال مسألة حفظ النفس فلا تخفي عنهم شيئا
علي فكرة الدكتورة صح لإن لو أظهرتي عيوبه بيثور ويتحول لشخصية مرعبة لإنك أظهرتي ضعفه لأشخاص بيستمد قوته منهم وخصوصا أهله
صح انا عندما كنت اشتكي لاهلي بعدها عندما عمل الالقاء وقف اهلي في صفي
لا اله الا الله العظيم الاعظم والعظمه لله وحده لا شريك له له الملك وله الحمد وهو على كل شيء قدير
عن اهلك انتي متخبيش لو واثقه انهم مش هيثوروا عليه ويبهدلوا تخطيطك معاه وطبعا تتاكدي دايما انه ميعرفش انك قايلالهم حاجه وخدي عليه دلايل ماديه تثبت كلامك وعينيها بعيد عن عينه تماما اما اهله يا حبيبتي غالبا هما السبب في شخصيته مش هيقفوا في صفك مهما بينوا كده بيكونوا بيدمروا مش بيعمروا ميفيدكيش اي شئ انك تعرفيهم الدكتوره قالت مش سهل وللي مضطره عشان تتجنب مساوءه لان اكبر مساوئه انك تفصحيه كده بتطلعي الوحش الي جواه ومش هيعاقب حد غيرك هيقول خلاص الي كنت خايف عليه حصل هيبقي ماشي قطر مفيهوش فرامل وعليكي انتي
الله يسعدك دنيا وآخرة
دكتوره كوثره إنتي ليكي افضال كتيره عليه وساعدتيني في معلومات وغيرت حياتي بس في بعض فيديوهاتك بحس انك لطيفه وطيبه جدا جدا بذات بنسبه للتعامل مع النرجسي الخبيث انا فعلا بقيت بحس إن النرجسي م ينفع معه التعامل بطيبه
بارك الله فيكي يا دكتوره كلامك اكثر من ممتاز احسن من اكبر داعيه اسلامى
ربنا يلطف بينا ويرزقنا الصبر ❤❤ ويجعل كل دا في ميزان حسناتنا اللهم أمين يارب
حبيبتي ربنا يسعدك ويراضيك
بجد يا دكتوره الفيديو ده بيوضح ان طريقه التعامل مع الخبيث متناقضه تماما مع طرق التعامل مع الأنواع الاخري من النرجسين
أنا أعاني معه حقيقي
بالله ادعولي كتييييير بظهر الغيب ربنا يفرج عني وربنا يحفظني ويبارك في أولادي لأني صرت أتعب نفسيا واكره كل شيء بالحياة أخاف أقول حتي أولادي اللي أموت عليهم صرت وقت الغضب أقوله خدهم بس سبني
فوضت أمري لله 🥺🥺🥺🥺🥺
نعم والله ان من يتقرب يعرف وبعد ان يعرف يغرف نعم احسنتي
جزاك الله خيرا
ابكتني الحلقه من المي على تجاوزنا على عظمة الخالق وهو السند الحقيقي لنا احلى صباح ساعه ٧و٢٥ دقيقه
انتي رااائعه جداااا❤
مفيش أجمل من تفويض الأمور لله وإظهار ذلك أمام الجميع .
جزاكي الله خيرا
ربي يباركلك حبيبتي
أتمنى أن تجيبيني عن سؤال هذا كيف اجبره على الخروج بمفردي فهو يمنعني من الخروج ابدا
صح جدا ربنا معانا طول الوقت ربنا معانا
الله يديكى الصحه والعافيه
انتي حبيبتي انا بحبك اووووي كلامك بيريح قلبي اوووي
كلامك جميل والله كل ما اسمعك تزداد قوتي بنفسي ويزداد ايماني بالله بالرغم من اني لم استطيع التخلص من زوجي النرجسي ومع ذلك مستمرة معاه في حرب وهو يعلم اني اصبحت اقوى من قبل مثل ما عرفني اول مرة ويقول تغيرت كتيرا انت تعرفي علي شخص اخر لم يفهم اي شيء احبك في الله واعانك الله في تنويرنا
وبالنسبه الاحتياج العاطفي و العلاقه اللي حارمني منهآ إعمل ايه
يحبيبتي استاذتنا الغاليه الله لايحرمنا منك نريد حلقه كيف نتعامل مع النرجسي الخبيث وفي انفصال ولكن نطر نشوف بعض عشان بينا بنت صغيره وانا بدوله اوربيه مارس كل انواع الظلم معاي الله ينتقم منه ياريت حلقه بهالخصوص شاكره ليكي .
شكرا بارك الله فيك
المشكلة ان كلامك كله صح ..وضد طبيعتنا وبنعمل مجهود كبير عشان نبقى خبثة ونلف وندور تعبنا يادكتور تعبنا بس راضيين والله
مستنياكى😍
اووووه فعلا اتعلمت صير وحش الكون مع كل العالم ،وصرت مرشدة ،وبستغرب من شغلات كتير وارتفعت كتييير بسببو وبسبب سيطرته تعلمت التحرر وبسبب تسلط لسانه تعلمت التحنيك مع كل الأجناس وزادت بصيرتي وصرت بعرف كل يلي متلو،وصلت معه يمسك الحذاء ويضربه بجانبي ع الحائط وينظر لعيني فأمسك الحذاء وافعل نفس الشئ ،واكتب له طلق خد الاولاد خذ المنزل عادي
جزاك الله كل خير يا احلي استاذة
فعلا حبيبتى قال فى ذلات لسانه أنا بخاف منك بعد التعافى الحمد لله رب العالمين على وجودك في حياتي علمتنى الكثير والكثير اللى لم اتعلمه من امى التى ولدتنى
و افوض امري الى الله أنا الله بصير بالعباد، الحمد الله رب العالمين على كل حال من الأحوال ،اللهم لا نعترض على حكمك ولكن بعترض على حكم البشر حسبنا الله ونعم الوكيل فيهم
حسن الظن بالله فما ظتكم برب العالمين... والله ظني فيك ياربي عظيم وجميل فوضت امري اليك ويارب دبرلي فاني لا احسن التدبير
الحمد لله الذي بنعمته تتم الصالحات
ربى يزيدك حفظ ونور وبركه ويجعل لك من ضيق مخرجا أمى الحبيبه❤️💐
وصل اللهم وسلم وبارك على منة الله علينا أجمعين نبينا محمد صل الله عليه وسلم
استغفرالله العظيم واتوب اليه عدد خلقه ورضا نفسه وزنة عرشه ومداد كلماته اللهم صل وسلم على نبينا محمد وعلى آله وصحبه أجمعين
دكتورة كوثر عندي مجموعة أسئلة ، كيف أستطيع التواصل معك بشكل خاص أو عبر البريد الالكتروني ؟ لك مني جزيل الشكر
حسبي الله ونعم الوكيل نعم المولي ونعم النصير افوض أمري إلي الله ان الله بصيرا بالعباد وان الله يتولي الصالحين