#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍
Vložit
- čas přidán 12. 09. 2024
- #ចំណងជើងវីដេអូ៖ «យើងជាអវយវៈនៃព្រះគ្រីស្ទ» We’re The Limbs Of Christ
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី២០ ខែសីហា ឆ្នាំ២០២៤។
«យើងជាអវយវៈនៃព្រះគ្រីស្ទ» We’re The Limbs Of Christ
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ត្បិតយើងរាល់គ្នាជាអវយវៈរបស់រូបអង្គ នឹងសាច់ឆ្អឹងទ្រង់» (អេភេសូរ ៥:៣០)។
ពិតជាអស្ចារ្យមែន! ព្រះគម្ពីរចែងថា៖ «ត្បិតយើងរាល់គ្នាជាអវយវៈរបស់រូបអង្គ នឹងសាច់ឆ្អឹងទ្រង់»។ នោះមានន័យថា យើងជាអវយវៈរបស់ព្រះគ្រីស្ទ។ នោះហើយជាអ្វីដែលពាក្យ «សមាជិក» ចង់មានន័យ។ ដូច្នេះ ជើងរបស់អ្នករាល់គ្នា គឺជាជើងរបស់ព្រះគ្រីស្ទ។ ដៃរបស់អ្នករាល់គ្នាគឺជាដៃរបស់ទ្រង់។ អ្នករាល់គ្នាត្រូវបានផ្សំឡើង ដោយមិនដាច់ពីគ្នា ដូចជាតែមួយជាមួយទ្រង់។
នេះជាអត្ថន័យនៃ ១កូរិនថូស ៦:១៥ ដែលខគម្ពីរចែងថា «តែមិនដឹងថា រូបកាយអ្នករាល់គ្នា ជាអវយវៈរបស់ព្រះគ្រីស្ទទេឬអី?»។ នោះជារឿងដូចគ្នាដែលយើងអាននៅក្នុងអេភេសូរ ៥:៣០។ ខគម្ពីរនិយាយទៅកាន់សមាជិកម្នាក់ៗនៃពួកជំនុំ។ នៅក្នុងអ្នករាល់គ្នា ព្រះគ្រីស្ទត្រូវបានតំណាងយ៉ាងពេញលេញ បញ្ចេញមក និងបង្ហាញឱ្យឃើញ។ ទ្រង់ដើរក្នុងអ្នករាល់គ្នា និយាយក្នុងអ្នករាល់គ្នា និងតាមរយៈអ្នករាល់គ្នា ធ្វើការក្នុងអ្នករាល់គ្នា និងតាមរយៈអ្នករាល់គ្នា។
មិនថាអ្នករាល់គ្នានៅទីណាទេ អ្នករាល់គ្នាគឺជា «រូបកាយ» របស់ព្រះគ្រីស្ទ-ជាអវយវៈរបស់ព្រះគ្រីស្ទ។ នេះគួរតែជាស្មារតីប្រចាំថ្ងៃរបស់អ្នករាល់គ្នា។ ការកើតជាថ្មី អ្នករាល់គ្នាគឺបានរួបរួមជាមួយនឹងព្រះគ្រីស្ទ៖ នោះជារឿងដ៏ធំបំផុតអំពីសេចក្ដីសង្រ្គោះរបស់យើង។ មិនត្រឹមតែត្រូវបានវិញ្ញាណរបស់អ្នករាល់គ្នា ត្រូវបានបង្កើតឡើងវិញនោះទេ អ្នករាល់គ្នាក៏ត្រូវបានជ្រមុជក្នុងព្រះគ្រីស្ទ អ្នករាល់គ្នាក៏បានចូលរួមជាមួយនឹងទ្រង់ជាការបង្កើតដ៏ជាព្រះដែរ។
១កូរិនថូស ១២:១៣ ចែងថា «...យើងបានទទួលបុណ្យជ្រមុជ ចូលក្នុងរូបកាយតែ១ ដោយសារព្រះវិញ្ញាណតែ១...»។ ឥឡូវនេះអ្នករាល់គ្នា អាចយល់នៅពេលដែលព្រះគម្ពីរចែងថា រូបកាយរបស់អ្នករាល់គ្នា គឺជាព្រះវិហារនៃព្រះវិញ្ញាណបរិសុទ្ធ (១កូរិនថូស ៦:១៩ និង១កូរិនថូស ៣៖១៦) នេះមិនមែនជាការនិយាយបែបសាសនាទេ វាគឺជាសេចក្ដីពិតនៃជីវិតរបស់អ្នករាល់គ្នា។ អ្នករាល់គ្នាគឺជាភាជនៈរបស់ព្រះ។ ព្រះកំពុងធ្វើការនៅក្នុងអ្នករាល់គ្នា ហើយបង្ហាញនៅក្នុងអ្នករាល់គ្នា និងតាមរយៈអ្នករាល់គ្នា។ ចូរយកចិត្តទុកដាក់ចំពោះសេចក្តីពិតទាំងនេះ។ ចូរសញ្ជឹងគិតលើសេចក្ដីពិតទាំងនេះ ហើយរស់នៅតាមនោះជារៀងរាល់ថ្ងៃចុះ។
#សេចក្ដីអធិស្ឋាន
ខ្ញុំទទួលស្គាល់ការរួបរួមដ៏ជាព្រះរបស់ខ្ញុំជាមួយព្រះគ្រីស្ទ។ គ្រប់ផ្នែកនៃរាងកាយរបស់ខ្ញុំដំណើរការយ៉ាងល្អឥតខ្ចោះ ដោយឆ្លុះបញ្ចាំងពីជីវិត និងអំណាចនៃព្រះគ្រីស្ទនៅក្នុងខ្លួនខ្ញុំ។ ខ្ញុំដើរក្នុងមនសិការនេះ ដោយដឹងថាព្រះគ្រីស្ទត្រូវបានតំណាងយ៉ាងពេញលេញ បញ្ចេញ និងបង្ហាញនៅក្នុងខ្ញុំ និងតាមរយៈខ្ញុំ ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ រ៉ូម ១២:៥ យ៉ូហាន ១៥:៥ អេភេសូរ ១:២២-២៣ និងកាឡាទី ២:២០ (ការកើតជាថ្មីកម្ពុជា)
