Bläck Fööss, Kölle am Rhing

Bläck Fööss, Kölle am Rhing
Kennst Du en Stadt, wo an jeder Eck eene kleine Weetschaft steht,
un wo mer einmol em Johr mit Drumme doosch de Stroße jeht,
wo mer sich em Veedel noch beim Name kennt?
Do jitt et Minsche, die han em Kriesch et Laache net verliert,
hann zwische Trümmerhaufe un viel Schutt nie resigniert,
sich eene Freud zu maache is hei keinem fremd.
Kölle am Rhing, jo dat is ming Stadt, dat is ming Kölle am Rhing,
un hei will ich blieve, hei jehüre ich hin, hei bin ich daheim,
hei fühle ich mich nie janz allein,
Kölle am Rhing, all ding Hüscher un ding Stroße, Kölle am Rhing,
wird ich niemols verlosse, wo ich och bin,
hän ich immer nor flück heim ze sinn, he am Rhing.
On jeder Fremde, der zu uns kütt, is jar net lang allein,
he hilf´der Schmitz och´nem Ali flück ens widder op d´r Bein,
zusamme stonn wie eine Mann, dat es doch klor.
Hei schwaat mer Kölsch, denn dat is un bliev unsre lievste Muttersproch,
un Kölsch ze trinke, dat es noch schöner, m´r han nie jenoch,
uns´ Stadt, die es un bliev so wie se immer wor.
Kölle am Rhing, jo ...
Kölle am Rhing, jo ...

[@hermanschut719]

👍