إزاي تعيشي حياة شبه طبيعية مع النرجسي من غير توتر وشعور بالضيق طول الوقت .....كوثر سند
Vložit
- čas přidán 6. 09. 2024
- هل يمكن تجديد العلاقة مع النرجسي ؟
هل يمكن التصالح او التوافق او الانسجام مع النرجسي ؟ ازاي تقدري تتقبلي الحياة مع النرجسي وتتعايشي بدون حزن وقهر ؟
شوفي " هي الفيديوهات نورت عقولنا وفهمتنا ايه اللي بيحصل معانا بس بقى عندنا تشويش بين الحقيقة والحقيقة اللي في خيالنا وعايزين نعيشها ، وحقيقة ان البيت والأولاد هي الاولويات وحقيقة ان زوجي حبيبي وحب عمري ، احنا متأكدين من الحقيقة بس عقلنا رافضها ورافض التعامل معاها ، دا غير ان الواحد مش عارف يتعامل علي طبيعته وكل حاجة بيحسب لها الف حساب " دة تعليق واحدة منكم مش فاكرة هنا ع اليوتيوب ولا في جروب الفيس ادرس عدوك النرجسي ، المهم ان الرد على تساؤلها بيتلخص في الحلقة دي :
طالما الأولاد والبيت هم الأولوية وطالما انتي مدركة ان الحقيقة اللي انتي كنتي معتنقاها هي مجرد حقيقة في خيالك يعني هي مجرد خيال يبقى معندناش حلول غير اننا نتقبل الوضع الحالي ونحاول نجدد العلاقة مع النرجسي ونحاول ننسجم ونتوافق على اد امكانياته هو للأسف، طيب هو ينفع نعمل دة ؟
الكلام دة بيتوقف على فهمك لمعنى تجديد العلاقة او معنى التصالح او التوافق او حتى الانسجام . لما نتكلم عن النرجسي اول حاجة بنقولها مفيش مشاعر يعني ممكن تاخدي أي حاجة من النرجسي الا المشاعر لانه مقرر انه يجمدها زي ما اتفقنا ، طيب وبالتالي لما نتكلم عن التقبل او تجديد العلاقة فلازم تفهمي اننا بنتكلم عن تقبل عدم وجود المشاعر ، وقبل ما اكمل كلامي الحلقة النهاردة للي مستحيل تقدر تسيب النرجسي وعندها استعداد تعيش معاه على عيبه ، مش اللي تقدر تسيبه تفكر اني بقول لها تعايشي وتقبليه ، لا ابدا محدش يفسر كلامي على هواه لان بعض الحالات تقدر تسيبه وتيجي تقول لي بيضربني بس بحبه ومش عايزة اسيبه ، لا بيضربك او بيزني مينفعش تكملي معاه ، شوفو حلقة الشيخ عمر عبد الكافي "متى يحق للزوجة طلب الطلاق من زوجها ؟" المهم خلينا في المجبرة : قلنا اول حاجة يكون عندك استعداد انك تتقبلي ان مفيش مشاعر ، وبعدين أي حاجة تانية ممكن تتغير في النرجسي ممكن يتعمل له تعديل سلوك لكن في نطاق ضيق ( دة كلام دكتور راماني مش كلامي) طيب مبدأيا لازم تكوني فاهمة ان الغطرسة والتعاظم والشعور العميق بعدم الأمان الداخلي والشعور بالاستحقاق دول خارجين عن التعديل لان ديه مشاعر مترسخة ولازم مساعدة طبيب وشروط في النرجسي قلناها كتير قبل كدة عشان يتعالج منها ولازم مساعدة طبيب ، اما السلوك اللي ممكن يتعدل فهو مثلا ان الغضب النرجسي يقل عدد مرات حدوثه ، الصمت العقابي طويل الأمد برضه تقل مدته ، التحقير والكلمات المؤذية والصريخ فيكي في الشارع والخناقات ادام الناس والجاس لايتينج اللي بيعمله لكي كل دة ممكن يقل جدا وطبعا دة انتيب تقدري تحققيه عن طريق التكتيكات اللي مشروحة في سلسلة التعايش وسلسلة التلاعب بالنرجسي ، لو سمعتي كويس الكلام اللي فيهم حتقدري تعدلي سلوكه ليه لانك حتعرفي تواجهي اسلايب التلاعب بتاعته وتبطليها وبالتالي سلوكه حيتعدل ودة بيتوقف على شطارتك في وضع حدود صحية مرنة خاصة جدا مع النرجسي ( ودي محتاجة حلقة خاصة لوحدها ) طيب طبعا لما يحصل تعديل سلوك حتبقى الحياة يادوب تتعاش ويادوب تطيقي وجوده حواليكي ، ولو انتي تعافيتي تماما حيبقى وجوده بالنسبة لك زي عدم وجوده بالظبط وبرضه دة مش حيدينا أي تجديد للعلاقة ولا حيدينا انسجام ولا توافق ، .....طيب امال انتي عايزة مننا ايه تاني مش كفاية اننا عايشين معاه ومستحملين ؟ ..... لا انا عايزاكي تعيشي ولو نصف حياة معاه ، ازاي يعني يكون فيه كام حاجة مشتركة بينكم تعملوها سوا تحسسك انك زوجة وانكم اسرة ، والناس اللي ازواجهم في الطيف الخفيف او المتوسط تقدر تعمل دة واكيد اللي تعافت وقويت وصلت له ، وكمان الخفي بيكون سهل الموضوع دة يتنفذ معاه ، اللي هو ازاي يعني ؟ يعني مثلا فيه ازواج بتابع الكورة وزوجاتهم برضه بيحبوها فليه منتفرجش عليها سوا ( في حالة انكم بتشجعوا نفس الفريق ، طبعا لو لا يبقى ابعدي عن المشاركة تماما في الكورة ) دكتور رماني قالت ان كان عندها حالة بتشارك زوجها النرجسي في مشاهدة الأفلام الوثائقية زي ناشيونال جيوجرافي والحاجات دي و كمان هي وهو بيحبوا الشطرنج فبيلعبوا مع بعض شطرنج وطبعا العلاقة الحميمة ثالث حاجة بيتشاركوها مع بعض وبس وهي بتقول ان دة كافي جدا بالنسبة لها وهي تقبلت عدم وجود المشاعر والدفء وتعايشت معاه لكن ع الأقل فيه مشاركة في حاجة ، فإذا انتي يكفيكي تتشاركو في حاجتين ثلاثة يبقى تمام قدرتي توصلي للتوافق المناسب للنرجسي مش المناسب لكي كشخص سوي او شخص متعاطف طبعا ، لكن اكيد الحياة كدة حتكون اسهل والطف وخدي بالك انك ممكن تكوني فعلا بتشاركيه اكتر من حاجة او اكتر من حاجتين بس مش قادرة ترضي عن العلاقة لان سقف طموحاتك عالي ودة اللي بنبدله بالتقبل ، تقبل ان دة اخره وانه لما بيتغير بيتغير في نطاق ضيق وان مفيش مشاعر ، لو تقبلتي دة الدنيا حتكون اسهل ، ممكن تتشاركوا في نظام غذائي ممكن في رياضة في الجيم في المصيف في التجمعات الاسرية في أي حاجة انتم الاتنين بتحبوا تعملوها ، وعشان دة يحصل انتي متقفيش له ع الواحدة يعني بتلعبوا وكسبك عادي تتقبلي. ولو انتي عارفة انه بيزعل لو كسبتيه وانتي اشطر منه فوتي له مرة خليه يكسبك زي الطفل بالظبط زي ما اتفقنا هو نموه النفسي وقف عند سن اربع سنوات فتعاملي على هذا الأساس اذا عايزيه تشاركيه لعبة والحاجات التافهة دي ممكن تكون مصدر وقود إيجابي وسلبي وانتي تديهوله بذكاء وبمزاجك ، يعني إيجابي لما يكسبك تمدحيه او سلبي تعملي نفسك زعلتي عشان خسرتي ، كل دي حاجات تافهة ممكن تغنيه عن انه يعمل لك أي تلاعب عشان ياخد وقود سلبي و خدي بالك دة مش كلامي دة كلام دكتور جراندي وتيودور .
اكونت الفيس بوك
www.facebook.c...
جروب ادرس عدوك النرجسي
/ kawthersanad11
صفحتي الخاصة
/ kawthersanad1.wordpress
باقي التفريغ
في النهاية عايزة أقول لك ان اذا كان زوجك نرجسي خفي او طيفه خفيف فممكن تقدري تصنعي حياة شبه طبيعية اذا قدرتي تتقبلي عيوبه ، بس لازم انتي لازم تكوني تعافيتي وبنيتي حدود مرنة وصحية ، وخدي بالك انك تكوني محافظة على خفاء نرجسيته ، يعني ايه يعني متساهميش في انه يتحول من خفي لظاهر ودي ان شاء الله حعمل لها حلقة لوحدها
انا ببعت كتير لحضرتك مش بترد ى عليا
هايل أنا أستناك بفارغ الصبر و هو المطلوب شكرا
الحمد لله تعافيت بعد الصدمه
ونفسي اكلمك جدا
كيف أكون السبب في تحول نرجسيته من خفية لنرجسبة ظاهرة ؟؟؟؟
والله حضرتك هوه قالها ليا صريحه من غير مايحس ان الراجل مش بيضحي دايما الست هي اللي بضحي عرفت وفهمت انه هوه اللي مش بيضحي وانه متعمد مايطلعش مشاعره
طول عمري نفسي أحب وأتحب، مش مصدقة إني هكمل حياتي بدون مشاعر، أنا حزينة جدا
ااااه ومن سمعك ...الحياة الرومانسية اللي كنت بتمناها واحلم بيها بح خلاص بقت مالهاش وجود ....تحطمت كل مشاعري وتبخرت تدريجيا
@@user-gq4dd2wp7x مش عايزة أعيش في مسلسل تركي، بس أعيش حياة زوجية طبيعيه، لكنه دايما يقول (دي شهوة قذرة) (الست الشاذة هي اللي عايزة تعيش في رومنسية) (أنت شكلك متعرفيش يعني إيه زواج ويعني إيه حب) (إحمدي ربنا إنك إتجوزتي أصلا) كل كلامه متناقض ومقرف
@@pocy4782 كلنا مش عايزين شيء اوفر او خارج الحد المألوف كلنا عاوزين الطبيعي ومش اكثر من الطبيعي لما كنت بنت كانت اقصى احلامي اني اكون أسرة يكون الحوار والمشاركة فيها شيء أساسي كنت اتصور اني اكون ويا زوجي على الحلوة والمرة يساندني واسانده يدعمني وادعمه يفاجئني وافاجأه لكن للاسف كل ده ماحصلش منه ولا حاجة كل حياتي معاه حرب تحديات استكراد استنفار هجوم وصد ورد وليس هناك مجال للدفاع نهائي يقتلك بسكين مسموم ويتركك بكل بساطة تموتي موت بطيء
@@user-gq4dd2wp7x هو فعلا مش بيساندني ولا بيدعمني لكن عشان أكون حقّانية هو بيفاجئني دايما لدرجة الذهول😂😂
@@pocy4782 هههههههههه نحنا مش عاوزين المفجائات الوحشة كفاية خلاص
مستحيل العيش مع النرجسي بسلام مجرد كذبة لكن مع وجود الأولاد نحاول إيجاد الحلول الوهمية خاصة لما يكون هو المصدر الوحيد المادي
انا بقيت أقوى من الاول وبكلمه بصوت عالي وبمشي قدامه وانا فارده جسمي وهو ملاحظ كده ومتكلمش وكل ده بتشجيع لنا ولسه مكمله ونفسيتي أحسنت كتير
جميل جدا ايوه هد دي عزه النفس 🌼
بِسْم الله الرحمن الرحيم
💐🌷🌸💐🌷🌸💐🌷🌸
[ ادفع بالتي هي أحسنُ السيئةَ نحن أعلم بما يصفون (٩٦) وقل ربِّ أعوذ بك من همزاتِ الشياطين (٩٧) وأعوذ بك ربِّ أن يحضرون (٩٨) ] من سورة المؤمنون 💐
نوع نرجسيته ايه؟
انا كمان فعلا
@@nevenkhiry45 برافو عليكي لازم كلنا نحافظ علي كرامتنا ضد النرجسيين وربنا يجازيها خير استاذه كوثر ويجعلها سند للضعفاء
عندما يصبح الإنسان غريبا مع اهله وزوجه ..وابنائه......لا شيء يعالج غربته ....ولا يقبل بانصاف الحلول...يبقى غريبا...ويبقى متألما......وكل الحول يراها مزيفة....اللهم بشرنا واربط على قلوب الغريبات
طوبى للغرباء
بعد 40 سنه زواج مكنتش اعرف انه نرجسي بلا مشاعر وبخيل وتعبان بيتلون يحيرك وكنت مجبره علي الحياه معاه لان ال 3اولاد هيضيعوا كان بيضربهم بقسوه وبغباء لما كنت اغضب واروح لاهلي ويهملهم خفت انهم يضيعوا وعشت راضيه وحياه ممله والحمدلله استقليت في شقه صغيره ورث من والدي الله يرحمه ورجع يتمسكن وعاش معايا علشان اجوز ولادي وفعلا كنت بحسبها والصبر جميل حقيقي جوزتهم وفضلت المشاكل علشان يقفوا علي رجليهم كانت ظروفهم صعبه وسكنوا في شقق اخواتي مفروش والحمدلله شققهم جتلهم بعد 13 سنه بنتعايش وفتره المشاكل اكتر من السلام واخيرا طردته وبشتغل ومش محتاجاه بالصبر ربنا هيكرمك
الحمد لله رب العالمين خلصك من اذيته و شره …يوم الي رب العالمين اي خلصنا من اذيته و شره عاجل غير اجل 🤲🏻
عقبالنا
ضحكتنى جدا انتى ممكن تعملى منه زوج 😂
حسيت انه الاسهل اعمل منه شرابين وفوطة مطبخ منهم لله هنتجنن 😂
😂😂😂😂😂😂الله يسامحك ضحكتيني
هههههههه😂😂😂😂😂😂
له كده بس دى مع الزوج الخائن اعملى منه جوز جزمه 😂😂😂😂😂😂
😅😅صح جوز جزمه قديمه
والله يا دكتور احنا اللي بقينا محتاجين علاج نفسي وتعديل سلوك بسببهم حسبنا الله ونعم الوكيل
برافو كوثر حبيبتى احسنت الشرح .عيشى بدون انتظار مشاعر وتعاطف وركزى على نفسك وبس
يارب الرحمة من عندك انت اللي عالم بوجعي والمرار اللي في حياتي ادعولي بتوسيع الرزق عشان استغني واغير من حالي
الله يرزقك ويرزقنا وما نحتاج حد
اللهم ارزقنا من حيث لا نحتسب ولا تحوجنا لأحد ربنا يفرجها عنا جميعا لقد طفح الكيل 😢
ربنا يفرج همك وكربك اللهم ارزقها من حيث تحتسب ومن حيث لا تحتسب يارب
يارب وسع في رزقنا
ربنا يوسع عليك وعلينا يارب
اللهم نسألك فرجا ورزقا يتعجب له اهل السماء والارض
مستحيل تجديد العلاقه .. وضع حدود له يجعلك اقوى وممكن بهذا الوضع تتعاملي معاه بقوه وتكملي مصالحك عشان اولادك .. وبالنسبه للمشاعر صفر حتى مع اولاده
ايوة كلامك كلو صاح ..ممكن نعيش حياة شبه سوية
لو تعافينا واهم شي .انو مش متوفرة ليهو كل الوقت يعني لازم تكوني مستقله ..او حتي يكون عندك روتين يومي مستقل عن البيت..
واهم شي انو يكون ايمانا قوي
والله أنا مطره أعيش علشان معنديش حل اخر ولا شغل وقدره على العمل والظروف المحيطة مش مسعدني ربنا يستر علينا
الله يفرج همك ويجعل لك مخرج
ليس كل الظروف زي بعض والتغيير ليس بالسهل على الاطلاق .
اللهم افرغ علينا صبرا و اهدنا سواء السبيل .
ربنا يكرمك و يفرج همك
والله كلنا نفس المشكله ربنا يتولانا برحمته
وبعدين احنا في دار بلاء وليس دار جزاء .
ويعني مش كل النساء راح تطلق .
مش حل على الاطلاق .
والطلاق باولاد من اصعب مايكون
في مجتمع صعب .
والصير وكسب المعلومات عن كيفية مواجهة صعوبات الحياة شيء مريح ويساعد على المقاومة لصعوبات الحياة بكل اشكالها .
والصبر واحتساب الاجر على الله هو المخرج .
والله المستعان .
قبل ما تفكري في الطلاق ينبغي أن تعلمي أن المجتمع معظمه نرجسيين وخبثاء ...وقد تكونين فريسة انت وابنائك لأسود تفترسك ....وقد تصدميني من اقرب الناس إليك......وربما تجدين في التعايش مع النرجسي
الذي تعرفينه ...وتعرفين خبثه ...وكذبه افضل بكثير
قبل الطلاق فكري الف مرة ...واستخير الله عزوجل
اللهم إنا نعوذ بك من شرهم لاينبغي محبة جلاد
اللهم امين
اللهم صبرا ثم فرجا لكل زوجة نرجسي ربنا يكون بعونك
الله يكتب اجرك ويجعله بميزان حسناتك
قناتك فريدة
فعلا
انت بتعطي حلول
غيرك بيكبر. المشكله وبيعمل منها كارثة
أنت قريبة من القلب يا كوثر. احبك. جزايرية مرت من هنا.
تعرفين احله شي بقناتج انو الموضوع تكتبي لان ما اكدر اسمعه بس اكدر اقرا 💗💗💗💗👏👏👏👏👏👏👏👏👏👏👏👏👏👏👏👏👏👏
صح شكرا كثييير بنستفيد من الكتابة لأننا مبنقدرش نسمع
النرجسي ذاته لا يفضل ولا ينسجم مع الحياه بسلام
المشكلة الطرف التاني يعشق السلام.. صعب التنافر هذا جدا
بيحب النكد
اليوم شو هلنور والتصالح مع الذات ..منورة ياست
ربي يكرمك على قدر ماتبذلين من مجهودات لايصال المعلومة الدقيقة والصحيحة ..وماتبعدي عن هذا اللون زايدك حلا
انت انسانة جدا ايجابية
وحافظتي على عوائل كتير
شكرا شكرا شكرا بجد د كوثر انتي فعلا سند لينا والله ربنا يجعله ف ميزان حسناتك انا حياتي رجعت بعد ٩ سنين جواز حاسه ان انا رجعت طفله فعلا وحره شكرا شكرا ليكي
قوليلي الخطوات اللي مشيتي عليها لأني تايهه بين الفيديوهات للدكتوره كوثر مش عارفه ابدأ منين....وحاليا خرجني من بيتي وقالي هطلقك وعايز ياخد العيال
@@shamsalaseel7834حسسية انك غير مهتمة بانه ياخذ العيال عادي لانه بيحب يعمل عكس ما انت عاوزة حسسيه انه مش فارق معاك اي شيء وهو هيرجعك لوحده او يطلقك ويترك لك العيال
الحمد لله اللي ربي كشف لنا الحقيقة بعد 33سنة اتخيلي و الاولاد كبرو
ماذا فعلتي،،،??????
أسعدك الله الكريم المنعم ورزقك سعادة الدارين
نصائح درر وجواهر
فعلا البحث عن الاشياء المشتركة تساعد على التعايش والسلام
او التوصل لحلول وسط مع بعض التنازلات
وبعض النشاطات مع الاولاد والله الموفق والمستعان
المهم عدم التمادي في التوصل لان النتيجة غير مضمونة العواقب مع النرجسي
لأنه اول ما بيحس ان الضحية اعطته الأمان يقلب على الوجه الآخر
وهنا الانسحاب وعدم الجدال معه افضل
اعملوا زي متقول الست العسل دي واتأقلموا والله حتستريوا بلاش تدعوا عليه طبقوا الكلام وخليكوا واثقين بنفسكوا حبيباتي
الله يسعدك يا استاذة كوثر سعادة الدارين 💜💜💜
اصلا بيرفض اى كلمه قبل ماكملها لا تبقى جاهزه حتى لواتقالةالشمس طالعه يقول بدون تفكير لا مش طالعه
زوجي لا يحب أي شيء سلبي بأقصى الحدود لا أجد صفة مشتركة ويخون بكل وقاحة عديم الإحساس وبدون ضمير ولا احد يصدقني .صحيح اني أطبق ما تقدمينه وأصبحت اقوى ولكني متعبة وأكاد أجن فلم أعد أطيقه أبدا خاصة مع فجوره .
انا قاعده معاه ارمم كل الكسور الي كسرها في عيالي واجمل حياتهم بعد ما يشوهها عليهم والله قاعده اعاني عشان عيالي يطلعون اسوياء واقوياء
نصيحة لاتدعو عليهم النبي صلى الله عليه وسلم نهى عن ذلك
ادعو لهم بالصلاح فالله الذي خلقهم قادر ان يصلحهم ويهديهم
اللهم اصلح ذات بيننا والف بين قلوبنا واهدنا سبل السلام
واصلح احوالنا واصلح شؤوننا
الدعاء عليهم يؤثر سلباً عليكن
ستسيئ الاحوال أكثر صدقوني
استعينوا بالله ولاتعجزوا وكلما تضايقتوا قوموا توضوا وصلوا ركعتين واشكي همك للخالق الرؤوف الرحيم القادر القريب المجيب لدعائك للفرج لا لا لا االدعاء عليه
بحب اللون الابيض عليكى جدا❤️❤️
الحلقة دي خطر جدا للي لسه في اول التشافي .. هتحن و ترجع تحت الصفر تاني... التعايش معاه موت..
هي بتقول على اللي مضطرة
شكرا لمجهودحضرتك،،،المشكله مش فى تقبل الوضع بعيوبه المشكله فى أنه دائما وابدا غيووووور منى بعدوانيه وسيكوباتيه واضحه وناقم وحاقد ومسقط لكل عيوبه عليه وقوة التحمل تكاد تكون أصبحت معدومه. ولذلك الحياه اصبحت صعبه جدا
الله يعينك يارب ويفرجها عليكي بمعرفته
والله كانك بتكلمي عن جوزى نفس التصرفات حضرتك بس اناجوزى وحماتي لانها قاعده معايه في نفس الشقة
@@AA-xx5es ربنا يعينك اتنين على واحد حرااااااام
@@user-id-kawthers-sanad جزاك الله خيرا
الكل متفق ان حل النرجسي هو الهروب كفاكم فلسفة
واخيرا فيديو يساعدنه بتقبل واقعنه ويساعدنه في تحمل العيشه الصعبه اللي محد يعرف معاناتهه الا اللي عايش مثل حالنه وماكو حل نطلع بسبب اطفالنه وعدم كفاية المصرف الهم ونعرف انو لو طلعنا راح نتندم بسبب مواجهة امور عديده في الحياة اهمها انو راح كرامتنا تنذل بسبب الفلوس والحاجه من غير نظرة المجتمع القاسية فلازم اللي تخرج عدهه سند قوي من اهل او فلوس حتى تقدر تخرج
كلامك مضبوط خصوصا بمجتمعنا الشرقي بالعراق وشرق سورية نفس الوضع المرأة ضعيفة وعاجزة تعيش لوحدها ومضطرة تتحمل ظروف قاهرة ولكن مافي حل الحمدلله هي دنيا وماضية
نقدر نعيش مع النرجسي لمانعيش في غابه من غير سوشال ميديا ومانقابل ناس طبيعين وأزواج سعداء تخيلو ابتعدت عن صديقتي الكنز المتدينه والخلوقه لأنها سعييييده بشكل لايوصف مع زوجها المتزن والرومانسي واصلا دارس علم نفس دعواتي لي ولكم الله يصبرنا لاننحرف بسبب قسوه حياتنا واتمنى أن لانفجع بعيالنا يطلعو نرجسيين بعد صبر وتضحيه من أجلهم
حضرتك افضل مين يحكي عن النرجسية....شكرا جزيلا
الله يرضى عليك ياغالية
احسن قناة تتكلم عن النرجسي
وتسهل علينا موضوع التعايش معاهم
لانه نحن مضطرين عشان الاطفال والمجتمع مايرحم
ربنا يرفع قدرك في الدنيا والاخره
حبيبتي استاذه كوثر مساء الفل عليكي... الف شكر لحضرتك علي هذا الفيديو وربنا يجعلك سند دائما للضعفاء حقيقي حضرتك بتتعبي جدا في هذه الفيديوهات الجميله والمفيده لنا جداً خقيفي شكزا شكرا شكرا جزيلا لحضرتك وربنا يجازيكي كل خير 😍😘🌼😍😘
جزاك الله خيرا يا أستاذ ه
حتى الخفى ماعندوش مشاعر وبعد
الخمسين من عمره وبعد مافضحته
قدام نفسه مش ممكن يفوق وخصوصا
انى دايما اقوله توب الى الله والحق نفسك لسه عندك فرصة ساعدنى وساعد
نفسك كل دوت ممكن يصحى احساسه
وضميره مع العلم انه كان نرجسى
خفى وضعيف
نعم ساعديه وانصح ممكن هو مش واخد باله
احنه منفصلين تماما وانا الحمدلله تعافيت (بسبب الفيديوات )دلوقتي بجد مش فارق معاي احيانا كتير بندم اني مخليتش حدود قويه من الأول أو متطلقتش من الأول خالص بس أقول خلاص الندم مش هيساعدني أرجع واقول التعاطف داه حاجه مهمة جدا لكل إنسان وعدمو هو سبب المشكلة
الندم أو الشعور بالذنب يدل انك اخطات فلو عرفت تصلح خطاك افعلى ولا تتكبرى
كيف اوقفه عن حده
حبيبتي أستاذة كوثر بارك الله فيك وفي معلوماتك❤️
⭕️ من هنا اصبحتي مراه حديديه التي لا تقهر 👍🏿🥳 مبروك
نورتينا يانور عيوني ربنا يخليكي لينا يارب😘🌷
اول لايك لاحلى انسانه فى الدنيا .استاذه الاساتذه ربي يحفظ ويرعاكى
نفسي اعرف ايه الحل في النرجسي الا لما ولاده بيتعبوا مش بيكشف عليهم من حبه للفلوس
وانا كمان لا ولاد. ولا انا اللهم المستعان وهو ميسور الحال
خدي فلوس من غير معرفته بالمعروف حسب الحاجة
مش بيعين فلوس في البيت ومش بيسمحلنا نخرج نكشف
وكأنهم مش ولاده والمشكلة انو لما يتعب احد اولاد اخواته هو اللي يهتم بيه تخيلو
الله يجزاكي خير طيب والي معاها نرجسي خبيث واخبث من الخبث كيف تعيش ارجوكي تساعدينا الله يكتب اجرك
حاولي تطبقي الكلام دة بس بحذر
الله يريح بالك أستاذة كوثر كما ريحتينا
الله يبارك فيكي ويجزيكي كل خير علي المعلومات القيمة
انا حقيقي والله كل حاجه استفدت منها كان ف حاجات ملهاش تفسير عندى والحمد لله قدرت أخف منه بعد٢٥سنه لاغاني ولغي شخصيتي والحمد لله بيخاف مني بس هو بخيل اووووى وانا كبرت ومعنديش مصدر رزق بس محسساه اني مليونيره هو بيتغاظ بس قله الفلوس بتخليني متضايقه بس مش مبينه الحل ايه ارجو الرد
ارجو الرد ارجو ارجو رد دكتورة كوثر ربي يهنيكي طول عمرك انا زوجي نرجسي فيه كل الصفات أفي نرجسي لكن فيه الاعتذار و مرات ارى تعبير حبه في بعض الأحيان و احترام الا لما يتعصب ارى عجب الكلام البذئ لم افهم هل اصنفه نرجسي ولا شخص عادي ولا ايه لأنني اريد حل اخير فانا في مشلكة معاه و استنى في جواب ارجوووووكم
وانا مثلك
السلام عليكم الف شكر لك استاذة والله حالتي تحسنت بفضل الله وبفضلك اللهم اجعلها في ميزان حسناتك بعد قيامي بصمت عقابي تجاه صمته العقابي لمدة شهرين تصالحت معه بعد ان رايته مهزوما وحزينا والحمد لله على كل حال دعواتكم معي ان تستقر حياتي الزوجية التي تستمر لمدة 26 سنة و3 شباب اللهم بارك لي فيهم وبارك الله لكم في اولادكم جميعا وتابعوا هذه القناة الرائعة والنصائح القيمة
انا بحب حضرتك جدا لكن انا وصلت لمرحله اني مش بضحك مش مبسوطه معاه. انا معايا بنتين لكن ما اكتشفتش ده غير من سنه انا متجوزه من سبع سنين مشكلتي اني مابقاش في حاجه بتفرحني خالص
جزاك الله خيرا 💕
الحمدلله بعد التعافي والسيطرة على الوضع
لكن للأسف خلاص أصبحت وحيده جدا وللاسف هذا متعبني أكثر منه
حتى على مستوى العيله
مضطره وهو لايحتمل ولايطاق والحمد لله لم أعد انتظر ان يتغير وعرفت حقيقته وهو طول الوقت الحمد لله في صمت عقابي ولايوجد بيننا اي علاقه نهائيه فهو كما أنني باكل هو هو وكل واحد في غرفه طبعا
كلامك صح ، انا في بلد وهو في بلد بسبب ظروف عمله ولكن قدرت اعمل اللي انت بتقولي عليه وحتى لو جاي زياره لينا انا والاولاد ، الحمد لله طمنتيني
يعني خلاصة الحديث أنني مرغمة للتعايش معه صعبانة علي نفسي لأن احتياجاتي لا أجدها عنده ولا اريد الانفصال لأنه لن يلبي رغبتي في ذلك وايضا افكر في مصير أبنائي اذا حدث الانفصال بالفعل
كلنا زيك
@@user-lo3ek9nq2q 😔😔😔
شكرا لحضرتك بجد حضرتك جايه في اكتر وقت حسسني اني صح الحمد لله اني ماتجبرتش ولا جيت علي الطرف التاني ولا ظلمته
بصراحة..اذا كانت المرأة تتعايش مع النرجسي بدون مشاعر وبدون عاطفة..تعتبر امراة قوية..وتكون قاسية عليه..كأنها نرجسية. مثل طباعه..ويعجبه هذا الشي وكأنها تنافسه ..
لكن يكون تعب عليها كون طبعها مو قاسي وعلى هذا اكون حنونة جدا على ابنائي واهتمامي بهم ولاحظ هذا شي .. وكأنه يحاول يقلدني في حبي لهم واهتمامي لهم..
والله نفس كلامي أصبح يقلدني وتقريبا بيقوم بكل مهامي واهتمامي معاهم وانا دلوقتي بتعامل معاه بنفس طريقته لاني بقيت فهماه ربنا يخودهم كلهم ويريحنا منهم
@@saneem2732 امين بقدر ماقهرونا فاقهرهم
انا حظي اني كنت في زواج مع واحد ظاهر وعرفت انو نرجسي بعد ما انفصلت عن وبعدها عرفت واحد سيكوياتي واللي معاه انا دلوقت متزوجة خفي مش عارفة ليه زي مايكون فيا مغناطيس بيجلب لي النوع دا والله مش عارفة ليه 😢
اولا اشكرك كثيرا على هذه الفيديوهات الرائعة وجزاك الله خيرا لأنني بالفعل استفدت كثيرا منها ...فعلا كما قلت في بداية الفيديو عندما استمع لحديثك اقول فعلا ان زوجي نرجسي وفي نفس الوقت اجد صعوبة في تقبل الامر لدرجة اني اغالط نفسي واقول ربما اكون مخطئة وكنت دوما في صراع مع نفسي بين الواقع وبين ان اتقبله واصدق انه بالفعل هو الواقع وكانت دوما عندي قدرة على تجاوز الصمت العقابي وطبقت ماقلت في هذا الفيديو بالحرف مقابل ان احاول ان تكون الحياة مستمرة وهادئة لكن بعد التصالح احيانا كثيرة اجد فراااغ عاطفي كبير ولا استطيع ان املأه واشعر بالوحدة اظافة لهذا فإن المحاورة معه في اي موضوع بخصوص المستقبل او الابناء تقابل بالرفض منه وانا في فترة التصالح لانه حتى في العلاقة الحميمية يأخد ولا يعطي في بعض الاحيان انهار ببكاء بعد العلاقة مباشرة احس كأنني مجرد اداة لاشباع رغبته فقط وانا ليس لي اي قيمة وفعلا سقف توقعاتي عالي ولم استطع ان اقلل منه حتى تتوافق مع حالة زوجي وحاولت ان انفصل عنه لكن دون جدوة فهو رافض تماما للطلاق وقالها لي: ستبقي معلقة ولن اسمح لأحد غيري بأن ياخدك مني. وحاليا نحن في فترة صمت عقابي مايقارب شهر وعملت كما قلت لي في احدى الحلقات ان اعطيه وقود ايجابي كالاهتمام بالاكل وتنظيف ملابسه ومنعت عنه الوقود السلبي كأن ادخل معه في نقاش او جدال ومنعت العلاقة الحميمية وانا على هذا الحال مرتاحة نفسيا لكن احس بإحتياجي لممارسة العلاقة معه رغم انه لا يوصلني لما اريد اثناء فعل ذلك... تضارب فضيع في نفسي. لِما ارغب بفعله ولما يحدث بالواقع آسفة جدا على الاطالة اتمنى ان اكون قد اوصلت المعلومة لك وان تفيديني برأيك وما افعل حيال هذا الامر
كلامك شرح الوجع الي بيكون جوانا نحنا بندعي القوه اَمامه لاكن اوقات نحتاج ََََ من يكون سند لهذه القوه نحتاج لاخراج هذه العاطفه ربنا يعوضنا بدنيا ولاخره
مفيش حياه ولا شبه طبيعيه مع زوج نرجسي يا استاذه معاه مش حياه بالمره موت بالحياه
حييبتي انا متابعة قناتك وكنت مقتنعة بوجهة نظرك وطريقة التفكير دي
لكن الاستاذة كوثر دايما بتأكد ان الاسلم نبعد لو كان ده بإمكاننا لكن لو مضطرة تعيشي لاسباب قهرية وحقيقية مش أعذار وحجج بنختلقها وندي بيها مبرر لنفسنا عشان نفضل
فالحالة دي هي بتعرفني ازاي نقدر نتعايش بأقل الاضرار لينا ولولادنا بقوة وعزة وذكاء
ودايما بتأكد ان ده مش مع كل النرجسيين
انما مع الخفي والطيف الخفيف من النرجسية
وارجو من حضرتك كمان تعملي وقفة مع نفسك وتفكري اكتر قبل ما تعملي الفيديوهات اللي مش بنكر انها بتوعي كتير من الناس
ولكن وحضرتك حاطة فالاعتبار ان في حالات صعب جدا عليها الانفصال واللي بيحصل انها بتخاف وتنهار وتحس اكتر بالعجز وقلة الحيلة
وجزاكم الله عنا كل الخير 🌹🌹🌹
@@samalife9834 @Sama Arafa حبيبتي واضح ان انتي مش بتسمعي فيديوهاتي انا دايما بتكلم عن التعايش والتعامل مع النرجسي بس صدقيني مفيش تعايش مع نرجسي فيه كرامه والكلام ده مش في الواقع أبدآ انا عيشت مع نرجسي يا جميل وبتكلم عن تجربه حقيقيه هل الاستاذه كوثر عاشت مع نرجسي خفي 18 سنه بكرامه وهدوء؟
حبيبة قلبي البشر مختلفين والنرجسية درجات وكل شخص وله ظروفه وطباعه حتى النرجسي وكمان النرجسي الخفيف والمتوسط زي ماقالت لك سما فيه منهم امل ودة كلام العلم مش كلامي دة كلام علماء النفس وبعدين انا عشت حياة الاف الحالات الاف التجارب مش تجربة واحدة وكل تجربة ولها ظروفها ، وانا مقلتش ان الحياة حتبقى وردي ومن غير مشاكل وخناقات لكن ممكن تكون حياة شبه طبيعية وانتي ممكن طليقك كان من النوع اللي لايمكن التعايش معاه ولا التواجد معاه اصلا في مكان لكن مش كلهم نسخة منه والله اعلى واعلم
الحمدلله هربت من الغرفه معاه شي لا يطاق بكل ما حدثتوا واكثر من ١٣ سنه اخذت حريتي وشخصيتي وخصوصتي ولا عاد ارتجي منه شي ولا اطلبه. انشغلت بهوايتي العديده وبالاصدقاء من دون عداوه وكلام قليل وزسمي ولا انظر لوجهه العبوس الصمت العقابي. وتحررت من الاكل معه يوميا ليريني وجهه العبوس لا استطيع ان اكل بصحه واكره الاكل معه. تخلصت. من كثير من نرجسيته 😃
لي ٢٠ سنه زواج عمري ما اكلنا سوى او قعدنا سوى في نفس المكان
@@loososow9420 لاحول ولا قوه الا بالله كيف اذن تكون حياتكم الاسريه اذا لم تجتمعون في غداء او عشاء ويكون الانبساط. انا عشت معه ٤٣ سنه واكلنا سويا. لكن لما دخل كثيرا في مود النرجسيه اصبحت لا اتحمل تكبره وعبوسه ولا احب ان ااكل في جو بغيض. ابحثي معه عن حلول تجمعكم اذا ما زلت صغيره. الحياه طويله امامك ولا تكون علي تباعد وكراهيه
جزاكم الله خيرا يا دكتورة. والله من غيرك مش عارفين كان زماننا عاملين ازاى دلوقتى.
مساء. الخير والسعادة والعافية والسرور عليك حبيبي الغالي 🌸🌺🇩🇿🌹💔
ياحلاوتك يادكتورة باطلالتك البهية وشكرا على كل الفيديوهات 😙😙
سبحان الله توني اكتشف هذا الكلام. وللاسف بعد العشره الطويله الكريهه
ويارب العوض الجمييل في صلاح ذريتي
وراحة بالي
لايمكن يتعمل منه زوج شخص حقووود من ضحكتك ومن دموعك يستكثرها عليكي
والله يا أستاذه كوثر. نرجسي يلي عندي مكرهني عيشتي مستحيل تعامل معه. هو دايما على حق وبسب واهانات. ما في شي بيننا اي توافق. إذا حاولت افتح اي موضوع معه بخرسني وبس بدو ياني اسمعله لانو هو صح والعالم كله غلط. الله ينتقم من كل واحد نرجسي دمر زوجته
انا زوجي هو بحكي بلسانه، انا عندي مشاعر بس ما بستخدمها وعندي حنية كبيرة اولادي بس ما بعرف اعبر
عندى تزوج التانية ولم يعد يجدى معاه التعامل معه بهذه الطريقة ليا سؤال هو ليه اتحول من نرجسى خفى إلى نرجسى ظاهر بس عليا أنا واولادى بس والله اتحول للاسوء الف مرة من قبل ما يتزوج لماذا يحدث وكيف هذا مع أن كل الناس كانوا مستنين يعرف قيمتى بعد ما يتجوز غيرى لماذا اصبح نرجسى ظاهر علينا بس
والله زوجسي كان نرجسي يكون مرات تقولي فيها هذا هو الزوج يخرجك تتفسحي بيضحك بيقدي يوم مفيش مشاكل والدنيا فل كان يقعد مابين الاسبوع والاسبوع يوم الأحد معايا يقوم قلب الدنيا وانا ساكتة ومستحملة فالاخير يعلي من غضبه النرجسي وانا ساكتة وبعدين يقعد يظحك ويقول لي مش كلمة سامحيني يقعد يظحك وجارنه لي ناحيته ولما تعدي الأمور بسلام واقول ليه ماشي تمام يبتدئ يشتري كلي لي نفسي فيه ونقعد الاسبوع الجاي الاحد ويقوم كمان يصرخ من لا شيء والله يخوفني ويقوم جامع شنطته على أساس حيسمح فيا وانا اعيط متخلنيش يمشي تلات ايام غابر واليوم الرابع يقوم عاملي صمت نرجسي وانا في كل مرة لما يخرج أتصل فيه مرة وحدة مفيش اتنين لما يرجع يعمل الصمت العقابي مدته قصيرة ويرجع يتصالح والله أهو النرجسي فعلا ولا غالطة فيه
اهربي لو معندكيش ولاد ، نرجسي خفي .
حلقات حضرتك كلها بتيجي دايما في وقتها ربنا يبارك لك لايك بقي وبعدين نسمع 😂😂😂 بس للاسف هو خبيث
وفاكر كل الناس زيه
شكرا اختي العزيزة والله من كثرة المشاكل والصمت العقابي الطويل لم اعد اشعر بشي معاه
جزاك الله خيرا حبيبتي الطيبة فعلا محتاجين الفيديو كثيرا مضطرين نتعايش مع ان زوجي من النوع الخبيث احيانا اقول لنفسي مليت من التمثيل لتمشي الحياة ولما اتزكر مستقبل أولادي الدراسي مستعدة اتعايش واتحمل بس بيعلا الضغط عندي بسببه وبكتم بنفسي
وبقول لأرضي نفسي ان تمن الجنة غالي
اللهم انزل على قلوبنا السكينة والصبر
مش قادرة اتقبل الوضع لانه مصمم يفرض عليا حياته اللى بلا روح زوجي ملوش اي اي اهتمامات عايش ميت أقل مشكلة ف الشغل بترجعة مقريف وزهقان عايش حياه بدون متاعب وانا طموحة جدا انزل ولادي تمرين لا مبحبش تخرجي لوحدك طب ولديهم انتى لا مقدرش مش لازم درس قرأن تروحي الشغل وترجعي لكن ميكونش ليكي تعاملات هو لو سايبني اعيش حياتي هسيبة ف حاله او مش هطلب منه مشاركة هو عاوز يوقفلي حياتي زي ماحياته واقفة وفارغة
طيب انا زوجي نرجسي خفي ضعيف وفعلا فيه اشياء بنتشارك فيها بنتفرج افلام سوا هوا النوع دة ممكن اقدر اتعايش معاه
الله يبارك فى حضرتك ويبارك لك أفديتنا وعلمتينا جزاكى الله عنا كل خير
انا مشيت و بقالنا للطلاق اسبوع و قعدت 6 اشهر تشافيت تماما و درست حالتي و حالته جيدا و استقليت ماديا و عشان الاولاد رجعت لكن بقوة لا ارضخ و لا اخاف في تلك الفترة اكتشفت ان المجتمع برا عفن جدا و اعلبيتهم نرجسيين من المدير في العمل للزملاء للوالدين يعني مفيش هرب فوجدت الحل الوحيد في التعايش
جزاك الله خيرا
تزوج عليامتبرجة مايوهات وديسكوهات عكس مجتمعنا وقاعد عندها وهاجرني لماقلتله اعدل وخليك كويس عشان انااحبها واوصيك عليها كمان بقي كويس عشان ابتديت استسلم مش عارفه خطه ولاايه
عندو مشاعر حقد وغيره شديدة من الضحيه وحتى اولاده ومافيش مستحيل تسيبه تتركه وهي في بيته وتقهره وتنتصر عليه
لا اله إلا انت سبحانك اني كنت من الظالمين
يا دكتورة نحن عايزين حل للتعايش
ما عندنا طريقه نغادر
لظروف كثيرة
شكرا على المعلومات القيمة
كالعاده ماشاء الله عليكى متألقه
جوزي شخصيه نرجسيه وسافر بره عشان شغلوا ونا بحاول اقنعوا أن اجي مش راضي يقولي معاد محدد يجبني فيه
شكرا دكتورة على الفيديوات الي بتعمليها انا من وقت ما بدات احضرهم استطعت ان اغير اشياء كتيرا في حياتي مع زوجي النرجسي الي بسسب وجود الاولاد منقدرش ننفصل عليه . الف شكر
حتى هذا الخيار مؤلم انك تختاري اقل مايمكن من حقوقك مقابل تكملي حياة شبه طبيعية
آآآخ حسبي الله ونعم الوكيل
مضى عمري كله وحاليا حتى اكتشفت زوجي نرجسي
عم ابكي على عمري يلي راح هباء منثورا مع الظالم الله ينتقم منه قولوا معي آمين يارب
الله يجزيكي الخير فعلا نستفيد من كلامك كتير الله يعطيكي العافيه فعلا كلامك صحيح
مرحبا دكتوره ممكن تجاوبيني على هذا السؤال ارجوك وبالتفصيل هل من الممكن أن يكون الزوج نرجسي بسيط ولأن زوجته دايما تقول له عبارات قاسيه بسبب ضعف شخصيه مثلا انت فاشل انت ضعيف شخصيه انت جبان والخ هل هذا الكلام يؤثر به سلبا 🇮🇶
نعم لان مافي رجل ماينجرح
طبعا يؤثر سلبا وغالبا مش نرجسي لان النرجسي مايتحمل اهانات وبيثور ويعمل غضب نرجسي ممكن يكون عنده بعض صفات النرجسية بس مش نرجسي والله اعلم
@@user-id-kawthers-sanad
ست كوثر كيف ينعرف النرجسي من الغير نرجسي
لان كثير رجال فيهم خيانه وكذب ونفاق وتكبر وبخل فالسؤال كيف نميز ذلك
فيديو الثلاثين سؤال بيبين تماما ان شاء الله
@@user-id-kawthers-sanad
مامبين شي صدقيني
اني سألتك كيف ينعرف النرجسي من الغير نرجسي اذا نفس الصفات موجودة
ممكن تكتبي يادكتوره عن الاخ والام النرجسين في بنات بقيوا ضحايا ومرضي نفسيين بسببهم
جزاك الله خيرا على مجهودك والله استفت منه كتير انا عيشه معه بقالى 34 سنه وبستعمل معى الصمت العقابى كتير وبققل من شخصيت ديما ونتقاد مستمر ومليش الحق ان عمل اى حاجه فى البت من نفسى وليه اى راى وفى ععض الاوقات عند الانفعال الجامد يمد ايده على فترات متباعده اخر مره حاليا ودلوقت انا فى بيت مع اولادى وهو عايش فى بيت تانى وهو الختار كده وانا كمان زهقت من المعمله نكدى فى كل الحلات نفسى اعرف حل اعمل ايه ارجو من حضرتك الرد هو بيبعت مصريف على القد خالص بس انا اولادى بشتغل وبيسعدونى وانا مشهنفع انفصل فى السن ده وكمان اولادى صورتهم قدام الناس وجزاك الله خيرا
بلاش تفكري بالناس فكري بنفسسك وبس
تمام يا دكتور تعمل كل حاجة بس في ضوء علمها الكامل بطبيعة الشخص اللي معاها وبالتالي سقف توقعاتها هيكون منخفض جدا وتتعايش مع الوضع ده لتحصل علي اكبر قدر ممكن من السلام
بجد يا تكتوره جزاك الله خير ويارب مايحرمك من الجنه ونعيمها ويارب اسأله ان يهبك من نعيم الدنيا والاخره حتى ترضى. ♥️😘قد ايه ريحتينا وعالجتي بعض الكسور الي في قلوبنا. ياريت اتواصل معاكي محتاجين اعمل استشاره خاصه نت أو اجي لحضرتك ربنا يباركلك.
ضروري ردي عليا
جزاك الله خير الجزاء جعله في ميزان حسناتك يوم القيامة ما هذه الحياة الزوجية المملة كلها محالية وتسول للحقوق لست مصحة نفسية لعلاج هذه الشخصيات الظالمة حسبي الله ونعم الوكيل نعم المولى ونعم النصير 💔
صحيح مجمد مشاعرو
شكرا لاحلي كوثر ياسم علي مسمي
علي فكرة الواحد حاسس انه بيحارب
مع الانسان دة والله حضرتك الأسف
قطع الصمت وبقي الحاجة الوحيدة
الي عيزها مني العلاقة المتعبة المقرفه وغير كده مبيسالشي
علي اي حاجة ليه او ولادة ولاشايل
اي تربيه ورمي كله عليا وفوضت
امري إلي الله ارجو كي ردي عليا
انتي بنسبه ليا بتحسسيني اني ليا
قيمه
حبيبتي انتي لكي قيمة وقيمة كبيرة كمان والا مكنش ربنا ابتلاكي عشان يرفع درجاتك ويقربك منه
@@user-id-kawthers-sanad شكرا لحضرتك
وانتي بفضل الله رزق ربنا بعتك
ليا
صح النرجسي الخفي هو بيقرر يجمد مشاعره لأنه بعتبروها ضعف... حسبي الله بأهاليهم الي ربوهم، لأنه هيك الاب علم أولاده انه البكاء للبنات والحزن والحب للبنات مش للرجال