مو احنة لو نموت منكدر نسوي مثل هيج دراما مسلسل لان لاعدنة ممثلين ولامخرجين بيهم خير وعدهم حس فني وثقافي احنة عدنة هوااااي قصص ومأسي وضيم وضلايم لو عدنة فنانين بيهم خير جان ثارت الدرامة العراقية تنافس السورية والتركية بس احنة شاطرين قصدي مخرجينة يجيلون كم وحدة شريفة من الملاهي مال بغداد انطوهة دور البطولة بمسلسل يبدي وينتهي متعرف شنو الهدف منة الاحداث البي اقرب للدعارة والانحطاط الاخلاقي امثال فايروس واحد زائد واحد حب وحرب مضلوم سايقالستوتة وكلهن بطولة قاسم الملاك والبطلات استذكروهن منو ..مثل هيج رواية كون يمثلونهة كادر سوري كامل اخراج وانتاج وممثلين وحتى الاماكن بحيث لايكون للعراقين صلة بي لامن قريب ولامن بعيد العراقيين عليهم المشاهدة عند عرض المسلسل وبس ..حيل شكد حجيت 😂😂
حبيبتي الله يحفظلج أسد ويشافيلج عزيز ويسعدج ويعوضج عن حياة الحزن لعشتي لقصه كانت حيل مؤلمه وطويله حيل بحيث بقيت أقره بيها 3ايام واسهر بليل حتى اكملها وكملت لكن حيل حزنت علترانيم خطيه الله ايعوضها خير
قصه رووووعه وبيها كمية الم وحزن ووجع فعلا هناك الكثير من الناس الي تضررت وتغيرت حياتها بالكامل واستطاعوا ان يبدؤا من جديد ويكملوا مسيرة حياتهم بما كتبه الله لهم جزيل الشكر لصاحية القصه والكاتبه وصاحبة القناة وتمنايتنا بالموفقيه والنجاح دائما
عاشت أيدج والله روايه محبكه من كل الجهات كنت أشوف وأسمع موبس اقرء خليتيني احس بكل التفاصيل وأعيشها بس تعبت عيوني لان ماكدرت اعوف القصه قبل مااكملها من التشويق الي موجود بيها
واوووو قصة رائعة وجميله مؤلمة بنفس الوقت ونهاية ارووع مشكورة وننتظر منك الأروع يسلمووو غلا وبالاخير ما يصح الا الصحيح نتمنى لك التوفيق والنجاح والسداد استمري ع النشر غلاتي،، حسبنا الله ونعم الوكيل على كل ظالم
قصه حزينه نتعرف بها على مأساة العراقيين الذين كانوا اهل عز وفخر وبعدها نجد أنفسنا ان لاشى لنا من هذا البلد الذي نهبوا خيراته وشردوا أبنائه الله يكون بعونهم آه آه على مأسينا
صحيح هاذي القصص بس العتب على إخوانه السنه الي ماشالتهم غيرتهم على بنت بلدهم وخلو الدواعش الخليجين ومن باقي الدول ايبيعون ويشترون بالعراقيات وهو جان ثلاثة أرباع الدواعش همه عراقيين والله العضيم هذا اكثر شي قاهرني
ومنو دخل داعش غير الحكومه الفاسده. كافي تهايم بيكم خير انتو صيرو احسن ولا تتهمون احد اذا انت مو شايف شي لا تتهم والفساد. بكل العراق. محد باع او شترا كافي تتهمون. تهم باطله. العراقيات كلهن من الجنوب للشمال. مضلومه بالعراق. لهيك لا تلوم احد الي يلام هيه الحكومه الي كلنا نعرفها من يا ط. ونتم ما مال حكم انتم مال لطم.
لحد الان اني مخلصة ٣ روايات طبعن قبل ٣ ايام تابعتج بس من جمال القصة اكعد عليهة ساعات طويلة حتة اعرف النهاية شنو بعد راح اقرة قصص وانشاءالله التوفيق لصاحبة القناة الي جاي تنقلنة قصص وأوجاع جزء قليل من البشر ماعرف اذا كانت القصة حقيقة او مجرد تأليفة لان يكولون بعض من الروايات حقيقة ويضيفولة كلام والبعض منهة مجرد تأليف بس والله من اقرة القصة عبالك كاعدة اباوع علة مسلسل اني اقرة واتخيل اشكالهم ولبسهم وحياتهم واتمنة تستمرين علة هاذة تعبج تستحقين الافضل ❤❤❤❤
الله يكون بعونج راسي تنفجر من قهر االله يسعدج في الدنيا والاخره انتي وعزيز ولينا الله يعوضج ويشافي عزيز انشالله انقهرت عليكم الغربه اهون من اهانه امو وسخافة عدنان ومكارة ايمان الله لاينطيهم الله ينطي مرادك ياعامر الله يرزقني مثلوا
عاشت ايدج شمس كتاباتج روعه شكد قريت روايات بس مثل طريقتج بالكتابه ماكو ولو تبكينا بكل قصه تحكيلنا عنها اتمنئ تنزلين قصص بعد اكثر واتمنئ تكتبيلنا او تبلغينا شذر ونسر شصارلهم وعزيز وترانيم هم شصارلهم
من اكثر القصص التي اعجبتني في احيات و تعلمت منها الصبر من اكثر القصص المحزنه التي مرت علي و اتمنيت ما تنتهي القصه بس هاي القصه حقيقيه لو و عاشت ايدج على الكتاب
واو واو اجمل واحلى قصه ولو شبعت وقهر😅💔وربي يشافي عزيز بحق الحسين الشهيد وربي يوفقهم بس انقهرت تمنيت اخت ترانيم تزوج علي بس المهم سعادتهم ولو ماشافن الراحه والضلم 😥💔المهم تحياتي ل ترانيم ول عزيز الله يوفقهم ♥️♥️
كل واحد ووحدة عندو قصة كل الأغذية اللي شفتها ونحنا نشرد والله جنت ادعي الله ينقد الايزيدية من خبرنا اهل سنجار وقالوا طالعين عل الجبل نحن دين الرحمة والتسامح ونحب الجميع والداعش ليسوا مسلمين اهل الجنوب ابدعوا في استقبال النازحين الله يحفظهم
ملاحظة
يمي :امي يعني ماما
اغشعت : رأيت أو شفت
ادحك :اباوع او انظر
،،،،،،،،،،،،،
ﻣﺴﺎﺀ ﺍﻟﻮﺭﺩ ﺣﺒﺎﻳﺐ .. 💕
///// ﺍﻟﺒﺎﺭﺕ ﺍﻟﺜﺎﻧـﻲ /////
# ﺑﻘﻠﻢ _ ﺍﻟﻜﺎﺗﺒﺔ _ ﺷﻤﺲ
( ﺷﻤﺲ ﺍﻟﺴﻌـﺪﻱ )
********* # ﺗﺮﺍﻧـﻴــﻢ ***********
ﺗﺄﺧﺬﻧﻲ ﺧﻄﻮﺍﺗﻲ ﺑﻌﻴﺪﺍ ..
ﻭ ﺍﺗﻮﻩ ﺑﻴﻦ ﺍﻟﺬﻛﺮﻳﺎﺕ ..
ﻭﺍﻟﻮﻡ ﻧﻔﺴﻲ ﻋﻠﻰ ﻣﺎﻓﺎﺕ ..
ﻭﺍﺷﺘﻜﻲ ﻣﻦ ﻗﺴﻮﺓ ﺍﻟﺤﻴﺎﺓ ..
ﺗﻮﻫﻨﻲ ﺯﻣﺎﻧﻲ ..
ﻭﺍﺭﻫﻘﺘﻨﻲ ﺃﺣﻼﻣﻲ ...
ﺍﺣﻼﻡ ﺑﺴﻴﻄﺔ ﺭﺳﻤﺘﻬﺎ ..
ﻇﻨﻨﺖ ﺍﻧﻨـﻲ ﺳﺄﻛﻤﻠﻬﺎ ..
ﻓﺈﺫﺍ ﺑﻬﺎ ﺗﺤﻮﻟﺖ ﻟﺪﻣﻮﻉ ...
ﻻﻫﺎﺕ ﺟﺮﺣﺖ ﺍﻟﺮﻭﺡ ﻓﻲ ﺍﻟﻌﻤﻖ ..
ﻭﺃﺻﺒﺤﺖ ﺍﻛﺘﺒﻬﺎ ﻓﻲ ﻣﺬﻛﺮﺍﺗﻲ ..
ﻓﺮﺑﻤﺎ ﺑﻌﺪ ﺃﻥ ﺗﺘﻼﺷﻰ ﺧﻄﻮﺍﺗﻲ ..
ﻳﻘﺮﺃﻫﺎ ﺍﺣﺒﺎﺑﻲ ﻓﻲ ﻏﻴﺎﺑﻲ !!
ﺑﻌﺪ ﻣﺎﺣﺮﻛﺖ ﺍﻟﺴﻴﺎﺭﺓ ..
ﺩﮒ ﻣﻮﺑﺎﻳﻞ ﻋﻠﻲ ..
ﺭﺩ ..
ﻫﺎ ﻋﺰﻳﺰ ﻧﺴﻴﺖ ﺷﻲ !!
ﺑﻘﻰ ﻳﺴﺘﻤﻊ ﺍﻟﺔ ﺑﻌﺪﻫﺎ ﮔﺎﻟﺔ ..
ﻟﻮ ﻣﺨﻠﻴﻬﻢ ﺑﺸﻘﺘﻚ ﺍﺣﺴﻦ !!
ﺑﺲ ﻻ ﺍﻣﻲ ﺗﺴﻮﻳﻠﻨﺎ ﺳﺎﻟﻔﺔ ..
ﻛﺎﻥ ﻳﺘﻜﻠﻢ ﺑﻬﻤﺲ ﻭﺍﻟﻐﺎﺯ ﻭﻣﺎﻗﺪﺭﺕ ﺍﻓﻬﻤﻮ ﻭﺍﻓﻬﻢ ﻟﻐﺘﻮ ..
ﻣﻦ ﻏﺸﻌﺖ ﻛﻼﻡ ﻋﻠﻲ . ﺍﻓﻬﻤﺖ ﺍﻧﻬﻢ ﻣﻮ ﻣﻦ ﺑﻐﺪﺍﺩ ﻭﻻ ﻣﻦ ﺍﻟﻐﺮﺑﻴﺔ ..
ﺍﻭ ﻣﺤﺎﻓﻈﺎﺕ ﺍﻟﺸﻤﺎﻝ ..
ﻟﻬﺠﺘﻬﻢ ﻣﺨﺘﻠﻔﺔ ﻋﻨﺎ .. ﻣﺎﺍﻧﻜﺮ ﻛﺎﻥ ﻓﻲ ﺧﻮﻑ ﻗﻠﻴﻞ ﺑﺪﺍﺧﻠﻲ
ﻣﺎﺍﻋﺮﻑ ﻣﺼﻴﺮﻱ ﺍﻭ ﻃﺮﻳﻘﻲ ﻭﻳﻦ ﻣﺎﺧﺬﻧﻲ ..
ﻟﻜﻦ ﻛﻞ ﺷﻲ ﺍﻫﻮﻥ ﻣﻦ ﺑﻘﺎﺋﻲ ﺑﺎﻟﻤﻮﺻﻞ ﻭﺍﻟﺮﻋﺐ ﺍﻟﻲ ﺷﻔﺘﻮ ..
ﻛﻨﺖ ﺍﺣﺎﻭﻝ ﺍﻛﻮﻥ ﺍﻗﻮﻯ ﺍﻻﺟﻞ ﻟﻴﻨﺎ ﻣﺎﺗﻐﺸﻌﻨﻲ ﺧﺎﻳﻔﺔ ﻭﺗﻨﺮﻋﺐ ﻣﻌﺎﻱ ..
ﻫﻲ ﺗﺴﺘﻤﺪ ﻗﻮﺗﻬﺎ ﻣﻨﻲ ..
ﻟﻴﻨﺎ ﺑﻄﺒﻌﻬﺎ ﻣﺮﺣﺔ ﻭﺗﺤﺐ ﺍﻟﺤﻴﺎﺓ ﻟﻜﻦ ﺑﻌﺪ ﺍﻻﺣﺪﺍﺙ ﺍﻟﻲ ﺻﺎﺭﺕ ﺗﻐﻴﺮﺕ ﻭﻋﻢ ﻋﻠﻴﻬﺎ ﺍﻟﻬﺪﻭﺀ ..
ﻟﻴﻨﺎ .. ﺍﺣﻨﺔ ﻭﻳﻦ ﺭﺍﻳﺤﻴﻦ ..
ﺗﺮﺍﻧﻴﻢ .. ﻣﺎﺍﻋﺮﻑ ﺣﺒﻴﺒﺘﻲ ﻳﻤﻜﻦ ﻋﻠﻰ ﺑﻴﺖ ﺍﻫﻠﻮ ﻟﻌﺰﻳﺰ ..
ﻟﻴﻨﺎ .. ﻟﻴﺶ ﻫﻮ ﻭﻳﻦ ﺑﻴﺘﻮ ..
ﺗﺮﺍﻧﻴﻢ .. ﻧﻮﺻﻞ ﻭﻧﻌﺮﻑ ..
ﻋﻠﻲ .. ﺍﻭﻭﻭﻭﻩ ﺻﺪﮒ ﻧﺴﻴﺖ .. ﻭﮔﻒ ﺍﻟﺴﻴﺎﺭﺓ ﻭﻧﺰﻝ ..
ﺑﻘﻴﻨﺎ ﻧﻨﻈﺮ ﻣﻦ ﺍﻟﺸﺒﺎﻙ ﻭﺧﺎﻳﻔﻴﻦ ..
ﻫﺬﺍ ﻟﻮﻳﻦ ﻧﺰﻝ ﻭﺗﺮﻛﻨﺎ ..
ﺭﺟﻊ ﺑﻴﺪﻭ ﺍﻛﻴﺎﺱ ﻣﻦ ﺟﻨﻄﺔ ﺍﻟﺴﻴﺎﺭﺓ ..
ﻓﺘﺢ ﺑﺎﺏ ﺍﻟﺴﻴﺎﺭﺓ ..
- ﻫﺎﻛﻢ ﻫﺎﻱ ﻋﺰﻳﺰ ﺍﺷﺘﺮﺍﻟﻜﻢ ﻟﻔﺎﺕ ﮔﺺ ﻟﻠﻄﺮﻳﻖ ﺍﻛﻴﺪ ﻟﺴﺎ ﻣﺎﻣﺘﻌﺸﻴﻦ ﻣﻮﻭﻭﻭ ..
ﺑﻘﻴﻨﺎ ﺻﺎﻓﻨﻴﻦ ﺑﻮﺟﻬﻮ ..
- ﺗﺮﻯ ﻭﺍﻟﻠﻪ ﻣﺎﺍﺣﺠﻲ ﻋﺠﻤﻲ .. ﺍﻧﺎ ﺍﺗﻜﻠﻢ ﻋﺮﺑﻲ ﻋﺮﺑﻲ ﺗﻔﻬﻤﻮﻥ ﻋﺮﺑﻲ ..
ﻛﺎﻥ ﻳﺤﺎﻭﻝ ﻳﺘﺮﺟﻢ ﺑﻜﻞ ﺍﻟﻄﺮﻕ ﻭﻛﻞ ﻇﻨﻮ ﻣﺎﻧﻔﻬﻢ ﻋﻠﻴﻪ ..
ﻟﻴﻨﺎ ﻣﺎﺍﺗﺤﻤﻠﺖ ﺿﺤﻜﺖ ﺑﺼﻮﺕ ﻋﺎﻟﻲ ..
- ﺷﻜﻠﻚ ﻳﻀﺤﻚ ﻭﺍﻧﺖ ﺗﺘﺮﺟﻢ .. ﻭﺍﺣﻨﺔ ﻛﺬﻟﻚ ﻣﻮ ﻏﺮﺏ .. ﻭﻧﻔﻬﻢ ﻋﺮﺑﻲ ..
ﺿﺤﻚ ﻭﮔﺎﻝ .. ﺟﺎ ﺻﺎﺭ ﺳﺎﻋﺔ ﺍﺣﺠﻲ ﻭﻳﺎﺟﻦ ﺷﺒﻴﺠﻦ ﺻﺎﻓﻨﺎﺕ ﻣﺎﺗﺮﺩﻥ ﻭﺍﻧﻲ ﻣﻦ ﻛﻞ ﻋﻘﻠﻲ ﺍﺗﺮﺟﻢ ..
ﺍﺧﺬﺕ ﺍﻻﻛﻴﺎﺱ ﻣﻨﻮ ﻭﺭﺟﻊ ﻟﻠﺴﻴﺎﺭﺓ ﻳﺴﻮﻕ ..
ﺍﺑﺘﺴﻤﺖ ﺍﺑﺘﺴﺎﻣﺔ ﺧﻔﻴﻔﺔ ..
ﺑﻌﺪ ﻣﺎﺷﻔﺖ ﺿﺤﻜﺔ ﻟﻴﻨﺎ ﻷﻭﻝ ﻣﺮﺓ ..
ﺍﻧﻄﺘﻨﻲ ﻟﻔﺔ ﺍﺷﺮﺗﻠﻬﺎ ﻣﺎﺍﺷﺘﻬﻲ ..
ﺍﻧﻄﺖ ﺍﻟﻌﻠﻲ ﻣﺎﻗﺒﻞ ﻳﺎﺧﺬ ..
ﻟﻜﻦ ﺍﺻﺮﺍﺭ ﻟﻴﻨﺎ ﺍﺟﺒﺮﻭ ﺍﻧﻪ ﻳﺎﺧﺬ ﻣﻨﻬﺎ ..
ﻭﺻﻠﻨﺎ ﻳﻢ ﺳﻴﻄﺮﺓ ..
ﻓﺘﺢ ﺍﻟﺸﺒﺎﻙ ﻋﻠﻲ .. ﻻﻥ ﻛﺎﻥ ﻣﺸﻐﻞ ﺗﻜﻴﻴﻒ ﺑﺎﻟﺴﻴﺎﺭﺓ
ﻛﺎﻥ ﺍﻟﺸﺮﻃﻲ ﻳﻐﺸﻊ ﻋﻠﻴﻨﺎ ﻭﻳﺴﺄﻝ ﻋﻠﻲ ..
ﺍﻧﺘﻮ ﻣﻦ ﻭﻳﻦ ﺟﺎﻳﻴﻦ ..
- ﻣﻦ ﺑﻐﺪﺍﺩ ..
- ﻭﺍﻟﺒﻨﺎﺕ ﺷﻴﺼﻴﺮﻥ ﻣﻨﻚ .. ﺷﻜﻠﻬﻦ ﻣﻮ ﻣﻨﺎ ..
ﻳﻤﻜﻦ ﻗﺎﺭﻥ ﺍﻟﺸﺒﻪ ﺑﻴﻨﺎ ﻭﺑﻴﻦ ﻋﻠﻲ .. ﻋﻠﻲ ﺍﺳﻤﺮ ﻣﻮ ﻣﺜﻠﻨﺎ
ﻋﻠﻲ .. ﺍﻗﺮﺑﺎﺋﻨﺎ ﺍﻟﺒﻨﺎﺕ ﻭﺭﺍﻳﺤﻴﻦ ﻟﻠﻌﻤﺎﺭﺓ ﺍﻫﻠﻲ ﻫﻨﺎﻙ
بيج قصص عراقيه حقيقيه من واقعنا.روعه الطائي
ﺍﻟﺸﺮﻃﻲ .. ﺍﻧﻄﻴﻨﻲ ﺍﻭﺭﺍﻗﻚ ﻭﺟﻨﺎﺳﻴﻜﻢ ..
ﻃﻠﻊ ﻋﻠﻲ ﺍﻻﻭﺭﺍﻕ ..
ﻭﻃﻠﺐ ﻫﻮﻳﺎﺗﻨﺎ ..
ﺍﺷﺮﺗﻠﻮ ﺍﻟﻌﻠﻲ ﻣﺎﻋﻨﺪﻧﺎ .. ﻏﻤﺾ ﻋﻴﻨﻮ ﻭﻧﺰﻝ ﻟﻠﺸﺮﻃﻲ ﻳﻜﻠﻤﻮ ..
ﻟﻜﻦ ﺍﻟﺸﺮﻃﻲ ﺭﺍﺳﻮ ﺣﺠﺮ ﻣﺎﻳﻔﻬﻢ ..
ﺑﻌﺪﻫﺎ ﻧﺰﻟﻨﺎ ﻭﺑﺪﺃ ﻳﺴﺄﻟﻨﺎ ﺍﺳﺌﻠﺔ ﻏﺮﻳﺒﺔ ..
ﺍﻧﺘﻮ ﻣﻦ ﻭﻳﻦ ..
ﻭﺷﻌﻨﺪﻛﻢ ﺟﺎﻳﻴﻦ ..
ﺍﻧﺘﻮ ﻧﺎﺯﺣﻴﻦ ﻣﻦ ﺍﻟﻤﻮﺻﻞ ﻭﻭﻳﻦ ﺍﻫﻠﻜﻢ ..
ﺍﺳﺌﻠﺔ ﻛﺜﻴﺮﺓ ..
ﺟﻤﻊ ﺍﻟﺸﺮﻃﺔ ﺍﻟﻲ ﺑﺎﻟﺴﻴﻄﺮﺓ ﻛﻠﻬﻢ ﺣﻮﻟﻨﺎ ..
ﻃﻠﻊ ﻋﻠﻲ ﻣﻮﺑﺎﻳﻠﻮ ﻭﺍﺗﺼﻞ ﻋﻠﻰ ﻋﺰﻳﺰ ..
ﺭﻏﻢ ﺍﺣﻨﺔ ﻃﺎﻟﻌﻴﻦ ﻣﻦ ﺑﻐﺪﺍﺩ ﻣﻮ ﺩﺍﺧﻠﻴﻦ ﺍﻟﻬﺎ ﺍﻟﻤﻔﺮﻭﺽ ﻣﺎﻛﻮ ﺩﺍﻋﻲ ﺍﻟﻬﺬﻱ ﺍﻻﺳﺌﻠﺔ ..
ﻣﺎﺍﺗﺤﻤﻠﺖ ﻭﮔﻠﺘﻮﻟﻮ ..
ﺍﻫﻠﻨﺎ ﺍﺧﺬﻭﻫﻢ ﺩﺍﻋﺶ ﻣﺎﻋﺮﻓﻨﺎ ﻋﻨﻬﻢ ﺷﻲ ..
ﻭﺟﻨﺎﺳﻴﻨﺎ ﻭﺍﻏﺮﺍﺻﻨﺎ ﻣﻌﺎﻫﻢ ..
ﻫﺮﺑﻨﺎ ﻣﻊ ﺍﻟﻨﺎﺱ ﻭﺟﻴﻨﺎ ﺍﻟﺒﻐﺪﺍﺩ ..
ﺑﻌﺪﻫﺎ ﺍﺗﺼﻠﻨﺎ ﻉ ﺍﻗﺎﺭﺑﻨﺎ ﻭﺍﺟﻮ ﻳﺎﺧﺬﻭﻧﺎ ..
ﻟﻴﺶ ﻣﻮ ﺭﺍﺿﻲ ﺗﺼﺪﻗﻨﺎ ..
ﻛﻨﺖ ﺍﺗﻜﻠﻢ ﺑﻌﺼﺒﻴﺔ ﻭﺍﺣﺲ ﺍﻋﺼﺎﺑﻲ ﻓﻌﻼ ﺗﺎﻟﻔﺔ ﻭﺗﻔﻜﻴﺮﻱ ﺑﺄﻫﻠﻲ ﺧﻼﻧﻲ ﺍﻃﻠﻊ ﻗﻬﺮﻱ ﻋﻠﻴﻪ ..
ﻋﻠﻲ .. ﺗﻔﻀﻞ ﺍﻟﻀﺎﺑﻂ ﻋﺰﻳﺰ ﻭﻳﺎﻙ ﻉ ﺍﻟﻤﻮﺑﺎﻳﻞ ..
ﺑﻘﻰ ﻳﺤﺠﻲ ﻭﻱ ﻋﺰﻳﺰ ﻉ ﺍﻟﻤﻮﺑﺎﻳﻞ ..
ﺑﻌﺪﻫﺎ ﺳﻠﻢ ﺍﻟﺴﻨﻮﻳﺔ ﻭﺍﻟﻬﻮﻳﺔ ﺍﻟﻌﻠﻲ ﻭﮔﺎﻝ ..
ﺗﻔﺼﻠﻮﺍ ﺑﺮﺍﺣﺘﻜﻢ ..
ﻋﻠﻲ .. ﻳﻠﻪ ﺍﺻﻌﺪﻥ !!
ﺗﺮﺍﻧﻴﻢ .. ﺍﺳﻔﺔ ﻷﻥ ﺳﺒﺒﻨﺎ ﺍﻟﻜﻢ ﻣﺸﺎﻛﻞ ..
ﻋﻠﻲ .. ﻻ ﻭﻟﻴﻬﻤﺞ .. ﺑﺲ ﺗﺪﺭﻳﻦ ﺑﺎﻟﻮﺿﻊ ﺷﻠﻮﻥ ﻻﺯﻡ ﻳﺎﺧﺬﻭﻥ ﺍﺣﺘﻴﺎﻃﻬﻢ ..
ﻭﻟﻮ ﺍﻧﺘﻲ ﻣﺎﻗﺼﺮﺗﻲ ﻭﻳﺎﻫﻢ ﻫﻬﻬﻬﻬﻪ ..
ﻳﻠﻪ ﻛﻤﻠﻮﺍ ﺍﻛﻠﻜﻢ ..
ﻛﻠﺸﻲ ﻳﻨﺤﻞ ﻟﺘﺨﺎﻓﻮﻥ ..
ﺗﻜﻴﺖ ﺭﺍﺳﻲ ﻉ ﺍﻟﺸﺒﺎﻙ .. ﻭﺍﻏﺸﻊ ﻣﻨﺎﻇﺮ ﺑﻐﺪﺍﺩ ﻭﺷﻮﺍﺭﻋﻬﺎ
ﻟﻔﺖ ﺍﻧﺘﺒﺎﻫﻲ ﻋﻠﻲ ﻟﻤﺎ ﮔﺎﻝ ﻟﻠﺸﺮﻃﻲ ..
ﺍﺣﻨﺔ ﺑﺎﻟﻌﻤﺎﺭﺓ ..
ﻭﻳﻦ ﺻﺎﻳﺮﺓ .. ﺍﻛﻴﺪ ﺑﺎﻟﺠﻨﻮﺏ ..
ﺍﺍﺍﺍﻩ ﻳﻤﻲ .. ﻭﻳﻨﻚ ..
ﺍﺫﺍ ﺭﺣﺖ ﻟﻬﻨﺎﻙ ﺷﻠﻮﻥ ﺭﺍﺡ ﻳﻌﺜﺮﻭ ﻋﻠﻴﻨﺎ ..
ﺍﺣﺲ ﻗﻠﺒﻲ ﺍﻧﻘﺒﺾ ﻭﻣﺎﺍﺭﺗﺤﺖ ..
ﺍﺗﻤﻨﻴﺖ ﺍﻟﺴﺎﻧﻲ ﻳﻨﻄﻖ ﻭﺍﻗﻠﻮ ﺍﻟﻌﻠﻲ ﻳﺮﺟﻌﻨﺎ ﺍﻟﺒﻐﺪﺍﺩ ..
ﻟﻴﻨﺎ ﻛﺎﻧﺖ ﺗﺎﻛﻞ ﻭﺗﻐﺸﻊ ﻣﺜﻠﻲ ﻣﻦ ﺍﻟﺸﺒﺎﻙ ..
ﺣﺴﻴﺖ ﺑﻐﻔﻮﺓ ﻭﺧﺎﺻﻪ ﺑﻌﺪ ﻣﺎﺷﻐﻞ ﻋﻠﻲ ﺍﻏﻨﻴﺔ ﻫﺎﺩﺋﺔ ..
ﺣﻠﻤﺖ ﺑﻴﻤﻲ ﺗﺒﻜﻲ ﻭﺗﻠﻮﺡ ﺑﻴﺪﻫﺎ ﻋﻠﻴﻪ ..
ﻭﻳﻤﻬﺎ ﺍﺑﻲ ﻭﺍﺧﻲ ﻧﺎﻳﻤﻴﻦ ..
ﺍﻓﺰﻋﺖ ﻣﻦ ﻧﻮﻣﻲ ﺧﺎﻳﻔﻪ ﻭﻣﺮﻋﻮﺑﺔ ..
ﺍﻏﺸﻌﺖ ﻟﻴﻨﺎ ﺗﺤﻜﻲ ﻭﺗﻀﺤﻚ ﻣﻊ ﻋﻠﻲ ..
ﻭﻛﺄﻧﻬﻢ ﻳﻌﺮﻓﻮ ﺑﻌﺾ ﻣﻦ ﺯﻣﺎﻥ ..
ﻟﻴﻨﺎ .. ﺻﺤﻴﺘﻲ ﺍﺧﺘﻲ .. ﻟﻮ ﺗﻌﺮﻓﻲ ﻋﻠﻲ ﺷﻠﻮﻥ ﻳﺤﺐ ﺍﻟﻀﺤﻚ .. ﻣﺜﻠﻲ ﺗﻤﺎﻣﺎ ..
ﻭﺷﻮﻗﻨﻲ ﺍﻛﺜﺮ ﺍﺗﻌﺮﻑ ﻋﻠﻰ ﺳﺮﻭﺭ ﺍﺧﺘﻮ ..
ﻳﻘﻮﻝ ﺗﺸﺒﻬﻨﻲ ﺑﺤﺮﻛﺎﺗﻲ ..
ﺍﺍﺍﺍﻩ ﻳﺎﻟﻴﻨﺎ ﺍﻟﺮﺏ ﻳﺒﻌﺜﻠﻚ ﺍﻟﺴﻌﺎﺩﺓ ﻭﻣﺎﺗﻬﻤﻲ ﻭﻻﺗﺨﺎﻓﻲ ..
ﻛﺎﻧﺖ ﺗﺤﺎﻭﻝ ﺗﻘﻨﻊ ﺭﻭﺣﻬﺎ ﺍﻧﻬﺎ ﺭﺍﺡ ﺗﻜﻮﻥ ﺳﻌﻴﺪﺓ ﻭﻣﺮﺗﺎﺣﺔ
ﻟﻴﺶ ﻓﻲ ﺳﻌﺎﺩﺓ ﺑﺒﻌﺪ ﺍﻻﻫﻞ ﻭﺍﻟﺪﻳﺎﺭ ﻭﺍﻟﻐﺮﺑﺔ ..
ﺗﺮﺍﻧﻴﻢ .. ﻋﻠﻲ ﻳﻄﻮﻝ ﺍﻟﻄﺮﻳﻖ ..
ﻋﻠﻲ .. ﺍﻱ ﺗﻘﺮﻳﺒﺎ ﺑﻌﺪ ﺳﺎﻋﺔ ﺍﻭ ﺍﻛﺜﺮ .. ﻻﺗﺨﺎﻓﻮﻥ ﻫﺴﺎ ﺩﺧﻠﻨﺎ ﻣﻨﺎﻃﻖ ﺍﻟﺠﻨﻮﺏ ﻳﻌﻨﻲ ﺍﻣﺎﻥ ..
ﻫﺰﻳﺖ ﺑﺮﺍﺳﻲ ﺩﻭﻥ ﻛﻼﻡ ..
ﻟﻴﻨﺎ .. ﺍﺭﻳﺪ ﻣﻐﺎﺳﻞ ﺍﺫﺍ ﺍﻛﻮ ..
ﻋﻠﻲ .. ﺻﺎﺭ ﻫﺴﺎ ﻧﺸﻮﻑ ﻣﻄﻌﻢ ﺑﺎﻟﻄﺮﻳﻖ ﻭﻧﻨﺰﻝ ﻏﺴﻠﻮﺍ ﻭﺍﺭﺗﺎﺣﻮﺍ ..
ﻧﺰﻟﻨﺎ ﻣﻄﻌﻢ ﻉ ﺍﻟﻄﺮﻳﻖ ..
ﻏﺴﻠﻨﺎ ﻭﺭﺗﺒﻨﺎ ﺭﻭﺣﻨﺎ ..
ﻟﻴﻨﺎ .. ﺍﺧﺘﻲ ﺍﺧﻠﻊ ﻫﺬﺍ ﺍﻟﻲ ﻻﺑﺴﺘﺔ ﺧﻨﻘﻨﻲ ..
ﺗﺮﺍﻧﻴﻢ .. ﻣﺎﺍﻋﺮﻑ ﺣﺒﻴﺒﺘﻲ .. ﺧﻠﻴﻨﺎ ﻧﺨﻠﻌﻮ ﻭﻧﻠﺒﺲ ﺍﻟﺸﺎﻝ ﺍﻟﻲ ﺍﺷﺘﺮﺍﻩ ﺍﻟﻨﺎ ﺍﺑﻲ
بيج قصص عراقيه حقيقيه من واقعنا.روعه الطائي
ﻟﻴﻨﺎ .. ﺍﻭﻭﻭﻭﻩ ﺍﺣﺲ ﺭﺍﺳﻲ ﻳﺤﻜﻨﻲ ﻣﻨﻮ .. ﺍﻧﺎ ﺭﺍﺡ ﺍﺑﻘﻰ ﺑﺪﻭﻧﻮ ..
ﺗﺮﺍﻧﻴﻢ .. ﺧﻠﺺ ﻣﺜﻞ ﻣﺎﺗﺮﺩﻳﻦ ..
ﻃﻠﻌﻨﺎ ﻣﻦ ﺍﻟﺤﻤﺎﻡ .. ﺍﻧﺘﺒﻪ ﻋﻠﻴﻨﺎ ﻋﻠﻲ ﻭﺑﻘﻰ ﺻﺎﻓﻦ ﻋﻠﻴﻨﺎ
ﺍﺗﻘﺮﺑﺖ ﻣﻨﻮ ..
ﻋﻠﻲ ﻋﻠﻲ ..
- ﻫﺎﺍﺍﺍ ﻛﻤﻠﺘﻮﺍ .. ﺑﺲ ﺍﻟﺠﺎﺩﺭ ﺟﺎﻥ ﺣﻠﻮ ﻋﻠﻴﺠﻦ ﻟﻴﺶ ﻧﺰﻋﺘﻨﺔ ﻭﻟﻮ ﺣﻘﺠﻦ ﻣﺎﻣﺘﻌﻮﺩﺍﺕ ..
ﺗﺮﺍﻧﻴﻢ .. ﺟﺎﺩﺭ ﺷﻨﻮ
ﻋﻠﻲ .. ﻫﺬﺍ ﺍﻟﻲ ﻻﺑﺴﺎﺗﻪ ﻗﺒﻞ ﺷﻮﻳﺔ ﺍﻣﻲ ﻭﺟﺪﺗﻲ ﻳﺴﻤﻮﻩ ﺟﺎﺩﺭ ﺷﻤﺪﺭﻳﻨﻲ ﺑﻌﺪ ﺍﻧﺘﻮ ﺷﺘﺴﻤﻮﻩ ..
ﻭﻟﻮ ﻳﻤﻜﻦ ﻣﺎﺗﻠﺒﺴﻮﻩ ﺍﻧﺘﻢ ﻣﻮﻭﻭ . ..
ﻟﻴﻨﺎ .. ﻫﻬﻬﻬﻬﻪ ﻗﺼﺪﻙ ﺳﺘﺎﺭﺓ .. ﺷﻠﻮﻥ ﺗﻠﺒﺴﻮﻩ ﻳﺨﻨﻖ ..
ﺗﺮﺍﻧﻴﻢ .. ﻛﺎﻓﻲ ﺣﺒﻴﺒﺘﻲ ﻛﻞ ﺷﺨﺺ ﻭﺍﻟﻪ ﻋﺎﺩﺍﺗﻮ ﻣﺎﻳﺠﻮﺯ ﺗﺴﺘﻬﺰﺋﻲ ..
ﻟﻴﻨﺎ .. ﺍﺳﻔﺔ ..
ﻋﻠﻲ .. ﻳﻠﺔ ﺧﻠﻮﻧﺎ ﻧﻤﺸﻲ ﻭﺭﺍﻧﺎ ﻃﺮﻳﻖ ﺑﻌﺪ ﻭﺍﻣﻲ ﺧﺒﺼﺘﻨﻲ ﻛﻞ ﺷﻮﻳﻪ ﻭﻳﻦ ﺻﺮﺕ .
ﺗﻠﮕﻴﻬﺎ ﻧﺎﻃﺮﺓ ﻳﻢ ﺍﻟﺒﺎﺏ ..
ﻟﻴﻨﺎ .. ﻳﺎﺍﺍﻱ ﺣﻠﻮ ﻛﻼﻣﻚ ﺭﻏﻢ ﻣﺎﺍﻓﻬﻢ ﻋﻠﻴﻪ ..
ﻋﻠﻲ .. ﻭﺍﻧﺘﻦ ﻫﻢ ﺣﻠﻮ ﺣﺠﻴﺠﻦ ﺑﺲ ﻣﺎﺍﻓﻬﻢ ﻋﻠﻴﻪ ﻫﻬﻬﻬﻬﻪ
ﺗﺮﺍﻧﻴﻢ .. ﻣﻌﻨﺎﻫﺎ ﺗﺴﺎﻭﻳﺘﻮ ﻳﻠﺔ ﺧﻠﻮﻧﺎ ﻧﺮﻭﺡ ..
ﻋﻠﻲ ﻳﻤﻜﻦ ﺍﺻﻐﺮ ﻣﻨﻲ ﺑﺎﻟﻌﻤﺮ ﺑﺲ ﻫﻮ ﻃﻮﻳﻞ ﻭﺑﻨﻴﺘﺔ ﻣﺜﻞ ﺍﺧﻮﻩ ..
ﻟﻜﻦ ﺷﻜﻠﻮ ﻳﻮﺣﻲ ﺍﻧﻪ ﺻﻐﻴﺮ ﺑﺎﻟﻌﻤﺮ ..
ﺗﺮﺍﻧﻴﻢ .. ﻋﻠﻲ .. ﺍﻧﺖ ﺷﻘﺪ ﻋﻤﺮﻙ ..
ﻋﻠﻲ .. 18 ﺑﺲ ﻣﺎﺩﺧﻠﺖ ﺑﻜﻠﻮﺭﻳﺎ ﻳﻌﻨﻲ ﺑﻌﺪﻧﻲ ﻣﺨﻀﺮﻡ ﺑﺎﻟﺴﺎﺩﺱ ..
ﺗﺮﺍﻧﻴﻢ .. ﺍﻟﻌﻤﺮ ﻛﻠﻮ ﻭﺍﻟﺮﺏ ﻳﻨﺠﺤﻚ ..
ﻋﻠﻲ .. ﺍﻥ ﺷﺎﺀ ﺍﻟﻠﻪ ..
ﻟﻴﻨﺎ ﻋﻠﻰ ﻧﻴﺎﺗﻬﺎ ﺗﺎﺧﺬ ﻉ ﺍﻟﻨﺎﺱ ﺑﺴﺮﻋﺔ .. ﻟﻜﻦ ﺍﻟﺤﺬﺭ ﻭﺍﺟﺐ ﺑﻌﺪﻧﺎ ﻣﺎﻧﻌﺮﻑ ﺷﻲ ﻣﻨﻬﻢ ..
ﻻﺯﻡ ﺍﻛﻮﻥ ﺣﺬﺭﺓ .. ﻣﺎﺍﮔﺪﺭ ﺍﺣﺮﻣﻬﺎ ﺍﻧﻪ ﺗﻀﺤﻚ ﻭﺗﺘﻜﻠﻢ ﻷﻥ ﺍﻛﻴﺪ ﺗﺤﺎﻭﻝ ﺗﻨﺴﻰ ﺍﻭ ﺗﺘﻨﺎﺳﻰ ﻏﻴﺎﺏ ﺍﻫﻠﻲ ..
ﻋﻢ ﺍﻟﺴﻜﻮﻥ ﺑﺎﻟﺴﻴﺎﺭﺓ ..
ﻋﻠﻲ .. ﻣﺎﺑﻘﻰ ﺷﻲ ﺭﺍﺡ ﻧﻮﺻﻞ ..
ﺗﺮﺍﻧﻴﻢ .. ﻗﺪﻳﺶ ﺗﺒﻌﺪ ﻣﺪﻳﻨﺘﻜﻢ . ﻋﻦ ﺑﻐﺪﺍﺩ ..
ﻋﻠﻲ .. ﻗﺼﺪﺝ ﺍﻟﻌﻤﺎﺭﺓ .. ﺍﻭﻭﻭﻭﻩ ﺍﺭﺑﻊ ﺳﺎﻋﺎﺕ ﻫﺎﻱ ﻣﻦ ﻏﻴﺮ ﺍﻟﺴﻴﻄﺮﺍﺕ ﻭﺍﻻﺯﺩﺣﺎﻣﺎﺕ .. ﺍﺣﻤﺪﻱ ﺍﻟﻠﻪ ﺍﺟﻴﻨﺎ ﺑﺎﻟﻠﻴﻞ ﻭﺍﻻ ﺑﺎﻟﻨﻬﺎﺭ ﺧﻤﺲ ﺳﺎﻋﺎﺕ ﺯﻳﻦ ﺍﺫﺍ ﻧﻮﺻﻞ ..
- ﺍﻣﻤﻤﻤﻢ ﻛﺜﻴﺮ ..
ﻋﻠﻲ .. ﻭﻫﺎﻱ ﻭﺻﻠﻨﺎ ﻟﻠﻨﺪﻥ ﺍﻟﺼﻐﺮﻯ ..
ﻟﻴﻨﺎ .. ﻟﻨﺪﻥ ؟؟
ﻋﻠﻲ .. ﺍﻱ ﺍﺣﻨﻪ ﻋﺪﻧﺎ ﻟﻨﺪﻥ ﺷﻮﻓﻴﻬﺎ ﺑﺮﺑﺞ ﻣﻮ ﺣﻠﻮﺓ ..
ﻟﻴﻨﺎ .. ﺍﻣﻤﻤﻤﻢ ﻧﻐﺸﻊ ﻭﻧﺤﻜﻢ ..
- ﻛﻨﺖ ﻋﻴﻨﻲ ﻋﻠﻴﻬﺎ ﺻﺢ ﺍﻟﺠﻮ ﻟﻴﻞ ﻭﻇﻠﻤﺔ .. ﻟﻜﻦ ﺷﻮﺍﺭﻋﻬﺎ ﻭﺟﻤﺎﻟﻬﺎ ﻣﺨﺘﻠﻒ .. ﺑﺤﻴﺎﺗﻲ ﻣﺎﺷﻔﺖ ﻣﻨﺎﻃﻖ ﺍﻟﺠﻨﻮﺏ ..
ﺣﺴﻴﺖ ﺑﺸﻲ ﻏﺮﻳﺐ ..
ﺗﺬﻛﺮﺕ ﻣﺪﻳﻨﺘﻲ .. ﻭﺣﺒﻴﺒﺘﻲ ﺍﻟﻤﻮﺻﻞ ..
ﻗﺮﻳﺘﻨﺎ ﺍﻟﺰﺍﻫﻴﺔ ﻣﺜﻞ ﻫﺎﻟﻤﺪﻳﻨﺔ ...
ﻛﺎﻧﺖ ﻫﺎﺩﻳﺔ ﻣﺜﻠﻬﺎ .. ﻋﺎﻣﺮﺓ ﺑﺄﻫﻠﻬﺎ ﻭﻧﺎﺳﻬﺎ ..
ﻟﻴﺶ ﻫﻴﻚ ﺻﺎﺭ ﻟﻴﺶ ﺍﺗﺸﺮﺩﻧﺎ ﻭﺿﺎﻋﻮﺍ ﺍﻫﻠﻨﺎ ﻭﺍﺣﺒﺎﺑﻨﺎ ..
ﺍﻧﺎ ﻣﺸﺘﺎﻗﺔ ﺍﻟﻴﻤﻲ ﻭﺍﻻﺑﻲ ﻭﺍﻻﺧﻲ ..
ﻣﺸﺘﺎﻗﺔ ﺍﻟﺒﻴﺘﻨﺎ ﻭﺣﻴﺎﺗﻨﺎ ..
ﻧﺰﻟﺖ ﺩﻣﻮﻋﻲ ﻭﺣﺴﻴﺖ ﻧﻔﺴﻲ ﺍﺧﺘﻨﻖ ..
ﻓﺘﺤﺖ ﺍﻟﺸﺒﺎﻙ ﺍﺭﻳﺪ ﺍﺷﻢ ﻫﻮﺍ ﺭﻏﻢ ﺍﻟﺘﻜﻴﻴﻒ ﺣﺴﻴﺖ ﻧﻔﺴﻲ ﺍﻧﻘﻄﻊ ..
ﻋﻠﻲ .. ﺑﻴﺞ ﺷﻲ ﺷﺘﺤﺴﻴﻦ ..
ﺍﺷﺮﺗﻠﻮ ﻣﺎﻛﻮ ﺷﻲ ..
ﺍﺳﺘﻤﺮ ﺑﻄﺮﻳﻘﻮ ..
ﻣﺴﻜﺖ ﻟﻴﻨﺎ ﻛﺘﻔﻲ ﻭﺑﻜﺖ .. ﺗﺬﻛﺮﺗﻲ ﺍﻫﻠﻲ ..
ﺍﻧﺎ ﻫﻢ ﺍﺷﺘﻘﺖ ﺍﻟﻬﻢ ﻟﻜﻦ ﻣﺎﺑﻴﺪﻧﺎ ﺷﻲ ..
ﻟﻮ ﺑﺎﻗﻴﻦ ﻛﺎﻥ ﺣﺎﻟﻨﺎ ﺍﺳﻮﺀ ﻣﻦ ﺍﻟﺒﻨﺎﺕ ﺍﻟﻲ ﺳﻤﻌﻨﺎ ﺍﺻﻮﺍﺗﻬﻢ
ﺍﻧﺎ ﻣﺎﺷﺒﻌﺖ ﻣﻨﻬﻢ ﻟﻜﻦ ﻣﺎﺍﺭﻳﺪ ﺍﻣﻮﺕ ﻭﺍﺗﻌﺬﺏ ﻣﺜﻠﻬﻢ
بيج قصص عراقيه حقيقيه من واقعنا.روعه الطائي
ﺣﻀﻨﺘﻬﺎ ﻭﺑﻜﻴﺖ ..
ﺍﺷﺸﺸﺶ ﻻﺗﺒﻜﻲ ﺣﺒﻴﺒﺘﻲ ﺍﻟﻲ ﺻﺎﺭ ﺍﺧﺘﺒﺎﺭ ﻭﺍﻫﻠﻨﺎ ﺭﺍﺡ ﻳﺮﺟﻌﻮﺍ ﻭﺍﻟﻲ ﺩﻣﺮﻭﻧﺎ ﺭﺍﺡ ﻳﻨﺪﻣﻮﺍ ﻭﻳﺘﻌﺎﻗﺒﻮﺍ ..
ﻻﺗﺨﺎﻓﻲ ..
ﻋﻠﻲ .. ﮔﻮﻟﻦ ﻳﺎﻟﻠﻪ ﺣﻘﺠﻦ ﺑﺲ ﻫﺬﺍ ﻗﺪﺭ . ﻭﺍﺣﻨﺔ ﺍﻫﻠﺠﻦ ﻭﻣﺎﻧﻌﻮﻓﺠﻦ ﻭﺧﺎﺻﻪ ﻋﺰﻳﺰ ﻣﺎﺗﻌﺮﻓﻨﺎ ﺍﻻﻣﺎﻧﺔ ﻋﻨﺪﺓ ﻳﺤﺎﻓﻆ ﻋﻠﻴﻬﺎ ﺑﻌﻴﻮﻧﺔ ..
ﻭﺍﻫﻠﻲ ﺭﺍﺡ ﺗﺸﻮﻓﻨﻬﻢ ﻧﺎﺱ ﻣﻴﺴﻮﺭﺓ ﻭﺍﻫﻞ ﻋﺸﺎﻳﺮ ﻭﮔﻴﻌﺎﻥ .
ﻟﻴﻨﺎ .. ﻗﺼﺪﻙ ﺍﺭﺍﺿﻲ .. ﻳﻌﻨﻲ ﻣﺜﻞ ﺍﺭﺍﺿﻴﻨﺎ ﻓﻲ ﺯﺭﻉ ﻭﻣﻲ ﻭﻣﺎﺷﻴﺔ ..
ﻋﻠﻲ .. ﻭﺩﺍﻋﺘﺞ ﻛﻠﺸﻲ ﺍﻛﻮ ..
ﻟﻴﻨﺎ .. ﺣﺒﻴﺘﻬﻢ ﻗﺒﻞ ﻣﺎﺍﻏﺸﻌﻬﻢ ..
- ﻗﻠﺒـﻲ ﺍﺻـﺒﺢ ﻣﺜﻞ ﺍﻟـﺠﻠﻴﺪ ﻭﺟﺴـﺪﻱ ﺑـﺎﺭﺩ ..
ﻛـ ﺍﻟﻤﻨﺰﻝ ﺍﻟﻤﻬﺠﻮﺭ ﻻ ﻳﺪﺧﻠﻪ ﺍﺣﺪﺍً ﻓﻘﻂ ﺍﺭﻭﺍﺡ ﺍﻟﺬﻳﻦ ﺭﺣﻠﻮﺍ ﻣﺘﺒﻘﻴﺔ !!!!!!
ﻭﺻﻠﻨﺎ ﺍﻟﺒﻴﺘﻬﻢ ﻛﺎﻥ ﺑﻌﻴﺪ ﻋﻦ ﺍﻟﻤﺪﻳﻨﺔ ﺑﺄﺭﺽ ﺯﺭﺍﻋﻴﺔ ..
ﻟﻜﻦ ﻛﺒﻴﺮ ..
ﻧﺰﻝ ﻓﺘﺢ ﺍﻟﺒﺎﺏ ﻭﺩﺧﻠﻨﺎ ..
ﻛﺎﻧﺖ ﻟﻴﻨﺎ ﺗﻐﺸﻊ ﻣﻦ ﺍﻟﺸﺒﺎﻙ ﻭﻣﺒﻬﻮﺭﺓ ..
ﻭﻛﺄﻧﻪ ﺍﻭﻝ ﻣﺮﺓ ﺗﻐﺸﻊ ﺑﻴﺖ ﻭﺍﺭﺍﺿﻲ ..
ﻻﺍﻧﻜﺮ ﺗﺮﺩﺩﺕ ﻭﺧﻔﺖ ﺍﺩﺧﻞ ﻟﻠﺒﻴﺖ ..
ﻟﻜﻦ ﻫﻨﺎﻙ ﺑﺼﻴﺺ ﻣﻦ ﺍﻻﻣﻞ ﺩﺍﺧﻠﻲ .. ﻳﻘﻠﻲ ﺍﻧﻬﻢ ﻧﺎﺱ ﻃﻴﺒﻴﻦ ﻭﺭﺍﺡ ﻳﺮﺣﻤﻮﻧﺎ ..
ﻃﻠﻊ ﻭﻟﺪ ﺷﺎﺏ ﻟﻜﻦ ﻛﺒﻴﺮ ﺑﺎﻟﻌﻤﺮ ..
- ﻫﺎﺍﺍﺍ ﻋﻠﻲ ﺫﻧﻲ ﺍﻟﻲ ﻋﺰﻳﺰ ﻭﺻﻰ ﻋﻠﻴﻬﻢ ..
ﻋﻠﻲ .. ﺍﻱ ﻫﻤﺔ ..
- ﺷﻨﻮ ﺳﺎﻟﻔﺘﻬﻢ ؟؟
- ﺑﻌﺪﻳﻦ ﻧﺤﺠﻲ ﺧﻠﻲ ﻳﺪﺧﻠﻦ ﻳﺮﺗﺎﺣﻦ ﺗﻌﺒﻦ ﻣﻦ ﺍﻟﻄﺮﻳﻖ . .
ﺗﻘﺪﻡ ﺍﻟﻨﺎ ﻟﻜﻦ ﻣﺎﺍﻋﺮﻑ ﻟﻴﺶ ﻣﺎﺍﺭﺗﺤﺖ ﺍﻟﻮ ﻭﻟﻨﻀﺮﺍﺗﻮ ..
ﺍﻧﻲ ﻋﺪﻧﺎﻥ ﺍﺧﻮ ﻋﺰﻳﺰ ﺍﻟﺠﺒﻴﺮ ..
ﺗﺮﺍﻧﻴﻢ .. ﺍﻫﻼ ﻭﺳﻬﻼ .. ﺍﻧﺎ ﺗﺮﺍﻧﻴﻢ ﻭﺍﺧﺘﻲ ﻟﻴﻨﺎ ..
ﻋﺪﻧﺎﻥ .. ﺣﻠﻮ ﺍﺳﻤﺞ ..
ﺗﺮﺍﻧﻴﻢ .. ﺷﻜﺮﺍ ..
ﺍﻧﻔﺘﺢ ﺑﺎﺏ ﺍﻟﻤﻄﺒﺦ .. ﻭﻭﮔﻔﺖ ﺑﻨﻴﺔ ﺑﺎﻟﺒﺎﺏ ..
ﻋﺪﻧﺎﻥ ﺷﻌﻨﺪﻙ ﻫﻨﺎ ..
ﻭﻛﺎﻧﺖ ﺗﻐﺸﻊ ﻓﻴﻨﺎ ..
ﻋﺪﻧﺎﻥ .. ﺍﺟﻮ ﺿﻴﻮﻑ ﻋﺰﻳﺰ ..
ﺍﻟﺒﻨﺖ .. ﻋﺰﻳﺰ ﻣﺎﻳﺠﻲ ﻭﺭﺍﻩ ﺍﻻ ﺷﻼﻉ ﺍﻟﮕﻠﺐ ..
ﺗﺮﺍﻧﻴﻢ .. ﺍﺫﺍ ﻭﺟﻮﺩﻧﺎ ﺍﺯﻋﺠﻚ ﻧﻘﺪﺭ ﻧﺮﻭﺡ ..
ﻋﻠﻲ .. ﻻ ﺷﻨﻮ ﻫﺎﻟﺤﺠﻲ .. ﺍﺣﻨﺔ ﺑﻴﺖ ﻛﺮﻡ ﻭﺿﻴﺎﻓﻪ ..
ﺍﻳﻤﺎﻥ ﺗﻀﺤﻚ . ﻭﻳﺎﺟﻦ ..
ﺍﻋﺮﻓﺠﻦ ﺑﻴﻬﺎ ﺍﻳﻤﺎﻥ . ﺑﻨﺖ ﻋﻤﻲ ﻭﻣﺮﺗﺔ ﺍﻟﻌﺪﻧﺎﻥ ..
- ﺳﻜﺘﺖ ﻭﻣﺎﺗﻜﻠﻤﺖ ﻣﻌﺎﻫﺎ .. ﺍﻟﺼﺮﺍﺣﺔ ﻣﺎﺣﺒﻴﺘﻬﺎ ..
ﺩﺧﻠﻨﺎ ﻟﻠﺒﻴﺖ ..
ﻛﺎﻧﺖ ﺻﺎﻟﺔ ﻛﺒﻴﺮﺓ .
ﻭﺑﻴﻬﺎ ﺑﻨﺎﺕ ﺍﺛﻨﻴﻦ ﺍﻏﺸﻌﻮﻧﺎ ﻗﺎﻣﻮﺍ ﻳﺴﻠﻤﻮ ..
ﺭﺣﺒﻮﺍ ﺑﻴﻨﺎ ﻭﻋﺮﻓﻮﻧﺎ ﻋﻠﻰ ﻧﻔﺴﻬﻢ ..
- ﺍﻧﻲ ﺳﺮﺍﺏ ..
- ﻭﺍﻧﻲ ﺳﺮﻭﺭ ﺍﺧﺮ ﺍﻟﻌﻨﻘﻮﺩ ﻭﺗﺒﺘﺴﻢ ..
ﻟﻴﻨﺎ .. ﻳﺎﺍﺍﻱ ﺍﻧﺘﻲ ﺳﺮﻭﺭ ﻋﻠﻲ ﻳﻘﻠﻲ ﺍﻧﺘﻲ ﺗﺸﺒﻬﻴﻦ ﺳﺮﻭﺭ
ﺳﺮﻭﺭ .. ﻳﺎﻳﻤﻌﻮﺩﺓ ﻭﻳﻦ ﺗﺸﺒﻬﻴﻨﻲ ﺍﻧﺘﻲ ﺣﻤﺮﺓ ﺑﺮﺻﺔ ﻭﺣﻠﻮﺓ ﻭﺍﻧﻲ ﺯﺭﮔﺔ ﻫﻬﻬﻬﻬﻬﻪ
ﻟﻴﻨﺎ .. ﻫﻬﻬﻬﻬﻬﻪ ﻭﻟﻮ ﻣﺎﻓﻬﻤﺖ ﺷﻲ .. ﺑﺲ ﺍﻟﺠﻤﺎﻝ ﺟﻤﺎﻝ ﺍﻟﺮﻭﺡ .. ﺗﺮﺍﻧﻴﻢ ﻫﻴﻚ ﺭﺃﻳﻬﺎ ..
ﺍﻏﺸﻌﺘﻠﻲ ﺍﺑﺘﺴﻤﺖ ﺍﻟﻬﺎ ..
- ﺻﺢ ﺣﺒﻴﺒﺘﻲ ..
ﺳﺮﺍﺏ .. ﺍﮔﻌﺪﻭﺍ ﺍﻛﻴﺪ ﺗﻌﺒﺎﻧﻴﻦ ﺧﻠﻲ ﻧﺴﻮﻳﻠﻜﻢ ﻋﺸﺎ ..
ﺗﺮﺍﻧﻴﻢ .. ﻻ ﺷﻜﺮﺍ ﺍﻛﻠﻨﺎ ﻓﻲ ﺍﻟﻄﺮﻳﻖ ..
ﻋﻠﻲ .. ﺗﺮﺍﻧﻴﻢ ﻣﺎﺍﻛﻠﺖ .. ﺫﻳﺞ ﻟﻔﺘﻬﺎ ﺑﻘﺖ ﺑﺎﻟﺴﻴﺎﺭﺓ ..
ﻃﻠﻌﺖ ﻣﺮﺃﺓ ﻣﻦ ﺍﻟﻐﺮﻓﻪ ..
ﻭﻛﺎﻧﺖ ﺗﻐﺸﻌﻠﻨﺎ ﺑﺄﺳﺘﻐﺮﺍﺏ ..
- ﺍﻫﻼ ﻳﻤﺔ .. ﻣﻨﻲ ﺫﻧﻲ ..
ﻋﻠﻲ ﺍﺷﺮﻟﻬﺎ ﻭﺩﺧﻠﻮﺍ ﻟﻠﻐﺮﻓﻪ ..
ﺳﻤﻌﺖ ﺻﻮﺗﻬﺎ ﻃﻠﻊ ..
ﻭﺭﺍﺣﺖ ﻟﻠﻐﺮﻓﻪ ﺍﻟﺜﺎﻧﻴﺔ
بيج قصص عراقيه حقيقيه من واقعنا.روعه الطائي
ﻳﻤﺔ ﻳﻤﺔ .. ﺷﻔﺘﻲ ﺳﻮﺍﻟﻒ ﻋﺰﻳﺰ .. ﺑﺮﺑﺞ ﺟﺎﻳﺐ ﺑﻨﺎﺕ ﻣﺎﻧﻌﺮﻑ ﺍﺻﻠﻬﻦ ﻭﻓﺼﻠﻬﻦ ..
ﻭﻓﻮﮔﺎﻫﺎ ﻛﻞ ﻭﺣﺪﺓ ﺷﺤﻼﺗﻬﺎ ﻭﺍﻟﺸﻌﺮ ﺍﺷﮕﺮ ﻭﻧﺎﺯﻝ ﻋﻠﻰ ﺟﺘﺎﻓﻬﻦ ﻭﺍﻧﻲ ﻋﻨﺪﻱ ﻭﻟﺪ ..
ﻟﻔﺖ ﺍﻧﺘﺒﺎﻫﻲ ﺻﻮﺕ ﻣﺮﺍﺓ ﺛﺎﻧﻴﺔ ﻟﻜﻦ ﻣﺒﻴﻨﺔ ﻛﺒﻴﺮﺓ ﺑﺎﻟﻌﻤﺮ ..
ﻭﻟﺞ ﻳﺎﺧﺎﻳﺒﺔ ﻣﻦ ﺷﻮﻛﺖ ﺍﺣﻨﺔ ﻧﮕﻮﻝ ﻫﻴﺞ ﻋﻠﻰ ﺍﻟﻲ ﻳﻠﺠﺄ ﺍﻟﻨﺎ ﻭﻳﺠﻲ ﺿﻴﻒ ..
ﻣﺎﺩﺍﻡ ﺩﺯﻫﻦ ﺍﻟﻨﺎ ﻋﺰﻳﺰ ﻳﺒﻘﻦ ﻋﺪﻧﺎ ﻣﻌﺰﺯﺍﺕ ﻣﻜﺮﻣﺎﺕ ﻟﻤﺎ ﻳﺤﻲ ﻋﺰﻳﺰ ﻭﻧﻔﻬﻢ ﺳﺎﻟﻔﺘﻬﻦ ..
- ﻻ ﺍﻻ ﻫﺴﺎ ﺍﻋﺮﻑ ﺳﺎﻟﻔﺘﻬﻦ ... ﺍﺣﻨﺔ ﻧﺪﺭﻱ ﺩﺍﻋﺶ ﺩﺍﺯﻫﻦ ﻋﻠﻴﻨﺎ ﺷﻮ ﺷﻴﺴﻮﻥ ..
- ﺧﺎﻳﺐ ﺟﺪﺓ ﻋﻠﻲ ﻣﺎﺗﺮﻭﺡ ﺗﺸﻮﻑ ﺍﺑﻮﻙ ﻭﻳﻦ ﺧﻠﻲ ﻳﺎﺧﺬ ﺍﻣﻚ ﻣﻦ ﻭﺟﻬﻲ ﺍﻧﻲ ﻣﺎﻟﻲ ﺧﻠﮓ ﺳﻮﺍﻟﻔﻬﺎ ﺍﻟﻤﺎﺳﺨﺔ ..
ﻭﺍﻧﺖ ﺟﺪﺓ ﺍﻧﻄﻴﻨﻲ ﺷﻴﻠﺘﻲ ﺧﻠﻲ ﺍﺷﻮﻑ ﺍﻟﺒﻨﺎﺕ ﻭﺍﺳﻠﻢ ﻋﻠﻴﻬﻦ ..
ﺭﻏﻢ ﺍﻧﻲ ﺍﻧﻘﻬﺮﺕ ﻣﻦ ﻛﻼﻡ ﺍﻣﻬﻢ ..
ﻟﻜﻦ ﺻﺎﺭ ﻋﻨﺪﻱ ﻓﻀﻮﻝ ﺍﺷﻮﻑ ﺷﻜﻞ ﺍﻟﻤﺮﺃﺓ ﺍﻟﺜﺎﻧﻴﺔ
ﻣﺎﻓﻬﻤﺖ ﻣﻦ ﻛﻼﻣﻬﺎ ﺷﻲ ..
ﻟﻜﻦ ﺣﺴﻴﺖ ﻓﻲ ﺣﻨﻴﻦ ﻳﻤﻲ ﻭﻃﻴﺒﺘﻬﺎ ..
ﻃﻠﻌﺖ ﻓﻲ ﺍﻳﺪﻫﺎ ﻋﻜﺎﺯ ﺻﻐﻴﺮ .
- ﻫﻼ ﻳﻤﺔ ﻫﻼ .. ﮔﻮﺍﺟﻦ ﺍﻟﻠﻪ ﻭﻳﺴﺎﻋﺪﺟﻦ ﻋﻠﻰ ﻣﺼﻴﺒﺘﺠﻦ .
ﻋﻠﻲ .. ﺑﻴﺒﻲ ﻋﻠﻰ ﻛﻴﻔﺞ ﻭﻳﺎﻫﻦ ﺗﺮﻯ ﻣﺎﻳﻌﺮﻓﻦ ﻟﻬﺠﺘﻨﺎ ..
- ﺍﻧﺖ ﻣﺎﻟﻚ ﺷﻐﻞ .. ﮔﻠﺒﻬﻦ ﻳﺤﺲ ﻣﻮ ﻫﻴﺞ ﺟﺪﺓ ..
ﺍﺑﺘﺴﻤﺖ ﺍﻟﻬﺎ ﻭﻫﺰﻳﺖ ﺭﺍﺳﻲ ..
ﻋﻠﻲ .. ﺍﻋﺮﻓﺞ ﺍﻟﺤﺠﻴﺔ ﻣﻠﻜﻴﺔ .. ﺟﺪﺗﻲ ﺍﻡ ﺍﺑﻮﻱ ..
ﺍﺫﺍ ﺗﺤﺒﻴﻦ ﺻﻴﺤﻴﻠﻬﺎ ﻣﻠﻜﻴﺔ ﻋﺎﺩﻱ ﻋﺪﻫﺎ ﻣﺎﺗﺤﺐ ﻭﺍﺣﺪ ﻳﻜﺒﺮﻫﺎ
ﺷﺎﻟﺖ ﺍﻟﻌﻜﺎﺯ ﻭﺿﺮﺑﺘﻮﺍ .. ﻭﻟﻚ ﻣﺎﻣﺄﺩﺏ ﺍﻟﻴﻮﻡ ﺍﻻ ﺍﮔﻀﻴﻚ ﺑﺎﻟﻌﺼﺎ ..
ﺿﺤﻚ ﻭﺍﻧﻬﺰﻡ ﻣﻨﻬﺎ ..
ﻃﻠﺒﺖ ﻣﻦ ﺍﻟﺒﻨﺎﺕ ﻳﺴﻮﻥ ﻋﺸﺎ ﻭﺍﺻﺮﺕ ﺭﻏﻢ ﻗﻠﺘﻠﻬﺎ ﺍﻛﻠﻨﺎ ﻭﻣﺎﻧﺸﺘﻬﻲ ..
ﺍﻣﻮ ﻟﻌﺰﻳﺰ .. ﻛﺎﻧﺖ ﻏﻀﺒﺎﻧﺔ ﻭﺗﻐﺸﻌﻠﻨﺎ ﻣﻦ ﻓﻮﻕ ﺍﻟﺘﺤﺖ ﻟﻜﻦ ﻣﺎﺗﻜﻠﻤﺖ ﺷﻲ ..
ﺑﻌﺪ ﻓﺘﺮﺓ ﻗﻠﻴﻠﺔ ﺩﺧﻞ ﺭﺟﺎﻝ ﻛﺒﻴﺮ ﻟﻜﻦ ﺑﻌﺪﻭ ﺑﻘﻮﺗﻮ ..
- ﻳﺎﻫﻼ ﻭﻣﺮﺣﺒﺎ ﺑﻮﻳﺔ ..
ﺳﻠﻢ ﻋﻠﻴﻨﺎ ..
ﻋﺰﻳﺰ ﺳﻮﻟﻔﻠﻲ ﻋﻨﺠﻦ ﺍﻟﺤﻤﺪ ﻟﻠﻪ ﺍﻟﻲ ﻧﺠﺎﺟﻦ ﻣﻦ ﺫﻭﻟﺔ ﺍﻟﻜﻔﺮﺓ ﻭﺭﺑﻲ ﻳﺠﻤﻌﺠﻦ ﺑﺄﻫﻠﺠﻦ ﺍﻥ ﺷﺎﺀ ﺍﻟﻠﻪ ..
ﺍﻡ ﻋﺪﻧﺎﻥ .. ﻣﻮ ﺍﻛﻮ ﻣﺨﻴﻤﺎﺕ ﻟﻠﻨﺎﺯﺣﻴﻦ ﺷﻌﺠﺐ ﻣﺎﺭﺣﺘﻦ ﻫﻨﺎﻙ ﺑﻠﻜﻲ ﺗﻠﮕﻦ ﺍﻣﺠﻦ ﺍﻫﻠﺠﻦ ..
ﺗﺮﺍﻧﻴﻢ .. ﻣﺎﺍﻋﺮﻑ ﻋﺰﻳﺰ ﻫﻮ ﻃﻠﺐ ﻧﺠﻲ ﻟﻬﻨﺎ ..
ﺍﺑﻮ ﻋﺪﻧﺎﻥ .. ﻛﻞ ﻣﻜﺎﻥ ﺑﺎﻟﺒﻠﺪ ﺑﻴﺘﻬﻦ ﻭﻛﻠﻨﺎ ﺍﻫﻠﻦ ..
ﺗﺮﺍﻧﻴﻢ .. ﺷﻜﺮﺍ ﺍﻟﻚ .. ﻋﺰﻳﺰ ﻣﺎﻗﺼﺮ ﻭﺣﻤﺎﻧﺎ .. ﻭﺍﻧﺘﻮ ﻫﻢ ﻧﺎﺱ ﻃﻴﺒﻴﻦ ..
ﺍﻡ ﻋﺪﻧﺎﻥ .. ﻭﻳﻦ ﻟﮕﺎﺟﻦ ﻋﺰﻳﺰ ﻭﺷﻠﻮﻥ ..
ﺗﺮﺍﻧﻴﻢ .. ﺍﺣﻨﺔ ﻫﺮﺑﻨﺎ ﻣﻦ ﺩﺍﻋﺶ ﺑﻌﺪ ﻣﺎﺍﺳﺮﻭﻧﺎ ﻭﺍﺧﺬﻭﺍ ﺍﻫﻠﻲ .. ﻭﻓﺠﺄﺓ ﺍﻟﻠﻪ ﺑﻌﺚ ﺍﻟﻨﺎ ﻗﻮﺍﺕ ﺍﻟﺠﻴﺶ ﻭﺍﻧﻘﺬﻧﺎ ﻋﺰﻳﺰ ﻭﻫﺮﺑﻨﺎ ﺧﺎﺭﺝ ﺍﻟﻤﻮﺻﻞ ..
ﺍﻡ ﻋﺪﻧﺎﻥ .. ﻳﻤﺔ ﺍﺑﻨﻲ . ﺍﺩﺭﻱ ﺫﺍﺏ ﺭﻭﺣﺔ ﺑﺎﻟﻤﻮﺕ ﺍﻟﻤﻦ ﺷﻮ ﺑﻠﺪ ﻭﺗﺎﻳﻪ ﻭﻓﻮﮒ ﻣﺎﻫﻤﺔ ﺍﻟﻲ ﺩﺧﻠﻮﻫﻢ ﺍﻟﻨﺎ ﻧﺮﻭﺡ ﻧﺪﺍﻓﻊ ﻋﻨﻬﻢ
ﺗﺮﺍﻧﻴﻢ .. ﻻ ﻳﺎﺧﺎﻟﺔ ﻣﻮ ﺍﺣﻨﺔ ﺍﻟﻲ ﺩﺧﻠﻨﺎﻫﻢ .. ﺍﺣﻨﺔ ﻣﺠﺒﻮﺭﻳﻦ ﺩﺧﻠﻮﺍ ﻏﺼﺐ ﻋﻨﺎ .. ﻭﺍﻟﺪﻟﻴﻞ ﺗﺄﺳﺮﻧﺎ ﻭﺗﻌﺬﺑﻨﺎ ﻭﺍﻫﻠﻨﺎ ﻣﺎﻧﻌﺮﻑ ﺷﻲ ﻋﻨﻬﻢ ..
ﻓﻲ ﺑﻨﺎﺕ ﻭﺍﻃﻔﺎﻝ ﺍﺧﺬﻭﻫﻢ ﻭﺑﺎﻋﻮﻫﻢ ﻭﺍﻏﺘﺼﺒﻮﻫﻢ ﻭﻗﺘﻠﻮﻫﻢ .. ﻟﻮ ﻏﺸﻌﺘﻲ ﻣﻨﻀﺮﻫﻢ ﻣﺎﻛﺎﻥ ﻫﻴﻚ ﻗﻠﺘﻲ ..
ﻣﻮ ﻛﻞ ﺍﻟﻨﺎﺱ ﻣﺎﻋﻨﺪﻫﺎ ﺿﻤﻴﺮ ..
ﻣﺎﺍﺗﺤﻤﻠﺖ ﻭﺗﻜﻠﻤﺖ ﺑﻜﻠﺸﻲ ﻭﺗﻌﺼﺒﺖ
بيج قصص عراقيه حقيقيه من واقعنا.روعه الطائي
ﺍﻡ ﻋﺪﻧﺎﻥ .. ﻳﺎﺧﺎﻟﺔ ﺷﺤﺠﻴﺖ ﻭﮔﻌﺪﺗﻲ ﺗﺮﻃﻨﻴﻦ ﻋﻠﻴﻪ ﻟﻴﺶ ﺷﻮﻳﻪ ﺧﺴﺮﻧﺎ ﺍﺣﻨﺔ .. ﺳﻮﺩﺓ ﻋﻠﻴﻪ ﺷﺒﺎﺏ ﺳﺒﺎﻳﻜﺮ ﻣﺜﻞ ﺍﻟﻮﺭﺩ ﺍﻧﺬﺑﺤﻮﺍ ﺑﻼ ﺫﻧﺐ ..
ﺍﺑﻮ ﻋﺪﻧﺎﻥ .. ﻛﺎﻓﻲ ﺍﻡ ﻋﺪﻧﺎﻥ .. ﻛﻞ ﻭﺍﺣﺪ ﺑﺎﻟﻌﺮﺍﻕ ﺭﺍﺡ ﺍﻟﻪ ﻋﺰﻳﺰ ﻭﻏﺎﻟﻲ ﺑﺴﺒﺐ ﺩﺍﻋﺶ ..
ﻛﻠﻨﺎ ﺑﻨﻔﺲ ﺍﻟﻜﻔﺔ ﻭﺍﻟﻤﺼﻴﺮ ..
ﺍﻟﺒﻨﺎﺕ ﺑﺤﻤﺎﻳﺘﻨﺎ ﻟﺤﻴﻦ ﻣﺎﻳﺠﻲ ﺧﺒﺮ ﻣﻦ ﻋﺰﻳﺰ ﻋﻦ ﺍﻫﻠﻬﻦ ﺍﻭ ﮔﺮﺍﻳﺒﻬﻦ . ﻣﺎﺍﺭﻳﺪ ﺟﻨﺲ ﻣﺨﻠﻮﻕ ﻳﻤﺴﻬﻦ ﺍﻭ ﻳﻔﺘﺢ ﺍﻱ ﻣﻮﺿﻮﻉ ﻭﻳﺎﻫﻦ ..
ﮔﻮﻣﻲ ﺳﺮﺍﺏ ﺑﺎﺑﺎ ﺍﻓﺮﺷﻲ ﻟﻠﺒﻨﺎﺕ ﺑﻐﺮﻓﺘﺠﻦ ..
ﻭﻋﺸﻨﻬﻦ ﻭﺍﻧﻄﻨﻬﻦ ﻣﻼﺑﺲ ﺧﻠﻲ ﻳﺴﺒﺤﻦ ﻭﻳﺮﺗﺎﺣﻦ ..
ﺳﺮﺍﺏ .. ﺻﺎﺭ ﺑﺎﺑﺎ ..
ﻣﻠﻜﻴﺔ .. ﮔﻮﻣﻲ ﻭﺭﻯ ﺭﺟﻠﺞ ﺍﻟﻈﺎﻫﺮ ﺍﻟﻨﻌﺎﺱ ﺍﺛﺮ ﻋﻠﻴﺞ ..
ﻭﺍﻧﻲ ﺍﺗﺮﺧﺺ ﻳﻤﺔ ﻣﻨﺠﻦ ﺍﺻﻌﺪﻥ ﺍﺳﺒﺤﻦ ﻭﺑﺪﻟﻦ ﻭﺗﻌﺸﻦ
ﺍﻟﺒﻴﺖ ﺑﻴﺘﺠﻦ ..
ﺳﺮﻭﺭ .. ﮔﻮﻣﻦ ﺍﺻﻌﺪﻥ ﻭﻳﺎﻱ ﻟﻠﻐﺮﻓﻪ ..
ﺻﻌﺪﻧﺎ ..
ﺍﻟﻐﺮﻓﺔ ﺑﻴﻬﺎ ﺳﺮﻳﺮﻳﻦ ﻭﻣﺮﺗﺒﺔ ﻭﺑﺎﺭﺩﺓ ..
ﺳﺮﻭﺭ .. ﺗﺮﺍﻧﻴﻢ ﺭﺍﺡ ﺍﻧﻄﻴﺞ ﻣﻦ ﻣﻼﺑﺲ ﺳﺮﺍﺏ ﻷﻥ ﺗﻘﺮﻳﺒﺎ ﺍﻧﺘﻦ ﺑﻨﻔﺲ ﺍﻟﻌﻤﺮ ..
ﻭﻟﻴﻨﺎ ﺭﺍﺡ ﺍﻧﻄﻴﻬﺎ ﻣﻨﻲ ..
ﺍﻧﻄﺘﻨﺎ ﻣﻼﺑﺲ ﻭﻣﻨﺎﺷﻒ ..
ﺳﺮﻭﺭ .. ﻫﺬﺍ ﺍﻟﺤﻤﺎﻡ ﺍﺳﺒﺤﻦ ﻭﺍﺭﺗﺎﺣﻦ ﻭﺍﻧﻲ ﻧﺎﺯﻟﺔ ﻳﻢ ﺳﺮﺍﺏ ﻧﻜﻤﻞ ﺍﻟﻌﺸﺎ ..
ﺩﺧﻠﺖ ﻟﻴﻨﺎ ﺳﺒﺤﺖ ﻭﺍﺟﺖ ..
ﻻﺑﺴﺔ ﺛﻮﺏ ﺍﻭ ﺩﺷﺪﺍﺷﺔ ﻣﺜﻞ ﻣﻴﺴﻤﻮﻫﺎ ..
ﻛﺎﻧﺖ ﺣﻠﻮﺓ ﻋﻠﻴﻬﺎ ..
ﻟﻴﻨﺎ .. ﻣﺸﻄﻴﻠﻲ ..
ﺳﺮﺣﺖ ﺷﻌﺮﻫﺎ ﻭﺿﻔﺮﺗﻮ ﺍﻟﻬﺎ ..
ﺍﺣﻨﺔ ﺷﻌﺮﻧﺎ ﻃﻮﻳﻞ ﻳﻤﻲ ﻛﺎﻧﺖ ﻣﻦ ﺻﻐﺮﻧﺎ ﺗﻌﺘﻨﻲ ﺑﻲ ..
ﺑﻌﺪﻫﺎ ﺩﺧﻠﺖ ﺳﺒﺤﺖ .. ﻭﻛﺄﻧﻪ ﺍﻭﻝ ﻣﺮﺓ ﺍﺳﺒﺢ ﻭﺍﺷﻮﻑ ﺍﻟﻤﻲ ..
ﺩﺧﻠﺖ ﺟﻮﺓ ﺍﻟﺪﻭﺵ ﻭﺻﻮﺕ ﺍﻟﻤﻲ ﺫﻛﺮﻧﻲ ﺑﺼﻮﺕ ﻋﻴﺎﻁ ﺍﻟﺒﻨﺎﺕ ﻭﺻﺮﺍﺧﻬﻢ ..
ﺍﺑﺘﻌﺪ ﺑﺴﺮﻋﻪ ﻭﺧﻔﺖ ..
ﺑﻘﻴﺖ ﺍﻏﺸﻊ ﺑﺎﻟﺤﻤﺎﻡ .. ﻣﻌﻘﻮﻟﺔ ﺍﺗﺨﻴﻞ ..
ﻛﻤﻠﺖ ﺑﺴﺮﻋﻪ ﻭﺍﻃﻠﻌﺖ .. ﺳﺮﺣﺖ ﺷﻌﺮﻱ
ﻭﺭﻓﻌﺘﻮ ﻭﻧﺰﻟﻨﺎ ﻟﻠﺒﻨﺎﺕ ..
ﺳﺮﺍﺏ .. ﻣﺎﺷﺎﺀ ﺍﻟﻠﻪ ﻃﻠﻌﺘﻦ ﺗﺨﺒﻠﻦ ﻭﻟﻮ ﻣﺎﻧﺎﻗﺼﺠﻦ
ﺗﺮﺍﻧﻴﻢ .. ﺷﻜﺮﺍ ..
ﺩﺧﻠﺖ ﺍﻳﻤﺎﻥ .. ﻋﻴﻨﻲ ﺧﻠﻦ ﺷﻲ ﻉ ﺭﺍﺳﺠﻦ ﻣﻨﺎ ﻭﻟﺪ ﻭﻣﺎﻋﺪﻧﺎ ﺑﻨﻴﺔ ﻫﻴﺞ ﺗﺒﻘﻰ ..
ﺳﺮﻭﺭ .. ﺍﻧﺘﻲ ﻧﺎﺳﻴﺔ ﻫﻨﺔ ﻣﺴﻴﺤﻴﺎﺕ ﻳﻌﻨﻲ ﻣﺎﻳﻠﺒﺴﻦ ﺣﺠﺎﺏ
ﺍﻳﻤﺎﻥ .. ﻭﺍﺫﺍ ﺍﺫﺍ ﺷﺎﻓﺘﻬﻦ ﻋﻤﺘﻲ ﺗﺘﺨﺒﻞ .. ﻣﺎﻳﺠﻮﺯ ﻫﻴﺞ ﮔﺪﺍﻡ ﺍﻟﻮﻟﺪ ﻳﻔﺘﺮﻥ ..
ﺗﺮﺍﻧﻴﻢ .. ﻟﻴﺶ ﺣﺎﺳﺘﻚ ﻣﺘﻀﺎﻳﻘﺔ ﻣﻦ ﻭﺟﻮﺩﻧﺎ ..
ﺍﻳﻤﺎﻥ .. ﻻ ﻋﻠﻴﻤﻦ ﻣﺘﻀﺎﻳﮕﺔ ﺑﺲ ﺍﻋﻠﻤﺠﻦ ﺍﻟﺼﺢ ﻭﺍﻟﺨﻄﺄ ﻣﻬﻤﺎ ﻳﻜﻮﻥ ﺍﻧﻲ ﺍﻛﺒﺮ ﻣﻨﺠﻦ ﻭﺍﻟﻔﺎﺋﺪﺗﺠﻦ .
ﺗﺮﺍﻧﻴﻢ .. ﺍﻟﻔﻬﻢ ﻣﻮ ﺑﺎﻟﻌﻤﺮ ﺑﺎﻟﻌﻘﻞ . ﻭﺍﻧﺎ ﺍﻟﻲ ﻳﺤﻜﻤﻨﻲ ﻋﻘﻠﻲ ﻭﺍﻋﺮﻑ ﺍﻧﻪ ﺩﻳﻨﻜﻢ ﻳﻠﺰﻣﻜﻢ ﺑﺎﻟﺤﺠﺎﺏ ﻭﺍﺣﺘﺮﻣﻮ ﻭﺍﺣﺘﺮﻡ ﻛﻞ ﺍﻻﺩﻳﺎﻥ ﻟﻜﻦ ﻣﻮ ﻣﻦ ﺣﻘﻚ ﺗﺠﺒﺮﻳﻨﺎ ﻋﻠﻰ ﺷﻲ ﻣﻮ ﻭﺍﺟﺐ ﻋﻠﻴﻨﺎ ﺣﺘﻰ ﻟﻮ ﻛﻨﺎ ﻓﻲ ﺑﻴﺘﻚ ..
ﺳﺮﺍﺏ .. ﻻ ﺣﺒﻴﺒﺘﻲ ﻻﺗﻔﻬﻤﻴﻬﺎ ﺧﻄﺄ ﻣﺎﻗﺼﺪﻫﺎ ﺑﺲ ﻷﻥ ﻋﺪﻧﺎ ﻭﻟﺪ ﻭﺗﺨﺎﻑ ﻋﻠﻴﺠﻦ ..
ﺗﺮﺍﻧﻴﻢ .. ﻟﻮ ﻗﺎﻟﺘﻬﺎ ﺑﺄﺳﻠﻮﺏ ﻣﺜﻞ ﻣﺎﺍﻧﺘﻲ ﻗﻠﺘﻲ ﻛﻨﺖ ﺍﺣﺘﺮﻣﺖ ﺭﺃﻳﻬﺎ ..
ﺍﻳﻤﺎﻥ .. ﺍﻭﻭﻭﻱ ﺍﻧﻲ ﺷﻌﻠﻴﻪ .. ﺑﺎﺟﺮ ﻋﻤﺘﻲ ﺗﮕﻮﻡ ﺑﺎﻻﺯﻡ ﻛﻠﻪ ﻣﻦ ﻭﺭﻯ ﻋﺰﻳﺰ ﻭﻣﺼﺎﻳﺒﺔ ﺩﻭﻭﻭﻡ ﺳﻮﺍﻟﻔﻪ ﻋﺎﻳﺒﺔ
ﺳﺮﺍﺏ .. ﺍﻳﻤﺎﻥ ﻣﺎﺍﺳﻤﺤﻠﺞ !!
ﺗﺮﺍﻧﻴﻢ .. ﺍﺳﻔﻪ ﻳﻤﻜﻦ ﺯﻭﺩﺗﻬﺎ ﻣﻌﺎﻫﺎ ﺑﺎﻟﻜﻼﻡ
ﺳﺮﻭﺭ .. ﻻ ﻭﻻﻳﻬﻤﺞ ﺯﻳﻦ ﺗﺴﻮﻳﻦ ﻫﺎﻱ ﻣﺎﺗﺴﻜﺖ ﺍﺫﺍ ﺳﻜﺘﻲ ﻭﺭﺍﺡ ﺗﺒﻘﻰ ﺗﻨﮓ ﻉ ﺭﺍﺳﺞ ..
ﺑﺲ ﻫﻲ ﻣﻴﺘﺔ ﻷﻥ ﻣﻦ ﻃﺮﻑ ﻋﺰﻳﺰ ﻫﻬﻬﻬﻬﻪ
ﺗﺮﺍﻧﻴﻢ .. ﻟﻴﺶ؟
ﺳﺮﺍﺏ .. ﻫﻬﻬﻬﻬﻪ ﻋﻮﻓﻴﻨﺎ ﻣﻨﻬﺎ .. ﻳﻠﻪ ﺗﻌﺎﻟﻦ ﻧﺘﻌﺸﺎ ﺷﻮ ﺟﻌﻨﺎ ﻉ ﺍﻟﻮﺍﻫﺲ ﻭﻳﺎﺟﻦ ...
بيج قصص عراقيه حقيقيه من واقعنا.روعه الطائي
ﺗﺮﺍﻧﻴﻢ .. ﺍﻣﻤﻤﻤﻢ ﺻﺎﺭ ﺯﻣﺎﻥ ﻣﺎﺍﻛﻠﺖ ﻫﻴﻚ ﺍﻛﻞ .. ﺍﻛﻠﻜﻢ ﻃﻴﺐ ..
ﺳﺮﺍﺏ .. ﻭﺍﻧﺘﻮ ﻫﻢ ﺳﺎﻣﻌﻪ ﻋﻦ ﺍﻛﻼﺗﻜﻢ ﻃﻴﺒﻪ ..
ﻟﻴﻨﺎ .. ﺍﻭﻭﻭﻭﻭﻩ ﻟﻮ ﺗﻐﺸﻌﻴﻦ ﻃﺒﺨﺎﺕ ﺗﺮﺍﻧﻴﻢ ..
ﺳﺮﺍﺏ .. ﺍﻟﻠﻪ ﺍﻱ ﻓﺪ ﻳﻮﻡ ﺍﻃﺒﺨﻴﻠﻨﺎ ..
ﺗﺮﺍﻧﻴﻢ .. ﻟﻴﻨﺎ ﺗﺒﺎﻟﻎ ..
ﺳﺮﺍﺏ .. ﻣﺎﻛﻮ ﻣﻬﺮﺏ ﺧﻠﺺ ..
ﻛﻤﻠﻨﺎ ﺍﻟﻌﺸﺎ ﻭﺻﻌﺪﻧﺎ ﻧﻨﺎﻡ ..
ﻟﻴﻨﺎ .. ﺍﻧﺘﻮ ﻟﻴﺶ ﻻﺑﺴﻴﻦ ﻟﻮﻥ ﺍﺳﻮﺩ ..
ﺳﺮﻭﺭ .. ﻋﻠﻰ ﺍﺑﻦ ﻋﻤﺘﻲ ﻗﺘﻠﺔ ﺩﺍﻋﺶ ﺑﺴﺒﺎﻳﻜﺮ ..
ﺗﺮﺍﻧﻴﻢ .. ﺍﻟﺒﻘﺎﺀ ﻟﻠﺮﺏ ..
ﻟﻴﻨﺎ .. ﻭﻟﻴﺶ ﺗﻠﺒﺴﻮ ﺍﻻﺳﻮﺩ ..
ﺳﺮﺍﺏ .. ﻫﺎﻱ ﻋﺎﺩﺍﺗﻨﺎ ﺍﺫﺍ ﻣﺎﺕ ﺍﺣﺪ ﻧﻠﺒﺲ ﻋﻠﻴﻪ ﺍﺳﻮﺩ ﻳﻌﻨﻲ ﻣﺜﻞ ﺍﻟﺤﺪﺍﺩ ..
ﻟﻴﻨﺎ .. ﺍﺑﻲ ﻳﻘﻮﻝ ﺍﻧﻪ ﺍﻟﻲ ﻳﻤﻮﺕ ﻭﻳﺪﻓﻦ ﻫﻮ ﺭﺍﺡ ﻳﻼﻗﻲ ﺭﺑﻨﺎ ﻭﻳﺴﻮﻉ ﺍﻟﻤﺴﻴﺢ .. ﻳﻌﻨﻲ ﺍﻟﻤﻔﺮﻭﺽ ﻧﻔﺮﺡ ﻣﻮ ﻧﺤﺰﻥ ﻭﺍﻻﺳﻮﺩ ﻳﺪﻝ ﻋﻠﻰ ﺍﻟﺸﺆﻭﻡ ﺍﻟﻜﺂﺑﺔ ..
ﺳﺮﻭﺭ .. ﻳﻌﻨﻲ ﺍﻧﺘﻮ ﻣﺎﺗﺒﺠﻮﻥ ﺍﺫﺍ ﻣﺎﺕ ﺍﺣﺪ ..
ﻟﻴﻨﺎ .. ﻧﺒﻜﻲ ﻭﻧﺤﺰﻥ ﻟﻜﻦ ﻣﺎﻧﻠﺒﺲ ﺍﺳﻮﺩ .. ﺍﺣﻨﺔ ﻧﺆﻣﻦ ﺍﻧﻪ ﺍﻛﻮ ﺣﻴﺎﺓ ﺛﺎﻧﻴﺔ ﺑﻌﺪ ﺍﻟﻤﻮﺕ ..
ﺗﺮﺍﻧﻴﻢ .. ﺍﻏﺸﻌﺘﻠﻲ ..
ﺍﺑﺘﺴﻤﺖ .. ﺻﺢ ﺣﺒﻴﺒﺘﻲ .. ﻟﻴﻨﺎ ﻛﺎﻧﺖ ﻛﺜﻴﺮﺓ ﺳﺆﺍﻝ ﻋﻦ ﻫﺬﻱ ﺍﻻﺷﻴﺎﺀ .. ﻭﺗﺴﺄﻝ ﺍﺑﻲ ﻛﺜﻴﺮ ..
ﻣﺎﺍﻋﺮﻑ ﻋﻦ ﺩﻳﻨﻜﻢ ﺷﻨﻮ ﻳﻘﻮﻝ ﻋﻦ ﻫﺬﺍ ﺍﻟﻤﻮﺿﻮﻉ ..
ﻟﻜﻦ ﺑﻤﺎ ﺍﻧﻪ ﺭﺑﻨﺎ ﻭﺍﺣﺪ .
ﺍﻛﻴﺪ ﺍﻧﺘﻮ ﺗﻌﺮﻓﻮﻥ ﺍﻧﻪ ﺍﻟﻲ ﻳﻤﻮﺕ ﺭﺍﺡ ﻳﺒﻌﺚ ﺑﺤﻴﺎﺓ ﺟﺪﻳﺪﺓ
ﺳﺮﺍﺏ .. ﺻﺤﻴﺢ ✔ ﺑﺲ ﺍﻛﻴﺪ ﺍﻛﻮ ﻋﻘﺎﺏ ﻭﺣﺴﺎﺏ ﺑﺎﻟﻘﺒﺮ ﻭﻗﺒﻞ ﺍﻥ ﻳﺒﻌﺚ ﻳﻮﻡ ﺍﻟﻘﻴﺎﻣﺔ . .
ﺗﺮﺍﻧﻴﻢ .. ﺍﻧﺎ ﺍﺣﺘﺮﻡ ﺩﻳﻨﻜﻢ ﻟﻜﻦ ﺍﻻﻓﻀﻞ ﺍﻧﻪ ﻧﻐﻠﻖ ﻫﺬﺍ ﺍﻟﻤﻮﺿﻮﻉ ﻷﻥ ﺍﻛﻴﺪ ﺭﺍﺡ ﻳﻮﺻﻠﻨﺎ ﺍﻟﻰ ﺍﺧﺘﻼﻑ ﺑﺎﻻﺭﺍﺀ ..
ﺳﺮﺍﺏ .. ﺑﺎﻟﻌﻜﺲ ﺍﻧﺘﻲ ﺣﺮﺓ ﺗﺪﺍﻓﻌﻴﻦ ﻋﻦ ﺩﻳﻨﺞ ﻣﺜﻠﻨﺎ
ﺗﺮﺍﻧﻴﻢ .. ﺍﻟﺪﻳﻦ ﻣﻮ ﺣﺮﺏ ﻭﻓﺮﺽ ﺍﺭﺍﺀ .. ﺍﻟﺪﻳﻦ ﻋﺒﺎﺩﺓ ﺻﺎﺩﻗﺔ ﻭﺍﻟﺘﺰﺍﻡ ﻭﺍﻟﻤﺸﻲ ﺑﺨﻄﻰ ﺻﺤﻴﺤﺔ ﺍﻟﻲ ﻛﺘﺒﻬﺎ ﺍﻟﻨﺎ ﺭﺑﻨﺎ
ﺳﺮﺍﺏ .. ﺣﻠﻮ ﺍﻟﻜﻼﻡ ﻭﻳﺎﺟﻦ . ﺧﻠﺘﻴﻨﻲ ﺍﺧﺬ ﻏﻴﺮ ﻓﻜﺮﺓ ﻋﻨﻜﻢ ﻛﻨﺖ ﺍﺗﺼﻮﺭ ﺍﻧﻪ ﺍﻧﺘﻮ ﺗﻌﺘﺒﺮﻭﻧﺎ ......
ﻟﻴﺶ ﺳﻜﺘﻲ .. ﻣﺎﺍﻧﻜﺮ ﺧﻮﻓﻲ ﻭﺗﺮﺩﺩﻱ ﻟﻤﺎ ﺍﺟﻴﻨﺎ . ﻭﻛﻨﺖ ﺍﻓﻜﺮ ﻛﻴﻒ ﺭﺍﺡ ﺗﻜﻮﻧﻮﺍ .
ﻟﻜﻦ ﺑﻌﺪ ﻣﺎﺗﻌﺮﻓﺖ ﻋﻠﻴﻜﻮ ﺣﺒﻴﺘﻜﻢ ﻭﺧﺎﺻﻪ ﺍﻧﺖ ﻭﺳﺮﻭﺭ ﺍﻟﺠﺪﺓ ..
ﺳﺮﻭﺭ .. ﻫﻬﻬﻬﻬﻬﻪ ﺣﻠﻮ ﻛﻼﻣﺠﻦ ..
ﻟﻴﻨﺎ .. ﻧﻌﻘﺪ ﺍﺗﻔﺎﻕ ﺍﻧﺘﻲ ﻋﻠﻤﻴﻨﻲ ﻛﻼﻣﻜﻢ ﻭﺍﻧﺎ ﺍﻋﻠﻤﻚ ﻛﻼﻣﻨﺎ ..
ﺳﺮﻭﺭ .. ﻭﺍﻧﺎ ﻣﻮﺍﻓﻘﺔ ..
ﻧﻤﻨﺎ .. ﻭﺛﺎﻧﻲ ﻳﻮﻡ ......
ﺻﺤﻴﺖ ﻣﻦ ﺍﻟﻨﻮﻡ .. ﺍﻏﺸﻌﺖ ﻟﻠﺴﺎﻋﺔ .. ﻛﺎﻧﺖ ﻋﺸﺮﺓ ..
ﺻﺤﻴﺖ ﻟﻴﻨﺎ .
ﻟﻴﻨﺎ ﺳﺎﻋﻪ ﻋﺸﺮﺓ ﺣﺒﻴﺒﺘﻲ ..
ﻟﻴﻨﺎ .. ﺍﻣﻤﻤﻤﻤﻢ ﺍﻭﻝ ﻣﺮﺓ ﺍﻧﺎﻡ ﻣﻦ ﻏﻴﺮ ﺍﺻﻮﺍﺕ ﻭﺧﻮﻑ
ﺗﺮﺍﻧﻴﻢ .. ﻻﺗﺬﻛﺮﻳﻨﻲ ﺍﺻﻮﺍﺗﻬﻢ ﺑﺒﺎﻟﻲ ﻣﺎﺗﺨﺘﻔﻲ .
ﺍﺣﺲ ﺍﺳﻤﻌﻬﻢ ﺑﻜﻞ ﻣﻜﺎﻥ ..
ﺩﺧﻠﺖ ﺳﺮﺍﺏ .. ﺻﺒﺎﺡ ﺍﻟﺨﻴﺮ ﻳﺤﻠﻮﺍﺕ .. ﺍﺟﻴﺖ ﺍﺷﻮﻓﺠﻦ
ﺗﺮﺍﻧﻴﻢ .. ﺻﺒﺎﺡ ﺍﻟﻨﻮﺭ .. ﺍﻭﻝ ﻣﺮﺓ ﺍﻧﺎﻡ ﺑﺮﺍﺣﺔ ..
ﺳﺮﺍﺏ .. ﻧﻮﻡ ﺍﻟﻌﺎﻓﻴﺔ .. ﺟﻬﺰﺕ ﺍﻟﺮﻳﻮﮒ ﻏﺴﻠﻦ ﻭﺍﻧﺰﻟﻦ .
ﻟﻴﻨﺎ .. ﻫﻢ ﻧﻠﺒﺲ ﺷﺎﻝ ﻟﻮ ﻻ ..
ﺗﺮﺍﻧﻴﻢ .. ﺑﻜﻴﻔﻴﻚ ﺣﺒﻴﺒﺘﻲ .. ﺍﻧﺎ ﺭﺍﺡ ﺍﺧﻠﻴﻪ ﻉ ﺭﺍﺳﻲ ﻣﻮ ﺧﻮﻑ ﺍﺑﺪﺍ ..
ﻟﻜﻦ ﺍﺣﺘﺮﺍﻡ ﺍﻟﺪﻳﻨﻬﻢ ..
ﻟﻴﻨﺎ .. ﺻﺤﻴﺢ ﺑﺲ ﺍﻧﺎ ﻣﺎﺍﺣﺒﻮ ﺍﺧﺘﻨﻖ ..
ﺗﺮﺍﻧﻴﻢ .. ﻻ ﺗﻠﺒﺴﻲ ﻟﻜﻦ ﺍﺭﻓﻌﻲ ﺷﻌﺮﻙ ﻻﺗﺘﺮﻛﻴﻪ ﻋﻠﻰ ﻛﺘﻔﻚ ..
ﻏﺴﻠﺖ ﻭﻟﺒﺴﺖ ﺍﻟﺸﺎﻝ ..
ﻭﻧﺰﻟﻨﺎ ..
ﻛﺎﻧﺖ ﺍﻟﺠﺪﺓ ﺟﺎﻟﺴﺔ ﺑﺎﻟﺼﺎﻟﺔ ..
ﺻﺒﺎﺡ ﺍﻟﺨﻴﺮ ..
- ﻫﻼ ﻳﻤﺔ ﺻﺒﺎﺡ ﺍﻟﻨﻮﺭ ﺍﻥ ﺷﺎﺀ ﺍﻟﻠﻪ ﺍﺭﺗﺎﺣﻴﺘﻦ …
ﻫﺰﻳﻨﺎ ﺑﺮﺍﺳﻨﺎ
ﻳﻠﺔ ﻳﻤﻪ ﺯﻫﺒﻦ ﺍﻟﺮﻳﻮﮒ ﻟﻠﺒﻨﺎﺕ ﺧﻠﻲ ﻳﺘﺮﻳﮕﻦ ﻭﺗﻌﺎﻟﻦ ﺍﮔﻌﺪﻥ ﻭﻳﺎﻫﻦ ﺳﻮﻟﻬﻦ ﻭﺍﻫﺲ ..
ﺑﻬﺬﻱ ﺍﻟﻠﺤﻈﺔ ﺩﺧﻠﺖ ﻣﺮﺃﺓ ..
ﺷﻠﻮﻧﺞ ﻳﻤﺔ ..
- ﻫﻼ ﺧﺘﺎﻡ ﺷﺒﻴﺞ ؟؟
- ﻣﻮ ﻫﺎﻱ ﺍﻟﻤﺮﺟﻴﺔ ﻣﻨﻜﻢ .. ﺗﺪﺭﻥ ﮔﻠﺒﻲ ﻣﺘﻮﻟﻊ ﻋﻠﻰ ﺍﺑﻨﻲ ﻭﺍﻧﺘﻲ ﻣﻠﻔﻴﺔ ﺩﺍﻋﺸﻴﺎﺕ ﺑﺒﻴﺘﺞ ..
ﺍﻧﺼﺪﻣﺖ ﻣﻦ ﻛﻼﻣﻬﺎ ..
ﻣﻠﻜﻴﺔ .. ﺧﺎﻳﺒﺔ ﻣﺎﺗﻨﻠﺼﻤﻴﻦ ﻫﺎﻱ ﻣﻨﻬﻮ ﺍﻟﻲ ﻛﺎﻟﺞ ..
ﺧﺘﺎﻡ .. ﺧﺎﺑﺮﺗﻨﻲ ﺍﻳﻤﺎﻥ ﻭﮔﺎﻟﺘﻠﻲ ..
ﻣﻠﻜﻴﺔ … ﺍﻟﻠﻪ ﻳﻄﻴﺢ ﺣﻈﻬﺎ .. ﺫﻧﻲ ﺍﻟﺒﻨﻴﺎﺕ ﻣﻦ ﺍﻟﻤﻮﺻﻞ ﻧﺎﻗﺬﻫﻦ ﻋﺰﻳﺰ ﻭﺩﺯﻫﻦ ﻟﻬﻨﺎ ﺑﺤﻤﺎﻳﺘﻨﺎ ﻳﻌﻨﻲ ﺿﻴﻮﻓﻨﺎ ..
ﺧﺘﺎﻡ .. ﻭﺍﻧﺘﻲ ﮔﻠﺘﻴﻬﺎ ﻣﻮﺻﻠﻴﺎﺕ ﻳﻌﻨﻲ ﻣﻨﻬﻢ ﻭﺑﻴﻬﻢ ﺩﺍﻋﺶ ﻟﻴﺶ ﻣﻨﻮ ﺍﻟﻲ ﺩﺧﻠﻬﻢ ﺍﻟﻨﺎ ﻭﻋﺮﻓﻨﺎ ﻋﻠﻴﻬﻢ ..
ﺗﺮﺍﻧﻴﻢ .. ﻣﻊ ﺍﺣﺘﺮﺍﻣﻲ ﻟﻜﻦ ﻣﺎﺍﺳﻤﺤﻠﻚ ﺗﺘﻬﻤﻴﻨﺎ ﻫﻴﻚ ﺍﺗﻬﺎﻡ ﺍﺫﺍ ﻣﺤﺮﻭﻕ ﻗﻠﺒﻚ ﻋﻠﻰ ﺍﺑﻨﻚ ﻓﺄﺣﻨﺎ ﻣﺤﺮﻭﻕ ﻗﻠﺒﻨﺎ ﻋﻠﻰ ﺍﻫﻠﻨﺎ ﺍﺫﺍ ﺍﻧﺘﻲ ﺗﻌﺮﻓﻲ ﺍﺑﻨﻚ ﻣﻴﺖ ﻭﺗﺒﻜﻲ ﻋﻠﻴﻪ ..
ﺍﻧﺎ ﻣﺎﺍﻋﺮﻑ ﺍﺫﺍ ﻛﺎﻧﻮﺍ ﻳﻤﻲ ﻭﺍﺑﻲ ﻭﺍﺧﻲ ﻋﺎﻳﺸﻴﻦ ﻭﻻ ﻣﻴﺘﻴﻦ ﻻﺍﻧﺎ ﻗﺎﺩﺭﺓ ﺍﺿﺤﻚ ﻭﺍﻓﺮﺡ ﻷﻧﻲ ﺧﻠﺼﺖ ﻣﻨﻬﻢ ﻭﻻﺍﻧﺎ ﻗﺎﺩﺭﺓ ﺍﺑﻜﻲ ﻋﻠﻰ ﺍﻫﻠﻲ ﺍﻟﻲ ﻣﺎﺍﻋﺮﻑ ﻣﺼﻴﺮﻫﻢ ..
ﺍﺣﻨﺔ ﺍﻟﻲ ﺍﻏﺸﻌﻨﺎﻩ ﺍﻛﺜﺮ ﻣﻨﻜﻢ ..
ﺳﺮﻗﻮﻧﺎ ﻭﻃﺮﺩﻭﻧﺎ ﻣﻦ ﻣﺪﻳﻨﺘﻨﺎ ﻭﺍﺧﺬﻭﻧﺎ ﺳﺒﺎﻳﺎ ﻭﺑﺎﻋﻮﻧﺎ ﻭﺍﻏﺘﺼﺒﻮﻧﺎ ..
ﺣﻘﻚ ﻣﺎﻛﻨﺘﻲ ﻣﻌﻨﺎ ﻭﺳﻤﻌﺘﻲ ﺻﻮﺍﺕ ﺍﻟﺒﻨﺎﺕ ﻭﺍﻻﻃﻔﺎﻝ ﻭﻫﻢ ﻳﻐﺘﺼﺒﻮﻫﻢ ﻓﻲ ﺍﻟﻠﻴﻞ ..
ﻭﻛﻴﻒ ﻫﺮﺑﻨﺎ ﻭﻃﻠﻌﻨﺎ ﻣﻦ ﺍﻟﻤﻮﺕ ..
ﻻﺗﺤﻜﻤﻮﺍ ﻋﻠﻴﻨﺎ ﻣﻦ ﻏﻴﺮ ﻣﺎﺗﻌﺮﻓﻮﺍ ﺷﻲ ﻣﻦ ﺍﻟﻲ ﻋﺸﻨﺎﻩ ..
ﻣﻠﻜﻴﺔ .. ﻛﺎﻓﻲ ﻳﻤﺔ ﮔﻄﻌﺘﻲ ﮔﻠﺒﻲ ﺍﻟﻠﻪ ﻳﺴﺎﻋﺪﺟﻦ ﻭﺗﻠﮕﻦ ﺍﻫﻠﺠﻦ … ﻭﺍﻟﻠﻪ ﻳﻠﻌﻦ ﻛﻞ ﻣﻦ ﺳﺎﻧﺪﻫﻢ ﻭﺩﺧﻠﻬﻢ ﺍﻟﺒﻠﺪﻧﺎ ..
ﻭﺍﻧﺘﻲ ﺧﺘﺎﻡ ﻭﻛﻞ ﻭﺣﺪﺓ ﺑﻴﺠﻦ ﺍﺳﻤﻌﻨﻲ .. ﺫﻧﻲ ﺍﻟﺒﻨﻴﺎﺕ ﺿﻴﻮﻓﻲ ﻭﻣﺤﺪ ﻳﺪﻭﺳﻠﻬﻦ ﻋﻠﻰ ﻃﺮﻑ ..
ﺍﻻ ﻟﻤﻦ ﻳﺠﻲ ﻋﺰﻳﺰ ﻭﻳﻘﺮﺭ ﻣﺼﻴﺮﻫﻢ ..
ﺧﺘﺎﻡ .. ﻫﻮ ﺷﺼﺨﻢ ﻭﺟﻬﻨﺎ ﻏﻴﺮ ﻋﺰﻳﺰ ﻭﺳﻮﺍﻟﻔﻪ ..
ﻣﻠﻜﻴﺔ .. ﻛﺎﻓﻲ ﻭﻟﺞ ﻭﺍﻣﺸﻲ ﺍﻟﺒﻴﺘﺞ ﻳﻠﻪ ..
ﺧﺘﺎﻡ .. ﺗﻄﺮﺩﻳﻨﻲ ﻳﻤﺔ . ﻋﻠﻤﻮﺩ ﺫﻧﻲ . ﺧﻠﻬﻦ ﻳﻔﻴﺪﻧﺞ ﺍﻧﻲ ﻫﻢ ﺑﻌﺪ ﻣﺎﺍﻃﺐ ﺍﻟﺒﻴﺖ ﻣﺎﺩﺍﻡ ﺭﻳﺤﺔ ﺍﻟﻲ ﻛﺘﻠﻮﺍ ﻭﻟﺪﻱ ﺑﻲ ..
ﻃﻠﻌﺖ ﻭﻫﻲ ﻣﻌﺼﺒﺔ ﻭﺗﻌﻴﻂ ..
ﻧﺰﻝ ﻋﻠﻲ ﺳﺮﻳﻊ ﻉ ﺍﻟﺪﺭﺝ ..
- ﺑﺸﺮﻭﺍ ﻛﻤﻠﺖ ﺍﻟﻤﺸﺎﺣﻨﺎﺕ .. ﺻﺎﺭ ﺳﺎﻋﺔ ﺍﺭﻳﺪ ﺍﻧﺰﻝ ﻭﻣﺎﺍﮔﺪﺭ ﺧﻔﺖ ﺍﺻﻴﺮ ﺑﻴﻦ ﻋﺮﻛﺔ ﻧﺴﻮﺍﻥ ..
ﻣﻠﻜﻴﺔ … ﻭﺍﻧﺖ ﺷﻌﻨﺪﻙ ﺍﻟﻴﻮﻡ ﻣﻦ ﻭﻛﺖ ..
ﻋﻠﻲ .. ﺍﻟﺴﻴﺪ ﺍﻟﻮﺍﻟﺪ ﺧﺒﺼﻨﻲ ﺍﺗﺼﺎﻻﺕ . ﻣﺎﻃﻮﺭﺍﺕ ﺍﻟﻤﺎﻱ ﻣﺪﺭﻱ ﺷﺒﻴﻬﺎ ﺭﺍﺡ ﺍﺧﺬ ﻣﺼﻠﺢ ﻭﺍﺭﻭﺣﻠﻪ ..
ﻣﻠﻜﻴﺔ .. ﺑﺪﺍﻝ ﻧﻮﻣﺘﻚ ﮔﻮﻡ ﺳﺎﻋﺪﻫﻢ .. ﻣﺎﺗﺸﻮﻑ ﺭﻭﺣﻚ ﻛﻞ ﺳﻨﺘﻴﻦ ﺑﺼﻒ ..
ﻋﻠﻲ .. ﻉ ﺍﻻﻗﻞ ﺍﺣﺘﺮﻣﻴﻨﻲ ﮔﺪﺍﻡ ﺿﻴﻮﻓﻨﺎ .. ﻣﺴﺤﺘﻲ ﺑﺸﺨﺼﻴﺘﻲ ﺍﻟﮕﺎﻉ ..
ﻣﻠﻜﻴﺔ .. ﻓﻮﺕ ﻭﻟﻚ ﻓﻮﺕ ﻫﻮ ﺍﻧﺖ ﻋﻨﺪﻙ ﺍﺣﺴﺎﺱ ..
ﻋﻠﻲ .. ﺍﻧﻲ ﺍﺷﻠﻊ ﺍﺣﺴﻦ ﺍﻟﻲ ﻗﺒﻞ ﻻﺍﺣﺼﻞ ﺿﺮﺑﺔ ..
ﺍﺟﺖ ﺍﻡ ﻋﺪﻧﺎﻥ .. ﻳﻤﺔ ﻋﻨﺪﻱ ﺷﻐﻠﺔ ﻭﻳﺎﺝ .. ﻭﻛﺎﻧﺖ ﺗﻐﺸﻌﻠﻨﺎ ﺑﻨﻀﺮﺍﺕ ﻣﺎﻣﻔﻬﻮﻣﺔ ..
ﻟﻠﻴﻞ ﻗﺎﻟﺖ ﺍﻟﺠﺪﺓ ﺍﻧﻪ ﻧﻨﺎﻡ ﺑﻐﺮﻓﺘﻬﺎ ..
ﺭﻏﻢ ﺍﺻﺮﺍﺭ ﺳﺮﻭﺭ ﻭﺳﺮﺍﺏ ﺍﻧﻪ ﻧﻨﺎﻡ ﺑﻐﺮﻓﺘﻬﻢ ..
ﻣﺮ ﻳﻮﻣﻴﻦ ﻋﻠﻰ ﻭﺟﻮﺩﻧﺎ ﻭﻛﺎﻥ ﺍﺳﺘﻘﺒﺎﻟﻬﻢ ﺍﻟﻨﺎ ﻭﺿﻴﺎﻓﺘﻬﻢ ﺭﺍﺋﻌﻪ .. ﺑﻐﺾ ﺍﻟﻨﻀﺮ ﻋﻦ ﺑﻌﺾ ﺍﻻﻣﻮﺭ ﺍﻭ ﺍﻟﻜﻼﻡ ﺍﻟﻲ ﻧﺴﻤﻌﻮ ﻣﻦ ﺍﻟﺒﻌﺾ ..
ﺍﻟﻲ ﻋﺮﻓﺘﻮﺍ ﻋﺎﺋﻠﺘﻬﻢ ﻛﺒﻴﺮﺓ .. ﺍﺳﺮﺍﺀ ﺍﺧﺖ ﺳﺮﺍﺏ ﻭﺳﺮﻭﺭ ﻣﺘﺰﻭﺟﺔ ﺍﺑﻦ ﻋﻤﻬﻢ ﺍﺥ ﺍﻳﻤﺎﻥ ..
ﻭﻋﻨﺪﻫﻢ ﻋﺎﻣﺮ ﺑﺎﻟﺠﻴﺶ ﺍﺻﻐﺮ ﻣﻦ ﻋﺰﻳﺰ ..
ﻭﺍﻋﻤﺎﻣﻬﻢ ﻭﺍﺧﻮﺍﻟﻬﻢ ﻛﻠﻬﻢ ﺑﻤﻨﻄﻘﺔ ﻭﺣﺪﺓ ..
ﺍﻟﻜﻞ ﻛﺎﻥ ﻳﺤﻀﺮ ﻳﻐﺸﻌﻨﺎ ﻭﺍﻻﺳﺌﻠﺔ ﺍﻟﻲ ﻣﺎﺗﻨﺘﻬﻲ ..
ﺍﻻ ﺍﺳﺮﺍﺀ ﻣﺎﻏﺸﻌﺘﻬﺎ ﻛﺎﻧﺖ ﻭﺍﻟﺪﺓ ﺟﺪﻳﺪ ﻭﻣﺎﺗﻘﺪﺭ ﺗﻄﻠﻊ ..
ﻓﻲ ﻳﻮﻡ ﺻﺤﻴﻨﺎ ﻣﻦ ﺍﻟﻨﻮﻡ ﻭﺍﻟﺒﻴﺖ ﻛﺎﻥ ﻣﻘﻠﻮﺏ ﻭﺿﺠﺔ ..
ﻧﺰﻟﻨﺎ ﺑﺴﺮﻋﺔ ..
ﻭﺍﻏﺸﻌﻨﺎ ﺍﻡ ﻋﺪﻧﺎﻥ ﺗﺒﻜﻲ ﻭﺍﻟﻜﻞ ﻳﺘﺼﻞ ﻭﺍﻟﺒﻨﺎﺕ ﺧﺎﻳﻔﻴﻦ
ﻣﺎﻓﻬﻤﺖ ﺷﻲ ..
ﻟﻜﻦ ﺍﻟﻲ ﻋﺮﻓﺘﻮﺍ ﻣﻦ ﻣﻜﺎﻟﻤﺔ ﺍﺑﻮ ﻋﺪﻧﺎﻥ ..
ﺍﻧﻪ ﻋﺰﻳﺰ ﻣﺨﺘﻔﻲ ﻭﻣﻦ ﻳﻮﻣﻴﻦ ﻣﺎﺍﺗﺼﻞ ..
ﻣﺎﺍﻋﺮﻑ ﻟﻴﺶ ﺧﻔﺖ ﻋﻠﻴﻪ ﻭﺗﻮﺳﻠﺖ ﺑﺎﻟﺮﺏ ﻳﺮﺟﻊ ﺑﺎﻟﺴﻼﻣﺔ .. ﻫﻮ ﺍﻧﺴﺎﻥ ﻃﻴﺐ ﻭﻣﺎﻟﻮ ﺫﻧﺐ . ﺍﻧﻘﺬﻧﺎ ﻣﻦ ﺍﻟﻤﻮﺕ ﻭﻫﻮ ﻣﺎﻳﻌﺮﻓﻨﺎ ﻫﻴﻚ ﺷﺨﺺ ﻳﺴﺘﺤﻖ ﻳﻌﻴﺶ ﺑﺴﻌﺎﺩﺓ ..
ﺣﺴﻴﺖ ﺍﻟﻜﻞ ﻳﻮﺟﻪ ﺍﺻﺎﺑﻊ ﺍﻻﺗﻬﺎﻡ ﺍﻟﻨﺎ ..
ﻭﺧﺎﺻﺔ ﺍﻣﻮ .. ﻛﺎﻧﺖ ﺗﺪﻋﻲ ﻋﻠﻴﻨﺎ ﻭﺗﻘﻮﻝ ..
ﻣﻦ ﺷﻔﺘﻬﻦ ﻣﺎﺷﻔﺖ ﺍﻟﺨﻴﺮ .. ﺍﻛﻴﺪ ﻭﺭﺍﻫﻦ ﺳﺎﻟﻔﻪ ﻫﻦ ﺍﻟﻲ ﺿﻴﻌﻦ ﺍﺑﻨﻲ ..
ﻣﺎﺍﺗﺤﻤﻠﺖ ﺍﺳﻤﻊ ﺍﻛﺜﺮ .. ﺍﺧﺬﺕ ﻟﻴﻨﺎ ﻭﺻﻌﺪﺕ ..
ﻟﻴﻨﺎ .. ﺍﺧﺘﻲ ﺧﻠﻴﻨﺎ ﻧﺮﻭﺡ ﻣﻨﺎ ..
ﻣﺎﺍﺗﺤﻤﻞ ﺍﺣﺪ ﻳﺘﻬﻤﻨﺎ .. ﺷﻨﻮ ﺫﻧﺒﻨﺎ ..
ﺧﻠﻴﻨﺎ ﻧﺮﻭﺡ ﻉ ﺍﻟﻤﺨﻴﻤﺎﺕ ..
ﺗﺮﺍﻧﻴﻢ .. ﻭﻣﻦ ﻭﻳﻦ ﻋﺪﻧﺎ ﻓﻠﻮﺱ ﺣﺘﻰ ﻣﺎﻧﻌﺮﻑ ﺍﻟﻄﺮﻳﻖ ﺷﻠﻮﻥ ﻧﻮﺻﻞ .
ﻣﺎﺍﻗﺪﺭ ﺍﺧﺎﻃﺮ ﺑﻚِ ..
ﻟﻴﻨﺎ .. ﻋﺰﻳﺰ ﺍﻧﻄﺎﻧﺎ ﻓﻠﻮﺱ .. ﻭﻗﻼﺩﺗﻨﺎ ﺍﻟﻲ ﺍﺑﻲ ﻛﺘﺐ ﺍﺳﻤﻨﺎ ﻋﻠﻴﻬﻢ ﻧﺒﻴﻌﻬﻢ ﻭﻧﺮﻭﺡ ..
ﺗﺮﺍﻧﻴﻢ .. ﺷﻠﻮﻥ ﻧﺒﻴﻌﻬﻢ ﻭﻫﻢ ﺍﺧﺮ ﺫﻛﺮﻯ ﺍﻟﻨﺎ ﻣﻦ ﺍﻫﻠﻨﺎ ..
ﻟﻴﻨﺎ .. ﻉ ﺍﻻﻗﻞ ﻧﺒﻴﻊ ﺍﻟﺴﻠﺴﺎﻝ ﻭﻭﻧﺘﺮﻙ ﺍﻻﺳﻢ ..
ﺗﺮﺍﻧﻴﻢ .. ﺍﺻﺒﺮﻱ ﺧﻠﻴﻨﺎ ﻧﻐﺸﻊ ﺍﻟﻲ ﻳﺼﻴﺮ ﻭﺑﻌﺪﻫﺎ ﻧﻘﺮﺭ ﻟﻠﺼﺒﺢ ..
ﻛﻨﺖ ﺍﻓﻀﻞ ﺍﻥ ﺍﻋﻴﺶ ﺑﻴﻦ ﺍﻟﻄﺮﻗﺎﺕ ..
ﻭﻻ ﺍﺭﻯ ﻧﻀﺮﺓ ﺍﺗﻬﺎﻡ ﻭﺍﺣﺪﺓ ﻟﻨﺎ !!
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ
///// البارت الثـالث /////
( شمس السعـدي )
********* #ترانـيــم ***********
في بعض الأحيان وجب عليك أن تجبر نفسك على التأقلم مع الواقع حتى تستطيع ... العيش !!
حتى لو كنت مااعرفوا لعزيز .. لكن موقفو معانا جعلني اشعر بوجودو حولي دائما ..
اتذكر صوتو ونضراتو ..
يعني مو بالضرورة انه يكون في مشاعر لي اتجاههة ..
( هذا كان ردي للينا لما سألتني )
-انتي ليش خايفه عليه وتدعيلو .. رغم ماتعرفي وماعندك مشاعر اتجاهو ؟؟
بقينا بغرفة الجدة ماطلعنا والكل خايف على عزيز ويدعي ..
عدنان .. يعني ليش مكبريها ماخابرتوا ست الهانم .. هسا تلگوه عندها ..
ابو عدنان .. عدنااااان اسكت ..
-وليش اسكت يابة .. لو هذا العزيز الضابط الي رافع راسكم .. تدافعون عنه لو شمايسوي ..
خلص عمرة ببغداد بحجة يدرس .. وبعدها داوم بالفلوجة وبالموصل ..
وخلصها ونسة وانتو تبجون عليه ..
دور راح رافگ وحدة استغفر الله .. وهم سكتوا ..
ومن غير الشقة الي عندة ببغداد الله يعلم شيسوي بيها
وهو مقشمركم بسبحتة وديانته وانتو مصدگين ..
-شقتو .. تذكرت علي لما قال ليش ماخليتهم بالشقه مالتك . يعني اذا عندو شقة ببغداد ليش دزنا لهنا وليش خلانا بالامام بحجة ماكو عندنا هويات مايگدر يأجرلنا بالفندق ..
ساعات احس نفسي اعرفه لكن بنفس الوقت احس اكو غموض بحياته .. معقولة يكون مثل ماقال اخوه ..
لينا .. معقول اكو اخ يكره اخو بهذي الطريقة ..
ترانيم .. اشششش لاتتدخلي مالنا علاقة .
ملكية .. عود هاي انت الجبير وبعد ابوك .. وهيج حاقد وتغار من اخوك ..
لو انت بمكانة هم خفنا عليك .. بس انت مگابلنا وشغلك وي ابوك .. بس اخيك بعيد والوضع تشوفه شلون ..
ابو عدنان .. انت نفسك اذا صار عليه لا سامح شي ماتنقهر وتضوج ؟؟
عدنان .. اي اخوي وانقهر .. بس ليش تتغاضون على اخطائة واحنة لا ..
يعني من اخذ هاي الساقطة محد حجة ..
ملكية .. ولك اخذها غير مالها احد وراد يسترها ..
عدنان .. هههههه لا والله فاعل خير .. باجر يترس البيت الكم بنات بحجة الستر ..
شنو مومن سيد هو ..
ام عدنان .. كافي عدنان .. مااريد گطع بينكم صار ساعه ساكته لان الحجية وابوك يحجون ..
شوف ولد عمك گلب على گلب وانت شلون تحجي على اخوك ..
عزيز جبير وواعي وادري بي مايغلط ..
عدنان .. جا ليش سويتي قيامة من جاب ذني البنات اذا تدرين بي مايغلط ..
ام عدنان .. هذا شي ثاني .. ماانكر ضجت لأن مااعرفهن والوضع يخوف .. بس البنات خطار يومين ويرحن شلي عدهن ..
ايمان .. سبحان المغير الاحوال .. كافي عيني لاتعب روحك خلي يرجع اخوك بالسلامة عود ويصير خير ..
ملكية .. وانتي يراداج فركة حلگ .. شو جنتي عند اهلج خوينسة عبن عصة كريم تشتغل اذا غلطت وحدة بيجن .
بس شفتي هنا محد يگلج ادني لوراج تهيلگتي ..
ايمان .. يا جدة هيج تفشليني گدام العالم .. واذا ابوي يضربنا غير يربينا مابيها عيب ..
ملكية .. والله المرة الحرة تمشي بعقلها مو بالعصة ..
روحي لا بيض الله وجهج ..
ابو عدنان .. كاااافي مااريد اي حجي ومشاكل بعد .. اني حاير بأبني وانتو بسوالفكم الماسخة ..
روح علي على عمامك خلهم يجون ونطلع البغداد ..
بعد مااجو عمامهم واولاد عمهم ..
الكل تجمع بالبيت ..
اتصل عليهم عامر ابنهم وگالهم مر على شقته وماكو خبر عنه ..
ابو عدنان… لا يابة بعد مابيها گعدة خلونا نمشي ..
كريم .. خوية انت لاتروح .. عدنان وكامل والولد يمشون
ابو عدنان .. واني شيصبر گلبي ..
كانت جدة ملكية گاعدة بوسطهم .. وتقول ..
انت ابقى يـ قحطان .. ماتتحمل سفر ..
اخوك كامل وعدنان وولد كريم يرحون ..
جا شني هي فزعة وماخذيلكم كم سيارة ..
اني گلبي بارد ويگلي عزيز مابي شي ان شاء الله..
كامل .. جا اروح اجيب ابتسام والجهال واجي يباتون يمكم ..
ابو عدنان .. موش تتأخر . وانت بوية عدنان .. هاك هاي فلوس خلها عندك خاف تحتاجون ..
اجة كامل وراحوا كلهم والباقين راحو على بيوتهم ..
ملكية .. يلة يمة خلن الغدا ..
احنة الزاد مانشتهيه من خوفنا على عزيز ..
البنيات شني ذنبهن صارلهن من الصبح لسا محبوسات بالحجرة بلا اكل ..
عيب ع اليسمع ويشوف ضيافتنا ..
تعالن يمة هنا بالصالة ..
طلعنا اجت مرت عمهم سلمت علينا ..
ابتسام .. شلونجن عيني .. گالولي يخبلن بس ماتوقعت هيج ..
ترانيم .. شكرا انتو الاحلى ..
ابتسام .. يايمعودة وين احلى .. بس عيونجن. كافي
ملكية .. صلي ع النبي يمة… كلمن. على اهلة يطلع ..
يلة اني اروح اتمدد ظهري انكسر ..
ام عدنان .. جا ماتتغدين يمة .
ملكية.. مااشتهي من اگعد اكل اتهنوا انتم ..
صبو الاكل وگعدنا ناكل ..
بس ماقدرت اكل لان مرت عمهم دحق علينا حتى خجلت وماعرفت اكل ..
والتفكير بكلام لينا تعب راسي ..
كملنا وسراب قالت ..
خلونا نصعد الغرفتنا ارتاحوا ..
ترانيم .. بس الجدة گالت ننام معها ..
سراب .. معليجن جدتي نامت هسا .. وبعدين ماكو احد بالبيت حتى علي ماهو ..
صعدنا فوق وابتسام گالت ..
انوم الجهال واجي يمجن. لاتنامن .
سرور .. ديرن بالجن تسولفن شي يمها .. ترى تسأل هواي وماتنضم سالفه عندها صدگني ..
ترانيم .. يعني اشنو ..
سراب .. قصدها وكالة. انباء بس گلبها طيب وماعندها نية مو زينة بس هذا طبعها تسولف كلشي ..
أجمل قصة أقرأها بحياتي ياعمي تخبل كثيييييير حلوة أولها بتبكي بس نهايتها مرةةة حلوة وبتفرح ❤
استمري متابعتك من سوريا 🇸🇾❤
القصه جعلت دموعي تنزل طول القراءه الله يساعد هم أشكثر عانوا
ابقى قوياً اجعلهم يتسائلون كيف مازلتَمبتسماً🦅🖤
Stay strong and make them wonder how you still smile 🦅🖤
كون واحد ياخذ القصه ويسويها مسلسل عراقي
والله ينجح لأن قصه خرافيه
اني هم كلت مثلك احسن من مسسل فايروس هاي القصه واقع حال
@@user-jh1ll2jc5i اي والله 😂
مو احنة لو نموت منكدر نسوي مثل هيج دراما مسلسل لان لاعدنة ممثلين ولامخرجين بيهم خير وعدهم حس فني وثقافي احنة عدنة هوااااي قصص ومأسي وضيم وضلايم لو عدنة فنانين بيهم خير جان ثارت الدرامة العراقية تنافس السورية والتركية بس احنة شاطرين قصدي مخرجينة يجيلون كم وحدة شريفة من الملاهي مال بغداد انطوهة دور البطولة بمسلسل يبدي وينتهي متعرف شنو الهدف منة الاحداث البي اقرب للدعارة والانحطاط الاخلاقي امثال فايروس واحد زائد واحد حب وحرب مضلوم سايقالستوتة وكلهن بطولة قاسم الملاك والبطلات استذكروهن منو ..مثل هيج رواية كون يمثلونهة كادر سوري كامل اخراج وانتاج وممثلين وحتى الاماكن بحيث لايكون للعراقين صلة بي لامن قريب ولامن بعيد العراقيين عليهم المشاهدة عند عرض المسلسل وبس ..حيل شكد حجيت 😂😂
@@mortdaali116 😂😂😂والله كلامج صح
على كيفكم مسلسل بسرعه كولو فلم شي بسرعه مسلسل 😂😂😂 بس يلي مرت بي ترانيم مريت بي والله كلنه نفس شي 🌚🌚
الله كلش حلوة لقصه. وبنفس لوكت حزينه كلش. ولله تنشف ريك
ستمرري ضلعه 😉♥️
احلى من حكايات لمى تكون القصه حقيقه.. انشالله اتكون حياه عزيز وترانيم واسد ولينا وجود سعيده النهم عانو كثير الله يسعدهم.... 🤗🤗🤗🤗🥰🥰
اجمل قصة قريتها شكد بيها معاناة بس اصير احلى مسلسل بيها معنى للصبر
حبيبتي الله يحفظلج أسد ويشافيلج عزيز ويسعدج ويعوضج عن حياة الحزن لعشتي لقصه كانت حيل مؤلمه وطويله حيل بحيث بقيت أقره بيها 3ايام واسهر بليل حتى اكملها وكملت لكن حيل حزنت علترانيم خطيه الله ايعوضها خير
و ين الكه تكمله القصه
@@mnmnmnnasjs1365 بالتعليق المثبت
ولكم ختمت القصةةةةةةةةةةةة 🥺🥺🥺❤️🌚
القصة كلللللللللللللللش حلوة
والله يحفظ عزيز لترانيم وبلعكس هم 😂❤️🤤
والله يشافي 💗💗💗💗💗.
هي قصه حقيقيه لو خيال
@@iraqsimwiraq2972 ترى هذه واقع حال عشنه بي طبعا حقيقه 👌
احب قصصج لان ترويه بشكل حقيقي يوصل للقلب اتمنى الج النجاح الدئم
روعة شكد ما اوصف جمال القصة وانفعالي معها وحتى رسمت الشخصيات بخيالي ما أوفى حقها أحسنت بكل معنى الكلمة بالتوفيق
من اجمل الرويات لانها تتكلم عن معانات بلدي وشكرا للكاتبة وصاحبة القناة استمري بنشر هيج قصص في قمة الروعة 😊😊
من اجمل الروايات الي شفتها بحياتي معنو جانت حزينة بس النهاية جانت حلوة اتمنى الشفاء العزيز
قصة جميلة وإحداث موئلمه جدا ورغم كل الأحداث يبقى الحب رمز الحياة وشكراً صحبة القناة يااروع قناة
وبوبةزيزويوزؤزةزمينزبزوىةبنقنهقنبنبنروىرز
@@user-ng3ku3hm9n كلهم نهايتهم سعيده بس علي
طبعا قصه كلش حلوه وحزينه نفس الوقت عفيه اريد تكمله القصه بليز😘
قصه رووووعه وبيها كمية الم وحزن ووجع فعلا هناك الكثير من الناس الي تضررت وتغيرت حياتها بالكامل واستطاعوا ان يبدؤا من جديد ويكملوا مسيرة حياتهم بما كتبه الله لهم جزيل الشكر لصاحية القصه والكاتبه وصاحبة القناة وتمنايتنا بالموفقيه والنجاح دائما
قصة كلش حلوة ربي يوفقهم ويشافي عزيز رجل بمعنى الكلمة @ العراق هواي شاف ظلم وعذاب بسبب حكومة فاسدة ربي يرحم جميع المسلمين
فدددوه لقلبج كلش حلوه القصه متابعة جديده اني اريدج تحطيمي قلب 💕 حتى ينفتح التعليق واستمري يامبدعه
يييييااااااا. صدك. قصه. تنشف. الريج.
وحلوووه. تبجي. وضحك، ، ❤️💔
قصصك يجننو وكل قصة احلا من الثاني احبج😍😍😍😘😘
ربي يوفق ترانيم وعزيز بحياتهم قصه جميله جدا كانت بيه معانات كلش هواي الصراحه احيي ترانيم على هاي القوه الي عده
وا اروح أقره قصه ثانيه 😅😅♥️♥️♥️
القصة كلش حلوه استمري ااااه ربي يساعدهم عل الشافو من الدواعش المجرمين
افضل قصه ل شمس السعدي حلال ممنوع عجبتني كلش
قصه جميله جدا بيه ابعاد انسانيه وبيه تضحيه وبيه وفاء وكل معاني الانسانيه الجميله صياغه لطيفه جدا جدا للقصه استمري يامبدعه
عاشت أيدج والله روايه محبكه من كل الجهات كنت أشوف وأسمع موبس اقرء خليتيني احس بكل التفاصيل وأعيشها بس تعبت عيوني لان ماكدرت اعوف القصه قبل مااكملها من التشويق الي موجود بيها
👌❤❤قصة تخبش الله يساعدها هاي بنت ولايتي
قصة جميلة جدا..وحزينة..وشكرا لك..
قصة جميلة و رائعة . شعب عانى من شماله الى جنوبه و لايزال يعاني .بالموفقية للكاتبة و صاحبة القناة .
عاشت ايدج لقصه تجنن ولو بيه هواي حزن بس كله يهون برجعه عزيز لترانيم الله يوفقهم بحياتهم
اللهم صل على محمد وآل محمد اللهم احفظ العراق واهله
واوووو قصة رائعة وجميله مؤلمة بنفس الوقت ونهاية ارووع مشكورة وننتظر منك الأروع يسلمووو غلا وبالاخير ما يصح الا الصحيح نتمنى لك التوفيق والنجاح والسداد استمري ع النشر غلاتي،، حسبنا الله ونعم الوكيل على كل ظالم
شكرا للبطل من ميسان الله يوفقه في حياته ويشافيه آمين يا رب العالمين
طبعن كلنا بل موصل مرينا اب مواقف نفس هاي أو مشابها إله حتا احنا المسلمين نفسنه ما خلصنه 😔💔
احلى واقوئ واطهر قصة سمعتها في حياتي
واو القصة تخبل الله يساعد اهلنة بالموصل وغيره والله طلعت اخت رجال وعزيز والنعم منة الله يحفظهم
القصه اكثر من روعه تجنن استمري
يارب يتعافى عزيز
والفرحة ما اتغيب عن اعيونج ويكبر اسد بعزك والله لا يحرمكم من بعض ❤❤
القصة جميلة اتمنة تكملينة بسرعة فديدج
كاملة بالتعليق المثبت ❤️
استمري حبي الرواية تجنن حاولي كل يوم تنزلين اكثر من بارت لان القصة تحمس 🤤🥺😘
اليوم ان شاء الله احاول اخلصها كولها 😘💕
@@roqaia333 😍😍😍
استمري قناتج حلو مبدعة 🌹
مشكوره القصه كلش روعة بالتوفيق انشالله
حطيلي قلب حتى ينفتحن ما جاي ينفتحن عندي بسرعة فدوة
قصه حزينه نتعرف بها على مأساة العراقيين الذين كانوا اهل عز وفخر وبعدها نجد أنفسنا ان لاشى لنا من هذا البلد الذي نهبوا خيراته وشردوا أبنائه الله يكون بعونهم آه آه على مأسينا
الله يحفض العراق واهله
وف داعش دمر حيات الكل اني ابويا اختفاا من حياتي بسببهم الله ينتقم منهم
استمري حبي ❤️
صحيح هاذي القصص بس العتب على إخوانه السنه الي ماشالتهم غيرتهم على بنت بلدهم وخلو الدواعش الخليجين ومن باقي الدول ايبيعون ويشترون بالعراقيات وهو جان ثلاثة أرباع الدواعش همه عراقيين والله العضيم هذا اكثر شي قاهرني
ومنو دخل داعش غير الحكومه الفاسده. كافي تهايم بيكم خير انتو صيرو احسن ولا تتهمون احد اذا انت مو شايف شي لا تتهم والفساد. بكل العراق. محد باع او شترا كافي تتهمون. تهم باطله. العراقيات كلهن من الجنوب للشمال. مضلومه بالعراق. لهيك لا تلوم احد الي يلام هيه الحكومه الي كلنا نعرفها من يا ط. ونتم ما مال حكم انتم مال لطم.
اذا احنه مال لطم فأنتم مال دك وركص
لا والله نلطم ولانركص
آلله رحيم كريم عوضهة بهل انسان الطيب من بعد اهلهة القصة اتجنن يعمري انتي بالتوفيق ان شاء الله
القصة في قمت الروعة والجمال 🥺🥺
لقصه كلش جميله اختي استمري ارجو التكمله
حياتي الرب يسعدكي ويكون معاكي ويحفظ عزيز واسد واختكي يارب
عاشت ايدج ما قدرت امارس حياتي اسهر واقرأ قصه جميله مجسده لمعاناة العراقيين وحقيقيه وواقعيه علما اني اختصاص لغه عربيه
بالبداية فكرت هوة مات خلاص وعامر الي راح يتزوجها بس انصدمت من كملت القصة والله حلوة ههههه
رووووووعة كملي حبي
حلو وحزينه الحمدالله رجع زوجه وانشاءالله يتشافه ويرجع مثل قبل
شبيه هاي بنت معرفت قصته 🤭
لحد الان اني مخلصة ٣ روايات طبعن قبل ٣ ايام تابعتج بس من جمال القصة اكعد عليهة ساعات طويلة حتة اعرف النهاية شنو بعد راح اقرة قصص وانشاءالله التوفيق لصاحبة القناة الي جاي تنقلنة قصص وأوجاع جزء قليل من البشر ماعرف اذا كانت القصة حقيقة او مجرد تأليفة لان يكولون بعض من الروايات حقيقة ويضيفولة كلام والبعض منهة مجرد تأليف بس والله من اقرة القصة عبالك كاعدة اباوع علة مسلسل اني اقرة واتخيل اشكالهم ولبسهم وحياتهم واتمنة تستمرين علة هاذة تعبج تستحقين الافضل ❤❤❤❤
والقرآن مثلج أنه اتخيلهم ابالي حسبالج مسلسل
آللهہ يسـآعد آهل آلمـوصـل مـن تهجرو بسـ وآللهہ آحنهہ خلينآهہمـ على روسـنهہ حتلو ديآنتهم تختلف گلنآ آخوآن وآلحمـد آلهہ رجع گلشـي لطـبيعتو2021
استمري عزيزتي بالكتابة اسلوبك روعه وجميل
استمري يا وردة كملي القصة
الله يبارك بصاحبة القناة المبدعة.. رجاءا تكملة القصة حبيبتي
كاملة بالتعليق المثبت حبيبتي 😍
بلفعل حلو عروعه ونتي احلى يا ورده ام غلاتي
الله يكون بعونج راسي تنفجر من قهر االله يسعدج في الدنيا والاخره انتي وعزيز ولينا الله يعوضج ويشافي عزيز انشالله انقهرت عليكم الغربه اهون من اهانه امو وسخافة عدنان ومكارة ايمان الله لاينطيهم الله ينطي مرادك ياعامر الله يرزقني مثلوا
قصه كلاسيكية /احسنتي التعبير يامبدعه /استمري
حبيبتي سويلنا جزء ثاني 🌺
احلا قصه سمعته بحياتي
حته اني
قصصج روعة بالتوفيق ان شاء الله
لقصه كلش حلو خطيه هل البنيه شكد عانت اووف الله يشفي زوجه
ليش َ منو زوجها وشبيه
فدوه كملي القصه الله عليج حبيبتي والله راح أموت
سلامتج حبيبتي كملتها 🥰
@@roqaia333 شكرا جزيلا يا ورد احبجججج
كل القصص الي بقناتج تخبل مثلج فديتج
قصة جميلة رغم بيهة هواي حزن بس حلوة جنت اعرف قليل عن النازحين بس هسة اتئثرت هوتية
عاشت ايدج شمس كتاباتج روعه شكد قريت روايات بس مثل طريقتج بالكتابه ماكو ولو تبكينا بكل قصه تحكيلنا عنها اتمنئ تنزلين قصص بعد اكثر واتمنئ تكتبيلنا او تبلغينا شذر ونسر شصارلهم وعزيز وترانيم هم شصارلهم
والله القصه روعه روعه كون واحد ياخذه ويسويه مسلسل صير بجنن بس ماكو اله بعد جزء
القصة جميلة جدا جدا
اهأ اهأ ياعراق كم ابكيتني
قصة لكن واقع حال كثير من العوائل الموصليه
وكثير من البنات ضاع شرفهن بسبب الساسه الفاسدين حسبنا الله ونعم الوكيل
ياااي بتجنن القصة حبيتها كتير
مكن نتعرف يا عيوني
@@user-mn9sh8mq7o لا
احسنتي كانت قصه جميله ومؤثره
شبعت قهر عليهن بس اهلهن وين خطيه لتقن بيهم لا والله يستر ع عزيز بكد ماستر عليهن ويحفظ كل عزيزه ع اهلها وشرفه بجاه سيدنه محمد الف الصلاة وسلام عليه
طبعا قصه احلى من الي قبلها
احسنتي ياعمري الله يشفي عزيز ويخلي اسد اومايحرمكم من بعض ويخلي لينا اوجود يا احله عيله
الله عليج كملي القصه والله كلبي طك من الانتظار امانه بركبتج كمليها 😍😍😍😍
انتهت حبيبتي 🥰
شو ما لگيتهه بالقناه
@@user-ff3kk3mm1y بالتعليق المثبت موجودة كاملة ❤️
هل القصة حقيقية؟
رغم النهايه سعيده بس من هاجرو كان شئ حزين كولش
بلي حقيقية 💖
أجمل قصه شكرا يا صاحبه للقناة
صار خلل ورجعتها حبيبتي
القصة تجنننننن ❤❤💖
فعلآ مؤثر بس نحنا بلموصل تأذينا اكثر محافظه بالعراق والمسيح واليزيد تشتتو ومالهم ذنب بس الحمد الله راحت وانشالله الله ياخذ حق كل مظلوم
ربي ينتقم من الدواعش ومن كل ظالم
ان شاء الله تنذكر وما تنعاد حبيبتي ربي يحفظكم 😍❤️❤️❤️
حلوه بس التكمله فدوه🥰
كلش احب القصص مالتج ستمري حبي
شكرا 🌹🌹
حبي ترى مر على ترانيم مرينه بيه بس الحمد الله محد من اهلي مات بس تفرقنه الحمد لله على كل حال حلوه قصه هيه صحيح من واقع يلي عشنه بيه 😔🌚🌚
@@zhaaldrajia6585 اي عمري كلنه صاير بينه هيج بس الحمد الله هسه كاعده بغداد مستقرين بس اخواني ب خارج الحمد الله على كل حال
من اكثر القصص التي اعجبتني في احيات و تعلمت منها الصبر من اكثر القصص المحزنه التي مرت علي و اتمنيت ما تنتهي القصه بس هاي القصه حقيقيه لو و عاشت ايدج على الكتاب
شكرا من القلب ❤️🌹🌹
بلي حقيقية والابطال موجودين بارض الواقع
@@roqaia333 ألف تحية العزيز البطل هذي المراجل والبطولات مو جديدة على أهل الجنوب الغيرة بدمهم ربي يحفظة ويحفظلة أبنة وترانيم أختكم من بغداد
مرحبا اني توني مشتركة و هواية حبيت الرواية استمري و الله يوفقج حبيبتي 😘😘
تسلمين كلبي 😘😍❤️❤️❤️❤️❤️
شكرا على القصة الجميلة
قصة جميلة
يا الله القصه جنن وكلش حلوه اتمنى اعرف شي عن ابطال هاذي القصه ياريت الكاتبه إذا تعرف أخبار عنهم تبلغنا
صلوا على النبي صلى الله عليه وسلم استغفر الله العظيم واتوب اليه ✨
بيها تكملة 🥺👌🏻
بلييز التكملة
صلوا على النبي صلى الله عليه وسلم استغفر الله العظيم واتوب اليه 🧡
جميل استمري ❤❤❤❤🌹🌹🌹
واو واو اجمل واحلى قصه ولو شبعت وقهر😅💔وربي يشافي عزيز بحق الحسين الشهيد وربي يوفقهم بس انقهرت تمنيت اخت ترانيم تزوج علي بس المهم سعادتهم ولو ماشافن الراحه والضلم 😥💔المهم تحياتي ل ترانيم ول عزيز الله يوفقهم ♥️♥️
حبي قصه روعههههه 💔💔💔👍👍👍😭😭😭😭😭
حلو المونتاج 👍🏻 والقصه هم حلوه استمرررري♥️
تسلمين عمري 😍😘💞💞💞💞
ربي يوفقكم ويحفظكم ويسعدكم إن شاء الله
صلوا على النبي صلى الله عليه وسلم استغفر الله العظيم واتوب اليه..
كل واحد ووحدة عندو قصة كل الأغذية اللي شفتها ونحنا نشرد والله جنت ادعي الله ينقد الايزيدية من خبرنا اهل سنجار وقالوا طالعين عل الجبل نحن دين الرحمة والتسامح ونحب الجميع والداعش ليسوا مسلمين اهل الجنوب ابدعوا في استقبال النازحين الله يحفظهم