السيد نعمة اللة الجزائري || قصة السيد والشيخ وعالم البرزخ في سوق اصفهان

تم التصميم وترجمة بواسطة قناة ابو تيم للستلايت والاقمار
جميع الحقوق محفوظة لدى قناة ابو تيم للستلايت والاقمار. mohammed alswidy
تشوفون هذا السيد اللي في بالصورة هذا اسمة السيد نعمة الله الجزائري هذا يكول ماكو فد منطقة او دولة معينة بيهة عالم للعلماء ما رحتلهة علمود اكتسب تلك العلوم كول يوم من الايام سمعت اكو عالم في ايران في اصفهان هذا اسمه العالم الشيخ محمد باقر المجلسي فجان مشهور اشتهر في ايران فكلت اني لازم اروحن الى ايران الى اصفهان وادرس جوئية هذا العالم هذا اللي موجود بالصورة الشيخ محمد باقر المجلسي فراح هذا السيد نعمة الله الجزائري الى اصفهان شد الرحال وراح فوصل هناك فصار جوئية هذا الشيخ كام يحضر الى دروسة الى محاضراته الى ان تقرب من الشيخ كلش فالشيخ قرباه كلش من عده الى ان كام يدخل في بيته يعني السيد كام يدخل لبيت الشيخ محمد باقر المجلسي يعني شلون صار من عائلته فيوم من الايام هذا السيد من دخل لبيته وشاف الوضعية شاف الشيخ جدا غني يعني صاحب ثروة يعني انسان طاك للناحية المادية فكله شيخنا انا عندي موضوع وياك كله تفضل شنو الموضوع كله انت هذا الثرى اللي عايش بيه وهذا الغنى وهاي يعني الحالة المادية اللي عايش بيهة يعني انت تقبلهة يعني انت مو مثل باقي العلماء باقي العلماء عايشين حالة الزهد وبالكوة يعني مدبرين حاجتهم وفلوسهم واكلهم بس انت يعني طاك هذا مو زين عليك حتى الله سبحانه وتعالى ما يرضى بي فكام يحجي وية الشيخ الشيخ ما قنع بحجية كله لا انا على صواب انا اللي عايش بي بالعكس الله سبحانة وتعالى يقبل بي ليش ما يقبل بي اذا انا اكون انسان غني فالسيد شكلة كله خوش نطي عهد واحد يعاهد ال ثاني اذا انا متت اجيك في عالم الرؤية واكلك هذا الشي الي كاعد تسوي غلط او مو غلط واذا انت متت شيخنا انت تجيني في عالم الرؤية وتكلي شنو حالك في ذلك العالم والعيشة اللي جنت انت عايشهه هاي الله سبحانه وتعالى يرضى بيهه او ما يرضى بيهه فالشيخ كله خوش اذا انا متت هيج اكلك واذا انت متت هم كلي هيج في عالم الرؤية فتعاهدو اثنيناتهم فراحت ايام وجت ايام طويلة الشيخ محمد باقر المجلسي تمرض صار مريض فمات فتعطل السوك على موته وحزنا عليه واهل المنطقة واهل اصفهان تالموا عليه عزلو السوك لمدة 7 ايام سبع ايام السوك معزل علمود الشبخ محمد باقر المجلسي لان جان عالم جدا كبير كل الناس تعرفه فورا سبع ايام يعني حتى السيد نسى الموضوع نسى ذلك العهد ذلك اليوم السيد راح الى قبر الشيخ محمد باقر المجلسي كام يقرا قران يم قبره فبهل الاثناء نعس السيد فنام عالقبر فشاف في عالم الرؤية الشيخ محمد باقر المجلسي طلع من القبر ولكن بهيئة جدا جميلة وذيج الثياب اللي لابسهه وذاك المنظر اللي يخبل فالسيد تعجب فسوه السيد اخذ بابهام الشيخ كله شيخنا سولفلي لان عدنا بالروايات وعدنا بالاحاديث انه اذا تريد الميت يسولفك كلشي اخذ بابهامه يسولفلك كلشي فالسيد اخذ بابهام الشيخ كله شيخنا سولفلي فالشيخ كله رحت اسولفلك شنو مر عليه في ذلك العالم عالم البرزخ كله اي سولفلي كله انا فانا من جنت متمدد جسمي جان كلش يوجعني الالم بيه جانت عجيبه وغريبة فهل اثناء شفت اكو رجل ذو هيبة ونوراني واكف واكف في احد الزوايا مال البيت مال الغرفة اللي انا جنت متمدد بيهه فاجا كعد يمي فخله ايده على اصابع رجلي فكلي شنو هسه تحس كله هسه احسن انه الالم رجلي كلهه راحت فيكول كام يمشي ايده على جسمي فوصل لركبي كله هسه بشنو تحس كله هسه احسن رجليه كلهن زينات ما بيهن اي الم فالى ان كام يمرر شوية شوية ايده والالم تطيب من يمرر ايد على مكان فوصل الى صدري فخله ايدي على صدري وما حسيت شفت انه روحي انا واكف لااحد الزوايا مال الغرفة وشفت روحي متمدد وعائلتي ملتمة عليه كاعد يتباجون يبجون علية فكتلهم على شنو كاعد تبجون انا ما بيه شي هذا هاي واكف على حيلي ولكن هم ما كاعد يسمعوني فبعدين اخذوا جسمي ودوه وغسلوه وبعدين خلوه بتابوت ثم اخذوني الى المقبره ذلك الجسم خذوه للمقبرة وانا وياهم ولكن همه ما يشوفوني فحفروا القبر وخلوا ذلك الجسم جسمي خلوه بالقبر فانا لا اراديا انجذبت الى ذلك الجسم وصرت بنص القبر وهم كاموا يهيلون التراب علينا فكتلهم على شنو كاعد تهيلون التراب انا ما بيه شي ولكن همه ما يسمعوني الى ان طموا القبر كلش فبهل الاثناء اجاني نداء كلي عبدي محمد باقر المجلسي شنو سويت لهذا اليوم سولفلي فيكول انا كمت اذكر جميع اعمالي اللي سويتهن في عالم الدينا كلت هيج سويت هيج سويت هيج سويت فكلوله هاي الاعمال ما تدخلك الجنة سولفلنا بعد شنو سويت فيكول كمت افكر فتذكرت موقف كله سيدنا انا يوم من الايام جنت امشي في سوق اصفهان فشفت اكو مجموعة ناس ملتمين على واحد كاعد يضربون بيه وكاعد يكتلونه وهذا يبجي الشخص فانا صرت بنصهم كتلهم على شنو انتم كاعد تطكون هذا الزلمة وكاعد تعاركونا كلولي هذا الشخص احنا نطلبه دين وما كاعد يوفينا فلوسنا وثانيا كاعد فوك هذا كله كاعد يسوي بالسوك اشياء وافعال لا الله سبحانه وتعالى يرضى بيهه ولا الاسلام فاضطرنا انه نكتله انه نعاقبه فانا اخذتهم وياي ذولا الديانه كلهم الى بيتي ووفيتهم كلهم عن هذا الزلمه اي واحد يطلبه وفيته وهذا الزلمه خليته يمي في بيتي ضيفته الى ان ارتاح كلش بعدين انطيته فلوس ووديته الى اهله هذا الموقف ذكرته الى الله سبحانه وتعالى فالله سبحانه وتعالى نادى كلهم يا ملائكتي افتحوله جميع ابواب الجنان لانه انكسر خاطر على عبدي فافتحوله الجنان ففتحولي الجنان عالم البرزخ وهسه انا الحمد الله هسه احسن نعمه واحسن عيشه ففز السيد من المنام فشكله السيد نعمه الله الجزائري كال اذا هيج جان الشيخ يساعد الفقراء ويساعد الناس بهاي الاموال لا والله يستحق انه يكون في احسن حاله مادية واحسن عيشة اذا هيج جانت افعاله انه يساعد الناس فالغاية من القصة العطاء جدا مهم اذا كانت انت ذو يعني عيشة مادية وفي رفاءة وتساعد الناس بالعكس الله سبحانه وتعالى ما يحاسبك على الاموال اللي يعطاكياها في عالم الدينا بالعكس راح تكون الك ثواب جدا عظيم في الاخرة