Вера Никифорова "Күөрэгэйдиин көрсүһүү"

Петр Тобуруокап тыллара
Аркадий Алексеев мелодията
Эриэккэс да ырыа
Үөһэттэн кутуллар,
Оо, кэрэ да санаа
Сүрэхпэр уһуктар.
Мин көтүөх курдукпун,
Кынатым ханнаный?
Мин ырыам-тойугум,
Күүрүөххэр хайдаҕый?
Дорообо, күөрэгэй,
Тойуксут чыычааҕым,
Куппахтаа сүрэхпэр
Төлөннөөх ырыаҕын!
Өйдүүгүөн, мин эмиэ
Ыллаһыах буолбутум,
Күндүттэн күндүнү -
Олоҕу туойбутум.
Эн миигин ыҥыртыҥ
Күн күөнүн анныгар,
Аламай сааскыны
Айхаллыыр тойуккар.
Мин эмиэ сүрэҕим
Ырыаны таптаата,
Эн курдук үрдүккэ
Талаһа сатаата.
Дорообо, дорообо, дорообо, күөрэгэй!