Pulpit Na Lamh Le Cangka In Maw Lar Ram Cuan Lai Ci - Ord. Pst. Hoi Cung Tum

Hlan ahcun Bible sianginn an kai i, kum 5-10 Bawipa rian an ttuan hnu ah Church Pastor silole Ordained halpiak le pek a rak si tawn. Mission rian te hna an kal ta hmasa. Khuate te hna ah Bawipa rian a kumkum in an ttuan ta hmasa. Cu hnu hmanh ahcun zu ah, nu ah, tangka ah minchiatnak a ngei maw ti an zoh i, a thian hnu lawnglawng Pastor an rak lak tawn.
Tuchan bel hi a thlihran aa dang. Chan nih a kalpi tiin zei paoh fawizaang tein kan tuah, kan i pe i, kan ngah. Pastor kan si le cangka in, Pathian lungton le mi tam deuh nih an ka duh maw, duh lo ti zong tuak loin heh tiah hmunhma ah kan buai i, mi hmaikap loin kan nung rih. Pastor Thlarau laksawng a ngei lomi nih Pastor ttuan hi a poi tuknak cu mipi kha Hell ah an kalpi tawn hna. Cucaah Bible sianginn kai ve paoh hin Pastor le Evangelist ttuan ding a si lo.
Kan thiam lo ngai mi cu B.Th maw M.Div maw M.Th maw dih le cangka in kum saupi nawlngaihnak le lungsaunak le toidornak he Bawipa rian a ttuan cia bang Pulpit in kan au. Mi kan hro colh hna. Kum saupi Pathian rianttuanmi bia zong ngai duh ti hlah. Upa deuh upat zong um ti hlah.
Pulpit kan lamh le cangka in a lar cia bantukin lar le minthan ve kan duh colh. Cu ruangah Bawipa nih a kan hman khawh lonak le kan tluk tawnnak le kan rilh lan beh nak zong an si tawn.
Bawipa rian cu thiannak, dawtnak, toidornak, nawlngaihnak le dinnak lo cun ttuan khawh a si lo. Kan ttuan hmanh ah cohlan awk kan tlak lai lo. Kan i peih len zongah hman awk kan ttha lai lo i, kanmah rawhnak lam tu kan i sial he aa lo lai. Amah tein aa telh mi hi Bawipa nih a hmang bal tawn hna lo.
Cucaah Bible sianginn dih hnu in kum 5-10 tal Pathian rianttuan tak hmasa loin awlzaang ten um le minthan i timh colh si loin Bawipa ttih buin mi tangah, rian tlaih sau deuh mi upa tangah kan i toidor hmasa ahcun kan cawnmi a tam lai caah, in khawhnak zong kan ngei lai i, Bawipa nih hman awk kan ttha ko lai.
Video credit

[@ngesono5451]

Amen.🙏

[@Olivia_oblivia]

Mah hi aza te in zoh nak rakkan chim law nan neih cun Zaangfah tein