懲心群英嘉獎禮2019-「嚴守紀律」得獎單位

懲心群英嘉獎禮2019-「嚴守紀律」得獎單位
終於嚟到最後一組懲心群英嘅短片，今次係「嚴守紀律」組別嘅得獎單位。紀律部隊除左要律己，仲要律人，兩個個案都有各自得獎嘅獨到原因，記住細心留意啦。嘉獎禮嘅短片暫告一段落，大家往後都要繼續支持HKCSD 頻道啊！
1. 群策群力 智破訪客不法行為
收押所嘅探訪室訪客絡繹不絕，唔單止帶給前線人員沉重嘅工作量，有時仲隱藏住一些危害監獄秩序同保安嘅罪行，例如使用假身份探監。
要識破呢啲罪行，除咗有賴前線人員敏銳嘅觀察力與及高度嘅警覺性，更需要整個團隊通力合作，先可以將不法之徒繩之於法。早前荔枝角收押所探訪室及保安組人員，合力智破歹徒使用他人身份證明文件進行探訪，彰顯懲教人員致力維護法紀的決心，體現出群策群力嘅重要性。
2. 鍥而不捨 維護零毒品羈押環境
如果毒品流入懲教院所，就會引發嚴重嘅違紀行為及保安風險。收押所作為收納法庭判處人士嘅第一站，往往喺堵截毒品流入方面發揮第一關嘅功能。
懲教人員處理懷疑體內藏毒個案時，好多時需幾日幾夜對個案進行隔離觀察，當個案排出懷疑毒品嘅時候，唔理係食緊飯定瞓緊覺，人員都會返入院所，迅速從排泄物中檢取證物。過程雖然艱辛而且極具厭惡性，懲教人員仍鍥而不捨、專業盡心做好把關工作，目的係要維護「零毒品」嘅羈押環境。