ايهما افضل | الشاهين 🇹🇷 ولا لادا 2107 🇷🇺 تفاصيل كتير لازم تعرفها لو هتشتري ،🔥
Vložit
- čas přidán 21. 03. 2024
- من سلسله ايهما افضل ال ناس كتير بتستناها هكلمك عن عربيتين اصحاب شعبيه كبيره في سوق السيارات و ال حققو مبيعات قويه جدا من وقت اصدارهم لحد النهارده وهما الشاهين و اللادا ٢١٠٧
فكالعاده اول مقارنه هتكون في الاقتصاديه من ناحيه استهلاك البنزين
ودا بالارقام فالعربيتين اتميزو من ناحيه استهلاك البنزين عن عربيات تانيه كتير من نفس الفئه
فبالنسه للشاهين بتستهلك بمعدل من ٧ ل ١١ لتر لكل ١٠٠ ك
اما اللادا ٢١٠٧ فالمعدل بيكون من ٧ ل ٩ لتر لكل ١٠٠ ك
وطبعا معدلات الاستهلاك بتكون علي حسب عوامل كتير منها الوزن و اسلوب السواقه و لو في اعطال او غيره
اما بالنسبه بقي لتكاليف الصيانه و قطع الغيار فصيانتهم سهله ومبتصرفش كتير وتقريبا في معدل متقارب جدا في السعر ونفس النظام قطع الغيار فسعر قطع غيار الاتنين في المتوسط ومقبول جدا
فبكدا تتفوق اللادا في الاقتصاديه نتيجه للاستهلاك ب ٨ من ١٠ اما الشاهين ٧
الحجم
حجم الشاهين بيتفوق بشكل واضح عن اللادا ٢١٠٧ خاصه في مساحات التخزين و ال بتكون في الشنطه الخلفيه لكن وبرغم كدا الي ان دا مأثرش بشكل كبير في المساحه الداخليه للادا ودا لانها تستوعب ٤ افراد بشكل معقول لكن المشكله فيها بتكون في مساحه الشنطه الخلفيه فهتحسها قريبه شويه من ال ٢٨
فالتقييم هييجي في صالح الشاهين ٨ من ١٠ و اللادا ٧
التصميم
تصميم الاتنين تقليدي جدا و بيفتقد للعصريه ومن رأيي ممكن يكون اسوأ حاجه فيهم لكن لو هنتكلم عن الافضل في التصميم او اجملهم يعني فمن رأيي الشاهيين تتفوق تن اللادا خاصه وانها بتقبل تعديل بشكل اكبر
ف التقييم هيبقي في صالح الشاهين ٥ و اللادا ٤ من ١٠
المتانه ونظام التعليق
سواء لادا او شاهين فالاتنين بيتمزو بالمتانه ودا ال بيظهر بشكل واضح في متانه الصاج و الهيكل الخارجي لكن برده مع الوقت الاتنين معرضين للبارومه والتأكل اما نظام التعليق ف الاتنين بيمتلكو عفشه قويه وتتحمل معاك لكن هتحتاج كل فتره تشيك عليها وتصينها .
تجربه القياده
تجربه قياده الشاهين ممكن تكون اريح الي حد ما من اللادا في الطرق و الشوارع الضيقه اما بالنسبه للطرق السريعه فبتتميز اللادا خاصه وان اتزان الشاهين ضعيف جدا وسيئ ودا عيب من عيويها وبالنسبه بقي لسهوله القياده في بعض موديلات الشاهين و ال قريبه في المواصفات من الدوحان دي مع الباور او هاف باور هتلاقيها اسهل الي حد ما من اللادا ٢١٠٧ باااضافه الي ان الشاهين عفشتها بتمتص النقر و المطبات و بتتعامل مع عيوب الطريق بشكل افضل من اللادا ودا نتيجه لارتفاع العربيه عن الارض و مرونه العفشه
فمن رأيي التقييم وبرغم تفوق الشاهين في التعامل مع عيوب الطريق و سهوله القياده الي ان اللادا ٢١٠٧ بتتفوق بأهم ميزه و هي الاتزان علي الطرق السريعه بشكل اكبر بكتير من الشاهين فالتقييم هييجي في صالحها ٦ من ١٠ و الشاهين ٥
الاعتماديه
الاتنين وبسبب موديلاتهم القديمه فأعطالهم للاسف متكرره وفي حاله اهمالك للاعطال سواء ميكانيكا او كهربا الاعطال هتزيد وتسبب مشاكل تانيه مع الوقت لكن في كل الاحوال هما افضل في الاعتماديه من عربيات كتير من نفس الفئه السعريه ولو هتكلمني عن الافضل فيهم بالنسبه للاعتماديه فمن رأيي دا هيتوقف علي الموديل وسنه الاصدار لكل عربيه عن التانيه يعني كل م كان اصدار العربيه احدث كل م كانت اعتماديه بشكل اكبر ودا بينطبق علي اللادا و الشاهين فمن رأيي وبرغم تقارب الامكانيات في الميكانيكا م بينهم الا ان التفوق هيبقي نسبي في صالح الشاهين ب ٧ من ١٠ ام اللادا ٦ .
التسارع و السرعه القصوي
بتتسارع الشاهين من صفر ل ١٠٠ بمعدل من ١٢ ل ١٤ ثانيه مع سرعه قصوي بتوصل ل ١٦٠ ك في الساعه اما اللادا ممكن بتسارع من ١٥ ل ١٧ ثانيه تقريبا وسرعه قصوي ١٥٠ ك في الساعه و الاتنين تسارعهم وسرعتهم القصوي يعتبرو عيب فيهم لانك هتلاقي السحب بطيئ وهيقرفك في الطلعه لحد م كل عربيه تاخد سرعتها خصاصه مع اللادا و ال تسارعها بيوصل ل ١٧ ثانيه ودي حاجه صعبه اوي ورخمه سواء وهيخلي العربيه تحرق مع كل غيار عشان تاخد السرعه المناسبه وطبعا كدا واضح ان التقييم هيبقي في صالح الشاهين ب ٤ من ١٠ اما اللادا ٣ من ١٠ .
التجهيزات ووسائل الامان
الشاهين و اللادا تجهيزاتهم متواضعه جدا ونفس النظام في وسائل الامان و بتختلف علي حسب الموديل و الفئه و في الغالب بتتمثل في سنتر لوك و تكييف ضعيف او مش شغال و ممكن ازاز كهربا وباور في بعض الموديلات خاصه الموديلات الاحدث دا مع امكانيه التحكم في وضعيه الكراسي اما بقي وسائل الامان فبتتمثل في متانه الصاج وتقريبا شبه منعدمه مع الاتنين بأستثناء احزمه الامان فقط
فالتقييم من رأيي هيبقي زي الزفت و بالتساوي ٤ من ١٠
قطع الغيار
الاتنين قطع غيارهم متوفره بشكل كبير لكن الشاهين بتتفوق عن اللادا من حيث التوافر ونفس النظام السعر الشاهين قطع غيارها ارخص .
وبكدا الشاهين ٨ من ١٠ و اللادا ٧
الصيانه الصيانه بتمثل ميزه مع الاتنين ودا لان اغلب الصنايعيه يقدرو يشتغلو في العربيه ودا بيرجع لسهوله اجزائهم الميكانيكيه دا غير انهم بيقبلو قطع غيار بديله وبالنسبه لتكلفه الصيانه فتعتبر مش مكلفه تماما بالمقارنه بأسعار تانيه غريبه بنسمعها في الوقت دا
وبالتساوي كدا التقييم ٧ من ١٠
السعر
سعرهم يعتبرو في المتناول دا بالمقارنه بالاسعار المبالغ فيها ال بنسمعها الايام دي فسواء لادا او شاهين فدول ارخص سيارات في السوق في الوقت دا وطبعا في ارخص منهم لكن زي متقول كدا دول الاشهر .لكن من رأيي ان بأسعارهم تقدر تجيب عربيات تانيه افضل بكتير سواء في الاعتماديه او التصميم زي كيا سيفا الحيل الاول مثلا او الاكسيل وغيرهم .
لكن خلينا في التقييم و ال هو ٧ من ١٠
اعاده البيع
اعاده بيع الاتنين ميزه كبيره فيهم نتيجه لشعبيتهم وانتشارهم واعاده بيعهم بتتوقف علي السعر المعروض و حاله العربيه لكن بشكل عام الشاهين بتتميز الي حد ما عن اللادا بسبب انتشارها الاكبر
والتقييم هييجي في صالحها ٨ من ١٠ و اللادا ٦.
طيب بعد المقارنه والكلام في تفاصيل كل عربيه عن التانيه - Auta a dopravní prostředky
فيديو جميل لكن في ملحوظتين قطع غيار اللادا أرخص بالفعل وحضرتك ممكن تسأل وخصوصا القطع الميكانيكية وده بيرجع لتاريخ انتهاء انتاج العربيتين فاللادا اخر موديل ٢٠١٥ أما الشاهين ٢٠٠٨
المقاعد الخلفية في صالون الشاهين ضيقة نتيجة كبر مساحة الشنطة لكن المقاعد الخلفية للادا أفضل لكن على حساب الشنطة
شكرا لاضافه حضرتك لكن بالنسبه لقطع الغيار بتختلف الاسعار في الروسي عن المصري بالنسبه للاعتماديه و السعر ف الروسي اعلي وفعلا مش كل قطع الغيار لكن اما بالنسبه للمساحه الخلفيه انا بحدد المساحه ككل لكن مميزتش م بينهم
#سينما_السيارات ❤️
@@muhamedawad8193
مفيش قطع غيار مصري اللي موجود الروسي والتركي والصيني وبعض قطع العفشة كوري
شكراً شكراً شكراً انا فرحان اوي أن حضرتك عملت الفيديو شكرا شكرا شكرا ❤❤❤❤
العفو
#سينما_السيارات ❤️
محتاج ترتيب العربيات دي واحست عربيات تحت ال 100 الف وحاجات قيمة مقابل سعر بعيدا عن اللادا والشاهين
اونو
كورسا
2107
اكسيل
سويفت قديمة
شاهين
فليشيا
سلام عليك اخي كريم لا تنساني في حديث عن Kia Rio 2010
بأذن الله
#سينما_السيارات ❤️
❤❤❤
#سينما السيارات