មេ CBC ប្រាប់ពីវិធីសាស្ដ្រគន្លឹះដែលអតិថិជ​នខូច CBC អាចស្តារកេរ្តិ៍ឈ្មោះល្អឡើងវិញ ដើម្បីប្រើប្រាស់...

មេ CBC ប្រាប់ពីវិធីសាស្ដ្រគន្លឹះដែលអតិថិជ​នខូច CBC អាចស្តារកេរ្តិ៍ឈ្មោះល្អឡើងវិញ ដើម្បីប្រើប្រាស់សេវាហិរញ្ញវត្ថុ (Video inside)
(ភ្នំពេញ)៖ លោក អឿ សុធារ័ត្ន ប្រធាននាយកប្រតិបត្តិក្រុមហ៊ុនក្រេឌីត ប្យូរ៉ូ (CBC) ដែលជាការិយាល័យព័ត៌មានឥណទាន បានណែនាំពីវិធីសាស្រ្ដមួយចំនួន ដែលអតិថិជនគួរធ្វើ ដើម្បីឲ្យការប្រើប្រាស់សេវាហិរញ្ញវត្ថុមកជាល្អប្រសើរវិញ បន្ទាប់ពីត្រូវបានខូចឈ្មោះ ឬហៅថា ខូច CBC។
ថ្លែងក្នុងកិច្ចពិភាក្សារបស់ Fresh Business លោក អឿ សុធារ័ត្ន បានថ្លែងថា ដើម្បីដោះស្រាយលើការខូច CBC ឲ្យមកល្អប្រសើរវិញ គឺអតិថិជនត្រូវតែចាប់ផ្ដើមបង់ឲ្យបានទាន់ពេលវេលាត្រឡប់មកវិញ ទោះបីជាមួយឆ្នាំ ឬ២ឆ្នាំមុន អតិថិជនធ្លាប់មានប្រវត្តិខកខានបង់សង ទោះបីជាការខកខាននោះ មានរយៈពេល៣០ថ្ងៃ ៦០ថ្ងៃ ឬ៩០ថ្ងៃក្ដី។
លោក អឿ សុធារ័ត្ន បានបញ្ជាក់ថា ជាធម្មតាគ្រឹះស្ថានធនាគារ និងមីក្រូហិរញ្ញវត្ថុ តែងតែមើលប្រវត្តិរបស់អតិថិជន ចន្លោះពី១-៣ឆ្នាំចុងក្រោយប៉ុណ្ណោះ ដូច្នេះប្រសិនជាអតិថិជនចាប់ផ្ដើមបង់សងត្រឡប់ឲ្យបានទាន់ពេលវេលា ចាប់ពីពេលនេះតទៅ ដូច្នេះ១ ឬ ២ឆ្នាំក្រោយប្រវត្តិ CBC របស់អតិថិជននឹងល្អប្រសើរឡើងវិញ។
លោកបន្ថែមថា ជាការពិតអតិថិជនត្រូវការពេលវេលាចន្លោះ ២ឆ្នាំ ដើម្បីស្ដារឈ្មោះឡើងវិញ ប្រសិនជាអតិថិជនមានប្រវត្តិខូច CBC នេះ៕
សូមទស្សនាវីដេអូការលើឡើងរបស់លោក អឿ សុធារ័ត្ន៖

[@VornChanthy-yp4tb]

តើយើងទទាក់ទងក្រុមហ៊ុនcbcតាមរយៈណា

[@Sasa-on8dr]

ជាgame1ដែលគេលេងសម្រាប់កូនបំណុលប៉ុណ្ណោះ,នេះជាការយល់ឃើញរបស់ខ្ញុំ.

[@newsong-tg1li]

ចុះបើ7ខែចុងក្រោយយឺតតើអាចខ្ីបានអត់លោកគ្រូចង់ដឹងណាស់