ليش الطبيب ياخذ طبيبة ؟ منو الاحسن ؟ ليش تصير الخيانة ؟ ليش ماعدهم اطفال هواية ؟

اتزوج طبيبة لو ربة بيت ؟
بالحقيقة ماكو فرق بيناتهم ، كل شي بيه ايجابيات و سلبيات .. السؤال الحقيقي شلون يحافظون على الزواج .
بهذا الفيديو نتحدث عن :
- سبب زواج اغلب الاطباء بطبيبات .
- شنو الاساس اللي لازم يعتمد عليه الشخص من يختار طبيبة .
- اسباب الخيانة الزوجية .
- ليش اغلب الاطباء عدهم اطفال قليلين وشنو الاساس اللي يعتمدون عليه .
د. عثمان قتيبه
مقيم أقدم جراحة القلب
#العراق #بغداد #مدينة_الطب #الطوارئ #قصة #قصص_طبية #قصص_واقعية
#iraq #baghdad #medical_city #emergency #medicine #DrOthmanQ #doctor #story #story_time @DrOthmanQ

[@hey_sad828]

انت مو بس دكتور انت انسان مثقف و متفهم و هيج الي يسمع كلامك حييييل يرتاح

[@Sobaroi2]

اي والله العظيم نادرا تلكه هيج ❤
حتى المريض من يشوف اسلوبة لطيف يرتاح
اكو وجوهم كالبينهه

[@dreamerinreality7532]

المواضيع الي تختارهن كلش مهمات وگاعد نستفاد كأطباء شكراً الك موفق أن شاء الله

[@MHQ.Organization]

احسنت دكتور هاي بنفس الوقت رسالة للاشخاص الي ما يعرفون قدر المرأة والحمل الي شايلته عن ضهر زوجها 🙏

[@joker_rt681]

*بنت أنا
أنا إن رأيت عملي كطبيبة بالمستقبل يؤثر على بيتي فأترك الدراسة والعمل بالطبع❤
الله يرزقنا بالزوج الصالح🌱

[@Homevibeiii]

انا صح ضد عمل المراة ، لكن اذا تعينت بالمستقبل معلمة او طبيبة راح اشتغل، العمل كطبيبة او معلمة اعمال مناسبة للمراة، لكن لو فعلا ما ارتاحيت بالشغل مثلا وجود رجال كثير او زوجي طلب مني اترك العمل ، اكيد اترك لان بالنهاية انا انثى اريد الرجل هو الي يشتغل مو انا

[@zainabisam1938]

كلما ينذكر موضوع الزواج صار راسي يوجعني علقد ما صار معقد وكلو شروط … ليش تركزون على نقطة الوظيفة حتى ربة البيت ممكن تقصر كلش عادي بالنهاية هي انسان ما روبوت اهم شي الانسان يختار انسانة صالحة متربية وصاحبة مسؤولية يقدر يتفاهم معاها وتقدر ظروفو ويقدر ظروفها وواحد يهتم بالثاني … طبعا اذا هو ادمي ويخاف الله ما صايع ويدور زوجة صالحة
والله يهني سعيد بسعيدة بس يكفي شروط 😅

[@adelmohammed1194]

لا اختي لازم .الزواج خطوة الها تاثيرها على حياة الواحد ومو تاثير قليل ورح تصير هواي مسؤوليات.بالنسبة لموضوع ربة البيت اكيدرح تختلف عن طبيبة الجراحة من حيث الوقت ومن حيث الاطفال الخ. اني ما جاي اكول انه ربة البيت احسن من طبيبة الجراحة بشكل عام كل واحد وتفضيلاته لنوع الحياة الي يريدها .طبيبةالجراحة ما رح يكون عندها وقت لاطفالها وهذا شي اله تاثيره في حين ربة البيت رح يكون عدها وقت اذا جانت بنية محترمة وتعرف الي الها والي عليها .فاحنا ما ناخذ الامور بسرعة بسرعة .وية كامل احتراماتي لحضرتج .

[@adelmohammed1194]

@@hwaansswaanh3511 تكدرين تشوفين اختي الكلام الي وضحتها للاخت فوك .

[@zainabisam1938]

@@adelmohammed1194 يعني هسه الجراحة والجراح يبطلون وما يتزوجون لان شغلهم كثير ... الام دايما تعطي الاولوية الاطفالها لو حواليك ام موظفة راح تشوف هالشي ... صحيح هي قناعة شخصية مثل ما انت تريد ربة بيت اكو احد ثاني ما عندو مشكلة يتزوج موظفة بس ما يصير نحكم علانسانة من وظيفتها ونقول ما راح تهتم باطفالها او ما عدها وقت تهتم بيهم بالنهاية هي ما راح تشتغل طول اليوم وطول الاسبوع ويمكن بالعكس هي تشتغل الخاطر اطفالها حتى توفرلهم حياة كريمة

[@adelmohammed1194]

اختي ما اكول الجراحة ما تتزوج بس الي اقصده هواي رجال ما يناسبهم والاغلبية هيج.يعني ترى مهما جانت المراة قوية فهي ارق من الرجل فهي من رح تبقى تشتغل بالدم والاعضاء البشريية طول الوكت رح يبقى الها نفس لتعب الاطفال الي بوحده شغل متعب وتنظف البيت الخ. .خل نكول جابت مساعدة بس المساعدة رح تعوض الاطفال عن حنان الام والذكريات الي رح تتكون وياهم لو جان شغلها اخف او جانت ربة بيت ؟اكيد لا وعدا عن التربية يعني هم رح يتربون على ايد مساعدة ما نعرف شلون تدينها وخوفها من ربها .فهاي كلها سلبيات غالبا رح تصير .وهاي وبعدنا ما حاجين عن الزوج وانه يريد يضحك وية زوجته وتهتم بيه الخ. .واني بكتابتي هاي ما جاي استنقص من الجراحة لا كل الاحترام لجراحات بلدنا المسلمات الي جاي يتعبن ويساعدن المرضى بس كل شي اله ثمن وهذا اكيد رح ياثر على حياتها بشكل جبير .وبعد طبعا كل واحد وقناعاته وتفضيلاته وممكن اكو رجال ما عدهم مشكلة وممكن اكو حالات قليلة تكدر توفق بين شغل البيت والتربية والزوج مع انه اشوفها شبه مستحيله للطبيبة الجراحة بالخصوص اذا تشتغل خفارات وورا الدوام عيادة وعمليات تطول ساعات هواي بهواي ايام .وهم كلابي جان بس عن شغل المراة وما حجيت عن حقوقها وهاي الامور وما يعبر عن انها زينة او لا حالهن حال البقية اكو زينات لطيفات واكو على العكس .

[@user-sx6pu8up4o]

​@@adelmohammed1194هي مو أول ما تتخرج راح تصير جراحة بسرعة أكو مراحل وأكو أقامة دورية وكومة يلا تصير

[@j8_ss688]

صراحة تعب الطب العام لازم واحد يفكر الف مرة يلة يدخل الة

[@m_m1683]

شلون يعني

[@user-fatmaa9]

@@m_m1683اني تندمت بالله

[@jasmena]

@@user-fatmaa9 والتخدير؟

[@user-fatmaa9]

@@jasmena
التخدير يحتاجله واحد ذكي ونبه
اقل خطأ سجن
يعني باعي حسب مستواچ
صراحة دا احچي الحقيقة
لا تصدگين من يگلولچ كلها قادرة
ياما ناس دخلت فوق طاقتها وتحطمت لان مو اختيارها او اختيارها خطأ
اني عن نفسي طب الاسنان مو من مستواي بس دخلته لان اهلي رادوني وهسه تندمت يحتاج طاقة وووووالخ
ف تندمت
انت حسب طاقتحچ قيسي تگدرين لهذا المجال وحاولي تسالين طلاب تخدير من مراحل اخيرة واخذي معلومات
والله يوفقچ

[@user-fatmaa9]

@@noor-et7gy من تدخّل فيما لا يعنيه لقيَّ مالا يرضيه ف لا تدخّلين انت
وكُلٌّ ووجهة نظرُه *
وع فكرة اختچ حكومي
ومن اصعب الجامعات منيلچ هذا التاليف 😂🤣

[@Smile-fl7tj]

اذا تريدها تشارك بالفلوس والنفقة المفروض تساعدها بالبيت واذا ميعجبك فمو من حقك تطالبهة بنفقة

[@JdEue]

ههه وين اكو

[@kadhimahmedkadhim763]

لاعيني كراب برة وكراب بالبيت وانت الممنونة

[@Smile-fl7tj]

@@kadhimahmedkadhim763 لعد شنو كل الشغل بالبيت عليها وتشتغل برة البيت وتربي الاطفال وتخلف والافندي لا يساعد واول ميرجع من الدوام يدور زقنبوت ويلف راسة وينام

[@zaidalhadad7578]

@@Smile-fl7tjبربچ ! الدكتور اختصرها كلمن ياخذ الي يناسبه يعني اني ماادخل مطبخ ليش اجبر نفسي واخلي نفسي بموقف بايخه ؟ ليش اخذ ربة بيت وبعدين اطلب منها تشتغل حتى تساعدني بمصروف البيت ؟ بالنهاية انت راح تعيش الحياة الواقعية والي حسب مزاجك مامجبور تبيع مثاليات وبعدين تنصدم 👍بالنهاية كلمن ياخذ الي يفيده والي يناسبه

[@IliesAmni]

لا ياحبيبتنا تشتغل برى ماحد فرض عليها هي تبي تحقق داتها يلزمها تسلعد فلبيت والى لماذا تشتغل لوكان الزوج ارغمها نقول يساعدها اما هي تشتغل وفلوسها لنفسها ويزد فوق دلك مقصرة مع عيلتها ويساعدها هل الرجل حمار مثلا افضل ماكثة في البيت على موظفة يعععع

[@nnosa21as]

اهم شي التفاهم وانو اخلاقه وسمعته حلوه ومتفاهم مهما كانت وضيفته اللهم ارزقنا الزوج الصالح❤❤

[@abbaslukman11]

قليل مثلج

[@nnosa21as]

​@@abbaslukman11شكراً 🤍🤍

[@MAZamg-tu7ps]

كلش محتاجين هيج نوع من المحتوى كلام سليم و صوره نضيفه بدون الوان و مونتاج و هوسه الله و يوفقك و استمر ❤

[@JdEue]

عجبج ههههه

[@user-fg2ou1bz6e]

الزواج ما متعلق ع طبيبه لو ربت بيت .. الزواج يريد تفاهم وتحمل مسؤليه

[@sarahalhamid6240]

كلامك صح بس :اختي انتي حاطة صورة مرأة متبرج و هذا لا يجوز : و أخف راح يجبلك سيئات من كل شخص يشوفها
فغيرها
هدانا الله و اياك الى طاعته

[@user-ck3kq8ki6v]

استمتع بفيديوهاتك رغم انا طالب تطبيقي مستحيل اروح مجال طبي بس الكارزمة مالتك و اسلوبك فدشي

[@Faidh_qahtan]

6:56
موضوع الاطفال فهذا يعتبر ايجابيه مو سلبيه يعني اولا هي المرأه مو مكينه تريده تجيبلك +5 مثلا لا
عادي اثنين او 3 حد اقصى و يكون فرق بين عمر كُل واحد فد 6 سنوات هذا احسن من انو يجيبله 4 واحد بعد الثاني و ميكدر يوفرلهم مستوى معيشه عالي ف الافضل قلل و دلل ليش اجيب اثنين اطفال و ممكن واحد ينحرم من شيء و اللخ اقصر وياه افضل اجيب واحد و اوفرله الي يريده و اركز على تربيته و اذا حبيت بعد كم سنه يعني ظا لا يقل عن 5 سنوات اجيب الثاني

[@user-km7wq3ws7i]

كلامك صحة من جهة ولكن انتي كصفة طبيبة او طالبة طب سؤال المعيشة ما تتصلح بعد ما تكون اطباء وغير كذا اصلا الطفل الواحد هذا ايش ذنبه ما يكون عنده اخ والاخت يعيش وحيد عن تجربة عندي صاحب نفس منطقك اهله عملوا فيه الحمدالله كان معاه توحد وصعوبة في الكلام مهارة تواصل ضعيفة كاعد البيت مع خادمة ما عنده اخ يتكلم معاه ولا اخت نعمة الاخ ما احد يعرفها الا اللي جربها تخيل اعيش حياتي كلها واخ ما عندي ولا اخت على الاقل يكون في اخ وعنده اخت الافضل اكيده اثنين ولد واثنين بنت اما تسلبي منه حق الاخوة ليش فكرو شوي دعوه سلوكيات الغرب تلقى معاه ولد واحد بس وهو مقتدر ماليا وزيادة صدق الرسول لو دخلوا جحر طب لدخلتموه انا ايش ذنبي اتزوج وحدة تبغى تجيب ولد من الاول نتناقش واذا مرافقه اولا لا

[@user-sx6pu8up4o]

لاء مو عاد ست سنين هواية والله لازم يكون عنده أخ يعني سنتين وبالزايد حيل ٣ سنوات فرق لازم أخ يكون ويا خطية تكدر بالسنتين توازنين بينهم أما الطفل الثالث تكدر تأجلينه هواية

[@qweryyuuuui]

الله يرزقني بشاب تفكيره مثل تفكيرك ووعيك 🙏🏻

[@user-md1bl2sv3u]

حياة الدكاترة متعبة سبحانة ينطي الشهادة والعقل لمن يستحق غيرك ميفكر

[@saadmaath1189]

ورى هذا الفيديو, رجعت اخاف اتزوج طبيبة بعد ماكلش ارتاحيت للفكرة

[@abc_d567]

هسه الي يكول الطبيبه تريدك

[@saadmaath1189]

@@abc_d567 اني هم طبيب بابا، اذا ماتريدني اني لعد منو تريد

[@hfm-et6dj]

@@abc_d567 😂😂😂😂😂🤣

[@qasim99997]

😂😂😂😂😂

[@T7F1]

يخوي خلك من الطبيبه كلشي متحصل منهه 😂😂

[@itsverses1]

الخلاصة كل قرار اله تنازلاته ممكن شر اهون من شر لكن على اي حال مراح يتم الموضوع بشكل كامل لازم تتقبلوه مثل ما هو حتى لا تتعبون.

[@user-wj6qj2qn4c]

نفس البيئة لذلك اكو تقارب
نفس الدخل اكو تقارب
نفس المستقبل اكو تقارب
العراق بلد مريض لذلك اكو تقارب

[@user-kj6gu3ni8k]

الأخيرة عجبتني🎉

[@eleanora51]

الله يحفظك دكتور ما شاء الله عليك انت موسوعة و هاي الأمور الي دا تطرقلها جدا مفيدة

[@eveavila1278]

آني أشوف أهم شيء تختار الشخص المُناسب وهاهيّه مو مُهم شنو التخصص وآني صديقات أُمي كُلهن طبيبات وكُلهن أُمهات ويدرسن بورد وإختصاصات مو هينة ومأديات واجبهن فعادي لإن آني كإنسانة أحبّ أكون قدوة وأقدم شيء للمجتمع وبنفس الوقت أطفالي راح يكون كدامهم أهلهم يجاهدون وحتّى لو بعيدين عنهم فراح يكونون شيء مهم بالمجتمع لإنّ ببساطة همّه تربوا وهم يشوفون أهلهم وآني والدتي طبيبة والحمدلله أشكر الله أنّها كذلك لإنّها جاهدت علمودي وزرعت بيّه كُلّ شيء حلو ورُغم صعوبة حياتها وعدم الاستقرار الي مطاردنا لكن تستاهل... الطب حياة !

[@jasimjasim9747]

زين سؤال.؟ هل صحيح محد يرغب يتزوج طبيبه الطبيبات اعمارهن جبيره ومحد بحالهن وينصدمن بعد مايتخرجن من كلية الطب بالواقع ويتندمن لان محد نصحهن ميدرسن طب؟

[@eveavila1278]

@@jasimjasim9747 لا بالعكس كلها تتزوجها علمود الفلوس😂😂هاي اذا بالنسبة للمجتمع + طبعا تكدر تتعرف ع أي شخص يعجبها
ماما حبيبتي تزوجت بعمر ال ٣٢ وعادي طبيعي

[@3lixpro745]

عاشت ايدك دكتور وبعدنا منتظرين حلقة الطبابة العسكرية ❤

[@OthmanQutaiba]

جاهزة ان شاء الله بس شوية ترتيبات

[@user-ck3kq8ki6v]

اشوف هذا الفيديو مهم لكل االناس ولد وبنات أطباء وموضفين و تجار

[@dentistzahraa906]

شي حلو انو البنية تدرس وتوصل، هالشي هواي رح يفيدها بحياتها
بس بنفس الوقت لازم تكون واعية و تعرف شلون ترتب اولوياتها، يعني اذا تزوجت ف اكيد لازم تكون الاولوية لبيتها وزوجها واطفالها مهما كانت وظيفتها ومكانتها الاجتماعية
حتى لو فرضنا انو الزوج ممكن يتفهم طبيعة عملها وتعبها، وراضي بالتقصير الي ع الاغلب رح يصير،
ف الاطفال شنو ذنبهم ميتلقون التربية والحنان الكافي من امهم؟
ترا المجتمع مليان دكتورات وموظفات، بس الاطفال ماعدهم غير ام وحدة ومستحيل شي يعوض وجودها وياهم
لا بيبية ولا عمة ولا خالة ولا حضانة ولا اي شي.
بعيني شايفة تعامل المعلمات العنيييف وي الاطفال بالحضانة، وسامعة امور متتسولف..
اما حالات التحرش بالاطفال ف للاسف جاي تصير حتى من الاقرباء وهالشي واقع محد يگدر ينكره
وما اعتقد اكو وحدة تحب اطفالها وحريصة عليهم، ترضى يتأذون باي شكل من الاشكال علمود حلمها ووظيفتها ومدري شنو..
طبعا احب اذكركم انو الطفل امانة (من رب العالمين) نتحاسب عليها
مو ملكنا الشخصي يعني وبكيفنا نقصر وياه
لازم من نقرر نجيبه للدنيا نحاااول قدر الامكان انو نتحمل هاي المسوؤلية العظيمة (مسؤولية بناء انسان)
مو نشمر مسؤوليتنا على الخادمة او الحضانة
او حتى اهلنا الله يحفظهم، وإن كانوا مستعدين يساعدونا وميقصرون
بس برأيي انو هالشي مو صحيح
لان الطفل يحتاج امه، خصوصًا اول سنوات بحياته
عود من يكبر ويشتد عوده ويصير بالمدرسة، بذاك الوقت تگدر ترجع لوظيفتها اذا كانت قادرة على التوفيق بينها وبين بيتها.
كلامي للناس الي يردون ابناءهم المستقبليين يتربون بصورة صحيحة نفسيا ودينيا وعقائديا واخلاقيا وكلشي..
مو الناس الي عدهم التربية اكل وشرب وملابس وباقي الاشياء المادية فقط
الي تشبه الاشياء اللازم توفيرها للبزونة الاليفة..

[@dentistzahraa906]

لتنسون انو سيداات نساء العالم
كانت وظيفتهن الاساسية هي حسن التبعل والاهتمام بتربية الابناء
حتى الي كان عدهن خادمات، كالسيدة فاطمة عليها السلام
فالخادمة كانت تساعدها باعمال البيت( كنس وتنظيف وو)
وليس تربية الاطفال.
هذا حسب الي اعرفه، والله العالم..

[@doaakadhim4744]

الخلاصه انه الزواج ما يفيد الكل
فكرت بالموضوع اكثر من مره. اني رايده جراحه صدر و قلب و راح تأخذ هواي الصراحه. عدا انه اريد اكمل دراسه لأن هذا طموحي بالحياه و هذا اللي يخليني اعيش لحد الان. بس اذا اني لحد ال٤٠ لو اكمل لو لا عليش اتزوج و شنو الفايده. اني مو من النوع اللي يشيل مسؤوليه جبيره مثل أطفال و ما اريد اورطهم + امي و ابوي منو يبقى يمهم و اني ما عندي اخ حتى يبقى وياهم. فالحل اعوف فكره الزواج اصلا لأن ما تفيدني الصراحه. فقط انه هذا الشي ما أكدر ارهمه + منو يكول وره التعب مال الجراحه عمري راح يكون طويل. اتأمل بلكت اموت من وكت و ما اظل عايشه لحد ما اصير عجوز

[@Z_Iraq_26]

@@doaakadhim4744
حبيبتي دعاء..
هاي وصية من وصايا أحد علماء الدين الكبار للشباب بصورة عامة
اقريهه اذا تحبين ممكن تفيدج 🌸

[@Z_Iraq_26]

@@doaakadhim4744
حبيبتي دعاء..
هاي وصية أحد علماء الدين للشباب بصورة عامة
اقريهه اذا تحبين، يمكن تفيدچ 🌸
الخامسة : الاهتمام بتكوين الأسرة بالزواج و الإنجاب من دون تأخير، فإنّ ذلك أنسٌ للإنسان ومتعة، وباعثٌ على الجدّ في العمل، وموجبٌ للوقار والشعور بالمسؤولية، واستثمارٌ للطاقات ليوم الحاجة ووقايةٌ للمرء عن كثيرٍ من المعاني المحظورة والوضيعة حتى ورد أنّ من تزوّج فقد أحرز نصف دينه، وهو قبل ذلك كلّه سنة لازمة من أوكد سنن الحياة وفطرة فطرت النفس عليها، لم يفطم امرؤ نفسه عنها إلاّ وقع في المحاذير وابتلى بالخمول والتكاسل، ولا يخافنّ أحدٌ فيه فقراً فإنّ الله سبحانه جعل في الزواج من أسباب الرزق ما لا يحتسبه المرء في بادىء نظره، وليهتم أحدكم بخلق من يتزوجها ودينها ومنبتها، ولا يبالغن في الاهتمام بالجمال والمظهر والوظيفة فإنّه اغترار سرعان ما ينكشف عنه الغطاء عند ما تفصح له الحياة عن جدّها واختباراتها، وقد ورد في الحديث التحذير من الزواج بالمرأة لمحض جمالها، وليعلم أنّ من تزوّج امرأة لدينها وخلقها بورك له فيها.

[@Z_Iraq_26]

@@doaakadhim4744
حبيبتي دعاء ..
هاي وصية من أحد الرجال الحكماء للشباب بصورة عامة
اقريهه اذا تحبين، يمكن تفيدچ 🌸
الخامسة : الاهتمام بتكوين الأسرة بالزواج و الإنجاب من دون تأخير، فإنّ ذلك أنسٌ للإنسان ومتعة، وباعثٌ على الجدّ في العمل، وموجبٌ للوقار والشعور بالمسؤولية، واستثمارٌ للطاقات ليوم الحاجة ووقايةٌ للمرء عن كثيرٍ من المعاني المحظورة والوضيعة حتى ورد أنّ من تزوّج فقد أحرز نصف دينه، وهو قبل ذلك كلّه سنة لازمة من أوكد سنن الحياة وفطرة فطرت النفس عليها، لم يفطم امرؤ نفسه عنها إلاّ وقع في المحاذير وابتلى بالخمول والتكاسل، ولا يخافنّ أحدٌ فيه فقراً فإنّ الله سبحانه جعل في الزواج من أسباب الرزق ما لا يحتسبه المرء في بادىء نظره، وليهتم أحدكم بخلق من يتزوجها ودينها ومنبتها، ولا يبالغن في الاهتمام بالجمال والمظهر والوظيفة فإنّه اغترار سرعان ما ينكشف عنه الغطاء عند ما تفصح له الحياة عن جدّها واختباراتها، وقد ورد في الحديث التحذير من الزواج بالمرأة لمحض جمالها، وليعلم أنّ من تزوّج امرأة لدينها وخلقها بورك له فيها.
ولتحذر الفتيات وأولياؤهن من ترجيح الوظائف على تكوين الأسرة والاهتمام بها، فإنّ الزواج سنّة أكيدة في الحياة، والوظيفة أشبه بالنوافل والمتمّمات، وليس من الحكمة ترك تلك لهذه، ومن غفل عن هذا المعنى في ريعان شبابه ندم عليها عن قريب حين لا تنفعه الندامة، وفي تجارب الحياة شواهد على ذلك.

[@hanansalman9493]

الزواج تفاهم وتكافىء اجتماعي وثقافي وتحما المصاعب ولازم يتشاركون بالحياه

[@Thebest-sn1eg]

الله يحفظك دكتور مواضيعك كلش مهمة وطرحك للموضوع كلش حلو ربي يوفقك

[@نوير_الاسبانيه]

اني صيدله وزوجي دكتور جراحه جمله عصبية وعادي متقبلين الوضع نتشاوف بس جمعه 🙂🌟👀

[@shaima1372]

شيلوا بعد يوم الجمعة بقت عليه🙂😂😂

[@MohammedAli-lg8cm]

الطبيب من يتزوج ربة بيت دوما يحس انه مستواها التقافي اقل منه ..ورا فترة يدور يتزوج طبيبة

[@greenfuture2640]

من هو ما يتقبل عقلية غير مستواه ، فلتعرف انهو مو طبيب و شهادة الطب مو مستواه

[@user-qv9vr5jz6v]

صحيح

[@mohamedjaidi203]

مو صحيح اطلاقا

[@FatemaAlzahraa313]

ادري ترى طبيب مو احد المبشرين بالجنة😂😂😂😂😂

[@AliYaseen-rk7oi]

كلام فارغ الرجل الطبيعي لا يهمه المستوى الاجتماعي للبنت التي يتزوجها مهما كانت شهادتها اما الرجل الطماع والطفران فقط هو من يبحث عن منصب لزوجته لكي تساعده بالمال وهنا يختل دور الرجل بالآسرة ويخرب الاول والاخير

[@user-nt2sq2rw1y]

شكد حلو تفكيرك وشرحك للموضوع دكتور ياريت الكل مثلك

[@JdEue]

ههههههههههه ليش

[@narvi8910]

مو مهم شنو وظيفة الشخص الي راح تتزوجة المهم يكون ذا تفكير واعي ومثقف وقادر على تحمل المسؤولية وعنده علم كيف يخلي علاقته الزوجيه صحية وكيف يربي ابناءه على نهج صحيح حتى يكونوا في المستقبل ناس ناجحين خالين من الامراض النفسيه التي يمكن ان يخلقها اب وام نرجسيين
عندما تريد ان تتزوج يجب ان تكون جاهزا ماديا ونفسيا.

[@user-kj6gu3ni8k]

الله يرزقني ان شاءالله بواحد مثل تفكيرك

[@narvi8910]

@@Clear_perspective تفكيرك سطحي في ناس رغم وظائفهم المرموقة لكنهم سيئين في تربية الأطفال حتى أنهم لا يمتلكون وعيا كافيا لتربية طفل أو يكونوا شركاء حياة جيدين

[@user-lj6sv2ll2n]

شلون الوضيفة ما تأثر اذا الام والابو كله خفارات منو يرب الاطفال ويسوي العائلة الصحية الي تكول عليه

[@KOMORIBI.]

ترا الوظيفة تأثر شلون ما تاثر اذا انت جنت كل وقتك مشغول بوظيفتك اصلا بحيث يجوز حتى ما رح يصير عندك وقت لا لنفسك ولا لزوجتك واطفالك كل هذا ما رح ياثر على علاقتك بزوجتك؟ ما رح ياثر على اطفالك من ناحية التربية والناحية النفسية؟ الوظيفة والشغل من اساسيات العلاقة الاسرية ووحدة من عواميدها ممكن كل الاشياء الي ذكرتها انت موجودة بعلاقتك بس شغلك ووظيفتك هدمت كل هذا لان مو كل انسان يتحمل ويصبر على مثل هيج شي

[@ebw]

كلامك مثالي بعيد كل البعد عن الواقع.

[@rawnaqmahdihashim3155]

اغلب الاعظم الموظفات مرتبات وضعهم جدًا ومنسقات مواعيد شغلهن مع
دوامهن

[@nawrassafa]

انتو الشباب واصلين مرحلةً بالجهل
المرأة سواء ربة بيت او عاملة واجب عليك ان تصرف عليها وع بيتك وأطفالك
مو هي عاملة راح تساعدك بالمصرف !!
ولا هي ربة بيت راح تكون المادة صعبة عليك !!!! ولو ماخذ طبيبة راح تساعدني !!!!!
واجب وحق من حقوقها ع زوجها
إذا بالفعل تعرف الدين راح تعرف هذا الكلام
بس ما عدكم اي علم مع الاسف
جهل مو طبيعي لأكثرية الشباب

[@user-vq2yp6qj8z]

😂😂😂

[@oneonekiller3329]

جاي تشوفين الموضوع من نظرة سطحية جدا الموضوع مو عبارة يلا تعال اصرف علية او اصرف على اولادي الموضوع عبارة عن دخل واحد انتة وزوجتك عائلة وحدة فلوسك فلوسها وفلوسها فلوسك لعد ليش متزوجين اذا ما بينكم توافق روحوا تطلكوا لان هيج زواج ما راح ينجح اصلا

[@nawrassafa]

@@oneonekiller3329 من تعرف الحقوق والواجبات
تعال اتناقش وياك بيها وبعدين نسولف ع موضوع السطحية الي آني دا اشوفها .

[@oneonekiller3329]

@@nawrassafa من يمتة حجيت عالحقوق والواجبات اني حجيت على التوالم بين الزوج والزوجة اذا حرفيا ماكو توالم وثقة بين الزوج والزوجة لدرجة الزوجة ما تقبل تطي فلوس لزوجها او العكس ليش مزوجين اصلا انتة من تزوج وية شخص انتة حرفيا جاي تكون وياه علاقة ثقة لمدى الحياة هاي الاشياء لازم تكون اخر همومك واذا شفت روحك تفكر بيهن هواي اعرف نفسك ما مقتنع بزواجك

[@nawrassafa]

@@oneonekiller3329 انت صح 👍🏻

[@nona-xk2pj]

اقبل بهذا التقصير؟! عجيب كلامك ليش ما تكول المفروض بينكم مساعدة ترى ثنينهم موظفين يعني المفروض مساعدة بينهم و اذا ما اكو مساعدة تزوجو ربة بيت

[@asnkasnk6774]

وشنو ربة البيت .... الجبل التذبون عليه حمولكم !!! ، شهل اهانه .... تحملوا مسؤؤلياتكم ،
ربت البيت هي أفضل من طبيبه .... هاي المراءه الي تتحمل المسؤوليه الي الله اسندها الها ، وماخلت طموحها شخصي والخروج من المنزل للعمل يسيطر عليها ، بل داست على نفسها وفضلت العا ئله ... هاي تضحيه الكبيره الي تفتقد الها اغلب البنات اليوم ، الي تضع نفسها وطموحها قبل بيتها واولادها .
ربت البيت ماتستحق شخص اناني يشمر كلشي عليها ... والله حضرته دكتور ... دكتور على نفسه مو عليها.

[@Zahr.739]

​​@@asnkasnk6774 أي مو هما يعتبروها هيچ من يتزوجها ربة بيت بس حتى تخدمه وتهتم بيه ويكون وقتها بس إله فا هذا تفگيرهم هما من ياخذون ربة بيت لا غير.

[@mo0083]

​@@Zahr.739بس الهمجي هيج يفكر.

[@Laith_The_Iraqi_Intellectual]

​@@asnkasnk6774 عاشت ايدك غالي 🌹

[@t8tvq58]

هاي نقطة من النقاط وليست الوحيده يا كونان​@@Zahr.739

[@sahmed5237]

محتوى راقي والام والاب على قدر ثقافتهم وايمانهم يبنون حياتهم ليست فقط الاطباء

[@sunshine-qo8nd]

صحيح الانسجام مهم لابد من تكافئ فبنظري الطبيب ياخذ طبيبه افضل للطرفين الانسجام 100%يكون وربي يسعد الجميع

[@sunshine-qo8nd]

@@TPPP2اغلب الاطباء عدهم نظرة فوقيه ولذا يحتاجون لزوجه ترضي ذلك الغرور جميل ان كانت في مثل مستواه العلمي يصبح التوافق ممتازانطيكم مثال هسه اني خريجه تربيه كنت اطمح اخذ من نفس مستوايا العلمي بينما كثيرين عدهم عادي الارتباط بطبيب او مهتدس

[@ibnalrafedin665]

​@@TPPP2
خوية لاتشيلون هم الاطفال...يعني هسة المعلمات مو متزوجين معلمين....مو كلهم عدهم دوام...والاولاد اكو الهم روضات ومدارس...وكذلك الموظفين ماخذين موظفات

[@user-qv9vr5jz6v]

@@ibnalrafedin665 صح

[@-akaf]

عندي صديقة ابوها و امها دكاترة
عدها نقص حنان و نقص تربية عظيم
لا تكلي ما يأثر اذا اهلها ما موجودين غالبية الوقت ياهو يربيها ؟
اذا فكره انو الدكاترة يفضل يبقون بلا زواج مرفوضة
ف ليش ما يلجؤن لزواج ناس بتخصصات اخرى؟لان هو بس اذا احد الابوين طبيب هذا يخلق فجوى عظمى بالابناء فما بالك اذا اثنينهم

[@sunshine-qo8nd]

@@-akaf ممكن الاجداد يشاركون بتربيتهم كل العوائل المثقفة هذا منهجهم وممكن يتزوجون من غير اختصاص مهتدسة محامية كل شخص حسب قناعته لكن الاغلبية العظمى من الدكاترة يبحثون عو مستوى عالي بالتعليم ارضاء لمستواهم الاجتماعي ولغرورهم قلة قليلة شفت متواضعين من خلال رؤيتي الهم اما بالنسبة للتربية فمو شرط كثيرين ماعدهم شهادات وابناءهم عديمي التربية يعني التعميم مرفوض هي الاخلاق هي الاساس صدقا على قدر الاهل يربون اولادهم على قدر ما الفرد منا مسؤول عن تربية نفسه الى ان يوافيه الاجل يربي بهالنفس لا كل المسؤوبلية تقع على الاهل

[@user-ki5xt7oh3o]

الصراحة طرحك للمواضيع جداً ممتاز يعني دا تحجي من كل النواحي وما اعتقد اكو شخص لخ دا يطرح نفس مواضيعك
كل التوفيق 🤍

[@OthmanQutaiba]

اجمعين ان شاء الله

[@user-oj5cw9uc7c]

دكتور بيك قبول مينوصف
مو بس هاي اسلوبك وهدوئك بطرح المواضيع ♥️ ربي يوفقك ويقويك ونشوفك بأعلى المراتب اني متابعتك على الانستا وكنت دائماً اقره القصص التنزلها وهسه دا اتابعك عاليوتيوب صورة وصوت 😍💚
استمر بهيج مواضيع حلوة تعرفنا عليك اكثر وتقوي علاقتك بالمتابعين و توعي بيها الناس

[@RamlaAlasadi]

والله يا دكتور عثمان بأختصار لو كلها تفكر مثلك چان صرنه بخير.

[@user-bc9yk2wf5y]

ارقى دكتور وصانع محتوى لو شنو ❤

[@OthmanQutaiba]

❤️

[@zezomed3749]

والله دكتور انت ماكو منك ربي يحفظك محتوى القناة مالتك كلش لطيف استمررر

[@Rania-burhan]

عاشت ايدك دڪتور كلش حلوة المواضيع الي تطرحها

[@R16867]

يا الله شو هالمنطوق الحلو الله يوفقك دكتور❤

[@zainabnizar40]

احب مواضيعك الي تطرحه عاشت ايدك

[@user-zg9co4ic7m]

تحياتي لك دكتور لان ما عندك تكبر او تتفيك مثل البعض يدرسله كلمتين وعرفله كلمتين انكليزي وصار يدخلهن بكلامه بالعربي واغلب المتابعين ما يفهمون عليه بسبب هذا الحشو مالته بحجة انه مثقف ويعرفله كلمتين بغير لغة.
لازم الواحد يفتخر بلغته الام وهويته العربية مثل ما باقي الناس بغير دول يسوون هيج، اليابان، فرنسا، السويد وكثير دول حتى الطب يدرسونه بلغتهم.

[@dbv40]

ترة الخفارات الهوايه بس بالبورد وراها تخف هوايه فلا تعمم على الفروع الجراحيه

[@user-oe4gd1ku3r]

اي والله دكتور كثر من نصائح، وياك طالبه طب مرعوبه من المستقبل وكيفه تنظيمه

[@user-vo4ns2tw3p]

لاتخافين تدبر مثل مادبروها غيرج

[@user-vo4ns2tw3p]

بس سؤال اني طالبة طب اسنان ومفكرة احول طب عام بس من افكر بالمسؤولية الي شايلها الطبيب روح إنسان بين يده انهار واخاف تنصحيني احول لو ابقى اسنان

[@user-oe4gd1ku3r]

@@user-vo4ns2tw3p لا والله حبي لا تحولين لان طب اسنان او طب عام ثنينهم دكاتره بس طب اسنان اريح من تتخرجين ماكو اقامه هاي اولاً ثانيا تكدرين تفتحين عياده بدون ما تدرسين تخصص وشغله نوب انو الطب العام مسؤوليه عقلج يبقه مشغول مو بس خلصتي سنين الدراسه وخلص لا انما من تخلصين طب زيد عليج المسؤوليه وتكون حياة مريض بيدج. بالنسبه النه اهل الطب العام عدنه اقامه وراها لازم تخصص دا نفتح عياده واذا ما درسنه تخصص الدكاتره الي ماخذين تخصص يبقون يعانلونج انو اقل منهم ولازم تسمعين كلامهم

[@user-hw1qm2tk7t]

​@@user-vo4ns2tw3pلا ،حولي طب عام احسن

[@armoredcolossaltitan7353]

اني هم طب اسنان ودافكر احول طب عام، بسبب الفائض بعدد الخريجين من طب الاسنان ​ف حتصير شغله كلش صعبه واحد ينجح بالاسنان، خاصة اذا واحد ماعنده اهل اغنياء يدعموه، تواصلت وي عدد من اطباء الاسنان واغلبهم كالولي حول لان ماكو شغل لا خاص ولا عام، ماكو بس عدد قليل منهم كالوا ابقى، ومن اسال خريجي الطب والي منهم دكاتره يدرسوني بالكليه، ينصحوني ابتعد عنه وما احول@@user-oe4gd1ku3r

[@Mustafa_bio4]

والله مواضيعك رهيبه

[@ghostirno7126]

عاشت ايدك دكتور على هيج مواضيع

[@Frank.20]

الوظيفه مصدر رزق حالها حال اي شغل بالعالم تختلف الطرق والنتيجه وحده بس تخلف المجتمعات العربيه او العراقي خلق هل أمور

[@ibnalrafedin665]

لاخوية ..تره عادي شغله طبيعيه مثل المعلمات يتزوجون معلمين ..والاطباء يتزوجون طبيبات..والمهندس ياخذله مهندسة..والصيدلاني ياخذله صيلانية والمحامي ياخذ محامية
واكيد اكو نوع من الفروقات
يعني يصير دكتور ماخذ شهادات ياخذله وحده مخلصه ثالث ابتدائي ومادارسه او عقلها متخلف
لو يصير واحد مثقف من عائلة راقية ياخذله وحده معيديه او مو من ذبته
لو شخص مو متدين ياخذله وحده متدينه

[@Frank.20]

@@ibnalrafedin665 تربط الثقافه بالشهاده ؟

[@ayod-25]

​@@Frank.20 كلمن وتفكيره
اكو عادي يشوف مرته تتخالط ويا الزلم كل يوم وما يهتم واكو ميتحمل واكو ناس تهتم باطفالها واكو لا

[@gyuuuloo76]

​@@ayod-25تره مستشفى للعلاج شدخله بل اختلاط شبيك تمظرط انته

[@doaakadhim4744]

​@@ayod-25هو اللي بالمستشفى يريدون يلحكون المرضى و بس يتراكضون و منو اله خلق يباوع منو موجود و منيه الحلوه و يباوعون😅😂

[@amjj361]

اكلك عثمان حبيبي
تكدر تحجي فرق البورد والدبلوم العالي والدبلوم.. بالطب
من ناحية كلشي

[@user-pc5tx6kl5y]

دكتور ممكن تحچي عن الصيدلة السريرية وشغلهم وي الفريق الطبي اكون ممنونه
طالبة صيدلة

[@gMix-g]

طبيب اذا امورك عدلة من الناحية المادية شكو تاخذ موضفه لكن
لكن اذا تكول اني تعبان على نفسي واريد وحدة هم تعبانه على نفسة فلك الحق 😅
اجمل دكتور

[@user-os3kk7jl3o]

هو اني ما اصدك دكتور ياخذ وحدة ما دارسة لو ما مكملة

[@msgghhv482]

@@user-os3kk7jl3o ليش؟

[@user-os3kk7jl3o]

@@msgghhv482 نظام وتفكير العراق ما تعرفة

[@ibnalrafedin665]

​@@msgghhv482
خوية كلمن على جماعته
المتدين ياخذله متدينه
والسافره تاخذلها رجل انفتاحي
والمعلم ياخذله معلمه.
والطبيب ياخذله طبيبة
والمهندس ياخذله مهندسة.
والموظف ياخذله موظفه
والمثقف ياخذله وحده مثقفة
والمتخلف ياخذله وحده متخلفه

[@KEP1LER]

هو اي ممكن ماكو، بس هل هاي الفكره اصلا غلط؟ مو بالضروره.
​@@user-os3kk7jl3o

[@user-su8xy1xt5b]

محتوى اكثر من رائع ربي يوفقك دكتور

[@user-my6ud5np3r]

شكرا جزيلا دكتور موضوعات محد ينتبه عليها على الرغم من كونها مهمة
اذا تكدر دكتور شنو متطلبات التقديم الى المستشفيات الاهلية بعد التخرج او الإقامة القدمى وشلون نرتب بين الدوامين الحكومي والاهلي وهل يستحق الموضوع
مجددا شكرا جزيلا عل شرحك المميز والواضح ❤

[@OthmanQutaiba]

ان شاء الله

[@d36_i]

ياخي احبك ولله 🤍🤍🫶
نريدك تسوي جزء ٢ ع مندبه 🌹🤍

[@OthmanQutaiba]

شنو المواضيع اللي جانت ناقصة بالجزء الاول ؟

[@thebaddoctor8922]

يعني خلصت كل مشاكل الاطباء بقت بس مشاكل الخلفة والعقم 😣

[@zainabqasemroze6543]

من وجهة نظري اشوف دوميه بنات الموظفات او الامهات العاملات نادرات ابد مت شفت وحده منهن ما تعرف شي الله يقويهن 💗✨✨

[@wesaloda7286]

بالتوفيق دكتور
استمر مواضيعك حلوه

[@OthmanQutaiba]

اجمعين ان شاء الله

[@Mustafa-pt5ib]

كلش راقي دكتور❤

[@OthmanQutaiba]

تسلم حبيبي

[@user-yr9ti8su4j]

مايصلح الاطباء يتزوجون لان كل منهم مشغول وبالتالي يهملون البيت

[@user-jq7zd4xb9u]

كلام كلش مفيد النه ك طلاب طب

[@SJ_20.]

ربي يوفقك يا طيب
مع العلم اني طالب سادس ومالي اي علتقه بل طب بس اهواه واحبه بس......... كلام طويل ❤

[@OthmanQutaiba]

❤️❤️

[@zahrakhnh]

دكتور مواضيع تخبل ❤

[@yona4056]

كمية تخلف غير طبيعية في التعليقات. ما المشكلة في زواج طبيبة و طبيب بعيدا عن الناس الي مستواهم لم يتجاوز الثانوية و يجي يقلك طبيب ما عندو حياة اجتماعية. لو الطبيب ما عندو حياة اجتماعية مين يلي عندو مهندس الكمبيوتر الي عايش حياتو في العالم الافتراضي؟ اضافة انو الطب صحيح صعب في دراستو لكن في للحياة العملية خاصة لو الطبيب مختص وله عيادة خاصة قادر يدلل و يحدد ساعات العمل الخاصة فيه بكل اريحية. انا مع انو الاطفال لازمهم رعاية لكن جماعة التربية الحديثة اعفونا من آراءكم المتزمتة مش لازم الأم تكون ملازمتو ٢٤ ساعة هو عندو مدرسة و نادي و اصحاب يلعب معاهم كذلك لازم يتعلم يذاكر لنفسه و بنفسه و تحمل مسؤولية أداء واجباته ماما و بابا يذاكرو معاه الأشياء الصعبة فقط!! الأطفال لا يحتاجون الى ام مضحية بل ام سعيدة و كذلك الزوج. أم لها ذات و لها دور فلو كانت فتاة ستقتدي بأمها بدل الاقتداء بالمشهورات التافهات و لو كان صبي يتعلم يحترم المرأة و قدراتها لأنه تربى في حضن امرأة مجاهدة. و للذين يقتدون بالدين الرسول عليه الصلاة و السلام امرنا بالظفر بذات الدين ليس تحديدا الطبيبة او ربت البيت او المهندسة. أخيرا المرأة كائن مضحي بطبيعتها و فطرتها لكنها تفقد تلك الصفة عندما تصبح محل مساومة من الرجل.

[@im_iiq]

اووف دخلت للدارك ويب مال الطب 🤡
شكراً دكتور لطرحك لهاذي المواضيع ❤
انا هسا سادس وأكره اشوف نفسي بمجال طبي الصراحة ما اتقبل هالتخصص لأن حيل مسؤولية لكن بعد كل هذا كلامكم انا اجزم بالمليار هالتخصص ما أفكر بيه بأي شكل كان .
الله يعين الأطباء

[@user-yh6ow3dt1g]

مثلك اني همات

[@sadiamoney1128]

يمه وليدي الله يحفظك ويرزقك بحق محمد وال محمد والله من كل قلبي ادعيلك انته انسان محترم خلوق ❤❤❤❤❤❤❤❤❤❤

[@OthmanQutaiba]

اجمعين ان شاء الله ❤️

[@SHISOS13]

دكتور ممكن تتحدث عن تخصص جراحه الوجه والفكين والرقبه مع التخصصات الطبية وكيفية القبول بيه وكيف ممكن طبيب الفم والاسنان ممكن يلتحق بيه؟ شكرا جزيلا

[@talia8514]

هو هذا الاختصاص اصلا لطلاب طب اسنان بس بي امتحان قوي حتى تنقبل

[@EmanTaleb-hy7be]

الله يوفقك يارب

[@M11pi]

الملخص.الطبيب يتزوج ربة بيت
والطبيبة تتزوج رب بيت😂😊

[@mortadathaervii9335]

خرب يومك شلون رهمتها الطبيبة تاخذ رب بيت 😂😂😂😂

[@M11pi]

@@mortadathaervii9335 ماكو غير حل.

[@T7F1]

​@@mortadathaervii9335 عز الله ابو جاسم راح زايد 😂

[@VvVv-vd5lh]

رب بيت هذا شنو نوب 😂😂😂😂

[@M11pi]

@@VvVv-vd5lh واحد عطال بطال مهمته يطبخ ينظف يحفظ الجهال يلبسهم علما تجي زوجته من الدوام

[@hawraaadel5125]

كل التوفيق 💗

[@user-zi7bc5bp6d]

شوما دورون لا محلله ولا بصرية ولا تخديرية ولا ممرضه، شو تضربون بالعالي؟!🗿

[@user-zi7bc5bp6d]

@@user_drqooin حسب ، هذا رأيك يبقى !

[@5z19]

الهن الله 😂😂

[@amory3524]

هههههه

[@lifeisbeautiful6612]

المهم لازم يعرف العربي اذا زوجته تصرف ع نفسها فتسقط قوامته لايحق له التحكم بها أو أمرها.. لأن لاينفق القوامه مقرونه بالنفقة

[@mariam-987]

صح يصيرون متساوين لان ثنينهم يصرفون ع البيت و لازم يشاركها بكلشي مدام يتعبون نفس التعب

[@lifeisbeautiful6612]

@@mariam-987 مشكله اغلب النساء لاتعرف حقوقها.. تصرف..و القوامه للذكر

[@thespiteful1894]

بعدك عايش بالقرن 6 ميلادي الدنيا تغيرت و صارت جميع تناقش في اتخاذ قرارت البيت حتى نوصل لمرحلة وعي وقيادة مو بعدنا بالسالفة قطيع اعمى يتبع القيادة

[@user-km7wq3ws7i]

@@thespiteful1894لا 😂😂😂😂 انا اما اقول كذا تشاركني في القرارات واستشيرها الرسول صلى الله عليه وسلم كان يستشير زوجاته انا اتكلم من هو القائد المنزل الاب الزوج هو القائد انا مسؤول عن المصاريف كلها اذا كان مصاريفها الخاصة او حتى كماليات انا المفروض اجيبها مو هي اوكه اولا شرط في الدين يكون عندك نفقة كيف تتزوج وانت تساعدك هي في المصروف 😂😂😂😂😂😂 روح

[@Walid-bv9vy]

الإنفاق هو أحد أركان القوامة لا كلّها

[@fofa26975]

هو اكيد الدافع مادي وباقي الامور تأتي لاحقا .

[@asnkasnk6774]

غلطان ... الطبيب يكدر يتوفر بالبيت ساعات معدوده ، فيختار وحده نظام دوامها نفس أوقاته وفاهمه وضع دوامه ، ممثل من يختار من غير وظيفه يكون دوامها بزايد ٦ او ٨ ساعات ، الوقت الباقي راح يكون وحدها وراح تتحمل اغلب المسؤوليه، ، إضافة انو راح تحس عايشه اغلب وقت وحدها .
اما اذا كانت ربة بيت فهده الطامه الكبرى ... البنت هيج راح تتحمل المسؤوليه كامله وراح تحس مهمله وهو يجي خطار ساعات نصهن نايم ،
تبقى موضوع اثنينهم دكاتره ... بالنسبه الهم تمشي الأمور.. لكن الأطفال راح تعاني مشكله راح يردون ام ووقت تبقى يمهم ويحتاجون اب ... والا هيج راح تتركهم عد اهل عد مربيه عد حضانه ... وهذا اكبر غلط .

[@straychuu]

عن نفسي ما اتقبل فكرة انو الشخص الي المفروض يتفهمني واتفهمه يريد يحط حدود للأشياء الي ببالي اسويها

[@user-km7wq3ws7i]

لا تتزوجي 😂😂😂😂

[@straychuu]

@@user-km7wq3ws7i لو الزواج يمنعني عن احلامي ؟ اكيد لا

[@user-km7wq3ws7i]

@@straychuu امزح ياخي ولكن لازم يكون في قائد في البيت وطاعة الزوج واجبة اما اقول كل شي يقول نعم ولكن على الاقل طلب شي يعني في القائد وانتي نائبة 🫡

[@sorrowful_26]

بس عوفو هاي الأنانية والأريد وأريد ، هواي شغلات راح تضطرون تعوفوهه من تصير عدكم عائلة واطفال في سبيل مصلحتهم مثل ما اهلنه ضحو وعافو هواي شغلات علمودنه

[@straychuu]

@@user-km7wq3ws7i طاعة الزوج واجبة بس انا م تزوجته بعدني ليش اطيعه ؟ بعيداً عن رغبتي لو كنت احبه اكيد

[@user-zain-1._]

وايضا الطبيب والطبيبة مشغولين اكثر وقتهم مو بالبيت ف هذا ايضا سبب نكدر نكول🤝 وصراحة الطب العام شوي صعب الواحد لازم يفكر قبل لا يدخل الة لازم يفكر ف بالمواد وبدراستة وباللغة وهيج شغلات لان اكو تندمو من دخلو طب واكو هم تلكاهم يتخرجون وما فاهمين ذاك زود

[@JdEue]

ههه صح كلامج

[@user-zain-1._]

@@JdEue انة ولد + اي 🤝

[@noqta23]

راقي دكتور الله يحفظك ويوفقك

[@OthmanQutaiba]

اجمعين ان شاء الله

[@Tharat2]

شكراً للمحتوى الجميل

[@Doctor-2000]

والله خليت النقااط عالحرووف شكرا الك مبدددع💪🌹♥️

[@Ali_225]

ولو مو يم تخصصي بس الموضوع و التفكير رهيييييب

[@user-or1ve5kj7l]

حياة الطبيب او الطبيبة حياة معقدة وانا لا يمكن ازوج طبيبة لا والله لان ما افتهم منه كلشي اصلا هيه نفسه ممفتهمه من حياته شي والطبيب كذالك والي يمول واكعه بيدك يشهد الله قبل فترى طبيبة ازوجت واحد مزوج واكبر منه واكثر الطبيبات مجايه قسمتهن يا رب يستر على جميع اخواتنا المؤمنات

[@user-jv9tg4dq7u]

كلامك دُرر .

[@J_cob764]

لمن جنت بالسادس اعدادي. كان عدنا بالصف بنية طويلة شوية والمرشدة خلتها تكعد ليورة لكن هي متشوف. فرحتلها كتلها ليش متلبسين نظارات. كالت ابوية طبيب و امي طبيبة وما عدهم وقت يودوني افحص و اسوي نظارة. ولا دا اشوفهم اصلا. تخيلوا هذه طالبة سادس ماتحصل على الدعم الكافي من اهلها و اكيد اهلها مو متقصدين. فالقصد اذا انت طبيب و متزوج طبيبة او العكس و ما عدكم وقت تعتنون باطفالكم لتجيبون اطفال من الاساس لانهم بالمستقبل حيعانون من فقدانكم بحياتهم بالكثير من الجوانب.

[@fatimaahmed8876]

والله لا بلموظفة ولا بربة البيت هيه بالإنسان نفسة اذا يريد يربي اطفالة ويكفيهم عاطفيا ويهتم بيهم حيهتم اعرف ربات بيت مهملات واطفالهن لا دراسه لا نظافه واعرف موظفات أطفالهم يلمعون وشاطرين ومهتمين بيهم حيل واكيد اكو العكس ربات بيت شاطرات وموظفات لا هل حجي ينطبق على المرأه نفسها وايضا على رجل نفسة ماله علاقة بوظيفة

[@user-kz3ts8of4d]

😂اجَمل دكتور❤
+ ممكن تخلى رابط قناة التلكرام بالوصف مال الفيديو 😅
ضحكتك😂😂😂5:23

[@OthmanQutaiba]

ان شاء الله

[@user-qs6eu4xx1n]

عاشت ايدك حيل خوش موضوع

[@EmergencyMedicineInIraq]

بارك الله بيك دكتور

[@AhmedSalvatore]

كلامك جدا منطقي
اني مقرر زوجتي المستقبليه تكون ربة بيت، لان برايي تربيه الاطفال والعنايه بيهم وبيه اهم من أي شي لاخ.
وبالنسبه للدخل ف هاي مسؤوليه الرجُل فقط.

[@user-vo4ns2tw3p]

اخذ ربة بيت مثقفة حتى تربي صح وواعية

[@AhmedSalvatore]

@@user-vo4ns2tw3p
شي أكييد
شُكرا ع النصيحه :)

[@user-km7wq3ws7i]

@@user-vo4ns2tw3pاكيد متعلمة على الاقل ثانوية انا باذن الله بعد ما اشتغل سوف احاول قدر المستطاع اوفر احسن حياة كريمة ان كان من ناحية التربية والدين وان الرعاية وتعاليم وترفيه اكون قدوة صالحة لعائلتي

[@user-km7wq3ws7i]

تفهم يا جميل 😂😂😂😂

[@user-sx6pu8up4o]

​@@AhmedSalvatoreأخذ معيدة بالجامعة بس صغيرة بالعمر،أو عدها ماجستير

[@saqar2806]

صراحة فكرة طبيب وطبيبة يكونون عائلة برأيي صعبة كلش
اني والدي ووالدتي اطباء، وعن تجربه الطرف المتضرر الاول هم الابناء
صحيح العائلة مرتاحة ماديا وما تحتاج، لكن تفتقر لأهم عامل وهو تواجد الابوين بشكل مستمر ،
ابسط الامور هو تواجد الام وياك بالمدرسة كلش ينطيك دافع وتحفيز، وتواجد الاب وياك وقربه منك بحيث من تحتاجة يكون موجود حتى يساعدك ومتروح تتهور وتتصرف بكيفك
وشي بسيط اخر هو حتى تحس اكو احد بظهرك ويسندك بحيث يصير عندك ثقة عالية بنفسك، ومتحس بنقص من تشوف غيرك من الناس وتواجد الاهل بحياتهم
وموقف يضحك صراحة مريت بيه قبل ١٢ سنه ولحد هسة اتذكره يعبر عن هالشعور، بأيام الابتدائية بالشتاء من جانت تمطر، والشوارع ما جانت مبلطة ف تصير طين والشوارع تغرك، ف احنه صغار جان صعب نرجع للبيت واذا وصلنه ف الطين واصل للركاب 😅، ف دائما جان يجي معاون المدير بالدرس الاخير ويگول " فلان تعال ابوك اجة عليك ياخذك للبيت" وتشوف الفرحة على وجه فلان ويسلم علينه ويروح يركض 😅، واني بهاي الايام جنت يا أما ارجع وي صديقي وابوه، يا أما ارجع وحدي لبيتنا، الّا مرة وحدة، جانت تمطر وجنت شايل هم شراح يرجعني، وجان يجي المعاون گلي ابوك اجة عليك، اني انصدمت بحيث گلتله خاف غلطان استاذ 😂، لحد هسة اتذكر الفرحة متنوصف من شفت ابوي ينتظرني بالباب
على الرغم من هالامور البعض يشوفهة تافهة، بس اللي يفقدهة يحس بأهميتهة
وما انكر اهلي تعبوا علينه وما قصروا وسووا اللي عليهم وزايد والحمدلله اني حاليا طالب طب ، لكن مجرد شوفتهم بوضعهم وتعبهم كافية ان تسلبني الراحة وخصوصا والدتي
والاولاد يحتاجون للابوين بفترة نشأتهم ويكونون متواجدين ويراقبون ابنائهم بكل لحظة من لحضات حياتهم،
وخصوصا الحياة هسة تختلف عن السابق بهواي بوجود الانترنت وانفتاح الناس على هواي امور، و اهم عامل يحافظ على الطفل من الانحراف والانجراف ورة الامور السيئة هم الابوين
ف هيج طبيب وطبيبة يكونون اسرة صحيح ممكن يرهم بالتفاهم والتعاون، لكن شي كلش صعب
واني عن نفسي حاليا لازم روحي خاف تعجبني وحدة وياي بالكلية واورط جهالي بالمستقبل 😂

[@58.1]

فرح اطفالك بالمستقبل وسويلهم الاشياء الي جنت متمني ابوك يسويها الك... الله يحفظك

[@ayod-25]

ربة بيت تصونك احسن من الف موظفة.. واني طبية ومن اشوف البنات بالمستشفى شون يتخالطون ويشاقون ويا الاطباء انقرف من شي اسمه موظفة

[@Zahr.739]

أني والدي موظف وشغله عادي ووالدتي ربة بيت والأشياء الذگرتها فا حتى أني بحياتي ماشفتها ولا بيوم أهلي اجو عليه وخصوصًا والدي بالمدرسة ولامرة ومن يصير اجتماع اباء الگل اهاليهم يحضرون إلا والدي مايقبل يروح ويظل يطلع أعذار+ هو صح حياة الدگتور صعبة وخصوصًا الأطفال يحتاچون لأهلهم وياهم بالبيت لأن زوج خالتي دگتور واغلب وقته برا البيت وحتى جهاله تحسهم مايحبونه أو مو قريبين منه وحتى هو تعامله جاف وياهم وبس عصبي وقاسي وياهم ولا گانوا ابناءة بالرغم هو موفر الهم حياة زينة بس ماتحس اگو حب لابوهم بداخلهم وهالشي يبين من تصرفاتهم وعدم احترامهم لابوهم أو گلامهم عنه..

[@ayod-25]

@@JdEue روح اتزوج الخطية وعيش اللحظة

[@JdEue]

@@Zahr.739 ليش خطيه

[@i.black.dark.i]

احسنت بارك الله بك

[@Noorhan99]

سبحان الله كلكم نفس التفكير
تكول عليها تقبل التقصير!
زين ليش ما تحاول تنطي نفس الي هي تنطيه ليش ما انت هم تساعدها وتعيشون بمساعدة وبمساندة بعض لان هي مو روبوت تصير طبيبة وربة بيت بنفس الوقت وتجي تكول تقبل التقصير! هي هم بنفس مستواك

[@VENOMtxt]

صحيح نوعًا ما بس غالبية الاطباء الرجال يشتغلون مو بس بعياداتهم هم يشتغلون بالعقارات والسيارات ويستثمرون فالشغل طاغي على وقتة كلش .... كيف ممكن يجي ويطبخ مثلا اصلا بالحلم ماكو رجل يشغل اغلب وقتة ويجي يطبخ واذا اكو خير وبركة .... هو يحجي واقع الاغلب مو الحالات الخاصة لان طبعا اذا كان الرجل عندة شغل خارجي ويكدر يتفرغ اكيد عندة وقت يدرس الاطفال او يرتب البيت ..... بالنهاية احنة الطلبة نشأتنا ببيوت مثقفة ودارسين وفاهمين اكيد ولو عدنة مصدر دخل بدون شغل حتى( الصحون نغسلة 🧢😅)

[@Noorhan99]

@@VENOMtxt من وين جبت الاغلبية من الأطباء يشتغلون شغل خارجي؟ لا هو يريد من ينتهي من دوامه و عيادته يشوف كلشي جاهز بدون تقصير مثل ما يكول زين وهي؟ ايضا الها شغل ودوام وعيادة وضغط غريب أمركم الصراحة...( ونعم اكو بيهم خير وبركة يقدرون انه المقابله ايضا انسان 🧢🧍🏻‍♀️)

[@VENOMtxt]

@@Noorhan99 كل اصدقائي واقربائي الاطباء والدكاترة حاليا عدهم اعمال خارجية لان العراق بعد 2017 صار اسهل ربح بي هو العقار وهو استثمار غالبا مو عمل اداري لان وقت ميكفي .... لهذا اغلبنا بالمستقبل مراح يعتمد على عيادة فقط ..... + هو بعد كلمن وفهمة للامور وطبعا هواي الي يقدرون عمل الزوجه وينظمون حياتهم على اساس متوازن ..... بالتوفيق دكتورة

[@user-tu5pq1sx4v]

اني امي تشتغل بالنهار دوام برئاسة الصحه و القطاعات و تشتغل ب دوام مسائي ب الجامعه يعني ماما تروح من 8 الصبح و ترجع 8 بالليل و بابا يشتغل بمحل لأن ما عنده شهاده ف يضل من الصبح لليل بالمحل و عندي اخ واحد اكبر مني و هم قافل غرفته عليه و اضل طول اليوم وحدي و من يرجعون اهلي يضلون بس يتعاركون ها امداني ما اخذت ربة بيت تعتني بيه و هي هم تريد طبيب يتفهمها و بطفولتي چنت اعاني من توحد و اكتئاب و من كبرت لازلت اعاني من توحد بس صار عندي حساسيه زايده على اقل شيء ابچي و ها البنات ب مدرستي يتمنون حياتي انو امي الها مكانه بالصحه و ماعندي اخوات و اخويه ما يتدخل بيه بس صدگ الي مجرب هي الحياة يعرف انو خر،اا و اذا تردون تصيرون اطباء ف لاتجيبون اطفال والله يتبهذلون بحياتهم ويصير برود مشاعر بين العائله اخويه راد يموت گدامي و اني ولا دمعة نزلت مني عليه لأن كل الي اعرفه هو شخص متوحد و مكتئب نفسي ما اعرف هو منو بالتحديد ف صدگ عيشه خرا بس شنگول الحمدلله

[@user-xe3qe8sy3j]

المشكلة مو بالوظيفة مال امج و ابوج ، المشكلة باخلاقهم و دينهم ، حاولي تتوجهين لرب العالمين و ادعيه يزقج بزوج عكس اهلج و مو بعيده عل رب العالمين انه رحيم بعباده

[@user-tu5pq1sx4v]

@@user-xe3qe8sy3j يا زوج بعدني ثالث متوسط

[@fatimaahmed8876]

والله حبيبتي امي ربه بيت وبابا عمل حر اربعه وعشرين ساعه بغرفتي واخويه بغرفته لو طالع يجي بليل لو اشوفه لو ما اشوفه تخيلي اني وامي بلبيت تمر ايام ما نلتقي ما نتشاوف واكتئاب وكلشي وامي ربة بيت فوالله صوج مو الوظيفه ولا شي الصوج بيهم همه ✨

[@jasimjasim9747]

ادري امج ليش متكتفي بالدوام الصباحي اله داعي دوام مسائي من هايه قيسي شكد اكو بشر همه الماده حقه والدج فعلا المفروض الساعات اللي تخلصه بالدوام الثاني تنطيه لبيته وأولاده ولنفسه يعني ترجع للبيت شنو حاله اكيد منهكه وماله خلك اي شي انصحيه انتي وكوليله محتاجتج عسا ولعل تفرغ نفسه الكم​@@user-tu5pq1sx4v

[@user-tu5pq1sx4v]

@@fatimaahmed8876 الله يساعدچ حبيبتي+صدگ الصوچ بيهم💔

[@Eshoo44]

دكتور طب الأسرة ياريت تحچي عنة أكثر هالاختصاص كلش ب بالي بس مشفت احد شارح عنة بشكل كافي + هوا صح شغلة خفيف وماكو خفارات ؟

[@OthmanQutaiba]

ان شاء الله

[@haliinternicola525]

Love concord!! Each person will find a way to make it work.

[@H1rrr]

عاشت ايدك حبيبي ملش عجبني كلامك ❤

[@user-fatmaa9]

دكتور اشرح عن شلون الطالب يطلع اول ع الدفعة وشلون يدرس وع اي مصادر لكل مرحلة
وبعد اشرح عن طب الاسنان بصورة دقيقة يعني بعد التخرج شنو حرفيا ما اعرف بعد التخرج غير اكر شيء اسمه اقامة وما اعرف شنو اقامة ☹️

[@Persononearth757]

دكتور مواضيعك مفيدة وطريقة عرضك واسلوبك ممتاز
شكرا

[@OthmanQutaiba]

تسلم حبيبي
العفو

[@DoctorEthar-pu6ef]

شوف تعب الطب وضيمة وحسرة عليك كُلشي لا تنخدعون بالفلوكات الطبية

[@user-xf7hc3gw1i]

حتى يستفاد من اختصاصها في فتح العيادة وتكسبها ماليا.حاليا تكثر حالات الطلاق في هذه الشريحة لعدم الانسجام وخلافات ماليه.

[@user-gj9vm2ow4r]

والله بهالوقت تحسه شرط الدكتور ياخذ دكتورة وخاصه الاهل ابني دكتور لازم يتزوج دكتوره او بنتي دكتورة لازم تأخذ دكتور
والخيانة وين ماكان موجوده

[@kp-dp6kz]

اني صراحة مفكر اخذ موظفة بالتربية هواي احسن حتى لو خريجة لان هواي تفرق

[@BaneenAbbas-em3zx]

طبعا اني اختي تربية وزوجها صحه مناسبين عندها عطل هواي

[@kp-dp6kz]

@@BaneenAbbas-em3zxبالضبط هواي افضل

[@Ali-nw9jf]

عاشت ايدك دكتور❤❤

[@OthmanQutaiba]

ايدك العايشة

[@user-wv6qh6yt7g]

ورده دكتور❤