✨現場實況：👩🏻‍🎤鄭秀文揭周殷廷🧥低胸西裝褸調戲🤤「今日點解冇除衫？」🤩自嘲變師奶👩🏻‍🦱贈前排飛🎫予菜檔🥬老闆一家👩🏻‍🤝‍👨🏼｜Viu1 現場實況

✨現場實況：👩🏻‍🎤鄭秀文揭周殷廷🧥低胸西裝褸調戲🤤「今日點解冇除衫？」🤩自嘲變師奶👩🏻‍🦱贈前排飛🎫予菜檔🥬老闆一家👩🏻‍🤝‍👨🏼｜Viu1 現場實況
Sammi鄭秀文紅館個唱《You & Mi 鄭秀文世界巡迴演唱會2023》（Rescheduled ），噚晚第8場嘉賓係YT周殷廷，二人拖手合唱《不要驚動愛情》，勁Sweet！YT表示：「其實今次唔只係我第一次喺紅館唱歌，我仲係第一次做演唱會嘉賓。」Sammi勁興奮又再爆Seed：「我想問吓你，今日點解冇除衫，你平時成日除衫，睇到大家心心眼！」更揭開YT件低胸西裝褸扮偷睇，勁搞笑！YT謙虛話：「你先係肌肉擔當！」前輩Sammi即沾沾舉起雙手展示肌肉，「『排骨文』練到『大隻Mi』，真係唔少嘢㗎！」
Encore部份，有位小男生上前獻花，Sammi即驚喜大叫：「佢哋係我平時買菜嘅菜檔老闆一家四口，我請佢哋嚟睇，真係嚟咗，好sweet呀！去幫襯吖，跑馬地菜檔。幾驚你哋唔嚟，我千叮萬囑，第一、二行㗎，唔好畀人呀！你哋真係嚟咗，我好開心，多謝你哋！」Sammi又自嘲生活變得師奶，唔再行街買衫，而係行街市買餸。Sammi又特別多謝觀眾支持：「我哋約定四個字：一齊變老！」有洋蔥呀！
完場後，Sammi衫都未換就立即跑出紅館外，為過百位歌迷簽新唱片，簡直係有求必應。而噚晚嚟捧場嘅圈中好友包括方力申、衛詩雅、當奴、俞琤同麥兆輝導演等。
#Sammi鄭秀文 #周殷廷 #世界巡迴演唱會 #第8場 #不要驚動愛情 #揭低胸西裝褸 #調戲 #冇除衫 #自嘲 #師奶 #贈前排飛 #菜檔老闆 #Viu1娛樂新聞 #Viu煲劇平台 #Viu1 #Viu #現場實況
記得Subscribe Viu1HK嘅CZcams Channel，Follow埋IG同Facebook page呀👇🏻
___________
►訂閱 Viu1HK CZcams Channel: bit.ly/3lYFNLW
►追蹤 Viu1HK Instagram: / viu1hk
►讚好 Viu1HK Facebook page: / viu1hk
►觀看更多精彩內容：www.viu.com