Asuya Ni Masat Tawn Da Ai Uphkang Gaiwang Ni Hpe Tsang Hte Tsang Gara Hku Tsun Lang Nga A Ta?
Vložit
- čas přidán 5. 09. 2024
- Asuya Ni Masat Tawn Da Ai Uphkang Gaiwang Ni Hpe Tsang Hte Tsang Gara Hku Tsun Lang Nga A Ta?
𝕭𝖆𝖙 𝕾𝖍𝖆𝖌𝖚 𝕷𝖆𝖒𝖆𝖓𝖌. By Ah Pan. 22 June 2024 - Kachinwaves
Ndai bat na Jinghpaw lamang hta gaw asuya ni hku nna uphkang gaiwang daw hte daw, tsang hte tsang masat tawn da ai hpe, Jinghpaw ga hte tara shang gara hku jai lang nga ai hpe Wunpawng Mungdan Shanglawt Hpung (KIO) a uphkang gaiwang masat shamying ai lam hpe mahta nna, ngai shisawk Ah Pan tang madun mat wa na re. Dai masat tawn da ai uphkang gaiwang ni hpe Myen ga hte Jinghpaw ga lahkawng gapyawn nna tsun dan mat wa na nngai.
Shawng nnan, Myen hku ကျေးရွာအုပ်စု ngu ai, mare kaji ni hpe pawng nna masat tawn da ai uphkang gaiwang hpe Jinghpaw hku Ninghtawn ngu tsun ai. Myen hku တိုက်နယ် ngu ai hte mung mai shabung nga ai. Mare kahtawng ကျေးရွာ ngu ai gaw မြို့ muklum gaiwang shinggan na mare ni hpe madung tsun nga ai. မြို့ muklum kata kaw gaw ရပ်ကွက် lawk ngu nna masat jai lang nga ai re.
Ga shadawn, Myen asuya ni masat tawn da ai uphkang gaiwang hta Nawng Nang gaw ninghtawn (နောင်နန်းကျေးရွာအုပ်စု) langai rai nga ai. Nawng Nang ninghtawn kata hta Mai (10) mare, Mai (8) mare ni lawm nga ai.
Ninghtawn (Village Tract) hta grau kaba ai gaiwang gaw, Ginwang Daw (Township) rai nga ai. Ginwang Daw gaw Myen ga hku မြို့နယ် ngu ai re.
Dai zawn sha, Ginwang Daw hta grau kaba ai uphkang gaiwang hpe Ginwang (District), Myen ga hku ခရိုင် ngu masat da nga ai.
Ginwang a ntsa kaw na uphkang gaiwang hpe gaw, Ginwang Ginjaw ngu nna Wunpawng Mungdan Shanglawt Hpung gaw masat uphkang hkrang shapraw nga ai re. Ndai ginwang ginjaw (Division) gaw Myen asuya a uphkang gaiwang atsang masat ai hku nga yang တိုင်းဒေသ hte bung nga ai.
Mungchying Uphkang Dap [(Department of General Administration - DGA) (အထွေထွေအုပ်ချုပ်ရေး ဦးစီးဌာန)] a uphkang atsang Ginwang Ginjaw hte Wunpawng Mungdan Shanglawt Hpyen Dap (KIA) a Dap Ba uphkang madang hte bung nga ai. Ga shadawn; ya hpang jahtum hpaw dat ai, KIA a Masat (11) Dap Ba gaw DGA a Nmau Ginwang Ginjaw rai nga ai.
Raitim mung, KIO masat tawn da ai uphkang gaiwang ginra hte Myen asuaya ni masat tawn da ai uphkang gaiwang ginra ni n bung ai zawn, Ninghtawn, Ginwang Daw, Ginwang, rung dung ai mare, muklum mying ni mung n bung nga ai re.
Masat da ai uphkang gaiwang tsang ni hta hkan nna mungchying uphkang du ni a arawng aya ni hpe gaw;
1. Ginwang Ginjaw Uphkang Du - တိုင်းဒေသအုပ်ချုပ်ရေးမှူး (Division Officer - Div.O)
2. Ningtau Ginwang Ginjaw Uphkang Du - ဒုတိယ တိုင်းဒေသ အုပ်ချုပ်ရေးမှူး (Assistant Division Officer - A Div.O)
3. Ginwang Uphkang Du - ခရိုင်အုပ်ချုပ်ရေးမှူး (District Officer - D.O.)
4. Ningtau Ginwang Uphkang Du - ဒုတိယ ခရိုင်အုပ်ချုပ်ရေးမှူး (Assistant District Officer - A.D.O)
5. Ginwang Daw Du - မြို့နယ်အုပ်ချုပ်ရေးမှူး (Township Officer - T.O)
6. Ningtau Ginwang Daw Du - ဒုတိယ မြို့နယ်အုပ်ချုပ်ရေးမှူး (Assistant Township Officer - A.T.O)
7. Ninghtawn Uphkang Du - ကျေးရွာအုပ်စု အုပ်ချုပ်ရေးမှူး (Village Tract Officer - V.T.O) ni rai nga ai.
Shiga hpe yu n-gun jaw nga ai mungchying sha ni yawng, asuya ni masat da ai uphkang gaiwang atsang ni hte uphkang du ni hpe tara shang gara hku jai lang nga ai hpe, Jinhpaw hte Myen ga lahkawng yan gapyawn nna shingdaw chye na la lu sana re ngu kam let, ndai bat na Jinghpaw lamang hpe ndai kaw sha jahkring da sai law.
Chyeju kaba sai.
✌✌✌✌✌👏👏👏👏👏
NDai lamang hpe Nshapoi Shalom yang kaja na re,Laga myen Sam ni hpe GA sharin jo hte bung ai majo.byin mai yang nshapoi ga.
,အစိုးရ ngu ai hpe Jinghpaw hku ganin gnu na kun I?
officer - si nat gun hpye ai asuya magam gun aw fi ser
official - si nat n gun ai mung masha hkying ai WUN HTAN. ah fi shal
dai Sam mung de shawng lam ning hkring ni hte bawm hpyen ni hte seng na shang lawt gyin jaw ning baw ni hku na mang hkang garai nkaba shi yang lawan tsun hpa ran kau yang she mai na re ten ni na wa jang gaw kadai mung lak nak lang taw ai re majaw sat hkat wa ai lam ni byin wa na re
I think that is called, "Mung uphkang Du" ni or " Mungdu ni" ngu na rai ma ai.