{الأسبوع ف كيس}(311) بات مان يا أخانا.. كيف العتمة في الزنزانة؟
Vložit
- čas přidán 6. 07. 2022
- النظام المصري البائس ده ساعات بيصعب على الواحد والله ..مكتوب على قورته كده عدم التوفيق والفضيحة في كل المجالات ، من اول السياسة لحد الأخلاق..مبيلحقش يا عيني يستغل اي حادثة أو واقعة طرفها المواطن الرعريع الجاهل عديم الوعي ، عشان يلبسه لوحده اي فساد أو انحلال أخلاقي معطل جهود التنمية البلحية ، الا ويقوم مهبود خبطة فوق دماغه تعريه وتكشف مساوءه هو .. يشتكي إن الناس بقت تسرق وتمد أيدها على حاجة غيرها ، تطلع له قضية فساد وزارة الصحة ، ويتقفش له لوا ومحافظ سابق وهو بيسرق ميدالية صفيح بالصوت والصورة..يرموا كل التهم والبلاوي على سكان العشوائيات ، والشباب الجاهل البلطجي، فيجيلهم المتربي المتعلم تعليم اجنبي ابن وزيرة الهجرة ، يديهم كشاف على عينهم ويدبحلهم بالجوز مرة واحدة..يسخروا الإعلام على مدار أسبوع بعد جريمة المنصورة ، يشتم في الشعب اللي مش عارف يربي عياله ، ويعيطوا على الأخلاق والنخوة اللي راحت ، فيطلع لهم القاضي اللي بيقعد على منصة يحكم بين الناس ، سيادة نائب رئيس مجلس الدولة المستشار أ.ح.. اللي هو بدون ذكر اسماء أيمن حجاج عشان حظر النشر ، يديهم كرسي في الكلوب بأبشع طريقة قتل ممكنة لزوجته المذيعة.. واللي تفاصيل التحقيقات فيها اللي كشفت حجم الفساد والتربح واستغلال النفوذ.. بتؤكد على صدق تصريحات وزير العدل السابق ، لما قال إن مينفعش ابن عامل نظافة أو حارس عقار يبقى قاضي..عشان ده الواقع ، الناس المحترمة الشقيانة دي مش هتعرف تبقى بالاجرام والفساد ده .. وعلى صعيد آخر..
قطع لسان اللي يقول على فنانتنا الجميلة الموهوبة غادة والي أنها حرامية لوحات ، وياريت اللي يتكلم في موضوع يكون عارف أبعاده..غادة والي مسرقتش تصميم اللوحات من الفنان الروسي وحطتها في مترو كلية البنات ، هي خدت الاذن من جوزها السيد ابو الروس كلهم شخصيا ..يعني الحكاية في بيتها والموضوع طلع عائلي اصلا ومن حكم في لوحاته فما ظلم .. وبعدين انتوا المفروض تشكروها مش تهاجموها ، اللوحة الأصلية الرسام كان معري رجلها ..هي بقى حطت التاتش بتاعها ولبستها جلابية ، ده جزاتها يعني عشان حاولت تسترها ؟
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
احلى شي بالاسبوع في كيس كثرة المواضيع يلي كل تعقيب و إفيه على مقطع ومشهد ممكن ياخد مساحة وحلقة كاملة ع منصة تانية
انا كمواطنه روعريعه بقولك ربي يعطيك العافيه
قالَ رسولُ اللهِ ﷺ «أولَى النَّاسِ بِي يَومَ القِيَامَةِ أكثرُهُم عليَّ صَلاةً» ❤♥️
لما يكون النظام وإعلامه بيكدبو وعارفين انهم بيكدبو وعارفين ان الشعب عارف انهم بيكدبو دا معنا انه لسان حالهم بيقول :
عبقري يا بحيري ولان الصدق والبساطة واللباقة والحضور هي سماتك علشان كدا رسايلك بتوصل للناس وبتؤثر فيهم
برنامج هايل ودسم ومعلوماتك وتحليلاتك تدل علي وعيك وثقفتك أ/أحمد تحياتي لحضرتك ومن تفوق الي توفق وكل سنه وانت طيب يامحترم
فك الله كرب الإخوان و ثبت قلوبهم و تقبل جهادهم 🇲🇦🇫🇷
اجمل برنااامج...ابدااااااع...
تعرف يا ريس بتفكرني بايه ‼️
تحية للاعلامي الصاروخ
كل وقفة عرفه وانت واهل بيتك واحبابك وكل لحظة وانتم بخير وصحة وسعاظة وامان يا بحيري يارب ربنا يجبر بخاطرك ويسعد قلبك دنيا واخرة يارب
أهلا وسهلا بك زائرنا الكريم فيلسوف اليوتيوب وموسوعة الفكر والوعى ا أحمد البحيرى المحترم
يا ريت يا استاذ احمد تبقى تخفض صوت عمرو اديب والله كمية إزعاج تدمر خلايا الأذن
انت مبدع يا استاذ أحمد حفظك الله ووقاك كل شر ونفع بك وفرّج الله عن المسلمين المستضعفين في كل مكان.
الأسبوع فى كيس من اجمل البرامج
كل عام وحضرتك بخير أستاذ أحمد... تحياتى لحضرتك ولكم جزيل الشكر والتقدير على حسن المتابعه 🌹🙏🌹
تحياتى وتقديرى لشخصك المحترم ونقدك البارع وفكره زلومة بينوكيو الكاذب دى فكرة رائعة وربنا يخلصنا قريبا من زبالة المعرضين و عوصهم الكاذب قريبا بأذن الله تعالى
حدثنى عن سعادتك لما تشوف اشعار الاسبوع ف كيس
كل سنه وانت طيب وبالف خير حضرتك والاسره الكريمة. ربنا يبارك فيك ويحفظكم وايه الرد دة،
كل عام وحضرتك بخير وصحة وسلامة وجميع المتابعين الكرام واسرتك الكريمه بخير وصحة وسلامة وينعاد علينا وعليكم بالخير واليمن والبركات 🌹